GENESIS 23
23
1Ma tee taleṉee fa ṉali ma ro tafulu fa ṉali ma fiu fa ṉali e sui ani Sera: fa ṉali ki ana to lana ni Sera neri. 2Ma ni Sera e mae i Kiriata‐afa, i Hefirono neri, i la fanua i Kenana: ma tha Aberahamo ka fula mai ka tatao fafia ni Sera ma ka aṉisia. 3Ma tha Aberahamo ka takwe iaa faisia kini mae nia, ka ṉata isana kaluwane tha Hete ki, ka una eri, 4Nau ṉa wane ata fanua eeta ma wane ku to ni laea isamulua: falea mai akua ta kula ni aluwanea isamulua, fasi kwai alua kini mae nau nei iei, maaku si riki nia lau. 5Ma kwalafaa tha Hete ki keka luua tha Aberahamo, keka soree isana, 6Arai ena ae, fafuroṉo, kamilia fasi: ni oe ṉa wane gwauwai tha God imaalutamilia: asi kula ne lea ka tatha asi kula kamilia ni aluwanea ki, alua fasi kini oe ne mae neri; e a’i ta wane iamilia si lufia si kula nia ni aluwanea faisi oe, si lufi oe osi alua iei kini oe ne mae. 7Ma tha Aberahamo ka takwe iaa, ka agwaoro isana toa ana fanua eri, isana kwalafaa tha Hete ki neri. 8Ma nia ka tamani bida, ka una eri, Mada sa manatamulua neri sa nau kwai alua kini nau ne mae, maaku si riki nia lau; fafuroṉo nau fasi, muki ṉata kwaitakoi ifaku satha Ifurono, kaluwane tha Soha, 9Fasi ka falea maufi ba i Makabila iaku, na do nia u boo na i oli lana bali gano nia; nia kai usi ania ifaku ana malefo eki sui bana ne talaana, si kula nau ni bonaa, si kula ni aluwanea i maalutamulua. 10Ma tha Ifurono e to bana imaalutana kwalafaa tha Hete ki: ma Hitaete eri na tha Ifurono e luua tha Aberahamo i aliṉana kwalafaa tha Hete ki, toa eki sui bana na kera kotho mai i la maethakaa toaa susu eri, ka una eri. 11E a’i bana, arai ena ae, roṉoa fasi ṉata laku: bali gano eri kwai tona falea iamu, ma maufi ba na ni iei kwai tona falea iamu; inaofana kaluwane toa nau ki, nai nida, kwai tona falea iamu: alua fasi kini mae oe ba. 12Ma tha Aberahamo ka agwaoro inaofana toa ana fanua eri. 13Ma nia ka ṉata isatha Ifurono i aliṉana toa ana fanua eri, ka una eri, Ma sui mado soki falea mai, nau ku thathamia oki roṉoa fasi bae laku: nau kwai falea usi lana bali gano eri ana malefo; usi ania ifaku, ma nau kwai bii alua iei kini nau ne mae. 14Ma tha Ifurono ka luua tha Aberahamo, ka una eri isana, 15Arai ena ae, fafuroṉo nau fasi: usi lana bali gano nei fai taleṉee fa sekele ana silifa; tonee do neri imaalutakaroa, mado? mania alua fasi kini oe ne mae. 16Ma tha Aberahamo ka ade sulia ṉata lana tha Ifurono; ma tha Aberahamo ka ilitoona ifatha Ifurono kulua lana silifa eri ne aratai nia, na kaluwane tha Hete ki kera roṉoa na ba, fai taleṉee fa sekele ana silifa, malefo eki e farana wane ne usia do ana todado la ki. 17Ma bali gano tha Ifurono ne i Makabila otofana i Mamari, gano eri, ma maufi na ni iei, ma ’ai eki sui bana i la bali gano eri i oli lana kakali ki mai, kera faaṉadoa usi lana kai mamana 18Ifatha Aberahamo, do nia ni bonaa, inaofana kwalafaa tha Hete ki, na toa eki sui bana na kera kotho mai ana maethakaa toaa susu nia. 19Ma buriana si do nei, tha Aberahamo ka alua seena kwaina na ni Sera i la maufi ana bali gano eri i Makabila otofana i Mamari, i Heforono nei la fanua i Kenana. 20Ma bali gano eri, ma maufi na ni lala, kaluwane tha Hete ki kera faaṉadoa usi lana kai mamana ifatha Aberahamo, na kula nia ni bonaa ni aluwanea.
Currently Selected:
GENESIS 23: MLU1949
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1949, 1951
