Matius 18
18
Foliuno kabhala weo Kafopahintaꞌano Lahataꞌala
18:1-5
Mrk 9:33-37; Luk 9:46-48
1Wakutuu anaꞌa anaguhuꞌino domaimo ne Yesus dofeena ambado, “Laꞌae bhahaa foliuno kabhala weo Kafopahintaꞌano Lahataꞌala?” 2Yesus nesaliꞌimo seemie anaꞌi maka nofoehe-ehee ne wunta-wuntando, 3bhe nopugau ambano, “Amohatokoomu, kotu-kotuꞌu ane pae bhaliiꞌomu fekihimiu maka membaliomu nada anaꞌi, pae mesuaꞌomua weo Kafopahintaꞌano Lahataꞌala. 4Laꞌae mekapandano wutono peda anaꞌi aini, anoamo itu foliuno kabhala weo Kafopahintaꞌano Lahataꞌala. 5Laꞌae tumahimano anaꞌi kahobu medando ini weo neaku, anoa notahimamo Idi.”
Mie mehabuno tingkuno dhosa so manusia bhaindo
18:6-11
Mrk 9:42-48; Luk 17:1-2
6“Tamaka laꞌae mehabuno tingkuno dhosa so mie mepandano kaengkohaꞌa peda anaꞌi aini, sampe miinamo namarasaea ne Idi, naetaa dakumantaiane kagili kontu ne wuꞌuno maka damotondue weo ndalo. 7Nobalaamo mieno dhunia mehabuno tingkuno dhosa. Daanumo tingkuno dhosa sadhia nonandoo, tamaka nobalaamo mie humabue.
8Ane limamu tawa aꞌemu naehabuangko dhosa, totoe maka ohoe, kapaꞌamo naetaa mesua weo dadi suhue dhamani nasedhodho limamu tawa mokempa, bhe mesua weo efino narakaa kohaambaliꞌae limamu bhe aꞌemu. 9Ane matamu naehabuangko dhosa, sungkie maka ohoe, naetaa mesua surugaa komata sembali, bhe komata haa mbali maka daꞌumohoko we efino narakaa.
10Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa. 11[Kapaꞌamo Anano Manusia nomai namosalamati kolilinono totono lalo].”
Kapalendano dhumba miinaeꞌano
18:12-14
Luk 15:3-7
12“Peda amai fekihimu? Ane seemie nokodhumba moꞌono ulu, maka nomiinae seꞌulu, naeafamo bhahaa? Ingka tetewei tanahumunsada te kabhawo siua fulu siua uluno, maka naꞌumondofi miinaeꞌano naꞌa. 13Amohatokoomu, kotu-kotuꞌu ane nopoꞌawaane kaowu, nobhalamo kaꞌiano ne dhumba seꞌuluno maitu bhe ne dhumba siua fulu siua uluno tapa miinaeꞌano. 14Pedamo dua aitu Amamu te surugaa nokiido namoha seemie mohobu pedando ini namiinae.”
Dopotanga-tangahi
18:15-20
15“Ane bhahitiemu nakokaꞌala, tangahie hoduaꞌomu kaowu; ane nametingke katangahimu, ingka pooliemo, sulimo nembali bhahitiemu. 16Ane paise nametingkeko, mewowoꞌo bhe sabhangkamu naseemie bhahaꞌi dahodua. ⸤ Kapaꞌamo notibuhi weo Kitabi⸥ , ‘Sehonda parakara kaneꞌomo notiangga ane bhe sakusiino dohodua tawa dototolu.’ #Ul 19:15 17Ane nandoo dua nokiido natumahimae, fohatoandae umati. Ane umati pae dua nametingkeda, abhieꞌomu mie aitu mie tapa mandeꞌaono Lahataꞌala tawa mie kodhosano peda mesalo-salono sewa. 18Amohatokoomu, kotu-kotuꞌu: o ae neꞌeleaꞌaomu we dhunia ini, natiꞌeleaꞌao dua te surugaa; o ae neꞌundaꞌaomu we dhunia ini, natiꞌundaꞌao dua te surugaa. 19Amohatokoomu dua, ane ne dhunia ini dohodua ne olotamiu itu doseꞌise desalo weo sambaheando, o ae maka dua kamesalondo naꞌa, namekakoꞌulae Amaku te surugaa. 20Kapaꞌamo ane dohodua tawa dototolu dopohompu-hompu weo neaku, bhemo dua Idi ne itu.”
Kapalendano pomaꞌa-maꞌafuꞌao
18:21-35
21Pada anaꞌa nomaimo Petrus maka nofeena ne Yesus ambano, “Ompu, ane bhahitieku nokokaꞌala ne idi, ampa fee paku bhahaa amaꞌafuane? Ampa fitu paku bhahaa?” 22Ambano Yesus, “Paise! Amohatokoomu, suano fitu paku, tamaka fitu fulu fitu paku. #18:22 Sigaꞌa domaꞌanakie: fitu fulu sangke fitu paku.
23Kapaꞌamo Kafopahintaꞌano Lahataꞌala tapedamo seemie kolaki so polentuno bhe bhatuaꞌino. 24Netandaki kaowu, deowaanemo kodosano ompulu hewu bhoka. #18:24 Sakotuꞌuno: ompulu hewu talenta. 25Tamaka dosano maitu miinamo namoolie nopomeaꞌea, dadiꞌanomo kolaki naꞌa netudumo mie damaso bhatua aitu bhe anano bhe hobhineno bhe sabhaha fehebuaꞌano so kapomeano dosano. 26Gahaꞌa bhatua anaꞌa nosudhumo bhe notaohao sombano ambano, ‘Sabaha kanau kadeki waompu, kosasawiꞌae dosaku itu amomeaꞌe.’ 27Kolaki anaꞌa nobhelamo dua lalono ne bhatuano maitu, sampe nofolapae bhe kosasawiꞌae dosano nofosaliemo. 28Tamaka hato nolimba bhatua anaꞌa, nopoꞌawa bhe sabhangkano kodosano ne anoa moꞌono dhoi pera. #18:28 Sakotuꞌuno: moꞌono dinar. Sedinar ponambono mie seꞌoleo. Kodosano naꞌa lasao nohakoe bhe nogonso wuꞌuno, ambano, ‘Pomea dosamu!’ 29Gahaꞌa sabhangkano naꞌa nosudhumo bhe notaohao sombano ambano, ‘Sabaha kanau kaꞌasi, dosaku itu tetewei amomeaꞌe.’ 30Tamaka bhatua naꞌa nokiido, sampe nofopesua sabhangkano weo katohongku ampa nopomea dosano.
31Dowoha peda maitu sabhangkaꞌino sigaoꞌano nokompeaha sepaliꞌa lalondo sampe dokala dofohato kafeompuꞌando. 32Kolaki anaꞌa nofotudumo dalumoꞌoi bhatua saꞌituini. Sahatono nopugaumo ambano, ‘Hintu bhatua modai! Kosasawiꞌae dosamu afosaliangkoe hampano kamesalomu. 33Ingka tabeano nobhela dua lalomu ne bhatua bhaimu, peda dua kabhelano laloku ne hintu.’ 34Kolaki anaꞌa noꞌamaha sepaliꞌa sampe nofotudumo damopesuaꞌe weo katohongku bhe damodee-deeꞌe, ampa natipomea kosasawiꞌae dosano. 35Pedamo anaꞌa Amaku te surugaa nahumabukoomu, ane paise maꞌafuꞌaoꞌomu bhahitiemiu weo kawolono lalomiu.”
Currently Selected:
Matius 18: mnbSD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matius 18
18
Foliuno kabhala weo Kafopahintaꞌano Lahataꞌala
18:1-5
Mrk 9:33-37; Luk 9:46-48
1Wakutuu anaꞌa anaguhuꞌino domaimo ne Yesus dofeena ambado, “Laꞌae bhahaa foliuno kabhala weo Kafopahintaꞌano Lahataꞌala?” 2Yesus nesaliꞌimo seemie anaꞌi maka nofoehe-ehee ne wunta-wuntando, 3bhe nopugau ambano, “Amohatokoomu, kotu-kotuꞌu ane pae bhaliiꞌomu fekihimiu maka membaliomu nada anaꞌi, pae mesuaꞌomua weo Kafopahintaꞌano Lahataꞌala. 4Laꞌae mekapandano wutono peda anaꞌi aini, anoamo itu foliuno kabhala weo Kafopahintaꞌano Lahataꞌala. 5Laꞌae tumahimano anaꞌi kahobu medando ini weo neaku, anoa notahimamo Idi.”
Mie mehabuno tingkuno dhosa so manusia bhaindo
18:6-11
Mrk 9:42-48; Luk 17:1-2
6“Tamaka laꞌae mehabuno tingkuno dhosa so mie mepandano kaengkohaꞌa peda anaꞌi aini, sampe miinamo namarasaea ne Idi, naetaa dakumantaiane kagili kontu ne wuꞌuno maka damotondue weo ndalo. 7Nobalaamo mieno dhunia mehabuno tingkuno dhosa. Daanumo tingkuno dhosa sadhia nonandoo, tamaka nobalaamo mie humabue.
8Ane limamu tawa aꞌemu naehabuangko dhosa, totoe maka ohoe, kapaꞌamo naetaa mesua weo dadi suhue dhamani nasedhodho limamu tawa mokempa, bhe mesua weo efino narakaa kohaambaliꞌae limamu bhe aꞌemu. 9Ane matamu naehabuangko dhosa, sungkie maka ohoe, naetaa mesua surugaa komata sembali, bhe komata haa mbali maka daꞌumohoko we efino narakaa.
10Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa. 11[Kapaꞌamo Anano Manusia nomai namosalamati kolilinono totono lalo].”
Kapalendano dhumba miinaeꞌano
18:12-14
Luk 15:3-7
12“Peda amai fekihimu? Ane seemie nokodhumba moꞌono ulu, maka nomiinae seꞌulu, naeafamo bhahaa? Ingka tetewei tanahumunsada te kabhawo siua fulu siua uluno, maka naꞌumondofi miinaeꞌano naꞌa. 13Amohatokoomu, kotu-kotuꞌu ane nopoꞌawaane kaowu, nobhalamo kaꞌiano ne dhumba seꞌuluno maitu bhe ne dhumba siua fulu siua uluno tapa miinaeꞌano. 14Pedamo dua aitu Amamu te surugaa nokiido namoha seemie mohobu pedando ini namiinae.”
Dopotanga-tangahi
18:15-20
15“Ane bhahitiemu nakokaꞌala, tangahie hoduaꞌomu kaowu; ane nametingke katangahimu, ingka pooliemo, sulimo nembali bhahitiemu. 16Ane paise nametingkeko, mewowoꞌo bhe sabhangkamu naseemie bhahaꞌi dahodua. ⸤ Kapaꞌamo notibuhi weo Kitabi⸥ , ‘Sehonda parakara kaneꞌomo notiangga ane bhe sakusiino dohodua tawa dototolu.’ #Ul 19:15 17Ane nandoo dua nokiido natumahimae, fohatoandae umati. Ane umati pae dua nametingkeda, abhieꞌomu mie aitu mie tapa mandeꞌaono Lahataꞌala tawa mie kodhosano peda mesalo-salono sewa. 18Amohatokoomu, kotu-kotuꞌu: o ae neꞌeleaꞌaomu we dhunia ini, natiꞌeleaꞌao dua te surugaa; o ae neꞌundaꞌaomu we dhunia ini, natiꞌundaꞌao dua te surugaa. 19Amohatokoomu dua, ane ne dhunia ini dohodua ne olotamiu itu doseꞌise desalo weo sambaheando, o ae maka dua kamesalondo naꞌa, namekakoꞌulae Amaku te surugaa. 20Kapaꞌamo ane dohodua tawa dototolu dopohompu-hompu weo neaku, bhemo dua Idi ne itu.”
Kapalendano pomaꞌa-maꞌafuꞌao
18:21-35
21Pada anaꞌa nomaimo Petrus maka nofeena ne Yesus ambano, “Ompu, ane bhahitieku nokokaꞌala ne idi, ampa fee paku bhahaa amaꞌafuane? Ampa fitu paku bhahaa?” 22Ambano Yesus, “Paise! Amohatokoomu, suano fitu paku, tamaka fitu fulu fitu paku. #18:22 Sigaꞌa domaꞌanakie: fitu fulu sangke fitu paku.
23Kapaꞌamo Kafopahintaꞌano Lahataꞌala tapedamo seemie kolaki so polentuno bhe bhatuaꞌino. 24Netandaki kaowu, deowaanemo kodosano ompulu hewu bhoka. #18:24 Sakotuꞌuno: ompulu hewu talenta. 25Tamaka dosano maitu miinamo namoolie nopomeaꞌea, dadiꞌanomo kolaki naꞌa netudumo mie damaso bhatua aitu bhe anano bhe hobhineno bhe sabhaha fehebuaꞌano so kapomeano dosano. 26Gahaꞌa bhatua anaꞌa nosudhumo bhe notaohao sombano ambano, ‘Sabaha kanau kadeki waompu, kosasawiꞌae dosaku itu amomeaꞌe.’ 27Kolaki anaꞌa nobhelamo dua lalono ne bhatuano maitu, sampe nofolapae bhe kosasawiꞌae dosano nofosaliemo. 28Tamaka hato nolimba bhatua anaꞌa, nopoꞌawa bhe sabhangkano kodosano ne anoa moꞌono dhoi pera. #18:28 Sakotuꞌuno: moꞌono dinar. Sedinar ponambono mie seꞌoleo. Kodosano naꞌa lasao nohakoe bhe nogonso wuꞌuno, ambano, ‘Pomea dosamu!’ 29Gahaꞌa sabhangkano naꞌa nosudhumo bhe notaohao sombano ambano, ‘Sabaha kanau kaꞌasi, dosaku itu tetewei amomeaꞌe.’ 30Tamaka bhatua naꞌa nokiido, sampe nofopesua sabhangkano weo katohongku ampa nopomea dosano.
31Dowoha peda maitu sabhangkaꞌino sigaoꞌano nokompeaha sepaliꞌa lalondo sampe dokala dofohato kafeompuꞌando. 32Kolaki anaꞌa nofotudumo dalumoꞌoi bhatua saꞌituini. Sahatono nopugaumo ambano, ‘Hintu bhatua modai! Kosasawiꞌae dosamu afosaliangkoe hampano kamesalomu. 33Ingka tabeano nobhela dua lalomu ne bhatua bhaimu, peda dua kabhelano laloku ne hintu.’ 34Kolaki anaꞌa noꞌamaha sepaliꞌa sampe nofotudumo damopesuaꞌe weo katohongku bhe damodee-deeꞌe, ampa natipomea kosasawiꞌae dosano. 35Pedamo anaꞌa Amaku te surugaa nahumabukoomu, ane paise maꞌafuꞌaoꞌomu bhahitiemiu weo kawolono lalomiu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.