ᤋᤥᤗᤡᤱᤛᤥᤔᤢ 38
38
ᤕᤜᤢᤍᤠ ᤏᤢ ᤋᤠᤔᤠᤖᤧᤴ
1ᤂᤧᤴ ᤕᤧᤶᤔᤥ ᤕᤜᤢᤍᤠ᤺ᤱᤃ ᤁᤢᤶᤓᤢ᤹ ᤁᤢᤴᤛᤠ᤹ᤛᤡ ᤗᤧᤖᤢᤛᤡᤀᤠᤱ ᤀᤍᤢᤸᤗᤠᤔ ᤕᤧᤰᤕᤰᤁᤥ ᤁᤧᤕᤢᤱᤒᤠ ᤜᤤᤖᤠ ᤔᤧᤵᤔᤏᤠᤒᤠ ᤔᤏᤠ᤺ᤸᤗᤥ ᤕᤢᤱᤛᤧ ᤐᤣᤃᤧ॥ 2ᤂᤧ᤹ᤕᤥ ᤕᤜᤢᤍᤠ᤺ᤸᤗᤧ ᤛᤢᤀᤠ ᤔᤡᤱ ᤁᤧᤘᤠ᤺ᤵᤐᤠ ᤁᤏᤠᤏᤡ ᤔᤏᤠᤎᤡᤰᤗᤧ ᤁᤢᤛ᤻ᤛᤠ ᤔᤧᤴᤇᤢᤔᤠᤴ ᤏᤡᤛᤢ॥ ᤂᤢᤏᤧ᤹ ᤂᤧᤴ ᤋᤧᤴᤎᤠᤶ ᤔᤣ᤺ᤰᤂᤡᤶ ᤔᤧᤳᤋᤢᤀᤠᤱ ᤂᤧᤴᤏᤢ ᤀᤡᤵᤛᤧ॥ 3ᤂᤧᤴ ᤔᤧᤴᤇᤢᤔᤠᤴ ᤔᤧᤴᤇᤢᤰᤔᤠ ᤐᤥ᤺ᤰᤂᤧᤀᤠᤱ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤡᤱ ᤀᤣᤖ ᤘᤠ᤺ᤳᤋᤢ॥ 4ᤂᤧᤴ ᤕᤠᤶᤔᤥ ᤔᤧᤴᤇᤢᤰᤔᤠ ᤐᤥ᤺ᤰᤂᤧᤀᤠᤱ ᤘᤣ᤹ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ॥ ᤂᤧᤸᤗᤧ ᤂᤧᤴ ᤀᤥᤏᤠᤏ ᤔᤡᤱ ᤘᤠ᤺ᤳᤋᤢ॥ 5ᤕᤠᤶᤔᤥᤀᤠᤱ ᤂᤧᤴ ᤔᤧᤴᤇᤢᤰᤔᤠ ᤐᤥ᤺ᤰᤂᤧᤀᤠᤱ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ॥ ᤜᤧᤰᤁᤩᤠᤱ ᤂᤧᤸᤗᤧ ᤂᤧᤴ ᤛᤣᤗᤜ ᤔᤡᤱ ᤘᤠ᤺ᤳᤋᤢ॥ ᤁᤈᤡᤒ ᤔᤧᤵᤔᤏᤠᤒᤠᤍᤧᤴᤏᤥ ᤔᤧᤕᤢᤱᤅᤧᤸᤗᤧ ᤂᤧᤸᤗᤧ ᤛᤣᤗᤜ᤺ᤴ ᤁᤳᤋᤢ॥
6ᤕᤜᤢᤍᤠ᤺ᤸᤗᤧ ᤁᤢᤛ᤻ᤛᤠ ᤋᤢᤶᤒᤠ ᤀᤧᤖᤗᤧ ᤁᤢᤗᤠᤃᤡ ᤗᤳᤇᤠ ᤔᤣ᤺ᤳ ᤋᤠᤖᤢ ᤐᤡᤖᤢ॥ ᤂᤧᤸᤗᤧ ᤁᤢᤔᤡᤱ ᤋᤠᤔᤠᤖ ᤘᤕᤧ॥ 7ᤁᤖ ᤕᤜᤢᤍᤠ᤺ᤸᤗᤧ ᤁᤢᤛ᤻ᤛᤠ ᤋᤢᤶᤒᤠ ᤀᤣᤖᤧᤴ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤏᤡᤔᤥ ᤁᤢ᤹ᤀᤡᤁᤧᤓᤧᤶᤒᤠ ᤘᤕᤧ. ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤴ ᤛᤧᤖᤢ॥
8ᤂᤧᤒᤩᤠᤱ ᤕᤜᤢᤍᤠ᤺ᤸᤗᤧ ᤀᤥᤏᤠᤏᤧᤴ ᤔᤧᤳᤋᤢ. “ᤁᤧᤶᤓᤢ᤹ᤖᤧ ᤁᤢᤔᤣ᤺ᤳᤋᤡᤴᤏᤢ ᤀᤡᤵᤛᤧ᤹. ᤜᤧᤰᤁᤩᤠᤱ ᤏᤢᤛᤠ᤹ᤖᤧ ᤆᤥ᤺ᤰᤔᤠ ᤁᤧᤒᤥᤱᤒᤠ ᤌᤡᤶ ᤀᤡᤛᤡ᤺ᤰ ᤆᤥᤃᤧ᤹. ᤜᤧᤰᤁᤣ᤺ᤸᤗᤧ ᤁᤧᤶᤓᤢ᤹ᤖᤧ ᤁᤢᤗᤠᤃᤡ ᤛᤠᤜᤠ᤹ ᤁᤧᤃᤳᤋᤢᤛᤡᤖ॥” 9ᤁᤖ ᤀᤠᤒᤠᤅᤣ ᤁᤢᤛ᤻ᤛᤠ ᤔᤧᤶᤒᤥᤱᤔᤏᤠᤒᤠ ᤏᤡᤛᤢᤀᤠᤱ ᤀᤥᤏᤠᤏᤧᤸᤗᤧ ᤁᤢᤴᤏᤧᤍᤪᤣ᤺ᤴᤏᤢ ᤀᤡᤵᤛᤧᤸᤗᤧ ᤁᤢᤶᤓᤢ᤹ᤖᤧ ᤁᤢᤗᤠᤃᤡ ᤁᤢᤛ᤻ᤛᤠ ᤔᤧᤒᤥᤱᤏᤧᤸᤗ ᤑᤠ᤹ᤀᤠᤱ ᤕᤠ᤹ᤖᤡ᤺ᤶᤒᤧᤴ ᤗᤠ᤺ᤰᤁᤠᤳ ᤂᤠᤶᤒᤠᤱᤅᤥ ᤔᤢᤳᤌᤠᤛᤢᤍᤣᤛᤢ॥ 10ᤂᤧᤸᤗᤧ ᤆᤥᤃᤢᤒᤠ ᤁᤴ ᤕᤠ᤺ᤶᤒᤰᤁᤡᤴ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤏᤡᤔᤥ ᤋᤠᤵᤑᤧ᤺ᤶᤒᤠ ᤌᤠᤒᤧ. ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤴᤏᤠᤱ ᤛᤩᤧᤖ ᤕᤠ᤺ᤴᤍᤢ॥
11ᤂᤧᤒᤩᤠᤱ ᤕᤜᤢᤍᤠ᤺ᤸᤗᤧ ᤁᤢᤶᤒᤠᤱᤗᤡ ᤋᤠᤔᤠᤖᤧᤴ ᤔᤧᤳᤋᤢ. “ᤀᤠᤛ᤻ᤛᤠ ᤛᤣᤗᤜ᤺ᤴ ᤕᤶᤒᤠ ᤔᤧᤶᤒᤥᤱᤅᤣ ᤌᤠᤖᤡᤰ ᤂᤧᤏᤧ᤹ ᤁᤧᤶᤒᤠᤖᤧ ᤁᤢᤜᤡᤶᤔᤥ ᤔᤣᤔᤣᤍᤢᤔᤠᤀᤣ ᤐᤥ᤺ᤰᤂᤧᤀᤠᤱ ᤘᤕᤧ᤹॥” ᤛᤣᤗᤜ᤺ᤴᤏᤠᤱ ᤁᤢᤶᤓᤢ᤹ᤛᤡ ᤜᤧᤰᤁᤣᤀᤣ ᤛᤡᤒᤡᤗᤠ ᤑᤠ᤹ᤀᤠᤱ ᤂᤢᤏᤧ᤹ ᤁᤡᤛᤧᤀᤠᤱ ᤘᤕᤧ ᤂᤧᤸᤗᤧᤆᤥᤃᤢᤸᤗᤧ ᤋᤠᤔᤠᤖᤧᤴ ᤁᤢᤶᤒᤠᤖᤧ ᤁᤢᤜᤡᤶᤔᤥ ᤕᤢᤱᤛᤧ ᤐᤣᤀᤠᤱ ᤘᤕᤧ॥
12ᤁᤢᤓᤠ ᤋᤱᤒᤣ ᤀᤣᤃᤠᤱ ᤕᤜᤢᤍᤠ᤺ᤸᤗᤧ ᤁᤢᤜᤡᤶᤛᤠᤔᤠ ᤛᤢᤀᤠᤖᤧ ᤁᤢᤛ᤻ᤛᤠᤴ ᤔᤠᤛᤡᤱ॥ ᤔᤧᤖᤡᤱ ᤌᤰᤔᤠ ᤕᤧᤶ ᤆᤢᤖᤧᤀᤠᤱ ᤕᤜᤢᤍᤠᤴ ᤀᤍᤢᤸᤗᤠᤔ ᤁᤧᤕᤢᤱᤒᤠ ᤁᤢᤴᤈᤢᤶ ᤜᤤᤖᤠᤏᤧᤴ ᤋᤣ᤹ᤖᤢᤀᤠᤱ ᤋᤡᤶᤏᤠᤀᤥ ᤁᤢᤔᤧᤸᤗᤢᤰ ᤔᤢᤖᤡᤰ ᤁᤧᤏ᤺ᤱᤒᤠᤜᤠ᤹ ᤛᤠ᤹ᤛᤧ ᤐᤣᤃᤧ॥
13ᤁᤢᤴᤏᤢ᤺ᤵᤐᤧᤴ ᤋᤡᤶᤏᤠᤀᤥ ᤔᤧᤸᤗᤢᤰ ᤔᤢᤖᤡᤰ ᤁᤧᤄᤰᤐᤠᤜᤠ᤹ᤖᤥ ᤐᤣᤖ ᤐᤳᤇᤧᤒᤠ ᤀᤡᤱᤄᤱ ᤋᤠᤔᤠᤖᤧᤸᤗᤧ ᤂᤥᤛᤢ॥ 14ᤂᤢᤏᤧ᤹ ᤛᤣᤗᤜ᤺ᤴ ᤕᤶᤒᤠ ᤐᤥ᤺ᤰᤂᤧᤀᤠᤱᤛᤠᤱ ᤂᤧᤸᤗᤧ ᤁᤢᤔᤣᤳ ᤐᤥᤱᤔᤠ ᤔᤧᤄᤥᤛᤢᤶᤒᤠ ᤏᤡᤛᤢ॥ ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤔᤣᤔᤣᤍᤢᤔᤠ ᤁᤢᤈᤠᤱᤅᤡᤴ ᤑᤧᤴᤍᤢᤀᤠᤱ ᤐ᤺ᤳᤌᤠᤱᤅᤡᤸᤗᤧ ᤁᤢᤏᤠ᤺ᤴ ᤋᤧᤵᤋᤢ ᤜᤧᤰᤁᤩᤠᤱ ᤘᤣ᤹ ᤔᤧᤴᤇᤢᤔᤠ ᤗᤧᤱᤛᤡᤱᤅᤠᤱ ᤋᤡᤶᤏᤠ ᤁᤧᤒᤣ᤺ᤰᤐᤠ ᤗᤠᤶᤔᤥ ᤀᤣᤏᤤᤔ ᤕᤧᤰᤕᤰᤁᤥᤒᤠ ᤗᤠᤶᤎᤣ᤺ᤵᤐᤥ ᤕᤢᤱᤛᤡᤱ॥
15ᤂᤧᤸᤗᤧ ᤁᤢᤏᤠ᤺ᤴ ᤋᤧᤵᤋᤢᤒᤠ ᤕᤜᤢᤍᤠ᤺ᤸᤗᤧ ᤏᤡᤛᤢᤀᤠᤱ ᤁᤧᤳᤏᤡᤔᤠᤖᤇ ᤗ᤹ᤖᤧ॥ 16ᤗᤠᤶᤔᤡᤸᤗᤧ ᤁᤢᤕᤠᤀᤥ ᤐᤣᤀᤠᤱ ᤂᤢᤏᤧ᤹ ᤂᤧᤴ ᤔᤧᤳᤋᤢ. “ᤗᤢ. ᤀᤠᤱᤃᤠ᤹ ᤂᤧᤏᤧ᤹ᤏᤢ ᤀᤡᤶᤛᤧ ᤑᤧᤴᤏᤠ॥” ᤀᤠᤸᤗ ᤂᤢᤏᤧ᤹ ᤀᤠᤒᤠᤅᤣ ᤁᤢᤶᤒᤠᤱᤗᤡᤴ ᤑᤠ᤹ᤀᤠᤱ ᤔᤧᤏᤡᤛᤢᤴ॥
ᤂᤧᤸᤗᤧ ᤔᤧᤳᤋᤢ. “ᤂᤧᤏᤧ᤹ ᤀᤠᤱᤃᤠ᤹ᤏᤢ ᤁᤧᤀᤡᤶᤔᤡᤸᤗᤧ ᤌᤣ ᤁᤧᤒᤡᤀᤠᤒᤣ᥅”
17ᤂᤢᤏᤧ᤹ ᤔᤧᤳᤋᤢ. “ᤔᤧ᤺ᤴᤍᤠ ᤗᤢᤵᤐᤥᤗᤠᤶ ᤗᤳᤇᤠ ᤔᤧ᤺ᤴᤍᤠᤈᤩᤠ᤺ᤰ ᤌᤡᤰ ᤂᤧᤏᤧ᤹ ᤐᤡᤏᤧ᤹॥”
ᤂᤧᤸᤗᤧ ᤔᤧᤳᤋᤢ. “ᤂᤧᤏᤧ᤹ ᤂᤧᤴ ᤔᤧᤴᤜᤠᤱᤅᤣ ᤌᤠᤖᤡᤰ ᤀᤠᤱᤃᤠ᤹ᤏᤢ ᤁᤢᤓᤠ ᤔᤡᤰᤛᤣᤴ ᤁᤧᤎᤠ᤹ᤀᤠᤒᤡ᥅”
18ᤕᤜᤢᤍᤠ᤺ᤸᤗᤧ ᤔᤧᤳᤋᤢ. “ᤀᤠᤱᤃᤠ᤹ ᤌᤣ ᤂᤧᤏᤧ᤹ ᤌᤠ᤹ᤏᤧᤒᤣ᥅”
ᤂᤧᤸᤗᤧ ᤔᤧᤳᤋᤢ. “ᤂᤧᤏᤧ᤹ ᤁᤧᤀᤡ᤺ᤳᤇᤠ᤺ᤵᤐᤡᤴ ᤜᤧᤰᤁᤩᤠᤱ ᤁᤧᤀᤡᤍᤠ᤺ᤰᤁᤡᤴ ᤏᤢ ᤁᤱ ᤁᤧᤜᤢᤰᤁᤥᤒᤠ ᤋᤰᤁᤠᤋᤡᤴ ᤁᤧᤕᤢᤰᤂᤢ ᤁᤧᤎ᤺ᤸᤗᤧ ᤏᤢ᤹॥” ᤂᤧᤸᤗᤧᤆᤥᤃᤢᤸᤗᤧ ᤕᤜᤢᤍᤠ᤺ᤸᤗᤧ ᤂᤧᤴ ᤐᤠ᤺ᤴᤜᤠ᤹ ᤂᤧᤴ ᤐᤡᤖᤢ. ᤜᤧᤰᤁᤩᤠᤱ ᤂᤧᤴᤏᤢ ᤀᤡᤵᤛᤧ॥ ᤜᤧᤰᤁᤩᤠᤱ ᤂᤢᤏᤧ᤹ᤗᤠᤶᤒᤠ ᤂᤧᤴ ᤔᤧᤴᤇᤢᤰᤔᤠ ᤐᤥ᤺ᤰᤂᤧ॥ 19ᤂᤧᤒᤩᤠᤱ ᤂᤧᤴ ᤐᤥᤃᤧᤀᤠᤱ ᤌᤠᤛᤡᤱ ᤐᤣ. ᤜᤧᤰᤁᤩᤠᤱ ᤁᤢᤒ᤺ᤳᤌᤠᤱᤅᤡᤴ ᤑᤢᤴᤍᤢᤀᤠᤱ ᤕᤠᤶᤔᤢ ᤔᤣᤔᤣᤍᤢᤔᤠ ᤆᤠᤱᤅᤡᤴ ᤆᤠᤰᤛᤡᤱ॥
20ᤕᤜᤢᤍᤠ᤺ᤸᤗᤧ ᤏᤧᤛ᤻ᤛᤢᤎᤒᤠ ᤁᤢᤈᤡᤃᤰᤘᤠᤜᤠ᤹ᤖᤧ ᤁᤢᤎᤧ᤹ᤛᤧ ᤀᤍᤢᤸᤗᤠᤔ ᤁᤧᤕᤢᤱᤒᤠ ᤁᤢᤴᤍᤣ᤺ᤱᤒᤠᤸᤗᤧ ᤁᤢᤜᤢᤰᤁᤥ ᤗᤳᤇᤠ ᤔᤧ᤺ᤴᤍᤠᤈᤩᤠ᤺ᤰ ᤌᤡᤰ ᤜᤠᤅᤢᤍᤣᤛᤢ॥ ᤁᤖ ᤂᤧᤸᤗᤧ ᤂᤧᤴ ᤔᤧᤴᤇᤢᤔᤠᤴ ᤔᤧᤍᤢᤔᤢᤴ॥ 21“ᤀᤣᤏᤤᤔᤀᤥ ᤗᤠᤶᤔᤡᤸᤗᤧ ᤁᤢᤕᤠᤀᤥ ᤁᤧᤕᤢᤱᤔᤠ ᤁᤧᤳᤏᤡᤔᤠᤴ ᤀᤠᤳᤋᤡ ᤘᤠ᤹ᤒᤣ᥅” ᤔᤧᤳᤋᤢᤛᤡᤖ ᤂᤢᤏᤧ᤹ ᤂᤧᤴ ᤋᤧᤴᤏᤥᤒᤠ ᤔᤏᤠᤜᤠ᤹ ᤛᤣ᤺ᤴᤗᤠᤵᤋᤢᤛᤡ॥
ᤁ᤹ᤕᤥᤃ “ᤁᤧᤳᤏᤡᤔᤠᤃ ᤜᤠ᤺ᤳᤋᤠᤱ ᤜᤥᤵᤗᤥ” ᤑᤠ᤹ᤀᤠᤱ ᤂᤧᤱᤜᤠ᤹ᤖᤧ ᤔᤧᤔᤧᤳᤋᤢ॥
22ᤂᤧᤒᤩᤠᤱ ᤂᤧᤴ ᤕᤜᤢᤍᤠ᤺ᤸᤗᤥ ᤏᤢ᤺ᤰᤂᤧ ᤑᤧᤖᤧᤀᤠᤱ ᤔᤧᤳᤋᤢ. “ᤀᤠᤱᤃᤠ᤹ᤃ ᤂᤧᤴ ᤔᤧᤱᤄᤥᤒᤠᤱ॥ ᤕᤠᤶᤔᤥ ᤂᤧᤴ ᤋᤧᤴᤏᤥᤒᤠ ᤔᤏᤠᤜᤠ᤹ᤖᤧᤀᤠᤱ ‘ᤁ᤹ᤕᤥᤃ ᤁᤧᤳᤏᤡᤔᤠᤃ ᤜᤠ᤺ᤳᤋᤠᤱ ᤜᤥᤵᤗᤥ’ ᤔᤧᤒᤠ᤺ᤳᤋᤢ॥”
23ᤕᤜᤢᤍᤠ᤺ᤸᤗᤧ ᤐᤠ᤺ᤳᤋᤢ. “ᤂᤧᤸᤗᤧ ᤂᤧᤴ ᤆᤡᤃᤰᤘᤠᤜᤠ᤹ ᤂᤧᤸᤗᤧᤀᤣ ᤕᤢᤰᤂᤢᤖ. ᤔᤣ᤺ᤴᤏᤧᤑᤠᤃᤪ ᤔᤏᤠᤖᤧ ᤀᤠᤶᤕᤣ᤺ᤳᤋᤠᤱ ᤏᤠᤎᤠᤖᤥ॥ ᤀᤥᤔᤧᤳᤋᤧ᤹. ᤀᤠᤸᤗ ᤀᤠᤱᤃᤠ᤹ ᤁᤱ ᤔᤧ᤺ᤴᤍᤠᤛᤠ᤺ᤳᤗᤡᤴ ᤂᤢᤏᤧ᤹ ᤜᤠᤰᤋᤢᤱᤅᤠᤱᤅᤣ ᤘᤕᤧ. ᤁᤖ ᤂᤧᤏᤧ᤹ ᤂᤧᤴ ᤁᤧᤴᤍᤢᤔᤢᤴ॥”
24ᤂᤵᤔᤧᤴ ᤗᤠ ᤛᤢᤶᤛᤡ ᤀᤣᤃᤠᤱ “ᤂᤧᤏᤧ᤹ ᤁᤧᤶᤒᤠᤱᤗᤡ ᤋᤠᤔᤠᤖᤧᤴ ᤁᤧᤳᤏᤡᤔᤠ ᤗᤧᤱᤛᤡᤱᤅᤠᤱ ᤘᤠ᤹ᤖᤥ ᤜᤧᤰᤁᤩᤠᤱ ᤀᤠᤸᤗᤥ ᤔᤧᤴᤇᤢᤰᤔᤠ ᤘᤠ᤹” ᤁᤧᤗ᤹ᤒᤠ ᤀᤡᤱᤄᤱᤅᤡᤴ ᤁᤢᤓᤠ ᤔᤏᤠᤖᤧ ᤕᤜᤢᤍᤠᤴ ᤔᤧᤔᤧᤳᤋᤢ॥
ᤂᤧᤒᤩᤠᤱ ᤕᤜᤢᤍᤠ᤺ᤸᤗᤧ ᤔᤧᤳᤋᤢᤛᤡ. “ᤂᤧᤴ ᤁ᤹ᤕᤥ ᤋᤠᤖᤧᤶᤔᤧ᤹ᤀᤠᤱ ᤔᤡᤀᤥ ᤗᤠᤒᤠᤶᤔᤧ᤹॥”
25ᤂᤧᤴ ᤔᤧᤓᤧᤳᤋᤢᤖ ᤔᤧᤒᤳᤇᤧᤸᤗᤧ ᤁᤢᤴᤏᤢ᤺ᤵᤐᤧᤴ ᤀᤰᤋᤱᤒᤠ ᤀᤡᤱᤄᤱ ᤜᤠᤰᤋᤢ. “ᤁᤴ ᤆᤡᤃᤰᤘᤠᤜᤠ᤹ᤖᤧ ᤁᤢᤴᤍᤠᤱᤒᤠᤸᤗᤥᤗᤠᤶ ᤀᤠᤱᤃᤠ᤹ ᤔᤧᤴᤇᤢᤰᤔᤠ ᤐᤥ᤺ᤰᤂᤠᤱᤒᤠᤖᤥ॥” ᤜᤧᤰᤁᤩᤠᤱ ᤂᤧᤸᤗᤧ ᤐᤠ᤺ᤳᤋᤢ. “ᤀᤥᤔᤧᤳᤋᤧᤶᤔᤧ᤹. ᤁᤴ ᤀᤡᤳᤇᤠ᤺ᤵᤐᤡᤴ ᤜᤧᤰᤁᤩᤠᤱ ᤀᤡᤍᤠ᤺ᤰᤁᤡᤴ ᤏᤢ ᤁᤱ ᤋᤰᤁᤠᤋᤡᤴ ᤜᤠ᤺ᤳᤗᤧᤴᤒᤣ᥅”
26ᤂᤧᤒᤩᤠᤱ ᤕᤜᤢᤍᤠ᤺ᤸᤗᤧ ᤂᤢᤏᤧ᤹ ᤁᤢᤈᤡᤃᤰᤘᤠᤜᤠ᤹ ᤁᤢᤛᤡᤱ ᤏᤡ᤺ᤳᤋᤢᤀᤠᤱ ᤔᤧᤳᤋᤢᤛᤡ. “ᤂᤧᤱᤃ ᤀᤠᤱᤃᤠ᤹ᤏᤢ᤺ᤸᤗᤧᤀᤠᤱ ᤛᤠᤶᤕᤥᤏᤡᤔᤠᤖᤧᤇ. ᤌᤣᤀᤠᤱᤓᤧᤸᤗᤧ ᤀᤠᤛ᤻ᤛᤠ ᤛᤣᤗᤜ᤺ᤴ ᤂᤧᤸᤗᤧ ᤁᤢᤕᤧᤶᤒᤠ ᤐᤥᤱᤛᤧ ᤔᤧᤶᤒᤡᤒᤠᤴ॥” ᤂᤧᤒᤩᤠᤱᤅᤠᤱᤎᤥ ᤂᤢᤏᤧ᤹ ᤂᤧᤴᤏᤢ ᤕᤠᤶᤔᤥ ᤔᤧᤀᤡᤵᤛᤧᤴ॥
27ᤋᤠᤔᤠᤖᤧᤸᤗᤧ ᤁᤢᤛ᤻ᤛᤠᤃᤵᤔᤠ ᤕᤧᤶ ᤁᤧᤖᤧᤸᤗᤧ ᤂᤧᤸᤗᤧ ᤁᤢᤛᤠᤵᤐᤥ᤺ᤰᤁᤥ ᤁᤠᤵᤛᤠᤒᤠ ᤕᤠᤰᤛᤡ᤹ ᤁᤧᤗ᤹ᤒᤠ ᤏᤡᤱᤘᤠ᤹ ᤔᤧᤄᤥᤛᤢ॥ 28ᤂᤧᤸᤗᤧ ᤁᤢᤛ᤻ᤛᤠᤃᤵᤔᤠ ᤕᤧᤶᤔᤥ ᤗᤳᤌᤡᤰᤗᤧ ᤁᤢᤜᤢᤰᤁᤡᤴ ᤗᤠ᤺ᤰᤁᤠᤳ ᤗ᤺ᤳᤋᤢ. ᤜᤧᤰᤁᤩᤠᤱ ᤜᤢᤰᤁᤧᤗᤡ᤺ᤱᤔᤧᤸᤗᤧ “ᤁᤴ ᤋᤃᤡ ᤛᤠᤃᤧᤘᤠ᤺ᤴᤇᤡᤱᤒᤠ” ᤐᤠ᤺ᤳᤋᤢᤖ ᤂᤧᤸᤗᤧ ᤁᤢᤜᤢᤰᤁᤥ ᤜᤧ᤺ᤳᤋᤠᤱᤒᤠ ᤂᤡ᤺ᤸᤗᤧ ᤀᤡᤓᤢᤳᤋᤢ ᤐᤡᤖᤢ॥ 29ᤁᤖ ᤂᤧᤸᤗᤧ ᤁᤢᤜᤢᤰᤁᤡᤴ ᤕᤠᤶᤔᤥ ᤛᤡᤃᤠᤱ ᤁᤣ᤺ᤳᤋᤢᤀᤠᤱ ᤂᤧᤸᤗᤧ ᤁᤢᤴᤛᤠ᤹ᤀᤡᤴᤏᤧ ᤋᤃᤡ ᤛᤠᤘᤠ᤺ᤴᤇᤡᤱ॥ ᤜᤧᤰᤁᤩᤠᤱ ᤂᤧᤸᤗᤧ ᤀᤰᤂᤣ ᤔᤧᤳᤋᤢ. “ᤜᤦ. ᤂᤧᤏᤧ᤹ᤃ ᤀᤠᤰᤂᤣᤀᤠᤱᤏᤡ ᤋᤃᤡ ᤁᤧᤓᤰᤋᤧ ᤁᤧᤗ᤺ᤴᤍᤧᤃ᥅” ᤜᤧᤰᤁᤩᤠᤱ ᤂᤧᤴ ᤑᤠᤖᤣᤛ#᥉᥎:᥈᥏ ᤑᤠᤖᤣᤛ—ᤁᤴ ᤔᤡᤱᤅᤧᤸᤗᤧ ᤁᤢᤒᤣᤴ ᤜᤡᤒᤪᤢᤀᤥ “ᤑᤰᤔᤠ ᤗ᤺ᤶᤔᤠ” ᤐᤥᤱ᤹॥ ᤔᤡᤱ ᤔᤧᤘᤠ᤺ᤳᤋᤢ॥ 30ᤂᤧᤒᤩᤠᤱ ᤕᤠᤱᤛᤡ ᤁᤢᤜᤢᤰᤁᤥ ᤜᤧ᤺ᤳᤋᤠᤱᤒᤠ ᤂᤡ᤺ᤸᤗᤧ ᤀᤡᤓᤢᤵᤔᤏᤠᤒᤧᤴ ᤛᤠᤘᤠ᤺ᤴᤇᤡᤱ॥ ᤂᤧᤴ ᤈᤣᤖᤜ#᥉᥎:᥉᥆ ᤈᤣᤖᤜ—ᤁᤴ ᤔᤡᤱᤅᤧᤴ ᤜᤡᤒᤪᤢᤀᤥ “ᤋᤠᤏᤠᤶ ᤜᤧ᤺ᤳ ᤗ᤹ᤖᤡᤰ ᤏᤠᤶᤃᤧᤁᤧᤵᤐᤠ ᤐᤠ᤺ᤴᤇᤣ᤺ᤰᤘᤠ” ᤜᤧᤰᤁᤣ ᤂᤧᤶᤍᤧᤳ॥ ᤔᤡᤱ ᤔᤧᤘᤠ᤺ᤳᤋᤢ॥
Currently Selected:
ᤋᤥᤗᤡᤱᤛᤥᤔᤢ 38: LIFOTNT
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.
