LUKE 4
4
Jisü Ghukuju
(Mt 4:1-11; Mk 1:12-13)
1Jisü ye Aghungu Kimthe no chhitoipe Jordan lono ideighi püzü Aghungu no sasü yenguyi ke-a lo wuve no 2tilau tüghami no atsala lhobidi ghujua. Pa ye tipa tsalaqo tivilo kiumu chumove kehu kughou tipau do kishekhave keno pa ye müzüthive. 3Tüghami no pa vilo pi, “Nono Alhou Nu shi aghi aye, atu hipau pesü asho kughulhoveni keu za tsülo.” 4Jisü no khochile, “Ishi yepüani, ‘Timi ye achuqupu likhi no xülu chemoe.’”#Zak 8:3 5Tüghami no akuchuqu-a lakhi lo pa saiku no anhekütsü khavino ayeghi lo kükaqha kümtsü pa piye, 6eno pa vilo pi, “Hi qhasülu kepu kükagha eno ajekipi kümtsü pesü I no o tsüveni, kughengu ti ye kulhuqhipe I u lo süve tsüae, eno I no khuu pulo keno tsü nani. 7Ikehu nono itsaqi I mlla aye, ti kümtsü ow ake.” 8Jisü no itaghi pa khochile, “Ishi yepüani,
“‘No ye Ampeu O Lhou mllalo,
eno Pa likhi huthulo.’”#Zak 6:13
9Tithiu pa no Jisü sasü Jerusalem lo wuno achineki kütsüqa lo qhi püzü pa vilo pi, “Nono Alhou Nu shi aghi aye, hile no ilheqive lo, 10kughengu ishi yepüani,
“‘Pa no o khe penike Paw
kungumi hapuwu nani,’#Lesh 91:11
11eno,
“‘O pukhu no atu lo püsü pukulu nosa kehu panongu
u no o khape luve nani.’”#Lesh 91:12
12Ikemu Jisü no pa khochile, “Ishi picheni, ‘No ye Ampeu O Lhou ghuju moni.’”#Zak 6:16 13Kughou tüghami no ala jeli lono theju pühave keno, pa no Jisü qhive no ado kivi kütau huqhe ghi wuve.
Jisü no Pa Kümla Huthu
(Mt 4:12-17; Mk 1:14-15)
14Jisü ye Aghungu küka lono Galilee lo ideighi, eno pa ghili ye acheaxü kümtsü lo kügha wove. 15Pa no sinagog lono timiqo shika kelo kümtsü no akishe tsü.
Nazareth lo Jisü Milive
(Mt 13:53-58; Mk 6:1-6)
16Jisü no khile no pa saputhu keno, pa punugha Nazareth lo ighi, eno thosülo toi Sabbath tsala ighi kelo pa no sinagog lo wuno Kuchoyesü phiniye puthugho. 17Isaiah tungkupuw liküküzü kaku pa tsü kehu pa no xakhope khile ishi yepüa keno amqo tipau ithulu,
18“Ampeu Ghungu no I shou ani,
kumlhomi lau asütsa kivi
sheshu penike Pa no I nukishe.
Pa no I puwu keu ye akughumi lau khakiqhi sheshu;
anhechemi lau ithukulu tsü;
nedaqodape akemi kuqhophe;
19eno Ampeu no saphuni keu mpe sheshu peniye ke.”#Isa 61:1,2
20Pa no kaku liküzüpe akheu u lo süve tsüno iqave. Sinagog lo akemi kümtsü no anhethi süküqü mono pa juae. 21Ikehu pa no pi thuve, “Ishi no Kuchoyesü hipau nongu no chilu keu lono shikupuvae.” 22Timi kümtsü no pa pipivi eno pa kichi lono küpüqhiyi keu tsa ipeghi akeqo chilupe ighono akichiqhive. Khami no pi, “Hi ye Joseph nu ke kumo?” 23Jisü no panoqo vilo pi, “Mtsüqheino nongu no I vilo ahole hipau pi nani, ‘“Shikipiviu, o shipivi lo.” Nono Capernaum lo mla keu ghili nino kiu chilu püani keno, hilau o punugha lo ghi shiju nipi.’” 24Jisü no pi, “Mtsüqheino I no nongu vilo piani, tungkupu khumu pa punugha loye ikhikulupu shi chemoe. 25Ikemu kuchou loye, I no pi anino Elijah ghuloki lo, kughou atsütsü no ampe küthü no aqhi tsügho khave püzü püqümiye kije ighi keno, chimemi kutomo Israel lo ache kelo, 26Elijah pesü khuu laumu kumono Sidon yeghi lo Zarephath lo totimi achimeu lau puwue. 27Itaghi tungkupu Elisha ghuloki lo apüghami kutomo Israel lo ache kelo khumu shikimthe tsümoe, ikemu Syriami Naaman likhi ke.” 28Kughou panongu no hipa tsa chilu keno, sinagog lo akemi kümtsü no aloghu no chhitoive. 29Panongu no pa pughope aphughi khalau vephe püzü, pano phughi ye naghuto mütsü lo kehu pa sünhe sawo atuxu lo akütsü no aqhoshi kulusüve niye shi. 30Ikemu pa no timiqo dolo ilove no wuve.
Mithekumo Ghawu Haphe
(Mk 1:21-28)
31Tishino Pa ye Galilee lo Capernaum phughi lo iqive no Sabbath lo timiqo shika ae. 32Pa tsapi lo kükagha akehu panongu ye ighono akichiqhive. 33Timi lakhi mithekumo ghawu no sa-akeu sinagog lo ake pa no asütsa kuloghi shi ighamku, 34“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu.” 35Ikemu Jisü no pa sakiyi, “Inaqhoive lo eno pa launo ipeghive lo!” Tüghami no timi hu küghape aqo zülo veqhi no tinguno alau ye kiumu ghüzamo no pa launo ipeve. 36Timi kümtsü no akümzave no panongu dolo pikile ae, “Hi ye kiu tsa kea? Kughengu pa no aküka akumto lono mithekumo ghawuqo azah tsü kelo tipaqo no ipeghive ani!” 37Tipa cheaxü a-a kümtsü lo pa ghili küghawo khave.
Jisü no Kutomo Shipivi
(Mt 8:14-17; Mk 1:29-34)
38Jisü no sinagog qhive no Simon kilo iloghi. Tipa tüqhüdo lo Simon pani ye mqhomzai aghamki keu no tsüghape akehu khami no li vehu pesü Jisü vilo pi. 39Pa no li zülo puthugho no aghakimki lomipi kelo tino li qhive, paikhavi li no ithughi no panoqo lojiuve.
40Avela shive no khetsünhe iloche kelo timiqo no aküsü jeli kütüta xapu akemi kümtsü sasü pa lau ighi, eno pa no lakhikhi shou pa u betsü no panongu shipivi tsü. 41Timi kutomo philo tüghami akeqo no, “No ye Alhou Nue,” ipi ighasü ipeghi. Ikemu pa no tipaqo lomipi no atsa pi pemoe, kughengu panongu ghi pa ye Messiah kepi ithi ae.
Jisü no Sinagog lono Kütsü
(Mk 1:35-39)
42Tishiwo thanau kughou atsala ipeche keno, Jisü ye yenguyi ke-a lo wuve. Ikemu timiqo no pa phu cheghi no pa lau ighi, eno panongu launo wuve pemoni ke pükapütsa, 43ikemu pa no panoqo vilo pi, “Ni ye Alhou yekipe tsakiviu pesü mishiphu kütauqo lo ghi sheshu masae, kughengu hipa kimji ghenguno I puwu ke.” 44Pa ye Judea lo sinagog lono sheshu che.
Currently Selected:
LUKE 4: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
LUKE 4
4
Jisü Ghukuju
(Mt 4:1-11; Mk 1:12-13)
1Jisü ye Aghungu Kimthe no chhitoipe Jordan lono ideighi püzü Aghungu no sasü yenguyi ke-a lo wuve no 2tilau tüghami no atsala lhobidi ghujua. Pa ye tipa tsalaqo tivilo kiumu chumove kehu kughou tipau do kishekhave keno pa ye müzüthive. 3Tüghami no pa vilo pi, “Nono Alhou Nu shi aghi aye, atu hipau pesü asho kughulhoveni keu za tsülo.” 4Jisü no khochile, “Ishi yepüani, ‘Timi ye achuqupu likhi no xülu chemoe.’”#Zak 8:3 5Tüghami no akuchuqu-a lakhi lo pa saiku no anhekütsü khavino ayeghi lo kükaqha kümtsü pa piye, 6eno pa vilo pi, “Hi qhasülu kepu kükagha eno ajekipi kümtsü pesü I no o tsüveni, kughengu ti ye kulhuqhipe I u lo süve tsüae, eno I no khuu pulo keno tsü nani. 7Ikehu nono itsaqi I mlla aye, ti kümtsü ow ake.” 8Jisü no itaghi pa khochile, “Ishi yepüani,
“‘No ye Ampeu O Lhou mllalo,
eno Pa likhi huthulo.’”#Zak 6:13
9Tithiu pa no Jisü sasü Jerusalem lo wuno achineki kütsüqa lo qhi püzü pa vilo pi, “Nono Alhou Nu shi aghi aye, hile no ilheqive lo, 10kughengu ishi yepüani,
“‘Pa no o khe penike Paw
kungumi hapuwu nani,’#Lesh 91:11
11eno,
“‘O pukhu no atu lo püsü pukulu nosa kehu panongu
u no o khape luve nani.’”#Lesh 91:12
12Ikemu Jisü no pa khochile, “Ishi picheni, ‘No ye Ampeu O Lhou ghuju moni.’”#Zak 6:16 13Kughou tüghami no ala jeli lono theju pühave keno, pa no Jisü qhive no ado kivi kütau huqhe ghi wuve.
Jisü no Pa Kümla Huthu
(Mt 4:12-17; Mk 1:14-15)
14Jisü ye Aghungu küka lono Galilee lo ideighi, eno pa ghili ye acheaxü kümtsü lo kügha wove. 15Pa no sinagog lono timiqo shika kelo kümtsü no akishe tsü.
Nazareth lo Jisü Milive
(Mt 13:53-58; Mk 6:1-6)
16Jisü no khile no pa saputhu keno, pa punugha Nazareth lo ighi, eno thosülo toi Sabbath tsala ighi kelo pa no sinagog lo wuno Kuchoyesü phiniye puthugho. 17Isaiah tungkupuw liküküzü kaku pa tsü kehu pa no xakhope khile ishi yepüa keno amqo tipau ithulu,
18“Ampeu Ghungu no I shou ani,
kumlhomi lau asütsa kivi
sheshu penike Pa no I nukishe.
Pa no I puwu keu ye akughumi lau khakiqhi sheshu;
anhechemi lau ithukulu tsü;
nedaqodape akemi kuqhophe;
19eno Ampeu no saphuni keu mpe sheshu peniye ke.”#Isa 61:1,2
20Pa no kaku liküzüpe akheu u lo süve tsüno iqave. Sinagog lo akemi kümtsü no anhethi süküqü mono pa juae. 21Ikehu pa no pi thuve, “Ishi no Kuchoyesü hipau nongu no chilu keu lono shikupuvae.” 22Timi kümtsü no pa pipivi eno pa kichi lono küpüqhiyi keu tsa ipeghi akeqo chilupe ighono akichiqhive. Khami no pi, “Hi ye Joseph nu ke kumo?” 23Jisü no panoqo vilo pi, “Mtsüqheino nongu no I vilo ahole hipau pi nani, ‘“Shikipiviu, o shipivi lo.” Nono Capernaum lo mla keu ghili nino kiu chilu püani keno, hilau o punugha lo ghi shiju nipi.’” 24Jisü no pi, “Mtsüqheino I no nongu vilo piani, tungkupu khumu pa punugha loye ikhikulupu shi chemoe. 25Ikemu kuchou loye, I no pi anino Elijah ghuloki lo, kughou atsütsü no ampe küthü no aqhi tsügho khave püzü püqümiye kije ighi keno, chimemi kutomo Israel lo ache kelo, 26Elijah pesü khuu laumu kumono Sidon yeghi lo Zarephath lo totimi achimeu lau puwue. 27Itaghi tungkupu Elisha ghuloki lo apüghami kutomo Israel lo ache kelo khumu shikimthe tsümoe, ikemu Syriami Naaman likhi ke.” 28Kughou panongu no hipa tsa chilu keno, sinagog lo akemi kümtsü no aloghu no chhitoive. 29Panongu no pa pughope aphughi khalau vephe püzü, pano phughi ye naghuto mütsü lo kehu pa sünhe sawo atuxu lo akütsü no aqhoshi kulusüve niye shi. 30Ikemu pa no timiqo dolo ilove no wuve.
Mithekumo Ghawu Haphe
(Mk 1:21-28)
31Tishino Pa ye Galilee lo Capernaum phughi lo iqive no Sabbath lo timiqo shika ae. 32Pa tsapi lo kükagha akehu panongu ye ighono akichiqhive. 33Timi lakhi mithekumo ghawu no sa-akeu sinagog lo ake pa no asütsa kuloghi shi ighamku, 34“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu.” 35Ikemu Jisü no pa sakiyi, “Inaqhoive lo eno pa launo ipeghive lo!” Tüghami no timi hu küghape aqo zülo veqhi no tinguno alau ye kiumu ghüzamo no pa launo ipeve. 36Timi kümtsü no akümzave no panongu dolo pikile ae, “Hi ye kiu tsa kea? Kughengu pa no aküka akumto lono mithekumo ghawuqo azah tsü kelo tipaqo no ipeghive ani!” 37Tipa cheaxü a-a kümtsü lo pa ghili küghawo khave.
Jisü no Kutomo Shipivi
(Mt 8:14-17; Mk 1:29-34)
38Jisü no sinagog qhive no Simon kilo iloghi. Tipa tüqhüdo lo Simon pani ye mqhomzai aghamki keu no tsüghape akehu khami no li vehu pesü Jisü vilo pi. 39Pa no li zülo puthugho no aghakimki lomipi kelo tino li qhive, paikhavi li no ithughi no panoqo lojiuve.
40Avela shive no khetsünhe iloche kelo timiqo no aküsü jeli kütüta xapu akemi kümtsü sasü pa lau ighi, eno pa no lakhikhi shou pa u betsü no panongu shipivi tsü. 41Timi kutomo philo tüghami akeqo no, “No ye Alhou Nue,” ipi ighasü ipeghi. Ikemu pa no tipaqo lomipi no atsa pi pemoe, kughengu panongu ghi pa ye Messiah kepi ithi ae.
Jisü no Sinagog lono Kütsü
(Mk 1:35-39)
42Tishiwo thanau kughou atsala ipeche keno, Jisü ye yenguyi ke-a lo wuve. Ikemu timiqo no pa phu cheghi no pa lau ighi, eno panongu launo wuve pemoni ke pükapütsa, 43ikemu pa no panoqo vilo pi, “Ni ye Alhou yekipe tsakiviu pesü mishiphu kütauqo lo ghi sheshu masae, kughengu hipa kimji ghenguno I puwu ke.” 44Pa ye Judea lo sinagog lono sheshu che.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More