LUKE 1
1
Theophilus lau Ikhiphekütsü
1Timi kutomo no thime jeli ningu lau shikupuve keqo aboake shi kithipe qhitsüni ye yekümla huthuvae, 2ti ye hukuthu lono thopimi eno Atsa sheshumi no ningu lau pikiye süghitsü keu pasü lono ke. 3Ikehu shishe akiqheu Theophilus, hipa vehu kümtsü idewo abothu lono tsaqütsalei phukide eno küpasülu keu kiqi lono, ni ghi o ghenguno kithikiyi keu yekümla hi shitsüni ke pulolue, 4tishikeu lono o shika piyeve keu laghi kümtsü lo no ye mtsümishei lunani.
Baptiz Kishiu John Punu
5Judea kükau Herod ghuloki lo achinemi lakhi Abijah mqo lo küami, Zechariah ipikeu ache. Pa nipu Elizabeth ye Aaron lagha lono ighi kemi. 6Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche. 7Ikemu Elizabeth no anuhami kehu pama ye anuli kühano ache, eno pama gha kitemi shive.
8Kughou Zechariah mqo kikiphi do ighi keno, pa no Alhou zülo hukuthu kümla shia, 9achine kümlapu lo khuaye kiqi lono Ampeu chineki alou ilo axokütsüngü piti wunike asaqhi kelo pa shou ikughi. 10Tile axokütsüngü piti ake tüqhüdo lo kuho kumqo akemi no khalau no akighini shia. 11Tile Ampeuw kungumi lakhi akiptia ajeu puthugho no pa lau ipeghi. 12Kughou Zechariah no pa ithilu keno, akümsa no tsügha luve. 13Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani. 14No ye amlokiqi eno alokivi anani, eno kutomo no pa punu lo alovi nani, 15kughengu pa ye Ampeu zülo kije shi nani. Pa ye khilemu aji momu shomzü kepu aji kümka yemo nani, eno pa ye aza polo aphi lono Aghungu Kimthe no chhitoi nani. 16Pa no Israelmi kutomo sachile sawo Ampeu pano Lhou tsü nani. 17Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”
18Zechariah no kungumi vilo ighiju, “Ni ye kishino hi ithini kea? Kughengu ni eno I nipu ye kitemi shivae.” 19Kungumi huno pa khochile, “Ni ye khuu Alhou zülo puthugho cheni keno, Gabriel huke, eno atsakiviu hipau pesü o lau süghi no o pütsa penike I puwue. 20Julo, nono I tsa khikhi ado achipi lono shikupu nani keno, ti pülümo kehu hipaqo shikupu ke tsala tomoke kutolo no ye atsa pimla no inaqhoi ngove nani.” 21Zechariah no ado süpushu achineki alou auve kehu timiqo ye kishive akeno kümsüju ghi kheae. 22Kughou pa no ipeghi keno, pa ye timiqo pütsa mlave. Pa no au kulope panoqo tsüake thono atsa ye pimlave, ikehu panongu no pa ye alou ake lono kungunhetsü ithulu kenia pi kiqi luve. 23Kughou pa kümlapu do kishekhave keno, pa ye aki lo wove.
24Ado hami thiu, pa nipu Elizabeth ye mishiuve, eno aqhi pungu dolo li ye ashou ipe move. Li no pi, 25“Ampeu no timiqo zülono I kukujopu xave tsüniye I shou jupuku no hi mlave tsüae.”
Jisü Punu Azünatha Pi
26Elizabeth no aqhi akütsüghou lo chekelo, Alhou no Galilee lo Nazareth mishiphu lo kungumi Gabriel puwu, 27eno ililhothe lakhi Mary lau ighi, li ye David laghami Joseph sasü küsükhave no ache. 28Kungumi huno li lau ighi no pi, “O Ampeu mlo kuchuu, alovi lo, Ampeu no o gholo ani!” 29Ikemu li ye ighono amlo pünave no hi ye kiu kiqi tsa shi aghi nani keno kimchi luniye pükapütsa. 30Kungumi huno li vilo pi, “Msa kevilo, Mary, kughengu no ye Alhou lopu shiluvae. 31Julo, no ye mishiluve no anu lakhi punu nani, eno nono pa je Jisü kutsü nani. 32Pa ye kije shi nani eno Shishe Akiqheu Nu ipi ku nani. Ampeu Alhou no pa sü David kükalakhü pa tsü nani, 33eno pa no pülhapuju Jacob lagha shou ayepe nani, eno pa yekipe ye khilemu kishekhave monani.”
34Mary no kungumi vilo pi, “Ni ye akimi küha keghi kishino tishi luni kea?”
35Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani. 36Julo, no bolomi khuu vilo anuhau ipiche keno Elizabeth hughi ateasü shiu cheke lono anu mishipu luve no hi aqhi akütsüghou lo cheni. 37Kughengu Alhou gholo ye tokümlapu kiumu kühae.” 38Mary no pi, “Julo, ni ye Ampeu qemi; o tsa kiqi lono I lau tishi peni.” Kungumi no li launo wuve.
Mary no Elizabeth Xuju
39Tithiu Mary no mtazü Judea lo ato yeghi lo mishiphu lakhi lo wu, 40eno Zechariah kilo ilo alokivi shi Elizabeth kue. 41Kughou Elizabeth no Mary sütsa chilu keno, li polo anu huno ithauve no li ye Aghungu Kimthe no chhitoive, 42li no asütsa kuloghi shi ighamku, “Totimiqo gholo no ye akümghaue, eno o polo kicheu Nu ye akümghaue! 43Kishino I Mpeu paza no I xuju ighilupe kepu tüqhüdo hipau I lau khaqhitsü kea? 44Kughengu kughou ow pethakütsü I kini lo iloghi keno, I polo anu akeu no alovi ilheuve ke. 45Totimi khuu no Ampeu no pikeu tsa ye shikupu nanie pi pülülu keno akümghapue.”
Maryw Shekiqhe Le
46Mary no pi,
“I ngulho no Ampeu sheqhe ani,
47eno I ghungu no Alhou I Xakuluu lau alovi ani,
48kughengu Paw aqhokigheu qeliu shou Pa no jupukue.
Ikehu itehi ye tiqheli kümtsü lo ni ye akümghaue pi kuniae;
49kughengu akumtou huno I ghenguno thime kije shive tsüae,
Pa je ye akimthe ke.
50Paw kimiyekini ye tiqheli no tiqheli kutolo Pa
sümsa chekemi ghenguno ke.
51Pa no Pa u mlo lo aküka pephe;
amlo alou no qheza chekemi Pa no kutholevae;
52Pa no akumtomi pano kükalakhü lono sünheqhive
no akuchuni-a lo akemi süqhevae;
53Pa no thime kivi pesü athokhami tsüvae,
eno kupukuno shi akemi ye Pa no au kümsa puwuvae.
54Pa no Paw kimiyekini kümsüchile luniye
Pa qeu Israel kuphuvae,
55ti ye Pa no ni puasü Abraham eno pa tikughukomi vilo
alholo ghenguno piqhive keu kiqi lono ke.”
56Tithiu Mary no Elizabeth gholo aqhi küthü qhalo ngo apüzü li kilo idewove.
Baptiz kishiu John Punu
57Elizabeth no küaküzü do tove kelo, li no kiptimi punuve. 58Ampeu no kimiyekini kije piye keu li kisüghümi eno abolomi no chilu püzü li gholo alovi küqha. 59Atsala akütacheu lo panongu no anu phighüyiko ghave tsüniye saghi, eno anu jeu ghi apu tholono Zechariah kutsü niye shi, 60ikemu aza no pi, “Moe, pa je ye John kutsü nani.” 61Panongu no li vilo pi, “No bolomi khumu aje hipau ku püamoe.” 62Panongu no anu papu lau au kukulo lono pa ye khuu kutsü penishi ani keno kighinikile. 63Pa no kiyetupha khu no yetsü, “Pa je ye John.” Panongu kümtsü no akichiqhive. 64Paikhavi no pa kichi eno amili xükhove tsü, eno pa no atsa piluve no Alhou sheqhe thuve. 65Akisüghümi kümtsü lolo msaichi ighive, eno Judea lo ato yeghi kümtsü lo hipa tsa kügha wove. 66Hipa tsa chilu kemi kümtsü no amlo lo xapusü ishi kümsüe, “Imaye anu hipau ye kiu toi nani kelae?” Kughengu Ampeu u no pa gholo ae.
Zechariah Tungkuptsa
67John papu Zechariah ye Aghungu Kimthe no chhitoive no tungkuptsa pithuve,
68“Israel Lhou Ampeu ye sheqhe küzüe,
kughengu Pa no Paw timiqo xuju ighi no qhüchile luvae.
69Pa no ni ghenguno Pa qeu David lagha lono timiqo xaluni
keu kibo süqheve tsüae,
70ti ye mulhou no Paw tungkupu kimthemi vecheo pike toi
71ni ghümi launo eno ni mithi chekemi kümtsü u lono
ningu xaluve niye ke.
72Tishikeu lono ni puasü lau piqhi püakeu kimiyekini piye,
eno Pa kimthe shoqhi kümsüchile luniye ke,
73ti ashoqhi Pa no ni sü Abraham lau shikeu ye
74ni ghümi u lono xaphe luve akehu, ningu ye
msaichi keu kühano Pa huthu peniye;
75ni küxü tivilo Pa zülo akimthe eno amikucho shipeniye ke.
76Anu, no ye Shishe Akiqheuw tungkupu kepi ku nani;
kughengu nono Ampeu züuno pa laghi kuto tsünike wunani,
77paw timiqo xine peve tsükeu lo xakulupu kighithi pesü
panoqo loshipütsü tsü nani.
78Ni Lhouw kimiyekini ghenguno inaqhe khetsünhe
no atsütsü lono ni shou yepüvü ighi ketoi,
79aküzü eno akithi yekükhü lo akeqo lau aküvü tsü nani,
eno aloino keu laghi lo ni pukhu kichetsü ghi wu nani.”
80Anu ye thuwuve no aghungu mtotoi shi ipeghive, eno pa ye Israelmi mishi zülo pekiphe shi ipeghi keu tsala tomoke kutolo yenguyi ke-a lo ache.
Currently Selected:
LUKE 1: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
LUKE 1
1
Theophilus lau Ikhiphekütsü
1Timi kutomo no thime jeli ningu lau shikupuve keqo aboake shi kithipe qhitsüni ye yekümla huthuvae, 2ti ye hukuthu lono thopimi eno Atsa sheshumi no ningu lau pikiye süghitsü keu pasü lono ke. 3Ikehu shishe akiqheu Theophilus, hipa vehu kümtsü idewo abothu lono tsaqütsalei phukide eno küpasülu keu kiqi lono, ni ghi o ghenguno kithikiyi keu yekümla hi shitsüni ke pulolue, 4tishikeu lono o shika piyeve keu laghi kümtsü lo no ye mtsümishei lunani.
Baptiz Kishiu John Punu
5Judea kükau Herod ghuloki lo achinemi lakhi Abijah mqo lo küami, Zechariah ipikeu ache. Pa nipu Elizabeth ye Aaron lagha lono ighi kemi. 6Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche. 7Ikemu Elizabeth no anuhami kehu pama ye anuli kühano ache, eno pama gha kitemi shive.
8Kughou Zechariah mqo kikiphi do ighi keno, pa no Alhou zülo hukuthu kümla shia, 9achine kümlapu lo khuaye kiqi lono Ampeu chineki alou ilo axokütsüngü piti wunike asaqhi kelo pa shou ikughi. 10Tile axokütsüngü piti ake tüqhüdo lo kuho kumqo akemi no khalau no akighini shia. 11Tile Ampeuw kungumi lakhi akiptia ajeu puthugho no pa lau ipeghi. 12Kughou Zechariah no pa ithilu keno, akümsa no tsügha luve. 13Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani. 14No ye amlokiqi eno alokivi anani, eno kutomo no pa punu lo alovi nani, 15kughengu pa ye Ampeu zülo kije shi nani. Pa ye khilemu aji momu shomzü kepu aji kümka yemo nani, eno pa ye aza polo aphi lono Aghungu Kimthe no chhitoi nani. 16Pa no Israelmi kutomo sachile sawo Ampeu pano Lhou tsü nani. 17Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”
18Zechariah no kungumi vilo ighiju, “Ni ye kishino hi ithini kea? Kughengu ni eno I nipu ye kitemi shivae.” 19Kungumi huno pa khochile, “Ni ye khuu Alhou zülo puthugho cheni keno, Gabriel huke, eno atsakiviu hipau pesü o lau süghi no o pütsa penike I puwue. 20Julo, nono I tsa khikhi ado achipi lono shikupu nani keno, ti pülümo kehu hipaqo shikupu ke tsala tomoke kutolo no ye atsa pimla no inaqhoi ngove nani.” 21Zechariah no ado süpushu achineki alou auve kehu timiqo ye kishive akeno kümsüju ghi kheae. 22Kughou pa no ipeghi keno, pa ye timiqo pütsa mlave. Pa no au kulope panoqo tsüake thono atsa ye pimlave, ikehu panongu no pa ye alou ake lono kungunhetsü ithulu kenia pi kiqi luve. 23Kughou pa kümlapu do kishekhave keno, pa ye aki lo wove.
24Ado hami thiu, pa nipu Elizabeth ye mishiuve, eno aqhi pungu dolo li ye ashou ipe move. Li no pi, 25“Ampeu no timiqo zülono I kukujopu xave tsüniye I shou jupuku no hi mlave tsüae.”
Jisü Punu Azünatha Pi
26Elizabeth no aqhi akütsüghou lo chekelo, Alhou no Galilee lo Nazareth mishiphu lo kungumi Gabriel puwu, 27eno ililhothe lakhi Mary lau ighi, li ye David laghami Joseph sasü küsükhave no ache. 28Kungumi huno li lau ighi no pi, “O Ampeu mlo kuchuu, alovi lo, Ampeu no o gholo ani!” 29Ikemu li ye ighono amlo pünave no hi ye kiu kiqi tsa shi aghi nani keno kimchi luniye pükapütsa. 30Kungumi huno li vilo pi, “Msa kevilo, Mary, kughengu no ye Alhou lopu shiluvae. 31Julo, no ye mishiluve no anu lakhi punu nani, eno nono pa je Jisü kutsü nani. 32Pa ye kije shi nani eno Shishe Akiqheu Nu ipi ku nani. Ampeu Alhou no pa sü David kükalakhü pa tsü nani, 33eno pa no pülhapuju Jacob lagha shou ayepe nani, eno pa yekipe ye khilemu kishekhave monani.”
34Mary no kungumi vilo pi, “Ni ye akimi küha keghi kishino tishi luni kea?”
35Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani. 36Julo, no bolomi khuu vilo anuhau ipiche keno Elizabeth hughi ateasü shiu cheke lono anu mishipu luve no hi aqhi akütsüghou lo cheni. 37Kughengu Alhou gholo ye tokümlapu kiumu kühae.” 38Mary no pi, “Julo, ni ye Ampeu qemi; o tsa kiqi lono I lau tishi peni.” Kungumi no li launo wuve.
Mary no Elizabeth Xuju
39Tithiu Mary no mtazü Judea lo ato yeghi lo mishiphu lakhi lo wu, 40eno Zechariah kilo ilo alokivi shi Elizabeth kue. 41Kughou Elizabeth no Mary sütsa chilu keno, li polo anu huno ithauve no li ye Aghungu Kimthe no chhitoive, 42li no asütsa kuloghi shi ighamku, “Totimiqo gholo no ye akümghaue, eno o polo kicheu Nu ye akümghaue! 43Kishino I Mpeu paza no I xuju ighilupe kepu tüqhüdo hipau I lau khaqhitsü kea? 44Kughengu kughou ow pethakütsü I kini lo iloghi keno, I polo anu akeu no alovi ilheuve ke. 45Totimi khuu no Ampeu no pikeu tsa ye shikupu nanie pi pülülu keno akümghapue.”
Maryw Shekiqhe Le
46Mary no pi,
“I ngulho no Ampeu sheqhe ani,
47eno I ghungu no Alhou I Xakuluu lau alovi ani,
48kughengu Paw aqhokigheu qeliu shou Pa no jupukue.
Ikehu itehi ye tiqheli kümtsü lo ni ye akümghaue pi kuniae;
49kughengu akumtou huno I ghenguno thime kije shive tsüae,
Pa je ye akimthe ke.
50Paw kimiyekini ye tiqheli no tiqheli kutolo Pa
sümsa chekemi ghenguno ke.
51Pa no Pa u mlo lo aküka pephe;
amlo alou no qheza chekemi Pa no kutholevae;
52Pa no akumtomi pano kükalakhü lono sünheqhive
no akuchuni-a lo akemi süqhevae;
53Pa no thime kivi pesü athokhami tsüvae,
eno kupukuno shi akemi ye Pa no au kümsa puwuvae.
54Pa no Paw kimiyekini kümsüchile luniye
Pa qeu Israel kuphuvae,
55ti ye Pa no ni puasü Abraham eno pa tikughukomi vilo
alholo ghenguno piqhive keu kiqi lono ke.”
56Tithiu Mary no Elizabeth gholo aqhi küthü qhalo ngo apüzü li kilo idewove.
Baptiz kishiu John Punu
57Elizabeth no küaküzü do tove kelo, li no kiptimi punuve. 58Ampeu no kimiyekini kije piye keu li kisüghümi eno abolomi no chilu püzü li gholo alovi küqha. 59Atsala akütacheu lo panongu no anu phighüyiko ghave tsüniye saghi, eno anu jeu ghi apu tholono Zechariah kutsü niye shi, 60ikemu aza no pi, “Moe, pa je ye John kutsü nani.” 61Panongu no li vilo pi, “No bolomi khumu aje hipau ku püamoe.” 62Panongu no anu papu lau au kukulo lono pa ye khuu kutsü penishi ani keno kighinikile. 63Pa no kiyetupha khu no yetsü, “Pa je ye John.” Panongu kümtsü no akichiqhive. 64Paikhavi no pa kichi eno amili xükhove tsü, eno pa no atsa piluve no Alhou sheqhe thuve. 65Akisüghümi kümtsü lolo msaichi ighive, eno Judea lo ato yeghi kümtsü lo hipa tsa kügha wove. 66Hipa tsa chilu kemi kümtsü no amlo lo xapusü ishi kümsüe, “Imaye anu hipau ye kiu toi nani kelae?” Kughengu Ampeu u no pa gholo ae.
Zechariah Tungkuptsa
67John papu Zechariah ye Aghungu Kimthe no chhitoive no tungkuptsa pithuve,
68“Israel Lhou Ampeu ye sheqhe küzüe,
kughengu Pa no Paw timiqo xuju ighi no qhüchile luvae.
69Pa no ni ghenguno Pa qeu David lagha lono timiqo xaluni
keu kibo süqheve tsüae,
70ti ye mulhou no Paw tungkupu kimthemi vecheo pike toi
71ni ghümi launo eno ni mithi chekemi kümtsü u lono
ningu xaluve niye ke.
72Tishikeu lono ni puasü lau piqhi püakeu kimiyekini piye,
eno Pa kimthe shoqhi kümsüchile luniye ke,
73ti ashoqhi Pa no ni sü Abraham lau shikeu ye
74ni ghümi u lono xaphe luve akehu, ningu ye
msaichi keu kühano Pa huthu peniye;
75ni küxü tivilo Pa zülo akimthe eno amikucho shipeniye ke.
76Anu, no ye Shishe Akiqheuw tungkupu kepi ku nani;
kughengu nono Ampeu züuno pa laghi kuto tsünike wunani,
77paw timiqo xine peve tsükeu lo xakulupu kighithi pesü
panoqo loshipütsü tsü nani.
78Ni Lhouw kimiyekini ghenguno inaqhe khetsünhe
no atsütsü lono ni shou yepüvü ighi ketoi,
79aküzü eno akithi yekükhü lo akeqo lau aküvü tsü nani,
eno aloino keu laghi lo ni pukhu kichetsü ghi wu nani.”
80Anu ye thuwuve no aghungu mtotoi shi ipeghive, eno pa ye Israelmi mishi zülo pekiphe shi ipeghi keu tsala tomoke kutolo yenguyi ke-a lo ache.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More