Jwon 19
19
Si Lef Yeso Ɓur
1Unai Pailet kin si ndash Yeso. 2Som i ɓwol si lat gemhai ti kaitat ti aren si kinusi ta hai. Si ru'us fagin mujuwi ti kaya, 3si cu wei ti wayan ta kyel ames sin nyai, “A Makai i Ju!” Si taɗasus ta kapak.
4Unai Pailet hum mulangya, lak Ju nyus, “Ɗing huni, ima yes tus i fu, ɓurti ɓa hu shangi nyai, yin i wisus ti mafwashi nin kwa, ra ames hara.” 5Myan ima Yeso pwak ya yis ti gemhai i maren ta hai yusti ta fagin mujuwi ti kaitati, unai Pailet nyus, “Maɗufali mai!”
6Myan ima mbai i kocok hu mbayai si ɗingus, si tutol ti njeng, “Nggwak hun yus! Nggwak hun yus!”
Shak ta andi Pailet nyus, “Hun zan huyus hu wa hu nggwakus, yin i wisus ti mafwashi nin kwa, ra ames hara.”
7Som i Ju si cu wei ti nyai, “Ni mati anggut, ta ngga' ima anggut lak ta, a kpak u mot, ɓurti yis zan haisus a Al i DeeƁwe.”
8Myan ima Pailet hal mai, myanat ka'us ti ambas, 9hum kyel ta wii i taya. Lul ta Yeso ni, “Ha yes ii leya?” Yeso tiyos cakat. 10Pailet nyus, “Ha nggwya i findel sun kwaa? Ha shangi i mati mbaitat i cat sa ii ra hu i kini si nggwaka tasi shanggam hai haa?”
11Yeso humus ti kyel ni, “Mbaitat ima ha mati na hai yunti, a DeeƁwe fa. Ɓurti andi maɗufal ima fahun ta ra yati ɓina ha mafwashi.”
12Tasi myan mai wa wei, Pailet mas ham mas ashai ɓa u cat Yeso i ra. Unai som Ju si cu wei ti tutolat nyai, “Na ha hon maɗufal mai u wis, ha a lukwe i Makai kwa. Shak maɗufal ima ni yis a makai ma ha' ti wei ti Makai#19:12 Makai Ayis a makai i Romawa. Mati kaitat ta si ashwaha hyang. ndai.”
13Myan ima Pailet hal mai, wa lang ya ti Yeso. Unai yis Pailet wa te amun tasi kunggul i toti ɓur, ta kyel nin ima si layani ti asum fisha ima si Ndash ti Afyai (ti alis i Ju si layani ii Gabata). 14Mwashi a mwen ti sinzami i Got i Pissihai, myani a sai ren. Unai Pailet lak som Ju nyus, “Makai amui nai.”
15Shak ta andi, si cu wei ti tutolat nyai, “Zan hun yusya! Zan hun yusya! Nggwak hun yus!”
Pailet lak ɗufali nyus, “Hu ɓweti ɓa i nggwak makai amui haa?”
Mbayai i kocokaki si mati si ni, “Ni mati makai nin wa' Makai mai haa?”
16Unai Pailet zan Yeso fa Ju ɓurti ɓa si nggwakus.
Nggwak Ti Yeso
Unai som i ɓwoli si lang ti Yeso ya. 17Unai zan shanggam ima si wa nggwaksus i hai, ka'ti fiseli wa kyel ima si layani ii Kyel i Kyas i hai (ti alis i Ju si layani ii Golgota). 18A nanati si nggwakus na, akul hu shini apil, andek ta rai ucwa, andek ta rai ukutiyal, Yeso te ta saa.
19Pailet worong worong nin nggwak tasi hai i shanggam hai. Aɗeng ima worong mai, “YESO MAƊUFAL I NAZARET, MAKAI I JU.” 20Ju hyang si mbe' worongi, ɓurti kyel ima si nggwak Yeso ta mata nggas ti ashwa. Worong mai si worong ti alis i Ju, hu i Rom, hu i Girik hwak. 21Mbai i kocokak i Ju zan wei ti Pailet ni, “Kan si worong, ‘Makai i Ju’ kwa. Si worong, ‘Maɗufal mai zan haisus a makai i Ju.’ ”
22Pailet humus ti kyel ni, “Aɗeng ima i worong, tii worong.”
23Myan ima som i ɓwoli si nggwak Yeso, si har arom amesi si kaar ti kikyal ɓaras, ɓalang andek mai zan mandeki ani zan si kaar ɓata sin, fagin ti wii ti kat. Fagin moti ti yut zum, kaciwa' tori ti ɗama ta fit wa kikyel.
24Si lak ɗiyai ames si ni, “Kan ka gwyak moti kwa. Ka ɗing maɗufal ima ma wa wisi ta fisel ti pati ngingyesh.”
Mai aɗengi te hati ɓurti ɓa si hya aɗeng ima si worong ta Findel i DeeƁwe nyai,
“Si kaar faginan ames,
si pa ngingyesh tasi fagin asun hai.”#19:24 Ɗing huni hwak: Nak 22:18.
Aɗeng ima som i ɓwoli si masi mai.
25Ta nggas ti shanggam i Yeso, nasus yit mangra ta, hu tusut, hu Uryam mbor ti Kilyopas, hu Uryam ta ta' ti Magdala. 26Myan ima Yeso ɗing nasus ta kyeli, hu makoltifai amesi ima ɓwetus sin mute mangra ta nggas, unai lak nasus ni, “A kaa mbor, al amesh mai.” 27Wa kyel i al i ro amesi nyus, “Nasa ndai.” Tasi myan ani wa wei al i ro amesi kolut ta wur ames.
Mot i Yeso
28Takfai ti mai, mwashi Yeso shang shak ɗamam ima si hya, ɓurti andi Findel i DeeƁwe hya, unai ni, “I myaf.” 29Shweret i ham macani yis ta kyeli, unai si jop ta wii i dafok wi si tor tasi nzong hai, si kin Yesoi ta fo. 30Myan ima mbit mati ham macanii, Yeso ni, “Mbit ndai.” Ti mai, cingir ti hai ames, unai mulut ti ɗuk.
31Mwashi a mwen ti Sinzami, ɓa ti ɓu Mwen ti Lafos mwen ndii. Som i Ju si ɓwet ɓa si ɗing funat nin tasi hai i shanggam mwen ti Lafos kwa. Ɓurti andi si lul ta Pailet ɓa si wa si nggyal sisaiyi ya, si jak funatati ya hwak. 32Unai som i ɓwoli si wa si nggyal sisai i maɗufal i bya' ya ima si nggwakus hu Yeso, ɗak si wa si nggyal i mandeki hwak. 33Myan ima si yes kyel i Yeso si wisi tu motus, unai si nggyal sisai ames ya kwa. 34Nin maɓwoli tor Yeso ta fiɗya' ti agas, wash hu ham si nzeret. 35Maɗufal ima ɗingi lak aɗeng ima shit asus ti ɗingi. Findel ames awei, lak mai aɗengi ɓa hu fa mwawei. 36Ɗamami si fur fisha ɓurti ɓa Findel i DeeƁwe ima si Worong u hya nyai, “Si wa nggyel ti kyas andek ya kwa.”#19:36 Ɗing huni hwak: Mul 12:46; Amb 9:12; Nak 34:20. 37Ta ngga' ima Findel i DeeƁwe ima si Worong hwak nyai, “Si wa shwaiti shishat tasi ima si torus.”#19:37 Ɗing huni hwak: Zak 12:10.
Lai i Yeso
38Ta takfai tima Josep maɗufali Arimatya wa lul Pailet ɓa si fas funat i Yeso. Yis Josep makoltifai ti Yeso i mufot ɓurti myanat ti so i Ju fo. Ti ɓweti i Pailet yes zan funat ya. 39Nikodimus maɗufal ima ai wa kyel i Yeso tafo', yis hwak kolfai asussi. Yes ti mbar i mur hu aloyis ima si yir ya, ima kinggat ames kol kilo hure ataat. 40Sin apilal mii si zan funat i Yesoi, si nggi'us ta rukul i lai wi ta mbar mafyongiyi. Si mas mai ta ngga' ima som Ju si mana ti lai ames ta. 41Ta kyel ima si nggwak Yeso ta, wufyan nin ti ta nggas. Ta wii i wufyani, fiyai mamwai nin mata ima tisi lai ɗeng ta kwa. 42Ɓurti a mwen ti Sinzami i Ju, ɓurti fiyaiyi mata anggasi, unai si wa si kin funat i Yeso ta kyeli.
Currently Selected:
Jwon 19: AlisIRonNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018
Jwon 19
19
Si Lef Yeso Ɓur
1Unai Pailet kin si ndash Yeso. 2Som i ɓwol si lat gemhai ti kaitat ti aren si kinusi ta hai. Si ru'us fagin mujuwi ti kaya, 3si cu wei ti wayan ta kyel ames sin nyai, “A Makai i Ju!” Si taɗasus ta kapak.
4Unai Pailet hum mulangya, lak Ju nyus, “Ɗing huni, ima yes tus i fu, ɓurti ɓa hu shangi nyai, yin i wisus ti mafwashi nin kwa, ra ames hara.” 5Myan ima Yeso pwak ya yis ti gemhai i maren ta hai yusti ta fagin mujuwi ti kaitati, unai Pailet nyus, “Maɗufali mai!”
6Myan ima mbai i kocok hu mbayai si ɗingus, si tutol ti njeng, “Nggwak hun yus! Nggwak hun yus!”
Shak ta andi Pailet nyus, “Hun zan huyus hu wa hu nggwakus, yin i wisus ti mafwashi nin kwa, ra ames hara.”
7Som i Ju si cu wei ti nyai, “Ni mati anggut, ta ngga' ima anggut lak ta, a kpak u mot, ɓurti yis zan haisus a Al i DeeƁwe.”
8Myan ima Pailet hal mai, myanat ka'us ti ambas, 9hum kyel ta wii i taya. Lul ta Yeso ni, “Ha yes ii leya?” Yeso tiyos cakat. 10Pailet nyus, “Ha nggwya i findel sun kwaa? Ha shangi i mati mbaitat i cat sa ii ra hu i kini si nggwaka tasi shanggam hai haa?”
11Yeso humus ti kyel ni, “Mbaitat ima ha mati na hai yunti, a DeeƁwe fa. Ɓurti andi maɗufal ima fahun ta ra yati ɓina ha mafwashi.”
12Tasi myan mai wa wei, Pailet mas ham mas ashai ɓa u cat Yeso i ra. Unai som Ju si cu wei ti tutolat nyai, “Na ha hon maɗufal mai u wis, ha a lukwe i Makai kwa. Shak maɗufal ima ni yis a makai ma ha' ti wei ti Makai#19:12 Makai Ayis a makai i Romawa. Mati kaitat ta si ashwaha hyang. ndai.”
13Myan ima Pailet hal mai, wa lang ya ti Yeso. Unai yis Pailet wa te amun tasi kunggul i toti ɓur, ta kyel nin ima si layani ti asum fisha ima si Ndash ti Afyai (ti alis i Ju si layani ii Gabata). 14Mwashi a mwen ti sinzami i Got i Pissihai, myani a sai ren. Unai Pailet lak som Ju nyus, “Makai amui nai.”
15Shak ta andi, si cu wei ti tutolat nyai, “Zan hun yusya! Zan hun yusya! Nggwak hun yus!”
Pailet lak ɗufali nyus, “Hu ɓweti ɓa i nggwak makai amui haa?”
Mbayai i kocokaki si mati si ni, “Ni mati makai nin wa' Makai mai haa?”
16Unai Pailet zan Yeso fa Ju ɓurti ɓa si nggwakus.
Nggwak Ti Yeso
Unai som i ɓwoli si lang ti Yeso ya. 17Unai zan shanggam ima si wa nggwaksus i hai, ka'ti fiseli wa kyel ima si layani ii Kyel i Kyas i hai (ti alis i Ju si layani ii Golgota). 18A nanati si nggwakus na, akul hu shini apil, andek ta rai ucwa, andek ta rai ukutiyal, Yeso te ta saa.
19Pailet worong worong nin nggwak tasi hai i shanggam hai. Aɗeng ima worong mai, “YESO MAƊUFAL I NAZARET, MAKAI I JU.” 20Ju hyang si mbe' worongi, ɓurti kyel ima si nggwak Yeso ta mata nggas ti ashwa. Worong mai si worong ti alis i Ju, hu i Rom, hu i Girik hwak. 21Mbai i kocokak i Ju zan wei ti Pailet ni, “Kan si worong, ‘Makai i Ju’ kwa. Si worong, ‘Maɗufal mai zan haisus a makai i Ju.’ ”
22Pailet humus ti kyel ni, “Aɗeng ima i worong, tii worong.”
23Myan ima som i ɓwoli si nggwak Yeso, si har arom amesi si kaar ti kikyal ɓaras, ɓalang andek mai zan mandeki ani zan si kaar ɓata sin, fagin ti wii ti kat. Fagin moti ti yut zum, kaciwa' tori ti ɗama ta fit wa kikyel.
24Si lak ɗiyai ames si ni, “Kan ka gwyak moti kwa. Ka ɗing maɗufal ima ma wa wisi ta fisel ti pati ngingyesh.”
Mai aɗengi te hati ɓurti ɓa si hya aɗeng ima si worong ta Findel i DeeƁwe nyai,
“Si kaar faginan ames,
si pa ngingyesh tasi fagin asun hai.”#19:24 Ɗing huni hwak: Nak 22:18.
Aɗeng ima som i ɓwoli si masi mai.
25Ta nggas ti shanggam i Yeso, nasus yit mangra ta, hu tusut, hu Uryam mbor ti Kilyopas, hu Uryam ta ta' ti Magdala. 26Myan ima Yeso ɗing nasus ta kyeli, hu makoltifai amesi ima ɓwetus sin mute mangra ta nggas, unai lak nasus ni, “A kaa mbor, al amesh mai.” 27Wa kyel i al i ro amesi nyus, “Nasa ndai.” Tasi myan ani wa wei al i ro amesi kolut ta wur ames.
Mot i Yeso
28Takfai ti mai, mwashi Yeso shang shak ɗamam ima si hya, ɓurti andi Findel i DeeƁwe hya, unai ni, “I myaf.” 29Shweret i ham macani yis ta kyeli, unai si jop ta wii i dafok wi si tor tasi nzong hai, si kin Yesoi ta fo. 30Myan ima mbit mati ham macanii, Yeso ni, “Mbit ndai.” Ti mai, cingir ti hai ames, unai mulut ti ɗuk.
31Mwashi a mwen ti Sinzami, ɓa ti ɓu Mwen ti Lafos mwen ndii. Som i Ju si ɓwet ɓa si ɗing funat nin tasi hai i shanggam mwen ti Lafos kwa. Ɓurti andi si lul ta Pailet ɓa si wa si nggyal sisaiyi ya, si jak funatati ya hwak. 32Unai som i ɓwoli si wa si nggyal sisai i maɗufal i bya' ya ima si nggwakus hu Yeso, ɗak si wa si nggyal i mandeki hwak. 33Myan ima si yes kyel i Yeso si wisi tu motus, unai si nggyal sisai ames ya kwa. 34Nin maɓwoli tor Yeso ta fiɗya' ti agas, wash hu ham si nzeret. 35Maɗufal ima ɗingi lak aɗeng ima shit asus ti ɗingi. Findel ames awei, lak mai aɗengi ɓa hu fa mwawei. 36Ɗamami si fur fisha ɓurti ɓa Findel i DeeƁwe ima si Worong u hya nyai, “Si wa nggyel ti kyas andek ya kwa.”#19:36 Ɗing huni hwak: Mul 12:46; Amb 9:12; Nak 34:20. 37Ta ngga' ima Findel i DeeƁwe ima si Worong hwak nyai, “Si wa shwaiti shishat tasi ima si torus.”#19:37 Ɗing huni hwak: Zak 12:10.
Lai i Yeso
38Ta takfai tima Josep maɗufali Arimatya wa lul Pailet ɓa si fas funat i Yeso. Yis Josep makoltifai ti Yeso i mufot ɓurti myanat ti so i Ju fo. Ti ɓweti i Pailet yes zan funat ya. 39Nikodimus maɗufal ima ai wa kyel i Yeso tafo', yis hwak kolfai asussi. Yes ti mbar i mur hu aloyis ima si yir ya, ima kinggat ames kol kilo hure ataat. 40Sin apilal mii si zan funat i Yesoi, si nggi'us ta rukul i lai wi ta mbar mafyongiyi. Si mas mai ta ngga' ima som Ju si mana ti lai ames ta. 41Ta kyel ima si nggwak Yeso ta, wufyan nin ti ta nggas. Ta wii i wufyani, fiyai mamwai nin mata ima tisi lai ɗeng ta kwa. 42Ɓurti a mwen ti Sinzami i Ju, ɓurti fiyaiyi mata anggasi, unai si wa si kin funat i Yeso ta kyeli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018