BOTHUBO 33
33
Jacob no Esau sasü Kusho
1Jacob no pa nhethi tsüpuku no ju keloye Esau ye pa gholo timi aqhe bidi sasü cheghi. Ikehu pa no atianuli pesü Leah ngo Rachel eno aqelimi kini dolo kijeve tsü. 2Eno pa no aqelimi ngo panoqo tianuli pelo azüu shivepe, tithiuno Leah ngo li tianuliqo, eno Rachel ngo Joseph no kümtsü nguno ashekhau shiluve. 3Pa no panoqo züu shi wuno pa mu phivilo ighi moke kutolo ghuthu tsüni ayeghi lo pa gi pishiqho.
4Ikemu Esau no pa sholu nike posü ighi eno pa vape luve no müma, eno pama gha qauve. 5Kughou Esau no pa nhethi tsüpuku no jupuwo keno totimi eno atianuliqo ithulu, eno pa no pi, “O gholo hipaqo ye khunoqo kea?” Jacob no pi, “Alhou no küpüqhiyi atianuli o qeu tsükeqo ke.” 6Tithiu aqemi eno pano tianuliqo no kupunu ighi no qhoqhü itsaqi. 7Tihutoi Leah eno li tianuliqo no kupunu ighi no qhoqhü itsaqi. Eno ashekha shi Joseph ngo Rachel pama no kupunu ighi no qhoqhü itsaqi. 8Esau no pi, “Aloji mqo I no sholu keqo ye kiu kiqi kea?” Jacob no khochile, “I mpeu zülo kimiyeqhiyi ithulu tsü peniye ke.” 9Ikemu Esau no pi, “Ni ye lukümkha anie, I thiküzüu; nono kiu ani keno o ghenguno qhiluve lo.” 10Jacob no pi, “Moe, kimiyeno tsala o nhethe lo I kimiye qhiyilu aghi aye, I u lono I ghochhe ikhilu tsülo. Kughengu I no o gi ithulu akeu ye Alhou gi ithulu aketoi ani, eno nono ni ikhiluve tsü ake. 11Kimiyeno Iw kükümgha o lau peighi akeu ikhilu tsülo, kughengu Alhou no I lau küpüqhiyi tsüno ni ye kupukuno shi anike.” Ikehu pa no qhüiniju keu kiqi lono Esau no luvetsü.
12Tithiu Esau no pi, “Ningu aghüzüla lo cheveni nolo, I no nongu zülo shini.” 13Ikemu Jacob no pa vilo pi, “I mpeu no ithi anike atianuli miqemlei aphi, eno atsü-aqu khomono akeqo ghi jukuto masa ani. Tsala tipaqo sasü mkamihi atsala lakhi wuve aye atsü-aqu kümtsü thikhave nanie. 14I no Seir lo I mpeu lau ighilu moke kutolo I mpeu no pa qeu züuno cheghi lo, ni ye atsü-aqu I züu chekeqo ngo atianuliqo lache kiqi lono asheshi no ighinie.”
15Ikehu Esau no pi, “I gholo chekemi khami o gholo qhitsüni.” Ikemu pa no pi, “Kiu vehupu ani kea? I mpeu nhethe lo küpüqhiyi ni ikhilu tsülo.” 16Ikehu Esau ye tipani no Seir küdau wuve. 17Ikemu Jacob ye Succoth lo chesü wuve, eno pa sala aki lakhi shi eno pa tsü-aqu ghenguno apusho mlatsü. Tighenguno tipa-a je pesü Succoth#33:17 Succoth kiqi ye apusho kuvetsü.
18Paddan-aram lono ideighi chekelo, Jacob no kütüsü mono Shechem mishighüna, khikhi Canaan yeghi lo ani keno, toluve, eno pa no mishighüna phivilo aghazü shipe ngove. 19Pa no Shechem papu Hamor nuliqo launo pisa#33:19 Hebrew lo ghi kiu me qhemi keno mtsümishei moe aqhe no ayeghi qhükeu-a lo pa phiki shiqhe. 20Tilehi pa no akümlla-khache shiqhe eno tipa-a pesü El-Elohe-Israel#33:20 Akiqi ye Israel Lhou kuvetsü.
Currently Selected:
BOTHUBO 33: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
BOTHUBO 33
33
Jacob no Esau sasü Kusho
1Jacob no pa nhethi tsüpuku no ju keloye Esau ye pa gholo timi aqhe bidi sasü cheghi. Ikehu pa no atianuli pesü Leah ngo Rachel eno aqelimi kini dolo kijeve tsü. 2Eno pa no aqelimi ngo panoqo tianuli pelo azüu shivepe, tithiuno Leah ngo li tianuliqo, eno Rachel ngo Joseph no kümtsü nguno ashekhau shiluve. 3Pa no panoqo züu shi wuno pa mu phivilo ighi moke kutolo ghuthu tsüni ayeghi lo pa gi pishiqho.
4Ikemu Esau no pa sholu nike posü ighi eno pa vape luve no müma, eno pama gha qauve. 5Kughou Esau no pa nhethi tsüpuku no jupuwo keno totimi eno atianuliqo ithulu, eno pa no pi, “O gholo hipaqo ye khunoqo kea?” Jacob no pi, “Alhou no küpüqhiyi atianuli o qeu tsükeqo ke.” 6Tithiu aqemi eno pano tianuliqo no kupunu ighi no qhoqhü itsaqi. 7Tihutoi Leah eno li tianuliqo no kupunu ighi no qhoqhü itsaqi. Eno ashekha shi Joseph ngo Rachel pama no kupunu ighi no qhoqhü itsaqi. 8Esau no pi, “Aloji mqo I no sholu keqo ye kiu kiqi kea?” Jacob no khochile, “I mpeu zülo kimiyeqhiyi ithulu tsü peniye ke.” 9Ikemu Esau no pi, “Ni ye lukümkha anie, I thiküzüu; nono kiu ani keno o ghenguno qhiluve lo.” 10Jacob no pi, “Moe, kimiyeno tsala o nhethe lo I kimiye qhiyilu aghi aye, I u lono I ghochhe ikhilu tsülo. Kughengu I no o gi ithulu akeu ye Alhou gi ithulu aketoi ani, eno nono ni ikhiluve tsü ake. 11Kimiyeno Iw kükümgha o lau peighi akeu ikhilu tsülo, kughengu Alhou no I lau küpüqhiyi tsüno ni ye kupukuno shi anike.” Ikehu pa no qhüiniju keu kiqi lono Esau no luvetsü.
12Tithiu Esau no pi, “Ningu aghüzüla lo cheveni nolo, I no nongu zülo shini.” 13Ikemu Jacob no pa vilo pi, “I mpeu no ithi anike atianuli miqemlei aphi, eno atsü-aqu khomono akeqo ghi jukuto masa ani. Tsala tipaqo sasü mkamihi atsala lakhi wuve aye atsü-aqu kümtsü thikhave nanie. 14I no Seir lo I mpeu lau ighilu moke kutolo I mpeu no pa qeu züuno cheghi lo, ni ye atsü-aqu I züu chekeqo ngo atianuliqo lache kiqi lono asheshi no ighinie.”
15Ikehu Esau no pi, “I gholo chekemi khami o gholo qhitsüni.” Ikemu pa no pi, “Kiu vehupu ani kea? I mpeu nhethe lo küpüqhiyi ni ikhilu tsülo.” 16Ikehu Esau ye tipani no Seir küdau wuve. 17Ikemu Jacob ye Succoth lo chesü wuve, eno pa sala aki lakhi shi eno pa tsü-aqu ghenguno apusho mlatsü. Tighenguno tipa-a je pesü Succoth#33:17 Succoth kiqi ye apusho kuvetsü.
18Paddan-aram lono ideighi chekelo, Jacob no kütüsü mono Shechem mishighüna, khikhi Canaan yeghi lo ani keno, toluve, eno pa no mishighüna phivilo aghazü shipe ngove. 19Pa no Shechem papu Hamor nuliqo launo pisa#33:19 Hebrew lo ghi kiu me qhemi keno mtsümishei moe aqhe no ayeghi qhükeu-a lo pa phiki shiqhe. 20Tilehi pa no akümlla-khache shiqhe eno tipa-a pesü El-Elohe-Israel#33:20 Akiqi ye Israel Lhou kuvetsü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More