MÂKA 7
7
Taozietyhpa nata biepiepazy
(Mat 15.1-9)
1Phârisaihzy nata Zerusale tawhta a vypa ryhpa pachutuhpa thokhazy Zisu lâ amâ vypakhy nahta, 2a pachupa thokhazy cha ku a si leipa ta, ku puapa ta pati ama niepa hmô ei ta. 3Phârisaihzy nata Zu chyhsa zydua cha, machâzy taozietyhpa zipa ta, ama ku a phapa ta amâ si ha tua leipa ta cha pati nie beih veih ei. 4Chavâta sôhdaoh su tawhta o lâ amâ di tita, ama ngai amâ si ha tua leipa ta cha, pati nie veih ei. Taozietyhpa ama zyhpa hropa hluhpi y ta, nyuzy, beihzy, dawhbeihzy nata niena tlâhkhaizy pasinazie hawhpa taozietyhpa hluhpi ama chhypa a y hra. 5Phârisaihzy nata ryhpa pachutuhpazy ta Zisu hnohta, “Khazia na pachupazy ta machâzy taozietyhpa zi leipa ta, ku puapa ta pati ama nie thlâh haw?” tahpa ta hiahri ei ta. 6#Isai 29.13Zisu ta ama hnohta, “Isai ta nâmo, phapakheipazy kyh liata,
“‘He phopi heta ama hmao ta na palyupalih ei ta,
Ama pathipalôh deikua ta cha einâ hla kaw ei.
7 Chyhsapa biepiepazy cha,
Biezyhpa hawhta pachu ei ta,
Hraoleipa ta einâ chhy ei,’
tahpa ta a vaw chhochhieliepa kha â vaw do kaw tlai na. 8Khazohpa biepiepazy siesai ei chi ta, chyhsa taozietyhpa tlao namâ patu,” tah ta.
9Chatawhcha Zisu ta ama hnohta, “Nama taozietyhpa nama chhy lymâ thei nawpa ta, Khazohpa biepiepazy thy nawpa rypaohna nama pahno kaw! 10#Pua 20.12; Ryhpa 5.16; Pua 21.17; Ttn 20.9Mawsi ta, ‘Na nô nata na paw palyupalih teh. Ahy rai a nô tlyma, a paw tlyma a reipachhipa cha a thi tlai awpa a châ,’ tah ta. 11Nâmo deikua ta, ‘Chyhsa ta a nô tlyma, a paw tlyma hnohta, “Keima tawhta na hmô awpa zydua cha, Khazohpa lâ ei hlâ khai haw,”#7.11 “Khazohpa lâ ei hlâ khai haw,” tahpa he, Krikâh reih ta, “Kawrban a châ haw,” tahpa a châ. a tah khiahta cha, 12a nô châta tlyma, a paw châta tlyma, khâpa hmah taopa awpa pasaih khao veih ei chi. 13Cha hawhna chata nama taozietyhpa namâ pie pachhuah lymâpa hmâpa ta, Khazohpa bie hraoleipa ta nama tao tyh. Cha hawhpa cha hmo hluhpi nama tao,’” tah ta.
Hmo pathaih leipazy
(Mat 15.10-20)
14Chatawhcha zawpizy ano lâ awpakhy heih ta, ama hnohta, “Nama zydua ta ei bie nathlie u la, pahno teh u. 15Khôtho lâ tawhta chyhsa chhôh lâ a ngiapa khâpa hmo hmahta chyhsapa papuapalei thei vei. Chhôh lâ tawhta a kaw puapa ta chyhsapa cha tlao a papuapalei tyh. 16Nakhaoh a hneipa maihta thei mawh sy,”#7.16 Châh 16-na he hlâno kuropa Biehrai thokha liata y vei. tah ta. 17Zawpizy cha o chhôh lâ â ngiasai tawhta, a pachupazy ta pakhona bie a reipa kyh hiahri ei ta. 18Zisu ta ama hnohta, “Nâmo chhao taihta pahno thai veih ei chi mâ? Khôtho lâ tawhta chyhsapa chhôh lâ a ngiapa ta chyhsapa papuapalei vei. 19Palôh liata a ngia leipa ta, pavyhpi liata a ngia ta, lyupâh puana lâta a pua ha tyh tahpa pahno veih ei chi ma?” tah ta. Cha hawhna chata Zisu ta niepa zydua a pathaih khaizie phuah ta. 20Chatawhcha Zisu ta, “Chyhsa chhôh tawhta a kaw puapa ta chyhsapa a papuapalei tyh. 21Chhôh tawhta, chyhsapa pathipalôh tawhta, pachâna moleipazy a kaw pua tyh. Apatlana, paruna, lianycheina, apheina, 22uahvana, chhiena, dôveina, parâna, kiaphaona, reipachhiena, apalaina nata hruna zy he palôh tawhta a kaw pua tyhpa a châ. 23Cha hmo zydua cha chhôh tawhta a kaw puapa châ ta, chazy chata chyhsa a papuapalei tyh,” tah ta.
Phônisia chanô ngiapâna
(Mat 15.21-28)
24Cha su tawhta Zisu cha thyu ta, Tyre nata Sidaw biazy chahryh ta. O miakha liata a ngia ta, ahy hmahta ama pahno awpa khoh leipa ta, châhrasala nyu thei awpa châ leipa ta. 25Chanô pakha, thlahpa puapa ta a sawchanô hawti a patu hapa ta Zisu thâtih cha thei ta, ano lâ thlai a vy ta, a phei thaby liata kei pao ta. 26Cha chanô cha Krikâh chyhsa, Suria râh Phônisia liata a pihpa a châ. A sawchanô tawhta ahripa papua awpa ta a haw ta. 27Zisu ta a hnohta, “Sawzy ama rih bie tua mawh sy. Sawzy ku liata viahchhâ chhu ta, izy piepa cha hmo yzie châ vei,” tah ta. 28Chanô ta a chhy ta, “A châ na, Abeipa! Châhrasala tlâhkhai ry liata izy chhao ta sawzy viahchhâ zôhpa a tlapazy cha ama nie tyh mâh tâh,” tah ta. 29Zisu ta a hnohta, “Na bie reipa vâna chata na o lâ a di mah y. Ahripa cha na sawchanô chhôh tawhta a pua haw,” tah ta. 30Chanô cha o lâ a di ta, rakhô liata a zia thlâh hapa hawtinô cha hmô ta, ahripa chata puasai ha ta.
Zisu ta nahpâpa a patlâh
31Zisu cha Tyre nata Sidaw râh tawhta pua ta, Dekâpôli râh chapiapa ta Kâlili Tipo kei tlô ta. 32Chyhsa pakha nahpâpa nata reih pathlie thei leipa ano lâ a vaw chhi ei ta, a chô liata a ku pahnieh awpa ta a haw ei ta. 33Zawpi hry tawhta ânano ta a chhi ta, a kuparozy ta a nakhaohzy cha hria ta, a pachih ta pachhao ta, a paleih hria ta. 34Avâ lâ moh ta, a hrô ta, a hnohta, “Ephâthâ,” tah ta, cha cha “A pahy teh,” tahna a châ. 35A nakhaohzy a vaw pahy ta, a paleih chahryna chhao a vaw pathlâ ta, a siapa ta bie reih thei ha ta. 36Zisu ta ahy hmahta chho lei awpa ta âmo cha biepie ta. Châhrasala a pakhâ via nahta, phahnai ngiah viapa ta pathâhsa via rili ei ta. 37Zawpizy cha rei thai leina taihta ama noâh ta, “Hmo to a tao phazie rimâ cha! Nahpâpa taihta patheisa ta, reih pathlie thei leipa taihta a pathliesa haw,” tah ei ta.
Currently Selected:
MÂKA 7: MARVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
MÂKA 7
7
Taozietyhpa nata biepiepazy
(Mat 15.1-9)
1Phârisaihzy nata Zerusale tawhta a vypa ryhpa pachutuhpa thokhazy Zisu lâ amâ vypakhy nahta, 2a pachupa thokhazy cha ku a si leipa ta, ku puapa ta pati ama niepa hmô ei ta. 3Phârisaihzy nata Zu chyhsa zydua cha, machâzy taozietyhpa zipa ta, ama ku a phapa ta amâ si ha tua leipa ta cha pati nie beih veih ei. 4Chavâta sôhdaoh su tawhta o lâ amâ di tita, ama ngai amâ si ha tua leipa ta cha, pati nie veih ei. Taozietyhpa ama zyhpa hropa hluhpi y ta, nyuzy, beihzy, dawhbeihzy nata niena tlâhkhaizy pasinazie hawhpa taozietyhpa hluhpi ama chhypa a y hra. 5Phârisaihzy nata ryhpa pachutuhpazy ta Zisu hnohta, “Khazia na pachupazy ta machâzy taozietyhpa zi leipa ta, ku puapa ta pati ama nie thlâh haw?” tahpa ta hiahri ei ta. 6#Isai 29.13Zisu ta ama hnohta, “Isai ta nâmo, phapakheipazy kyh liata,
“‘He phopi heta ama hmao ta na palyupalih ei ta,
Ama pathipalôh deikua ta cha einâ hla kaw ei.
7 Chyhsapa biepiepazy cha,
Biezyhpa hawhta pachu ei ta,
Hraoleipa ta einâ chhy ei,’
tahpa ta a vaw chhochhieliepa kha â vaw do kaw tlai na. 8Khazohpa biepiepazy siesai ei chi ta, chyhsa taozietyhpa tlao namâ patu,” tah ta.
9Chatawhcha Zisu ta ama hnohta, “Nama taozietyhpa nama chhy lymâ thei nawpa ta, Khazohpa biepiepazy thy nawpa rypaohna nama pahno kaw! 10#Pua 20.12; Ryhpa 5.16; Pua 21.17; Ttn 20.9Mawsi ta, ‘Na nô nata na paw palyupalih teh. Ahy rai a nô tlyma, a paw tlyma a reipachhipa cha a thi tlai awpa a châ,’ tah ta. 11Nâmo deikua ta, ‘Chyhsa ta a nô tlyma, a paw tlyma hnohta, “Keima tawhta na hmô awpa zydua cha, Khazohpa lâ ei hlâ khai haw,”#7.11 “Khazohpa lâ ei hlâ khai haw,” tahpa he, Krikâh reih ta, “Kawrban a châ haw,” tahpa a châ. a tah khiahta cha, 12a nô châta tlyma, a paw châta tlyma, khâpa hmah taopa awpa pasaih khao veih ei chi. 13Cha hawhna chata nama taozietyhpa namâ pie pachhuah lymâpa hmâpa ta, Khazohpa bie hraoleipa ta nama tao tyh. Cha hawhpa cha hmo hluhpi nama tao,’” tah ta.
Hmo pathaih leipazy
(Mat 15.10-20)
14Chatawhcha zawpizy ano lâ awpakhy heih ta, ama hnohta, “Nama zydua ta ei bie nathlie u la, pahno teh u. 15Khôtho lâ tawhta chyhsa chhôh lâ a ngiapa khâpa hmo hmahta chyhsapa papuapalei thei vei. Chhôh lâ tawhta a kaw puapa ta chyhsapa cha tlao a papuapalei tyh. 16Nakhaoh a hneipa maihta thei mawh sy,”#7.16 Châh 16-na he hlâno kuropa Biehrai thokha liata y vei. tah ta. 17Zawpizy cha o chhôh lâ â ngiasai tawhta, a pachupazy ta pakhona bie a reipa kyh hiahri ei ta. 18Zisu ta ama hnohta, “Nâmo chhao taihta pahno thai veih ei chi mâ? Khôtho lâ tawhta chyhsapa chhôh lâ a ngiapa ta chyhsapa papuapalei vei. 19Palôh liata a ngia leipa ta, pavyhpi liata a ngia ta, lyupâh puana lâta a pua ha tyh tahpa pahno veih ei chi ma?” tah ta. Cha hawhna chata Zisu ta niepa zydua a pathaih khaizie phuah ta. 20Chatawhcha Zisu ta, “Chyhsa chhôh tawhta a kaw puapa ta chyhsapa a papuapalei tyh. 21Chhôh tawhta, chyhsapa pathipalôh tawhta, pachâna moleipazy a kaw pua tyh. Apatlana, paruna, lianycheina, apheina, 22uahvana, chhiena, dôveina, parâna, kiaphaona, reipachhiena, apalaina nata hruna zy he palôh tawhta a kaw pua tyhpa a châ. 23Cha hmo zydua cha chhôh tawhta a kaw puapa châ ta, chazy chata chyhsa a papuapalei tyh,” tah ta.
Phônisia chanô ngiapâna
(Mat 15.21-28)
24Cha su tawhta Zisu cha thyu ta, Tyre nata Sidaw biazy chahryh ta. O miakha liata a ngia ta, ahy hmahta ama pahno awpa khoh leipa ta, châhrasala nyu thei awpa châ leipa ta. 25Chanô pakha, thlahpa puapa ta a sawchanô hawti a patu hapa ta Zisu thâtih cha thei ta, ano lâ thlai a vy ta, a phei thaby liata kei pao ta. 26Cha chanô cha Krikâh chyhsa, Suria râh Phônisia liata a pihpa a châ. A sawchanô tawhta ahripa papua awpa ta a haw ta. 27Zisu ta a hnohta, “Sawzy ama rih bie tua mawh sy. Sawzy ku liata viahchhâ chhu ta, izy piepa cha hmo yzie châ vei,” tah ta. 28Chanô ta a chhy ta, “A châ na, Abeipa! Châhrasala tlâhkhai ry liata izy chhao ta sawzy viahchhâ zôhpa a tlapazy cha ama nie tyh mâh tâh,” tah ta. 29Zisu ta a hnohta, “Na bie reipa vâna chata na o lâ a di mah y. Ahripa cha na sawchanô chhôh tawhta a pua haw,” tah ta. 30Chanô cha o lâ a di ta, rakhô liata a zia thlâh hapa hawtinô cha hmô ta, ahripa chata puasai ha ta.
Zisu ta nahpâpa a patlâh
31Zisu cha Tyre nata Sidaw râh tawhta pua ta, Dekâpôli râh chapiapa ta Kâlili Tipo kei tlô ta. 32Chyhsa pakha nahpâpa nata reih pathlie thei leipa ano lâ a vaw chhi ei ta, a chô liata a ku pahnieh awpa ta a haw ei ta. 33Zawpi hry tawhta ânano ta a chhi ta, a kuparozy ta a nakhaohzy cha hria ta, a pachih ta pachhao ta, a paleih hria ta. 34Avâ lâ moh ta, a hrô ta, a hnohta, “Ephâthâ,” tah ta, cha cha “A pahy teh,” tahna a châ. 35A nakhaohzy a vaw pahy ta, a paleih chahryna chhao a vaw pathlâ ta, a siapa ta bie reih thei ha ta. 36Zisu ta ahy hmahta chho lei awpa ta âmo cha biepie ta. Châhrasala a pakhâ via nahta, phahnai ngiah viapa ta pathâhsa via rili ei ta. 37Zawpizy cha rei thai leina taihta ama noâh ta, “Hmo to a tao phazie rimâ cha! Nahpâpa taihta patheisa ta, reih pathlie thei leipa taihta a pathliesa haw,” tah ei ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.