BOTHUBO 32
32
Jacob no Esau Msave
1Jacob no pa la lo wuve, eno Alhouw kungumi no pa sasü kusholu. 2Kughou Jacob no panoqo ithulu keno pa no pi, “Hi ye Alhouw aghazü-a kena!” Tighenguno pa no tipa-a pesü Mahanaim#32:2 Akiqi ye aghazü-a kini kuve tsü.
3Jacob no pa züuno Edom ghakhu lo Seir yeghi lo pa mu Esau lau atsapemi puwu, 4eno panoqo piputo ghi pi, “Nongu ye I mpeu Esau vilo hitoi pilo: O qeu Jacob no piani, ‘Ni ye Laban gholo inami shi itehi kutolo ngo ighivae. 5Ni ye amshitsü, khurha, atsüaqu, aqemi totimi ngo kiptimi ani. I no I mpeu vilo pi peniye puwu ani, tishianguno I kimiyeqhiyi tsü peniye ke.’”
6Atsapemiqo no Jacob lau ideighi no pi, “Ningu no o mu Esau lau ighi, eno pa ye o sholu niye cheni, eno pa gholo timi aqhe bidi chenie.” 7Tileno Jacob ye ighono msave no amloghuju shive. Pa no pa gholo timi akeqo, ambeloji, atsü-aqu eno sayeshiqo aghazü mqo kini shi kijethave, 8tsüno kümsü, “Tsala Esau no aghazü lakhi lo ighi no tipau leve aye, aghazü lakhiu ye poka luve nani.”
9Eno Jacob no pi, “O I pu Abraham Lhou eno I pu Isaac Lhou, O Ampeu khuu no I vilo, ‘O ghakhu lo eno o sholokumi lau idewove lo, tishianguno I no o lau akivi shi tsünie,’ ipi keno, 10ni ye Ow iqemokeu kikimiye eno pükhükulu kümla Nono O qeu lau piye keqo akimkheu mu ithulu küzüpu kumoe, kughengu I kusü likhi kuchope ni ye Jordan hipau kathae, ikemu itehi ni ye aghazü mqo kini shivae. 11Kimiyeno I mu Esau u lono I xaphe tsülo, kughengu ni ye pa msa anie, pa ye ni eno atianuli ngo azanoqo leighi luvike. 12Ikemu Nono pi, ‘Mtsüqheino Ni ye o lau akivi shitsü nani, eno o lagha pesü azüghi lo asaye, khikhi kihi khamla keno titoi aqokitikhi shitsü nani.’”
13Ikehu pa ye tipaji tilehi ngove, eno pa no kiu pighi akeno tipau lono pa mu Esau ghenguno agho luve, 14anequ aqhe kini, anetsü muku, ambequ aqhe kini eno ambetsü muku, 15akichhizü küsü sayeshi eno tipau tiqo süküqha no shighi, amshiqu lhobidi eno amshitsü chighi, khurhatsü muku eno khurhaqu chighi ikhiphe. 16Pa no hipaqo pesü pa qemi tsüve, pütüta tsüaqu loji kiqi lono, eno panongu vilo pi, “I züu shi wulo, eno atsü-aqu loji dolo ado hami qhilo.” 17Pa no atüghüu mqo vilo piputo, “Kughou I mu Esau no o sholu no o vilo, ‘No ye khuno timi kea? No ye khila wucheni kea? Eno o züu chekeqo ye khuno kea?’ ipi ighiju aye, 18no ye ishi pilo, ‘Hipaqo ye o qeu Jacobw ke. Agho I mpeu Esau lau tsü puwu akeqo ke. Eno tinguno alau, pa ghi ningu thiu chenie.’” 19Tihutoi pa no amqo akiniu ngo aküthüu eno atsüaqu loji pape chekeqo kümtsü vilo piputove, “Kughou nongu no pa sholuni keno, nongu ye hipa tho pa vilo pilo, 20eno nongu no pilo, ‘Tinguno alau, o qeu Jacob ye ningu thiu chenie.’” Kughengu pa no kümsüe, “Agho I züu chekeqo pesü ni ye pa haküghüqü luvi, eno tithiuno I no pa gi ithulunie. Pa ghi ni ikhilutsü luvie.” 21Ikehu aghochhe no pa züu shi wuvepe, eno pa ye tipaji aghazü lo ngove.
Jacob no Alhou sasü Kükha
22Tipaji pa no ithu pa nipu pama, pa qelimi pama eno atianuli chighiqhaqhi saluve no Jabbok ghoki kakütha-a lono katha ikuve. 23Pa no panoqo eno pa pighi jeli kümtsü pesü aghokiti katha ikuvepe. 24Eno Jacob ye pa likhi ngove. Eno milakhi no atsala vü ipeghi moke kutolo pa sasü kükhae. 25Kughou timi huno Jacob mjochile mlave keno, pa no pa yikughi butsü, eno Jacob ye pa sasü kükha akelono pa yikughi süküqüve. 26Timi huno pi, “I puwuve lo, kughengu atsala ye vü ipeghivae.” Ikemu Jacob no pi, “Nono I kümghatsü moaye ni ye o puwumoe.” 27Eno pa no pi, “O je ye khuu kea?” Pa no khochile, “Jacob.” 28Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.” 29Jacob no pa je ighiju, “Kimiyeno I vilo o je pilo.” Ikemu pa no pi, “Kushiye I je ighiju ani kea?” Eno tishino pa no pa kümghatsü. 30Ikehu Jacob no tipa-a pesü Peniel#32:30 Peniel kiqi ye Alhou gi kuve tsüno pi, “Kughengu ni ye agi no agi kinheqhe Alhou ithuluvae, tishimu I küxü xaphe tsüke.” 31Pa no pa yiku ghenguno khül khül shi Penuel qhive no wuche kelo khetsünhe ye pa shou ikughive. 32Tighenguno, ishi tsala kutolo Israelmi ye ayikughi kikime lo ashi akeu chuchemoe. Kughengu timi huno Jacob yikughi lo anhü buve tsüke.
Currently Selected:
BOTHUBO 32: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
BOTHUBO 32
32
Jacob no Esau Msave
1Jacob no pa la lo wuve, eno Alhouw kungumi no pa sasü kusholu. 2Kughou Jacob no panoqo ithulu keno pa no pi, “Hi ye Alhouw aghazü-a kena!” Tighenguno pa no tipa-a pesü Mahanaim#32:2 Akiqi ye aghazü-a kini kuve tsü.
3Jacob no pa züuno Edom ghakhu lo Seir yeghi lo pa mu Esau lau atsapemi puwu, 4eno panoqo piputo ghi pi, “Nongu ye I mpeu Esau vilo hitoi pilo: O qeu Jacob no piani, ‘Ni ye Laban gholo inami shi itehi kutolo ngo ighivae. 5Ni ye amshitsü, khurha, atsüaqu, aqemi totimi ngo kiptimi ani. I no I mpeu vilo pi peniye puwu ani, tishianguno I kimiyeqhiyi tsü peniye ke.’”
6Atsapemiqo no Jacob lau ideighi no pi, “Ningu no o mu Esau lau ighi, eno pa ye o sholu niye cheni, eno pa gholo timi aqhe bidi chenie.” 7Tileno Jacob ye ighono msave no amloghuju shive. Pa no pa gholo timi akeqo, ambeloji, atsü-aqu eno sayeshiqo aghazü mqo kini shi kijethave, 8tsüno kümsü, “Tsala Esau no aghazü lakhi lo ighi no tipau leve aye, aghazü lakhiu ye poka luve nani.”
9Eno Jacob no pi, “O I pu Abraham Lhou eno I pu Isaac Lhou, O Ampeu khuu no I vilo, ‘O ghakhu lo eno o sholokumi lau idewove lo, tishianguno I no o lau akivi shi tsünie,’ ipi keno, 10ni ye Ow iqemokeu kikimiye eno pükhükulu kümla Nono O qeu lau piye keqo akimkheu mu ithulu küzüpu kumoe, kughengu I kusü likhi kuchope ni ye Jordan hipau kathae, ikemu itehi ni ye aghazü mqo kini shivae. 11Kimiyeno I mu Esau u lono I xaphe tsülo, kughengu ni ye pa msa anie, pa ye ni eno atianuli ngo azanoqo leighi luvike. 12Ikemu Nono pi, ‘Mtsüqheino Ni ye o lau akivi shitsü nani, eno o lagha pesü azüghi lo asaye, khikhi kihi khamla keno titoi aqokitikhi shitsü nani.’”
13Ikehu pa ye tipaji tilehi ngove, eno pa no kiu pighi akeno tipau lono pa mu Esau ghenguno agho luve, 14anequ aqhe kini, anetsü muku, ambequ aqhe kini eno ambetsü muku, 15akichhizü küsü sayeshi eno tipau tiqo süküqha no shighi, amshiqu lhobidi eno amshitsü chighi, khurhatsü muku eno khurhaqu chighi ikhiphe. 16Pa no hipaqo pesü pa qemi tsüve, pütüta tsüaqu loji kiqi lono, eno panongu vilo pi, “I züu shi wulo, eno atsü-aqu loji dolo ado hami qhilo.” 17Pa no atüghüu mqo vilo piputo, “Kughou I mu Esau no o sholu no o vilo, ‘No ye khuno timi kea? No ye khila wucheni kea? Eno o züu chekeqo ye khuno kea?’ ipi ighiju aye, 18no ye ishi pilo, ‘Hipaqo ye o qeu Jacobw ke. Agho I mpeu Esau lau tsü puwu akeqo ke. Eno tinguno alau, pa ghi ningu thiu chenie.’” 19Tihutoi pa no amqo akiniu ngo aküthüu eno atsüaqu loji pape chekeqo kümtsü vilo piputove, “Kughou nongu no pa sholuni keno, nongu ye hipa tho pa vilo pilo, 20eno nongu no pilo, ‘Tinguno alau, o qeu Jacob ye ningu thiu chenie.’” Kughengu pa no kümsüe, “Agho I züu chekeqo pesü ni ye pa haküghüqü luvi, eno tithiuno I no pa gi ithulunie. Pa ghi ni ikhilutsü luvie.” 21Ikehu aghochhe no pa züu shi wuvepe, eno pa ye tipaji aghazü lo ngove.
Jacob no Alhou sasü Kükha
22Tipaji pa no ithu pa nipu pama, pa qelimi pama eno atianuli chighiqhaqhi saluve no Jabbok ghoki kakütha-a lono katha ikuve. 23Pa no panoqo eno pa pighi jeli kümtsü pesü aghokiti katha ikuvepe. 24Eno Jacob ye pa likhi ngove. Eno milakhi no atsala vü ipeghi moke kutolo pa sasü kükhae. 25Kughou timi huno Jacob mjochile mlave keno, pa no pa yikughi butsü, eno Jacob ye pa sasü kükha akelono pa yikughi süküqüve. 26Timi huno pi, “I puwuve lo, kughengu atsala ye vü ipeghivae.” Ikemu Jacob no pi, “Nono I kümghatsü moaye ni ye o puwumoe.” 27Eno pa no pi, “O je ye khuu kea?” Pa no khochile, “Jacob.” 28Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.” 29Jacob no pa je ighiju, “Kimiyeno I vilo o je pilo.” Ikemu pa no pi, “Kushiye I je ighiju ani kea?” Eno tishino pa no pa kümghatsü. 30Ikehu Jacob no tipa-a pesü Peniel#32:30 Peniel kiqi ye Alhou gi kuve tsüno pi, “Kughengu ni ye agi no agi kinheqhe Alhou ithuluvae, tishimu I küxü xaphe tsüke.” 31Pa no pa yiku ghenguno khül khül shi Penuel qhive no wuche kelo khetsünhe ye pa shou ikughive. 32Tighenguno, ishi tsala kutolo Israelmi ye ayikughi kikime lo ashi akeu chuchemoe. Kughengu timi huno Jacob yikughi lo anhü buve tsüke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More