Matius 15
15
Pahintano Lahataꞌala bhe adhatino miendo Yahudi
15:1-20
Mrk 7:1-23
1Pada anaꞌa dohatomo miendo Farisi bhe pande-pande Kitabi maiꞌaono we Yerusalem. Andoa domai ne Yesus bhe dofeena ambado, 2“Noafa gahaꞌa anaguhuꞌimu maitu dokangkalaꞌi adhatino awuaꞌintoomu, ingka tadohumaamo miina daewanua peda atorano agamantoomu?” 3Tamaka Yesus tanotobhoosida ambano, “Noafa ingka hintimiu dua kangkalaꞌiomu pahintano Lahataꞌala maka fosibhalaomu adhatino awuaꞌimiu? 4Kapaꞌamo Lahataꞌala nokowamba, ‘Fosibhalae inamu bhe amamu; mie meꞌawutino inano bhe amano tabeano damekamatee.’ #Kel 20:12, 21:17; Im 20:9; Ul 5:16 5Tamaka ambamiu peda aini: ane o mie nopugau ne inano bhe ne amano ‘Kanandooku so atumanggoꞌao hintimiu, nembalimo kapopanga so Lahataꞌala’, 6maka mie aitu paemo naoafaa ane paemo namosibhala inano bhe amano. Peda kaowu anaꞌa ingka pisakieꞌomu bhoasaono Lahataꞌala maka fosibhala adhatimiu wutomiu. 7Mie mehaaꞌulano! Nokotuꞌumo nekosuahaꞌaono anabii Yesaya nopulaoꞌao hintimiu,
8‘Mie andoa ini dosombai kanau kaowu ne wiwindo,
tamaka totono lalondo nokodoꞌo bhe Idi.
9Miina nakoꞌuluꞌa dosombai kanau,
kapaꞌamo kafoinaꞌu nefoguhuꞌaondo pahintano manusia.’ ” #Yes 29:13
10Pada anaꞌa Yesus nosaliꞌi mie bhahi maitu maka nofohatoda ambano, 11“Fetingke bhe tandaiꞌeomu! Suano mesuaꞌano ne wobhano manusia fofekaharamuno, tamaka lumimbaꞌano ne wobhano aituꞌaemo fofekaharamuno.” 12Kaowu domaiꞌiemo anaguhuꞌino maka dofeena ambado, “Pandeꞌaane bhahaa wambamu saꞌituinia noleaꞌane lalondo miendo Farisi?” 13Yesus tanotobhoosida ambano, “Kotika kantisa tapa netisano Amaku te surugaa, tetewei damadae dabunatie. 14Koemo heruandaomua. Andoa itu kabunto metondano dua kabunto. Ane kabunto netonda kabunto, kohoduando tetewei daondawu weo ola.”
15Nopugaumo Petrus, ambano, “Fohato kainsamie maꞌanano kapalenda saꞌituini.” 16Ambano Yesus, “Gahaꞌa miina dua lumosangieꞌomua? 17Miina mandeꞌaaneomua gahaꞌa sabhaha mesuaꞌano ne wobhano manusia nosampu we handa maka doꞌohoe ne dhamba? 18Tamaka lumimbaꞌano ne wobha nomaiꞌao we totono lalo, aituꞌaemo fofekaharamuno. 19Kapaꞌamo nomaiꞌao we totono lalo nolimba sabhaha fekihi modai, dofopongko, domonsule, dopokawite-wite, dosibu, degau-gau bhe dofoꞌumbu. 20Medandomo naꞌa fofekaharamuno. Tamaka dohumaaꞌao lima pata nefewaniu, miina nafofekaharamua.”
Seemie hobhine miendo Kanaan noparasaea
15:21-28
Mrk 7:24-30
21Pada peda naꞌa Yesus nokalamo, nogampi we kadieno Tirus bhe Sidon. 22Ne itu nomaimo hobhine miendo Kanaan ⸤ suano miendo Yahudi⸥ meateno ne itu bhe nokei ambano, “Mobhela kanau lalo, Ompu sampuꞌano Daud, anaku hobhine nopesuakie seetani nokadee-deemo sepaliꞌa.” 23Tamaka Yesus miina sepaliꞌa natumobhoosia. Dadiꞌanomo domaimo anaguhuꞌino desalo ambado, “Tuduemo nakumala, ingka nofoangkafi kansuhu bhe nopokakei-kei.” 24Ambano Yesus, “Idi ini dotudu kanau aꞌumondofi kaowu umatino Israel kolilinono, andoa maitu tapedaꞌidamo dhumba miinaeꞌano.” 25Tamaka hobhine anaꞌa nomaꞌotie, notaohao sombano ne Yesus bhe nopugau, “Waompu, tulumi kanau.” 26Yesus tanotobhoosi ambano, “Ingka pae namantasia daeala rotindo anaꞌi maka daꞌumohoane daꞌu.” 27Ambano dua hobhine aitu, “Anoamo naꞌa Waompu, ampamo kaowu daꞌu ⸤ peda insaodi ini⸥ nohumaa dua kapondawu maiꞌaono ne medhano ompuno.” 28Yesus notobhoosi ambano, “Waꞌina, nobhala mpuu kaparasaeamu, dadiꞌanomo nokadhadhiaꞌo toha peda kapoindalomu itu.” Gahaꞌa anano lasao dua noꞌosa.
Dobhahi mie mosakino nefekaꞌosano Yesus
15:29-31
29Nohunsa kaowu kadie aitu, Yesus nosohakimo wiwino teꞌino Galilea maka nofoni nengkoha-ngkoha te kabhawo. 30Gahaꞌa mie bhahi dosipumpumo toha domaiꞌie bhe deowaꞌiane mie kalu, kakempa, kabunto, bhea bhe nobhahi dua mosakino sigaoꞌano. Andoa maitu doowada ne wiseno Yesus maka kosasawindo nofekaꞌosada. 31Mie bhahi maitu tadomente dowoha bhea nopugau, kakempa noꞌosa, kalu nekala-kala, bhe kabunto nofowoha. Dadiꞌanomo kosasawindo dopudhimo Lahataꞌalando miendo Israel.
Yesus nepakande mie dofato hewu
15:32-39
Mrk 8:1-10
32Yesus nosaliꞌimo anaguhuꞌino maka nopugau ambano, “Nobhelaanda laloku mie bhahi inia. Tolu oleomo dopobhai kanau bhe miinamo dakoꞌotia. Akiido dasumuliꞌao kulino handado bhahaa dokamposola we sala.” 33Ambado anaguhuꞌino, “Nada amai daeꞌawa roti ne kalino aini so damakandeꞌao mie bhahi peda aini ampa daoweꞌi?” 34Ambano Yesus, “Fee onu gahaꞌa rotimiua?” Ambado, “Fitu onu bhe nandoo dua kakenta-kenta mohobu.” 35Pada nofeena, Yesus notudumo mie bhahi maitu dengkoha ne wite. 36Pada anaꞌa noalamo roti fitu onuno naꞌa bhe kakenta-kentano, nefoampe katumpuno lalo ne Lahataꞌala, nobhebhehae maka nowaꞌandae anaguhuꞌino dodawu-dawuandae mie bhahi. 37Kosasawindo naꞌa dohumaa ampa doweꞌi. Pada dohumaa kabhilaꞌando dofoꞌonue nopono fitu kalangka. 38Mie momaano, moꞌane kaowu dofato hewu miina datilentua hobhine bhe anaꞌi. 39Pada peda naꞌa Yesus notudumo mie bhahi maitu dasumuli. Anoa nosawi ne bhangka maka nopolimba we kadieno Magadan.
Currently Selected:
Matius 15: mnbSD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matius 15
15
Pahintano Lahataꞌala bhe adhatino miendo Yahudi
15:1-20
Mrk 7:1-23
1Pada anaꞌa dohatomo miendo Farisi bhe pande-pande Kitabi maiꞌaono we Yerusalem. Andoa domai ne Yesus bhe dofeena ambado, 2“Noafa gahaꞌa anaguhuꞌimu maitu dokangkalaꞌi adhatino awuaꞌintoomu, ingka tadohumaamo miina daewanua peda atorano agamantoomu?” 3Tamaka Yesus tanotobhoosida ambano, “Noafa ingka hintimiu dua kangkalaꞌiomu pahintano Lahataꞌala maka fosibhalaomu adhatino awuaꞌimiu? 4Kapaꞌamo Lahataꞌala nokowamba, ‘Fosibhalae inamu bhe amamu; mie meꞌawutino inano bhe amano tabeano damekamatee.’ #Kel 20:12, 21:17; Im 20:9; Ul 5:16 5Tamaka ambamiu peda aini: ane o mie nopugau ne inano bhe ne amano ‘Kanandooku so atumanggoꞌao hintimiu, nembalimo kapopanga so Lahataꞌala’, 6maka mie aitu paemo naoafaa ane paemo namosibhala inano bhe amano. Peda kaowu anaꞌa ingka pisakieꞌomu bhoasaono Lahataꞌala maka fosibhala adhatimiu wutomiu. 7Mie mehaaꞌulano! Nokotuꞌumo nekosuahaꞌaono anabii Yesaya nopulaoꞌao hintimiu,
8‘Mie andoa ini dosombai kanau kaowu ne wiwindo,
tamaka totono lalondo nokodoꞌo bhe Idi.
9Miina nakoꞌuluꞌa dosombai kanau,
kapaꞌamo kafoinaꞌu nefoguhuꞌaondo pahintano manusia.’ ” #Yes 29:13
10Pada anaꞌa Yesus nosaliꞌi mie bhahi maitu maka nofohatoda ambano, 11“Fetingke bhe tandaiꞌeomu! Suano mesuaꞌano ne wobhano manusia fofekaharamuno, tamaka lumimbaꞌano ne wobhano aituꞌaemo fofekaharamuno.” 12Kaowu domaiꞌiemo anaguhuꞌino maka dofeena ambado, “Pandeꞌaane bhahaa wambamu saꞌituinia noleaꞌane lalondo miendo Farisi?” 13Yesus tanotobhoosida ambano, “Kotika kantisa tapa netisano Amaku te surugaa, tetewei damadae dabunatie. 14Koemo heruandaomua. Andoa itu kabunto metondano dua kabunto. Ane kabunto netonda kabunto, kohoduando tetewei daondawu weo ola.”
15Nopugaumo Petrus, ambano, “Fohato kainsamie maꞌanano kapalenda saꞌituini.” 16Ambano Yesus, “Gahaꞌa miina dua lumosangieꞌomua? 17Miina mandeꞌaaneomua gahaꞌa sabhaha mesuaꞌano ne wobhano manusia nosampu we handa maka doꞌohoe ne dhamba? 18Tamaka lumimbaꞌano ne wobha nomaiꞌao we totono lalo, aituꞌaemo fofekaharamuno. 19Kapaꞌamo nomaiꞌao we totono lalo nolimba sabhaha fekihi modai, dofopongko, domonsule, dopokawite-wite, dosibu, degau-gau bhe dofoꞌumbu. 20Medandomo naꞌa fofekaharamuno. Tamaka dohumaaꞌao lima pata nefewaniu, miina nafofekaharamua.”
Seemie hobhine miendo Kanaan noparasaea
15:21-28
Mrk 7:24-30
21Pada peda naꞌa Yesus nokalamo, nogampi we kadieno Tirus bhe Sidon. 22Ne itu nomaimo hobhine miendo Kanaan ⸤ suano miendo Yahudi⸥ meateno ne itu bhe nokei ambano, “Mobhela kanau lalo, Ompu sampuꞌano Daud, anaku hobhine nopesuakie seetani nokadee-deemo sepaliꞌa.” 23Tamaka Yesus miina sepaliꞌa natumobhoosia. Dadiꞌanomo domaimo anaguhuꞌino desalo ambado, “Tuduemo nakumala, ingka nofoangkafi kansuhu bhe nopokakei-kei.” 24Ambano Yesus, “Idi ini dotudu kanau aꞌumondofi kaowu umatino Israel kolilinono, andoa maitu tapedaꞌidamo dhumba miinaeꞌano.” 25Tamaka hobhine anaꞌa nomaꞌotie, notaohao sombano ne Yesus bhe nopugau, “Waompu, tulumi kanau.” 26Yesus tanotobhoosi ambano, “Ingka pae namantasia daeala rotindo anaꞌi maka daꞌumohoane daꞌu.” 27Ambano dua hobhine aitu, “Anoamo naꞌa Waompu, ampamo kaowu daꞌu ⸤ peda insaodi ini⸥ nohumaa dua kapondawu maiꞌaono ne medhano ompuno.” 28Yesus notobhoosi ambano, “Waꞌina, nobhala mpuu kaparasaeamu, dadiꞌanomo nokadhadhiaꞌo toha peda kapoindalomu itu.” Gahaꞌa anano lasao dua noꞌosa.
Dobhahi mie mosakino nefekaꞌosano Yesus
15:29-31
29Nohunsa kaowu kadie aitu, Yesus nosohakimo wiwino teꞌino Galilea maka nofoni nengkoha-ngkoha te kabhawo. 30Gahaꞌa mie bhahi dosipumpumo toha domaiꞌie bhe deowaꞌiane mie kalu, kakempa, kabunto, bhea bhe nobhahi dua mosakino sigaoꞌano. Andoa maitu doowada ne wiseno Yesus maka kosasawindo nofekaꞌosada. 31Mie bhahi maitu tadomente dowoha bhea nopugau, kakempa noꞌosa, kalu nekala-kala, bhe kabunto nofowoha. Dadiꞌanomo kosasawindo dopudhimo Lahataꞌalando miendo Israel.
Yesus nepakande mie dofato hewu
15:32-39
Mrk 8:1-10
32Yesus nosaliꞌimo anaguhuꞌino maka nopugau ambano, “Nobhelaanda laloku mie bhahi inia. Tolu oleomo dopobhai kanau bhe miinamo dakoꞌotia. Akiido dasumuliꞌao kulino handado bhahaa dokamposola we sala.” 33Ambado anaguhuꞌino, “Nada amai daeꞌawa roti ne kalino aini so damakandeꞌao mie bhahi peda aini ampa daoweꞌi?” 34Ambano Yesus, “Fee onu gahaꞌa rotimiua?” Ambado, “Fitu onu bhe nandoo dua kakenta-kenta mohobu.” 35Pada nofeena, Yesus notudumo mie bhahi maitu dengkoha ne wite. 36Pada anaꞌa noalamo roti fitu onuno naꞌa bhe kakenta-kentano, nefoampe katumpuno lalo ne Lahataꞌala, nobhebhehae maka nowaꞌandae anaguhuꞌino dodawu-dawuandae mie bhahi. 37Kosasawindo naꞌa dohumaa ampa doweꞌi. Pada dohumaa kabhilaꞌando dofoꞌonue nopono fitu kalangka. 38Mie momaano, moꞌane kaowu dofato hewu miina datilentua hobhine bhe anaꞌi. 39Pada peda naꞌa Yesus notudumo mie bhahi maitu dasumuli. Anoa nosawi ne bhangka maka nopolimba we kadieno Magadan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.