Matius 14
14
Kamateꞌano Yohanes Fokadiuno
14:1-12
Mrk 6:14-29; Luk 9:7-9
1Wakutuu anaꞌa Herodes, kolaki we kadieno Galilea, nofetingke dua bhihitano Yesus. 2Dadiꞌanomo nopugaumo ne mieꞌino ambano, “Mie aini tetewei Yohanes Fokadiuno. Anoa suli nodadi, kakokuasaꞌanomo nehabu giu timenteꞌaono.” 3Kapaꞌamo Herodes padamo nofotudu dohako Yohanes, dokatapue maka dotohongkue. Katitohongkuꞌano mbaꞌinomo parakarano Herodias, mieno lambuno Filipus, nealano Herodes. Gahaꞌaitumo Filipus ini dosibhahitie bhe Herodes. 4Yohanes nefeꞌulaiane ambano, “Ingka o falia mala Herodias so mieno lambumua.” 5Herodes gaono namongko Yohanes, tamaka noteꞌi mie bhahi, kapaꞌamo Yohanes doabhie seemie anabii.
6Seꞌoleo kolaki Herodes nehabu hame-hame nofeꞌulai oleo kalenteꞌano. Ne hame anaꞌa kalambeno Herodias nolinda ne wisendo humatono. Herodes noꞌia sepaliꞌa nowoha lindano. 7Kaꞌosano kaꞌiano Herodes nopodhandi bhe nofemata ne kalambe anaꞌa ambano, “O ae maka dua so nesalomu, tetewei amaꞌangkoe.” 8Mbaꞌinomo kawudhuno inano, kalambe anaꞌa nopugau ambano, “Waꞌa kanau fotuno Yohanes Fokadiuno, datumeiꞌe ne tala; amalaemo dua aitu.” 9Kolaki Herodes nopea lalono, tamaka hampano padamo nofemata ne wisendo humatono, nofopahintangimo tetewei damaꞌane. 10Netudumo mie dotompe wuꞌuno Yohanes we katohongku. 11Pada aitu fotuno Yohanes dowowoꞌoemo doteiꞌe ne tala maka dowaꞌane kalambe naꞌa. Pada notahimae, nowaꞌanemo inano. 12Dofetingke peda naꞌa domaimo anaguhuꞌino Yohanes doala maeatino maka dokobuhue. Pada dokobuhue dokalamo dofohatoane Yesus.
Yesus nepakande mie dolima hewu
14:13-21
Mrk 6:30-44; Luk 9:10-17; Yoh 6:1-13
13Nofetingke bhihita peda naꞌa, Yesus nogampimo nosawi ne bhangka, patudhuno nakumala we molinoꞌano namoisa. Sadofetingke peda aitu, mie bhahi domaiꞌao ne sabhaha liwu doangkafie doangka wite. 14Hato nosede, Yesus nowohamo mie bhahi maitu. Anoa nobhelaanda lalo sampe mie mosakino nofekaꞌosada.
15Nomaꞌo kaowu naohondo oleo, domaiꞌiemo anaguhuꞌino bhe dopugau ambado, “Ingka nosoomo oleoa. Nolino sepaliꞌa ne ini. Naetaamo tumududa dasumuli mie bhahi ini, neanomo naembali daeꞌoli otindo ne koliwuꞌano.” 16Tamaka Yesus tanopugau, “Koemo dokalaa, hintimiu so makandedaa.” 17Ambado, “Ndumandooꞌano ne ini ingka roti kaowu lima onu bhe kentano haa ulu.” 18Ambano toha Yesus, “Owa kanaꞌeomu.” 19Pada anaꞌa mie bhahi notududamo daengkoha ne kahoku. Dengkoha kaowu, noalamo roti lima onuno bhe kenta haa uluno naꞌa, nototohana te lani nefoampe katumpuno lalo ne Lahataꞌala maka nobhebhehae. Pada anaꞌa nowaꞌandae anaguhuꞌino dodawu-dawuandae mie bhahi maitu. 20Kosasawindo dohumaa ampa doweꞌi. Pada dohumaa dofoꞌonu kabhilaꞌando, nopono ompulu haa kalangka. 21Momaano, moꞌane kaowu dolima hewu, miina datilentua hobhine bhe anaꞌi.
Yesus nekala-kala te wawono oe
14:22-33
Mrk 6:45-52; Yoh 6:16-21
22Pada anaꞌa Yesus notudumo anaguhuꞌino dasumawi ne bhangka damaꞌindulu we sewetano, mie bhahi notududamo dua dasumuli. 23Dokala kaowu mie bhahi, Yesus nofonimo te kabhawo nosambahea nomoisa. Nohondo oleo, sadaa-daaꞌe ne itu nomoisa. 24Bhangkando anaguhuꞌino nohatomo we wuntano ndalo, nohambi-hambitaꞌiane ewo mbaꞌinomo desumpu kawea. 25Hambi-hambi tolu mata kohondoꞌa Yesus nomaiꞌidamo nekala-kala te wawono oe. 26Dowohae nekala-kala te wawono oe, anaguhuꞌino dotikenda sepaliꞌa, ambado, “Aitu kahanda!” sampe dokei mpodeaꞌao kateꞌi. 27Tamaka Yesus lasao nopugauanda, “Fekatangka lalomiu, o Idi inia, koise moteꞌiomua!” 28Notobhoosimo Petrus, ambano, “Waompu, ane kotu-kotuꞌu o Hintu, tudu kanau amaiꞌiko aekala-kala dua te wawono oe.” 29Ambano Yesus, “Maimo padaa!” Dadiꞌanomo Petrus nosampumo nomaiꞌao ne bhangka maka nokala te wawono oe napoꞌawaꞌao Yesus. 30Tamaka nowoha kaowu kaꞌosano kawea noteꞌimo, maka notondumo uluno seendai-seendai sampe nokei, “Ompu, tulumi kanau!” 31Yesus lasao nofonsoho limano maka nointahae bhe nopugau ambano, “Kakuhano kaparasaeamu gahaꞌa! Noafa nopoibhahaꞌao lalomu?” 32Pada anaꞌa dofonimo weo bhangka, gahaꞌa kawea notiehemo. 33Mie weo bhangka dotaohao sombado bhe dopugau, “Kotu-kotuꞌu Hintu ini Anano Lahataꞌala.”
Yesus nefekaꞌosa mie mosakino we Genesaret
14:34-36
Mrk 6:53-56
34Dohato we sewetano, dosedemo we liwuno Genesaret. 35Sadopandeꞌaane mieno liwu putae humatono ini Yesus, dopofole-folelemo kosekaꞌewaꞌae kadie aitu. Kosasawindo mie mosakino doowaꞌidamo ne Yesus. 36Andoa desalo naꞌumundaꞌaanda dadumingku dhubano, mahingga dhambe-dhambeno kaowu. Kosasawindo dumingkue doꞌosamo.
Currently Selected:
Matius 14: mnbSD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matius 14
14
Kamateꞌano Yohanes Fokadiuno
14:1-12
Mrk 6:14-29; Luk 9:7-9
1Wakutuu anaꞌa Herodes, kolaki we kadieno Galilea, nofetingke dua bhihitano Yesus. 2Dadiꞌanomo nopugaumo ne mieꞌino ambano, “Mie aini tetewei Yohanes Fokadiuno. Anoa suli nodadi, kakokuasaꞌanomo nehabu giu timenteꞌaono.” 3Kapaꞌamo Herodes padamo nofotudu dohako Yohanes, dokatapue maka dotohongkue. Katitohongkuꞌano mbaꞌinomo parakarano Herodias, mieno lambuno Filipus, nealano Herodes. Gahaꞌaitumo Filipus ini dosibhahitie bhe Herodes. 4Yohanes nefeꞌulaiane ambano, “Ingka o falia mala Herodias so mieno lambumua.” 5Herodes gaono namongko Yohanes, tamaka noteꞌi mie bhahi, kapaꞌamo Yohanes doabhie seemie anabii.
6Seꞌoleo kolaki Herodes nehabu hame-hame nofeꞌulai oleo kalenteꞌano. Ne hame anaꞌa kalambeno Herodias nolinda ne wisendo humatono. Herodes noꞌia sepaliꞌa nowoha lindano. 7Kaꞌosano kaꞌiano Herodes nopodhandi bhe nofemata ne kalambe anaꞌa ambano, “O ae maka dua so nesalomu, tetewei amaꞌangkoe.” 8Mbaꞌinomo kawudhuno inano, kalambe anaꞌa nopugau ambano, “Waꞌa kanau fotuno Yohanes Fokadiuno, datumeiꞌe ne tala; amalaemo dua aitu.” 9Kolaki Herodes nopea lalono, tamaka hampano padamo nofemata ne wisendo humatono, nofopahintangimo tetewei damaꞌane. 10Netudumo mie dotompe wuꞌuno Yohanes we katohongku. 11Pada aitu fotuno Yohanes dowowoꞌoemo doteiꞌe ne tala maka dowaꞌane kalambe naꞌa. Pada notahimae, nowaꞌanemo inano. 12Dofetingke peda naꞌa domaimo anaguhuꞌino Yohanes doala maeatino maka dokobuhue. Pada dokobuhue dokalamo dofohatoane Yesus.
Yesus nepakande mie dolima hewu
14:13-21
Mrk 6:30-44; Luk 9:10-17; Yoh 6:1-13
13Nofetingke bhihita peda naꞌa, Yesus nogampimo nosawi ne bhangka, patudhuno nakumala we molinoꞌano namoisa. Sadofetingke peda aitu, mie bhahi domaiꞌao ne sabhaha liwu doangkafie doangka wite. 14Hato nosede, Yesus nowohamo mie bhahi maitu. Anoa nobhelaanda lalo sampe mie mosakino nofekaꞌosada.
15Nomaꞌo kaowu naohondo oleo, domaiꞌiemo anaguhuꞌino bhe dopugau ambado, “Ingka nosoomo oleoa. Nolino sepaliꞌa ne ini. Naetaamo tumududa dasumuli mie bhahi ini, neanomo naembali daeꞌoli otindo ne koliwuꞌano.” 16Tamaka Yesus tanopugau, “Koemo dokalaa, hintimiu so makandedaa.” 17Ambado, “Ndumandooꞌano ne ini ingka roti kaowu lima onu bhe kentano haa ulu.” 18Ambano toha Yesus, “Owa kanaꞌeomu.” 19Pada anaꞌa mie bhahi notududamo daengkoha ne kahoku. Dengkoha kaowu, noalamo roti lima onuno bhe kenta haa uluno naꞌa, nototohana te lani nefoampe katumpuno lalo ne Lahataꞌala maka nobhebhehae. Pada anaꞌa nowaꞌandae anaguhuꞌino dodawu-dawuandae mie bhahi maitu. 20Kosasawindo dohumaa ampa doweꞌi. Pada dohumaa dofoꞌonu kabhilaꞌando, nopono ompulu haa kalangka. 21Momaano, moꞌane kaowu dolima hewu, miina datilentua hobhine bhe anaꞌi.
Yesus nekala-kala te wawono oe
14:22-33
Mrk 6:45-52; Yoh 6:16-21
22Pada anaꞌa Yesus notudumo anaguhuꞌino dasumawi ne bhangka damaꞌindulu we sewetano, mie bhahi notududamo dua dasumuli. 23Dokala kaowu mie bhahi, Yesus nofonimo te kabhawo nosambahea nomoisa. Nohondo oleo, sadaa-daaꞌe ne itu nomoisa. 24Bhangkando anaguhuꞌino nohatomo we wuntano ndalo, nohambi-hambitaꞌiane ewo mbaꞌinomo desumpu kawea. 25Hambi-hambi tolu mata kohondoꞌa Yesus nomaiꞌidamo nekala-kala te wawono oe. 26Dowohae nekala-kala te wawono oe, anaguhuꞌino dotikenda sepaliꞌa, ambado, “Aitu kahanda!” sampe dokei mpodeaꞌao kateꞌi. 27Tamaka Yesus lasao nopugauanda, “Fekatangka lalomiu, o Idi inia, koise moteꞌiomua!” 28Notobhoosimo Petrus, ambano, “Waompu, ane kotu-kotuꞌu o Hintu, tudu kanau amaiꞌiko aekala-kala dua te wawono oe.” 29Ambano Yesus, “Maimo padaa!” Dadiꞌanomo Petrus nosampumo nomaiꞌao ne bhangka maka nokala te wawono oe napoꞌawaꞌao Yesus. 30Tamaka nowoha kaowu kaꞌosano kawea noteꞌimo, maka notondumo uluno seendai-seendai sampe nokei, “Ompu, tulumi kanau!” 31Yesus lasao nofonsoho limano maka nointahae bhe nopugau ambano, “Kakuhano kaparasaeamu gahaꞌa! Noafa nopoibhahaꞌao lalomu?” 32Pada anaꞌa dofonimo weo bhangka, gahaꞌa kawea notiehemo. 33Mie weo bhangka dotaohao sombado bhe dopugau, “Kotu-kotuꞌu Hintu ini Anano Lahataꞌala.”
Yesus nefekaꞌosa mie mosakino we Genesaret
14:34-36
Mrk 6:53-56
34Dohato we sewetano, dosedemo we liwuno Genesaret. 35Sadopandeꞌaane mieno liwu putae humatono ini Yesus, dopofole-folelemo kosekaꞌewaꞌae kadie aitu. Kosasawindo mie mosakino doowaꞌidamo ne Yesus. 36Andoa desalo naꞌumundaꞌaanda dadumingku dhubano, mahingga dhambe-dhambeno kaowu. Kosasawindo dumingkue doꞌosamo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.