ཡུ་ཧན་ན། 18
18
ཡི་ཤུ་ཙུང་མ༌ལ།
1ཡི་ཤུ་གི་ སྨོན་ལམ་ཏབ་ཉི་ཆུམ་དེན་གེ་ རོ་ཀ་སློ་མ་བ་ཀབ་ཉི་ ཀི་དྲོན་དག་ཁཱན་ དུ་ཝང་ཁེ་པ་གོག་ཉི་བྱོན་མ༌ལ། ཉི་རོ་ཀ་སློ་མ་བ་ཀབ་ཉི་ ཨོ་ཉ་ས་ཆ་ག་ཆོ་ཁཱན་ ལྡུམ་ར་ནང་ཀ་བྱོན་མ༌ལ། 2ཉི་རོ་ཀ་མགུ་སྐོར་ཕི་ཁཱན་ ཡ་ཧུ་ད་གི་ ཨོ་ཉ་ས་ཆ་ཁེ་པ་ ལེག་པུ་ཨ་ཉི་རང་ སེ་ཝ་ཅ་གི་ཝ༌ལ། ཧང་ཡ་དག་ནེ་ལ་ ཡི་ཤུ་གི་ རོ་ཀ་སློ་མ་བ་རིག་བུ་ཉི་ ཤེབ་མང་པུ་ཐུར་ ཨོ་ཉ་ས་ཆ་ག་བྱོན་མ་ཆོ་ཝ༌ལ། 3ཉི་བླ་མ་ཆི་ལུ་བ་དང་ ཕ་རི་སི་པ་བ་ཀི་ཀུན་ཏི་ཁཱན་ དམག་མི་མང་པུ་ཐུར་དང་ མཆོད་ཁང་ཁུང་ཁཱན་ སྲུང་རྒྱབ་པ་བ་རིག་ཕ་ཉི་ ཡ་ཧུ་ད་ ཨོ་ཉ་ལྡུམ་ར་ག་ ཤེག་པ༌ལ། ཉི་རོག་ཏེ་བ་ཀི་ མི་བོར་བ་དང་ལ་ཝང་བ་ ཉི་མཚོན་ཆ་བ་བུ་ མེན་མ་ཆོ་ཝ༌ལ།
4རོ་ཀ་ཏཱན་ ཧང་ཇུང་མེ་གི་ལ་སྨོ་ ཨོ་ཉ་ཀོར་གེ་ ཐམས་ཅན་རང་ ཡི་ཤུ་གི་མཁྱེན་མ༌ལ། ཉི་རོག་གུབ་ཀ་ཏཱན་བྱོན་ཐཱན་ རོག་ཏེ་བ་ཀ་གསུངས་མ་ལ་ ན་ཧ་བ་ ཨི་བི་ལམ་ཅ་ཡ་དག༌ཉི།
5ནཱས་རཱད་ག་ཡི་ཤུ་ལམ་ཅ་གི་ལ་དག་ཉི་ རོག་ཏེ་བ་ཀི་ རོ་ཀ་ཞུ་ལ་ཀབ་ཉི་ ཇང་ཤོ་ རོག་གི་ལ་དག་ཉི་ ཡི་ཤུ་གི་ རོག་ཏེ་བ་ཀ་གསུངས་མ༌ལ། ཉི་རོ་ཀ་མགུ་སྐོར་ཕི་ཁཱན་ ཡ་ཧུ་ད་བུ་ རོག་ཏེ་བ་ཀབ་ཉི་ཐིང་ཉི་ ཆོ་ཝ་ཅ་གི་ཝ༌ལ། 6ཡི་ཤུ་གི་ རོག་ཤོ་ ཇང་གི་ལ་དག་ཉི་ གསུངས་མ་ཀབ་ཉི་ རོག་ཏེ་བ་ ཚིང་ཏཱན་ སིག་ཐཱན་ རོ་ཁེ་ཇོང་མ༌ལ། 7ཉི་ཨོམ་ཆང་རང་ རོ་ཀི་ རོག་ཏེ་བ་ཀ་ཇི་མ་ལ་ ན་ཧ་བ་ཤོ་ ཨི་བི་ལམ་ཅ་ཡ་དག༌ཉི།
ཉི་རོག་ཏེ་བ་ཀི་ཞུ་ཝ་ལ་ ནཱས་རཱད་ག་ཡི་ཤུ་ལམ་ཅ་གི་ལ་དག༌ཉི།
8ཉི་ཡི་ཤུ་གི་ རོག་ཏེ་བ་ཀ་གསུངས་མ་ལ་ རོག་ཤོ་ ཇང་གི་ལ་དག༌ཉི། ཇི་གི་ ན་ཧ་ཨོམ་དེན་རང་ཡེག་པ་ ཉི་ན་ཤི་ལམ་ཁཱན་ ཇང་གི་ཝ་ཨ་དེན་གེ་ ཨོ་ཐ་སོ་ངོ་བ་ དི་ལེ་བི་དག༌ཉི། 9ནཱན་གི་ ཇ་ག་གནང་ཁཱན་བ་ཀ་པོང་ཀེ་ ཐུར་བུ་ཇི་གི་མ་གེམ་ཤི་དག་ཉི་ རོ་ཀི་ཞུ་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཨོ་ཐེན་ཇུང་མ་ཆོ་ཝ༌ལ།
10ཉི་སི་མོན་པ་ཏྲུས་གི་ ཆོ་ཝང་མེན་མ་ཅ་གི་ཝ༌ལ། ཉི་རོ་ཀི་ཆོ་ཝང་ཤོན་ཐཱན་ བླ་མ་གོང་མ་ག་གཡོག་པ་ག་ ལ་ཉོང་ལོ་ཀ་ན་ཅཱད་ཉི་གེ་མ༌ལ། ཉི་ཨོ་ཉ་གཡོག་པ་ག་མིང་ཤོ་ མཱལ་ཁཱས་དག་པེ་གི་ཝ༌ལ། 11དག་པ་ཀབ་ཉི་ ཡི་ཤུ་གི་ པ་ཏྲུས་ག་གསུངས་མ་ལ་ ན་ག་ཆོ་ཝང་ལོག་ཉི་རང་ ཤུམ་ནང་ཀ་ཙུག༌ཅོ། ཨ་པ་གི་ ཇ་ག་གནང་ཁཱན་གུར་བུ་གེ་ ཇི་གི་མ་ཇ་མེ་སྨོ་དག༌ཉི༎
ཧཱན་ནཱས་གི་ ཡི་ཤུ་ག་དྲི་ཝ་ཇི་མ༌ལ།
12ཉི་ཨོ་ཉ་དམག་མི་བ་དང་ རོག་ཏེ་བ་ཀ་དུ་ཁ་དྲག་ཤོས་ ཉི་ཡ་ཧུ་དི་པ་འགོ་དཔོན་བ་ཀི་ ཡི་ཤུ་ཙུང་ཐཱན་ཐིག་པ༌ལ། 13གོ་རང་ རོག་ཏེ་བ་ཀི་ རོག་ཧཱན་ནཱས་དག་ཁཱན་ག་ སྐུན་མདུན་ག་ཀེ་བ༌ལ། ཧང་ཡ་དག་ནེ་ལ་ ཧཱན་ནཱས་ཤོ་ ཀའི་ཡ་ཕ་ག་ མེ་ཝག་ཙ་ག་ཨ་པ་གི་ཝ་ཆོ་ཝ༌ལ། ཉི་ཀའི་ཡ་ཕ་ཤོ་ ཨོ་ཉ་ཉིང་ཀ་དེན་གེ་ བླ་མ་གོང་མ་གི་ཝ་ཆོ་ཝ༌ལ། 14ཉི་སོ་ངོ་ཐམས་ཅན་ག་དེན་གེ་ སོ་ངོ་ཐུར་ཤི་ཝ་དྲག་པེ་དག་ཉི་ ཡ་ཧུ་དི་པ་འགོ་དཔོན་བ་ཀ་ཏཱན་ ནོ་ཝང་ཨ་ཁཱན་ཁེ་པ་ ཀའི་ཡ་ཕ་གི་ཝ་ཆོ་ཝ༌ལ༎
པ་ཏྲུས་གི་ཁ་མ་དོག་པ༌ལ།
15སི་མོན་པ་ཏྲུས་དང་ བཱརའ་སློ་མ་ཐུར་ ཡི་ཤུ་ག་ཚིང་ཚིང་དི་ཝ༌ལ། ཉི་བླ་མ་གོང་མ་གི་ གུམ་ཡེ་ཝ་ཨ་དེན་གེ་ ཨོ་ཉ་སློ་མ་ཤོ་ ཡི་ཤུ་ཀབ་ཉི་ བླ་མ་གོང་མ་ག་ གཟིམ་ཅུང་གུབ་ཀ་སག་པུ་ དི་ལེ་རེ་བ༌ལ། 16དག་པ་ཀབ་ཉི་ པ་ཏྲུས་ཤོ་ ཕིས་ཀ་ཐིང་ཉི་ཆོ་ཝ༌ལ། ཨོ་ཉི་ཨ་དེན་གེ་ བླ་མ་གོང་མ་གུམ་ཡེ་ཁཱན་སློ་མ་གི་ ཀོ་ག་ཁུང་ཁཱན་ མེ་ཝག་ཙ་ཀབ་ཉི་ཆཱས་ཕིན་ཐཱན་ པ་ཏྲུས་ནང་ཀ་རིག་ཉི་ཕ་ཝ༌ལ། 17ཨོ་ཉ་མེ་ཝག་ཙ་གི་ ནཱན་ཡི་ཤུ་ག་ སློ་མ་བ་ཀ་པོང་ཀེ་ཐུར་ མང་གི་སྨོ་དག་ཉི་ པ་ཏྲུས་ག་ཇི་མ་ཀབ་ཉི་ པ་ཏྲུས་གི་རོ་ཀ་ ཇང་མང་གི་དག་ཉི་ ཡེག་པ༌ལ།
18ཉི་ཨུ་ཉུ་གང་ཀ་ ཁུར་བ་ཨ་དེན་གེ་ གཡོག་པ་བ་དང་ མཆོད་ཁང་ཁུང་ཁཱན་སྲུང་རྒྱབ་པ་བ་ མི་སིང་ཐཱན་ མི་གོམ་ཉི་ཆོ་ཝ་ཅ་གི་ཝ༌ལ། ཉི་པ་ཏྲུས་བུ་ རོག་ཏེ་བ་ཀབ་ཉི་ཐིང་ཐཱན་ མི་གོམ་ཅ་གི་ཝ༌ལ༎
བླ་མ་གོང་མ་གི་ ཡི་ཤུ་ག་དྲི་ཝ་ཇི་མ༌ལ།
19ཉི་བླ་མ་གོང་མ་གི་ ཡི་ཤུ་ག་ རོ་ཀ་སློ་མ་བ་དང་ རོ་ཀི་ཡེ་ཁཱན་བ་ཀ་ཀོར་གེ་ དྲི་ཝ་ཇི་མ༌ལ། 20ཡི་ཤུ་གི་ ལན་གནང་ཉི་གསུངས་མ་ལ་ ཇི་གི་འཛམ་གླིང་ག་སོ་ངོ་བ་ཀེ་ ཧང་རང་མ་གུ་མཱན་ ཆཱས་ཨ་ཝ༌ཅ། ཇི་གི་ཧ་ལ་ཨ་ནེ་བུ་ ཡ་ཧུ་དི་པ་ཆོས་འཛོམས་བ་དང་ མཆོད་ཁང་ག་ཡེ་ཉི་བི༌ཝ། ཧང་ཡ་དག་ནེ་ལ་ ཡ་ཧུ་དི་པ་ ཐམས་ཅན་རང་ ཨོ་ཉ་ག་ཏབ་ཐུར་ཛོམ༌ཅ། ཉི་ཇི་གི་ཆཱས་ཐུར་རང་ གུམ་ཉི་ཨ་ཝ་མཱན༌ཅ། 21ཧང་ཨ་ཉི་ ཇ་ག་ཏཱན་ཇིམ་ཅ་ཡ། ཇི་གི་ཧང་ཡེ་ཝ་གི་ལ་སྨོ་ ཇང་གེ་ཉཱན་ཁཱན་བ་ཀ་ཇིམ་ཤོ༌ལེ། ཇི་གི་ཧང་ཡེག་པ་གི་ལ་སྨོ་ རོག་ཏེ་བ་ཀི་ སེན་ཅ་དག༌ཉི།
22ཡི་ཤུ་གི་ ཨོ་ཐེན་གསུངས་མ་ཀབ་ཉི་ རོ་ཀ་ར་ག་ཆོ་ཁཱན་ འགོ་དཔོན་ཐུར་གི་ རོ་ཀ་དེན་ཇ་ཀི་ཕིན་བི་ཝ༌ལ། བླ་མ་གོང་མ་ག་ཏཱན་ ལན་མཇལ་ཐང་ ཨོ་ཐེན་གི་ལ་སྨོ་དག་ཉི་ ཡེག་པ༌ལ།
23ཡི་ཤུ་གི་ ལན་གནང་ཉི་གསུངས་མ་ལ་ ཇི་གི་ཡེག་པེ་ག་ ངཱད་པ་ཆོ་ནེ་ལ་ ངཱད་པ་གི་ལ་དག་ཉི་ ཁུངས་ཀེ༌ཤོ། དག་པ་ཀབ་ཉི་ ཇི་གི་ཡེག་པེ་ག་དེན་ནེ་ལ་ ནཱན་གི་ ཇ་ག་ཧང་ཨ་ཉི་ དེན་ཇ་ཀི་ཕི་ཝ་ཡ་དག༌ཉི།
24ཉི་གེ་ཧཱན་ནཱས་གི་ ཡི་ཤུ་ཐིག་པུ་ཐིག་ས་རང་ བླ་མ་གོང་མ་ཀའི་ཡ་ཕ་ག་ སྐུན་མདུན་ག་ཏཱན་ ཀུན་ཏི་ཝ༌ལ༎
པ་ཏྲུས་གི་ ཤེབ་ཉིག་ཙིང་དང་སམ་ག་དེན་གེ་ ཁ་མ་དོག་པ༌ལ།
25ཉི་ཨོ་ཉ་ག་ པ་ཏྲུས་ཐིང་ཉི་ མི་གོམ་ཉི་ཆོ་ཝ་ཅ་གི་ཝ༌ལ། ནཱན་བུ་ རོ་ཀ་སློ་མ་བ་ཀ་པོང་ཀེ་ཐུར་ མང་གི་སྨོ་དག་ཉི་ རོག་ཏེ་བ་ཀི་ ཇི་མ་ཀབ་ཉི་ པ་ཏྲུས་གི་ ཁ་མ་དོག་པཱན་ཡེག་པ་ལ་ ཇང་མང་གི་དག༌ཉི།
26བླ་མ་གོང་མ་ག་ གཡོག་པ་བ་ཀ་པོང་ཀེ་ཐུར་གི་ པ་ཏྲུས་ག་ཇིམ་ཉི་ཡེག་པ་ལ་ ཇི་གི་ནཱན་ ལྡུམ་ར་ནང་ཀ་ རོག་ཀབ་ཉི་ཐོང་མ་མང་གི་སྨོ་དག༌ཉི། རོག་ཤོ་ པ་ཏྲུས་གི་ན་ཅཱད་ཉི་གེམ་ཁཱན་ག་ སོ་ངོ་ཁེན་ཅ་གི་ཝ༌ལ། 27ཉི་ཨོམ་ཆང་རང་ པ་ཏྲུས་གི་ ཁ་མ་དོག་པ༌ལ། ཉི་ཨོ་ཉ་ཐྲེ་ཀེ་རང་ གོ་ག་ཇིག་པ༌ལ༎
ཡི་ཤུ་ པི་ལ་ཏཱས་ག་སྐུན་མདུན་ག།
28ཝུན་བེད་པེ་རང་ རོག་ཏེ་བ་ཀི་ ཡི་ཤུ་ ཀའི་ཡ་ཕ་ག་གཟིམ་ཅུང་གེ་བུ་ཉི་ རོ་མི་ག་དཔོན་སློབ་པི་ལ་ཏཱས་ག་ གཟིམ་ཅུང་ག་ཀེ་བ༌ལ། ཉི་རོག་ཏེ་བ་མ་ཙང་མ་ མ་རིན་ཆེན་དག་པ་གི་ རོག་ཏེ་བ་ཤོ་ གཟིམ་ཅུང་ནང་ཀ་ མ་ནུ་ཕ༌ལ། ཧང་ཡ་དག་ནེ་ལ་ རོག་ཏེ་བ་ གོག་ཉི་དི་ཁཱན་ དུས་ཆེན་ག་མཛར་ཅུམ་ ཟ་ལེ་ག་སེམས་ཅ་གི་ཝ༌ལ། 29ཨོ་ཉི་ཨ་དེན་གེ་ པི་ལ་ཏཱས་ཕིས་ཀ་བྱོན་ཐཱན་ རོག་ཏེ་བ་ཀ་ཇི་མ་ལ་ ན་ཤི་ཨ་ནེ་ལ་ ཨོ་ཐ་སོ་ངོ་གི་ ལའི་ཧང་ངཱད་པ་ཅ་ཡ་དག༌ཉི།
30རོག་ཏེ་བ་ཀི་ལན་མཇལ་ཉི་ རོག་ཁྲིམས་པ་རང་མང་གི་ནེ་ཏ་ ཨ་ཤི་རོག་ ན་ག་སྐུན་མདུན་ག་ མ་ཕ་ཝ་ཨོ་ཕེ་དག་ཉི་ ཞུ་ཝ༌ལ།
31པི་ལ་ཏཱས་གི་གསུངས་མ་ལ་ རོག་ཐ་གེ་བུན་ཐཱན་ ནའི་ཏེན་ག་ཁྲིམས་དང་ཏུ་ཉི་ རོ་ཀ་ཁྲིམས་ཀེ་ཤོ་དག༌ཉི།
ཡ་ཧུ་དི་པ་བ་ཀི་ཞུ་ཝ་ལ་ ཨ་ཤི་ཁྲིམས་ཀེ་བ་ཀབ་ཉི་ སོ་ངོ་ཤེ་ལེ་ཆོག་པུ་མཱན་ཅ་དག༌ཉི། 32ཡི་ཤུ་གི་ རོག་ཧང་ཏེན་གཤགས་པེ་གི་ལ་སྨོ་ གསུངས་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཨོ་ཐེན་ཇུང་མ་གི༌ལ།
33ཉི་གེ་ པི་ལ་ཏཱས་ ལོག་ཉི་རང་ནང་ཀ་བྱོན་ཐཱན་ ཡི་ཤུ་ར་ཉི་ཇི་མ་ལ་ ནཱན་ཡ་ཧུ་དི་པ་ག་དཔོན་གི་ལ་སྨོ་དག༌ཉི།
34ཡི་ཤུ་གི་ རོ་ཀ་ལན་གནང་ཉི་ ཨུ་ཐུ་ཤོ་ ནཱན་ཏེན་གི་ཇིམ་ཅ་སྨོ། ཡང་ན་ལ་ ཇ་ག་ཀོར་གེ་ ན་ག་ཏཱན་ བཱརའ་གི་ཡེག་ཆོ་ཝ་ཡ་དག་ཉི་ གསུངས་མ༌ལ།
35ཇང་ཡ་ཧུ་དི་པ་གི་ལ་སྨོ། ནཱན་ཏེན་ག་སོ་ངོ་བ་དང་ བླ་མ་ཆི་ལུ་བ་ཀི་ ནཱན་ཇ་ག་ ག་དང་ག་སྤྲོད་པ་གི༌ལ། ཉི་ནཱན་གི་ ཧང་ཨ་ཝ་ཅ་ཡ་དག་ཉི་ པི་ལ་ཏཱས་གི་ རོ་ཀ་གསུངས་མ༌ལ།
36ཉི་ཡི་ཤུ་གི་ ལན་གནང་ཉི་གསུངས་མ་ལ་ ཇ་ག་རྒྱལ་སྲིད་ཤོ་ ཨོ་ཐ་འཛམ་གླིང་ག་མང་གི། འཛམ་གླིང་ག་གིན་ཐཱན་ཨ་ནེ་ཏ་ ཡ་ཧུ་དི་པ་བ་ཀི་ ཇང་ཙུང་མ་ཀབ་ཉི་ ཇང་མ་ཙུང་ཆེན་དག་པ་གི་ ཇ་ག་གཡོག་པ་བ་ཀི་ ཕྱད་མདའ་རུ་མ་ཨོ་ཕེ། དག་པ་ཀབ་ཉི་ ཇ་ག་རྒྱལ་སྲིད་ཤོ་ ཨོ་ཐ་འཛམ་གླིང་ག་མང་གི་དག༌ཉི།
37པི་ལ་ཏཱས་གི་ རོ་ཀ་ལན་ཨ་ཉི་ ཉི་ལ་ ནཱན་དཔོན་གི་ལ་སྨོ་དག་ཉི་ གསུངས་མ་ཀབ་ཉི་ ཇང་དཔོན་གི་ལ་དག་ཉི་ ནཱན་གི་ཡེག༌ལ། ཉི་ནཱན་གི་ཡེག་ཁཱན་ཁེ་པ་ དེན་པ་གི༌ལ། དེན་ཆེན་རང་ ཨོ་ཉ་དེན་གེ་ ཇང་ཀེ་ཝ་གི༌ལ། ཉི་ཨོ་ཉ་དེན་གེ་ ཇང་འཛམ་གླིང་ག་ ཨོ་ཕ་གི༌ལ། ཨུ་ཉུ་ཤོ་ དེན་པ་ག་འཛོམས་དཔང་ ཨ་ལེ་དེན་གེ་གི༌ལ། ཉི་དེན་པ་ག་ལོ་ཀེ་ཆོ་ཁཱན་ ཐམས་ཅན་གི་ ཇི་གི་ཡེག་ཁཱན་ཁེ་པ་ ཉཱན་ཅ་དག་ཉི་ ཡི་ཤུ་གི་གསུངས་མ༌ལ།
38དེན་པ་ཤོ་ ཧང་གི་ལ་ཡ་དག་ཉི་ པི་ལ་ཏཱས་གི་ རོ་ཀ་ཇིམ་ཐཱན་ རོག་ལོག་ཉི་རང་ཕིས་ཀ་ ཡ་ཧུ་དི་པ་བ་ཆོ་ས་ག་བྱོན་ཐཱན་ གསུངས་མ་ལ་ ཇི་གི་ཨ་ནེ་ལ་ རོ་ཀི་ཁྲིམས་གེ་གེ་བ་ལའི་ ཧང་རང་ཨ་ཝ་མ༌ལ། 39དག་པ་ཀབ་ཉི་ ན་ཧ་ལུགས་སྲོལ་དང་ཏུ་ཉི་ གོག་ཉི་དི་ཝ་ག་དུས་ཆེན་གང་ཀ་ ཇི་གི་ ན་ཧ་དེན་གེ་ བཙོན་པ་ཐུར་ཐར་བེ་ཁེ༌ལེ། ཧང་ཇི་གི་ ན་ཧ་དེན་གེ་ ཡ་ཧུ་དི་པ་ག་དཔོན་ ཐར་ཤོ་སྨོ་དག༌ཉི།
40དག་པ་ཀབ་ཉི་ རོག་ཏེ་བ་ཀི་ ཤ་དར་ཕི་ཉི་ཞུ་ཝ་ལ་ ཨོ་ཐ་སོ་ངོ་མང་གི་ཝ་ བ་རབ་བ་ ཐར་ཤོ་དག༌ཉི། ཉི་ཨོམ་ བ་རབ་བ་ཤོ་ ངོ་ལོག་ཁཱན་ ཁྲིམས་པ་གི་ཝ་ཆོ་ཝ༌ལ༎
Currently Selected:
ཡུ་ཧན་ན། 18: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
ཡུ་ཧན་ན། 18
18
ཡི་ཤུ་ཙུང་མ༌ལ།
1ཡི་ཤུ་གི་ སྨོན་ལམ་ཏབ་ཉི་ཆུམ་དེན་གེ་ རོ་ཀ་སློ་མ་བ་ཀབ་ཉི་ ཀི་དྲོན་དག་ཁཱན་ དུ་ཝང་ཁེ་པ་གོག་ཉི་བྱོན་མ༌ལ། ཉི་རོ་ཀ་སློ་མ་བ་ཀབ་ཉི་ ཨོ་ཉ་ས་ཆ་ག་ཆོ་ཁཱན་ ལྡུམ་ར་ནང་ཀ་བྱོན་མ༌ལ། 2ཉི་རོ་ཀ་མགུ་སྐོར་ཕི་ཁཱན་ ཡ་ཧུ་ད་གི་ ཨོ་ཉ་ས་ཆ་ཁེ་པ་ ལེག་པུ་ཨ་ཉི་རང་ སེ་ཝ་ཅ་གི་ཝ༌ལ། ཧང་ཡ་དག་ནེ་ལ་ ཡི་ཤུ་གི་ རོ་ཀ་སློ་མ་བ་རིག་བུ་ཉི་ ཤེབ་མང་པུ་ཐུར་ ཨོ་ཉ་ས་ཆ་ག་བྱོན་མ་ཆོ་ཝ༌ལ། 3ཉི་བླ་མ་ཆི་ལུ་བ་དང་ ཕ་རི་སི་པ་བ་ཀི་ཀུན་ཏི་ཁཱན་ དམག་མི་མང་པུ་ཐུར་དང་ མཆོད་ཁང་ཁུང་ཁཱན་ སྲུང་རྒྱབ་པ་བ་རིག་ཕ་ཉི་ ཡ་ཧུ་ད་ ཨོ་ཉ་ལྡུམ་ར་ག་ ཤེག་པ༌ལ། ཉི་རོག་ཏེ་བ་ཀི་ མི་བོར་བ་དང་ལ་ཝང་བ་ ཉི་མཚོན་ཆ་བ་བུ་ མེན་མ་ཆོ་ཝ༌ལ།
4རོ་ཀ་ཏཱན་ ཧང་ཇུང་མེ་གི་ལ་སྨོ་ ཨོ་ཉ་ཀོར་གེ་ ཐམས་ཅན་རང་ ཡི་ཤུ་གི་མཁྱེན་མ༌ལ། ཉི་རོག་གུབ་ཀ་ཏཱན་བྱོན་ཐཱན་ རོག་ཏེ་བ་ཀ་གསུངས་མ་ལ་ ན་ཧ་བ་ ཨི་བི་ལམ་ཅ་ཡ་དག༌ཉི།
5ནཱས་རཱད་ག་ཡི་ཤུ་ལམ་ཅ་གི་ལ་དག་ཉི་ རོག་ཏེ་བ་ཀི་ རོ་ཀ་ཞུ་ལ་ཀབ་ཉི་ ཇང་ཤོ་ རོག་གི་ལ་དག་ཉི་ ཡི་ཤུ་གི་ རོག་ཏེ་བ་ཀ་གསུངས་མ༌ལ། ཉི་རོ་ཀ་མགུ་སྐོར་ཕི་ཁཱན་ ཡ་ཧུ་ད་བུ་ རོག་ཏེ་བ་ཀབ་ཉི་ཐིང་ཉི་ ཆོ་ཝ་ཅ་གི་ཝ༌ལ། 6ཡི་ཤུ་གི་ རོག་ཤོ་ ཇང་གི་ལ་དག་ཉི་ གསུངས་མ་ཀབ་ཉི་ རོག་ཏེ་བ་ ཚིང་ཏཱན་ སིག་ཐཱན་ རོ་ཁེ་ཇོང་མ༌ལ། 7ཉི་ཨོམ་ཆང་རང་ རོ་ཀི་ རོག་ཏེ་བ་ཀ་ཇི་མ་ལ་ ན་ཧ་བ་ཤོ་ ཨི་བི་ལམ་ཅ་ཡ་དག༌ཉི།
ཉི་རོག་ཏེ་བ་ཀི་ཞུ་ཝ་ལ་ ནཱས་རཱད་ག་ཡི་ཤུ་ལམ་ཅ་གི་ལ་དག༌ཉི།
8ཉི་ཡི་ཤུ་གི་ རོག་ཏེ་བ་ཀ་གསུངས་མ་ལ་ རོག་ཤོ་ ཇང་གི་ལ་དག༌ཉི། ཇི་གི་ ན་ཧ་ཨོམ་དེན་རང་ཡེག་པ་ ཉི་ན་ཤི་ལམ་ཁཱན་ ཇང་གི་ཝ་ཨ་དེན་གེ་ ཨོ་ཐ་སོ་ངོ་བ་ དི་ལེ་བི་དག༌ཉི། 9ནཱན་གི་ ཇ་ག་གནང་ཁཱན་བ་ཀ་པོང་ཀེ་ ཐུར་བུ་ཇི་གི་མ་གེམ་ཤི་དག་ཉི་ རོ་ཀི་ཞུ་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཨོ་ཐེན་ཇུང་མ་ཆོ་ཝ༌ལ།
10ཉི་སི་མོན་པ་ཏྲུས་གི་ ཆོ་ཝང་མེན་མ་ཅ་གི་ཝ༌ལ། ཉི་རོ་ཀི་ཆོ་ཝང་ཤོན་ཐཱན་ བླ་མ་གོང་མ་ག་གཡོག་པ་ག་ ལ་ཉོང་ལོ་ཀ་ན་ཅཱད་ཉི་གེ་མ༌ལ། ཉི་ཨོ་ཉ་གཡོག་པ་ག་མིང་ཤོ་ མཱལ་ཁཱས་དག་པེ་གི་ཝ༌ལ། 11དག་པ་ཀབ་ཉི་ ཡི་ཤུ་གི་ པ་ཏྲུས་ག་གསུངས་མ་ལ་ ན་ག་ཆོ་ཝང་ལོག་ཉི་རང་ ཤུམ་ནང་ཀ་ཙུག༌ཅོ། ཨ་པ་གི་ ཇ་ག་གནང་ཁཱན་གུར་བུ་གེ་ ཇི་གི་མ་ཇ་མེ་སྨོ་དག༌ཉི༎
ཧཱན་ནཱས་གི་ ཡི་ཤུ་ག་དྲི་ཝ་ཇི་མ༌ལ།
12ཉི་ཨོ་ཉ་དམག་མི་བ་དང་ རོག་ཏེ་བ་ཀ་དུ་ཁ་དྲག་ཤོས་ ཉི་ཡ་ཧུ་དི་པ་འགོ་དཔོན་བ་ཀི་ ཡི་ཤུ་ཙུང་ཐཱན་ཐིག་པ༌ལ། 13གོ་རང་ རོག་ཏེ་བ་ཀི་ རོག་ཧཱན་ནཱས་དག་ཁཱན་ག་ སྐུན་མདུན་ག་ཀེ་བ༌ལ། ཧང་ཡ་དག་ནེ་ལ་ ཧཱན་ནཱས་ཤོ་ ཀའི་ཡ་ཕ་ག་ མེ་ཝག་ཙ་ག་ཨ་པ་གི་ཝ་ཆོ་ཝ༌ལ། ཉི་ཀའི་ཡ་ཕ་ཤོ་ ཨོ་ཉ་ཉིང་ཀ་དེན་གེ་ བླ་མ་གོང་མ་གི་ཝ་ཆོ་ཝ༌ལ། 14ཉི་སོ་ངོ་ཐམས་ཅན་ག་དེན་གེ་ སོ་ངོ་ཐུར་ཤི་ཝ་དྲག་པེ་དག་ཉི་ ཡ་ཧུ་དི་པ་འགོ་དཔོན་བ་ཀ་ཏཱན་ ནོ་ཝང་ཨ་ཁཱན་ཁེ་པ་ ཀའི་ཡ་ཕ་གི་ཝ་ཆོ་ཝ༌ལ༎
པ་ཏྲུས་གི་ཁ་མ་དོག་པ༌ལ།
15སི་མོན་པ་ཏྲུས་དང་ བཱརའ་སློ་མ་ཐུར་ ཡི་ཤུ་ག་ཚིང་ཚིང་དི་ཝ༌ལ། ཉི་བླ་མ་གོང་མ་གི་ གུམ་ཡེ་ཝ་ཨ་དེན་གེ་ ཨོ་ཉ་སློ་མ་ཤོ་ ཡི་ཤུ་ཀབ་ཉི་ བླ་མ་གོང་མ་ག་ གཟིམ་ཅུང་གུབ་ཀ་སག་པུ་ དི་ལེ་རེ་བ༌ལ། 16དག་པ་ཀབ་ཉི་ པ་ཏྲུས་ཤོ་ ཕིས་ཀ་ཐིང་ཉི་ཆོ་ཝ༌ལ། ཨོ་ཉི་ཨ་དེན་གེ་ བླ་མ་གོང་མ་གུམ་ཡེ་ཁཱན་སློ་མ་གི་ ཀོ་ག་ཁུང་ཁཱན་ མེ་ཝག་ཙ་ཀབ་ཉི་ཆཱས་ཕིན་ཐཱན་ པ་ཏྲུས་ནང་ཀ་རིག་ཉི་ཕ་ཝ༌ལ། 17ཨོ་ཉ་མེ་ཝག་ཙ་གི་ ནཱན་ཡི་ཤུ་ག་ སློ་མ་བ་ཀ་པོང་ཀེ་ཐུར་ མང་གི་སྨོ་དག་ཉི་ པ་ཏྲུས་ག་ཇི་མ་ཀབ་ཉི་ པ་ཏྲུས་གི་རོ་ཀ་ ཇང་མང་གི་དག་ཉི་ ཡེག་པ༌ལ།
18ཉི་ཨུ་ཉུ་གང་ཀ་ ཁུར་བ་ཨ་དེན་གེ་ གཡོག་པ་བ་དང་ མཆོད་ཁང་ཁུང་ཁཱན་སྲུང་རྒྱབ་པ་བ་ མི་སིང་ཐཱན་ མི་གོམ་ཉི་ཆོ་ཝ་ཅ་གི་ཝ༌ལ། ཉི་པ་ཏྲུས་བུ་ རོག་ཏེ་བ་ཀབ་ཉི་ཐིང་ཐཱན་ མི་གོམ་ཅ་གི་ཝ༌ལ༎
བླ་མ་གོང་མ་གི་ ཡི་ཤུ་ག་དྲི་ཝ་ཇི་མ༌ལ།
19ཉི་བླ་མ་གོང་མ་གི་ ཡི་ཤུ་ག་ རོ་ཀ་སློ་མ་བ་དང་ རོ་ཀི་ཡེ་ཁཱན་བ་ཀ་ཀོར་གེ་ དྲི་ཝ་ཇི་མ༌ལ། 20ཡི་ཤུ་གི་ ལན་གནང་ཉི་གསུངས་མ་ལ་ ཇི་གི་འཛམ་གླིང་ག་སོ་ངོ་བ་ཀེ་ ཧང་རང་མ་གུ་མཱན་ ཆཱས་ཨ་ཝ༌ཅ། ཇི་གི་ཧ་ལ་ཨ་ནེ་བུ་ ཡ་ཧུ་དི་པ་ཆོས་འཛོམས་བ་དང་ མཆོད་ཁང་ག་ཡེ་ཉི་བི༌ཝ། ཧང་ཡ་དག་ནེ་ལ་ ཡ་ཧུ་དི་པ་ ཐམས་ཅན་རང་ ཨོ་ཉ་ག་ཏབ་ཐུར་ཛོམ༌ཅ། ཉི་ཇི་གི་ཆཱས་ཐུར་རང་ གུམ་ཉི་ཨ་ཝ་མཱན༌ཅ། 21ཧང་ཨ་ཉི་ ཇ་ག་ཏཱན་ཇིམ་ཅ་ཡ། ཇི་གི་ཧང་ཡེ་ཝ་གི་ལ་སྨོ་ ཇང་གེ་ཉཱན་ཁཱན་བ་ཀ་ཇིམ་ཤོ༌ལེ། ཇི་གི་ཧང་ཡེག་པ་གི་ལ་སྨོ་ རོག་ཏེ་བ་ཀི་ སེན་ཅ་དག༌ཉི།
22ཡི་ཤུ་གི་ ཨོ་ཐེན་གསུངས་མ་ཀབ་ཉི་ རོ་ཀ་ར་ག་ཆོ་ཁཱན་ འགོ་དཔོན་ཐུར་གི་ རོ་ཀ་དེན་ཇ་ཀི་ཕིན་བི་ཝ༌ལ། བླ་མ་གོང་མ་ག་ཏཱན་ ལན་མཇལ་ཐང་ ཨོ་ཐེན་གི་ལ་སྨོ་དག་ཉི་ ཡེག་པ༌ལ།
23ཡི་ཤུ་གི་ ལན་གནང་ཉི་གསུངས་མ་ལ་ ཇི་གི་ཡེག་པེ་ག་ ངཱད་པ་ཆོ་ནེ་ལ་ ངཱད་པ་གི་ལ་དག་ཉི་ ཁུངས་ཀེ༌ཤོ། དག་པ་ཀབ་ཉི་ ཇི་གི་ཡེག་པེ་ག་དེན་ནེ་ལ་ ནཱན་གི་ ཇ་ག་ཧང་ཨ་ཉི་ དེན་ཇ་ཀི་ཕི་ཝ་ཡ་དག༌ཉི།
24ཉི་གེ་ཧཱན་ནཱས་གི་ ཡི་ཤུ་ཐིག་པུ་ཐིག་ས་རང་ བླ་མ་གོང་མ་ཀའི་ཡ་ཕ་ག་ སྐུན་མདུན་ག་ཏཱན་ ཀུན་ཏི་ཝ༌ལ༎
པ་ཏྲུས་གི་ ཤེབ་ཉིག་ཙིང་དང་སམ་ག་དེན་གེ་ ཁ་མ་དོག་པ༌ལ།
25ཉི་ཨོ་ཉ་ག་ པ་ཏྲུས་ཐིང་ཉི་ མི་གོམ་ཉི་ཆོ་ཝ་ཅ་གི་ཝ༌ལ། ནཱན་བུ་ རོ་ཀ་སློ་མ་བ་ཀ་པོང་ཀེ་ཐུར་ མང་གི་སྨོ་དག་ཉི་ རོག་ཏེ་བ་ཀི་ ཇི་མ་ཀབ་ཉི་ པ་ཏྲུས་གི་ ཁ་མ་དོག་པཱན་ཡེག་པ་ལ་ ཇང་མང་གི་དག༌ཉི།
26བླ་མ་གོང་མ་ག་ གཡོག་པ་བ་ཀ་པོང་ཀེ་ཐུར་གི་ པ་ཏྲུས་ག་ཇིམ་ཉི་ཡེག་པ་ལ་ ཇི་གི་ནཱན་ ལྡུམ་ར་ནང་ཀ་ རོག་ཀབ་ཉི་ཐོང་མ་མང་གི་སྨོ་དག༌ཉི། རོག་ཤོ་ པ་ཏྲུས་གི་ན་ཅཱད་ཉི་གེམ་ཁཱན་ག་ སོ་ངོ་ཁེན་ཅ་གི་ཝ༌ལ། 27ཉི་ཨོམ་ཆང་རང་ པ་ཏྲུས་གི་ ཁ་མ་དོག་པ༌ལ། ཉི་ཨོ་ཉ་ཐྲེ་ཀེ་རང་ གོ་ག་ཇིག་པ༌ལ༎
ཡི་ཤུ་ པི་ལ་ཏཱས་ག་སྐུན་མདུན་ག།
28ཝུན་བེད་པེ་རང་ རོག་ཏེ་བ་ཀི་ ཡི་ཤུ་ ཀའི་ཡ་ཕ་ག་གཟིམ་ཅུང་གེ་བུ་ཉི་ རོ་མི་ག་དཔོན་སློབ་པི་ལ་ཏཱས་ག་ གཟིམ་ཅུང་ག་ཀེ་བ༌ལ། ཉི་རོག་ཏེ་བ་མ་ཙང་མ་ མ་རིན་ཆེན་དག་པ་གི་ རོག་ཏེ་བ་ཤོ་ གཟིམ་ཅུང་ནང་ཀ་ མ་ནུ་ཕ༌ལ། ཧང་ཡ་དག་ནེ་ལ་ རོག་ཏེ་བ་ གོག་ཉི་དི་ཁཱན་ དུས་ཆེན་ག་མཛར་ཅུམ་ ཟ་ལེ་ག་སེམས་ཅ་གི་ཝ༌ལ། 29ཨོ་ཉི་ཨ་དེན་གེ་ པི་ལ་ཏཱས་ཕིས་ཀ་བྱོན་ཐཱན་ རོག་ཏེ་བ་ཀ་ཇི་མ་ལ་ ན་ཤི་ཨ་ནེ་ལ་ ཨོ་ཐ་སོ་ངོ་གི་ ལའི་ཧང་ངཱད་པ་ཅ་ཡ་དག༌ཉི།
30རོག་ཏེ་བ་ཀི་ལན་མཇལ་ཉི་ རོག་ཁྲིམས་པ་རང་མང་གི་ནེ་ཏ་ ཨ་ཤི་རོག་ ན་ག་སྐུན་མདུན་ག་ མ་ཕ་ཝ་ཨོ་ཕེ་དག་ཉི་ ཞུ་ཝ༌ལ།
31པི་ལ་ཏཱས་གི་གསུངས་མ་ལ་ རོག་ཐ་གེ་བུན་ཐཱན་ ནའི་ཏེན་ག་ཁྲིམས་དང་ཏུ་ཉི་ རོ་ཀ་ཁྲིམས་ཀེ་ཤོ་དག༌ཉི།
ཡ་ཧུ་དི་པ་བ་ཀི་ཞུ་ཝ་ལ་ ཨ་ཤི་ཁྲིམས་ཀེ་བ་ཀབ་ཉི་ སོ་ངོ་ཤེ་ལེ་ཆོག་པུ་མཱན་ཅ་དག༌ཉི། 32ཡི་ཤུ་གི་ རོག་ཧང་ཏེན་གཤགས་པེ་གི་ལ་སྨོ་ གསུངས་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཨོ་ཐེན་ཇུང་མ་གི༌ལ།
33ཉི་གེ་ པི་ལ་ཏཱས་ ལོག་ཉི་རང་ནང་ཀ་བྱོན་ཐཱན་ ཡི་ཤུ་ར་ཉི་ཇི་མ་ལ་ ནཱན་ཡ་ཧུ་དི་པ་ག་དཔོན་གི་ལ་སྨོ་དག༌ཉི།
34ཡི་ཤུ་གི་ རོ་ཀ་ལན་གནང་ཉི་ ཨུ་ཐུ་ཤོ་ ནཱན་ཏེན་གི་ཇིམ་ཅ་སྨོ། ཡང་ན་ལ་ ཇ་ག་ཀོར་གེ་ ན་ག་ཏཱན་ བཱརའ་གི་ཡེག་ཆོ་ཝ་ཡ་དག་ཉི་ གསུངས་མ༌ལ།
35ཇང་ཡ་ཧུ་དི་པ་གི་ལ་སྨོ། ནཱན་ཏེན་ག་སོ་ངོ་བ་དང་ བླ་མ་ཆི་ལུ་བ་ཀི་ ནཱན་ཇ་ག་ ག་དང་ག་སྤྲོད་པ་གི༌ལ། ཉི་ནཱན་གི་ ཧང་ཨ་ཝ་ཅ་ཡ་དག་ཉི་ པི་ལ་ཏཱས་གི་ རོ་ཀ་གསུངས་མ༌ལ།
36ཉི་ཡི་ཤུ་གི་ ལན་གནང་ཉི་གསུངས་མ་ལ་ ཇ་ག་རྒྱལ་སྲིད་ཤོ་ ཨོ་ཐ་འཛམ་གླིང་ག་མང་གི། འཛམ་གླིང་ག་གིན་ཐཱན་ཨ་ནེ་ཏ་ ཡ་ཧུ་དི་པ་བ་ཀི་ ཇང་ཙུང་མ་ཀབ་ཉི་ ཇང་མ་ཙུང་ཆེན་དག་པ་གི་ ཇ་ག་གཡོག་པ་བ་ཀི་ ཕྱད་མདའ་རུ་མ་ཨོ་ཕེ། དག་པ་ཀབ་ཉི་ ཇ་ག་རྒྱལ་སྲིད་ཤོ་ ཨོ་ཐ་འཛམ་གླིང་ག་མང་གི་དག༌ཉི།
37པི་ལ་ཏཱས་གི་ རོ་ཀ་ལན་ཨ་ཉི་ ཉི་ལ་ ནཱན་དཔོན་གི་ལ་སྨོ་དག་ཉི་ གསུངས་མ་ཀབ་ཉི་ ཇང་དཔོན་གི་ལ་དག་ཉི་ ནཱན་གི་ཡེག༌ལ། ཉི་ནཱན་གི་ཡེག་ཁཱན་ཁེ་པ་ དེན་པ་གི༌ལ། དེན་ཆེན་རང་ ཨོ་ཉ་དེན་གེ་ ཇང་ཀེ་ཝ་གི༌ལ། ཉི་ཨོ་ཉ་དེན་གེ་ ཇང་འཛམ་གླིང་ག་ ཨོ་ཕ་གི༌ལ། ཨུ་ཉུ་ཤོ་ དེན་པ་ག་འཛོམས་དཔང་ ཨ་ལེ་དེན་གེ་གི༌ལ། ཉི་དེན་པ་ག་ལོ་ཀེ་ཆོ་ཁཱན་ ཐམས་ཅན་གི་ ཇི་གི་ཡེག་ཁཱན་ཁེ་པ་ ཉཱན་ཅ་དག་ཉི་ ཡི་ཤུ་གི་གསུངས་མ༌ལ།
38དེན་པ་ཤོ་ ཧང་གི་ལ་ཡ་དག་ཉི་ པི་ལ་ཏཱས་གི་ རོ་ཀ་ཇིམ་ཐཱན་ རོག་ལོག་ཉི་རང་ཕིས་ཀ་ ཡ་ཧུ་དི་པ་བ་ཆོ་ས་ག་བྱོན་ཐཱན་ གསུངས་མ་ལ་ ཇི་གི་ཨ་ནེ་ལ་ རོ་ཀི་ཁྲིམས་གེ་གེ་བ་ལའི་ ཧང་རང་ཨ་ཝ་མ༌ལ། 39དག་པ་ཀབ་ཉི་ ན་ཧ་ལུགས་སྲོལ་དང་ཏུ་ཉི་ གོག་ཉི་དི་ཝ་ག་དུས་ཆེན་གང་ཀ་ ཇི་གི་ ན་ཧ་དེན་གེ་ བཙོན་པ་ཐུར་ཐར་བེ་ཁེ༌ལེ། ཧང་ཇི་གི་ ན་ཧ་དེན་གེ་ ཡ་ཧུ་དི་པ་ག་དཔོན་ ཐར་ཤོ་སྨོ་དག༌ཉི།
40དག་པ་ཀབ་ཉི་ རོག་ཏེ་བ་ཀི་ ཤ་དར་ཕི་ཉི་ཞུ་ཝ་ལ་ ཨོ་ཐ་སོ་ངོ་མང་གི་ཝ་ བ་རབ་བ་ ཐར་ཤོ་དག༌ཉི། ཉི་ཨོམ་ བ་རབ་བ་ཤོ་ ངོ་ལོག་ཁཱན་ ཁྲིམས་པ་གི་ཝ་ཆོ་ཝ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved