ཡུ་ཧན་ན། 19
19
ཡི་ཤུ་བཀྲོངས་མེ་ག་ བཀའ་གནང་མ༌ལ།
1ཉི་གེ་ པི་ལ་ཏཱས་གི་ ཡི་ཤུ་བུན་ཐཱན་ ཤུག་ཨན་ལ་ཕེ་བི་ཝ༌ལ། 2ཉི་དམག་མི་བ་ཀི་ ཟུ་གི་ཨ་ཉི་ རྒྱལ་ཞྭ་ཅོད་ཐཱན་ རོ་ཀ་དབུ་ག་མུག་ཉི་བི་ཝ༌ལ། ཉི་ནམ་བཟའ་རྒྱ་སྨུག་ཨ་ཝ་ ཡེ་ཉི་བི་ཝ༌ལ། 3ཉི་རོག་ཏེ་བ་ལོག་ཉི་རང་ རོག་བཞུགས་ས་ག་དིན་ཐཱན་ ཡ་ཧུ་དི་པ་བ་ཀ་དཔོན་ སྐུ་ཚེ་རིང་ཤོ་དག་ཉི་ ཡེག་པ༌ལ། ཉི་རོག་ཏེ་བ་ཀི་ རོ་ཀ་ཞལ་ག་ ལོག་ཉི་ལོག་ཉི་རང་ དེན་ཇ་ཀི་ཕི་ཝ༌ལ།
4ཉི་པི་ལ་ཏཱས་ ལོག་ཉི་རང་ཕིས་ཀ་ རོག་ཏེ་བ་ཆོ་ས་ག་ཏཱན་བྱོན་ཐཱན་ གསུངས་མ་ལ་ གོད་ཅོ་ ཇི་གི་གོད་པ་ཀབ་ཉི་ རོ་ཀི་ཁྲིམས་གེ་གེ་བ་ལའི་ ཧང་རང་ཨ་ཝ་མ་ལ་དག་ཉི་ གེན་མེ་དེན་གེ་ ཇི་གི་རོག་ ན་ཧ་བ་ཀ་བཱརང་ཀ་ཏཱན་ ཕ་ལེ་དག༌ཉི། 5ཉི་དབུ་ག་ ཨོ་ཉ་ཟུ་ག་རྒྱལ་ཞྭ་མུག་ཉི་ ཉི་ཨོ་ཉ་ནམ་བཟའ་རྒྱ་སྨུག་ཨ་ཝ་བཞེས་ཉི་ ཡི་ཤུ་ཕིས་ཀ་བྱོན་མ༌ལ། ཉི་པི་ལ་ཏཱས་གི་ རོག་ཏེ་བ་ཀ་གསུངས་མ་ལ་ གོད་ཅོ་ རོག་ཐ་ག་ཅ་དག༌ཉི།
6བླ་མ་ཆི་ལུ་བ་དང་ འགོ་དཔོན་བ་ཀི་ རོག་ཐོང་མ་ལ་ཀབ་ཉི་ ཤ་དར་ཕི་ཉི་ཡེག་པ༌ལ། རོག་ཁྲིམས་ཤིང་གེ་ཇཱན་ཤོ་ རོག་ཁྲིམས་ཤིང་གེ་ཇཱན་ཤོ་དག༌ཉི།
ཉི་པི་ལ་ཏཱས་གི་ རོག་ཏེ་བ་ཀ་གསུངས་མ་ལ་ ཉི་ལ་ ན་ཧ་བ་ཏེན་གི་ རོག་བུན་ཐཱན་ ཁྲིམས་ཤིང་གེ་ཇཱན༌ཤོ། ཧང་ཡ་དག་ནེ་ལ་ ཇི་གི་གོད་པ་ཀབ་ཉི་ རོ་ཀི་ཁྲིམས་གེ་གེ་བ་ལའི་ ཧང་རང་ཨ་ཝ་མ་ལ་དག༌ཉི།
7ཉི་ཡ་ཧུ་དི་པ་བ་ཀི་ ལན་མཇལ་ཉི་ཞུ་ཝ་ལ་ ཨ་ཧ་བཀའ་ཁྲིམས༌ཅ། ཉི་རོ་ཀི་ རོག་ཤོ་ དཀོན་མཆོག་ག་ སྲས་གི་ལ་དག་ཉི་ ཡེག་པ་ཨ་དེན་གེ་ ཨ་ཧ་བཀའ་ཁྲིམས་གེ་ཤོ་ཝ་དང་ཏུ་ཉི་ རོག་ཤི་ལེ་ཁེ་ལེ་དག༌ཉི།
8ཨོ་ཐེན་ན་ཐ་ལ་ཀབ་ཉི་ པི་ལ་ཏཱས་ ལག་ཏང་ ཡོང་ཁེ་ཝ༌ལ། 9ཉི་རོག་ལོག་ཉི་རང་ རོ་ཀ་གཟིམ་ཅུང་ནང་ཀ་བྱོན་ཐཱན་ ནཱན་ཨོ་གེ་གི་ལ་ཡ་དག་ཉི་ ཡི་ཤུ་ག་ཇི་མ་ཀབ་ཉི་ ཡི་ཤུ་གི་ལན་མ་གནང་མ༌ལ། 10ཨོ་ཉི་ཨ་དེན་གེ་ པི་ལ་ཏཱས་གི་ ཡི་ཤུ་ག་གསུངས་མ་ལ་ ནཱན་གི་ ཇང་ཀབ་ཉི་ཆཱས་མ་ཨ་ལ་སྨོ། ཧང་ཇི་གི་ནཱན་ཐར་ནེ་བུ་ ཐར་བེ་ག་དང་ ཁྲིམས་ཤིང་གེ་ ཇཱན་ནེ་བུ་ཇཱན་མེ་ག་དབང་ཚད་ ཇ་ག་ཅ་དག་ཉི་ ནཱན་གི་ སེ་ལུ་མཱན་ཅ་སྨོ་དག༌ཉི།
11ཡི་ཤུ་གི་ ལན་གནང་ཉི་གསུངས་མ་ལ་ ཐོ་ལ་གེ་དོང་མ་གནང་ནེ་ལ་ ནཱན་གི་ཇ་ག་ཐུང་ཀ་ དབང་ཚད་ཙུང་མེ་མར་བེ་ཆོ༌ཝ། ཨོ་ཉི་ཨ་དེན་གེ་ ཇང་ན་ག་ག་དང་ག་སྤྲོད་ཁཱན་ སོ་ངོ་ཁེ་པ་ སྡིག་པ་མང་པུ་སག་པེ་དག༌ཉི།
12ཨོ་ཉ་གེ་ག་ཏཱན་ པི་ལ་ཏཱས་གི་ ཡི་ཤུ་ཐར་བེ་མིག་པ་ཕི་ཝ༌ལ། དག་པ་ཀབ་ཉི་ ཡ་ཧུ་དི་པ་བ་ཀི་ ཤ་དར་ཕི་ཉི་ཡེག་པ་ལ་ ནཱན་གི་ ཨོ་ཐ་སོ་ངོ་ཐར་ནེ་ལ་ ནཱན་ཤོ་ ཀའི་སར་ག་ཇ་རོ་མང་གི། ཧང་ཡ་དག་ནེ་ལ་ ཨི་བི་གི་ དཔོན་གི་ལ་དག་ཉི་ཡེག་པ་ཐུར་ ཨོ་ཉ་སོ་ངོ་ཁེ་པ་ ཀའི་སར་ག་ ངོ་ལོག་ཁཱན་གི་ལ་དག༌ཉི།
13པི་ལ་ཏཱས་གི་ ཨོ་ཐ་ཆཱས་བ་ ན་ཐ་དེན་གེ་ ཡི་ཤུ་ཕིས་ཀ་ཕཱན་ཐཱན་ ལུང་གི་ཟང་ཁཱན་དག་ཉི་ར་ཁཱན་ དྲང་དཔོན་ག་ ཁྲི་ཐུང་ཀ་བཞུགས་པ༌ལ། ཉི་ཧི་བུརུ་ག་ལོ་གེ་ ཨོ་ཉ་ཁྲི་ག་མིང་ཤོ་ གབ་བ་ཐ་དག་ཉི་ ཡེག་ཅ་གི་ཝ༌ལ། 14ཉི་ཨོམ་ གོག་ཉི་དི་ཝ་ག་དུས་ཆེན་ག་དེན་གེ་ ཅམ་ཁཱན་ནོང་གི་ཝ་ཆོ་ཝ༌ལ། ཉི་ངབ་ཀ་ཆུ་ཚོད་ སོང་ཉིག་ཙིང་དུང་མ་ཅ་གི་ཝ༌ལ། ཉི་རོ་ཀི་ ཡ་ཧུ་དི་པ་བ་ཀ་ གསུངས་མ༌ལ། གོད་ཅོ་ རོག་ཤོ་ ན་ཧ་དཔོན་གི་ལ་དག༌ཉི།
15དག་པ་ཀབ་ཉི་ རོག་ཏེ་བ་ཀི་ ཤ་དར་ཕི་ཉི་ཡེག་པ་ལ་ རོག་ཤེ་ རོག་ཤེ། རོག་ཁྲིམས་ཤིང་གེ་ ཇཱན་ཤོ་དག༌ཉི།
ཧང་དང་ ན་ཧ་དཔོན་ཁྲིམས་ཤིང་གེ་ ཇཱན་ཤོ་ཨ་ཉི་སྨོ་དག་ཉི་ པི་ལ་ཏཱས་གི་ རོག་ཏེ་བ་ཀ་ཇི་མ༌ལ།
བླ་མ་ཆི་ལུ་བ་ཀི་ ཤ་དར་ཕི་ཉི་ཡེག་པ་ལ་ ཨ་ཧ་དཔོན་ཤོ་ ཀའི་སར་ཐུར་མ་ཏོག་པ་ བཱརའ་ཨི་བི་རང་མཱན་ཅ་དག༌ཉི།
16ཇུ་ཀ་དག་པ་ཀབ་ཉི་ ཡི་ཤུ་བཀྲོངས་མེ་དེན་གེ་ པི་ལ་ཏཱས་གི་ རོག་ཏེ་བ་ཀ་ ག་དང་ག་སྤྲོད་པ༌ལ། ཉི་གེ་ རོག་ཏེ་བ་ཀི་ ཡི་ཤུ་ག་ རྩིས་ལཱན་ཐཱན་ བུ་ཝ༌ལ༎
ཁྲིམས་ཤིང་གེ་ཇཱན་མ༌ལ།
17ཁྲིམས་ཤིང་བུ་ ཡི་ཤུ་རོག་ཏེན་གི་བང་ཉི་ ཐོད་པ་དག་ས་ག་ཏཱན་ བྱོན་མ༌ལ། (ཧི་བུརུ་ག་ལོ་གེ་ཨ་ནེ་ལ་ གལ་ག་ཐ་དག་ཉི་ རཱན་ཅ་གི་ཝ༌ལ།) 18ཉི་ཉ་ག་ རོག་ཏེ་བ་ཀི་ ཡི་ཤུ་ཁྲིམས་ཤིང་གེ་ཇཱན་མ༌ལ། ཉི་རོག་ཀབ་ཉི་ བཱརའ་སོ་ངོ་ཉིག་ཙིང་བུ་ ཁྲིམས་ཤིང་གེ་ ཇཱན་མ་གི་ཝ༌ལ། ཐུར་ཤོ་ལ་ཉོང་ལོ་ཀ་དང་ ཐུར་ཤོ་མི་ཉོང་ལོ་ཀ་ ཇཱན་མ་ཅ་གི་ཝ༌ལ། ཉི་ཡི་ཤུ་ཤོ་ བར་ཀ་ཅ་གི་ཝ༌ལ། 19པི་ལ་ཏཱས་གི་ ནཱས་རཱད་ག་ཡི་ཤུ་ཤོ་ ཡ་ཧུ་དི་པ་བ་ཀ་ དཔོན་དག་ཉི་འབྲི་ཐཱན་ ཁྲིམས་ཤིང་ཐུང་ཀ་ ཆེ་ཕ་ཅ་གི་ཝ༌ལ། 20ཡ་ཧུ་དི་པ་མང་པུ་ཐུར་གི་ ཨོ་ཉ་འབྲི་ཁཱན་ཁེ་པ་ལྷག་པ༌ལ། ཧང་ཡ་དག་ནེ་ལ་ ཡི་ཤུ་ཁྲིམས་ཤིང་ཐུང་ཀ་ ཇཱན་ཁཱན་ས་ཆ་ཁེ་པ་ ཁྲོམ་ཆེན་ར་ག་རང་ཅ་གི་ཝ༌ལ། ཉི་ཨོ་ཉ་ཡི་གུ་ཁེ་པ་ ཧི་བུརུ་དང་ལེ་ཏྲིན་ ཉི་གིརིག་གེ་ཨ་ཉི་ འབྲི་བ་ཅ་གི་ཝ༌ལ།
21བླ་མ་ཆི་ལུ་བ་ཀི་ པི་ལ་ཏཱས་ག་ཞུ་ཝ་ལ་ ཡ་ཧུ་དི་པ་བ་ཀ་དཔོན་དག་ཉི་ འབྲི་ཁཱན་ཁེ་པ་སོར་ཐཱན་ ཇང་ཤོ་ ཡ་ཧུ་དི་པ་བ་ཀ་དཔོན་གི་ལ་ཨ་ཉི་ རོ་ཀི་ཡེག་ཆོ་ཝ་དག་ འབྲི་ཤོ་ཨ༌ཉི།
22དག་པ་ཀབ་ཉི་ པི་ལ་ཏཱས་གི་ལན་གནང་ཉི་ ཇི་གི་འབྲི་ཁཱན་ཁེ་པ་ ཇི་གི་འབྲི་བ་གི་ལ་དག་ཉི་ གསུངས་མ༌ལ།
23དམག་མི་བ་ཀི་ ཡི་ཤུ་ཁྲིམས་ཤིང་གེ་ ཇཱན་མ་ཀབ་ཉི་ རོ་ཀ་ནམ་བཟའ་ཕེག་ཐཱན་ རོག་ཏེ་ཕིཤི་ག་རང་ ཐུར་རེ་རེ་ཆ་པ་ཨ་ཉི་ བོང་མ༌ལ། ཉི་ནང་ཀ་གནམ་བཟའ་ཤ་ མ་ཕེག་པ་གི་ཝ༌ལ། ཨོ་ཐ་ནམ་བཟའ་ཁེ་པ་ ཐུང་ཀེ་དོང་ཇུ་ཀ་སག་པུ་རང་ ཐུར་ཨ་ཉི་ན་མ་ཅ་གི་ཝ༌ལ། 24ཨོ་ཉི་ཨ་དེན་གེ་ རོག་ཏེ་བ་ཀི་ཡེག་པ་ལ་ ཨ་ཤི་ ཨོ་ཐ་ནམ་བཟའ་མ་རེ་པཱན་ ཨི་བི་གི་ཉོང་ལ་སྨོ་ གོད་པེ་དེན་གེ་ ཤོ་ཅང་ཁེ་དག༌ཉི། ཉི་ཨུ་ཐུ་ཤོ་གསུང་རབ་གེ་ རོག་ཏེ་བ་ཀི་ རོག་ཏེ་བ་ནང་དོ་ ཇ་ག་ཁ་མུང་བོང༌མ། ཉི་ཇ་ག་ཁ་མུང་ག་དེན་གེ་ རོག་ཏེ་བ་ཀི་ཤོ་ཅང་མ་#19:24 མགུར་མ་ག་དཔེ་ཆ་ 22:18དག་ཉི་ ཤོ་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཇུང་མ་གི་ཝ༌ལ། ཨོ་ཉི་ཨ་དེན་གེ་ དམག་མི་བ་ཀི་ ཨོ་ཐེན་ཨ་ཝ་གི་ཝ༌ལ།
25དག་པ་ཀབ་ཉི་ ཁྲིམས་ཤིང་ར་ག་ ཡི་ཤུ་ག་ཡུམ་དང་ རོ་ཀ་ཡུམ་ག་ཨ་ན་ཨུ་ས་ ཉི་ཀོལོ་པཱས་ག་མེ་ཝག་ཙ་ མ་རི་ཡམ་དང་ མ་རི་ཡམ་མག་ད་ལི་ནི་བ་ཅ་གི་ཝ༌ལ། 26ཡི་ཤུ་གི་ རོ་ཀ་ཡུམ་དང་ རོ་ཀི་ཕང་ཁཱན་སློ་མ་ཁེ་པ་ ཨོ་ཉ་ར་ག་ཐིང་མ་ཆོ་ཝ་ གཟིགས་པ་ཀབ་ཉི་ རོ་ཀ་ཡུམ་ག་ཏཱན་གསུངས་མ་ལ་ ཨ་མ་ རོག་ཤོ་ ན་ག་ཟ་གི་ལ་ན་དག༌ཉི། 27ཉི་རོག་ཤོ་ ན་ག་ཨ་མ་གི་ལ་ན་དག་ཉི་ རོ་ཀ་སློ་མ་ག་ཏཱན་གསུངས་མ༌ལ། ཨོ་ཉི་ཨ་དེན་གེ་ ཨོ་ཉ་གེ་ག་ཏཱན་ རོ་ཀ་ཡུམ་ཁེ་པ་ ཨོ་ཉ་སློ་མ་གི་ རོག་ཏེན་ག་ཕའི་ག་ཏཱན་ རིག་ཉི་བུ་ཝ༌ལ༎
ཡི་ཤུ་གཤགས་པ༌ལ།
28ཐམས་ཅན་རང་འགྲུབ་ཕ་དག་ཉི་ ཡི་ཤུ་གི་མཁྱེན་ཉི་ གསུང་རབ་གེ་ཤོ་ཁཱན་ཁེ་པ་ འགྲུབ་ཕེ་དེན་གེ་གསུངས་མ་ལ་ ཇང་རི་ནང་སོ་ཕ་ཅ་དག༌ཉི། 29ཞུ་ཅུར་པུ་ཨ་ཝ་གི་ཕུང་ཁཱན་ ཁོ་ཐུར་ཉ་ག་ཅ་གི་ཝ༌ལ། ཉི་རོག་ཏེ་བ་ཀི་ བག་ཏང་ཞུ་ནང་ཀ་ཤུམ་ཐཱན་ ཏོ་ཀང་ཐུང་ཅི་གི་ཨ་ཉི་ རོ་ཀ་ཞལ་ག་ཀེ་བ༌ལ། 30ཡི་ཤུ་གི་ ཨོ་ཉ་ཞུ་བཞེས་དེན་གེ་ ཆུ་མ་དག་ཉི་གསུངས་མ༌ལ། ཉི་རོ་ཀ་དབུ་དོང་ཀུར་ཐཱན་ རོ་ཀ་ཐུགས་ཉིད་སྤྲོད་པ༌ལ།
31ཉི་ཨོ་ཉ་ནམ་ནིང་ད་བུ་ དུས་བཟང་གི་ཝ་ཨ་དེན་གེ་ ཡ་ཧུ་དི་པ་བ་ཀི་ རོག་ཏེ་བ་ཀ་ཕུང་པུ་ ཁྲིམས་ཤིང་ཐུང་ཀེ་ ཇཱན་ཉི་རང་ཐ་ལེ་ག་སེམས་ མཱན་ཅ་གི་ཝ༌ལ། ཧང་ཡ་དག་ནེ་ལ་ གོག་ཉི་དི་ཝ་ག་དུས་ཆེན་ག་གང་ཀ་ གི་ཝ་ཨ་དེན་གེ་ ཨོ་ཉ་དུས་བཟང་ཁེ་པ་ གནམ་མེད་ས་མེད་ ཆི་ལུ་ཙིན་ཅ་གི་ཝ༌ལ། ཨོ་ཉི་ཨ་དེན་གེ་ ཡ་ཧུ་དི་པ་བ་ཀི་ པི་ལ་ཏཱས་ག་ སྐུན་མདུན་ག་བཅག་ཐཱན་ཞུ་ཝ་ལ་ རོག་ཏེ་བ་ཀ་ བི་ཕོད་ཉི་གེམ་ཐཱན་ ཁྲིམས་ཤིང་ཐུང་ཀེ་དོང་ ཕབ་ཅོ་དག༌ཉི། 32ཨོ་ཉི་ཨ་དེན་གེ་ དམག་མི་བ་ཨུན་ཐཱན་ ཡི་ཤུ་ཀབ་ཉི་ ཁྲིམས་ཤིང་ཐུང་ཀ་ཇཱན་ཁཱན་ སོ་ངོ་ཉིག་ཙིང་ག་ བི་ཕོད་ཉི་གེ་མ༌ལ། 33དག་པ་ཀབ་ཉི་ དམག་མི་བ་ ཡི་ཤུ་ག་ར་ག་ཤེག་ཉི་ གོད་པ་ཀབ་ཉི་ རོག་གཤགས་པ་ཆོ་ཝ་ཨ་དེན་གེ་ རོ་ཀ་ཞབས་མ་ཕོད་པ༌ལ། 34དག་པ་ཀབ་ཉི་ དམག་མི་ཐུར་གི་ རོ་ཀ་ཐར་ཁང་ག་ ཀྲིང་ཀང་གི་ཆུང་མ་ཀབ་ཉི་ ཨོ་ཉ་ཐྲེ་ཀེ་རང་ རོ་ཀ་སྐུ་གཟུགས་གེ་ སྐུ་ཁྲག་དང་ རི་ཤོ་ཝ༌ལ། 35ཨུ་ཐུ་ད་བུ་ཇུང་མ་ཀབ་ཉི་ མིང་གི་ངོ་མ་ཨ་ཉི་ ཐོང་ཁཱན་སོ་ངོ་གི་ འཛོམས་དཔང་ཨ་ཝ་ག་ཆཱས་གི༌ལ། ཉི་རོ་ཀི་ཡེག་ཁཱན་ཁེ་པ་ དེན་པ་གི༌ལ། རོ་ཀི་ཡེག་ཁཱན་ཁེ་པ་ དེན་པ་གི་ལ་དག་ཉི་ རོ་ཀི་སེན༌ཅ། ཉི་ན་ཤི་ དད་པ་ཨན་ཆེན་དག་པ་གི་ རོ་ཀི་ན་ཧ་ཏཱན་ ཨོ་ཐ་ཆཱས་ཡེག་ཅ་གི༌ལ། 36ཨུ་ཐུ་ཤོ་ རོ་ཀ་ཁང་ཐུར་བུ་མ་ཕོད་པ་#19:36 ཤོན་དི་ཝ་ག་དཔེ་ཆ་ 12:46; ཁ་ཇང་ག་དཔེ་ཆ་ 9:12; མགུར་མ་ག་དཔེ་ཆ་ 34:20 དག་ཉི་ གསུང་རབ་གེ་ཤོ་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཇུང་མ་གི༌ལ། 37ཉི་ཨོམ་ཆང་རང་ རོག་ཏེ་བ་ཀི་ ཆུང་མ་ག་སོ་ངོ་ག་ཏཱན་ གོད་པེ་#19:37 ཇ་ཀ་རི་ཡ་ག་དཔེ་ཆ་ 12:10 དག་ཉི་ བཱརའ་གསུང་རབ་གེ་ཤོན༌ཅ༎
ཡི་ཤུ་དུར་ནང་ཀ་ཙུག་པ༌ལ།
38ཨོ་ཉ་ཚི་ངེ་ ཨ་རི་མ་ཐི་ཡ་དག་ས་གེ་ ཡོ་སེཕ་དག་ཁཱན་སོ་ངོ་ཐུར་གི་ པི་ལ་ཏཱས་ག་ སྐུན་མདུན་ག་བཅག་ཐཱན་ ཡི་ཤུ་ག་སྐུ་ཕུང་ཁེ་པ་ ཁྲིམས་ཤིང་གེ་དོང་ ཕ་པེ་ཆོག་པེ་སྨོ་དག་ཉི་ ཞུ་ཝ༌ལ། ཉི་རོག་ཤོ་ ཡ་ཧུ་དི་པ་བ་ཀེ་ ཡོང་ཁེ་ཝ་ཨ་དེན་གེ་ ཙང་ཀེན་ཨ་ཉི་ ཡི་ཤུ་ག་དད་པ་ཨ་ཁཱན་ གི་ཝ་ཆོ་ཝ༌ལ། པི་ལ་ཏཱས་ཀི་ བཀའ་དྲེ་པ་དང་ཏུ་ཉི་ རོག་ཨུན་ཐཱན་ ཡི་ཤུ་ག་སྐུ་ཕུང་བུ་ཝ༌ལ། 39ཉི་གོ་མ་ བི་ནང་ག་ཨུ་ཉི་ ཡི་ཤུ་མཇལ་ཁཱན་ ནི་ཀོ་དེ་མཱས་བུ་ ཤེར་སུང་སུང་ནམ་ཁཱན་ སི་དང་དྲི་བཟང་བ་ཕ་ཉི་ ཤེག་པ༌ལ། ཉི་སི་དང་དྲི་བཟང་དོམ་པ་ཀབ་ཉི་ ནི་ཀོ་དེ་མཱས་གི་ ཤེར་ 30 ཟང་ཀེན་ ཕ་ཝ་ཅ་གི་ཝ༌ལ། 40རོག་ཉིག་ཙིང་གི་ ཡི་ཤུ་ག་སྐུ་ཕུང་བུན་ཐཱན་ ཡ་ཧུ་དི་པ་བ་ཀ་ དུར་ག་ཙུག་པེ་ག་ ལུགས་སྲོལ་དང་ཏུ་ཉི་ དྲི་བཟང་ག་བུར་བ་ལུག་ཐཱན་ ཁ་ཤ་གི་ཆོ་མ༌ལ། 41ཉི་ཨོམ་ རོག་ཁྲིམས་ཤིང་གེ་ ཇཱན་ས་ག་ལྡུམ་ར་ཐུར་ཆོ༌ཝ། ཉི་ཨོ་ཉ་ལྡུམ་ར་ནང་ཀ་ དུར་སིང་མ་ཐུར་ཆོ༌ཝ། ཉི་ཨོ་ཉ་དུར་ནང་ཀ་ ཨི་བི་ག་རོ་རང་ཙུག་པ་མཱན་ཆི། 42གོག་ཉི་དི་ཝ་ག་དུས་ཆེན་གེ་གོ་མ་ ཅམ་པེ་ག་ནོང་གི་ཝ་ཨ་དེན་གེ་ ཉི་དུར་བུ་ ར་ག་རང་ཆོ་ཝ་ཨ་དེན་གེ་ རོག་ཉིག་ཙིང་གི་ ཡི་ཤུ་ག་སྐུ་ཕུང་ ཨོ་ཉ་དུར་ནང་ཀ་ཙུག་པ༌ལ༎
Currently Selected:
ཡུ་ཧན་ན། 19: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
ཡུ་ཧན་ན། 19
19
ཡི་ཤུ་བཀྲོངས་མེ་ག་ བཀའ་གནང་མ༌ལ།
1ཉི་གེ་ པི་ལ་ཏཱས་གི་ ཡི་ཤུ་བུན་ཐཱན་ ཤུག་ཨན་ལ་ཕེ་བི་ཝ༌ལ། 2ཉི་དམག་མི་བ་ཀི་ ཟུ་གི་ཨ་ཉི་ རྒྱལ་ཞྭ་ཅོད་ཐཱན་ རོ་ཀ་དབུ་ག་མུག་ཉི་བི་ཝ༌ལ། ཉི་ནམ་བཟའ་རྒྱ་སྨུག་ཨ་ཝ་ ཡེ་ཉི་བི་ཝ༌ལ། 3ཉི་རོག་ཏེ་བ་ལོག་ཉི་རང་ རོག་བཞུགས་ས་ག་དིན་ཐཱན་ ཡ་ཧུ་དི་པ་བ་ཀ་དཔོན་ སྐུ་ཚེ་རིང་ཤོ་དག་ཉི་ ཡེག་པ༌ལ། ཉི་རོག་ཏེ་བ་ཀི་ རོ་ཀ་ཞལ་ག་ ལོག་ཉི་ལོག་ཉི་རང་ དེན་ཇ་ཀི་ཕི་ཝ༌ལ།
4ཉི་པི་ལ་ཏཱས་ ལོག་ཉི་རང་ཕིས་ཀ་ རོག་ཏེ་བ་ཆོ་ས་ག་ཏཱན་བྱོན་ཐཱན་ གསུངས་མ་ལ་ གོད་ཅོ་ ཇི་གི་གོད་པ་ཀབ་ཉི་ རོ་ཀི་ཁྲིམས་གེ་གེ་བ་ལའི་ ཧང་རང་ཨ་ཝ་མ་ལ་དག་ཉི་ གེན་མེ་དེན་གེ་ ཇི་གི་རོག་ ན་ཧ་བ་ཀ་བཱརང་ཀ་ཏཱན་ ཕ་ལེ་དག༌ཉི། 5ཉི་དབུ་ག་ ཨོ་ཉ་ཟུ་ག་རྒྱལ་ཞྭ་མུག་ཉི་ ཉི་ཨོ་ཉ་ནམ་བཟའ་རྒྱ་སྨུག་ཨ་ཝ་བཞེས་ཉི་ ཡི་ཤུ་ཕིས་ཀ་བྱོན་མ༌ལ། ཉི་པི་ལ་ཏཱས་གི་ རོག་ཏེ་བ་ཀ་གསུངས་མ་ལ་ གོད་ཅོ་ རོག་ཐ་ག་ཅ་དག༌ཉི།
6བླ་མ་ཆི་ལུ་བ་དང་ འགོ་དཔོན་བ་ཀི་ རོག་ཐོང་མ་ལ་ཀབ་ཉི་ ཤ་དར་ཕི་ཉི་ཡེག་པ༌ལ། རོག་ཁྲིམས་ཤིང་གེ་ཇཱན་ཤོ་ རོག་ཁྲིམས་ཤིང་གེ་ཇཱན་ཤོ་དག༌ཉི།
ཉི་པི་ལ་ཏཱས་གི་ རོག་ཏེ་བ་ཀ་གསུངས་མ་ལ་ ཉི་ལ་ ན་ཧ་བ་ཏེན་གི་ རོག་བུན་ཐཱན་ ཁྲིམས་ཤིང་གེ་ཇཱན༌ཤོ། ཧང་ཡ་དག་ནེ་ལ་ ཇི་གི་གོད་པ་ཀབ་ཉི་ རོ་ཀི་ཁྲིམས་གེ་གེ་བ་ལའི་ ཧང་རང་ཨ་ཝ་མ་ལ་དག༌ཉི།
7ཉི་ཡ་ཧུ་དི་པ་བ་ཀི་ ལན་མཇལ་ཉི་ཞུ་ཝ་ལ་ ཨ་ཧ་བཀའ་ཁྲིམས༌ཅ། ཉི་རོ་ཀི་ རོག་ཤོ་ དཀོན་མཆོག་ག་ སྲས་གི་ལ་དག་ཉི་ ཡེག་པ་ཨ་དེན་གེ་ ཨ་ཧ་བཀའ་ཁྲིམས་གེ་ཤོ་ཝ་དང་ཏུ་ཉི་ རོག་ཤི་ལེ་ཁེ་ལེ་དག༌ཉི།
8ཨོ་ཐེན་ན་ཐ་ལ་ཀབ་ཉི་ པི་ལ་ཏཱས་ ལག་ཏང་ ཡོང་ཁེ་ཝ༌ལ། 9ཉི་རོག་ལོག་ཉི་རང་ རོ་ཀ་གཟིམ་ཅུང་ནང་ཀ་བྱོན་ཐཱན་ ནཱན་ཨོ་གེ་གི་ལ་ཡ་དག་ཉི་ ཡི་ཤུ་ག་ཇི་མ་ཀབ་ཉི་ ཡི་ཤུ་གི་ལན་མ་གནང་མ༌ལ། 10ཨོ་ཉི་ཨ་དེན་གེ་ པི་ལ་ཏཱས་གི་ ཡི་ཤུ་ག་གསུངས་མ་ལ་ ནཱན་གི་ ཇང་ཀབ་ཉི་ཆཱས་མ་ཨ་ལ་སྨོ། ཧང་ཇི་གི་ནཱན་ཐར་ནེ་བུ་ ཐར་བེ་ག་དང་ ཁྲིམས་ཤིང་གེ་ ཇཱན་ནེ་བུ་ཇཱན་མེ་ག་དབང་ཚད་ ཇ་ག་ཅ་དག་ཉི་ ནཱན་གི་ སེ་ལུ་མཱན་ཅ་སྨོ་དག༌ཉི།
11ཡི་ཤུ་གི་ ལན་གནང་ཉི་གསུངས་མ་ལ་ ཐོ་ལ་གེ་དོང་མ་གནང་ནེ་ལ་ ནཱན་གི་ཇ་ག་ཐུང་ཀ་ དབང་ཚད་ཙུང་མེ་མར་བེ་ཆོ༌ཝ། ཨོ་ཉི་ཨ་དེན་གེ་ ཇང་ན་ག་ག་དང་ག་སྤྲོད་ཁཱན་ སོ་ངོ་ཁེ་པ་ སྡིག་པ་མང་པུ་སག་པེ་དག༌ཉི།
12ཨོ་ཉ་གེ་ག་ཏཱན་ པི་ལ་ཏཱས་གི་ ཡི་ཤུ་ཐར་བེ་མིག་པ་ཕི་ཝ༌ལ། དག་པ་ཀབ་ཉི་ ཡ་ཧུ་དི་པ་བ་ཀི་ ཤ་དར་ཕི་ཉི་ཡེག་པ་ལ་ ནཱན་གི་ ཨོ་ཐ་སོ་ངོ་ཐར་ནེ་ལ་ ནཱན་ཤོ་ ཀའི་སར་ག་ཇ་རོ་མང་གི། ཧང་ཡ་དག་ནེ་ལ་ ཨི་བི་གི་ དཔོན་གི་ལ་དག་ཉི་ཡེག་པ་ཐུར་ ཨོ་ཉ་སོ་ངོ་ཁེ་པ་ ཀའི་སར་ག་ ངོ་ལོག་ཁཱན་གི་ལ་དག༌ཉི།
13པི་ལ་ཏཱས་གི་ ཨོ་ཐ་ཆཱས་བ་ ན་ཐ་དེན་གེ་ ཡི་ཤུ་ཕིས་ཀ་ཕཱན་ཐཱན་ ལུང་གི་ཟང་ཁཱན་དག་ཉི་ར་ཁཱན་ དྲང་དཔོན་ག་ ཁྲི་ཐུང་ཀ་བཞུགས་པ༌ལ། ཉི་ཧི་བུརུ་ག་ལོ་གེ་ ཨོ་ཉ་ཁྲི་ག་མིང་ཤོ་ གབ་བ་ཐ་དག་ཉི་ ཡེག་ཅ་གི་ཝ༌ལ། 14ཉི་ཨོམ་ གོག་ཉི་དི་ཝ་ག་དུས་ཆེན་ག་དེན་གེ་ ཅམ་ཁཱན་ནོང་གི་ཝ་ཆོ་ཝ༌ལ། ཉི་ངབ་ཀ་ཆུ་ཚོད་ སོང་ཉིག་ཙིང་དུང་མ་ཅ་གི་ཝ༌ལ། ཉི་རོ་ཀི་ ཡ་ཧུ་དི་པ་བ་ཀ་ གསུངས་མ༌ལ། གོད་ཅོ་ རོག་ཤོ་ ན་ཧ་དཔོན་གི་ལ་དག༌ཉི།
15དག་པ་ཀབ་ཉི་ རོག་ཏེ་བ་ཀི་ ཤ་དར་ཕི་ཉི་ཡེག་པ་ལ་ རོག་ཤེ་ རོག་ཤེ། རོག་ཁྲིམས་ཤིང་གེ་ ཇཱན་ཤོ་དག༌ཉི།
ཧང་དང་ ན་ཧ་དཔོན་ཁྲིམས་ཤིང་གེ་ ཇཱན་ཤོ་ཨ་ཉི་སྨོ་དག་ཉི་ པི་ལ་ཏཱས་གི་ རོག་ཏེ་བ་ཀ་ཇི་མ༌ལ།
བླ་མ་ཆི་ལུ་བ་ཀི་ ཤ་དར་ཕི་ཉི་ཡེག་པ་ལ་ ཨ་ཧ་དཔོན་ཤོ་ ཀའི་སར་ཐུར་མ་ཏོག་པ་ བཱརའ་ཨི་བི་རང་མཱན་ཅ་དག༌ཉི།
16ཇུ་ཀ་དག་པ་ཀབ་ཉི་ ཡི་ཤུ་བཀྲོངས་མེ་དེན་གེ་ པི་ལ་ཏཱས་གི་ རོག་ཏེ་བ་ཀ་ ག་དང་ག་སྤྲོད་པ༌ལ། ཉི་གེ་ རོག་ཏེ་བ་ཀི་ ཡི་ཤུ་ག་ རྩིས་ལཱན་ཐཱན་ བུ་ཝ༌ལ༎
ཁྲིམས་ཤིང་གེ་ཇཱན་མ༌ལ།
17ཁྲིམས་ཤིང་བུ་ ཡི་ཤུ་རོག་ཏེན་གི་བང་ཉི་ ཐོད་པ་དག་ས་ག་ཏཱན་ བྱོན་མ༌ལ། (ཧི་བུརུ་ག་ལོ་གེ་ཨ་ནེ་ལ་ གལ་ག་ཐ་དག་ཉི་ རཱན་ཅ་གི་ཝ༌ལ།) 18ཉི་ཉ་ག་ རོག་ཏེ་བ་ཀི་ ཡི་ཤུ་ཁྲིམས་ཤིང་གེ་ཇཱན་མ༌ལ། ཉི་རོག་ཀབ་ཉི་ བཱརའ་སོ་ངོ་ཉིག་ཙིང་བུ་ ཁྲིམས་ཤིང་གེ་ ཇཱན་མ་གི་ཝ༌ལ། ཐུར་ཤོ་ལ་ཉོང་ལོ་ཀ་དང་ ཐུར་ཤོ་མི་ཉོང་ལོ་ཀ་ ཇཱན་མ་ཅ་གི་ཝ༌ལ། ཉི་ཡི་ཤུ་ཤོ་ བར་ཀ་ཅ་གི་ཝ༌ལ། 19པི་ལ་ཏཱས་གི་ ནཱས་རཱད་ག་ཡི་ཤུ་ཤོ་ ཡ་ཧུ་དི་པ་བ་ཀ་ དཔོན་དག་ཉི་འབྲི་ཐཱན་ ཁྲིམས་ཤིང་ཐུང་ཀ་ ཆེ་ཕ་ཅ་གི་ཝ༌ལ། 20ཡ་ཧུ་དི་པ་མང་པུ་ཐུར་གི་ ཨོ་ཉ་འབྲི་ཁཱན་ཁེ་པ་ལྷག་པ༌ལ། ཧང་ཡ་དག་ནེ་ལ་ ཡི་ཤུ་ཁྲིམས་ཤིང་ཐུང་ཀ་ ཇཱན་ཁཱན་ས་ཆ་ཁེ་པ་ ཁྲོམ་ཆེན་ར་ག་རང་ཅ་གི་ཝ༌ལ། ཉི་ཨོ་ཉ་ཡི་གུ་ཁེ་པ་ ཧི་བུརུ་དང་ལེ་ཏྲིན་ ཉི་གིརིག་གེ་ཨ་ཉི་ འབྲི་བ་ཅ་གི་ཝ༌ལ།
21བླ་མ་ཆི་ལུ་བ་ཀི་ པི་ལ་ཏཱས་ག་ཞུ་ཝ་ལ་ ཡ་ཧུ་དི་པ་བ་ཀ་དཔོན་དག་ཉི་ འབྲི་ཁཱན་ཁེ་པ་སོར་ཐཱན་ ཇང་ཤོ་ ཡ་ཧུ་དི་པ་བ་ཀ་དཔོན་གི་ལ་ཨ་ཉི་ རོ་ཀི་ཡེག་ཆོ་ཝ་དག་ འབྲི་ཤོ་ཨ༌ཉི།
22དག་པ་ཀབ་ཉི་ པི་ལ་ཏཱས་གི་ལན་གནང་ཉི་ ཇི་གི་འབྲི་ཁཱན་ཁེ་པ་ ཇི་གི་འབྲི་བ་གི་ལ་དག་ཉི་ གསུངས་མ༌ལ།
23དམག་མི་བ་ཀི་ ཡི་ཤུ་ཁྲིམས་ཤིང་གེ་ ཇཱན་མ་ཀབ་ཉི་ རོ་ཀ་ནམ་བཟའ་ཕེག་ཐཱན་ རོག་ཏེ་ཕིཤི་ག་རང་ ཐུར་རེ་རེ་ཆ་པ་ཨ་ཉི་ བོང་མ༌ལ། ཉི་ནང་ཀ་གནམ་བཟའ་ཤ་ མ་ཕེག་པ་གི་ཝ༌ལ། ཨོ་ཐ་ནམ་བཟའ་ཁེ་པ་ ཐུང་ཀེ་དོང་ཇུ་ཀ་སག་པུ་རང་ ཐུར་ཨ་ཉི་ན་མ་ཅ་གི་ཝ༌ལ། 24ཨོ་ཉི་ཨ་དེན་གེ་ རོག་ཏེ་བ་ཀི་ཡེག་པ་ལ་ ཨ་ཤི་ ཨོ་ཐ་ནམ་བཟའ་མ་རེ་པཱན་ ཨི་བི་གི་ཉོང་ལ་སྨོ་ གོད་པེ་དེན་གེ་ ཤོ་ཅང་ཁེ་དག༌ཉི། ཉི་ཨུ་ཐུ་ཤོ་གསུང་རབ་གེ་ རོག་ཏེ་བ་ཀི་ རོག་ཏེ་བ་ནང་དོ་ ཇ་ག་ཁ་མུང་བོང༌མ། ཉི་ཇ་ག་ཁ་མུང་ག་དེན་གེ་ རོག་ཏེ་བ་ཀི་ཤོ་ཅང་མ་#19:24 མགུར་མ་ག་དཔེ་ཆ་ 22:18དག་ཉི་ ཤོ་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཇུང་མ་གི་ཝ༌ལ། ཨོ་ཉི་ཨ་དེན་གེ་ དམག་མི་བ་ཀི་ ཨོ་ཐེན་ཨ་ཝ་གི་ཝ༌ལ།
25དག་པ་ཀབ་ཉི་ ཁྲིམས་ཤིང་ར་ག་ ཡི་ཤུ་ག་ཡུམ་དང་ རོ་ཀ་ཡུམ་ག་ཨ་ན་ཨུ་ས་ ཉི་ཀོལོ་པཱས་ག་མེ་ཝག་ཙ་ མ་རི་ཡམ་དང་ མ་རི་ཡམ་མག་ད་ལི་ནི་བ་ཅ་གི་ཝ༌ལ། 26ཡི་ཤུ་གི་ རོ་ཀ་ཡུམ་དང་ རོ་ཀི་ཕང་ཁཱན་སློ་མ་ཁེ་པ་ ཨོ་ཉ་ར་ག་ཐིང་མ་ཆོ་ཝ་ གཟིགས་པ་ཀབ་ཉི་ རོ་ཀ་ཡུམ་ག་ཏཱན་གསུངས་མ་ལ་ ཨ་མ་ རོག་ཤོ་ ན་ག་ཟ་གི་ལ་ན་དག༌ཉི། 27ཉི་རོག་ཤོ་ ན་ག་ཨ་མ་གི་ལ་ན་དག་ཉི་ རོ་ཀ་སློ་མ་ག་ཏཱན་གསུངས་མ༌ལ། ཨོ་ཉི་ཨ་དེན་གེ་ ཨོ་ཉ་གེ་ག་ཏཱན་ རོ་ཀ་ཡུམ་ཁེ་པ་ ཨོ་ཉ་སློ་མ་གི་ རོག་ཏེན་ག་ཕའི་ག་ཏཱན་ རིག་ཉི་བུ་ཝ༌ལ༎
ཡི་ཤུ་གཤགས་པ༌ལ།
28ཐམས་ཅན་རང་འགྲུབ་ཕ་དག་ཉི་ ཡི་ཤུ་གི་མཁྱེན་ཉི་ གསུང་རབ་གེ་ཤོ་ཁཱན་ཁེ་པ་ འགྲུབ་ཕེ་དེན་གེ་གསུངས་མ་ལ་ ཇང་རི་ནང་སོ་ཕ་ཅ་དག༌ཉི། 29ཞུ་ཅུར་པུ་ཨ་ཝ་གི་ཕུང་ཁཱན་ ཁོ་ཐུར་ཉ་ག་ཅ་གི་ཝ༌ལ། ཉི་རོག་ཏེ་བ་ཀི་ བག་ཏང་ཞུ་ནང་ཀ་ཤུམ་ཐཱན་ ཏོ་ཀང་ཐུང་ཅི་གི་ཨ་ཉི་ རོ་ཀ་ཞལ་ག་ཀེ་བ༌ལ། 30ཡི་ཤུ་གི་ ཨོ་ཉ་ཞུ་བཞེས་དེན་གེ་ ཆུ་མ་དག་ཉི་གསུངས་མ༌ལ། ཉི་རོ་ཀ་དབུ་དོང་ཀུར་ཐཱན་ རོ་ཀ་ཐུགས་ཉིད་སྤྲོད་པ༌ལ།
31ཉི་ཨོ་ཉ་ནམ་ནིང་ད་བུ་ དུས་བཟང་གི་ཝ་ཨ་དེན་གེ་ ཡ་ཧུ་དི་པ་བ་ཀི་ རོག་ཏེ་བ་ཀ་ཕུང་པུ་ ཁྲིམས་ཤིང་ཐུང་ཀེ་ ཇཱན་ཉི་རང་ཐ་ལེ་ག་སེམས་ མཱན་ཅ་གི་ཝ༌ལ། ཧང་ཡ་དག་ནེ་ལ་ གོག་ཉི་དི་ཝ་ག་དུས་ཆེན་ག་གང་ཀ་ གི་ཝ་ཨ་དེན་གེ་ ཨོ་ཉ་དུས་བཟང་ཁེ་པ་ གནམ་མེད་ས་མེད་ ཆི་ལུ་ཙིན་ཅ་གི་ཝ༌ལ། ཨོ་ཉི་ཨ་དེན་གེ་ ཡ་ཧུ་དི་པ་བ་ཀི་ པི་ལ་ཏཱས་ག་ སྐུན་མདུན་ག་བཅག་ཐཱན་ཞུ་ཝ་ལ་ རོག་ཏེ་བ་ཀ་ བི་ཕོད་ཉི་གེམ་ཐཱན་ ཁྲིམས་ཤིང་ཐུང་ཀེ་དོང་ ཕབ་ཅོ་དག༌ཉི། 32ཨོ་ཉི་ཨ་དེན་གེ་ དམག་མི་བ་ཨུན་ཐཱན་ ཡི་ཤུ་ཀབ་ཉི་ ཁྲིམས་ཤིང་ཐུང་ཀ་ཇཱན་ཁཱན་ སོ་ངོ་ཉིག་ཙིང་ག་ བི་ཕོད་ཉི་གེ་མ༌ལ། 33དག་པ་ཀབ་ཉི་ དམག་མི་བ་ ཡི་ཤུ་ག་ར་ག་ཤེག་ཉི་ གོད་པ་ཀབ་ཉི་ རོག་གཤགས་པ་ཆོ་ཝ་ཨ་དེན་གེ་ རོ་ཀ་ཞབས་མ་ཕོད་པ༌ལ། 34དག་པ་ཀབ་ཉི་ དམག་མི་ཐུར་གི་ རོ་ཀ་ཐར་ཁང་ག་ ཀྲིང་ཀང་གི་ཆུང་མ་ཀབ་ཉི་ ཨོ་ཉ་ཐྲེ་ཀེ་རང་ རོ་ཀ་སྐུ་གཟུགས་གེ་ སྐུ་ཁྲག་དང་ རི་ཤོ་ཝ༌ལ། 35ཨུ་ཐུ་ད་བུ་ཇུང་མ་ཀབ་ཉི་ མིང་གི་ངོ་མ་ཨ་ཉི་ ཐོང་ཁཱན་སོ་ངོ་གི་ འཛོམས་དཔང་ཨ་ཝ་ག་ཆཱས་གི༌ལ། ཉི་རོ་ཀི་ཡེག་ཁཱན་ཁེ་པ་ དེན་པ་གི༌ལ། རོ་ཀི་ཡེག་ཁཱན་ཁེ་པ་ དེན་པ་གི་ལ་དག་ཉི་ རོ་ཀི་སེན༌ཅ། ཉི་ན་ཤི་ དད་པ་ཨན་ཆེན་དག་པ་གི་ རོ་ཀི་ན་ཧ་ཏཱན་ ཨོ་ཐ་ཆཱས་ཡེག་ཅ་གི༌ལ། 36ཨུ་ཐུ་ཤོ་ རོ་ཀ་ཁང་ཐུར་བུ་མ་ཕོད་པ་#19:36 ཤོན་དི་ཝ་ག་དཔེ་ཆ་ 12:46; ཁ་ཇང་ག་དཔེ་ཆ་ 9:12; མགུར་མ་ག་དཔེ་ཆ་ 34:20 དག་ཉི་ གསུང་རབ་གེ་ཤོ་ཁཱན་ཁེ་པ་ དེན་ཐ་འགྲུབ་ཕེ་དེན་གེ་ ཇུང་མ་གི༌ལ། 37ཉི་ཨོམ་ཆང་རང་ རོག་ཏེ་བ་ཀི་ ཆུང་མ་ག་སོ་ངོ་ག་ཏཱན་ གོད་པེ་#19:37 ཇ་ཀ་རི་ཡ་ག་དཔེ་ཆ་ 12:10 དག་ཉི་ བཱརའ་གསུང་རབ་གེ་ཤོན༌ཅ༎
ཡི་ཤུ་དུར་ནང་ཀ་ཙུག་པ༌ལ།
38ཨོ་ཉ་ཚི་ངེ་ ཨ་རི་མ་ཐི་ཡ་དག་ས་གེ་ ཡོ་སེཕ་དག་ཁཱན་སོ་ངོ་ཐུར་གི་ པི་ལ་ཏཱས་ག་ སྐུན་མདུན་ག་བཅག་ཐཱན་ ཡི་ཤུ་ག་སྐུ་ཕུང་ཁེ་པ་ ཁྲིམས་ཤིང་གེ་དོང་ ཕ་པེ་ཆོག་པེ་སྨོ་དག་ཉི་ ཞུ་ཝ༌ལ། ཉི་རོག་ཤོ་ ཡ་ཧུ་དི་པ་བ་ཀེ་ ཡོང་ཁེ་ཝ་ཨ་དེན་གེ་ ཙང་ཀེན་ཨ་ཉི་ ཡི་ཤུ་ག་དད་པ་ཨ་ཁཱན་ གི་ཝ་ཆོ་ཝ༌ལ། པི་ལ་ཏཱས་ཀི་ བཀའ་དྲེ་པ་དང་ཏུ་ཉི་ རོག་ཨུན་ཐཱན་ ཡི་ཤུ་ག་སྐུ་ཕུང་བུ་ཝ༌ལ། 39ཉི་གོ་མ་ བི་ནང་ག་ཨུ་ཉི་ ཡི་ཤུ་མཇལ་ཁཱན་ ནི་ཀོ་དེ་མཱས་བུ་ ཤེར་སུང་སུང་ནམ་ཁཱན་ སི་དང་དྲི་བཟང་བ་ཕ་ཉི་ ཤེག་པ༌ལ། ཉི་སི་དང་དྲི་བཟང་དོམ་པ་ཀབ་ཉི་ ནི་ཀོ་དེ་མཱས་གི་ ཤེར་ 30 ཟང་ཀེན་ ཕ་ཝ་ཅ་གི་ཝ༌ལ། 40རོག་ཉིག་ཙིང་གི་ ཡི་ཤུ་ག་སྐུ་ཕུང་བུན་ཐཱན་ ཡ་ཧུ་དི་པ་བ་ཀ་ དུར་ག་ཙུག་པེ་ག་ ལུགས་སྲོལ་དང་ཏུ་ཉི་ དྲི་བཟང་ག་བུར་བ་ལུག་ཐཱན་ ཁ་ཤ་གི་ཆོ་མ༌ལ། 41ཉི་ཨོམ་ རོག་ཁྲིམས་ཤིང་གེ་ ཇཱན་ས་ག་ལྡུམ་ར་ཐུར་ཆོ༌ཝ། ཉི་ཨོ་ཉ་ལྡུམ་ར་ནང་ཀ་ དུར་སིང་མ་ཐུར་ཆོ༌ཝ། ཉི་ཨོ་ཉ་དུར་ནང་ཀ་ ཨི་བི་ག་རོ་རང་ཙུག་པ་མཱན་ཆི། 42གོག་ཉི་དི་ཝ་ག་དུས་ཆེན་གེ་གོ་མ་ ཅམ་པེ་ག་ནོང་གི་ཝ་ཨ་དེན་གེ་ ཉི་དུར་བུ་ ར་ག་རང་ཆོ་ཝ་ཨ་དེན་གེ་ རོག་ཉིག་ཙིང་གི་ ཡི་ཤུ་ག་སྐུ་ཕུང་ ཨོ་ཉ་དུར་ནང་ཀ་ཙུག་པ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved