ÂTHAONA 5
5
Âdâh pathlazy
(1 Ttr 1.1-4)
1 #
Âtn 1.27,28 He he Âdâh pathlazy rona châbu a châ. Khazohpa ta chyhsapa a tao nona khata, ano cha Khazohpa lyupa ta tao ta, 2#Mat 19.4; Mka 10.6chapaw nata chanô ta a tao ei. Taopa ama châ nona khata, âmo cha byhnâ awpa ta, chyhsapa tahpa ta moh a bi ei. 3Âdâh cha kô 130 a châ nahta, ano a lyupa, ano kakuapa sawchapawpa sa ta, a moh Sethâ a bi. 4Sethâ a sa tawhta Âdâh cha kô 800 hroh ta, sawchapawzy nata sawchanôzy sa via ta. 5Âdâh cha kô 930 hroh ta, thi ha ta.
6Sethâ cha kô 105 a châ nahta, Enawsâ sa ta. 7Enawsâ a sa tawhta Sethâ cha kô 807 hroh ta, sawchapawzy nata sawchanôzy sa via ta. 8Sethâ cha kô 912 hroh ta, thi ha ta.
9Enawsâ cha kô 90 a châ nahta, Kenâ sa ta. 10Kenâ a sa tawhta Enawsâ cha kô 815 hroh ta, sawchapawzy nata sawchanôzy sa via ta. 11Enawsâ cha kô 905 hroh ta, thi ha ta.
12Kenâ cha kô 70 a châ nahta, Mâhalâle sa ta. 13Mâhalâle a sa tawhta Kenâ cha kô 840 hroh ta, sawchapawzy nata sawchanôzy sa via ta. 14Kenâ cha kô 910 hroh ta, thi ha ta.
15Mâhalâle cha kô 65 a châ nahta, Zare sa ta. 16Zare a sa tawhta Mâhalâle cha kô 830 hroh ta, sawchapawzy nata sawchanôzy sa via ta. 17Mâhalâle cha kô 895 hroh ta, thi ha ta.
18Zare cha kô 162 a châ nahta, Enawka sa ta. 19Enawka a sa tawhta Zare cha kô 800 hroh ta, sawchapawzy nata sawchanôzy sa via ta. 20Zare cha kô 962 hroh ta, thi ha ta.
21Enawka cha kô 65 a châ nahta, Methuselâ sa ta. 22Methuselâ a sa tawhta Enawka cha kô 300 chhôh Khazohpa nata a kao ei ta, sawchapawzy nata sawchanôzy sa via ta. 23Enawka cha kô 365 tlai hroh ta. 24#Heb 11.5; Zud 1.14Enawka cha a hro chhôh ta khazohpa a kao tyh ta, chavâta Khazohpa ta ano cha la ha ta, hmô awpa y khao vei.
25Methuselâ cha kô 187 a châ nahta, Lâmeka sa ta. 26Lâmeka a sa tawhta Methuselâ cha kô 782 hroh ta, sawchapawzy nata sawchanôzy sa via ta. 27Methuselâ cha kô 969 hroh ta, thi ha ta.
28Lâmeka cha kô 182 a châ nahta, sawchapaw sa ta, 29“Abeipa ta chhie a sa hapa chhaohlei liata eima hriapasana nata rietheinazy tawhta phao miah pahua awpa,” tah ta a moh Nôah#5.29 “Nôah” tahpa cha, “phao pahua, chapawh, pachha” tahna a châ. Nôah tahpa he Hebrai reih liata a parozie a châ. a bi. 30Lâmeka cha Nôah a sa tawhta kô 595 hroh ta, sawchapawzy nata sawchanôzy sa via ta. 31Lâmeka cha kô 777 hroh ta, thi ha ta.
32Nôah cha kô 500 a châ nahta, Semâ, Hamâ nata Zaphethâ zy sa ta.
Currently Selected:
ÂTHAONA 5: MARVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
