Ro i Som Muro 12
12
Pita wis Abum ta Mano' Wi
1A nasi myan mii Makai Herod kaa' shini ta suɓut i som koltifai yi, ɓa u fas shum. 2Kin si for Jemis, nusus i Jwon ti awal. 3Myan ima ɗingi Ju si jakak, unai ka' Pita hwak. Mai fur si myan i got i Pissihai. 4Takfai tima ka'us, kinus ta wur i shitam ta ra i som ɓwol hure mulang taan, ima si kaartus ɓaras-ɓaras, sin ɗing sus ta. Yis ti ta mulut nyai, takfai ti kunggo ma wa mulang tus ya ta wei i ɗufal, u lefus ɓur hai. 5Shak ta andi, myan ima Pita yis ta wur i shitam, som koltifai si kin hai ti mwawei fwal ti DeeƁwe ɓur sus.
6Tasi fo'i Herod yis mbe'i ɓa wasan u lang ti Pita ya u totus ɓur. Pita yis ɗarak ta saa ti som ɓwol apil, si no'us ti shitam apil, si futi som i ɓwoli. Som i ɗing ti wur i shitami hwak sin ta fo i mahom. 7Fo abet malu' i Deembai pwak ya, kweneng kof ta ɗom i mano' i. Pa Pita ta si ɓwai i kon ɓushos, nyus, “Lukka fit kang!” Unai shitami si ndakus ta ra i Pita. 8Unai malu'i nyus, “Ru'a arom ama, ta kpakasaki.” Pita masi ta ngga' ima lakus ta. Unai malu'i nyus, “Gu'a mogo ama, ha kolfai a suni.” 9Unai Pita kolfai asussi, kaciwa' shangi nyai aɗeng ima malu'i ma masi a mwawei. Ma nyai ashang a fiɗyat ma masi. 10Si lang fo i mahom i bya' i hai hu mapil, si kol ta kwap i shitam mbai i mulang ta ashwai, kwapi matɓu ti haisus. Myan ima si wa ta fisel nin, fo abet malu'i honus ta.
11Unai Pita humkyel ta ambe' ames wi ni, “Mwashi i shangi a awei! Deembai ro malu' ames ɓa u bumun ta ra i Herod, hu shak aɗeng ima som Ju si ɓweti masuni.” 12Ti ɗingi andi, Pita wa ta wur i Uryam, na sus ti Jwon ima si lai ii Mak. A ta kyeli ɗufal hyang si suɓut ta, sin fwal ti DeeƁwe.
13Myan ima kunggwak fo i kwapi, al mu ro ta wuri mu asum Uroda, ti wa ɓa ti ɓu fo i mahomi ya. 14Myan ima ti hal a la ti Pita, ti jakak fwet, ti humut kyel ti tital kaciwa' ɓwai ti fo i mahomi ya. Ɗak ti lak kus ti ni, “A Pita ma mangra ta fo i mahom!” 15Unai si nyut, “Shima wangan ani!” Unai ti cu wei ti lwesheshat nyai andi, unai si ni, “Ashang a malu' ames.”
16Shak ta andi, Pita cu wei ti kunggwak ti kyeli, unai si ɓu foi i kwapi ya si ɗingus, si shok na fwai. 17Unai Pita masusi ti ra nyai, ɓa si te cakat, ɗak mbas ngga' ima Deembai langtus ya ta wur i shitam. Ɗak lakus hwak ni, “Lak hun Jemis hu anggum i shunukani ɗamam mii.” Ɗak lang ya, wis kyel nin.
18Mwen ti ɓu, som ɓwol si wis muring hyang fwet ta saa yusti, si aɗeng ima wis Pita. 19Takfai tima Herod farus wet, lulus wet ta kyel i som i fwang ti wur i shitami, kin ɓa si fwarus ya.
Mot i Herod
Unai Herod lang ta Judya, wa ta Kaisarya mas mukonan ta.
20Ai, Herod yis futut ti som i Taya hu Saidon fwet. Unai si yes kyel i Herod ti fo andek, si far voti mas ta kyel i Blastus ima a yis mata nggas ti Herod. Si fwal mute cala, ɓurti si fati njeng ames tasi ashwa ti makaiyi hai, ɓurti ii ta kyeli si wis ti cwa ames ta.
21Tasi mwen tima si kini, Herod ru' arom i kaitat ames, te amun si kunggul i kaitat ames hai, ɗak findel ɗufal. 22Unai si taanja si ni, “Hal huni kwai! A la ti deeɓwe nin, a ti maɗufal kwa!” 23Ta kyeli fo abet, malu' i Deembai pa Herod, ɓurti fa DeeƁwe ngye kwa. Unai rundwas si fur cwaisus ya yes mot ames.
24Shak ta andi, findel i DeeƁwe cu wei, yis a ɓata ngye. 25Myan ima Barnabas hu Sool si pun ro ames, si humkyel ta Yerushalima akul hu Jwon ima si lai ii Mak.
Currently Selected:
Ro i Som Muro 12: AlisIRonNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018
Ro i Som Muro 12
12
Pita wis Abum ta Mano' Wi
1A nasi myan mii Makai Herod kaa' shini ta suɓut i som koltifai yi, ɓa u fas shum. 2Kin si for Jemis, nusus i Jwon ti awal. 3Myan ima ɗingi Ju si jakak, unai ka' Pita hwak. Mai fur si myan i got i Pissihai. 4Takfai tima ka'us, kinus ta wur i shitam ta ra i som ɓwol hure mulang taan, ima si kaartus ɓaras-ɓaras, sin ɗing sus ta. Yis ti ta mulut nyai, takfai ti kunggo ma wa mulang tus ya ta wei i ɗufal, u lefus ɓur hai. 5Shak ta andi, myan ima Pita yis ta wur i shitam, som koltifai si kin hai ti mwawei fwal ti DeeƁwe ɓur sus.
6Tasi fo'i Herod yis mbe'i ɓa wasan u lang ti Pita ya u totus ɓur. Pita yis ɗarak ta saa ti som ɓwol apil, si no'us ti shitam apil, si futi som i ɓwoli. Som i ɗing ti wur i shitami hwak sin ta fo i mahom. 7Fo abet malu' i Deembai pwak ya, kweneng kof ta ɗom i mano' i. Pa Pita ta si ɓwai i kon ɓushos, nyus, “Lukka fit kang!” Unai shitami si ndakus ta ra i Pita. 8Unai malu'i nyus, “Ru'a arom ama, ta kpakasaki.” Pita masi ta ngga' ima lakus ta. Unai malu'i nyus, “Gu'a mogo ama, ha kolfai a suni.” 9Unai Pita kolfai asussi, kaciwa' shangi nyai aɗeng ima malu'i ma masi a mwawei. Ma nyai ashang a fiɗyat ma masi. 10Si lang fo i mahom i bya' i hai hu mapil, si kol ta kwap i shitam mbai i mulang ta ashwai, kwapi matɓu ti haisus. Myan ima si wa ta fisel nin, fo abet malu'i honus ta.
11Unai Pita humkyel ta ambe' ames wi ni, “Mwashi i shangi a awei! Deembai ro malu' ames ɓa u bumun ta ra i Herod, hu shak aɗeng ima som Ju si ɓweti masuni.” 12Ti ɗingi andi, Pita wa ta wur i Uryam, na sus ti Jwon ima si lai ii Mak. A ta kyeli ɗufal hyang si suɓut ta, sin fwal ti DeeƁwe.
13Myan ima kunggwak fo i kwapi, al mu ro ta wuri mu asum Uroda, ti wa ɓa ti ɓu fo i mahomi ya. 14Myan ima ti hal a la ti Pita, ti jakak fwet, ti humut kyel ti tital kaciwa' ɓwai ti fo i mahomi ya. Ɗak ti lak kus ti ni, “A Pita ma mangra ta fo i mahom!” 15Unai si nyut, “Shima wangan ani!” Unai ti cu wei ti lwesheshat nyai andi, unai si ni, “Ashang a malu' ames.”
16Shak ta andi, Pita cu wei ti kunggwak ti kyeli, unai si ɓu foi i kwapi ya si ɗingus, si shok na fwai. 17Unai Pita masusi ti ra nyai, ɓa si te cakat, ɗak mbas ngga' ima Deembai langtus ya ta wur i shitam. Ɗak lakus hwak ni, “Lak hun Jemis hu anggum i shunukani ɗamam mii.” Ɗak lang ya, wis kyel nin.
18Mwen ti ɓu, som ɓwol si wis muring hyang fwet ta saa yusti, si aɗeng ima wis Pita. 19Takfai tima Herod farus wet, lulus wet ta kyel i som i fwang ti wur i shitami, kin ɓa si fwarus ya.
Mot i Herod
Unai Herod lang ta Judya, wa ta Kaisarya mas mukonan ta.
20Ai, Herod yis futut ti som i Taya hu Saidon fwet. Unai si yes kyel i Herod ti fo andek, si far voti mas ta kyel i Blastus ima a yis mata nggas ti Herod. Si fwal mute cala, ɓurti si fati njeng ames tasi ashwa ti makaiyi hai, ɓurti ii ta kyeli si wis ti cwa ames ta.
21Tasi mwen tima si kini, Herod ru' arom i kaitat ames, te amun si kunggul i kaitat ames hai, ɗak findel ɗufal. 22Unai si taanja si ni, “Hal huni kwai! A la ti deeɓwe nin, a ti maɗufal kwa!” 23Ta kyeli fo abet, malu' i Deembai pa Herod, ɓurti fa DeeƁwe ngye kwa. Unai rundwas si fur cwaisus ya yes mot ames.
24Shak ta andi, findel i DeeƁwe cu wei, yis a ɓata ngye. 25Myan ima Barnabas hu Sool si pun ro ames, si humkyel ta Yerushalima akul hu Jwon ima si lai ii Mak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018