BOTHUBO 31
31
Jacob no Laban launo Pove
1Laban nuliqo no ishi pi aghikeu Jacob no chilu, “Jacob no I puw kümtsü luve tsüae, eno kiu no ningu papuw keno tipau lono pa no akini hi kümtsü ala shiluvae.” 2Eno Laban ye azüu toi pa gihu move keu Jacob no ithive. 3Tile Ampeu no Jacob vilo pi, “O puno yeghi lo no bolomi lau idewove lo, I no o gholo ananie.”
4Ikehu Jacob no aluza khile pa mbeloji püa keno tilau timi puwu no Rachel ngo Leah pama kusaghi pe, 5eno pama vilo pi, “I no ithivae nokujo papu ye püzüu toi I lau agigihu kühavae. Ikemu I pu Lhou no I gholo anie. 6Nokujo no ithi anike ni ye I kumto kümtsü pesü nokujo papu qe ighivae, 7tishimu pa no I pishiqhive eno I jume ghuthu chighi kilive tsü. Ikemu Alhou no I ghüza peni keu puloza pa tsümoe. 8Tsala pa no, ‘Yetamüghüi keu no o jume shini,’ ipi aye atsü-aqu loji kümtsü no yetamüghüi keu pitive; eno tsala pa no, ‘Asüphakive no o jume shini,’ ipi aye atsü-aqu no asüphakive pitie. 9Tishikeu lono Alhou no nokujo papu tsü-aqu sawo I tsüve. 10Atsüaqu kiveke ghuloki lo I no I nhethi tsüpuku no asamou no ithulu ke ane khipaqo no küghüpa keno tipaqo ye yetamüghüi, asüphakive eno aye vepu keqo ke. 11Tileno Alhouw kungumi no asamou no I vilo pi, ‘Jacob,’ eno I no pi, ‘Ni hile ani!’ 12Pa no pi, ‘O nhethi tsüpukupe julo, anetsü ipa akeu neqo ye kümtsü yetamüghüi, asüphakive eno aye vepu keqoe, kughengu Laban no o lau shi akeu kümtsü I no ithuluvae. 13Ni ye Bethel, nono khile atsükucho nukishe eno I lau ashoqhi shi keno, tipa Lhou ke. Itehi ithulo, ayeghi hipau lono wuve no o sholokumi yeghi lo idewove lo.’” 14Tileno Rachel ngo Leah pama no khochile, “Nikujo papu kilo ye ni saje momu amheghi aphi keshea? 15Pa ye inami toi nikujo kihi chenike kumo? Kughengu pa no nikujo jevae eno mtsüqheino niw pisa peithavae. 16Alhou no nikujo papu launo küakini süwuve keu kümtsü ningu eno ni tianuliqow ke. Ikehu itehi, Alhou no kiu o vilo pi keno shilo.”
17Ikehu Jacob no ithu pa nuli ngo pa nipuqo sayeshi lo pukuve. 18Pa no pa tsü-aqu, amheghi pa no ala shilu keqo, atsü-aqu pa no Paddan-aram lo pighi phelu keqo kümtsü hasasü Canaan yeghi lo papu Isaac lau wuveni ye kutove. 19Laban ye pa mbe mhi ghoniye wuve, eno Rachel no li papu kibo lo pighi chekeu lhouqo püka luve. 20Jacob no pove niye akeu Arameami Laban vilo pimove keu lono pa ye Laban pishiqhive. 21Pa no pighi akeu kümtsü pesü Euphrates katha ikuve, eno Gilead toghi ghakhu küdau pa gi jupuwove.
22Kughou Jacob no pove keu atsala aküthüni no Laban vilo pi keno, 23pa no pa sholokumi sasü atsala tsüni pa hasü wuno pa kupunu ghi Gilead toghi ghakhu lo pape ighi. 24Ikemu putho lo Alhou no asamou no Arameami Laban lau ighi no pa vilo pi, “Jacob vilo alhoksa momu akivi kiumu pimo kepushi kutokupui lo.”
25Laban no Jacob haluve. Jacob ye atoghi ghakhu lo pa phiki shiqheve, eno Laban no pa sholokumi gholono Gilead toghi ghakhu lo aphiki shiqhe. 26Laban no Jacob vilo pi, “No ye kiu shive pi I pishiqhive no aghüshi lono küghaluve keshi I nga pama sawuve tsü kea? 27No ye kushiye küsüuno pove no I pishiqhive kea? Ni ye amqübo ngo aheo pesü kunuvüqai ale phesü o puwuni chekeghi kushiye I vilo pimo kea? 28Eno kushiye I pelo I tilimiqo müma no kinipuwo pemo kea? No ye mbomzü shivae. 29O ghüzalu kepu küka I u lo ani. Ikemu iji o pu Lhou no I pütsa no, ‘Jacob vilo alhoksa momu akivi kiumu pimo kepushi kutokupui lo,’ ipie. 30Eno itehi no ye ighono o pu ki kümsüve ke ghenguno wuvae, ikemu kushiye no ye I kibo lo pighi chekeu lhouqo püka luve kea?” 31Jacob no khochile no Laban vilo pi, “Kughengu ni ye msave ke, no ye ngukangugha shi I launo o nga pama saluve tsü nani küghashi kümsüve ke. 32Khukhumu o lhouqo pecheghi keu ithulu aye xümo nani. Ni sholokumi zülono I no kiu ani keno ti ye ow kepi kichephe no luvelo.” Jacob ye Rachel no tipaqo püka luve keu mthae.
33Ikehu Laban no Jacob phiki eno Leah phiki ngo aqelimi pama phiki lo ilo, ikemu pa ye tipaqo phumlae. Pa no Leah phiki lono ipeghive no Rachel phiki lo ilo. 34Rachel no aki lo pighi chekeu lhouqo ikhiluve no sayeshi küghüqa-a qholo süve no tipa shou iqa ae. Laban no aphiki kümtsü lheju kemu ithumlave. 35Li no papu vilo pi, “I no o zülo puthugho mlake ghenguno I mpeu no amloide kevilo, kughengu ni ye toti lhoaye ighi ani.” Ikehu pa no phuju ikemu aki lo pighi chekeu lhouqo ithumlave.
36Tileno Jacob no amloideve no Laban lomipi. Jacob no Laban vilo pi, “I kipimi kiu ani kea? I xine ye kiu keno no ye mqhumza I haighi kea? 37Kughengu nono I nhemgha kümtsü lhejuva; o kilo pighi chekeu lhouqo kiu ithulu kea? No eno o sholokumi zülono hile qhijulo, tishianguno panoqo pelo nikujo dolo xathatsü penie. 38I no o gholo hi ampe muku ngo ighivae. O mbequ ngo anequqo iqove keu shimoe, eno ni ye o tsü-aqu loji lo ambetsü chu püamoe. 39Tüghashi no kiu tsüqhive keno ni ye o lau süghimoe. Niu no amhekiqi puqheve che. Putho lo na puchou namu pükape wuve aye, nono I launo khuluve che. 40Puchou no akülü no I ghaqhi, putho lono akumko no pichiqhi, eno I nhethi miyiqhi mono tilau ache. 41Hi ampe muku ni ye o kilo ngovae. O nga pama ghenguno I no ampe chighibidi o qe, eno ampe tsügho no o tsü-aqu ghenguno, eno nono I jume ghuthu chighi kilive tsüe. 42Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”
43Tileno Laban no Jacob khochile, “Anga pama ye I nga ke, atianuliqo ghi I tianuli, atsü-aqu ghi I tsü-aqu, eno nono ithulu akeqo kümtsü Iw ke. Ikemu I nga pama ghenguno eno pama tianuli khikhi pama no punu keno, panoqo ghenguno ni ye ishi tsala lo kiu shiluni kea? 44Itehi ighilo, nikujo dolo puloshoqhi lakhi shini. Eno tino nikujo dolo thopi lakhi shipenie.” 45Ikehu Jacob no atu lakhi ikhipe atsükucho shi qhopeqhi. 46Eno Jacob no pa sholokumi vilo pi, “Atu kumqolo.” Panongu no atu ikhipe gheqhe puku, eno ti gheqhe keu-a lono chushove. 47Laban no tipau pesü Jegar-sahadutha kuvetsü, ikemu Jacob no tipa pesü Galeed kuvetsü. 48Laban no pi, “Atu ghekiqhe hipau no ishi nikujo dolo thopi lakhie.” Tighenguno pa no tipau pesü Galeed, 49eno Mizpah kuve tsü, kughengu pa no pi, “Kughou nikujo no lakhino lakhi launo putosüveni keno, Ampeu no nikujo jukuto anani. 50Tsala nono I nga pama sapüsa aye momu I nga pama nguno alau anipu kütami luve aye, nikujo dolo khumu aghimo namu, julo, Alhou no nikujo dolo thopike.”
51Tishino Laban no Jacob vilo pi, “Atu ghekiqhe eno atsükucho, khikhi I no nikujo dolo ghopüani keno tipau julo. 52Atu ghekiqhe hipau ye thopi lakhie, eno atsükucho ye thopi lakhie, ni ye atu ghekiqhe hipau hechesü o lau wumo nani, eno no ghi atu ghekiqhe eno atsükucho hipau hechesü I ghüza niye I lau ighi moni. 53Abraham Lhou, Nahor Lhou eno panoqo papu Lhou no nikujo dolo xaküthau ke.” Ikehu Jacob no pa pu Isaac no Sümsa chekeu jeku tushoqhive, 54Jacob no atoghi ghakhu lono aghakishi lakhi mlla eno pa sholokumi kusü no asho chue. Panongu no asho chuve no atoghi ghakhu lono tsüküzü puwove.
55Laban no inaqhe itheno ithu pa tilimi ngo pa nga pama müma eno panoqo kümghatsü. Tishino Laban ye pa kilo idewove.
Currently Selected:
BOTHUBO 31: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
BOTHUBO 31
31
Jacob no Laban launo Pove
1Laban nuliqo no ishi pi aghikeu Jacob no chilu, “Jacob no I puw kümtsü luve tsüae, eno kiu no ningu papuw keno tipau lono pa no akini hi kümtsü ala shiluvae.” 2Eno Laban ye azüu toi pa gihu move keu Jacob no ithive. 3Tile Ampeu no Jacob vilo pi, “O puno yeghi lo no bolomi lau idewove lo, I no o gholo ananie.”
4Ikehu Jacob no aluza khile pa mbeloji püa keno tilau timi puwu no Rachel ngo Leah pama kusaghi pe, 5eno pama vilo pi, “I no ithivae nokujo papu ye püzüu toi I lau agigihu kühavae. Ikemu I pu Lhou no I gholo anie. 6Nokujo no ithi anike ni ye I kumto kümtsü pesü nokujo papu qe ighivae, 7tishimu pa no I pishiqhive eno I jume ghuthu chighi kilive tsü. Ikemu Alhou no I ghüza peni keu puloza pa tsümoe. 8Tsala pa no, ‘Yetamüghüi keu no o jume shini,’ ipi aye atsü-aqu loji kümtsü no yetamüghüi keu pitive; eno tsala pa no, ‘Asüphakive no o jume shini,’ ipi aye atsü-aqu no asüphakive pitie. 9Tishikeu lono Alhou no nokujo papu tsü-aqu sawo I tsüve. 10Atsüaqu kiveke ghuloki lo I no I nhethi tsüpuku no asamou no ithulu ke ane khipaqo no küghüpa keno tipaqo ye yetamüghüi, asüphakive eno aye vepu keqo ke. 11Tileno Alhouw kungumi no asamou no I vilo pi, ‘Jacob,’ eno I no pi, ‘Ni hile ani!’ 12Pa no pi, ‘O nhethi tsüpukupe julo, anetsü ipa akeu neqo ye kümtsü yetamüghüi, asüphakive eno aye vepu keqoe, kughengu Laban no o lau shi akeu kümtsü I no ithuluvae. 13Ni ye Bethel, nono khile atsükucho nukishe eno I lau ashoqhi shi keno, tipa Lhou ke. Itehi ithulo, ayeghi hipau lono wuve no o sholokumi yeghi lo idewove lo.’” 14Tileno Rachel ngo Leah pama no khochile, “Nikujo papu kilo ye ni saje momu amheghi aphi keshea? 15Pa ye inami toi nikujo kihi chenike kumo? Kughengu pa no nikujo jevae eno mtsüqheino niw pisa peithavae. 16Alhou no nikujo papu launo küakini süwuve keu kümtsü ningu eno ni tianuliqow ke. Ikehu itehi, Alhou no kiu o vilo pi keno shilo.”
17Ikehu Jacob no ithu pa nuli ngo pa nipuqo sayeshi lo pukuve. 18Pa no pa tsü-aqu, amheghi pa no ala shilu keqo, atsü-aqu pa no Paddan-aram lo pighi phelu keqo kümtsü hasasü Canaan yeghi lo papu Isaac lau wuveni ye kutove. 19Laban ye pa mbe mhi ghoniye wuve, eno Rachel no li papu kibo lo pighi chekeu lhouqo püka luve. 20Jacob no pove niye akeu Arameami Laban vilo pimove keu lono pa ye Laban pishiqhive. 21Pa no pighi akeu kümtsü pesü Euphrates katha ikuve, eno Gilead toghi ghakhu küdau pa gi jupuwove.
22Kughou Jacob no pove keu atsala aküthüni no Laban vilo pi keno, 23pa no pa sholokumi sasü atsala tsüni pa hasü wuno pa kupunu ghi Gilead toghi ghakhu lo pape ighi. 24Ikemu putho lo Alhou no asamou no Arameami Laban lau ighi no pa vilo pi, “Jacob vilo alhoksa momu akivi kiumu pimo kepushi kutokupui lo.”
25Laban no Jacob haluve. Jacob ye atoghi ghakhu lo pa phiki shiqheve, eno Laban no pa sholokumi gholono Gilead toghi ghakhu lo aphiki shiqhe. 26Laban no Jacob vilo pi, “No ye kiu shive pi I pishiqhive no aghüshi lono küghaluve keshi I nga pama sawuve tsü kea? 27No ye kushiye küsüuno pove no I pishiqhive kea? Ni ye amqübo ngo aheo pesü kunuvüqai ale phesü o puwuni chekeghi kushiye I vilo pimo kea? 28Eno kushiye I pelo I tilimiqo müma no kinipuwo pemo kea? No ye mbomzü shivae. 29O ghüzalu kepu küka I u lo ani. Ikemu iji o pu Lhou no I pütsa no, ‘Jacob vilo alhoksa momu akivi kiumu pimo kepushi kutokupui lo,’ ipie. 30Eno itehi no ye ighono o pu ki kümsüve ke ghenguno wuvae, ikemu kushiye no ye I kibo lo pighi chekeu lhouqo püka luve kea?” 31Jacob no khochile no Laban vilo pi, “Kughengu ni ye msave ke, no ye ngukangugha shi I launo o nga pama saluve tsü nani küghashi kümsüve ke. 32Khukhumu o lhouqo pecheghi keu ithulu aye xümo nani. Ni sholokumi zülono I no kiu ani keno ti ye ow kepi kichephe no luvelo.” Jacob ye Rachel no tipaqo püka luve keu mthae.
33Ikehu Laban no Jacob phiki eno Leah phiki ngo aqelimi pama phiki lo ilo, ikemu pa ye tipaqo phumlae. Pa no Leah phiki lono ipeghive no Rachel phiki lo ilo. 34Rachel no aki lo pighi chekeu lhouqo ikhiluve no sayeshi küghüqa-a qholo süve no tipa shou iqa ae. Laban no aphiki kümtsü lheju kemu ithumlave. 35Li no papu vilo pi, “I no o zülo puthugho mlake ghenguno I mpeu no amloide kevilo, kughengu ni ye toti lhoaye ighi ani.” Ikehu pa no phuju ikemu aki lo pighi chekeu lhouqo ithumlave.
36Tileno Jacob no amloideve no Laban lomipi. Jacob no Laban vilo pi, “I kipimi kiu ani kea? I xine ye kiu keno no ye mqhumza I haighi kea? 37Kughengu nono I nhemgha kümtsü lhejuva; o kilo pighi chekeu lhouqo kiu ithulu kea? No eno o sholokumi zülono hile qhijulo, tishianguno panoqo pelo nikujo dolo xathatsü penie. 38I no o gholo hi ampe muku ngo ighivae. O mbequ ngo anequqo iqove keu shimoe, eno ni ye o tsü-aqu loji lo ambetsü chu püamoe. 39Tüghashi no kiu tsüqhive keno ni ye o lau süghimoe. Niu no amhekiqi puqheve che. Putho lo na puchou namu pükape wuve aye, nono I launo khuluve che. 40Puchou no akülü no I ghaqhi, putho lono akumko no pichiqhi, eno I nhethi miyiqhi mono tilau ache. 41Hi ampe muku ni ye o kilo ngovae. O nga pama ghenguno I no ampe chighibidi o qe, eno ampe tsügho no o tsü-aqu ghenguno, eno nono I jume ghuthu chighi kilive tsüe. 42Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”
43Tileno Laban no Jacob khochile, “Anga pama ye I nga ke, atianuliqo ghi I tianuli, atsü-aqu ghi I tsü-aqu, eno nono ithulu akeqo kümtsü Iw ke. Ikemu I nga pama ghenguno eno pama tianuli khikhi pama no punu keno, panoqo ghenguno ni ye ishi tsala lo kiu shiluni kea? 44Itehi ighilo, nikujo dolo puloshoqhi lakhi shini. Eno tino nikujo dolo thopi lakhi shipenie.” 45Ikehu Jacob no atu lakhi ikhipe atsükucho shi qhopeqhi. 46Eno Jacob no pa sholokumi vilo pi, “Atu kumqolo.” Panongu no atu ikhipe gheqhe puku, eno ti gheqhe keu-a lono chushove. 47Laban no tipau pesü Jegar-sahadutha kuvetsü, ikemu Jacob no tipa pesü Galeed kuvetsü. 48Laban no pi, “Atu ghekiqhe hipau no ishi nikujo dolo thopi lakhie.” Tighenguno pa no tipau pesü Galeed, 49eno Mizpah kuve tsü, kughengu pa no pi, “Kughou nikujo no lakhino lakhi launo putosüveni keno, Ampeu no nikujo jukuto anani. 50Tsala nono I nga pama sapüsa aye momu I nga pama nguno alau anipu kütami luve aye, nikujo dolo khumu aghimo namu, julo, Alhou no nikujo dolo thopike.”
51Tishino Laban no Jacob vilo pi, “Atu ghekiqhe eno atsükucho, khikhi I no nikujo dolo ghopüani keno tipau julo. 52Atu ghekiqhe hipau ye thopi lakhie, eno atsükucho ye thopi lakhie, ni ye atu ghekiqhe hipau hechesü o lau wumo nani, eno no ghi atu ghekiqhe eno atsükucho hipau hechesü I ghüza niye I lau ighi moni. 53Abraham Lhou, Nahor Lhou eno panoqo papu Lhou no nikujo dolo xaküthau ke.” Ikehu Jacob no pa pu Isaac no Sümsa chekeu jeku tushoqhive, 54Jacob no atoghi ghakhu lono aghakishi lakhi mlla eno pa sholokumi kusü no asho chue. Panongu no asho chuve no atoghi ghakhu lono tsüküzü puwove.
55Laban no inaqhe itheno ithu pa tilimi ngo pa nga pama müma eno panoqo kümghatsü. Tishino Laban ye pa kilo idewove.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More