Si do Aposela ki kera ilidaki 8
8
1Ma tha Solo e ala fafia mae lana.
Ma kera tona ilamatai nia ṉa figua nai Jerusalema ana ila la baita ne tae mai afa boṉi eri; ma kera faaseesula iada keka lae tataka i la fanua i Judia ma i Sameria, talitoona bana aposela ki kesi lae. 2Ma wane na kera faabaita tha God ki kera kwaiṉei nia tha Sitifini, keka aṉisi nia faamau. 3Ma tha Solo e labatania ṉa figua, ka kotho i maafera kera ki sui bana, ka aba wane ki ma kini ki ma ka suusida i la lokafu.
4Mania toa eki na keka lae tataka kera liu, keka ṉata sulia si baea eri. 5Ma tha Filifi e sifo uria toaa susu thatana i Sameria, ma ka faaroṉoda sulia ṉa Christ. 6Ma malului wane eki keka fale kera ana tee si lio uria manatatoona lana si do eki na tha Filifi e ṉata sulia, si maṉa na kera roṉoa, ma kera rikia bala si do ne ilidaki. 7Sulaania spirit taa ki kera ’ai faamau, keka lae naa faisia toa oro na kera toto anida: ma kera faamarukia toa oro afemae e thauṉida, ma aaede katu. 8Ma seethathala la baita ka ni ana toaa susu eri.
9Sui tee nonii wane kai to, thatana tha Saimona, ne ra ana sukwaia spirit taa ki ana toaa susu eri, ka fula asi maṉa eri, ka alu fatona lana toa ana fanua i Sameria, ka tala alaṉi nia i talaana ana wane baita: 10Ma toa eki sui boo kera fale kera uria manatatoona lana si do wane eri e sorea, ita ana wane inamae ka fula ana wane inoto ka tatha, keka una eri, Wane nai na ṉa do sukwai tha God na kera alaṉi baita ania. 11Ma kera fale kera uria manatatoona lana si do ne sorea, uria ne alu fatona lada ka tau ana ra lana ana sukwaia spirit taa ki. 12Ma si maṉa na kera fitoona ṉata lana tha Filifi ne ṉata sulia si faaroṉoa lea sulia tooa tha God ma thatana tha Jesus Christ, kera babataesida, wane ki ma kini ki lau boo. 13Ma tha Saimona talani nia e faamamanea lau boo: ma kera babataesi nia e sui, ka to bia tha Filifi; me rikia kera ra ana bala si do ki ma ra baita wane si ilidaki, ka tona.
14Sui si maṉa aposela ki na kera ni Jerusalema kera roṉoa na Sameria e ṉalia bae lana tha God, keka arasia tha Pita ma tha Jone isada: 15Ma buriana na kero sifo mai, keko foa faisida, fasi keki ṉalia tha Spirit Abu: 16Uria ne ai si sifo u fafia ta wane iada: talitoona bana kera babataesida sui naa ana thatana tha Lord Jesus. 17Sui kero alua abadaroa fafi kera, ma keka ṉalia tha Spirit Abu. 18Ma si maṉa na tha Saimona e rikia na kera falea tha Spirit Abu sulia alu lana abana ro aposela ki, e faletoona malefo ifadaroa, 19Ka una eri, Moki falea mai sukwaia nai ifaku lau boo, fasi ni tei bana na nau kwai alua abaku fafia, kai ṉalia tha Spirit Abu. 20Ma tha Pita ka soree isana, Malefo oe kai sui ana bi oe, uria na manatamu sa si do na tha God ka tona falea bana oki usia ana malefo. 21E ai kesi toliṉi oe ata tee si do mena asi do eki na kulu ṉata sulia: sulaania ruruumu e ai si kokoto inaofatha God. 22Mania oki akeletania manatamu faisia taa la oe neri, ma oki foa atha God, fasi mado e ai si do no manataia i ruruumu keka manata lubea. 23Uria nau ku riki oe o ni u ana lalii ’ei ne afae ka tatha, ma kera kani fafi oe asi lio ne ai si kokoto. 24Ma tha Saimona e luua, ka sorea, Moki foa atha Lord uri nau, fasi e ai ta si do asi do eki na moro ṉata sulia si fulatooku.
25Mania buriana na kero faamamanea naa si do kero thaitoomana ma kero ṉata sulia bae lana tha Lord e sui, keko oli naa uri Jerusalema, ma keko ṉata sulia si faaroṉoa lea isana talee toaa faekwa oro ki ana toa i Sameria.
26Ma tee angel tha Lord e ṉata mai isatha Filifi, ka una eri, Oki tatae, oki lae uri mutana uria tala na ka sifo faisia Jerusalema uri Gasa: fanua eri fanua kwasi. 27Ma nia tatae, ka lae: ma rikia fasi, tee wane i Ethiopia, aufasu ne inoto faamau ana tooa ni Kadesi, kini inoto ne to fuila kiṉa toa i Ethiopia, wane ne gwauwai ana ogogonia kini eri ka sui bana, ne lalae uri Jerusalema fasi kai foa; 28Ma kai oli na kau, kai ono i la do hosi kai aba, ka teemai nia Aisaia ṉa porofeta. 29Ma tha Spirit ka soree isatha Filifi, Oko idu karaṉia, oki lae bia do eri hosi kai aba. 30Ma tha Filifi e fita mai isana, kai roṉo nia ne teemai nia Aisaia ṉa porofeta, ka sorea O thaitoomana maalutana si do no teemai nia neri? 31Ma nia sorea, Kwai thaitoomana ufita, si maṉa ne ai ta wane si fatai nia tala isaku? Ma nia ṉata kwaitakoi isatha Filifi, sa kai tae, kai ono isana. 32Si kula ana kekeda la abu eri ne teemai nia nai nia,
Kera talai nia ’uria sifi ana thauṉi lana la;
Ma ’uria lau boo lama ne bona bana inaofana toa na kera sufia ifuna,
Una eri lau boo Wane eri e ai si ifinia fokona:
33Ana thafee to faekwa la nia wane ni kotu e ṉata garo suli nia:
Ni tei na kai uunu sulia si do na kai thafali mai ani nia?
Sulaania kera ṉalia maṉona ka ai naa faisia fanua nei iano.
34Ma aufasu eri ka luua tha Filifi, ka sorea, Ku soetoomu, ni tei neri na ṉa porofeta e sorea si do eri sulia? suli nia i talaana, mado sulia ta wane eeta lau? 35Ma tha Filifi ka ifinia fokona, ka thafali mai ana kekeda la eri, ma ka faaroṉo nia atha Jesus. 36Ma ana lae lada sula tale, kera fulatoona tee kafo; ma aufasu eri ka sorea, Oki rikia, tee kafo; si ta ne suusi nau fasi e ai kesi babataesi nau? [ 37Ma tha Filifi ka sorea, Mada soki fitoo ana ruruumu teefau, do kera alamatania. Ma nia luua, ka sorea, Nau ku faamamanea tha Jesus Christ na nia Kaluwane tha God.] 38Ma nia ka sorea do hosi kai aba kai takwe ṉado: ma keroa keko sifo uri la kafo, tha Filifi ma aufasu eri lau boo; ma nia ka babataesi nia. 39Ma lalae kero tae naa faisia kafo, Spirit tha Lord e ṉalia tha Filifi; ma aufasu eri e ai si riki nia lau, ma nia lae sula tale nia ana seethathala la. 40Ma tha Filifi kera fulatoona i Asotasi: ma nia tatha i fanua eri, ka ṉata sulia si faaroṉoa lea i la toaa susu eki sui boo, ka fula ana Sesaria.
Currently Selected:
Si do Aposela ki kera ilidaki 8: MLU1949
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1949, 1951
Si do Aposela ki kera ilidaki 8
8
1Ma tha Solo e ala fafia mae lana.
Ma kera tona ilamatai nia ṉa figua nai Jerusalema ana ila la baita ne tae mai afa boṉi eri; ma kera faaseesula iada keka lae tataka i la fanua i Judia ma i Sameria, talitoona bana aposela ki kesi lae. 2Ma wane na kera faabaita tha God ki kera kwaiṉei nia tha Sitifini, keka aṉisi nia faamau. 3Ma tha Solo e labatania ṉa figua, ka kotho i maafera kera ki sui bana, ka aba wane ki ma kini ki ma ka suusida i la lokafu.
4Mania toa eki na keka lae tataka kera liu, keka ṉata sulia si baea eri. 5Ma tha Filifi e sifo uria toaa susu thatana i Sameria, ma ka faaroṉoda sulia ṉa Christ. 6Ma malului wane eki keka fale kera ana tee si lio uria manatatoona lana si do eki na tha Filifi e ṉata sulia, si maṉa na kera roṉoa, ma kera rikia bala si do ne ilidaki. 7Sulaania spirit taa ki kera ’ai faamau, keka lae naa faisia toa oro na kera toto anida: ma kera faamarukia toa oro afemae e thauṉida, ma aaede katu. 8Ma seethathala la baita ka ni ana toaa susu eri.
9Sui tee nonii wane kai to, thatana tha Saimona, ne ra ana sukwaia spirit taa ki ana toaa susu eri, ka fula asi maṉa eri, ka alu fatona lana toa ana fanua i Sameria, ka tala alaṉi nia i talaana ana wane baita: 10Ma toa eki sui boo kera fale kera uria manatatoona lana si do wane eri e sorea, ita ana wane inamae ka fula ana wane inoto ka tatha, keka una eri, Wane nai na ṉa do sukwai tha God na kera alaṉi baita ania. 11Ma kera fale kera uria manatatoona lana si do ne sorea, uria ne alu fatona lada ka tau ana ra lana ana sukwaia spirit taa ki. 12Ma si maṉa na kera fitoona ṉata lana tha Filifi ne ṉata sulia si faaroṉoa lea sulia tooa tha God ma thatana tha Jesus Christ, kera babataesida, wane ki ma kini ki lau boo. 13Ma tha Saimona talani nia e faamamanea lau boo: ma kera babataesi nia e sui, ka to bia tha Filifi; me rikia kera ra ana bala si do ki ma ra baita wane si ilidaki, ka tona.
14Sui si maṉa aposela ki na kera ni Jerusalema kera roṉoa na Sameria e ṉalia bae lana tha God, keka arasia tha Pita ma tha Jone isada: 15Ma buriana na kero sifo mai, keko foa faisida, fasi keki ṉalia tha Spirit Abu: 16Uria ne ai si sifo u fafia ta wane iada: talitoona bana kera babataesida sui naa ana thatana tha Lord Jesus. 17Sui kero alua abadaroa fafi kera, ma keka ṉalia tha Spirit Abu. 18Ma si maṉa na tha Saimona e rikia na kera falea tha Spirit Abu sulia alu lana abana ro aposela ki, e faletoona malefo ifadaroa, 19Ka una eri, Moki falea mai sukwaia nai ifaku lau boo, fasi ni tei bana na nau kwai alua abaku fafia, kai ṉalia tha Spirit Abu. 20Ma tha Pita ka soree isana, Malefo oe kai sui ana bi oe, uria na manatamu sa si do na tha God ka tona falea bana oki usia ana malefo. 21E ai kesi toliṉi oe ata tee si do mena asi do eki na kulu ṉata sulia: sulaania ruruumu e ai si kokoto inaofatha God. 22Mania oki akeletania manatamu faisia taa la oe neri, ma oki foa atha God, fasi mado e ai si do no manataia i ruruumu keka manata lubea. 23Uria nau ku riki oe o ni u ana lalii ’ei ne afae ka tatha, ma kera kani fafi oe asi lio ne ai si kokoto. 24Ma tha Saimona e luua, ka sorea, Moki foa atha Lord uri nau, fasi e ai ta si do asi do eki na moro ṉata sulia si fulatooku.
25Mania buriana na kero faamamanea naa si do kero thaitoomana ma kero ṉata sulia bae lana tha Lord e sui, keko oli naa uri Jerusalema, ma keko ṉata sulia si faaroṉoa lea isana talee toaa faekwa oro ki ana toa i Sameria.
26Ma tee angel tha Lord e ṉata mai isatha Filifi, ka una eri, Oki tatae, oki lae uri mutana uria tala na ka sifo faisia Jerusalema uri Gasa: fanua eri fanua kwasi. 27Ma nia tatae, ka lae: ma rikia fasi, tee wane i Ethiopia, aufasu ne inoto faamau ana tooa ni Kadesi, kini inoto ne to fuila kiṉa toa i Ethiopia, wane ne gwauwai ana ogogonia kini eri ka sui bana, ne lalae uri Jerusalema fasi kai foa; 28Ma kai oli na kau, kai ono i la do hosi kai aba, ka teemai nia Aisaia ṉa porofeta. 29Ma tha Spirit ka soree isatha Filifi, Oko idu karaṉia, oki lae bia do eri hosi kai aba. 30Ma tha Filifi e fita mai isana, kai roṉo nia ne teemai nia Aisaia ṉa porofeta, ka sorea O thaitoomana maalutana si do no teemai nia neri? 31Ma nia sorea, Kwai thaitoomana ufita, si maṉa ne ai ta wane si fatai nia tala isaku? Ma nia ṉata kwaitakoi isatha Filifi, sa kai tae, kai ono isana. 32Si kula ana kekeda la abu eri ne teemai nia nai nia,
Kera talai nia ’uria sifi ana thauṉi lana la;
Ma ’uria lau boo lama ne bona bana inaofana toa na kera sufia ifuna,
Una eri lau boo Wane eri e ai si ifinia fokona:
33Ana thafee to faekwa la nia wane ni kotu e ṉata garo suli nia:
Ni tei na kai uunu sulia si do na kai thafali mai ani nia?
Sulaania kera ṉalia maṉona ka ai naa faisia fanua nei iano.
34Ma aufasu eri ka luua tha Filifi, ka sorea, Ku soetoomu, ni tei neri na ṉa porofeta e sorea si do eri sulia? suli nia i talaana, mado sulia ta wane eeta lau? 35Ma tha Filifi ka ifinia fokona, ka thafali mai ana kekeda la eri, ma ka faaroṉo nia atha Jesus. 36Ma ana lae lada sula tale, kera fulatoona tee kafo; ma aufasu eri ka sorea, Oki rikia, tee kafo; si ta ne suusi nau fasi e ai kesi babataesi nau? [ 37Ma tha Filifi ka sorea, Mada soki fitoo ana ruruumu teefau, do kera alamatania. Ma nia luua, ka sorea, Nau ku faamamanea tha Jesus Christ na nia Kaluwane tha God.] 38Ma nia ka sorea do hosi kai aba kai takwe ṉado: ma keroa keko sifo uri la kafo, tha Filifi ma aufasu eri lau boo; ma nia ka babataesi nia. 39Ma lalae kero tae naa faisia kafo, Spirit tha Lord e ṉalia tha Filifi; ma aufasu eri e ai si riki nia lau, ma nia lae sula tale nia ana seethathala la. 40Ma tha Filifi kera fulatoona i Asotasi: ma nia tatha i fanua eri, ka ṉata sulia si faaroṉoa lea i la toaa susu eki sui boo, ka fula ana Sesaria.
Currently Selected:
:
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1949, 1951