LUKE 2
2
Jisü Khristo Punu
(Mt 1:18-25)
1Tipa ghuloki lo Caesar Augustus launo ayeghiqha kümtsü lo timiqo pelo aje yesülu penike xaküthaza kiye puwu. 2Quirinius no Syria lo angh shiche kelo hi no ajeküsü atüghüu ke. 3Timi kümtsü no aje sünike pütüta mishiphu lo wue. 4Joseph ghi David polo kughuko eno laghami kehu Galilee lo Nazareth mishiphu lono Judea ghakhu lo David mishighüna, Bethlehem ipi chekeu lo chesü iqho, 5pa no küsükha luve no akeu Mary khuu mishipu chekeno, li sasü aje süniye wue. 6Pama no tilau ake lono li ye küaküzü do ighive. 7Li no punu tüghüu kiptimi ithulu no aphi kümtsha tachu pesü pa küzüpe amishi khulo püzü, kughengu pama ghenguno inaki lo a-a kühave ke.
Ambekhemi ngo Kungumi
8Tipa qhau aluza lo ambekhemi no putho lo pano loji jukuto kheae. 9Tile Ampeuw kungumi lakhi no panoqo zülo ipeghi, eno Ampeu juküvü no panongu homxape yepüvü luve kelo panoqo ye ighono msaichive. 10Ikemu kungumi huno panongu vilo pi, “Msa kevilo, kughengu timi kümtsü no alokivi kije shilu kepu sütsa kivi I no nongu lau süghi ani. 11Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae. 12Hi no nongu lau amchipu shi nani: nongu no anu lakhi aphi kümtsha no küzüpe amishi khulo püzü püaghi keu ithulu nani.” 13Paikhavi kungugha lo kungumi aqokitikhi no kungumi tipau gholo ipeghive no iqhaighu Alhou sheqhe ghi pi,
14“Kungugha akiqheu lono Alhou sheqhelo,
eno ayeghi lo Pa mlo chulu chekeqo gholo aloino keu alo!”#Lesh 148:1; Mt 21:9
15Kughou kungumi no ambekhemi qhive no kungugha lo wuve keno, ambekhemi lakhino lakhi vilo pi, “Ningu Bethlehem lo wuno avehu khikhi Ampeu no ni lau kilethi tsü keno juni shilo.” 16Panongu no mtazü wuno Mary ngo Joseph, eno anu hu amishi khulo züaghi keu ithulu. 17Panongu no ti ithulu kethiu anu vehu panoqo vilo pikeu pesü pikülhave tsü. 18Ambekhemi no pikeu tsa chikulumi kümtsü no akümzave. 19Mary no hipa vehu kümtsü li mlo lo süpuluve no kümsükuto ache. 20Tithiu ambekhemi no panoqo vilo pi püakeu kiqi lono thokha kümtsü chilu eno ithulu keu ghenguno akishe agigihu Alhou tsü ghi idewove.
Jisü Ikhiphekütsü
21Atsala tache thiu kughou anu phighüyiko ghavetsü keno, püzüu pa mishipu mphi lono kungumi no aje tsü ketoi Pa je pesü Jisü kuve tsü.
22Moses Yezah kiqi lono kughou panongu shikimthe kepu tüqhüdo ighi keno, Joseph ngo Mary pama no Jisü sasü Ampeu lau ikhiphe tsüniye Jerusalem lo iqho 23(ti ye Ampeu Yezah lo ishi yepüake toi, “Aza no punu tüghüu kiptimi thaqhü ye Ampeu tsükeu michishi akimthe ipi kuni”)#Ipe 13:2; 12 24eno Ampeu Yezah lo pi püakeu kiqi lono, “aqhewo kini momu amiqhi lhothe kini,” pesü aghakishi tsüniye ke.#Achi 12:8 25Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie. 26Aghungu Kimthe no pa ye Ampeuw Messiah ithulu moke kutolo thimo nanie pi pa piyesü püae. 27Aghungu no pa sasü achineki khala lo iloghi, eno kughou anu Jisü puaza no pa sasü Ayezah kupu niye ighi keno, 28Simeon no pa u lono pa khape luve no Alhou sheqhe eno pi,
29“Ampeu, itehi ye O tsa kiqi
lono O qeu pelo aloinoqhiyi wove pelo;
30kughengu I nhethi no Ow xakulu ithuluvae#Isa 52:10
31ti ye Nono ashiaye kümtsü nhethe lono kuto tsüke,#Lesh 98:2
32Jewkumomi lau pephe piye kepu küvü lakhi,
eno Ow timi Israelmi ghenguno ajuküvü ke.”#Isa 42:6; 49:6; 52:10
33Pama akimi anipu ye Simeon no anu vehu kiu pi keno chilupe akichiqhive. 34Simeon no panongu kümgha tsüno anu paza Mary vilo pi, “Jualo, anu hipau vecheo Israel lo timi kutomo ikiqive eno kutomo ithughilu, eno timi no mjochile kepu michipu shi penike pa puwu ani, 35tishikeu lono kutomo mlo lo xapu achekeu pephe piye nani, (eno nou ye, azütakikihi no o mlo chuxutsü nani).”
36Tile itaghi tungkupliu lakhi Anna ipikeu, Asher lagha lo Phanuel nga, ache. Li ye velami, akibo shive kethiu akimi sasü ampe tsüni küghüna, 37eno tithiu chimemi shive no apunu mpe lhotache bidi shia. Li ye achineki qhive mono putho pucho kümvü eno akighini shi Alhou mllache. 38Tipau süchedo lo li no panoqo lau ighi no Alhou shikimthi thuve, eno khunono Jerusalem xachile luni keu tsala khelho chekeno kümtsü vilo anu ghili pesü pi thuve.
Nazareth lo Ideighi
39Kughou pama no Ampeu Yezah kiqi lono akhuaye kupuve keno, panongu no Galilee lo panow mishiphu Nazareth lo ideighive. 40Eno anu ye mtotoi thuwuve eno alokütsü no chhitoive. Tishino Alhouw küpükini no pa shou auve.
Itilo Jisü no Achineki lo Wu
41Ampe atsütsü Hechekulu Ghulhu lo Jisü puaza ye Jerusalem lo wuche. 42Kughou pa no ampe chighikini shive keno, akhuaye kiqi lono panoqo kümtsa iqho. 43Aghulhu tsala kishekhave kethiu panongu no idewo chekelo Jisü ye Jerusalem lo ngo chileve, ikemu pama ye ithi move. 44Aqo gholo cheghi nani kepi kümsü keu lono panongu ye atsala lakhi lache lo wuve, tithiu pama no abolomi ngo ithikile kemi gholo phu thuve. 45Kughou pama no pa phumlave keno, pama ye Jerusalem lo idechile pa phusü ighi. 46Atsala küthü thiu pa no achineki lo shikükami gholo iqa no panoqo tsa ini eno panoqo vilo ighikuju tsa iniju ake lono pama no wo phulu. 47Khunoqo pa tsa chilu keno, kümtsü no pa kighithi eno khokichile inipe akümzave. 48Pama no kughou pa ithulu keno pama ye akichiqhive. Paza no pa vilo pi, “Anu, no ye kushiye ni lau hitoi shi kea? Julo, o pu nikujo ye ighono amloksa shi o phucheni.” 49Pama vilo pa no pi, “Nokujo ye kushiye I phuche kea? Ni ye I Pu kilo aghi nanie pi nokujo ye mtha keshea?” 50Pa no kiu pi keno pama ye vethamlave. 51Tileno pa ye pama gholono Nazareth lo iqive no pama qhoqhü ache. Paza no hi kuchopu amlo lo süpuluve.
52Jisü ye alokütsü eno aphimpi kümtsa thuwu küqha no Alhou ngo timi mlokiqipu shilue.
Currently Selected:
LUKE 2: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
LUKE 2
2
Jisü Khristo Punu
(Mt 1:18-25)
1Tipa ghuloki lo Caesar Augustus launo ayeghiqha kümtsü lo timiqo pelo aje yesülu penike xaküthaza kiye puwu. 2Quirinius no Syria lo angh shiche kelo hi no ajeküsü atüghüu ke. 3Timi kümtsü no aje sünike pütüta mishiphu lo wue. 4Joseph ghi David polo kughuko eno laghami kehu Galilee lo Nazareth mishiphu lono Judea ghakhu lo David mishighüna, Bethlehem ipi chekeu lo chesü iqho, 5pa no küsükha luve no akeu Mary khuu mishipu chekeno, li sasü aje süniye wue. 6Pama no tilau ake lono li ye küaküzü do ighive. 7Li no punu tüghüu kiptimi ithulu no aphi kümtsha tachu pesü pa küzüpe amishi khulo püzü, kughengu pama ghenguno inaki lo a-a kühave ke.
Ambekhemi ngo Kungumi
8Tipa qhau aluza lo ambekhemi no putho lo pano loji jukuto kheae. 9Tile Ampeuw kungumi lakhi no panoqo zülo ipeghi, eno Ampeu juküvü no panongu homxape yepüvü luve kelo panoqo ye ighono msaichive. 10Ikemu kungumi huno panongu vilo pi, “Msa kevilo, kughengu timi kümtsü no alokivi kije shilu kepu sütsa kivi I no nongu lau süghi ani. 11Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae. 12Hi no nongu lau amchipu shi nani: nongu no anu lakhi aphi kümtsha no küzüpe amishi khulo püzü püaghi keu ithulu nani.” 13Paikhavi kungugha lo kungumi aqokitikhi no kungumi tipau gholo ipeghive no iqhaighu Alhou sheqhe ghi pi,
14“Kungugha akiqheu lono Alhou sheqhelo,
eno ayeghi lo Pa mlo chulu chekeqo gholo aloino keu alo!”#Lesh 148:1; Mt 21:9
15Kughou kungumi no ambekhemi qhive no kungugha lo wuve keno, ambekhemi lakhino lakhi vilo pi, “Ningu Bethlehem lo wuno avehu khikhi Ampeu no ni lau kilethi tsü keno juni shilo.” 16Panongu no mtazü wuno Mary ngo Joseph, eno anu hu amishi khulo züaghi keu ithulu. 17Panongu no ti ithulu kethiu anu vehu panoqo vilo pikeu pesü pikülhave tsü. 18Ambekhemi no pikeu tsa chikulumi kümtsü no akümzave. 19Mary no hipa vehu kümtsü li mlo lo süpuluve no kümsükuto ache. 20Tithiu ambekhemi no panoqo vilo pi püakeu kiqi lono thokha kümtsü chilu eno ithulu keu ghenguno akishe agigihu Alhou tsü ghi idewove.
Jisü Ikhiphekütsü
21Atsala tache thiu kughou anu phighüyiko ghavetsü keno, püzüu pa mishipu mphi lono kungumi no aje tsü ketoi Pa je pesü Jisü kuve tsü.
22Moses Yezah kiqi lono kughou panongu shikimthe kepu tüqhüdo ighi keno, Joseph ngo Mary pama no Jisü sasü Ampeu lau ikhiphe tsüniye Jerusalem lo iqho 23(ti ye Ampeu Yezah lo ishi yepüake toi, “Aza no punu tüghüu kiptimi thaqhü ye Ampeu tsükeu michishi akimthe ipi kuni”)#Ipe 13:2; 12 24eno Ampeu Yezah lo pi püakeu kiqi lono, “aqhewo kini momu amiqhi lhothe kini,” pesü aghakishi tsüniye ke.#Achi 12:8 25Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie. 26Aghungu Kimthe no pa ye Ampeuw Messiah ithulu moke kutolo thimo nanie pi pa piyesü püae. 27Aghungu no pa sasü achineki khala lo iloghi, eno kughou anu Jisü puaza no pa sasü Ayezah kupu niye ighi keno, 28Simeon no pa u lono pa khape luve no Alhou sheqhe eno pi,
29“Ampeu, itehi ye O tsa kiqi
lono O qeu pelo aloinoqhiyi wove pelo;
30kughengu I nhethi no Ow xakulu ithuluvae#Isa 52:10
31ti ye Nono ashiaye kümtsü nhethe lono kuto tsüke,#Lesh 98:2
32Jewkumomi lau pephe piye kepu küvü lakhi,
eno Ow timi Israelmi ghenguno ajuküvü ke.”#Isa 42:6; 49:6; 52:10
33Pama akimi anipu ye Simeon no anu vehu kiu pi keno chilupe akichiqhive. 34Simeon no panongu kümgha tsüno anu paza Mary vilo pi, “Jualo, anu hipau vecheo Israel lo timi kutomo ikiqive eno kutomo ithughilu, eno timi no mjochile kepu michipu shi penike pa puwu ani, 35tishikeu lono kutomo mlo lo xapu achekeu pephe piye nani, (eno nou ye, azütakikihi no o mlo chuxutsü nani).”
36Tile itaghi tungkupliu lakhi Anna ipikeu, Asher lagha lo Phanuel nga, ache. Li ye velami, akibo shive kethiu akimi sasü ampe tsüni küghüna, 37eno tithiu chimemi shive no apunu mpe lhotache bidi shia. Li ye achineki qhive mono putho pucho kümvü eno akighini shi Alhou mllache. 38Tipau süchedo lo li no panoqo lau ighi no Alhou shikimthi thuve, eno khunono Jerusalem xachile luni keu tsala khelho chekeno kümtsü vilo anu ghili pesü pi thuve.
Nazareth lo Ideighi
39Kughou pama no Ampeu Yezah kiqi lono akhuaye kupuve keno, panongu no Galilee lo panow mishiphu Nazareth lo ideighive. 40Eno anu ye mtotoi thuwuve eno alokütsü no chhitoive. Tishino Alhouw küpükini no pa shou auve.
Itilo Jisü no Achineki lo Wu
41Ampe atsütsü Hechekulu Ghulhu lo Jisü puaza ye Jerusalem lo wuche. 42Kughou pa no ampe chighikini shive keno, akhuaye kiqi lono panoqo kümtsa iqho. 43Aghulhu tsala kishekhave kethiu panongu no idewo chekelo Jisü ye Jerusalem lo ngo chileve, ikemu pama ye ithi move. 44Aqo gholo cheghi nani kepi kümsü keu lono panongu ye atsala lakhi lache lo wuve, tithiu pama no abolomi ngo ithikile kemi gholo phu thuve. 45Kughou pama no pa phumlave keno, pama ye Jerusalem lo idechile pa phusü ighi. 46Atsala küthü thiu pa no achineki lo shikükami gholo iqa no panoqo tsa ini eno panoqo vilo ighikuju tsa iniju ake lono pama no wo phulu. 47Khunoqo pa tsa chilu keno, kümtsü no pa kighithi eno khokichile inipe akümzave. 48Pama no kughou pa ithulu keno pama ye akichiqhive. Paza no pa vilo pi, “Anu, no ye kushiye ni lau hitoi shi kea? Julo, o pu nikujo ye ighono amloksa shi o phucheni.” 49Pama vilo pa no pi, “Nokujo ye kushiye I phuche kea? Ni ye I Pu kilo aghi nanie pi nokujo ye mtha keshea?” 50Pa no kiu pi keno pama ye vethamlave. 51Tileno pa ye pama gholono Nazareth lo iqive no pama qhoqhü ache. Paza no hi kuchopu amlo lo süpuluve.
52Jisü ye alokütsü eno aphimpi kümtsa thuwu küqha no Alhou ngo timi mlokiqipu shilue.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More