Jwon 20
20
Ɗeng Mata Fiyai Wi Kwa
1Tamwen wititit ti ɓwai i mwen ti bya' i mukonan i ya, kyel yit ɗiri shiriri. Unai Uryam ta ta' ti Magdala ti wa ta kyel i fiyaiyi, ti ɗingi si tuk afungi ya ta foi fiyaiyi. 2Unai ti tital ti yes kyel i Siman Pita hu makoltifai ima mii lukwe i Yeso, ti nyus, “Worowa, si zan Deembai ya ta fiyai, ni shang kyel ima si kinus ta kwa!”
3Unai Pita hu makoltifai ani si har borong ɓurti wa kyel fiyaiyi. 4Shak asussi si tital, shak ta andinyi mandeki lang Pita i hai, tongus ta fiyaiyi. 5Unai cinggiir kukwer kyel ta wii, ɗing rukul i laiyi yis ma wash ta kyeli, lang ta wii kwa. 6Unai Siman Pita ima yes ta takfai, ti muru ames lang ta wii i fiyaiyi. Ɗing rukul i laiyi ma wash ta kyeli, 7Ta rukul i laiyi ima si no' Yesoi ta hai. Rukul i kyel hai yis manggi' ta kyel andek, i kyel i lo' yis ta ɓwaiyi. 8Unai mandeki ima ɗin tong ta ti bya', yis hwak lang ta wii. Ɗingi fa mwawei. 9Shak ta andiyi si ka' aɗeng ima Findel i DeeƁwe ima si Worong lak kwa, ima ni, a kpak Yeso u lukfit ta fiyai takfai tima mot.
Yeso Pwak Uryam ta Ta' ti Magdala Hai
10Unai fe i ro amessi si hum kyel ta wurai ames, 11Uryam ti tyot mangra ta saikyel i fiyaiyi yit kawa. Myan ima yit kawai, ti cinggiir ɓa ti ɗing kyel ta wii i fiyaiyi. 12Unai ti ɗing som lu' apilal sin ti arom mapeli siyak, sin amunan ta kyel ima lo' i Yeso ai yis ta. Andek yis amun ta kyel i haiyi andek yis amun ta kyel i sisai. 13Unai si lul lut, “A kaa, a ɓurti mi shi kawa ya?” Yit ti nyus, “I nyai si zanun Deembai ya hoo, i shang kyel ima si kinus ta kwa.” 14Nasi mai, ti hatat ndai ti ɗing Yeso yis mangra ta kyeli, ti hum shangsus kwa.
15Yis nyut, “A kaa, a ɓurti mi shi kawa ya? Awe shima fari ya?” Ti zan ta mulut yuti nyai a hon a yis a ma wufyani ɗak. Ayis nai kinti nyus, “Kabuk a dee maɓan, na a ha ha zanus ya, laka yun ti kyel ima ha kinus ta, ɓurti i wa i zanus.”
16Yeso lakut ni, “A Uryam!” Ti hatati fai wa kyel ames, ti ni, “A makofiti!” (Ti alis i Ju, “Rabboni”).
17Yeso lakut ni, “Kan shi ka'un kwa a naa, ɓurti tii wa kyel i Dee kwa. Ɓurti andi ɓwish kyel i shunun shi lakus, ‘I muhumkyel ta kyel i Deen ima a Deemu hwak, DeeƁwe amen hu DeeƁwe amu hwak.’ ”
18Uryam ti ta' ti Magdala ti wa kyel i som koltifai ti muro maɗesi mai, “I ɗing Deembai!” Unai ti lakus aɗeng ima Yeso lak kut.
Yeso Pwak Fe Muro Ames Hai
19Ango ti mas ndai mwen ti bya' i ka'ti ya, myan ima som koltifai sin ta kyel andek, fwai i mahwami si ti' ya ɓurti myanat ti mbayai i Ju fo. Yeso pwak kus hai te mangra ta saa yusti nyus, “Huma cala ma!” 20Takfai tima lak mai, kofus ti ra ames ta fiɗya' i hwak. Som koltifai amesi si jakak fwet, myan ima si ɗing Deembai.
21Yeso hum nyai, “Huma cala ma! Ngga' ima Dee ron ta, yin hwak ima ro su.” 22Ti mai fu' us lafos hai nyus, “Mat hun Rin Masapai. 23Na hu shu maɗufal mafwashi ames ya, DeeƁwe shusiya ndai, na hu shusiya kwa, DeeƁwe shusiya kwa ndai.”
Yeso Pwak Toma Hai
24Myan mai Toma, andek ta saa ti hure mulang apil, (ima si laiyus ii njan), ai yis akul hu sin kwa myan ima Yeso yes. 25Ɓurti andi anggum i som koltifaii si nyus, “Ni ɗing Deembai!” Unai yis nyus, “Na i ɗing kikyal i afolal ima si ɓos ti shitam ima si nggwak ta ra ames, hu i kin fo ti ra amen ta kyel ima si ɓos ta hu i kin ra amen ta fiɗya' ames kwa, i wa fati mwawei kwa.”
26Takfai ti mukon pyoron, som koltifai sin ta wur hwak, myan mai sin ta tikul hu Toma. Fwai i mahwami yis mavo, Yeso pwak kus hai i hai, te mangra ta saa yusti. Lak ni, “Huma cala ma!” 27Unai lak Toma ni, “Ya ha kin fo ti ra asa nanati, ɗinga ra amen. Ti'a ra ha tamba fiɗya' amen. Ka hum mulut apil-apil kwa. Fa mwawei!”
28Toma nyus, “A Deembai amen hu DeeƁwe amen!” 29Unai Yeso lakus ni, “A ɓurti ha ɗingun, ɗak ha fa mwawei. Maɗesi masi ɗufal ima kaciwa' si ɗingi, shak ta andiyi si fa mwawei.”
30Yeso mas ɗamam i lum ti foya hyang fwet ta wei i som koltifai asussi, ima si worong na kaada mai kwa. 31Shak ɗamami si worong ɓurti ɓa ha fa mwawei nyai Yeso a Kristi, Al i DeeƁwe, ɓurti fati mulut ha wa wis ti mupwet ta saa ti asum ames.
Currently Selected:
Jwon 20: AlisIRonNT
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018
Jwon 20
20
Ɗeng Mata Fiyai Wi Kwa
1Tamwen wititit ti ɓwai i mwen ti bya' i mukonan i ya, kyel yit ɗiri shiriri. Unai Uryam ta ta' ti Magdala ti wa ta kyel i fiyaiyi, ti ɗingi si tuk afungi ya ta foi fiyaiyi. 2Unai ti tital ti yes kyel i Siman Pita hu makoltifai ima mii lukwe i Yeso, ti nyus, “Worowa, si zan Deembai ya ta fiyai, ni shang kyel ima si kinus ta kwa!”
3Unai Pita hu makoltifai ani si har borong ɓurti wa kyel fiyaiyi. 4Shak asussi si tital, shak ta andinyi mandeki lang Pita i hai, tongus ta fiyaiyi. 5Unai cinggiir kukwer kyel ta wii, ɗing rukul i laiyi yis ma wash ta kyeli, lang ta wii kwa. 6Unai Siman Pita ima yes ta takfai, ti muru ames lang ta wii i fiyaiyi. Ɗing rukul i laiyi ma wash ta kyeli, 7Ta rukul i laiyi ima si no' Yesoi ta hai. Rukul i kyel hai yis manggi' ta kyel andek, i kyel i lo' yis ta ɓwaiyi. 8Unai mandeki ima ɗin tong ta ti bya', yis hwak lang ta wii. Ɗingi fa mwawei. 9Shak ta andiyi si ka' aɗeng ima Findel i DeeƁwe ima si Worong lak kwa, ima ni, a kpak Yeso u lukfit ta fiyai takfai tima mot.
Yeso Pwak Uryam ta Ta' ti Magdala Hai
10Unai fe i ro amessi si hum kyel ta wurai ames, 11Uryam ti tyot mangra ta saikyel i fiyaiyi yit kawa. Myan ima yit kawai, ti cinggiir ɓa ti ɗing kyel ta wii i fiyaiyi. 12Unai ti ɗing som lu' apilal sin ti arom mapeli siyak, sin amunan ta kyel ima lo' i Yeso ai yis ta. Andek yis amun ta kyel i haiyi andek yis amun ta kyel i sisai. 13Unai si lul lut, “A kaa, a ɓurti mi shi kawa ya?” Yit ti nyus, “I nyai si zanun Deembai ya hoo, i shang kyel ima si kinus ta kwa.” 14Nasi mai, ti hatat ndai ti ɗing Yeso yis mangra ta kyeli, ti hum shangsus kwa.
15Yis nyut, “A kaa, a ɓurti mi shi kawa ya? Awe shima fari ya?” Ti zan ta mulut yuti nyai a hon a yis a ma wufyani ɗak. Ayis nai kinti nyus, “Kabuk a dee maɓan, na a ha ha zanus ya, laka yun ti kyel ima ha kinus ta, ɓurti i wa i zanus.”
16Yeso lakut ni, “A Uryam!” Ti hatati fai wa kyel ames, ti ni, “A makofiti!” (Ti alis i Ju, “Rabboni”).
17Yeso lakut ni, “Kan shi ka'un kwa a naa, ɓurti tii wa kyel i Dee kwa. Ɓurti andi ɓwish kyel i shunun shi lakus, ‘I muhumkyel ta kyel i Deen ima a Deemu hwak, DeeƁwe amen hu DeeƁwe amu hwak.’ ”
18Uryam ti ta' ti Magdala ti wa kyel i som koltifai ti muro maɗesi mai, “I ɗing Deembai!” Unai ti lakus aɗeng ima Yeso lak kut.
Yeso Pwak Fe Muro Ames Hai
19Ango ti mas ndai mwen ti bya' i ka'ti ya, myan ima som koltifai sin ta kyel andek, fwai i mahwami si ti' ya ɓurti myanat ti mbayai i Ju fo. Yeso pwak kus hai te mangra ta saa yusti nyus, “Huma cala ma!” 20Takfai tima lak mai, kofus ti ra ames ta fiɗya' i hwak. Som koltifai amesi si jakak fwet, myan ima si ɗing Deembai.
21Yeso hum nyai, “Huma cala ma! Ngga' ima Dee ron ta, yin hwak ima ro su.” 22Ti mai fu' us lafos hai nyus, “Mat hun Rin Masapai. 23Na hu shu maɗufal mafwashi ames ya, DeeƁwe shusiya ndai, na hu shusiya kwa, DeeƁwe shusiya kwa ndai.”
Yeso Pwak Toma Hai
24Myan mai Toma, andek ta saa ti hure mulang apil, (ima si laiyus ii njan), ai yis akul hu sin kwa myan ima Yeso yes. 25Ɓurti andi anggum i som koltifaii si nyus, “Ni ɗing Deembai!” Unai yis nyus, “Na i ɗing kikyal i afolal ima si ɓos ti shitam ima si nggwak ta ra ames, hu i kin fo ti ra amen ta kyel ima si ɓos ta hu i kin ra amen ta fiɗya' ames kwa, i wa fati mwawei kwa.”
26Takfai ti mukon pyoron, som koltifai sin ta wur hwak, myan mai sin ta tikul hu Toma. Fwai i mahwami yis mavo, Yeso pwak kus hai i hai, te mangra ta saa yusti. Lak ni, “Huma cala ma!” 27Unai lak Toma ni, “Ya ha kin fo ti ra asa nanati, ɗinga ra amen. Ti'a ra ha tamba fiɗya' amen. Ka hum mulut apil-apil kwa. Fa mwawei!”
28Toma nyus, “A Deembai amen hu DeeƁwe amen!” 29Unai Yeso lakus ni, “A ɓurti ha ɗingun, ɗak ha fa mwawei. Maɗesi masi ɗufal ima kaciwa' si ɗingi, shak ta andiyi si fa mwawei.”
30Yeso mas ɗamam i lum ti foya hyang fwet ta wei i som koltifai asussi, ima si worong na kaada mai kwa. 31Shak ɗamami si worong ɓurti ɓa ha fa mwawei nyai Yeso a Kristi, Al i DeeƁwe, ɓurti fati mulut ha wa wis ti mupwet ta saa ti asum ames.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. and © The Nigeria Bible Translation Trust 2018