LUKE 3
3
Baptiz kishiu John no Ala Kutotsü
(Mt 3:1-12; Mk 1:1-8; Jhn 1:19-28)
1Tiberius Caesar yepe mpe chighiapunguu lo, Pontius Pilate no Judea lo angh shi, Herod no Galilee lo yepeu shi, pa thiküzüu Philip no Ituraea ngo Trachonitis, eno Lysanias no Abilene lo ayepe chekelo, 2Achinetomi Annas ngo Caiaphas ghuloki lono, yenguyi ke-a lo Alhou tsape Zechariah nu John lau ighi. 3Pa no Jordan sükümxa kümtsü lo axine qhivetsü penike xaide no baptiz shimasa keu tsa pesü sheshu wu. 4Ti ye tungkupu Isaiah kaku lo yepüa keu tsa kiqi lono ke,
#
Isa 40:3-5
“Yenguyi ke-a lo milakhi no ighamku ani:
‘Ampeu ghenguno Ala kutolo,
Pa laghi müzüchoi shitsülo.
5 #
Isa 57:14
Akhila kümtsü shepichhive nani,
#
Isa 49:11; Zec 4:7 naghuto ngo atoghi kümtsü kuchunive nani,
#
Isa 42:16; 45:2 ihoghülai keu la no müzüchoive nani,
kukokilei keu la no müdüniyi kughulhove tsü nani,
6 #
Isa 52:10; Lesh 98:2 eno timi kümtsü no Alhouw xakulu ithulu nani.’”
7Ikehu John no aqokitikhi pa launo baptiz shiniye ighi keqo vilo pi, “Nongu tüghü pighitiqo! Khuu no nongu ye Alhou loghu ighini ye akeu lono polu nanie pi ghutu kea? 8Aküxü xaidelu keu michipu shi axathi pithilo. Nongu dolono, ‘Abraham no ningu pasüe,’ ipi kevilo. Kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani. 9Itehimu amüghü ye asübo philo qhipüani. Tishikeu lono axathi kivi pithimo keu sübo thaqhü ye yeqhipe ami lo vesüve nani.”
10Tile aqokitikhi no pa vilo ighiju, “Imaye ningu ye kiu shini kea?” 11Pa no khochile, “Khukhumu aphiküzü kini akeu no küha kemi sasü küsaje lo, titoi achuqupu akeu no tishilo.” 12Zame küqhami ghi baptiz shitsü penike ighi no pa vilo ighiju, “Akükütsüu, ningu ye kiu shilopi kea?” 13Pa no pi, “Bekütha nguno alau ye qha kevilo.” 14Ghüshimi ghi pa vilo ighiju, “Maye ningu yeo, ningu ye kiu shilopi kea?” Pa no pi, “Kütamiw pisa süxaluve niye anguka lono kichi kümsa momu akimki pesü nguku kevilo, ikemu nongu jume lo aghakiqi shilo.”
15Timiqo no Messiah khekulho shiche kehu kümtsü no khileala John keo ipi kümsü kimghei akelo, 16John no kümtsü khochile pi, “I no azü pesü nongu baptiz shitsü ani, ikemu I nguno akumtou lakhi cheni, khuu pukhukuqho kighi mu ni ye kuqho küzüpu kumo keno, pa no Aghungu Kimthe eno ami pesü nongu baptiz shitsü nani. 17Pa niqa shikimthe no athi pekütsüpe pa le lo sünike pa u lo athi xukütsü kepu süküba pe ani, eno amuu ye pa no ghapinhe kümlapu mi lono pitive nani.”
18Ikehu shikumtokütsü tsa kütau kutomo pesü pa no timiqo lau atsakiviu kütsü. 19Ikemu yepeu Herod ye pa thiküzüu nipu Herodias ghenguno, eno pa kümla lhoksa ghenguno John no pa sakiyi püa kehu, 20hi kümtsü süküqha no pa no John küghape akughuki lo khathave.
21Timi kümtsü no baptiz shiluve kethiu, Jisü ghi baptiz shive no akighini shi akelo kungugha khaqhive, 22eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”#Lesh 2:7; Isa 42:1; Efe 1:6; Kol 1:13; 1Pe 1:17
Jisü Khristow Laghaphi
(Mt 1:1-17)
23Kughou Jisü no pa kümla huthu keno, pa ye ampe shighi qhalo shiae, (azüu no kimshitsü ketoi) pa ye Joseph nu, eno Joseph no Heli nu, 24Heli no Matthat nu, Levi nu, Melkhi nu, Jannai nu, Joseph nu, 25Mattathias nu, Amos nu, Nahum nu, Esli nu, Naggai nu, 26Maath nu, Mattathias nu, Semein nu, Josech nu, Joda nu, 27Joanan nu, Rhesa nu, Zerubbabel nu, Shealtiel nu, Neri nu, 28Melkhi nu, Addi nu, Cosam nu, Elmadam nu, Er nu, 29Joshua nu, Eliezer nu, Jorim nu, Matthat nu, Levi nu, 30Simeon nu, Judah nu, Joseph nu, Jonam nu, Eliakim nu, 31Melea nu, Menna nu, Mattatha nu, Nathan nu, David nu, 32Jesse nu, Obed nu, Boaz nu, Sala nu, Nahshon nu, 33Amminadab nu, Admin nu, Arni nu, Hezron nu, Perez nu, Judah nu, 34Jacob nu, Isaac nu, Abraham nu, Terah nu, Nahor nu, 35Serug nu, Reu nu, Peleg nu, Eber nu, Shelah nu, 36Cainan nu, Arphaxad nu, Shem nu, Noah nu, Lamech nu, 37Methuselah nu, Enoch nu, Jared nu, Mahalaleel nu, Cainan nu, 38Enos nu, Seth nu, Adam nu, Alhou nu.
Currently Selected:
LUKE 3: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
LUKE 3
3
Baptiz kishiu John no Ala Kutotsü
(Mt 3:1-12; Mk 1:1-8; Jhn 1:19-28)
1Tiberius Caesar yepe mpe chighiapunguu lo, Pontius Pilate no Judea lo angh shi, Herod no Galilee lo yepeu shi, pa thiküzüu Philip no Ituraea ngo Trachonitis, eno Lysanias no Abilene lo ayepe chekelo, 2Achinetomi Annas ngo Caiaphas ghuloki lono, yenguyi ke-a lo Alhou tsape Zechariah nu John lau ighi. 3Pa no Jordan sükümxa kümtsü lo axine qhivetsü penike xaide no baptiz shimasa keu tsa pesü sheshu wu. 4Ti ye tungkupu Isaiah kaku lo yepüa keu tsa kiqi lono ke,
#
Isa 40:3-5
“Yenguyi ke-a lo milakhi no ighamku ani:
‘Ampeu ghenguno Ala kutolo,
Pa laghi müzüchoi shitsülo.
5 #
Isa 57:14
Akhila kümtsü shepichhive nani,
#
Isa 49:11; Zec 4:7 naghuto ngo atoghi kümtsü kuchunive nani,
#
Isa 42:16; 45:2 ihoghülai keu la no müzüchoive nani,
kukokilei keu la no müdüniyi kughulhove tsü nani,
6 #
Isa 52:10; Lesh 98:2 eno timi kümtsü no Alhouw xakulu ithulu nani.’”
7Ikehu John no aqokitikhi pa launo baptiz shiniye ighi keqo vilo pi, “Nongu tüghü pighitiqo! Khuu no nongu ye Alhou loghu ighini ye akeu lono polu nanie pi ghutu kea? 8Aküxü xaidelu keu michipu shi axathi pithilo. Nongu dolono, ‘Abraham no ningu pasüe,’ ipi kevilo. Kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani. 9Itehimu amüghü ye asübo philo qhipüani. Tishikeu lono axathi kivi pithimo keu sübo thaqhü ye yeqhipe ami lo vesüve nani.”
10Tile aqokitikhi no pa vilo ighiju, “Imaye ningu ye kiu shini kea?” 11Pa no khochile, “Khukhumu aphiküzü kini akeu no küha kemi sasü küsaje lo, titoi achuqupu akeu no tishilo.” 12Zame küqhami ghi baptiz shitsü penike ighi no pa vilo ighiju, “Akükütsüu, ningu ye kiu shilopi kea?” 13Pa no pi, “Bekütha nguno alau ye qha kevilo.” 14Ghüshimi ghi pa vilo ighiju, “Maye ningu yeo, ningu ye kiu shilopi kea?” Pa no pi, “Kütamiw pisa süxaluve niye anguka lono kichi kümsa momu akimki pesü nguku kevilo, ikemu nongu jume lo aghakiqi shilo.”
15Timiqo no Messiah khekulho shiche kehu kümtsü no khileala John keo ipi kümsü kimghei akelo, 16John no kümtsü khochile pi, “I no azü pesü nongu baptiz shitsü ani, ikemu I nguno akumtou lakhi cheni, khuu pukhukuqho kighi mu ni ye kuqho küzüpu kumo keno, pa no Aghungu Kimthe eno ami pesü nongu baptiz shitsü nani. 17Pa niqa shikimthe no athi pekütsüpe pa le lo sünike pa u lo athi xukütsü kepu süküba pe ani, eno amuu ye pa no ghapinhe kümlapu mi lono pitive nani.”
18Ikehu shikumtokütsü tsa kütau kutomo pesü pa no timiqo lau atsakiviu kütsü. 19Ikemu yepeu Herod ye pa thiküzüu nipu Herodias ghenguno, eno pa kümla lhoksa ghenguno John no pa sakiyi püa kehu, 20hi kümtsü süküqha no pa no John küghape akughuki lo khathave.
21Timi kümtsü no baptiz shiluve kethiu, Jisü ghi baptiz shive no akighini shi akelo kungugha khaqhive, 22eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”#Lesh 2:7; Isa 42:1; Efe 1:6; Kol 1:13; 1Pe 1:17
Jisü Khristow Laghaphi
(Mt 1:1-17)
23Kughou Jisü no pa kümla huthu keno, pa ye ampe shighi qhalo shiae, (azüu no kimshitsü ketoi) pa ye Joseph nu, eno Joseph no Heli nu, 24Heli no Matthat nu, Levi nu, Melkhi nu, Jannai nu, Joseph nu, 25Mattathias nu, Amos nu, Nahum nu, Esli nu, Naggai nu, 26Maath nu, Mattathias nu, Semein nu, Josech nu, Joda nu, 27Joanan nu, Rhesa nu, Zerubbabel nu, Shealtiel nu, Neri nu, 28Melkhi nu, Addi nu, Cosam nu, Elmadam nu, Er nu, 29Joshua nu, Eliezer nu, Jorim nu, Matthat nu, Levi nu, 30Simeon nu, Judah nu, Joseph nu, Jonam nu, Eliakim nu, 31Melea nu, Menna nu, Mattatha nu, Nathan nu, David nu, 32Jesse nu, Obed nu, Boaz nu, Sala nu, Nahshon nu, 33Amminadab nu, Admin nu, Arni nu, Hezron nu, Perez nu, Judah nu, 34Jacob nu, Isaac nu, Abraham nu, Terah nu, Nahor nu, 35Serug nu, Reu nu, Peleg nu, Eber nu, Shelah nu, 36Cainan nu, Arphaxad nu, Shem nu, Noah nu, Lamech nu, 37Methuselah nu, Enoch nu, Jared nu, Mahalaleel nu, Cainan nu, 38Enos nu, Seth nu, Adam nu, Alhou nu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More