Matius 19
19
Pohunsaꞌa
19:1-12
Mrk 10:1-12
1Nopalusi nofofoinaꞌu peda aitu, Yesus nohunsamo kadieno Galilea nohope we Yudea, we sewetano umeleno Yordan. 2Mie bhahi dosipumpu doangkafie ne itu, maka mosakino nofekaꞌosada.
3Domaimo miendo Farisi ne Yesus damansoꞌalaiꞌe. Dofeenamo ambado, “Weo tubhono agamantoomu bhahaa nembali dohunsa hobhinendo, o ae maka dua tingkuno?” 4Ambano Yesus, “Miinaꞌo basaeꞌomua gahaꞌa putae mpini kabhao-bhaono Lahataꞌala mokonandoono manusia, nofokonandooda o hobhine bhe moꞌane? #Kej 1:27 5Bhoasaono Lahataꞌala peda aini, ‘Dadiꞌanomo o moꞌane tetewei nahumunsa inano bhe amano maka naseꞌise bhe hobhineno, sampe kohoduando daembalimo seemie.’ #Kej 2:24 6Dadiꞌanomo andoa maitu paemo dahoduaꞌa tamaka seemie. Nefoseꞌiseno Lahataꞌala, koise dopogaatiane manusia.” 7Ambado toha, “Ane peda naꞌa, noafa gahaꞌa anabii Musa nofowaꞌao pahinta naembali dahumunsa hobhinendo, sumanomo debuhiane bhe suhano?” #Ul 24:1-4 8Ambano Yesus, “Anabii Musa noꞌundaꞌaangkoomu humunsaomu hobhinemiu mbaꞌinomo katuꞌano fotumiu. Tamaka nandoo kabhao-bhaono miina nada naꞌa. 9Amohatokoomu, ane seemie moꞌane nohunsa hobhineno, gahaꞌa hobhine maitu miina namonsule, maka nogaa dua bhe hobhine sigaoꞌano, moꞌane aitu nomonsule.” 10Dopugaumo anaguhuꞌino ambado, “Ane peda naꞌa koeatendo moꞌane bhe hobhineno, ingka selabhiꞌano koemo dogaaꞌa.” 11Tamaka Yesus nopugaumo ne andoa ambano, “Suano kosasawindo manusia dolosangie pugau anaꞌa, mpahinomo meꞌawano kadawu ne Lahataꞌala. 12Nandoo mie tapa membaliꞌano dogaa, mbaꞌinomo dolente ingka pedamo naꞌa. Nandoo dua, mbaꞌinomo dohabue mie bhaindo. Nandoo dua dopoindalo wutondo miina dagumaaꞌa mbaꞌinomo Kafopahintaꞌano Lahataꞌala. Laꞌae so moolino lumosangino pugauku ini, naetaa nalumosangie!”
Yesus nebarakati anaꞌi
19:13-15
Mrk 10:13-16; Luk 18:15-17
13Pada anaꞌa domaimo mie deowaꞌi anaꞌi kahobu ne Yesus. Patudhundo natumeianda limano te fotundo bhe nasumambaheaꞌanda. Tamaka anaguhuꞌino doꞌamahaki mie andoa maitu. 14Nopugaumo Yesus ambano, “Hunsaꞌanomo anaꞌi andoa itu damai se Idi, koise eleꞌaandaomua, kapaꞌamo mie medandomo andoa ini so mieno Kafopahintaꞌano Lahataꞌala.” 15Yesus noteimo limano te fotundo anaꞌi maitu. Pada anaꞌa nokalamo.
Seemie ana moꞌane hangkaea
19:16-26
Mrk 10:17-27; Luk 18:18-27
16Nandoo seemie ana moꞌane nomai ne Yesus bhe nopugau ambano, “Guru, aehabu diu metaaꞌano medando ae bhahaa so aeꞌawaꞌao dadi suhue dhamani?” 17Notobhoosimo Yesus ambano, “Noafa gahaꞌa feena kanauꞌao metaaꞌano? Ampamo Wutono Lahataꞌala metaaꞌano. Tamaka ane moindalo meꞌawa dadi suhue dhamani, angkafi pahintano Lahataꞌala.” 18Ambano mie anaꞌa, “Pahinta medando ae bhahaa?” Ambano toha Yesus, “Koise fopongko, koise monsule, koise mosoꞌo, koise membali sakusii kopaha, 19fosibhala inamu bhe amamu bhe moasiꞌao mie bhaimu nameda wutomu.” #Kel 20:12-16; Im 19:18; Ul 5:16-20 20Ambano ana moꞌane anaꞌa, “Kosasawiꞌae naꞌa apadaemo adhalangiea. Taꞌo dua ae nekaemiku?” 21Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.” 22Nofetingke peda naꞌa ana moꞌane maitu nosabhamo handano tanokala, kapaꞌamo nohangkaea sepaliꞌa.
23Nopugau toha Yesus ne anaguhuꞌino, “Amohatokoomu, kotu-kotuꞌu kaꞌali maka mie hangkaea namesua weo Kafopahintaꞌano Lahataꞌala. 24Sakotuꞌuno nomuda seꞌulu kahumbau #19:24 Sakotuꞌuno: seꞌulu unta. namangka ne kabhentano deu bhe mie hangkaea namesua weo Kafopahintaꞌano Lahataꞌala.”
25Dofetingke peda naꞌa anaguhuꞌino domente bhe dokohedu, ambado, “Ane peda naꞌa, laꞌae dua bhahaa so sumalamatino?” 26Yesus noꞌondoda bhe nopugau, “Uumbe daanumo, so manusia pae bhe kapoolia nakumadhadhiaꞌa peda amaitu, tamaka so Lahataꞌala miina bhe pata nemondoino.”
Ponambo doangkafi Yesus
19:27-30
Mrk 10:28-31; Luk 18:28-30
27Pada aitu Petrus notobhoosimo ne Yesus, ambano, “Insaodi ini tahunsaemo bhahi-bhahiꞌae maka taangkafi Hintu. O ae bhahaa so neꞌawa mania?” 28Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel. 29Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani. 30Tamaka dabhahi mie maꞌinduluno sumuli dambuhumai, mbuhumaino sumuli damaꞌindulu.”
Currently Selected:
Matius 19: mnbSD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matius 19
19
Pohunsaꞌa
19:1-12
Mrk 10:1-12
1Nopalusi nofofoinaꞌu peda aitu, Yesus nohunsamo kadieno Galilea nohope we Yudea, we sewetano umeleno Yordan. 2Mie bhahi dosipumpu doangkafie ne itu, maka mosakino nofekaꞌosada.
3Domaimo miendo Farisi ne Yesus damansoꞌalaiꞌe. Dofeenamo ambado, “Weo tubhono agamantoomu bhahaa nembali dohunsa hobhinendo, o ae maka dua tingkuno?” 4Ambano Yesus, “Miinaꞌo basaeꞌomua gahaꞌa putae mpini kabhao-bhaono Lahataꞌala mokonandoono manusia, nofokonandooda o hobhine bhe moꞌane? #Kej 1:27 5Bhoasaono Lahataꞌala peda aini, ‘Dadiꞌanomo o moꞌane tetewei nahumunsa inano bhe amano maka naseꞌise bhe hobhineno, sampe kohoduando daembalimo seemie.’ #Kej 2:24 6Dadiꞌanomo andoa maitu paemo dahoduaꞌa tamaka seemie. Nefoseꞌiseno Lahataꞌala, koise dopogaatiane manusia.” 7Ambado toha, “Ane peda naꞌa, noafa gahaꞌa anabii Musa nofowaꞌao pahinta naembali dahumunsa hobhinendo, sumanomo debuhiane bhe suhano?” #Ul 24:1-4 8Ambano Yesus, “Anabii Musa noꞌundaꞌaangkoomu humunsaomu hobhinemiu mbaꞌinomo katuꞌano fotumiu. Tamaka nandoo kabhao-bhaono miina nada naꞌa. 9Amohatokoomu, ane seemie moꞌane nohunsa hobhineno, gahaꞌa hobhine maitu miina namonsule, maka nogaa dua bhe hobhine sigaoꞌano, moꞌane aitu nomonsule.” 10Dopugaumo anaguhuꞌino ambado, “Ane peda naꞌa koeatendo moꞌane bhe hobhineno, ingka selabhiꞌano koemo dogaaꞌa.” 11Tamaka Yesus nopugaumo ne andoa ambano, “Suano kosasawindo manusia dolosangie pugau anaꞌa, mpahinomo meꞌawano kadawu ne Lahataꞌala. 12Nandoo mie tapa membaliꞌano dogaa, mbaꞌinomo dolente ingka pedamo naꞌa. Nandoo dua, mbaꞌinomo dohabue mie bhaindo. Nandoo dua dopoindalo wutondo miina dagumaaꞌa mbaꞌinomo Kafopahintaꞌano Lahataꞌala. Laꞌae so moolino lumosangino pugauku ini, naetaa nalumosangie!”
Yesus nebarakati anaꞌi
19:13-15
Mrk 10:13-16; Luk 18:15-17
13Pada anaꞌa domaimo mie deowaꞌi anaꞌi kahobu ne Yesus. Patudhundo natumeianda limano te fotundo bhe nasumambaheaꞌanda. Tamaka anaguhuꞌino doꞌamahaki mie andoa maitu. 14Nopugaumo Yesus ambano, “Hunsaꞌanomo anaꞌi andoa itu damai se Idi, koise eleꞌaandaomua, kapaꞌamo mie medandomo andoa ini so mieno Kafopahintaꞌano Lahataꞌala.” 15Yesus noteimo limano te fotundo anaꞌi maitu. Pada anaꞌa nokalamo.
Seemie ana moꞌane hangkaea
19:16-26
Mrk 10:17-27; Luk 18:18-27
16Nandoo seemie ana moꞌane nomai ne Yesus bhe nopugau ambano, “Guru, aehabu diu metaaꞌano medando ae bhahaa so aeꞌawaꞌao dadi suhue dhamani?” 17Notobhoosimo Yesus ambano, “Noafa gahaꞌa feena kanauꞌao metaaꞌano? Ampamo Wutono Lahataꞌala metaaꞌano. Tamaka ane moindalo meꞌawa dadi suhue dhamani, angkafi pahintano Lahataꞌala.” 18Ambano mie anaꞌa, “Pahinta medando ae bhahaa?” Ambano toha Yesus, “Koise fopongko, koise monsule, koise mosoꞌo, koise membali sakusii kopaha, 19fosibhala inamu bhe amamu bhe moasiꞌao mie bhaimu nameda wutomu.” #Kel 20:12-16; Im 19:18; Ul 5:16-20 20Ambano ana moꞌane anaꞌa, “Kosasawiꞌae naꞌa apadaemo adhalangiea. Taꞌo dua ae nekaemiku?” 21Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.” 22Nofetingke peda naꞌa ana moꞌane maitu nosabhamo handano tanokala, kapaꞌamo nohangkaea sepaliꞌa.
23Nopugau toha Yesus ne anaguhuꞌino, “Amohatokoomu, kotu-kotuꞌu kaꞌali maka mie hangkaea namesua weo Kafopahintaꞌano Lahataꞌala. 24Sakotuꞌuno nomuda seꞌulu kahumbau #19:24 Sakotuꞌuno: seꞌulu unta. namangka ne kabhentano deu bhe mie hangkaea namesua weo Kafopahintaꞌano Lahataꞌala.”
25Dofetingke peda naꞌa anaguhuꞌino domente bhe dokohedu, ambado, “Ane peda naꞌa, laꞌae dua bhahaa so sumalamatino?” 26Yesus noꞌondoda bhe nopugau, “Uumbe daanumo, so manusia pae bhe kapoolia nakumadhadhiaꞌa peda amaitu, tamaka so Lahataꞌala miina bhe pata nemondoino.”
Ponambo doangkafi Yesus
19:27-30
Mrk 10:28-31; Luk 18:28-30
27Pada aitu Petrus notobhoosimo ne Yesus, ambano, “Insaodi ini tahunsaemo bhahi-bhahiꞌae maka taangkafi Hintu. O ae bhahaa so neꞌawa mania?” 28Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel. 29Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani. 30Tamaka dabhahi mie maꞌinduluno sumuli dambuhumai, mbuhumaino sumuli damaꞌindulu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.