MÂKA 6
6
Nâzari khih liata Zisu ama dytha
(Mat 13.53-58; Lka 4.16-30)
1Cha su tawhta pua ta, a khih lâ ngai ta, a pachupazy ta ano cha zi ei ta. 2Pahânoh ta pakhyna o liata pachu pathao ta. A bie a theituhpa hluhpizy cha ama noâh ngaita ta, “He chyhsa heta, he biezy he khataih tawhta ma a pahno tly? He chyhsa hnohta sona piepa he kheihawhpa sona ma a châ tly? Kha hawhpa hmonoâhpazy kha, kheihta ma a ku ta a tao thei tly? 3He chyhsa he Zâmie, Zôse, Zudâh nata Saimaw zy unawhpa, Mâri sawchapawpa, tho zôthaipa kha châ vei ma? A sietanôzy chhao, he liata eima hnohta y thlâh ha veih ei ma?” tah ei ta. Chavâta a chô liata ama palôh châ leipa ta. 4#Zhn 4.44Zisu ta ama hnohta, “Hrohsopa cha, a khih nata a chiheih nata a chhôhkha liata tah leipa ta la, palyupalihna hlao leipa ta y beih vei,” tah ta. 5Chavâta tlâhleipa chyhsa chyhtazy chô liata a ku pahnieh ta a patlâhpazy dei leipa ta cha, Nâzari khih liata hmonoâhpa tao thei vei. 6Ama zo leina kyh liata noâh a tah ngaita. Chatawhcha khihzy chahryhpa ta, pachu lymâ ta.
Lyuhchâpazy tuana
(Mat 10.5-15; Lka 9.1-6)
7Pahrawh hleinozy cha aw ta, pano lymâ ta tuah ta, thlahpa puapazy chô liata biehneina ama hnohta pie ta. 8Chôchahrei dei leipa ta cha, khâpa hmah, viahchhâ tlyma, sahria tlyma, ama chaisaihna liata tâkâ tlyma a phao lei awpa ta, âmo cha biepie ta. 9Pheiky deikua a kypa ta, viahkao zo no a ky lei awpa ta biepie hra ta. 10Ama hnohta, “Khataih lia rai ta, nama tlôna o cha nama sie heih hlâlei puasai khuh vy. 11#Hmt 13.51#Lka 10.4-11Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta. 12Chatanachata sie ei ta, ro awpa ta chyhsazy chho laih lymâ ei ta. 13#Zâm 5.14Ahripa hluhpi papua ei ta, tlâhleipa hluhpi sathaw thu ei ta, ama patlâh lymâ.
Bâtituhpa Zawhâna thina
(Mat 14.1-12; Lka 9.1-9)
14 #
Mat 16.14; Mka 8.28; Lka 9.19 Zisu cha a moh a pathâh kawpa vâta, Bei Herawda chhao ta a thâtih vaw thei ta. Thokhazy ta, “Bâtituhpa Zawhâna kha athipa hry tawhta thyu heih ta, chavâta he hmonoâhpa tao theina biehneinazy he ano liata a ypa a châ,” tah ei ta. 15Ahropazy ta, “Elaizâh a châ,” tah ei ta. Ahropazy heih ta, “Hrohsopa na a châ, hrohsopa parohpa hry liata pakha a lyu,” tah ei ta. 16Herawda deikua ta a thei nahta, “A luh ei tai hapa Zawhâna a vaw thyu heihpa a châ chuh,” tah ta. 17#Lka 3.19,20Herawdâ ta a unawhpa Phili lapinô Herawdi cha lapinô ta a hneipa kyh liata, chyhsa tuah ta Zawhâna cha patusa ta, patâhna o liata chahryna chôta a khôpa kha a châ. 18Zawhâna ta Herawda hnohta, “Na unawhpa lapinô na hneipa he ryhpa ta pasaih vei,” tahpa ta a chhopa vâta a châ. 19Chavâta Herawdi ta Zawhâna cha a hao kaw ta, thie awpa khoh ta, châhrasala tao thei leipa ta. 20Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh. 21Herawdi châta daihti rypaohpa vaw y ta. Herawda ta a pina noh liata a beimachâzy, a pheisaih hyutuhpazy nata Kâlili râh liata molaipazy châta kyhchhi tao ta. 22Herawdi sawchanônô a vaw ngia ta, lâh ta, Herawda nata a hnohta a tyuhpazy cha palysa ngaita ta. Abei ta laihsa hnohta, “Na khopa maih na hiah teh, ei cha pie aw,” tah ta. 23A hnohta bie a taih ta, “Khâpa rai eina hiapa maih chi cha, ei râh khophie chhao châ sala, ei cha pie aw,” tah ta. 24Laihsa cha pua ta, a nô hnohta, “Khâpa ei hia aw?” tah ta. A nô ta, “Bâtituhpa Zawhâna luh,” tah ta. 25Laihsa cha abei lâ thlai a ngia ta, a hnohta, “Bâtituhpa Zawhâna luh beikoh liata sopa ta thlai eina pie awpa chi ta ei khoh,” tah ta. 26Abei cha a pachârôh ngaita ta, châhrasala chyhsa peimawhpa a hruapazy hmiakô liata bie â taih hapa vâta, laihsa hnohta bie a rei hapa cha parao khoh leipa ta. 27Abei ta pheisaih thlai tuah ta, Zawhâna luh vaw chei awpa ta biepie ta. Pheisaih cha vawh ta, Zawhâna luh cha patâhna o liata kei tai ta. 28Beikoh ta a luh cha vaw cheih ta, laihsa hnohta pie ta, laihsa ta a nô hnohta pie ta. 29Cha thâtih cha Zawhâna pachupazy ta ama pahno nahta, a ri la ei ta, thlâ liata ama pazia haw.
Sâh pangawh rih a pabie
(Mat 14.13-21; Lka 9.10-17; Zhn 6.1-14)
30Lyuhchâpazy Zisu lâ vaw kua ei ta, ama hmotaopa nata pachupa kyh zydua Zisu chho ei ta. 31Zisu ta ama hnohta, “Nâmo dei ta su dâhthlohpa lâ a vy u la, buakha a pahâ chy teh u,” tah ta. Chyhsa hluhpi ta zu heih, khy heih ama tahpa vâta, pati dâhdei chhao nie hmâ leipa ei ta. 32Âmo deita ta su dâhthlohpa lâ cha balyh ta sie ei ta. 33Chyhsa hluhpi ta ama siepa cha hmô ei ta, âmo ama châ tahpa pahno ei ta, khih to tawhta phei ta a vaw râ chyu ei ta, tlô khâh ha ei ta. 34#Maluh 27.17; 1 Abei 22.17; 2 Ttr 18.16; Ezk 34.5; Mat 9.36Zisu cha ngiahkâ lâ a pua nahta, zawpi hluhpi hmô ta, vaituhpa hnei leipa mietaku hawhta ama châpa vâta, âmo cha a tha pasa ngaita ta. Âmo cha hmo hluhpi pachu ta. 35Zâlâ a vaw châ nahta, a pachupazy ano lâ a vy ei ta, a hnohta, “He he su dâhthlohpa châ ta, zâlâ a châ ha hih. 36Ama nie awpa khâpa chhâ ma amâ kei chalei thei nawpa ta, zawpizy he eima chheipâh khihzy nata lyuzy lâ pasiesa teh,” tah ei ta. 37Zisu ta ama hnohta, “Nâmo ta nie awpa pie teh u,” tah ta. Âmo ta a hnohta, “Dinâri#6.37 Dinâri he Rawma tâkâ dipa châ ta, noh kha ku raihria hlao a châ (Mat 20.2). za no mâ ta viahchhâ kei chalei sih la ma, nie awpa cha âmo eima pie aw?” tah ei ta. 38Zisu ta ama hnohta, “Viahchhâ tlâ khazie nama hnei? Vawh u la, kei moh tua u,” tah ta. Ama hneipa zie ama pahno nahta, “Viahchhâ tlâ pangawh nata ngasa miano,” tah ei ta. 39Zawpizy cha sibiepa su liata a py py ta patyusa awpa ta a pachupazy cha biepie ta. 40Chatanachata a py py ta, za kha py ta zy, sypangawh py ta zy a tyuh ei ta. 41Zisu ta viahchhâ tlâ pangawh nata ngasa miano cha la ta, avâ lâ ua ta, byhnâ aw ta. Viahchhâzy cha eichheih ta, zawpizy rai awpa ta a pachupazy pie ta. Ngasa mianopa cha pachhaih ta ama zydua ta rai ta. 42Ama zydua ta nie ei ta, ama rih bie khai ta. 43Viahchhâ nata ngasa ama nie bâhpa chhao hrâbyh hmo hrawh hleino tlai a huah ei ta. 44Viahchhâ a nietuhpazy cha paw tlohpa sai ta sâh pangawh ama châ.
Zisu ti chô liata a sie
(Mat 14.22-27; Zhn 6.16-21)
45Zawpizy a pasiesa chhôh ta, a pachupazy cha a hmia lâta, haosâ Besaidâ khih lâ balyh ta thlai pasiesa chhielie ta. 46Âmo a pasiesa khai nahta, thlahchhâ awpa ta tlâh lâ kiah ta. 47Zâlâ a vaw châ nahta, balyh cha tipo liah liata y ta, ano cha tlâh liata ano dei ta y ta. 48Thlih ta thata a supa vâta, balyh ama hiapa ama rie a thei kawpa ta hmô ta. Zâ vaina ei palihna rachhôh liata,#6.48 Zâ vaina ei palihna he khihdei chy a châ. âmo cha chapia a chhuahpa ta, tipo chô liata phei ta siepa ta, âmo cha kei pangai ta. 49Tipo chô liata phei ta a siepa ama hmô nahta, thlahmihpa khiah ma tah ei ta, thata sâh ei ta. 50Ama zydua ta hmô khai ei ta, ama chi ngaita. Zisu ta a pachupazy cha bie thlai a chho ta, ama hnohta, “Thlalôhpa ta y teh u; keima na ei châ. Chi khah u,” tah ta. 51Ama hnohta balyh liata a ngia ta, thlih cha a chalih ha ta. A pachupazy cha ama noâh ngaita ta. 52Ama palôh kuhchhapa vâta, viahchhâ kyh liata hmo a tlôpa kha ama pahno thai leipa a châ.
Kenesare liata tlâhleipa a patlâh
(Mat 14.34-36)
53Haosâ lâ ama chaka nahta, Kenesare râh kei tlô ei ta. Ngiahkâ liata ama balyh hraih ei ta. 54Balyh tawhta ama pua nahta, chyhsazy ta ano cha thlai pahno ha ei ta. 55Cha râh chaby zydua lâ thlai sie ei ta. A yna su ama pahnona lâ maih tlâhleipazy ama hmohphaw chhaota a vaw sy ei ta. 56Khitaw liata zy, khihpi liata zy, lyu liata zy, khataih lia rai ta a siena maihta, tlâhleipazy cha sôhdaoh su liata zy pazia ei ta, a poh pai chhâ hria awpa ta Zisu cha a haw ei ta, a hriapa maihta tlâh lymâ ei ta.
Currently Selected:
MÂKA 6: MARVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
MÂKA 6
6
Nâzari khih liata Zisu ama dytha
(Mat 13.53-58; Lka 4.16-30)
1Cha su tawhta pua ta, a khih lâ ngai ta, a pachupazy ta ano cha zi ei ta. 2Pahânoh ta pakhyna o liata pachu pathao ta. A bie a theituhpa hluhpizy cha ama noâh ngaita ta, “He chyhsa heta, he biezy he khataih tawhta ma a pahno tly? He chyhsa hnohta sona piepa he kheihawhpa sona ma a châ tly? Kha hawhpa hmonoâhpazy kha, kheihta ma a ku ta a tao thei tly? 3He chyhsa he Zâmie, Zôse, Zudâh nata Saimaw zy unawhpa, Mâri sawchapawpa, tho zôthaipa kha châ vei ma? A sietanôzy chhao, he liata eima hnohta y thlâh ha veih ei ma?” tah ei ta. Chavâta a chô liata ama palôh châ leipa ta. 4#Zhn 4.44Zisu ta ama hnohta, “Hrohsopa cha, a khih nata a chiheih nata a chhôhkha liata tah leipa ta la, palyupalihna hlao leipa ta y beih vei,” tah ta. 5Chavâta tlâhleipa chyhsa chyhtazy chô liata a ku pahnieh ta a patlâhpazy dei leipa ta cha, Nâzari khih liata hmonoâhpa tao thei vei. 6Ama zo leina kyh liata noâh a tah ngaita. Chatawhcha khihzy chahryhpa ta, pachu lymâ ta.
Lyuhchâpazy tuana
(Mat 10.5-15; Lka 9.1-6)
7Pahrawh hleinozy cha aw ta, pano lymâ ta tuah ta, thlahpa puapazy chô liata biehneina ama hnohta pie ta. 8Chôchahrei dei leipa ta cha, khâpa hmah, viahchhâ tlyma, sahria tlyma, ama chaisaihna liata tâkâ tlyma a phao lei awpa ta, âmo cha biepie ta. 9Pheiky deikua a kypa ta, viahkao zo no a ky lei awpa ta biepie hra ta. 10Ama hnohta, “Khataih lia rai ta, nama tlôna o cha nama sie heih hlâlei puasai khuh vy. 11#Hmt 13.51#Lka 10.4-11Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta. 12Chatanachata sie ei ta, ro awpa ta chyhsazy chho laih lymâ ei ta. 13#Zâm 5.14Ahripa hluhpi papua ei ta, tlâhleipa hluhpi sathaw thu ei ta, ama patlâh lymâ.
Bâtituhpa Zawhâna thina
(Mat 14.1-12; Lka 9.1-9)
14 #
Mat 16.14; Mka 8.28; Lka 9.19 Zisu cha a moh a pathâh kawpa vâta, Bei Herawda chhao ta a thâtih vaw thei ta. Thokhazy ta, “Bâtituhpa Zawhâna kha athipa hry tawhta thyu heih ta, chavâta he hmonoâhpa tao theina biehneinazy he ano liata a ypa a châ,” tah ei ta. 15Ahropazy ta, “Elaizâh a châ,” tah ei ta. Ahropazy heih ta, “Hrohsopa na a châ, hrohsopa parohpa hry liata pakha a lyu,” tah ei ta. 16Herawda deikua ta a thei nahta, “A luh ei tai hapa Zawhâna a vaw thyu heihpa a châ chuh,” tah ta. 17#Lka 3.19,20Herawdâ ta a unawhpa Phili lapinô Herawdi cha lapinô ta a hneipa kyh liata, chyhsa tuah ta Zawhâna cha patusa ta, patâhna o liata chahryna chôta a khôpa kha a châ. 18Zawhâna ta Herawda hnohta, “Na unawhpa lapinô na hneipa he ryhpa ta pasaih vei,” tahpa ta a chhopa vâta a châ. 19Chavâta Herawdi ta Zawhâna cha a hao kaw ta, thie awpa khoh ta, châhrasala tao thei leipa ta. 20Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh. 21Herawdi châta daihti rypaohpa vaw y ta. Herawda ta a pina noh liata a beimachâzy, a pheisaih hyutuhpazy nata Kâlili râh liata molaipazy châta kyhchhi tao ta. 22Herawdi sawchanônô a vaw ngia ta, lâh ta, Herawda nata a hnohta a tyuhpazy cha palysa ngaita ta. Abei ta laihsa hnohta, “Na khopa maih na hiah teh, ei cha pie aw,” tah ta. 23A hnohta bie a taih ta, “Khâpa rai eina hiapa maih chi cha, ei râh khophie chhao châ sala, ei cha pie aw,” tah ta. 24Laihsa cha pua ta, a nô hnohta, “Khâpa ei hia aw?” tah ta. A nô ta, “Bâtituhpa Zawhâna luh,” tah ta. 25Laihsa cha abei lâ thlai a ngia ta, a hnohta, “Bâtituhpa Zawhâna luh beikoh liata sopa ta thlai eina pie awpa chi ta ei khoh,” tah ta. 26Abei cha a pachârôh ngaita ta, châhrasala chyhsa peimawhpa a hruapazy hmiakô liata bie â taih hapa vâta, laihsa hnohta bie a rei hapa cha parao khoh leipa ta. 27Abei ta pheisaih thlai tuah ta, Zawhâna luh vaw chei awpa ta biepie ta. Pheisaih cha vawh ta, Zawhâna luh cha patâhna o liata kei tai ta. 28Beikoh ta a luh cha vaw cheih ta, laihsa hnohta pie ta, laihsa ta a nô hnohta pie ta. 29Cha thâtih cha Zawhâna pachupazy ta ama pahno nahta, a ri la ei ta, thlâ liata ama pazia haw.
Sâh pangawh rih a pabie
(Mat 14.13-21; Lka 9.10-17; Zhn 6.1-14)
30Lyuhchâpazy Zisu lâ vaw kua ei ta, ama hmotaopa nata pachupa kyh zydua Zisu chho ei ta. 31Zisu ta ama hnohta, “Nâmo dei ta su dâhthlohpa lâ a vy u la, buakha a pahâ chy teh u,” tah ta. Chyhsa hluhpi ta zu heih, khy heih ama tahpa vâta, pati dâhdei chhao nie hmâ leipa ei ta. 32Âmo deita ta su dâhthlohpa lâ cha balyh ta sie ei ta. 33Chyhsa hluhpi ta ama siepa cha hmô ei ta, âmo ama châ tahpa pahno ei ta, khih to tawhta phei ta a vaw râ chyu ei ta, tlô khâh ha ei ta. 34#Maluh 27.17; 1 Abei 22.17; 2 Ttr 18.16; Ezk 34.5; Mat 9.36Zisu cha ngiahkâ lâ a pua nahta, zawpi hluhpi hmô ta, vaituhpa hnei leipa mietaku hawhta ama châpa vâta, âmo cha a tha pasa ngaita ta. Âmo cha hmo hluhpi pachu ta. 35Zâlâ a vaw châ nahta, a pachupazy ano lâ a vy ei ta, a hnohta, “He he su dâhthlohpa châ ta, zâlâ a châ ha hih. 36Ama nie awpa khâpa chhâ ma amâ kei chalei thei nawpa ta, zawpizy he eima chheipâh khihzy nata lyuzy lâ pasiesa teh,” tah ei ta. 37Zisu ta ama hnohta, “Nâmo ta nie awpa pie teh u,” tah ta. Âmo ta a hnohta, “Dinâri#6.37 Dinâri he Rawma tâkâ dipa châ ta, noh kha ku raihria hlao a châ (Mat 20.2). za no mâ ta viahchhâ kei chalei sih la ma, nie awpa cha âmo eima pie aw?” tah ei ta. 38Zisu ta ama hnohta, “Viahchhâ tlâ khazie nama hnei? Vawh u la, kei moh tua u,” tah ta. Ama hneipa zie ama pahno nahta, “Viahchhâ tlâ pangawh nata ngasa miano,” tah ei ta. 39Zawpizy cha sibiepa su liata a py py ta patyusa awpa ta a pachupazy cha biepie ta. 40Chatanachata a py py ta, za kha py ta zy, sypangawh py ta zy a tyuh ei ta. 41Zisu ta viahchhâ tlâ pangawh nata ngasa miano cha la ta, avâ lâ ua ta, byhnâ aw ta. Viahchhâzy cha eichheih ta, zawpizy rai awpa ta a pachupazy pie ta. Ngasa mianopa cha pachhaih ta ama zydua ta rai ta. 42Ama zydua ta nie ei ta, ama rih bie khai ta. 43Viahchhâ nata ngasa ama nie bâhpa chhao hrâbyh hmo hrawh hleino tlai a huah ei ta. 44Viahchhâ a nietuhpazy cha paw tlohpa sai ta sâh pangawh ama châ.
Zisu ti chô liata a sie
(Mat 14.22-27; Zhn 6.16-21)
45Zawpizy a pasiesa chhôh ta, a pachupazy cha a hmia lâta, haosâ Besaidâ khih lâ balyh ta thlai pasiesa chhielie ta. 46Âmo a pasiesa khai nahta, thlahchhâ awpa ta tlâh lâ kiah ta. 47Zâlâ a vaw châ nahta, balyh cha tipo liah liata y ta, ano cha tlâh liata ano dei ta y ta. 48Thlih ta thata a supa vâta, balyh ama hiapa ama rie a thei kawpa ta hmô ta. Zâ vaina ei palihna rachhôh liata,#6.48 Zâ vaina ei palihna he khihdei chy a châ. âmo cha chapia a chhuahpa ta, tipo chô liata phei ta siepa ta, âmo cha kei pangai ta. 49Tipo chô liata phei ta a siepa ama hmô nahta, thlahmihpa khiah ma tah ei ta, thata sâh ei ta. 50Ama zydua ta hmô khai ei ta, ama chi ngaita. Zisu ta a pachupazy cha bie thlai a chho ta, ama hnohta, “Thlalôhpa ta y teh u; keima na ei châ. Chi khah u,” tah ta. 51Ama hnohta balyh liata a ngia ta, thlih cha a chalih ha ta. A pachupazy cha ama noâh ngaita ta. 52Ama palôh kuhchhapa vâta, viahchhâ kyh liata hmo a tlôpa kha ama pahno thai leipa a châ.
Kenesare liata tlâhleipa a patlâh
(Mat 14.34-36)
53Haosâ lâ ama chaka nahta, Kenesare râh kei tlô ei ta. Ngiahkâ liata ama balyh hraih ei ta. 54Balyh tawhta ama pua nahta, chyhsazy ta ano cha thlai pahno ha ei ta. 55Cha râh chaby zydua lâ thlai sie ei ta. A yna su ama pahnona lâ maih tlâhleipazy ama hmohphaw chhaota a vaw sy ei ta. 56Khitaw liata zy, khihpi liata zy, lyu liata zy, khataih lia rai ta a siena maihta, tlâhleipazy cha sôhdaoh su liata zy pazia ei ta, a poh pai chhâ hria awpa ta Zisu cha a haw ei ta, a hriapa maihta tlâh lymâ ei ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.