Yowana 21
21
Yeesu kaasoromokera abheeyigisibhwa bhaaye Gariraaya
1Ejo jejire jaawa, Yeesu ˆnaasoromokera rindi abheeyigisibhwa bhaaye ku‑njekekera ya inyanja ya Tibheeriyo. Omusango ogwo ꞉gwakorekeene kutya. 2Simooni Peetero, Tomaasi unu bhaamubhirikiraga ati, Marongo, Natanayeri unu ꞉aasookereeye Kaana mu‑Gariraaya, abhaana bhabhiri bha Jebhedaayo,#21:2 Abhaana bhabhiri bha Jebhedaayo. Amasiina geebhwe bhaariga bhari Yakobho na Yowana. Ringira Mataayo 10:2. na abheeyigisibhwa abhandi bhabhiri bhaariga bhari aamwi. 3Simooni Peetero ˆnaabhwira abheejaabho ati, “Siga nigende okutega jiiswi.” Abheene nibhamusubhya ati, “Eswe wone echigenda aamwi na awe.” Mbe nibhagenda, nibhariinya mu‑ngama, nibhatega jiiswi ingeta yoone, nawe ꞉bhateetire iiswi noorwo imwi.
4Mu‑ruguru, Yeesu ˆneemereeguru ku‑njekekera ya inyanja, nawe abheeyigisibhwa bhaaye ꞉bhataamenyere ati ni Yeesu. 5Mbe, Yeesu ˆnaabhabhirikira ati, “Emwe bhasaani bhaani, angu, mweta‑ko iiswi yooneyoone?” Abheene nibhamusubhya ati, “Wuri.” 6Yeesu ˆnaabhabhwira ati, “Mwese rigoobhe orubhaara rwa ebhuryo rwa ingama, omuja okubhona jiiswi.”
Mbe, nibheesa rigoobhe mu‑nyanja, nibhataamibhwa okurikurura kwa okubha ꞉bheetire jiiswi nyafu muno. 7Omwiyigisibhwa unu Yeesu aariga eendere muno, ˆnaabhwira Peetero ati, “Ni Raatabhugenyi!” Simooni Peetero ejire oongwa ati ni Raatabhugenyi, ˆnaafwara omwenda gwaye gunu ꞉aafuurire omwanya gunu ꞉aambire okutega, ˆneeyesa mu‑nyanja. 8Abheeyigisibhwa abhandi nibhagenda na ingama ku‑njekekera ya inyanja, enu nibhakururaga rigoobhe rinu ryariga riijuuwe jiiswi. ꞉Bhaakorere kutyo, kwa okubha bhaariga bhatari kura na echaaro, gaariga wuti matambo egana rimwi kutya.
9Bhejire bhaakinga ku‑chaaro, nibhasongʼana omuriro gwa amakara. Ku‑muriro okwo jaariga jiri‑ko jiiswi na omukaate. 10Yeesu ˆnaabhwira abheeyigisibhwa bhaaye ati, “Mureete‑wo anu jiiswi jindebhe jinu mweta.”
11Mbe Simooni Peetero ˆneengira mu‑ngama, ˆnaakururira mu‑ngama rigoobhe rinu ryariga riijuuye jiiswi. Mw‑igoobhe murya jaariga jiri‑mo jiiswi jinene egana rimwi makumi gataanu na esatu (153). Noorwo kutyo jaariga jiri‑mo jiiswi nyafu muno, rigoobhe ꞉ritaatemukire.
12Yeesu ˆnaabhwira abheeyigisibhwa bhaaye ati, “Muuje murye.” ꞉Ataabheeye‑wo omwiyigisibhwa unu ꞉aabhwene ribhaasi okumubhuusya ati, “Naawe ga?” ꞉Bhataabhwene ribhaasi, kwa okubha ꞉bhaamenyere ati aariga ari Raatabhugenyi. 13Mbe Yeesu ˆnaaja, ˆnaagega omukaate, ˆnaayaana abheeyigisibhwa bhaaye. Ejire aamara, ˆnaagega jiiswi, wone ˆnaabhayaana. 14Orwo rwariga ruri rwa kasatu Yeesu okusoromokera abheeyigisibhwa bhaaye okusookerera omwanya gunu ꞉aasuurukire okusooka mu‑bhafuuwe.
Yeesu kaayika na Peetero
15Mbe, bhejire bhaamara okurya, Yeesu ˆnaabhuusya Simooni Peetero ati, “Simooni, omwana wa Yowana, angu, unyendere muno okukira kutyo abheejaanyu bhanu abhanyenda?” Peetero ˆnaamusubhya ati, “Yee, Raatabhugenyi, awe umenyere ati nikwendere.” Yeesu ˆnaamubhwira ati, “Yangarira abhaana bha jinaama bhaani.” 16Yeesu ˆnaabhuusya Peetero rwa kabhiri ati, “Simooni, omwana wa Yowana, angu unyendere?” Peetero ˆnaamusubhya ati, “Yee, Raatabhugenyi, awe umenyere ati nikwendere.” Yeesu ˆnaamubhwira ati, “Reebha jinaama jaani.” 17Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani. 18Ni chimari enikubhwira ati, omwanya gunu waariga uchaari mumura, waariga unarire okufwara emyenda jaawo omwene, na okuja woonewoone anu weendaga. Nawe aribha waakokora, urigorora mabhoko gaawo na omuunu owundi arikubhoya na okukusira anu utaryenda okuja.” 19Yeesu ꞉aayikire kutyo okweresya ati ni rufu rwa mbaga ki runu Peetero arifwa, na kutyo ruriyaana Nyamuwanga rikusyo. Mbe, Yeesu ejire aamara okwayika ejo, ˆnaabhwira Peetero ati, “Nuunduubhe.”
20Mbe, Peetero ˆneekebhuukira, ˆnaarora omwiyigisibhwa unu Yeesu aariga eendere muno, ˆnaabharuubhaga. Omwiyigisibhwa oyo, omwanya gwa okurya niwe aariga eenyanjire ayeeyi muno na Yeesu, na okumubhuusya ati, “Raatabhugenyi awe, niga unu kaja okukuromera iniku?” 21Mbe, Peetero ejire aarora omwiyigisibhwa wurya, ˆnaabhuusya Yeesu ati, “Raatabhugenyi, ka unu, niki chinu chirimubhona?” 22Yeesu ˆnaamusubhya ati, “Araabha nikeenda ati arame okukingira omwanya gunu nirisubha, ogwo ogukusaasa ki? Awe nuunduubhe.” 23Mbe, emisango ejo nijiswirana mu‑bheejaabho ati, omwiyigisibhwa oyo atakufwa. Nawe Yeesu ꞉ataabhwiriiye Peetero ati omwiyigisibhwa oyo atakufwa, tari ꞉aamubhwiriiye ati, “Araabha nikeenda ati arame okukingira omwanya gunu nirisubha, ogwo ogukusaasa ki?” 24Omwiyigisibhwa oyo niwe urya ꞉aasoosiisye obhubhambaasi inguru ya emisango jinu na okujikaama. Eswe chimenyere ati jinu ꞉aayikire ni ja chimari.
Yeesu ꞉aakorere emisango ejindi myafu
25Ka wone jiri‑wo emisango ejindi myafu jinu Yeesu ꞉aakorere. Araabha ejo joone jikakaamirwe, eniiganirisya ati echaaro choone chitaakeeyire ku‑bhitabho bhinu bhyakakaamirwe.
Currently Selected:
Yowana 21: jit
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Yowana 21
21
Yeesu kaasoromokera abheeyigisibhwa bhaaye Gariraaya
1Ejo jejire jaawa, Yeesu ˆnaasoromokera rindi abheeyigisibhwa bhaaye ku‑njekekera ya inyanja ya Tibheeriyo. Omusango ogwo ꞉gwakorekeene kutya. 2Simooni Peetero, Tomaasi unu bhaamubhirikiraga ati, Marongo, Natanayeri unu ꞉aasookereeye Kaana mu‑Gariraaya, abhaana bhabhiri bha Jebhedaayo,#21:2 Abhaana bhabhiri bha Jebhedaayo. Amasiina geebhwe bhaariga bhari Yakobho na Yowana. Ringira Mataayo 10:2. na abheeyigisibhwa abhandi bhabhiri bhaariga bhari aamwi. 3Simooni Peetero ˆnaabhwira abheejaabho ati, “Siga nigende okutega jiiswi.” Abheene nibhamusubhya ati, “Eswe wone echigenda aamwi na awe.” Mbe nibhagenda, nibhariinya mu‑ngama, nibhatega jiiswi ingeta yoone, nawe ꞉bhateetire iiswi noorwo imwi.
4Mu‑ruguru, Yeesu ˆneemereeguru ku‑njekekera ya inyanja, nawe abheeyigisibhwa bhaaye ꞉bhataamenyere ati ni Yeesu. 5Mbe, Yeesu ˆnaabhabhirikira ati, “Emwe bhasaani bhaani, angu, mweta‑ko iiswi yooneyoone?” Abheene nibhamusubhya ati, “Wuri.” 6Yeesu ˆnaabhabhwira ati, “Mwese rigoobhe orubhaara rwa ebhuryo rwa ingama, omuja okubhona jiiswi.”
Mbe, nibheesa rigoobhe mu‑nyanja, nibhataamibhwa okurikurura kwa okubha ꞉bheetire jiiswi nyafu muno. 7Omwiyigisibhwa unu Yeesu aariga eendere muno, ˆnaabhwira Peetero ati, “Ni Raatabhugenyi!” Simooni Peetero ejire oongwa ati ni Raatabhugenyi, ˆnaafwara omwenda gwaye gunu ꞉aafuurire omwanya gunu ꞉aambire okutega, ˆneeyesa mu‑nyanja. 8Abheeyigisibhwa abhandi nibhagenda na ingama ku‑njekekera ya inyanja, enu nibhakururaga rigoobhe rinu ryariga riijuuwe jiiswi. ꞉Bhaakorere kutyo, kwa okubha bhaariga bhatari kura na echaaro, gaariga wuti matambo egana rimwi kutya.
9Bhejire bhaakinga ku‑chaaro, nibhasongʼana omuriro gwa amakara. Ku‑muriro okwo jaariga jiri‑ko jiiswi na omukaate. 10Yeesu ˆnaabhwira abheeyigisibhwa bhaaye ati, “Mureete‑wo anu jiiswi jindebhe jinu mweta.”
11Mbe Simooni Peetero ˆneengira mu‑ngama, ˆnaakururira mu‑ngama rigoobhe rinu ryariga riijuuye jiiswi. Mw‑igoobhe murya jaariga jiri‑mo jiiswi jinene egana rimwi makumi gataanu na esatu (153). Noorwo kutyo jaariga jiri‑mo jiiswi nyafu muno, rigoobhe ꞉ritaatemukire.
12Yeesu ˆnaabhwira abheeyigisibhwa bhaaye ati, “Muuje murye.” ꞉Ataabheeye‑wo omwiyigisibhwa unu ꞉aabhwene ribhaasi okumubhuusya ati, “Naawe ga?” ꞉Bhataabhwene ribhaasi, kwa okubha ꞉bhaamenyere ati aariga ari Raatabhugenyi. 13Mbe Yeesu ˆnaaja, ˆnaagega omukaate, ˆnaayaana abheeyigisibhwa bhaaye. Ejire aamara, ˆnaagega jiiswi, wone ˆnaabhayaana. 14Orwo rwariga ruri rwa kasatu Yeesu okusoromokera abheeyigisibhwa bhaaye okusookerera omwanya gunu ꞉aasuurukire okusooka mu‑bhafuuwe.
Yeesu kaayika na Peetero
15Mbe, bhejire bhaamara okurya, Yeesu ˆnaabhuusya Simooni Peetero ati, “Simooni, omwana wa Yowana, angu, unyendere muno okukira kutyo abheejaanyu bhanu abhanyenda?” Peetero ˆnaamusubhya ati, “Yee, Raatabhugenyi, awe umenyere ati nikwendere.” Yeesu ˆnaamubhwira ati, “Yangarira abhaana bha jinaama bhaani.” 16Yeesu ˆnaabhuusya Peetero rwa kabhiri ati, “Simooni, omwana wa Yowana, angu unyendere?” Peetero ˆnaamusubhya ati, “Yee, Raatabhugenyi, awe umenyere ati nikwendere.” Yeesu ˆnaamubhwira ati, “Reebha jinaama jaani.” 17Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani. 18Ni chimari enikubhwira ati, omwanya gunu waariga uchaari mumura, waariga unarire okufwara emyenda jaawo omwene, na okuja woonewoone anu weendaga. Nawe aribha waakokora, urigorora mabhoko gaawo na omuunu owundi arikubhoya na okukusira anu utaryenda okuja.” 19Yeesu ꞉aayikire kutyo okweresya ati ni rufu rwa mbaga ki runu Peetero arifwa, na kutyo ruriyaana Nyamuwanga rikusyo. Mbe, Yeesu ejire aamara okwayika ejo, ˆnaabhwira Peetero ati, “Nuunduubhe.”
20Mbe, Peetero ˆneekebhuukira, ˆnaarora omwiyigisibhwa unu Yeesu aariga eendere muno, ˆnaabharuubhaga. Omwiyigisibhwa oyo, omwanya gwa okurya niwe aariga eenyanjire ayeeyi muno na Yeesu, na okumubhuusya ati, “Raatabhugenyi awe, niga unu kaja okukuromera iniku?” 21Mbe, Peetero ejire aarora omwiyigisibhwa wurya, ˆnaabhuusya Yeesu ati, “Raatabhugenyi, ka unu, niki chinu chirimubhona?” 22Yeesu ˆnaamusubhya ati, “Araabha nikeenda ati arame okukingira omwanya gunu nirisubha, ogwo ogukusaasa ki? Awe nuunduubhe.” 23Mbe, emisango ejo nijiswirana mu‑bheejaabho ati, omwiyigisibhwa oyo atakufwa. Nawe Yeesu ꞉ataabhwiriiye Peetero ati omwiyigisibhwa oyo atakufwa, tari ꞉aamubhwiriiye ati, “Araabha nikeenda ati arame okukingira omwanya gunu nirisubha, ogwo ogukusaasa ki?” 24Omwiyigisibhwa oyo niwe urya ꞉aasoosiisye obhubhambaasi inguru ya emisango jinu na okujikaama. Eswe chimenyere ati jinu ꞉aayikire ni ja chimari.
Yeesu ꞉aakorere emisango ejindi myafu
25Ka wone jiri‑wo emisango ejindi myafu jinu Yeesu ꞉aakorere. Araabha ejo joone jikakaamirwe, eniiganirisya ati echaaro choone chitaakeeyire ku‑bhitabho bhinu bhyakakaamirwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.