MÂKA 8
8
Sâh palih rih a pabie
(Mat 15.32-39)
1Cha nohzy liata, zawpi hluhpi a vypakhy heih ei ta, nie awpa khâpa hmah hnei leipa ei ta. Zisu ta a pachupazy aw ta, ama hnohta, 2“Zawpizy he tahmâ noh thôh tlai ei hnohta y ha ei ta, nie awpa khâpa hmah ama hnei leipa vâta, tha ei pasa ngaita ei. 3Nie leipa ta ama o lâ ei padisa khiah ei ta cha, thokhazy cha amâ vyna a hla tlôh ta, lâpi liata ama panao aw,” tah ta. 4A pachupazy ta a chhy ei ta, “He zie chyhsa nie awpa ta, he su dâhthlohpa liana heta kheihta ma viahchhâ eima hnei thei aw?” tah ei ta. 5Zisu ta, “Viahchhâ tlâ khazie nama hnei?” tah ta. “Tlâ sari,” tah ei ta. 6Zawpizy cha alei liata patyusa ta. Viahchhâ tlâ sari cha la ta, alyna bie a rei khai nahta, eichheih ta, zawpizy rai awpa ta, a pachupazy cha pie ta. Pachupazy ta zawpizy cha rai ei ta. 7Nga dipa chhao a chyhta hnei ei ta. Byhnâ a aw khai nahta, cha chhao cha zawpizy rai awpa ta a pachupazy chho ta. 8Nie ei ta, ama rih bie khai ta. Nie laibâhpa azôhpa chhao hrâbyh hmo sari tlai a huah ei ta. 9A niepa zydua cha sâh palih rachhôh ama châ. Chatawhcha zawpizy cha pasiesa ha ta. 10Zisu cha a pachupazy chhaota balyh thlai kiah ta, Dalmanuthâ râh lâ sie ha ta.
Ngiana amâ hnaw
(Mat 16.1-4; Lka 12.54-56)
11 #
Mat 12.38; Lka 11.16 Phârisaihzy vaw pua ei ta, Zisu bie cha ei ei ta. Ano pasia nawpa ta, avâ tawhta ngiana ano liata tlua ei ta. 12#Mat 12.39; Lka 11.29Zisu cha a thlahpa ta thata a hrô ta, “He chhâ heta khazia ngiana a tlua tly? Hmeiseihta ta ei cha chho ei, he chhâ hnohna heta ngiana piepa châ aw vei,” tah ta. 13Âmo cha siesai ta, balyh liata kiah ta, haosâ lâ chaka ha ta.
Phârisaih nata Herawda thinô
(Mat 16.5-12)
14Pachupazy ta viahchhâ a phao awpa my ha ei ta, viahchhâ tlâ kha dei leipa ta cha, balyh liata ahropa rai hnei leipa ei ta. 15#Lka 12.1Zisu ta pachupazy cha zikyu a râ ta, ama hnohta, “A hrohrua u la, Phârisaihzy thinô nata Herawda thinô tawhta a vaih teh u,” tah ta. 16Pachupazy ta viahchhâ ama hnei leipa kyh reih ei ta. 17Zisu ta ama biereipa cha pahno ta, ama hnohta, “Khazia viahchhâ nama hnei leipa kyh nama reih? Pahno thai to veih ei chi ma? Nama no a vâh to vei ma? Nama palôh kuh a chha thlâh ha chy ma? 18#Zer 5.21; Ezk 12.2; Mka 4.12Mokhaoh hnei ei chi ta, hmô veih ei chi ma? Nakhaoh hnei ei chi ta, thei veih ei chi ma? A thei khao veih ei chi ma? 19Chyhsa sâh pangawh châta viahchhâ tlâ pangawh ei pachhaih nona khata, hrâbyh hmo khazie ma nie laibâhpa namâ huah khawh?” tah ta. Âmo ta, “Hmo hrawh hleino,” tah ei ta. 20“Cha khiahta la, chyhsa sâh palih châta viahchhâ tlâ sari ei pachhaih nona khata, a laibâhpa khazie namâ huah?” tah ta. Âmo ta, “Hmo sari,” tah ei ta. 21Zisu ta ama hnohta, “Pahno thai to veih ei chi ma?” tah ta.
Besaidâ liata mochaopa a patlâh
22Besaidâ khih tlô ei ta. Mochaopa Zisu lâ a vaw chhi ei ta, hria awpa ta a haw ei ta. 23Mochaopa cha a ku ta patu ta, khih tawhta puakhei ta, a mo liata a pachih pachhao ta, a chô liata a ku a pahnieh khai nahta, hiahri ta, “Khâpa chhâ na hmô ma?” tah ta. 24Chyhsa cha kaw ua ta, “Chyhsa hmô na ta, châhrasala tho a pasiepasâ ngâpa hawhta ei hmô,” tah ta. 25A mo liata a ku pahnieh heih ta, mohmia pasaih awpa ta chho ta, a mo vaw pavâpa ta, ato a sia ngaitapa ta hmô thei ha ta. 26Zisu ta, “Khih liata a ngia khah y,” tah ta, o lâta padisa ha ta.
Pity ta Zisu a palâhâh
(Mat 16.13-20; Lka 9.18-21)
27Zisu cha a pachupazy chhaota Kaisaria Philipi khihzy lâ sie ta. Lâpi liata ama sie nota, a pachupazy hnohta, “Chyhsazy ta ahy a châ eina tah ei?” tahpa ta hiahri ta. 28#Mka 6.14,15; Lka 9.7,8Âmo ta a chhy ei ta, “Bâtituhpa Zawhâna a châ, cha tah ei ta; thokha ta Elaizâh a châ, cha tah ei ta; thokha ta hrohsopa ahy tlyma a châ, ama cha tah,” tah ei ta. 29#Zhn 6.68,69Zisu ta, “Cha khiahta la, nâmo zaw ahy a châ eina tah ei chi?” tah ta. Pity ta a chhy ta, a hnohta, “Mesia na châ,” tah ta. 30Zisu ta a thâtih cha ahy hmah chho lei awpa ta pachupazy cha biepie ta.
Zisu ta a thi nawpa nata a thyuheih nawpa kyh a reih chhielie
(Mat 16.21-28; Lka 9.22-27)
31Zisu ta chyhsa Sawchapawpa cha hmo hluhpi pasa a tao awpa châ ta, machâzy, theihthai beizy nata ryhpa pachutuhpazy ta khoh leipa aw ei ta, thie aw ei ta, noh thôh khai tawhta a thyu heih awpa kyh a pachupazy pachu pathao ta. 32Cha bie cha a sia ngaitapa ta reih ta. Pity ta Zisu cha a chhi nano ta, ra ta. 33Zisu cha a vaw palie ta, a pachupazy moh ta, Pity cha ra ta, a hnohta, “Sâtâ, ei hnôh lâ y teh! Khazohpa hmozy pachâ leipa chi ta, chyhsapa hmozy tlao na pachâ via he,” tah ta. 34#Mat 10.38; Lka 14.27Zawpizy cha a pachupazy chhaota ano lâ awpakhy ta, ama hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy. 35#Mat 10.39; Lka 17.33; Zhn 12.25Ahy rai a hrona pabohsa a chhuahpa cha, a hrona pahlei aw ta, keima vâta nata thâtihpha vâta a hrona a pahleipa deikua cha, a hrona a pabohsa aw. 36Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? 37Chyhsa ta a thlahpa vyuhpa ta khâpa a pie thei aw? 38Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.
Currently Selected:
MÂKA 8: MARVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
MÂKA 8
8
Sâh palih rih a pabie
(Mat 15.32-39)
1Cha nohzy liata, zawpi hluhpi a vypakhy heih ei ta, nie awpa khâpa hmah hnei leipa ei ta. Zisu ta a pachupazy aw ta, ama hnohta, 2“Zawpizy he tahmâ noh thôh tlai ei hnohta y ha ei ta, nie awpa khâpa hmah ama hnei leipa vâta, tha ei pasa ngaita ei. 3Nie leipa ta ama o lâ ei padisa khiah ei ta cha, thokhazy cha amâ vyna a hla tlôh ta, lâpi liata ama panao aw,” tah ta. 4A pachupazy ta a chhy ei ta, “He zie chyhsa nie awpa ta, he su dâhthlohpa liana heta kheihta ma viahchhâ eima hnei thei aw?” tah ei ta. 5Zisu ta, “Viahchhâ tlâ khazie nama hnei?” tah ta. “Tlâ sari,” tah ei ta. 6Zawpizy cha alei liata patyusa ta. Viahchhâ tlâ sari cha la ta, alyna bie a rei khai nahta, eichheih ta, zawpizy rai awpa ta, a pachupazy cha pie ta. Pachupazy ta zawpizy cha rai ei ta. 7Nga dipa chhao a chyhta hnei ei ta. Byhnâ a aw khai nahta, cha chhao cha zawpizy rai awpa ta a pachupazy chho ta. 8Nie ei ta, ama rih bie khai ta. Nie laibâhpa azôhpa chhao hrâbyh hmo sari tlai a huah ei ta. 9A niepa zydua cha sâh palih rachhôh ama châ. Chatawhcha zawpizy cha pasiesa ha ta. 10Zisu cha a pachupazy chhaota balyh thlai kiah ta, Dalmanuthâ râh lâ sie ha ta.
Ngiana amâ hnaw
(Mat 16.1-4; Lka 12.54-56)
11 #
Mat 12.38; Lka 11.16 Phârisaihzy vaw pua ei ta, Zisu bie cha ei ei ta. Ano pasia nawpa ta, avâ tawhta ngiana ano liata tlua ei ta. 12#Mat 12.39; Lka 11.29Zisu cha a thlahpa ta thata a hrô ta, “He chhâ heta khazia ngiana a tlua tly? Hmeiseihta ta ei cha chho ei, he chhâ hnohna heta ngiana piepa châ aw vei,” tah ta. 13Âmo cha siesai ta, balyh liata kiah ta, haosâ lâ chaka ha ta.
Phârisaih nata Herawda thinô
(Mat 16.5-12)
14Pachupazy ta viahchhâ a phao awpa my ha ei ta, viahchhâ tlâ kha dei leipa ta cha, balyh liata ahropa rai hnei leipa ei ta. 15#Lka 12.1Zisu ta pachupazy cha zikyu a râ ta, ama hnohta, “A hrohrua u la, Phârisaihzy thinô nata Herawda thinô tawhta a vaih teh u,” tah ta. 16Pachupazy ta viahchhâ ama hnei leipa kyh reih ei ta. 17Zisu ta ama biereipa cha pahno ta, ama hnohta, “Khazia viahchhâ nama hnei leipa kyh nama reih? Pahno thai to veih ei chi ma? Nama no a vâh to vei ma? Nama palôh kuh a chha thlâh ha chy ma? 18#Zer 5.21; Ezk 12.2; Mka 4.12Mokhaoh hnei ei chi ta, hmô veih ei chi ma? Nakhaoh hnei ei chi ta, thei veih ei chi ma? A thei khao veih ei chi ma? 19Chyhsa sâh pangawh châta viahchhâ tlâ pangawh ei pachhaih nona khata, hrâbyh hmo khazie ma nie laibâhpa namâ huah khawh?” tah ta. Âmo ta, “Hmo hrawh hleino,” tah ei ta. 20“Cha khiahta la, chyhsa sâh palih châta viahchhâ tlâ sari ei pachhaih nona khata, a laibâhpa khazie namâ huah?” tah ta. Âmo ta, “Hmo sari,” tah ei ta. 21Zisu ta ama hnohta, “Pahno thai to veih ei chi ma?” tah ta.
Besaidâ liata mochaopa a patlâh
22Besaidâ khih tlô ei ta. Mochaopa Zisu lâ a vaw chhi ei ta, hria awpa ta a haw ei ta. 23Mochaopa cha a ku ta patu ta, khih tawhta puakhei ta, a mo liata a pachih pachhao ta, a chô liata a ku a pahnieh khai nahta, hiahri ta, “Khâpa chhâ na hmô ma?” tah ta. 24Chyhsa cha kaw ua ta, “Chyhsa hmô na ta, châhrasala tho a pasiepasâ ngâpa hawhta ei hmô,” tah ta. 25A mo liata a ku pahnieh heih ta, mohmia pasaih awpa ta chho ta, a mo vaw pavâpa ta, ato a sia ngaitapa ta hmô thei ha ta. 26Zisu ta, “Khih liata a ngia khah y,” tah ta, o lâta padisa ha ta.
Pity ta Zisu a palâhâh
(Mat 16.13-20; Lka 9.18-21)
27Zisu cha a pachupazy chhaota Kaisaria Philipi khihzy lâ sie ta. Lâpi liata ama sie nota, a pachupazy hnohta, “Chyhsazy ta ahy a châ eina tah ei?” tahpa ta hiahri ta. 28#Mka 6.14,15; Lka 9.7,8Âmo ta a chhy ei ta, “Bâtituhpa Zawhâna a châ, cha tah ei ta; thokha ta Elaizâh a châ, cha tah ei ta; thokha ta hrohsopa ahy tlyma a châ, ama cha tah,” tah ei ta. 29#Zhn 6.68,69Zisu ta, “Cha khiahta la, nâmo zaw ahy a châ eina tah ei chi?” tah ta. Pity ta a chhy ta, a hnohta, “Mesia na châ,” tah ta. 30Zisu ta a thâtih cha ahy hmah chho lei awpa ta pachupazy cha biepie ta.
Zisu ta a thi nawpa nata a thyuheih nawpa kyh a reih chhielie
(Mat 16.21-28; Lka 9.22-27)
31Zisu ta chyhsa Sawchapawpa cha hmo hluhpi pasa a tao awpa châ ta, machâzy, theihthai beizy nata ryhpa pachutuhpazy ta khoh leipa aw ei ta, thie aw ei ta, noh thôh khai tawhta a thyu heih awpa kyh a pachupazy pachu pathao ta. 32Cha bie cha a sia ngaitapa ta reih ta. Pity ta Zisu cha a chhi nano ta, ra ta. 33Zisu cha a vaw palie ta, a pachupazy moh ta, Pity cha ra ta, a hnohta, “Sâtâ, ei hnôh lâ y teh! Khazohpa hmozy pachâ leipa chi ta, chyhsapa hmozy tlao na pachâ via he,” tah ta. 34#Mat 10.38; Lka 14.27Zawpizy cha a pachupazy chhaota ano lâ awpakhy ta, ama hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy. 35#Mat 10.39; Lka 17.33; Zhn 12.25Ahy rai a hrona pabohsa a chhuahpa cha, a hrona pahlei aw ta, keima vâta nata thâtihpha vâta a hrona a pahleipa deikua cha, a hrona a pabohsa aw. 36Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? 37Chyhsa ta a thlahpa vyuhpa ta khâpa a pie thei aw? 38Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.