ལུ་ཀ། 3

ཁྲུས་གསོར་པ་ཡུ་ཧན་ན་གི་ ལམ་ཟང་མ༌ལ།

1ཀའི་སར་ཏི་བེ་རི་ཡཱས་དག་ཁཱན་ དཔོན་ཆི་ལུ་གི་དབང་ཉི་ ཉིང་སོང་ལྔ་དི་ལེ་གང་ཀ་ པཱན་ཏི་ཡཱས་པི་ལ་ཏཱས་ཤོ་ ཡ་ཧུ་དི་ཡ་ག་ དཔོན་སློབ་ཨ་ཉི་ཆོ་ཝ༌ལ། ཉི་ཧེ་རོད་ཤོ་ ས་ཆ་ག་ལིལ་དབང་ཉི་ ཅ་གི་ཝ༌ལ། ཉི་རོ་ཀ་བོ་ཉིང་ ཕི་ལིབ་ཤོ་ ས་ཆ་ཨི་ཏུ་རི་ཡ་དང་ ཏ་ར་ཁོ་ནི་ཏིས་དག་ཁཱན་ དབང་ཉི་ཅ་གི་ཝ༌ལ། ཉི་ལུ་ས་ནི་ཡཱས་དག་ཁཱན་ཤོ་ ས་ཆ་ཨ་བི་ལེ་ནེ་དག་ཁཱན་ དབང་ཉི་ཅ་གི་ཝ༌ལ། 2ཉི་ཧཱན་ནཱས་དང་ ཀའི་ཡ་ཕ་ཤོ་ བླ་མ་གོང་མ་ཨ་ཉི་ ཆོ་ལེ་གང་ཀ་ ཇ་ཀ་རི་ཡ་ག་ཟ་ ཡུ་ཧན་ན་ ས་ཏོང་པ་ནང་ཀ་ བཞུགས་ཁཱན་ག་ དཀོན་མཆོག་ག་ གསུང་བྱོན་མ༌ལ། 3ཉི་རོག་ ཡར་དཱན་རི་དྲང་ ར་ག་ཆོ་ཁཱན་དུང་ ཐམས་ཅན་ག་རང་བྱོན་ཉི་ སྡིག་པ་བཤགས་པ་ ཉོང་པེ་དེན་གེ་ སྡིག་པ་གེ་ལོག་ཐཱན་ ཁྲུས་གསོར་ཞུ་ལེ་ཁེ་ཝ་ཀོར་གེ་ སོ་ངོ་བ་ཀ་ ཡེ་ཉི་གནང་མ༌ལ།

4སོ་ངོ་ཐུར་གི་ ས་ཏོང་པ་ནང་ཀ་ ཤ་དར་ཕི་ཉི་རང་ གཙོ་བོ་བྱོན་མེ་དེན་གེ་ ལམ་ཟང་ཉི་ རོ་ཀ་ལམ་ ཐྲང་པུ་ཅོད་པེ་

དག་ཉི་ ལུང་བསྟན་པ་ ཡ་ཤའི་ཡ་ག་ དཔེ་ཆ་ནང་ཀ་ འབྲི་བ༌ཅ།

5ཡེ་གང་ ཐམས་ཅན་རང་སུབ་ཉི་ ཕུ་དང་ཟོར་ ཐམས་ཅན་རང་ དོང་ཕ༌པེ། ཉི་ལམ་གུན་ཅི་ཆོ་ཁཱན་བ་ ཐྲང་ཉི་ ལམ་མ་ཉམ་པ་ ཆོ་ཁཱན་བ་ཟང་ཉི་ ཉམ་པ་ཅོད༌པེ། 6ཉི་ཤ་ མི་ལུས་རིན་པོ་ཆེ་ ཐམས་ཅན་གི་ དཀོན་མཆོག་གི་ ཀུན་ཏི་ཁཱན་ སྐྱབས་མགོན་ མཇལ་བེ་རེ་བེ་#3:6 ཡ་ཤའི་ཡ་ག་དཔེ་ཆ་ 40:3–5 དག༌ཉི།

7རོ་ཀེ་ཁྲུས་གསོར་ལ་ལེ་ཨུ་ཁཱན་ མང་པུ་ཐུར་ག་ རོ་ཀི་ ཨོ་ཐེན་གསུངས་མ་ལ་ ནའི་དུག་ཆོ་ཁཱན་ རུ་གེ་ནང་བ་ དཀོན་མཆོག་གི་ ཁྲིམས་ཀེ་བེ་ཅམ་པ་ཀབ་ཉི་ ན་ཧ་བ་ གཱན་ཇོང་ཤོ་དག་ཉི་ ཨི་བི་གི་ཡེག་ཆོ་ཝ་ཡ། 8གོ་མ་རང་ ལའི་ལེག་པུ་ཨ་ཉི་ སྡིག་པ་གེ་ལོག་པ་གི་ལ་དག་ཉི་ གེན༌ཤོ། ན་ཤི་ ནའི་ཏེན་ནང་དོ་ ཨོ་ཐེན་ཡེག་པེ་ གོ་མ་ཙུག་ཅོ་ ཨའི་ཨ་བཱརའ་ཧམ་ག་ རྒྱུད་པ་གི་ལ་དག༌ཉི། ཇི་གི་ ན་ཧ་ཡེག་པེ་ དཀོན་མཆོག་གི་ ཨོ་ཐ་ལུང་བ་ཀི་ཆང་ ཨ་བཱརའ་ཧམ་ག་ རྒྱུད་པ་ཅོད་གནང་མེ་རེ༌བེ། 9བེང་ར་ གི་ཚེ་གེ་ཤ་ ཤིང་ར་ཅི་བ་ཀ་ པག་པ༌ཅ། ཉི་སེ་ལེག་པུ་ མ་སེ་ཁཱན་ཤིང་ ཐམས་ཅན་རང་ དུན་ཐཱན་ མི་ག་གོག་པེ་གི་ལ་དག༌ཉི།

10ཉི་ཨོ་ཉ་སོ་ངོ་བ་ཀི་ རོ་ཀ་ཞུ་ཝ་ལ་ ཉི་ལ་ ཨ་ཤི་ ཧང་ཨ་ལེ་ཁེ་ལེ་ཡ་དག༌ཉི།

11ཉི་རོ་ཀི་ རོག་ཏེ་བ་ཀ་ གསུངས་མ་ལ་ ཁ་མུང་ཉིག་ཙིང་ཆོ་ནེ་ལ་ ཐུར་མ་ཁཱན་ག་བི། ཉི་ཟ་ལེ་ཆོ་ཁཱན་བ་ཀི་བུ་ ཟ་ལེ་མ་ཁཱན་བ་ཀ་བི་དག༌ཉི།

12ཉི་ཁྲལ་ཐེབ་དུས་ཁཱན་ཚེ་བང་ ཁྲུས་གསོར་ལ་ལེ་ཤེག་ཉི་ རོ་ཀ་ཞུ་ཝ་ལ་ སློབ་དཔོན་ ཨ་ཤི་ ཧང་ཨ་ལེ་ཁེ་ལེ་ཡ་དག༌ཉི།

13ཉི་རོ་ཀི་ རོག་ཏེ་བ་ཀ་ གསུངས་མ་ལ་ ན་ཤི་ དུས་པེ་ཁེ་ཝ་གེ་ལག་ཉི་ ཐེབ་མ་དུས་ཅོ་དག༌ཉི།

14དམག་མི་བ་ཀི་ རོ་ཀ་ཞུ་ཝ་ལ་ ཉི་ཨ་ཤི་ ཧང་ཨ་ལེ་ཁེ་ལེ་ཡ་དག༌ཉི།

ཉི་རོ་ཀི་ རོག་ཏེ་བ་ཀ་ གསུངས་མ་ལ་ བང་ཙོང་ཉི་ ཨི་བི་རང་མ་ཅོམ༌ཅོ། ཉི་རོག་མང་གི་ཨ་ཉི་ ན་ཤི་སེན་ཐཱན་རང་ གི་ཝ་པུརུས་ཀིན་ཅོད་ཉི་ ཁྲིམས་མ་ཀེ༌ཤོ། ཉི་རང་རང་ས་ ཏོ་ལོབ་གི་ ལང་པ་ཨ་ཉི་ཆོའི་དག༌ཉི།

15ཉི་སོ་ངོ་ ཐམས་ཅན་རང་ ཁིརིས་བྱོན་མེ་ག་ རེ་ཆ་ཆི་ལུ་ཆོ་ཝ༌ལ། ཉི་རོག་ཏེ་ ཐམས་ཅན་གི་ མི་ཉི་དྲི་ཝ་ཨ་ཝ་ལ་ ཡུ་ཧན་ན་ཏེ་ ཁིརིས་མང་གི་སྨོ་དག༌ཉི། 16ཨོ་ཉི་ཨ་དེན་གེ་ ཡུ་ཧན་ན་གི་ རོག་ཏེ་བ་ ཐམས་ཅན་ག་ གསུངས་མ་ལ་ ཇི་གི་ ན་ཧ་བ་ རི་གི་ཨ་ཉི་ ཁྲུས་གསོར་བིན༌ཅ། དག་པ་ཀབ་ཉི་ ཇང་གེ་ཆི་ལུ་ཁེ་པ་བྱོན༌ཅ། ཇང་ཏ་ རོ་ཀ་ཞབས་ལྷམ་ཐུར་རང་ ཕེག་པེ་མ་རུང་ཁཱན་ སོ་ངོ་གི༌ལ། རོ་ཀི་ ན་ཧ་བ་ དམ་པའི་ཐུགས་ཉིད་དང་ མི་གི་ཨ་ཉི་ ཁྲུས་གསོར་གནང༌མེ། 17ཉི་ཁུ་དང་ ཧོམ་སོ་སུ་ཨ་ཉི་ པག་པེ་དེན་གེ་ རོ་ཀ་ཕྱག་ཀ་ ད་ལ་བསྣམས་ཉི་ བྱོན་མ༌ཅ། ཁུ་ཐམས་ཅན་རང་ རོ་ཀ་རུང་ནང་ཀ་གོན་ཐཱན་ ཧོམ་བ་ཤོ་ ཧ་ལ་རང་མ་ཤི་ཁཱན་ མི་ག་གོག་ཉི་གེ་མེ་དག༌ཉི། 18རོ་ཀི་ཨུ་ཉུ་ད་བུ་ མང་པུ་ཐུར་གསུངས་ཉི་ སོ་ངོ་བ་ཀ་ འཐེན་ལེག་པུ་ཀོར་གེ་ བཤད་པ༌ལ།

19ཉི་དཔོན་ཧེ་རོད་གི་ རོ་ཀ་བོ་ཉིང་ ཕི་ལིབ་ག་མེ་ཝག་ཙ་ ཧེ་རོ་དི་ཡཱས་ཀབ་ཉི་ གཉེན་ཕི་ཝ་གི་ ངན་པ་ཨ་ཝ་མ་ཚཱད་པ་ ལའི་བཱརའ་བུ་ མང་པུ་ཐུར་ ཐིག་ཤོར་བ་དག་ཉི་ གསུངས་མ་ཨ་དེན་གེ་ 20ཡུ་ཧན་ན་ བཙོན་ག་ཙུག་ཉི་ སྡིག་པ་ཐུང་ཀ་ ཨོམ་ཆང་ སྡིག་པ་ཆི་ལུ་ཐུར་ པོན་མ༌ལ༎

ཡི་ཤུ་ག་ཁྲུས་གསོར་དང་ གདུང་རྒྱུད་ཀོར་གེ།

21ཉི་ཨོམ་ ཡུ་ཧན་ན་ བཙོན་ག་ མ་ཙུག་པེ་གོ་མ་ སོ་ངོ་ ཐམས་ཅན་རང་ ཁྲུས་གསོར་ཞུ་ཉི་ ཉི་ཡི་ཤུ་བུ་ ཁྲུས་གསོར་བཞེན་ཐཱན་ སྨོན་ལམ་ཏ་པ་ཀབ་ཉི་ ཞིང་ཁམས་ཕེག་ཉི་ 22དམ་པའི་ཐུགས་ཉིད་ ཁ་ཏི་ཏ་ར་ད་བུ་ཨ་ཉི་ རོ་ཀ་ཐུང་ཀ་བྱོན་ཐཱན་ ཞིང་ཁམས་གེ་དོང་ དཀོན་མཆོག་གི་ གསུངས་མ་ལ་ ནཱན་ཤོ་ ཇི་གི་ཕང་ཁཱན་ ཇ་ག་ཟ་གི༌ལ། ཉི་ཇང་ ནཱན་ཀབ་ཉི་ གནམ་མེད་ས་མེད་ ངལ་རངས་པ་ཅ་དག༌ཉི། 23ཡི་ཤུ་གི་ ཆོས་གནང་མེ་ གོ་ཙུག་པེ་གང་ཀ་ རོག་དགུང་ལོ་ 30 ག་ བཞེས་ཝ་ཆོ་ཝ༌ལ། ཉི་ཡི་ཤུ་ཤོ་ ཡོ་སེཕ་ག་སྲས་ཨ་ཉི་ ཆིན་མ༌ལ། ཡོ་སེཕ་ཤོ་ ཨེ་ལི་ག་ཟ་གི་ཝ༌ལ། 24ཨེ་ལི་ག་ཡབ་ མ་ཏད་ མ་ཏད་ག་ཡབ་ ལེ་ཝི་ ལེ་ཝི་ག་ཡབ་ མལ་ཀི་ མལ་ཀི་ག་ཡབ་ ཡཱན་ན་ ཡཱན་ན་ག་ཡབ་ ཡོ་སེཕ་ 25ཡོ་སེཕ་ག་ཡབ་ མ་ཏ་ཐི་ཡཱས་ མ་ཏ་ཐི་ཡཱས་ག་ཡབ་ ཨ་མོས་ ཨ་མོས་ག་ཡབ་ ན་ཧུམ་ ན་ཧུམ་ག་ཡབ་ ཨིས་ལི་ ཨིས་ལི་ག་ཡབ་ ནག་གའི་ 26ནག་གའི་ག་ཡབ་ མ་ཐ་ མ་ཐ་ག་ཡབ་ མ་ཏ་ཐི་ཡཱས་ མ་ཏ་ཐི་ཡཱས་ག་ཡབ་ སེ་མའིན་ སེ་མའིན་ག་ཡབ་ ཡོ་སེག་ ཡོ་སེག་ག་ཡབ་ ཡོ་ད་ 27ཡོ་ད་ག་ཡབ་ ཡོ་ཨན་ན་ ཡོ་ཨན་ན་ག་ཡབ་ རེ་ས་ རེ་ས་ག་ཡབ་ ཡ་རུ་བ་བེལ་ ཡ་རུ་བ་བེལ་ག་ཡབ་ ཤལ་ཏི་ཡེལ་ ཤལ་ཏི་ཡེལ་ག་ཡབ་ ནེ་རི་ 28ནེ་རི་ག་ཡབ་ མལ་ཀི་ མལ་ཀི་ག་ཡབ་ ཨ་དི་ ཨ་དི་ག་ཡབ་ ཀོ་སམ་ ཀོ་སམ་ག་ཡབ་ ཨེལ་མ་དམ་ ཨེལ་མ་དམ་ག་ཡབ་ ཨེར་ 29ཨེར་ག་ཡབ་ ཡ་ཧོ་ཤུ་ ཡ་ཧོ་ཤུ་ག་ཡབ་ ཨེ་ལི་ཇར་ ཨེ་ལི་ཇར་ག་ཡབ་ ཡོ་རིམ་ ཡོ་རིམ་ག་ཡབ་ མ་ཏཱད་ མ་ཏཱད་ག་ཡབ་ ལེ་ཝི་ 30ལེ་ཝི་ག་ཡབ་ ཤི་མི་ཡོན་ ཤི་མི་ཡོན་ག་ཡབ་ ཡ་ཧུ་ད་ ཡ་ཧུ་ད་ག་ཡབ་ ཡོ་སེཕ་ ཡོ་སེཕ་ག་ཡབ་ ཡོ་ནཱན་ ཡོ་ནཱན་ག་ཡབ་ ཨེ་ལི་ཡ་ཀིམ་ 31ཨེ་ལི་ཡ་ཀིམ་ག་ཡབ་ མ་ལེ་ཨ་ མ་ལེ་ཨ་ག་ཡབ་ མིན་ན་ མིན་ན་ག་ཡབ་ མ་ཏ་ཐ་ མ་ཏ་ཐ་ག་ཡབ་ ན་ཏཱན་ ན་ཏཱན་ག་ཡབ་ ད་ཝུད་ 32ད་ཝུད་ག་ཡབ་ ཡི་ཤའི་ ཡི་ཤའི་ག་ཡབ་ ཨོ་བེད་ ཨོ་བེད་ག་ཡབ་ བོ་ཨཱས་ བོ་ཨཱས་ག་ཡབ་ སལ་མོན་ སལ་མོན་ག་ཡབ་ ན་ཧ་ཤོན་ 33ན་ཧ་ཤོན་ག་ཡབ་ ཨམ་མི་ན་དབ་ ཨམ་མི་ན་དབ་ག་ཡབ་ ཨད་མིན་ ཨད་མིན་ག་ཡབ་ ཨ་རམ་ ཨ་རམ་ག་ཡབ་ ཧེས་རོན་ ཧེས་རོན་ག་ཡབ་ ཕ་རེས་ ཕ་རེས་ག་ཡབ་ ཡ་ཧུ་ད་ 34ཡ་ཧུ་ད་ག་ཡབ་ ཡ་ཀུབ་ ཡ་ཀུབ་ག་ཡབ་ ཨི་སག་ ཨི་སག་ག་ཡབ་ ཨ་བཱརའ་ཧམ་ ཨ་བཱརའ་ཧམ་ག་ཡབ་ ཏེ་ར་ ཏེ་ར་ག་ཡབ་ ན་ཧོར་ ན་ཧོར་ག་ཡབ་ ས་རུག་ 35ས་རུག་ག་ཡབ་ རའུ་ རའུ་ག་ཡབ་ པེ་ལེག་ པེ་ལེག་ག་ཡབ་ ཨེ་བེར་ ཨེ་བེར་ག་ཡབ་ ཤེལ་ཧ་ 36ཤེལ་ཧ་ག་ཡབ་ ཀེ་ནཱན་ ཀེ་ནཱན་ག་ཡབ་ ཨར་པ་ཆཱད་ ཨར་པ་ཆཱད་ག་ཡབ་ ཤེམ་ ཤེམ་ག་ཡབ་ ནོ་ཨ་ ནོ་ཨ་ག་ཡབ་ ལེ་མེག་ 37ལེ་མེག་ག་ཡབ་ མ་ཏུ་ཤེལ་ཧ་ མ་ཏུ་ཤེལ་ཧ་ག་ཡབ་ ཧ་ནོག་ ཧ་ནོག་ག་ཡབ་ ཡེ་རེད་ ཡེ་རེད་ག་ཡབ་ མ་ཧ་ལ་ལེལ་ མ་ཧ་ལ་ལེལ་ག་ཡབ་ ཀེ་ནཱན་ ཀེ་ནཱན་ག་ཡབ་ ཨེ་ནོཤ་ 38ཨེ་ནོཤ་ག་ཡབ་ ཤེད་ ཤེད་ག་ཡབ་ ཨ་དམ་ ཨ་དམ་དཀོན་མཆོག་ག་ སྲས་གི་ཝ༌ལ༎

Currently Selected:

ལུ་ཀ། 3: TNTB

Highlight

Copy