LUKE Kilekithitsa
Kilekithitsa
Luke no yekeu Atsakiviu lo Jisü pesü piqhi püakeu Israelmi Xakuluu eno timi kümtsü Xakuluu ipi ani. Luke no yekeu no Ampeu Ghungu no Jisü kulu püzü “Kumlhomi lau Asütsa Kivi sheshu ke.” Eno Atsakiviu hipau lo timi khunono kiu avehupu shi ani keno tipau alokümsü shitsü keu no chhitoi ani. Luke kaku lo alokivi tsa no akhoto shiani, ti ye kaku bothu lo Jisü chekeu eno kaku shekha lo Jisü kungugha lo saikuve keu kiyedoqo lo ani. Jisü no kunguu ikuve kethiu Khristomi küpülü thuwu eno veküpha keu ghili akiyeu hipau no Apostolmi kaku lono pipüani.
Baptiz kishiu John Punu Ghili, Jisü Punu lo Kungumi Lekiphe, Ambekhemi no Juighi keu, Jisü no itimi shi akelo Achineki lo Wukeu, Samariami Akiviu, eno Kauvekeu Nu kimghikipiye hipaqo ye Atsakiviu hipau lo likhino ithulu nani. Atsakiviu hipau lo akhotoshi pi püakeu ye Akighini, Aghungu Kimthe, Jisü kümla lo totimi no chhosü keu eno Alhou no axine pevetsü keu.
Kaku Kimji: Khristo küxü ghili mtsümishei yekithitsü, pa ye kupukülai keu timi eno xakuluu kepi shuphe tsükeu ghili.
Khuu no ye kea: Luke.
Khileno ye kea: Rome lono.
Khuno lau ye kea: Theophilus, Jewkumomi eno Alhou timi kümtsü lau.
Kughono ye kea: A.D. 60 qhauno.
Currently Selected:
LUKE Kilekithitsa: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More