Ebhikorwa bhya Jitumwa Obhutangati
Obhutangati
Omukaami wa echitabho cha Ebhikorwa bhya Jitumwa aariga ari Ruuka. Niwe ꞉aakaamire echitabho cha Emisango ja Ekisi chinu echitogwa ati Ruuka. Ruuka aariga atari Muyawudi na aariga ˆnaaribhata na Pawuro itumwa enu na erya. Pawuro ꞉aayikire ati Ruuka aariga ari umwi wa abhakosi bhanu bhaariga nibhamusakira. Ka wone aariga ari “omuragusi omwendwa” (Abhakorosaayi 4:14). Ruuka ꞉aakaamire echitabho cha Ebhikorwa bhya Jitumwa omwanya gunu aariga ari aamwi na Pawuro, mu‑musi gwa Ruumi. ꞉Aakaamiiye omuunu unu aariga ˆnaatogwa ati Tewofiiro, “owa echibharo” (Ruuka 1:1‑3; Ebhikorwa bhya Jitumwa 1:1). Omuunu unu niwe ꞉aakaamiiywe Emisango ja Ekisi ja Ruuka. Tewofiiro unu, abhasombookerwa bhaafu bha Inyabhurira abheetogera ati aariga ari umwi wa abhatangasya bha Abharuumi bhanu ꞉bhaachungukire.
Echitabho cha Ebhikorwa bhya Jitumwa ni mugenderero gwa Emisango ja Ekisi ja Ruuka. Obhukarariiye bhwaye obhukuru ni kweresya kutyo Mwoyo Mweru ꞉aatangasiisye abheekirisya bha okwamba bha Yeesu, okuraasya Emisango ja Ekisi ja Yeesu “mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone” (Ebhikorwa bhya Jitumwa 1:8). Wone keeresya kutyo rikanisa rya echikirisito ꞉ryambiiye ku‑Bhayawudi na okugenderera okukingira echaaro choone.
Currently Selected:
Ebhikorwa bhya Jitumwa Obhutangati: jit
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Ebhikorwa bhya Jitumwa Obhutangati
Obhutangati
Omukaami wa echitabho cha Ebhikorwa bhya Jitumwa aariga ari Ruuka. Niwe ꞉aakaamire echitabho cha Emisango ja Ekisi chinu echitogwa ati Ruuka. Ruuka aariga atari Muyawudi na aariga ˆnaaribhata na Pawuro itumwa enu na erya. Pawuro ꞉aayikire ati Ruuka aariga ari umwi wa abhakosi bhanu bhaariga nibhamusakira. Ka wone aariga ari “omuragusi omwendwa” (Abhakorosaayi 4:14). Ruuka ꞉aakaamire echitabho cha Ebhikorwa bhya Jitumwa omwanya gunu aariga ari aamwi na Pawuro, mu‑musi gwa Ruumi. ꞉Aakaamiiye omuunu unu aariga ˆnaatogwa ati Tewofiiro, “owa echibharo” (Ruuka 1:1‑3; Ebhikorwa bhya Jitumwa 1:1). Omuunu unu niwe ꞉aakaamiiywe Emisango ja Ekisi ja Ruuka. Tewofiiro unu, abhasombookerwa bhaafu bha Inyabhurira abheetogera ati aariga ari umwi wa abhatangasya bha Abharuumi bhanu ꞉bhaachungukire.
Echitabho cha Ebhikorwa bhya Jitumwa ni mugenderero gwa Emisango ja Ekisi ja Ruuka. Obhukarariiye bhwaye obhukuru ni kweresya kutyo Mwoyo Mweru ꞉aatangasiisye abheekirisya bha okwamba bha Yeesu, okuraasya Emisango ja Ekisi ja Yeesu “mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone” (Ebhikorwa bhya Jitumwa 1:8). Wone keeresya kutyo rikanisa rya echikirisito ꞉ryambiiye ku‑Bhayawudi na okugenderera okukingira echaaro choone.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.