BOTHUBO 34
34
Dinah Shipüthave
1Leah nga Dinah, khuu Jacob lau punutsü keno, li no tipa aghakhu lo totimiqo juniye wue. 2Kughou Hivimi Hamor nu Shechem, tipa yeghi lo kükapuu no li ithulu keno, pa no li küghaluve no sazüve eno li lau küthakügha shive. 3Eno pa mlo ye Jacob nonga Dinah shou auve. Pa no ayiliu kimiyeve no ivünhei li pütsae. 4Ikehu Shechem no pa pu Hamor pütsa no pi, “I nipu shinike totimi hipau I tsülo.”
5Jacob no pa nga Dinah ye Shechem no shikitiqevae pi chiluve. Ikemu pa nuliqo ye aluza lo atsü-aqu gholo akehu panongu no ighi moke kutolo Jacob ye inaqhoi ae. 6Shechem papu Hamor no Jacob pütsa niye pa lau wu. 7Jacob nuliqo no ti chilu khavi aluza lono ighive eno panongu ye ighono axuideve, kughengu Shechem no Jacob nga shipüthave keu vecheo Israel lo achika-anguka shiveke, kughengu hitoi keu ye shikepu kumoe.
8Ikemu Hamor no panoqo pütsa no pi, “I nu Shechem mlo ye nonga khelho anie. Kimiyeno li pesü pa nipu shi penike tsüvelo. 9Ningu sasü külakupu shilo. Nongaqo ni tsülo, eno nongu no ningaqo lulo. 10Nongu no ni gholo ngolu nani, eno nongu lau ayeghi khaqhitsü nani. Ngolo eno hileno kilhisho shilo, hileno amheghi shilulo.” 11Shechem ghi li papu ngo amunoqo vilo pi, “Nongu nhethe lo I kimiyeqhiyi tsülo, eno nongu no kiu I vilo pini keno, I no nongu tsüni. 12Nongu no ameh eno agho kiu pulo keno khulo, eno I vilo kiu kiumu khukeu ye I no tsüni. I nipu shi penike ayiliu likhi I tsülo.”
13Jacob nuliqo no amqüshi Shechem ngo pa pu Hamor pama khochile, kughengu pa no panoqo chepu Dinah shipüthave ke. 14Panongu no pama vilo pi, “Ningu ye ni chepu pesü milakhi aphighüyiko ghamo kemi tsüveni keu ye shimlae, kughengu ti ye ni ghenguno küthaküghapu shive nanie. 15Hipa tsalo likhino nino o gholo puloküqhani—ti ye nongu dolo kiptimi kümtsü no aphighüyiko ghave no ningu toi shiveni. 16Tileno ningaqo nongu tsüni, eno nino nongaqo anipu shinike luni, eno nino nongu gholo xüno ashiaye lakhi shiveni. 17Ikemu tsala nongu no ni tsa inimo eno aphighüyiko ghamo aye, nino ninga saluve no chevenie.”
18Panongu tsa no Hamor ngo Hamor nu Shechem lopiqive. 19Eno apumi huye hipa vehu shini keu lo munuve moe, kughengu pa ye Jacob nga lau alokiqi ae. Pa ye pa pu kilo kütami kümtsü nguno alau agigihu akemi. 20Ikehu Hamor ngo pa nu Shechem pama no panow mishighüna khagho lo ighi no timi kümtsü pütsa no pi, 21“Timi hipaqo ye ningu sasü külakishi lono ani; panoqo pelo ayeghi hile ngolupe no kilhikishi shilu pelo, kughengu julo, ayeghi ye panoqo ghenguno kughomae. Ningu no panongu ngaqo anipu shinike luni, eno ningaqo panongu tsünie. 22Hipa tsalo likhino panongu ye ningu gholo küghüna niye ani—ti ye ningu gholo kiptimi kümtsü pano toi aphighüyiko ghave masavae. 23Pano tsü-aqu, amheghi eno tüghashi kümtsü niw shiluve nanike kumo? Ningu pano gholo pulo luveni nolo, tishi aye panongu ye ni gholo küghünave nani.” 24Mishighüna khagho lo wukemi kümtsü no Hamor ngo pa nu Shechem tsa initsü, eno tile wukemi kiptimi kümtsü no aphighüyiko ghave.
25Atsala aküthüni, kughou azakuqo no apiyi shi akeno, Jacob nuli Simeon ngo Levi, Dinah pamu pama no azütakikihi pesü mishighüna leighi no kiptimi kümtsü ghiqhive tsü. 26Pama no azütakikihi pesü Hamor ngo pa nu Shechem pama ghiqhive eno Shechem ki lono Dinah sasü wuve. 27Jacob nuliqo no ghiqhive keqo shou ighi no mishighüna lhepuwuve tsü, kughengu panongu chepu shikitiqeve kehue. 28Panongu no ambe loji, atsü-aqu, khurha, eno mishighüna lo, aluza lo kiu aghi keno kümtsü luve tsü. 29Pano küakini, ititunu eno anipuqo, aki lo aghikeu kümtsü küghaluve no lhepuwuve tsü.
30Tile Jacob no Simeon ngo Levi pama vilo pi, “Nokujo ye I shou aküküpna süghivae eno Canaanmi ngo Perizimi yeghi hile küxümi zülo I pesü ajuaje küsapu shive tsüae. Ni ye aghulo ke, eno tsala panongu no hekütsüpe I mjochile eno leighi aye, ni eno I kibo ye kütsave nanie.” 31Ikemu pama no pi, “Pa ye kütüqhalimi toi ni chepu peitha masa keshea?”
Currently Selected:
BOTHUBO 34: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
BOTHUBO 34
34
Dinah Shipüthave
1Leah nga Dinah, khuu Jacob lau punutsü keno, li no tipa aghakhu lo totimiqo juniye wue. 2Kughou Hivimi Hamor nu Shechem, tipa yeghi lo kükapuu no li ithulu keno, pa no li küghaluve no sazüve eno li lau küthakügha shive. 3Eno pa mlo ye Jacob nonga Dinah shou auve. Pa no ayiliu kimiyeve no ivünhei li pütsae. 4Ikehu Shechem no pa pu Hamor pütsa no pi, “I nipu shinike totimi hipau I tsülo.”
5Jacob no pa nga Dinah ye Shechem no shikitiqevae pi chiluve. Ikemu pa nuliqo ye aluza lo atsü-aqu gholo akehu panongu no ighi moke kutolo Jacob ye inaqhoi ae. 6Shechem papu Hamor no Jacob pütsa niye pa lau wu. 7Jacob nuliqo no ti chilu khavi aluza lono ighive eno panongu ye ighono axuideve, kughengu Shechem no Jacob nga shipüthave keu vecheo Israel lo achika-anguka shiveke, kughengu hitoi keu ye shikepu kumoe.
8Ikemu Hamor no panoqo pütsa no pi, “I nu Shechem mlo ye nonga khelho anie. Kimiyeno li pesü pa nipu shi penike tsüvelo. 9Ningu sasü külakupu shilo. Nongaqo ni tsülo, eno nongu no ningaqo lulo. 10Nongu no ni gholo ngolu nani, eno nongu lau ayeghi khaqhitsü nani. Ngolo eno hileno kilhisho shilo, hileno amheghi shilulo.” 11Shechem ghi li papu ngo amunoqo vilo pi, “Nongu nhethe lo I kimiyeqhiyi tsülo, eno nongu no kiu I vilo pini keno, I no nongu tsüni. 12Nongu no ameh eno agho kiu pulo keno khulo, eno I vilo kiu kiumu khukeu ye I no tsüni. I nipu shi penike ayiliu likhi I tsülo.”
13Jacob nuliqo no amqüshi Shechem ngo pa pu Hamor pama khochile, kughengu pa no panoqo chepu Dinah shipüthave ke. 14Panongu no pama vilo pi, “Ningu ye ni chepu pesü milakhi aphighüyiko ghamo kemi tsüveni keu ye shimlae, kughengu ti ye ni ghenguno küthaküghapu shive nanie. 15Hipa tsalo likhino nino o gholo puloküqhani—ti ye nongu dolo kiptimi kümtsü no aphighüyiko ghave no ningu toi shiveni. 16Tileno ningaqo nongu tsüni, eno nino nongaqo anipu shinike luni, eno nino nongu gholo xüno ashiaye lakhi shiveni. 17Ikemu tsala nongu no ni tsa inimo eno aphighüyiko ghamo aye, nino ninga saluve no chevenie.”
18Panongu tsa no Hamor ngo Hamor nu Shechem lopiqive. 19Eno apumi huye hipa vehu shini keu lo munuve moe, kughengu pa ye Jacob nga lau alokiqi ae. Pa ye pa pu kilo kütami kümtsü nguno alau agigihu akemi. 20Ikehu Hamor ngo pa nu Shechem pama no panow mishighüna khagho lo ighi no timi kümtsü pütsa no pi, 21“Timi hipaqo ye ningu sasü külakishi lono ani; panoqo pelo ayeghi hile ngolupe no kilhikishi shilu pelo, kughengu julo, ayeghi ye panoqo ghenguno kughomae. Ningu no panongu ngaqo anipu shinike luni, eno ningaqo panongu tsünie. 22Hipa tsalo likhino panongu ye ningu gholo küghüna niye ani—ti ye ningu gholo kiptimi kümtsü pano toi aphighüyiko ghave masavae. 23Pano tsü-aqu, amheghi eno tüghashi kümtsü niw shiluve nanike kumo? Ningu pano gholo pulo luveni nolo, tishi aye panongu ye ni gholo küghünave nani.” 24Mishighüna khagho lo wukemi kümtsü no Hamor ngo pa nu Shechem tsa initsü, eno tile wukemi kiptimi kümtsü no aphighüyiko ghave.
25Atsala aküthüni, kughou azakuqo no apiyi shi akeno, Jacob nuli Simeon ngo Levi, Dinah pamu pama no azütakikihi pesü mishighüna leighi no kiptimi kümtsü ghiqhive tsü. 26Pama no azütakikihi pesü Hamor ngo pa nu Shechem pama ghiqhive eno Shechem ki lono Dinah sasü wuve. 27Jacob nuliqo no ghiqhive keqo shou ighi no mishighüna lhepuwuve tsü, kughengu panongu chepu shikitiqeve kehue. 28Panongu no ambe loji, atsü-aqu, khurha, eno mishighüna lo, aluza lo kiu aghi keno kümtsü luve tsü. 29Pano küakini, ititunu eno anipuqo, aki lo aghikeu kümtsü küghaluve no lhepuwuve tsü.
30Tile Jacob no Simeon ngo Levi pama vilo pi, “Nokujo ye I shou aküküpna süghivae eno Canaanmi ngo Perizimi yeghi hile küxümi zülo I pesü ajuaje küsapu shive tsüae. Ni ye aghulo ke, eno tsala panongu no hekütsüpe I mjochile eno leighi aye, ni eno I kibo ye kütsave nanie.” 31Ikemu pama no pi, “Pa ye kütüqhalimi toi ni chepu peitha masa keshea?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More