Mataayo 12
12
Yeesu niwe Raatabhugenyi wa orusuku rwa Isabhaato
(Maariko 2:23‑28; Ruuka 6:1‑5)
1Rusuku rumwi, ruri rusuku rwa Isabhaato,#12:1 Isabhaato. Ku‑Bhayawudi ni rusuku rwa okuramya Nyamuwanga na okwisya omwoyo era. Ku‑meeresyo amaafu, ringira mu‑Meeresyo inguru ya Emisango Emikomeeye. Yeesu na abheeyigisibhwa bhaaye, bhaaturaga mu‑masambu ga ingano. Abheeyigisibhwa bhaaye bhejire bhoongwa omweko, nibhaamba okubhutura ebhyangara bhya ingano, nibharya. 2Abhafarisaayo bhejire bhaarora ejo, nibhabhwira Yeesu ati, “Ringira, abheeyigisibhwa bhaawo abhakora jinu ebhiraagiro bhya Muusa bhyariga bhitakubheekirisisya okukora ku‑rusuku rwa Isabhaato!”#12:2 Ringira Okwimuka 20:8‑11, 34:21; Orwichuko rwa Ebhiraagiro 5:12‑15, 23:25.
3Yeesu ˆnaabhasubhya ati, “Angu, muchaariga okusoma mu‑Bhikaame Ebhyeru jinu Dawudi ꞉aakorere, ari aamwi na abheejaabho omwanya gunu ꞉bhoonguuwe omweko?#12:3 Ringira 1 Samweri 21:1‑6. 4Dawudi ꞉eengiiye mw‑iyeema rya Nyamuwanga, neeya omwene na abheejaabho, nibharya emikaate jinu ꞉jaateeywe imbere ya Nyamuwanga. Mutakumenya ati, ꞉bhaariiye emikaate jinu ebhiraagiro bhya Muusa bhyariga bhitakubheekirisisya okurya, tari abhagabhisi era? 5Ka wone, muchaariga okusoma jinu ebhiraagiro bhya Muusa ebhyayika inguru ya abhagabhisi bhanu bhaafurubhendaga mw‑Iyekaru rya Nyamuwanga ku‑rusuku rwa Isabhaato?#12:5 Ringira Obhukumi 28:9‑10. Bhaanyamuraga ebhiraagiro bhya Isabhaato, nawe Nyamuwanga ꞉ataabhabharire ati, bhari na echikayo. 6Enibhabhwira ati, anu ari‑wo omuunu omukuru okukira Riyekaru rya Nyamuwanga. 7Nyamuwanga kaayika mu‑Bhikaame Ebhyeru ati, ‘Eneenda mubhe na echigongo okukira okusoosya echoogo.’#12:7 Ringira Woseya 6:6. Araabha mwakabheeye mumenyere obhugajuro bhwa emisango ejo, mutaakaramuuye abhaanu bhanu bhatakorere echikayo choonechoone. 8Kurwa ejo, anye Omwana wa Omuunu, naanye Raatabhugenyi wa orusuku rwa Isabhaato.”
Yeesu kaawosya omuunu ku‑rusuku rwa Isabhaato
(Maariko 3:1‑6; Ruuka 6:6‑11)
9Yeesu ˆnaasooka awo, ˆneengira mu‑nju ya eriikofyanyo ryebhwe. 10Mu‑nju omwo, aariga ari‑mo omuunu unu okubhoko kwaye kwariga kufuuwe. Ka wone, bhaariga bhari‑mo Abhafarisaayo bhanu bheendaga okuregeeja Yeesu, korereki bhamusitaake. Mbe, nibhamubhuusya ati, “Angu, ebhiraagiro bhya Muusa ebhiikirisya okuwosya omuunu orusuku rwa Isabhaato?”
11Yeesu ˆnaabhabhuusya ati, “Niga mw‑imwe unu inaama yaaye ikagwa mu‑ryobho orusuku rwa Isabhaato, atakutura okuyigwata na okuyisoosya‑mo? 12Utakurora ati, omuunu ni wa obhurambu obhunene muno okukira inaama? Kurwa ejo, ebhiraagiro ebhiikirisya okukora ja ekisi ku‑rusuku rwa Isabhaato.”
13Neeya Yeesu ˆnaabhwira omuunu unu okubhoko kwaye kwariga kufuuwe ati, “Gorora okubhoko kwawo.” Omuunu oyo, ˆnaakugorora, awoawo ˆnaawora, nikubha rwa okundi kurya. 14Mbe, Abhafarisaayo nibhawuruka, nibharoma kutyo bhareete Yeesu.
Yeesu niwe omukosi wa emirimu unu asorerwe na Nyamuwanga
15Yeesu ejire aamenya obhutinge bhwa Abhafarisaayo abho, ˆnaasooka awo. Abhaanu bhaafu nibhamuruubha, ˆnaawosya bhoone bhanu bhaariga bharwaye. 16Nawe, ˆnaabhagaanya ati, bhaasiga okubhwira abhaanu ati, omwene niga. 17Kutyo nijikuumira emisango jinu Nyamuwanga ꞉aayikire okutura ku‑muragi Iisaya ati,
18“Ringira, unu niwe omukosi waani unu nisorere.
Unu niwe omwendwa waani unu kaankondisya omwoyo gwani.
Nirimuyaana Mwoyo gwani,
korereki araasye obhuchungusi ku‑bhaanu bha amaanga goone.
19Ataribhambasyanya na abhaanu, noorwo okukora injogere nabho,
ka wone, ataryamura obhuraka imbere ya abhaanu.
20Atarifuna woonewoone unu ataamiibhwe rwa orufunjo runu rwikotere,
noorwo atarisingaarisya woonewoone unu ari yeeyi okufwa rwa orutambi runu orwituuta ingesi,
okukingira omwanya gunu arireeta obhuchungusi, okuyiga ebhibhiibhi bhyone.
21Ka wone, abhaanu bha amaanga goone, bharimwiyikanya omwene era.”#12:21 Ringira Iisaya 42:1‑4.
Yeesu ari na obhuturo okukira Syetaani
(Maariko 3:20‑30; Ruuka 11:14‑23)
22Mbe, abhaanu nibhareetera Yeesu omuunu unu aariga awungirwe risambwa. Omuunu oyo aariga ari muwofu, ka wone ari omujibhi. Yeesu ˆnaamuwosya, ˆnaamba okwayika na okurora rindi. 23Ebhise bhya abhaanu bhanu bhaariga bhari awo nibharuguura muno, nibhaayika ati, “Angu, unu kaatura okubha Omwana wa Dawudi?”#12:23 Omwana wa Dawudi. Ku‑meeresyo amaafu, ringira mu‑Meeresyo inguru ya Emisango Emikomeeye.
24Nawe omwanya gunu Abhafarisaayo ꞉bhoonguuwe ejo, nibhaayika ati, “Omuunu unu, kaasoosya‑ko amasambwa ku‑bhuturo bhwa Bherijebhuuri,#12:24 Bherijebhuuri. Ni siina erindi rya Syetaani. Ku‑meeresyo amaafu, ringira Syetaani mu‑Meeresyo inguru ya Emisango Emikomeeye. omukuru wa amasambwa goone.”
25Yeesu ꞉aamenyere jinu bhaariga nibheeganirisya, kurwa ejo, ˆnaabhabhwira ati, “Araabha abhaanu bha obhukama bhumwi bhakaawukana, obhukama obhwo bhurisimagira. Ka wone, araabha abhaanu bha inda imwi amwi inju imwi bhakaawukana, mbe abhaanu abho bharisigana. 26Nikwo kutyo jiri ati, araabha Syetaani, kaasoosya‑ko Syetaani, obhukama bhwaye obhubha bhusokeene. Obhukama bhwaye obhutura kutiki okugenderera okubha‑wo? 27Mbe! Araabha omwayika ati, anye enisoosya‑ko amasambwa ku‑bhuturo bhwa Bherijebhuuri, mbe, abharuubhirisya bheemwe abhagasoosya‑ko ku‑bhuturo bhwaga? Kurwa ejo, abharuubhirisya bheemwe abheeresya ati, emisango jinu omwayika jitari ja echimari. 28Nawe, araabha anye enisoosya‑ko amasambwa ku‑bhuturo bhwa Mwoyo wa Nyamuwanga, mbe, mumenye ati, obhukama bhwa Nyamuwanga bhwabhakingiiye. 29Atari‑wo omusaakusi unu kaatura okwingira mu‑nju ya omuunu owa amanaga, korereki amusaakure ebhiinu bhyaye, atatangatire okubhoya omuunu owa amanaga oyo, okwamba. Akamara okumubhoya kisi, niwo kaatura okusaakura ebhiinu bhinu bhiri mu‑nju yaaye omwo.
30“Omuunu woonewoone unu atari aamwi na anye, oyo ni musoko waani. Ka wone, woonewoone unu atakukumanya aamwi na anye, oyo ni munyarambusi wa abhaana bha Nyamuwanga. 31Kurwa ejo, enibhabhwira ati, Nyamuwanga arifwira echigongo abhaanu ebhibhiibhi bhyebhwe bhyone, noorwo araabha bhaariga nibhamwifumirisya. Nawe atarifwira echigongo abhaanu bhanu abheefumirisya Mwoyo Mweru. 32Ka wone, Nyamuwanga arifwira echigongo abhaanu bhanu abhanyayika kubhiibhi, anye Omwana wa Omuunu. Nawe atarifwira echigongo abhaanu bhanu abhaayika kubhiibhi Mwoyo Mweru, ku‑mwanya gunu, amwi gunu oguuja.
Abhaanu abhamenyekana ku‑misango jeebhwe
(Ruuka 6:43‑45)
33“Riiti rya ekisi, eritwasya amatwasyo ga ekisi, na riiti ribhiibhi eritwasya amatwasyo amabhiibhi. Owutura okumenya ati, riiti ni rya mbaga ki ku‑matwasyo ganu eritwasya. 34Emwe orwibhuro rwa jinjoka! Omutura kutiki okwayika emisango ja ekisi keenu muri bhabhiibhi? Omuunu kaayika jinu jiijuuye mu‑mwoyo gwaye. 35Omuunu wa ebhikorwa bhya ekisi kaayika ja ekisi okusooka mu‑ja ekisi jinu jiijuuye mu‑mwoyo gwaye. Nawe omuunu omubhiibhi kaayika emisango emibhiibhi jinu jiijuuye mu‑mwoyo gwaye. 36Mbe, enibhabhwira ati, ku‑rusuku rurya rwa indamu, abhaanu bharisoosya obhukumi inguru ya bhuri musango omubhiibhi gunu ꞉bhaayikire. 37Nyamuwanga arikubhara ati, uri murengeresi okuruubhana na emisango jaawo ja ekisi, amwi arikubhara ati, uri mubhiibhi okuruubhana na emisango jaawo emibhiibhi.”
Abhafarisaayo abheenda echibharikisyo okusooka ku‑Yeesu
(Maariko 8:11‑12; Ruuka 11:29‑32)
38Mbe, Abhafarisaayo abharebhe na abheeyigisya bha ebhiraagiro bhya Muusa nibhabhwira Yeesu ati, “Omwiyigisya, echeenda ukore echibharikisyo cha okweresya ati, usookere ku‑Nyamuwanga.”
39Yeesu ˆnaabhabhwira ati, “Emwe muri yimbo ebhiibhi, mutari bheeyikanyibhwa imbere ya Nyamuwanga. Omwenda echibharikisyo, nawe nitaribheeresya echibharikisyo choonechoone. Tari murirora echibharikisyo rwa chirya cha omuragi Yoona era. 40Rwa kutyo Yoona ꞉aabheeye mu‑nda ya iiswi inene siku esatu mu‑ngeta na mu‑mwisi,#12:40 Ringira Yoona 1:17. nikwo kutyo anye wone Omwana wa Omuunu, niribha mu‑fwa jisiku esatu mu‑ngeta na mu‑mwisi.
41“Ku‑rusuku rurya rwa indamu, abhaanu bha mu‑musi gwa Ninaawi bhariimereeguru imbere ya Nyamuwanga, aamwi na abhaanu bha riyimbo rinu. Abhaninaawi abho, bhariramura abhaanu bha riyimbo rinu ati, ni bhakosi bha ebhibhiibhi. Abheene ꞉bhaataaye ebhibhiibhi bhyebhwe, omwanya gunu ꞉bhoonguuwe Yoona ˆnaaraasyaga omusango okusooka ku‑Nyamuwanga.#12:41 Ringira Yoona 3:1‑10. Woori enibhabhwira ati, anu, ari‑wo omuunu omukuru okukira Yoona. 42Ka wone, ku‑rusuku rurya rwa indamu, omugore wa echaaro cha ebhurimbe ariimereeguru imbere ya Nyamuwanga, na ariramura abhaanu bha orwibhuro runu ati, muri bhakosi bha ebhibhiibhi. Omwene oyo, ꞉aasookere mu‑chaaro cha kura muno, korereki aaje oongwe emisango ja obhwengeeso ku‑mukama Seremaani.#12:42 Ringira 1 Abhakama 10:1‑13; 2 Emisango ja Emyanya 9:1‑12. Woori enibhabhwira ati, anu ari‑wo omuunu omukuru okukira Seremaani.”
Ameeyigisyo inguru ya amasambwa
(Ruuka 11:24‑26)
43Yeesu ˆnaagenderera okwayika ati, “Omwanya gunu risambwa erisooka ku‑muunu, eriyengayenga mw‑ibhara niriyenja anu oomire ribhone orubhaara rwa okwisya omwoyo. Nawe rikabhurwa, 44eriyayikira ati, ‘Siga nisubhe mu‑muunu waani unu ꞉naasookere‑mo.’ Rikamukinga‑ko nirisongʼana ati, ari rwa inju inu itari‑mo echiinu, yeereerywe na ichumachumirwe kisi. 45Niwo, erigenda okureeta amasambwa agandi gataanu na gabhiri ganu gari amajabhi muno okukira eryene. Ago goone ageengira na okurama mu‑muunu oyo. Ku‑bhuteero itungwa ya omuunu oyo, eyibha mbiibhi muno okukira kutyo yaariga iri ku‑bhwambiro. Nikwo kutyo jiribha kw‑imwe, emwe abhaanu bha orwibhuro orubhiibhi runu.”
Nyiramwene Yeesu na abhamura bhaabho Yeesu
(Maariko 3:31‑35; Ruuka 8:19‑21)
46Omwanya gunu Yeesu aariga achaayika na echise cha abhaanu abho, abhamura bhaabho Yeesu nibhaaja aamwi na nyiramwene, nibheemereeguru anja, nibhakenaga okusimura nage. 47Mbe, omuunu umwi ˆnaamubhwira ati, “Ringira nyokomwana na abhamura bhaanyu bheemereeguuyu anja, abhakena okusimura na awe.”
48Yeesu ˆnaamusubhya ati, “Maayi niga? Abhamura bhaasu ni bhaaga?” 49Niwo ˆnaasomeeresya abheeyigisibhwa bhaaye, ˆnaayika ati, “Ringira, bhanu nibho bhamaayi na abhamura bhaasu! 50Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”
Currently Selected:
Mataayo 12: jit
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Mataayo 12
12
Yeesu niwe Raatabhugenyi wa orusuku rwa Isabhaato
(Maariko 2:23‑28; Ruuka 6:1‑5)
1Rusuku rumwi, ruri rusuku rwa Isabhaato,#12:1 Isabhaato. Ku‑Bhayawudi ni rusuku rwa okuramya Nyamuwanga na okwisya omwoyo era. Ku‑meeresyo amaafu, ringira mu‑Meeresyo inguru ya Emisango Emikomeeye. Yeesu na abheeyigisibhwa bhaaye, bhaaturaga mu‑masambu ga ingano. Abheeyigisibhwa bhaaye bhejire bhoongwa omweko, nibhaamba okubhutura ebhyangara bhya ingano, nibharya. 2Abhafarisaayo bhejire bhaarora ejo, nibhabhwira Yeesu ati, “Ringira, abheeyigisibhwa bhaawo abhakora jinu ebhiraagiro bhya Muusa bhyariga bhitakubheekirisisya okukora ku‑rusuku rwa Isabhaato!”#12:2 Ringira Okwimuka 20:8‑11, 34:21; Orwichuko rwa Ebhiraagiro 5:12‑15, 23:25.
3Yeesu ˆnaabhasubhya ati, “Angu, muchaariga okusoma mu‑Bhikaame Ebhyeru jinu Dawudi ꞉aakorere, ari aamwi na abheejaabho omwanya gunu ꞉bhoonguuwe omweko?#12:3 Ringira 1 Samweri 21:1‑6. 4Dawudi ꞉eengiiye mw‑iyeema rya Nyamuwanga, neeya omwene na abheejaabho, nibharya emikaate jinu ꞉jaateeywe imbere ya Nyamuwanga. Mutakumenya ati, ꞉bhaariiye emikaate jinu ebhiraagiro bhya Muusa bhyariga bhitakubheekirisisya okurya, tari abhagabhisi era? 5Ka wone, muchaariga okusoma jinu ebhiraagiro bhya Muusa ebhyayika inguru ya abhagabhisi bhanu bhaafurubhendaga mw‑Iyekaru rya Nyamuwanga ku‑rusuku rwa Isabhaato?#12:5 Ringira Obhukumi 28:9‑10. Bhaanyamuraga ebhiraagiro bhya Isabhaato, nawe Nyamuwanga ꞉ataabhabharire ati, bhari na echikayo. 6Enibhabhwira ati, anu ari‑wo omuunu omukuru okukira Riyekaru rya Nyamuwanga. 7Nyamuwanga kaayika mu‑Bhikaame Ebhyeru ati, ‘Eneenda mubhe na echigongo okukira okusoosya echoogo.’#12:7 Ringira Woseya 6:6. Araabha mwakabheeye mumenyere obhugajuro bhwa emisango ejo, mutaakaramuuye abhaanu bhanu bhatakorere echikayo choonechoone. 8Kurwa ejo, anye Omwana wa Omuunu, naanye Raatabhugenyi wa orusuku rwa Isabhaato.”
Yeesu kaawosya omuunu ku‑rusuku rwa Isabhaato
(Maariko 3:1‑6; Ruuka 6:6‑11)
9Yeesu ˆnaasooka awo, ˆneengira mu‑nju ya eriikofyanyo ryebhwe. 10Mu‑nju omwo, aariga ari‑mo omuunu unu okubhoko kwaye kwariga kufuuwe. Ka wone, bhaariga bhari‑mo Abhafarisaayo bhanu bheendaga okuregeeja Yeesu, korereki bhamusitaake. Mbe, nibhamubhuusya ati, “Angu, ebhiraagiro bhya Muusa ebhiikirisya okuwosya omuunu orusuku rwa Isabhaato?”
11Yeesu ˆnaabhabhuusya ati, “Niga mw‑imwe unu inaama yaaye ikagwa mu‑ryobho orusuku rwa Isabhaato, atakutura okuyigwata na okuyisoosya‑mo? 12Utakurora ati, omuunu ni wa obhurambu obhunene muno okukira inaama? Kurwa ejo, ebhiraagiro ebhiikirisya okukora ja ekisi ku‑rusuku rwa Isabhaato.”
13Neeya Yeesu ˆnaabhwira omuunu unu okubhoko kwaye kwariga kufuuwe ati, “Gorora okubhoko kwawo.” Omuunu oyo, ˆnaakugorora, awoawo ˆnaawora, nikubha rwa okundi kurya. 14Mbe, Abhafarisaayo nibhawuruka, nibharoma kutyo bhareete Yeesu.
Yeesu niwe omukosi wa emirimu unu asorerwe na Nyamuwanga
15Yeesu ejire aamenya obhutinge bhwa Abhafarisaayo abho, ˆnaasooka awo. Abhaanu bhaafu nibhamuruubha, ˆnaawosya bhoone bhanu bhaariga bharwaye. 16Nawe, ˆnaabhagaanya ati, bhaasiga okubhwira abhaanu ati, omwene niga. 17Kutyo nijikuumira emisango jinu Nyamuwanga ꞉aayikire okutura ku‑muragi Iisaya ati,
18“Ringira, unu niwe omukosi waani unu nisorere.
Unu niwe omwendwa waani unu kaankondisya omwoyo gwani.
Nirimuyaana Mwoyo gwani,
korereki araasye obhuchungusi ku‑bhaanu bha amaanga goone.
19Ataribhambasyanya na abhaanu, noorwo okukora injogere nabho,
ka wone, ataryamura obhuraka imbere ya abhaanu.
20Atarifuna woonewoone unu ataamiibhwe rwa orufunjo runu rwikotere,
noorwo atarisingaarisya woonewoone unu ari yeeyi okufwa rwa orutambi runu orwituuta ingesi,
okukingira omwanya gunu arireeta obhuchungusi, okuyiga ebhibhiibhi bhyone.
21Ka wone, abhaanu bha amaanga goone, bharimwiyikanya omwene era.”#12:21 Ringira Iisaya 42:1‑4.
Yeesu ari na obhuturo okukira Syetaani
(Maariko 3:20‑30; Ruuka 11:14‑23)
22Mbe, abhaanu nibhareetera Yeesu omuunu unu aariga awungirwe risambwa. Omuunu oyo aariga ari muwofu, ka wone ari omujibhi. Yeesu ˆnaamuwosya, ˆnaamba okwayika na okurora rindi. 23Ebhise bhya abhaanu bhanu bhaariga bhari awo nibharuguura muno, nibhaayika ati, “Angu, unu kaatura okubha Omwana wa Dawudi?”#12:23 Omwana wa Dawudi. Ku‑meeresyo amaafu, ringira mu‑Meeresyo inguru ya Emisango Emikomeeye.
24Nawe omwanya gunu Abhafarisaayo ꞉bhoonguuwe ejo, nibhaayika ati, “Omuunu unu, kaasoosya‑ko amasambwa ku‑bhuturo bhwa Bherijebhuuri,#12:24 Bherijebhuuri. Ni siina erindi rya Syetaani. Ku‑meeresyo amaafu, ringira Syetaani mu‑Meeresyo inguru ya Emisango Emikomeeye. omukuru wa amasambwa goone.”
25Yeesu ꞉aamenyere jinu bhaariga nibheeganirisya, kurwa ejo, ˆnaabhabhwira ati, “Araabha abhaanu bha obhukama bhumwi bhakaawukana, obhukama obhwo bhurisimagira. Ka wone, araabha abhaanu bha inda imwi amwi inju imwi bhakaawukana, mbe abhaanu abho bharisigana. 26Nikwo kutyo jiri ati, araabha Syetaani, kaasoosya‑ko Syetaani, obhukama bhwaye obhubha bhusokeene. Obhukama bhwaye obhutura kutiki okugenderera okubha‑wo? 27Mbe! Araabha omwayika ati, anye enisoosya‑ko amasambwa ku‑bhuturo bhwa Bherijebhuuri, mbe, abharuubhirisya bheemwe abhagasoosya‑ko ku‑bhuturo bhwaga? Kurwa ejo, abharuubhirisya bheemwe abheeresya ati, emisango jinu omwayika jitari ja echimari. 28Nawe, araabha anye enisoosya‑ko amasambwa ku‑bhuturo bhwa Mwoyo wa Nyamuwanga, mbe, mumenye ati, obhukama bhwa Nyamuwanga bhwabhakingiiye. 29Atari‑wo omusaakusi unu kaatura okwingira mu‑nju ya omuunu owa amanaga, korereki amusaakure ebhiinu bhyaye, atatangatire okubhoya omuunu owa amanaga oyo, okwamba. Akamara okumubhoya kisi, niwo kaatura okusaakura ebhiinu bhinu bhiri mu‑nju yaaye omwo.
30“Omuunu woonewoone unu atari aamwi na anye, oyo ni musoko waani. Ka wone, woonewoone unu atakukumanya aamwi na anye, oyo ni munyarambusi wa abhaana bha Nyamuwanga. 31Kurwa ejo, enibhabhwira ati, Nyamuwanga arifwira echigongo abhaanu ebhibhiibhi bhyebhwe bhyone, noorwo araabha bhaariga nibhamwifumirisya. Nawe atarifwira echigongo abhaanu bhanu abheefumirisya Mwoyo Mweru. 32Ka wone, Nyamuwanga arifwira echigongo abhaanu bhanu abhanyayika kubhiibhi, anye Omwana wa Omuunu. Nawe atarifwira echigongo abhaanu bhanu abhaayika kubhiibhi Mwoyo Mweru, ku‑mwanya gunu, amwi gunu oguuja.
Abhaanu abhamenyekana ku‑misango jeebhwe
(Ruuka 6:43‑45)
33“Riiti rya ekisi, eritwasya amatwasyo ga ekisi, na riiti ribhiibhi eritwasya amatwasyo amabhiibhi. Owutura okumenya ati, riiti ni rya mbaga ki ku‑matwasyo ganu eritwasya. 34Emwe orwibhuro rwa jinjoka! Omutura kutiki okwayika emisango ja ekisi keenu muri bhabhiibhi? Omuunu kaayika jinu jiijuuye mu‑mwoyo gwaye. 35Omuunu wa ebhikorwa bhya ekisi kaayika ja ekisi okusooka mu‑ja ekisi jinu jiijuuye mu‑mwoyo gwaye. Nawe omuunu omubhiibhi kaayika emisango emibhiibhi jinu jiijuuye mu‑mwoyo gwaye. 36Mbe, enibhabhwira ati, ku‑rusuku rurya rwa indamu, abhaanu bharisoosya obhukumi inguru ya bhuri musango omubhiibhi gunu ꞉bhaayikire. 37Nyamuwanga arikubhara ati, uri murengeresi okuruubhana na emisango jaawo ja ekisi, amwi arikubhara ati, uri mubhiibhi okuruubhana na emisango jaawo emibhiibhi.”
Abhafarisaayo abheenda echibharikisyo okusooka ku‑Yeesu
(Maariko 8:11‑12; Ruuka 11:29‑32)
38Mbe, Abhafarisaayo abharebhe na abheeyigisya bha ebhiraagiro bhya Muusa nibhabhwira Yeesu ati, “Omwiyigisya, echeenda ukore echibharikisyo cha okweresya ati, usookere ku‑Nyamuwanga.”
39Yeesu ˆnaabhabhwira ati, “Emwe muri yimbo ebhiibhi, mutari bheeyikanyibhwa imbere ya Nyamuwanga. Omwenda echibharikisyo, nawe nitaribheeresya echibharikisyo choonechoone. Tari murirora echibharikisyo rwa chirya cha omuragi Yoona era. 40Rwa kutyo Yoona ꞉aabheeye mu‑nda ya iiswi inene siku esatu mu‑ngeta na mu‑mwisi,#12:40 Ringira Yoona 1:17. nikwo kutyo anye wone Omwana wa Omuunu, niribha mu‑fwa jisiku esatu mu‑ngeta na mu‑mwisi.
41“Ku‑rusuku rurya rwa indamu, abhaanu bha mu‑musi gwa Ninaawi bhariimereeguru imbere ya Nyamuwanga, aamwi na abhaanu bha riyimbo rinu. Abhaninaawi abho, bhariramura abhaanu bha riyimbo rinu ati, ni bhakosi bha ebhibhiibhi. Abheene ꞉bhaataaye ebhibhiibhi bhyebhwe, omwanya gunu ꞉bhoonguuwe Yoona ˆnaaraasyaga omusango okusooka ku‑Nyamuwanga.#12:41 Ringira Yoona 3:1‑10. Woori enibhabhwira ati, anu, ari‑wo omuunu omukuru okukira Yoona. 42Ka wone, ku‑rusuku rurya rwa indamu, omugore wa echaaro cha ebhurimbe ariimereeguru imbere ya Nyamuwanga, na ariramura abhaanu bha orwibhuro runu ati, muri bhakosi bha ebhibhiibhi. Omwene oyo, ꞉aasookere mu‑chaaro cha kura muno, korereki aaje oongwe emisango ja obhwengeeso ku‑mukama Seremaani.#12:42 Ringira 1 Abhakama 10:1‑13; 2 Emisango ja Emyanya 9:1‑12. Woori enibhabhwira ati, anu ari‑wo omuunu omukuru okukira Seremaani.”
Ameeyigisyo inguru ya amasambwa
(Ruuka 11:24‑26)
43Yeesu ˆnaagenderera okwayika ati, “Omwanya gunu risambwa erisooka ku‑muunu, eriyengayenga mw‑ibhara niriyenja anu oomire ribhone orubhaara rwa okwisya omwoyo. Nawe rikabhurwa, 44eriyayikira ati, ‘Siga nisubhe mu‑muunu waani unu ꞉naasookere‑mo.’ Rikamukinga‑ko nirisongʼana ati, ari rwa inju inu itari‑mo echiinu, yeereerywe na ichumachumirwe kisi. 45Niwo, erigenda okureeta amasambwa agandi gataanu na gabhiri ganu gari amajabhi muno okukira eryene. Ago goone ageengira na okurama mu‑muunu oyo. Ku‑bhuteero itungwa ya omuunu oyo, eyibha mbiibhi muno okukira kutyo yaariga iri ku‑bhwambiro. Nikwo kutyo jiribha kw‑imwe, emwe abhaanu bha orwibhuro orubhiibhi runu.”
Nyiramwene Yeesu na abhamura bhaabho Yeesu
(Maariko 3:31‑35; Ruuka 8:19‑21)
46Omwanya gunu Yeesu aariga achaayika na echise cha abhaanu abho, abhamura bhaabho Yeesu nibhaaja aamwi na nyiramwene, nibheemereeguru anja, nibhakenaga okusimura nage. 47Mbe, omuunu umwi ˆnaamubhwira ati, “Ringira nyokomwana na abhamura bhaanyu bheemereeguuyu anja, abhakena okusimura na awe.”
48Yeesu ˆnaamusubhya ati, “Maayi niga? Abhamura bhaasu ni bhaaga?” 49Niwo ˆnaasomeeresya abheeyigisibhwa bhaaye, ˆnaayika ati, “Ringira, bhanu nibho bhamaayi na abhamura bhaasu! 50Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.