Mataayo 13
13
Echijekekanyo cha omubhibhi wa jimbibho
(Maariko 4:1‑9; Ruuka 8:4‑8)
1Orusuku orwoorwo, Yeesu ˆnaawuruka mu‑nju omwo, ˆnaagenda okwinyanja ku‑njekekera ya inyanja. 2Ebhise bhyafu bhya abhaanu nibhiija, nibhiikofyanya anu Yeesu aariga ari. Neeya, ˆnaariinya mu‑ngama, ˆneenyanja omwo, abhaanu bheemereeguuyuga ku‑njekekera ya inyanja eyo. 3Mbe, Yeesu ˆnaabhabhwira emisango myafu ku‑bhijekekanyo, ˆnaayikaga ati, “Mutegeresye, aariga ari‑wo omubhibhi umwi unu ꞉aagendere okubhibha jimbibho mw‑isambu ryaye. 4Omwanya gunu aabhibhaga, ejindi ꞉jaaguuwe ku‑njira, nijiriibhwa na jinyonyi. 5Jimbibho ejindi nijigwa ku‑rutare runu amayaru gaariga gatari maafu. Jimbibho ejo, nijiiraabha okumera, kwa okubha amayaru gaariga gari matooto era. 6Nawe omuumwi gwejire gwaka, nijiwotoka na okuuma, kwa okubha emisi jaariga jiri ingurunguru era. 7Jimbibho ejindi nijigwa mu‑mawa. Amawa ago gejire gaakura, nigajiyiganya, ku‑bhuteero nijifwa. 8Jimbibho ejindi nijigwa mu‑mayaru ga ekisi. Jimbibho ejo jejire jaakura, ejindi nijitwasya amatwasyo egana rimwi, ejindi nijitwasya amatwasyo makumi gataanu na rimwi na ejindi nijitwasya amatwasyo makumi gasatu. 9Unu kaategeresya, noongwe!”
Isonga ya Yeesu okwiyigisya ku‑bhijekekanyo
(Maariko 4:10‑12; Ruuka 8:9‑10)
10Abheeyigisibhwa bha Yeesu, nibhamuuja‑ko, nibhamubhuusya ati, “Ni kurwa ki owaayika na abhaanu ku‑bhijekekanyo?” 11ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa. 12Omuunu woonewoone unu kaasombookerwa emisango ejo, Nyamuwanga arimuyaana obhuturo bhwafu bhwa okujisombookerwa. Nawe omuunu woonewoone unu atakusombookerwa, Nyamuwanga arimuteesya noorwo obhuturo bhutooto bhwa okujisombookerwa. 13Mbe, ku‑songa eyo, enaayika nabho ku‑bhijekekanyo. Abharingira jinu enikora, nawe bhatakujisombookerwa. Ka wone, abhategeresya jinu enaayika, nawe bhatakujisombookerwa. 14Ejo ejikorekena korereki jikuumire jinu omuragi Iisaya ꞉aakaamire inguru yeebhwe ati,
‘Okuungwa muryungwa, nawe mutarisombookerwa.
Okuringira muriringira, nawe mutarisombookerwa.
15Jiribha kutyo, kwa okubha emyoyo ja abhaanu bhanu jikomeeye,
amatwi geebhwe gari na jisibhirira,
ameeso geebhwe bhagawongeresiisye.
Bhatakwenda ameeso geebhwe garore,
noorwo amatwi geebhwe goongwe,
amwi ati, emyoyo jeebhwe jisombookerwe,
bhaasiga okunyindukira
nimbachungura.’#13:15 Ringira Iisaya 6:9‑10.”
16Niwo Yeesu ˆnaabhwira abheeyigisibhwa bhaaye ati, “Muri na ribhando emwe, kwa okubha ameeso geemwe agarora, na amatwi geemwe agoongwa. 17Ni chimari enibhabhwira ati, abharagi na abharengeresi abhandi bhaafu, bheendaga okurora jinu emwe omurora, nawe ꞉bhataajirorere. Bheendaga okuungwa jinu emwe omuungwa, nawe ꞉bhataajuunguuwe.
Obhugajuro bhwa echijekekanyo cha omubhibhi wa jimbibho
(Maariko 4:13‑20; Ruuka 8:11‑15)
18“Mbe emwe, mutegeresye obhugajuro bhwa echijekekanyo cha omubhibhi wa jimbibho. 19Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye. 20Jimbibho jinu ꞉jaaguuwe ku‑rutare, jiri rwa omuunu unu koongwa emisango inguru ya obhukama bhwa mu‑rwire, awoawo ˆnaajiikirisya kwa rikonderwa. 21Nawe, kaagayuka emisango ejo katungu katooto era, kwa okubha eriikirisya ryaye ryariga riri rya ingurunguru era. Mbe, araabha ebhinyaasyo amwi amaregeejo gaakamubhona ku‑songa ya emisango inguru ya obhukama bhwa mu‑rwire, awoawo kaasiga eriikirisya eryo. 22Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye. 23Nawe jimbibho jinu ꞉jaaguuwe mu‑mayaru ga ekisi, jiri rwa omuunu unu koongwa emisango inguru ya obhukama bhwa mu‑rwire na okujisombookerwa. Omuunu oyo, niwe kaabha na amatwasyo mu‑bhurame bhwaye. Jimbibho ejindi ejitwasya amatwasyo egana rimwi, ejindi makumi gataanu na rimwi na ejindi makumi gasatu.”
Echijekekanyo cha amagorogoro
24Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa omuunu unu ꞉aabhibhire jimbibho ja ekisi mw‑isambu ryaye. 25Nawe omwanya gunu abhaanu ꞉bhaawongeeye, omusoko waaye ˆnaaja, ˆnaabhibha amagorogoro mu‑ngano, ˆnaamara ˆnaasooka‑wo. 26Omwanya gunu ingano eyo, ꞉yaamerere na okwanurira, niwo amagorogoro ago, wone nigabhonekana. 27Abhagaya bha omwene esambu nibhamuuja‑ko, nibhamubhuusya ati, ‘Mwami, chimenyere ati, ꞉waabhibhire jimbibho ja ekisi mw‑isambu ryawo. Woori, amagorogoro ganu gaasokerera aaki?’ 28Omwene, ˆnaabhasubhya ati, ‘Omusoko niwe akorere kutyo.’ Abhagaya bhaaye nibhamubhuusya rindi ati, ‘Owukena chigende okwiya amagorogoro ago?’ 29Omwene ˆnaabhasubhya rindi ati, ‘Wuri, mwasiga okugeeya, kwa okubha araabha mukeeya amagorogoro, omutura okwiya na ingano. 30Musige bhikure bhyone, okukingira omwanya gwa okugesa. Ku‑mwanya ogwo, niribhwira abhagesi ati, bhatangate okukumanya amagorogoro na okugabhoya masekomaseko, korereki bhagooche. Niwo bharigesa ingano na okuyibhiika mu‑chitara chaani.’”
Echijekekanyo cha akaro ka iyaradaari
(Maariko 4:30‑32; Ruuka 13:18‑19)
31Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa akaro ka iyaradaari kanu omuunu ꞉aagegere na okukayamba mw‑isambu ryaye. 32Akaro ako, ni katooto muno okukira obhuro obhundi bhwone. Nawe kakamera, akabha kanene muno okukira ebhiimesya ebhindi bhyone. Akafuuka na okubha eti nene muno noorwo jinyonyi ejiija na okuumbaka amooswi gaajo ku‑matabhi gaako.”
Echijekekanyo cha echifwimbya
(Ruuka 13:20‑21)
33Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa echifwimbya chinu omugasi kaagega na okusaasya mu‑syano ja ingano, ˆnaajituura mu‑madebhe gasatu. Echifwimbya echo, nichireterera jisyano joone okufwimba.”
Isonga eyindi ya Yeesu okwiyigisya ku‑bhijekekanyo
(Maariko 4:33‑34)
34Yeesu eeyigisyaga ebhise bhya abhaanu ameeyigisyo ago, ku‑bhijekekanyo. Gutari‑wo gwonegwone gunu ꞉eeyigisiisye atasoosiisye echijekekanyo wuri. 35Ejo ꞉jaakorekeene kutyo, korereki gukuumire omusango gunu Nyamuwanga ꞉aayikire ku‑njira ya omuragi waaye ati,
“Niryayika na abhaanu ku‑bhijekekanyo.
Niribhabhwira emisango jinu jiri ja imbisike okwambira okubhumbwa kwa echaaro.”#13:35 Ringira Ijabhuri 78:2.
Obhugajuro bhwa echijekekanyo cha amagorogoro
36Mbe, Yeesu ˆnaaraga ebhise bhya abhaanu, ˆneengira mu‑nju. Abheeyigisibhwa bhaaye nibhamuuja‑ko nibhamubhwira ati, “Chisomboorere obhugajuro bhwa echijekekanyo chirya cha amagorogoro ganu gaariga gari mw‑isambu.”
37Yeesu ˆnaabhabhwira ati, “Omuunu unu ꞉aabhibhire jimbibho ja ekisi, naanye Omwana wa Omuunu. 38Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani. 39Omusoko unu ꞉eejire okubhibha amagorogoro ni Syetaani omwene. Omwanya gwa okugesa ni bhuteero bhwa echaaro chinu, na abhagesi ni bhamaraayika bha Nyamuwanga.
40“Mbe, rwa kutyo amagorogoro ageeywa na okwochiibhwa mu‑muriro, nikwo kutyo jiribha orusuku rwa obhuteero bhwa echaaro chinu. 41Anye Omwana wa Omuunu, nirituma bhamaraayika bhaani, korereki bhakumanye okusooka mu‑bhukama bhwani, abhakosi bha ebhibhiibhi bhoone na abhaanu bhoone bhanu ꞉bhaaretereeye abheejaabho okukora ebhibhiibhi. 42Bhamaraayika abho, bharyesa abhaanu abhajabhi bhoone mu‑nyanja ya omuriro. Omwo nimwo bhaririraga na okuguguna ameeno. 43Niwo abharengeresi imbere ya Nyamuwanga, bharingʼarabhyaga rwa risuubha mu‑bhukama bhwa Esemwene. Unu kaategeresya, noongwe!”
Echijekekanyo cha echiinu cha obhugusi obhurambu
44Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa echiinu cha obhugusi obhurambu, chinu chaariga chibhisirwe mw‑isambu. Rusuku rumwi, omuunu umwi ejire aachisongʼana, wone ˆnaachibhisa. Mbe ˆnaakonderwa muno, ˆnaagenda okugusya ebhiinu bhyone bhinu aariga ari nabhyo, ˆnaagura risambu eryo.
45“Ka wone, obhukama bhwa mu‑rwire bhuri rwa omukaani umwi wa ebhiinu unu ꞉aagendere okuyenja iruuru ya ekisi. 46Ejire aabhona iruuru imwi ya obhugusi obhurambu muno, ˆnaagenda okugusya ebhiinu bhyone bhinu aariga ari nabhyo, ˆnaayigura.”
Echijekekanyo cha rikokooro
47Yeesu ˆnaabhabhwira rindi echijekekanyo echindi, ˆnaayika ati, “Ka wone, obhukama bhwa mu‑rwire bhuri rwa rikokooro rinu abhakokoosi bheesere mu‑nyanja, nirikoma jiiswi ja bhuri mbaga. 48Ryejire ryejura jiiswi, abhakokoosi nibharikururira ku‑njekekera. Niwo, nibheenyanja aasi, nibhatuura jiiswi ja ekisi, mu‑bhitukuru. Nawe jiiswi jimbiibhi, nibhajeesa. 49Nikwo kutyo jiribha ku‑rusuku rwa obhuteero bhwa echaaro chinu. Bhamaraayika bhariija na okwawura abhakosi bha ebhibhiibhi na abhaanu abharengeresi imbere ya Nyamuwanga. 50Niwo bharyesa abhakosi bha ebhibhiibhi mu‑nyanja ya omuriro. Omwo nimwo bhaririraga na okuguguna ameeno.”
Ameeyigisyo amayaaya na aga kara
51Yeesu ˆnaabhuusya abheeyigisibhwa bhaaye ati, “Angu, mwasombookerwa joone jinu naabhabhwira?” Abheene nibhamusubhya ati, “Yee, chajisombookerwa.” 52Omwene ˆnaabhabhwira ati, “Omwiyigisya woonewoone unu kaasombookerwa ebhiraagiro bhya Muusa na obhukama bhwa mu‑rwire, ari rwa omwene musi unu kaasoosya mw‑ibhiikiro ryaye ebhiinu ebhiyaaya na ebhikokoro.”
Abhanajareeti abharema okwikirisya Yeesu
(Maariko 6:1‑6; Ruuka 4:16‑30)
53Yeesu ejire aamara okubhabhwira ebhijekekanyo ebhyo, ˆnaasooka‑wo. 54Ejire aakinga Najareeti mu‑musi gwa ewaabho, ˆnaamba okwiyigisya abhaanu mu‑nju ya eriikofyanyo ryebhwe. Abhaanu nibharuguura muno, nibhabhuusyanya ati, “Omuunu unu abhwene aaki obhwengeeso bhunu? Ka wone, abhwene aaki obhuturo bhwa okukora ebhiruguusyo bhinu? 55Unu atari mwana wa omubhuya urya? Nyiramwene atari unu kaatogwa Maryamu? Abhatooto bhaaye bhatari Yakobho, Jejefu, Simooni na Yuuda? 56Abhayara bhaabho bhoone bhatari bhanu chiikaaye nabho anu? Mbe, abhwene aaki emisango joone jinu?”
57Abhaanu abho, nibhamubhiyirirwa, nibharema okumwikirisya. Niwo Yeesu ˆnaabhabhwira ati, “Abhaanu abhayaana echibharo omuragi, tari abhaanu bha mu‑musi gwabho amwi na bha iika ewaaye nibho bhatakumuyaana echibharo chaaye.” 58Mbe, Yeesu ꞉ataakorere ebhiruguusyo bhyafu eyo, kwa okubha abhaanu abho, ꞉bhataamwikirisiisye.
Currently Selected:
Mataayo 13: jit
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Mataayo 13
13
Echijekekanyo cha omubhibhi wa jimbibho
(Maariko 4:1‑9; Ruuka 8:4‑8)
1Orusuku orwoorwo, Yeesu ˆnaawuruka mu‑nju omwo, ˆnaagenda okwinyanja ku‑njekekera ya inyanja. 2Ebhise bhyafu bhya abhaanu nibhiija, nibhiikofyanya anu Yeesu aariga ari. Neeya, ˆnaariinya mu‑ngama, ˆneenyanja omwo, abhaanu bheemereeguuyuga ku‑njekekera ya inyanja eyo. 3Mbe, Yeesu ˆnaabhabhwira emisango myafu ku‑bhijekekanyo, ˆnaayikaga ati, “Mutegeresye, aariga ari‑wo omubhibhi umwi unu ꞉aagendere okubhibha jimbibho mw‑isambu ryaye. 4Omwanya gunu aabhibhaga, ejindi ꞉jaaguuwe ku‑njira, nijiriibhwa na jinyonyi. 5Jimbibho ejindi nijigwa ku‑rutare runu amayaru gaariga gatari maafu. Jimbibho ejo, nijiiraabha okumera, kwa okubha amayaru gaariga gari matooto era. 6Nawe omuumwi gwejire gwaka, nijiwotoka na okuuma, kwa okubha emisi jaariga jiri ingurunguru era. 7Jimbibho ejindi nijigwa mu‑mawa. Amawa ago gejire gaakura, nigajiyiganya, ku‑bhuteero nijifwa. 8Jimbibho ejindi nijigwa mu‑mayaru ga ekisi. Jimbibho ejo jejire jaakura, ejindi nijitwasya amatwasyo egana rimwi, ejindi nijitwasya amatwasyo makumi gataanu na rimwi na ejindi nijitwasya amatwasyo makumi gasatu. 9Unu kaategeresya, noongwe!”
Isonga ya Yeesu okwiyigisya ku‑bhijekekanyo
(Maariko 4:10‑12; Ruuka 8:9‑10)
10Abheeyigisibhwa bha Yeesu, nibhamuuja‑ko, nibhamubhuusya ati, “Ni kurwa ki owaayika na abhaanu ku‑bhijekekanyo?” 11ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa. 12Omuunu woonewoone unu kaasombookerwa emisango ejo, Nyamuwanga arimuyaana obhuturo bhwafu bhwa okujisombookerwa. Nawe omuunu woonewoone unu atakusombookerwa, Nyamuwanga arimuteesya noorwo obhuturo bhutooto bhwa okujisombookerwa. 13Mbe, ku‑songa eyo, enaayika nabho ku‑bhijekekanyo. Abharingira jinu enikora, nawe bhatakujisombookerwa. Ka wone, abhategeresya jinu enaayika, nawe bhatakujisombookerwa. 14Ejo ejikorekena korereki jikuumire jinu omuragi Iisaya ꞉aakaamire inguru yeebhwe ati,
‘Okuungwa muryungwa, nawe mutarisombookerwa.
Okuringira muriringira, nawe mutarisombookerwa.
15Jiribha kutyo, kwa okubha emyoyo ja abhaanu bhanu jikomeeye,
amatwi geebhwe gari na jisibhirira,
ameeso geebhwe bhagawongeresiisye.
Bhatakwenda ameeso geebhwe garore,
noorwo amatwi geebhwe goongwe,
amwi ati, emyoyo jeebhwe jisombookerwe,
bhaasiga okunyindukira
nimbachungura.’#13:15 Ringira Iisaya 6:9‑10.”
16Niwo Yeesu ˆnaabhwira abheeyigisibhwa bhaaye ati, “Muri na ribhando emwe, kwa okubha ameeso geemwe agarora, na amatwi geemwe agoongwa. 17Ni chimari enibhabhwira ati, abharagi na abharengeresi abhandi bhaafu, bheendaga okurora jinu emwe omurora, nawe ꞉bhataajirorere. Bheendaga okuungwa jinu emwe omuungwa, nawe ꞉bhataajuunguuwe.
Obhugajuro bhwa echijekekanyo cha omubhibhi wa jimbibho
(Maariko 4:13‑20; Ruuka 8:11‑15)
18“Mbe emwe, mutegeresye obhugajuro bhwa echijekekanyo cha omubhibhi wa jimbibho. 19Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye. 20Jimbibho jinu ꞉jaaguuwe ku‑rutare, jiri rwa omuunu unu koongwa emisango inguru ya obhukama bhwa mu‑rwire, awoawo ˆnaajiikirisya kwa rikonderwa. 21Nawe, kaagayuka emisango ejo katungu katooto era, kwa okubha eriikirisya ryaye ryariga riri rya ingurunguru era. Mbe, araabha ebhinyaasyo amwi amaregeejo gaakamubhona ku‑songa ya emisango inguru ya obhukama bhwa mu‑rwire, awoawo kaasiga eriikirisya eryo. 22Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye. 23Nawe jimbibho jinu ꞉jaaguuwe mu‑mayaru ga ekisi, jiri rwa omuunu unu koongwa emisango inguru ya obhukama bhwa mu‑rwire na okujisombookerwa. Omuunu oyo, niwe kaabha na amatwasyo mu‑bhurame bhwaye. Jimbibho ejindi ejitwasya amatwasyo egana rimwi, ejindi makumi gataanu na rimwi na ejindi makumi gasatu.”
Echijekekanyo cha amagorogoro
24Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa omuunu unu ꞉aabhibhire jimbibho ja ekisi mw‑isambu ryaye. 25Nawe omwanya gunu abhaanu ꞉bhaawongeeye, omusoko waaye ˆnaaja, ˆnaabhibha amagorogoro mu‑ngano, ˆnaamara ˆnaasooka‑wo. 26Omwanya gunu ingano eyo, ꞉yaamerere na okwanurira, niwo amagorogoro ago, wone nigabhonekana. 27Abhagaya bha omwene esambu nibhamuuja‑ko, nibhamubhuusya ati, ‘Mwami, chimenyere ati, ꞉waabhibhire jimbibho ja ekisi mw‑isambu ryawo. Woori, amagorogoro ganu gaasokerera aaki?’ 28Omwene, ˆnaabhasubhya ati, ‘Omusoko niwe akorere kutyo.’ Abhagaya bhaaye nibhamubhuusya rindi ati, ‘Owukena chigende okwiya amagorogoro ago?’ 29Omwene ˆnaabhasubhya rindi ati, ‘Wuri, mwasiga okugeeya, kwa okubha araabha mukeeya amagorogoro, omutura okwiya na ingano. 30Musige bhikure bhyone, okukingira omwanya gwa okugesa. Ku‑mwanya ogwo, niribhwira abhagesi ati, bhatangate okukumanya amagorogoro na okugabhoya masekomaseko, korereki bhagooche. Niwo bharigesa ingano na okuyibhiika mu‑chitara chaani.’”
Echijekekanyo cha akaro ka iyaradaari
(Maariko 4:30‑32; Ruuka 13:18‑19)
31Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa akaro ka iyaradaari kanu omuunu ꞉aagegere na okukayamba mw‑isambu ryaye. 32Akaro ako, ni katooto muno okukira obhuro obhundi bhwone. Nawe kakamera, akabha kanene muno okukira ebhiimesya ebhindi bhyone. Akafuuka na okubha eti nene muno noorwo jinyonyi ejiija na okuumbaka amooswi gaajo ku‑matabhi gaako.”
Echijekekanyo cha echifwimbya
(Ruuka 13:20‑21)
33Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa echifwimbya chinu omugasi kaagega na okusaasya mu‑syano ja ingano, ˆnaajituura mu‑madebhe gasatu. Echifwimbya echo, nichireterera jisyano joone okufwimba.”
Isonga eyindi ya Yeesu okwiyigisya ku‑bhijekekanyo
(Maariko 4:33‑34)
34Yeesu eeyigisyaga ebhise bhya abhaanu ameeyigisyo ago, ku‑bhijekekanyo. Gutari‑wo gwonegwone gunu ꞉eeyigisiisye atasoosiisye echijekekanyo wuri. 35Ejo ꞉jaakorekeene kutyo, korereki gukuumire omusango gunu Nyamuwanga ꞉aayikire ku‑njira ya omuragi waaye ati,
“Niryayika na abhaanu ku‑bhijekekanyo.
Niribhabhwira emisango jinu jiri ja imbisike okwambira okubhumbwa kwa echaaro.”#13:35 Ringira Ijabhuri 78:2.
Obhugajuro bhwa echijekekanyo cha amagorogoro
36Mbe, Yeesu ˆnaaraga ebhise bhya abhaanu, ˆneengira mu‑nju. Abheeyigisibhwa bhaaye nibhamuuja‑ko nibhamubhwira ati, “Chisomboorere obhugajuro bhwa echijekekanyo chirya cha amagorogoro ganu gaariga gari mw‑isambu.”
37Yeesu ˆnaabhabhwira ati, “Omuunu unu ꞉aabhibhire jimbibho ja ekisi, naanye Omwana wa Omuunu. 38Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani. 39Omusoko unu ꞉eejire okubhibha amagorogoro ni Syetaani omwene. Omwanya gwa okugesa ni bhuteero bhwa echaaro chinu, na abhagesi ni bhamaraayika bha Nyamuwanga.
40“Mbe, rwa kutyo amagorogoro ageeywa na okwochiibhwa mu‑muriro, nikwo kutyo jiribha orusuku rwa obhuteero bhwa echaaro chinu. 41Anye Omwana wa Omuunu, nirituma bhamaraayika bhaani, korereki bhakumanye okusooka mu‑bhukama bhwani, abhakosi bha ebhibhiibhi bhoone na abhaanu bhoone bhanu ꞉bhaaretereeye abheejaabho okukora ebhibhiibhi. 42Bhamaraayika abho, bharyesa abhaanu abhajabhi bhoone mu‑nyanja ya omuriro. Omwo nimwo bhaririraga na okuguguna ameeno. 43Niwo abharengeresi imbere ya Nyamuwanga, bharingʼarabhyaga rwa risuubha mu‑bhukama bhwa Esemwene. Unu kaategeresya, noongwe!”
Echijekekanyo cha echiinu cha obhugusi obhurambu
44Yeesu ˆnaabhabhwira rindi echijekekanyo echindi, ˆnaayika ati, “Obhukama bhwa mu‑rwire bhuri rwa echiinu cha obhugusi obhurambu, chinu chaariga chibhisirwe mw‑isambu. Rusuku rumwi, omuunu umwi ejire aachisongʼana, wone ˆnaachibhisa. Mbe ˆnaakonderwa muno, ˆnaagenda okugusya ebhiinu bhyone bhinu aariga ari nabhyo, ˆnaagura risambu eryo.
45“Ka wone, obhukama bhwa mu‑rwire bhuri rwa omukaani umwi wa ebhiinu unu ꞉aagendere okuyenja iruuru ya ekisi. 46Ejire aabhona iruuru imwi ya obhugusi obhurambu muno, ˆnaagenda okugusya ebhiinu bhyone bhinu aariga ari nabhyo, ˆnaayigura.”
Echijekekanyo cha rikokooro
47Yeesu ˆnaabhabhwira rindi echijekekanyo echindi, ˆnaayika ati, “Ka wone, obhukama bhwa mu‑rwire bhuri rwa rikokooro rinu abhakokoosi bheesere mu‑nyanja, nirikoma jiiswi ja bhuri mbaga. 48Ryejire ryejura jiiswi, abhakokoosi nibharikururira ku‑njekekera. Niwo, nibheenyanja aasi, nibhatuura jiiswi ja ekisi, mu‑bhitukuru. Nawe jiiswi jimbiibhi, nibhajeesa. 49Nikwo kutyo jiribha ku‑rusuku rwa obhuteero bhwa echaaro chinu. Bhamaraayika bhariija na okwawura abhakosi bha ebhibhiibhi na abhaanu abharengeresi imbere ya Nyamuwanga. 50Niwo bharyesa abhakosi bha ebhibhiibhi mu‑nyanja ya omuriro. Omwo nimwo bhaririraga na okuguguna ameeno.”
Ameeyigisyo amayaaya na aga kara
51Yeesu ˆnaabhuusya abheeyigisibhwa bhaaye ati, “Angu, mwasombookerwa joone jinu naabhabhwira?” Abheene nibhamusubhya ati, “Yee, chajisombookerwa.” 52Omwene ˆnaabhabhwira ati, “Omwiyigisya woonewoone unu kaasombookerwa ebhiraagiro bhya Muusa na obhukama bhwa mu‑rwire, ari rwa omwene musi unu kaasoosya mw‑ibhiikiro ryaye ebhiinu ebhiyaaya na ebhikokoro.”
Abhanajareeti abharema okwikirisya Yeesu
(Maariko 6:1‑6; Ruuka 4:16‑30)
53Yeesu ejire aamara okubhabhwira ebhijekekanyo ebhyo, ˆnaasooka‑wo. 54Ejire aakinga Najareeti mu‑musi gwa ewaabho, ˆnaamba okwiyigisya abhaanu mu‑nju ya eriikofyanyo ryebhwe. Abhaanu nibharuguura muno, nibhabhuusyanya ati, “Omuunu unu abhwene aaki obhwengeeso bhunu? Ka wone, abhwene aaki obhuturo bhwa okukora ebhiruguusyo bhinu? 55Unu atari mwana wa omubhuya urya? Nyiramwene atari unu kaatogwa Maryamu? Abhatooto bhaaye bhatari Yakobho, Jejefu, Simooni na Yuuda? 56Abhayara bhaabho bhoone bhatari bhanu chiikaaye nabho anu? Mbe, abhwene aaki emisango joone jinu?”
57Abhaanu abho, nibhamubhiyirirwa, nibharema okumwikirisya. Niwo Yeesu ˆnaabhabhwira ati, “Abhaanu abhayaana echibharo omuragi, tari abhaanu bha mu‑musi gwabho amwi na bha iika ewaaye nibho bhatakumuyaana echibharo chaaye.” 58Mbe, Yeesu ꞉ataakorere ebhiruguusyo bhyafu eyo, kwa okubha abhaanu abho, ꞉bhataamwikirisiisye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.