ལུ་ཀ། 6
6
ཡི་ཤུ་ཤོ་ དུས་བཟང་ག་ གཙོ་བོ་གི༌ལ།
1དུས་བཟང་ག་ནོང་ཀ་ རོག་ བོང་ག་ཨུང་ནང་ཀེ་ལེང་ བྱོན་མེ་གང་ཀ་ རོ་ཀ་སློ་མ་བ་ཀི་ བོང་ག་ནམ་ནང་ཕུད་ཐཱན་ ག་དང་གི་ཟོབ་ཉི་ ཁུ་ཤོན་ཐཱན་ ང་མ༌ལ། 2དག་པ་ཀབ་ཉི་ ཕ་རི་སི་པ་ཚེ་བང་གི་ ཡེག་པ་ལ་ དུས་བཟང་ག་ནོང་ཀ་ ཨ་ལེ་མ་རུང་ཁཱན་ལའི་ ཧང་ཨ་ཉི་ ཨན་ཅ་ཡ་དག༌ཉི།
3ཉི་ཡི་ཤུ་གི་ལན་གནང་ཉི་ ད་ཝུད་གི་ རོག་དང་ རོག་ཀབ་ཉི་ཆོ་ཁཱན་བ་ བི་ནང་ཁུ་ཉི་ ཆོ་ལེ་གང་ཀ་ ཧང་ཨ་ཝ་སྨོ་ ན་ཤི་མ་ལྷག་ཅི་སྨོ། 4དཀོན་མཆོག་ག་ཕུལ་ཁཱན་ ཚོགས་ཁེ་པ་ བླ་མ་ཐུར་གི་ མ་ཏོག་པ་ བཱརའ་ཨི་བི་གི་རང་ ཟ་ལེ་ཆོག་པུ་མཱན་ཆི། ཉི་རོ་ཀི་ཏ་ དཀོན་མཆོག་ག་ ཕོ་བྲང་ནང་ཀ་ནུབ་ཐཱན་ ཨོ་ཉ་ཚོགས་ཆང་ཟཱན་ཐ༌ཝ། ཉི་རོ་ཀ་སོ་ངོ་བ་ཀ་བུ་ བོང་ཉི་བི་ཝ་དག༌ཉི། 5ཉི་རོ་ཀི་ རོག་ཏེ་བ་ཀ་ གསུངས་མ་ལ་ སོ་ངོ་ག་ཟ་ཤོ་ དུས་བཟང་ག་ གཙོ་བོ་གི༌ལ།
6ཉི་ཨོམ་ཐུར་ དུས་བཟང་ག་ནོང་ཀ་ རོག་ ཡ་ཧུ་དི་པ་ ཆོས་འཛོམས་ནང་ཀ་བྱོན་ཉི་ ཆོས་གནང་མེ་གང་ཀ་ ག་དང་ལ་ཉོང་ སང་མ་ཨ་ཝ་ སོ་ངོ་ཐུར་ཅ་གི་ཝ༌ལ། 7ཉི་ཕ་རི་སི་པ་དང་ བཀའ་ཁྲིམས་ག་ སློབ་དཔོན་བ་ཀི་ ཡི་ཤུ་ཀབ་ཉི་ ཕུང་ཨ་ལེ་དེན་གེ་ དུས་བཟང་ག་ནོང་ཀ་ དྲག་ཉི་གནང་ལ་སྨོ་ གོད་ཉི་ཆོ་ཝ་ཅ་གི་ཝ༌ལ།
8དག་པ་ཀབ་ཉི་ རོག་ཏེ་བ་ཀི་ ཧང་མི་ཝ་གི་ལ་སྨོ་ ཡི་ཤུ་གི་མཁྱེན་ཉི་ ཨོ་ཉ་ག་དང་སང་ཁཱན་ སོ་ངོ་ག་ ཐེང་ཨུན་ཐཱན་ ཨོ་ཐ་ག་ཐིང་ཤོ་དག་ཉི་ གསུངས་ཉི་ ཉི་རོག་ ག་ཤེག་ཉི་ཐིང་མ༌ལ། 9ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཇི་གི་ ན་ཧ་ཇི་མེ་ དུས་བཟང་ག་ནོང་ཀ་ ལེག་པུ་ཨ་ལེ་ཆོག་ཅ་སྨོ་ ནོད་པ་ཀེ་བེ་ཆོག་ཅ་ཡ། སྲོག་རྒྱབ་ཨ་ལེ་ཁེ་ལེ་སྨོ་ སྲོག་ཅཱད་པེ་ཁེ་ལེ་ཡ་དག༌ཉི།
10ཉི་རོ་ཀི་ རོ་ཀ་ཀོ་ལོ་ལོ་ཆོ་ཁཱན་ ཐམས་ཅན་ག་ གཟིགས་ཐཱན་ ཨོ་ཉ་ག་དང་སང་ཁཱན་ག་ གསུངས་མ་ལ་ ན་ག་ ག་དང་ཏེང་ཅོ་དག༌ཉི། ཉི་རོ་ཀི་ རོ་ཀ་ག་དང་ ཏེང་པ་ཀབ་ཉི་ དྲག་པ༌ལ། 11ཉི་རོག་ཏེ་བ་ གནམ་མེད་ས་མེད་ རོ་ཙིག་ཉི་ ཡི་ཤུ་ག་ ཧང་ཨ་ལེ་ཡ་དག་ཉི་ རོག་ཏེ་བ་ནང་དོ་ ཏུན་ཆ་ཨ་ཝ༌ལ༎
ཡི་ཤུ་གི་ སྐུ་ཚབ་སོང་ཉིག་ཙིང་ སི་ཝ༌ལ།
12ཨུ་ཉུ་གང་ཀ་ རོག་ ཐོ་ལ་ཕུ་ཐུང་ཀ་ སྨོན་ལམ་ཏ་པེ་ག་བྱོན་ཉི་ ཉི་བི་ནང་ཐུར་རང་ དཀོན་མཆོག་ག་ སྨོན་ལམ་ཏ་པ་གི་ཝ༌ལ། 13ཉི་ནམ་ནིང་ཝུན་ དག་པ་ཀབ་ཉི་ རོ་ཀི་ རོ་ཀ་སློ་མ་བ་ རོ་ཀ་སྐུན་མདུན་ག་ རཱན་ཐཱན་ སློ་མ་སོང་ཉིག་ཙིང་སིན་ཐཱན་ སྐུ་ཚབ་ཨ་ཉི་ ཏག་གནང་མ༌ལ།
14རོ་ཀི་ པ་ཏྲུས་དག་ཉི་ར་ཁཱན་ སི་མོན་ རོ་ཀ་བོ་ཉིང་ ཨན་དྲི་ཡཱས་ ཡ་ཀུབ་དང་ ཡུ་ཧན་ན་ ཕི་ལིབ་དང་ བར་ཐོ་ལོ་མའི་ 15ཉི་མ་ཏི་ ཐོ་མ་ ཨལ་ཕ་ཡཱས་ག་ཟ་ ཡ་ཀུབ་ རང་ཏེན་ག་ རྒྱལ་ཁབ་ཕང་ཁཱན་དག་ཉི་ར་ཁཱན་ སི་མོན། 16ཡ་ཀུབ་ག་ཟ་ ཡ་ཧུ་ད་དང་ མགུ་སྐོར་པ་རི་ཁཱན་ ཡ་ཧུ་ད་ཨིས་ཀ་རི་ཡོད་དག་ཁཱན་ སྐུ་ཚབ་སོང་ཉིག་ཙིང་གི་ཝ༌ལ༎
ཤོ་ནང་དང་སྡུག་བསྔལ།
17ཉི་ཡི་ཤུ་ སྐུ་ཚབ་བ་ཀབ་ཉི་ ཐོ་ལ་ཕུ་ཐུང་ཀེ་དོང་ བྱོན་ཉི་ ས་ཐང་ཐུར་ག་ཕེབས་ཉི་ ཐིང་ཉི་བཞུགས་པ༌ལ། ཉི་རོ་ཀ་སློ་མ་ མང་པུ་ཐུར་དང་ བཱརའ་སོ་ངོ་མང་གེ་ཅཱད་ཉི་ མང་པུ་ཐུར་ཁྲ་པ༌ལ། ཡ་ཧུ་དི་ཡ་ག་ཆ་འོག་ ཐམས་ཅན་གེ་དང་ ཡ་རུ་ཤ་ལེམ་ ཉི་མཚོ་ར་ག་ཆོ་ཁཱན་ ཏྲུ་རོས་དང་ སི་དོན་དག་ཁཱན་གེ་བུ་ 18རོ་ཀ་གསུང་ ཉཱན་པེ་དེན་གེ་དང་ རོག་ཏེ་བ་ཀ་ ན་ཚ་དྲག་པེ་དེན་གེ་ ཨོ་ཕ་གི་ཝ༌ལ། ཉི་རྣམ་ཤེས་མ་ཙང་མ་གི་ ནོད་ཁཱན་བ་ དྲག་ཉི་གནང་མ༌ལ། 19ཉི་མར་ཁཱན་སོ་ངོ་ ཐམས་ཅན་གི་ ཡི་ཤུ་ ཐོ་ཕེ་མིག་པ་ཕི་ཝ༌ལ། ཧང་ཡ་དག་ནེ་ལ་ རོག་ཏེ་བ་ཀི་ ཐོ་ཕ་ཀབ་ཉི་ རོ་ཀ་ནང་ཀེ་ དྲག་པེ་ག་དབང་ཤོ་ཉི་ ན་ཚ་ཐམས་ཅན་རང་ དྲག་ཅ་གི་ཝ༌ལ། 20ཉི་རོ་ཀི་ རོ་ཀ་སློ་མ་བ་ཀ་ གཟིགས་ཐཱན་ གསུངས་མ༌ལ་
ནའི་དུག་པུ་ཆོ་ཁཱན་བ་ བྱིན་རླབས་ཅན་གི༌ལ། ཧང་ཡ་དག་ནེ་ལ་ དཀོན་མཆོག་ག་ རྒྱལ་སྲིད་ཤོ་ ན་ཧ་དེན་གེ་གི༌ལ།
21ནའི་ཨོ་མ་ བི་ནང་ཁུ་ཁཱན་བ་ བྱིན་རླབས་ཅན་གི༌ལ། ཧང་ཡ་དག་ནེ་ལ་ ན་ཧ་བ་ ཚིམ་པ་ཅོད་ཉི་གནང༌མེ། ནའི་ཨོ་མ་ གེབ་ཁཱན་བ་ བྱིན་རླབས་ཅན་གི༌ལ། ཧང་ཡ་དག་ནེ་ལ་ ན་ཧ་བ་ ཤོ་ནང་ཕེ་ཉི་ ངར་བེ་ག་ དུས་ཐུར་ཤར་བེ༌ཅ།
22ནའི་སོ་ངོ་ག་ཟ་ག་ཡོར་ཀེ་ མ་ཟེས་པཱན་ ཤོན་གེམ་ཉི་ ཁ་ཏང་ཉི་ ན་ཧ་མིང་གཏམ་ཙོང་ཉི་ ཨ་ལ་ཀབ་ཉི་ བྱིན་རླབས་ཅན་གི༌ལ། 23ཨུ་ཉུ་གང་ཀ་ ངལ་རངས་ཉི་ ཤོ་ནང་ཕེ་ཝ་ག་ བོརོ་ཇོང༌ཤོ། ཧང་ཡ་དག་ནེ་ལ་ ན་ཧ་དེན་གེ་ ཞིང་ཁམས་ག་སེ་རབ་ ཆི་ལུ་ཐ་ཝ༌ཅ། ཉི་རོག་ཏེ་བ་ཀ་ ཕ་མ་བ་ཀི་བུ་ ལུང་བསྟན་པ་བ་ཀ་ ཨུ་ཉུ་པུརུས་ཀིན་ཨ་ཉི་རང་ ཨ་ཝ་ཆོ༌ཝ།
24དག་པ་ཀབ་ཉི་ ནའི་བེ་དིང་ཆོ་ཁཱན་བ་ ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ན་ཧ་བ་ ཧང་གེ་རང་ མ་ཀོན་མ་ཨ་ཉི་ ཉོང་པ༌ཅ།
25ཉི་ཨོ་མ་ ཕོ་ལང་ཁ་ཁཱན་བ་ ཧབ་ཏུར་ཀ་ལུ་ཨོ་ཕེ་ཡ། ན་ཧ་བ་ བི་ནང་ཁུ་ཝ་རི༌ལེ།
ཉི་ཨོ་མ་ངར་ཁཱན་བ་ ཧབ་ཏུར་ཀ་ལུ་ཨོ་ཕེ་ཡ། ན་ཧ་བ་ མརང་ཉི་གེ་ཕེ་ཁེ༌ལེ།
26ནའི་སོ་ངོ་བ་ཀེ་ བསྟོད་པ་ཉོང་ཁཱན་བ་ ཧབ་ཏུར་ཀ་ལུ་ཨོ་ཕེ་ཡ། རོག་ཏེ་བ་ཀ་ ཕ་མ་བ་ཀི་བུ་ ལུང་བསྟན་པ་རྫུས་མ་བ་ཀ་ ཨུ་ཉུ་པུརུས་ཀིན་ ཨ་ཝ་ཆོ༌ཝ༎
དགྲ་བྱང་ཕིཤི་བ་ཕང༌ཅོ།
27དག་པ་ཀབ་ཉི་ ནའི་ཉཱན་ཁཱན་བ་ཀ་ ཇི་གི་ཡེག་ཅ་ ན་ཧ་དགྲ་བྱང་ཕིཤི་བ་ ཕང༌ཅོ། ན་ཧ་ཏཱན་ མ་ཟེས་ཁཱན་བ་ཀ་ ལེག་པུ་ཨའི། 28ཉི་ན་ཧ་ཏཱན་ ཁ་རབ་ཕི་ཁཱན་བ་ཀ་དེན་གེ་ བྱིན་རླབས་ཞུའི། ན་ཧ་ཏཱན་ མ་ལེག་པ་ཡེག་ཁཱན་བ་ཀ་དེན་གེ་ སྨོན་ལམ་ཏབ༌ཅོ། 29ཉི་སོ་ངོ་ཐུར་གི་ ན་ཧ་ནེ་ཟ་ལོག་ཐུར་ག་ དེན་ཇ་ཀི་ཕིན་ག་ནེ་ལ་ ཨོམ་ཐུར་ནེ་ཟ་བུ་ གིར་ཉི་དོག༌ཅོ། ཉི་སོ་ངོ་ཐུར་གི་ ན་ཧ་ཁ་མུང་ ཕེག་ཉི་བུ་ནེ་ལ་ ན་ཧ་ཁེན་ཇ་བུ་ ཕེག་ཉི་བུ་ལེ་བི། 30ན་ཧ་བ་ཀེ་ཕུན་ཁཱན་ ཐམས་ཅན་ག་བི། ཉི་ཉ་ཏ་བུ་ཁཱན་ ནོ་ཙང་ཁེ་པ་ ལོག་ཉི་གེ་ཨ་ཉི་ མ་ཡེག༌ཅོ། 31ཉི་ན་ཤི་ བཱརའ་གེ་ ཧང་ཏེན་རེ་ཆ་ཨན་ཅ་གི་ལ་སྨོ་ ཨུ་ཉུ་པུརུས་ཀིན་ཨ་ཉི་ ན་ཤི་བཱརའ་ག་དེན་གེ་ཨའི།
32ན་ཧ་ཏཱན་ཕང་ཁཱན་བ་ཀ་ཤ་ ཕང་ནེ་ལ་ ན་ཤི་ ཧང་ཨ་ཝ་ཆིན་མེ་ཡ། ཐེང་ཏ་ཕང་ཁཱན་བ་ཀ་ཏ་ སྡིག་ཅན་བ་ཀི་བུ་ཕང༌ཅ། 33ཉི་ན་ཧ་ཏཱན་ ལེག་པུ་ཨ་ཁཱན་བ་ཀ་ཤ་ ལེག་པུ་ཨ་ནེ་ལ་ ན་ཤི་ ཧང་ཨ་ཝ་ཆིན་མེ་ཡ། ཨུ་ཉུ་ད་བུ་ཏ་ སྡིག་ཅན་བ་ཀི་བུ་ཨན༌ཅ། 34ཉི་རམ་ལོག་ཉི་ ཏ་པེ་རེ་ཁཱན་བ་ཀ་ཤ་ ཏི་རུ་ཆི་ལེ་བི་ནེ་ལ་ ན་ཤི་ ཧང་ཨ་ཝ་ཆིན་མེ་ཡ། ཐེང་ཏ་ཉི་ ཐམས་ཅན་ཚང་པ་ཨ་ཉི་ ཉོང་པེ་གི་ནེ་ཏ་ སྡིག་ཅན་བ་ཀི་བུ་ སྡིག་ཅན་བ་ཀ་ ཆི་ལེ་བིན༌ཅ།
35ཉི་ཏ་ དགྲ་བྱང་ཕིཤི་བ་ཀ་ ཕང་ཉི་ལེག་པུ་ཨའི། ཉི་ལོག་ཉི་ཉོང་པེ་ག་ རེ་ཆ་མ་ཨ་ལཱན་ ཆི་ལེ་བི། ཉི་གེ་ཤ་ ན་ཧ་དེན་གེ་ ཞིང་ཁམས་ག་སེ་རབ་ གནམ་མེད་ས་མེད་ ཆི་ལུ་ཨོ་ཕེ། ཉི་ན་ཧ་བ་ ཞིང་ཁམས་ག་ དཀོན་མཆོག་ག་ སྲས་རི༌ལེ། ཧང་ཡ་དག་ནེ་ལ་ རོ་ཀི་ཤོ་ དགའ་ཚོར་མ་ཐ་ཁཱན་དང་ ཡཱན་མུ་བ་ཀ་བུ་ ཐུགས་རྗེ་གཟིགས༌ཅ། 36ན་ཧ་ཡབ་གི་ སྙིང་རྗེ་ཨ་ཉི་ གནང་མ་པུརུས་ཀིན་ཨ་ཉི་ ན་ཤི་བུ་ སྙིང་རྗེ་ཨའི༎
བཱརའ་ག་ཁྲིམས་ཅཱད་ནེ༌ལ།
37བཱརའ་ག་ ཁྲིམས་མ་ཅཱད༌ཅོ། ཉི་ན་ཧ་བ་བུ་ ཁྲིམས་མ་ཅཱད༌པ། ཉི་དམའ་ཕ་མ་ཕི་ དཀོན་མཆོག་གི་ ན་ཧ་བུ་ དམའ་ཕ་མ་ཕི༌ལ། ཉི་བཀའ་དྲིན་བསྐྱང་ཤོ་ དཀོན་མཆོག་གི་ ན་ཧ་བུ་ བཀའ་དྲིན་བསྐྱང༌མེ། 38བི་ དཀོན་མཆོག་གི་ ན་ཧ་བུ་གནང༌མེ། ལེག་པ་ཨ་ཉི་ཟེར་ཉི་ དོང་ཏ་ཏེང་ཉི་ ཏབ་ཐུར་ཁཱན་ཐཱན་ ཁཱད་ཀེ་ཤ་པ་ཨ་ཉི་ བི་ཁཱན་ཁེ་པ་ ན་ཧ་ བུ་དང་གོ་ས་ནང་ཀ་ཨོ་ཕེ། ཧང་ཡ་དག་ནེ་ལ་ ན་ཤི་ ཉ་ཏ་ཧང་ཏེན་ ཟེར་ཉི་བི་ཝ་ཐུར་ ཨུ་ཉུ་པུརུས་ཀིན་ཨ་ཉི་ དཀོན་མཆོག་གི་ ན་ཧ་ཏཱན་བུ་ ཟེར་བེ་གི་ལ་དག༌ཉི།
39ཉི་རོ་ཀི་ རོག་ཏེ་བ་ཀ་ དཔེ་གཏམ་ག་ཐུང་ཀེ་ཨ་ཉི་བུ་ གསུངས་མ་ལ་ མིང་ཀ་ན་གི་ མིང་ཀ་ན་ག་ ལམ་རིག་པེ་རེ་བེ་སྨོ། ཧང་ རོག་ཉིག་ཙིང་རང་ ཧོང་ཀང་ནང་ཀ་ མ་ནུ་ཕ་སྨོ། 40སློབ་ཕྲུག་ཤོ་ སློབ་དཔོན་གེ་ལག་ཉི་ ཨོ་ཕུ་མཱན༌ཅ། དག་པ་ཀབ་ཉི་ ཐམས་ཅན་ཡེ་དེན་གེ་ཤ་ ཨི་བི་རང་གི་ནེ་བུ་ རོ་ཀ་སློབ་དཔོན་ད་བུ་ རི་ལེ་རེ༌བེ།
41རང་ཏེན་ག་མིང་ག་ ཤིང་ཕར་བ་ནུ་ཕ་ག་ མ་སེ་ཝ་ག་ ཧང་ཏེན་ཉི་ ན་ཧ་ཡུང་ཟི་ག་ མིང་ག་ནུབ་ཁཱན་ཤུམ་ ཐོང་མེ་རེ་ཅ་ཡ། 42ཉི་ཨོམ་ཆང་རང་ རང་ཏེན་ག་མིང་ག་ ཤིང་ཕར་བ་ཐཱན་ཐཱན་ ཡུང་ཟི་ག་ དབའི་ ཇི་གི་ན་ག་མིང་ག་ཤུམ་ ཤོ་ཉི་བི་ལེ་དག་ཉི་ ཧང་ཏེན་ཉི་ ཡེག་པེ་རེ་བེ་ཡ། ནའི་འུ་དྲ་པ་ གོ་མ་རང་ ན་ཧ་མིང་ག་ཆོ་ཁཱན་ ཤིང་ཕར་བ་ ཤོ་ཉི་གེམ༌ཤོ། ཉི་ཤ་ ཡུང་ཟི་ག་མིང་ག་ཆོ་ཁཱན་ ཤུམ་ཁེ་པ་ལེག་པ་ཨ་ཉི་ ཐོང་མེ་རེ༌བེ༎
ཤིང་དང་སེ།
43ཤིང་ལེག་པུ་གི་ སེ་མ་ལེག་པ་མ་སེ༌ལ། ཉི་ཤིང་མ་ལེག་པ་གི་ སེ་ལེག་པུ་མ་སེ༌ལ། 44ཤིང་ཐམས་ཅན་རང་ སེ་ག་གོད་ཉི་ ཙ་ཆོད༌ཅ། ལྕོག་མ་སེ་ཤོ་ ཟུ་ཤིང་གེ་ དུས་ཅ་མང་གི། ཉི་ཨང་གུར་སེ་བུ་ ཟུ་ཙོང་གེ་ དུས་ཅ་མང་གི། 45ཨུ་ཉུ་པུརུས་ཀིན་ཨ་ཉི་ སོ་ངོ་ལེག་པུ་གེ་ རོ་ཀ་ཐིང་ལོམ་ནང་ཀ་ ལེག་པུ་ཆོ་ཝ་ཨ་དེན་གེ་ ལེག་པུ་ཤོན༌ཅ། ཉི་སོ་ངོ་ཡཱན་མུ་གེ་ རོ་ཀ་ཐིང་ལོམ་ནང་ཀ་ ཡཱན་མུ་ཆོ་ཝ་ཨ་དེན་གེ་ ཡཱན་མུ་ཤོན༌ཅ། ཐིང་ལོམ་ནང་ཀ་ ཧང་ཆོ་ཝ་ཐུར་ རོ་ཀ་ནོ་ཝང་གེ་བུ་ ཨུ་ཉུ་རང་ཤོན་ཅ་གི༌ལ༎
ཕའི་ཅོད་ཁཱན་བཟོ་པ་མཁས་པ་དང་ ཡོང༌བ།
46ཇི་གི་ཨའི་དག་ཉི་ ཡེག་ཁཱན་བ་ མ་ཨ་ལཱན་ ན་ཤི་ ཇ་ག་གཙོ་བོ་གཙོ་བོ་དག་ཉི་ ཧང་ཨ་ཉི་ཡེག་ཅ་ཡ། 47ཇ་ག་བཱརང་ཀ་ཨུན་ཐཱན་ ཇ་ག་ཆཱས་བ་ཉཱན་ཉི་ ཉི་ཨུ་ཉུ་དང་ཏུ་ཉི་ ཨ་ཁཱན་བ་ ཧང་ད་བུ་ ཨོ་ཕེ་གི་ལ་སྨོ་ ཇི་གི་ ན་ཧ་ཡེག༌པེ། 48རོག་ཤོ་ ལུང་གང་ཆི་ཉི་ ཨོ་ཉ་ཐུང་ཀ་ཕའི་ཅོད་ཁཱན་ སོ་ངོ་ད་བུ་ཐུར་གི༌ལ། རྨང་སྒྲིང་སྒྲིང་ཨ་ཉི་ ཆེ་ཝ་ཨ་དེན་གེ་ རོད་པ་རི་གི་ ཨོ་ཉ་ཕའི་ག་ཁེ་ལ་ཀབ་ཉི་ ཨོ་ཉ་ཕའི་ལེ་མེ་མར༌བ། 49དག་པ་ཀབ་ཉི་ ཇ་ག་གསུང་ཉཱན་ཐཱན་ ཨུ་ཉུ་དང་ཏུ་ཉི་ མ་ཨ་ཁཱན་བ་ཤོ་ རྨང་མ་ཆེ་ལཱན་ ཕའི་ཅོད་ཁཱན་ སོ་ངོ་ད་བུ་ཐུར་གི༌ལ། ཉི་རོད་པ་ཤོན་ཨུ་ཉི་ ཨོ་ཉ་ཕའི་ག་ཁེ་ལ་ཀབ་ཉི་ ཆེད་ཇོང་ཉི་ ཨོ་ཉ་ཕའི་རཝ་རི༌ལེ༎
Currently Selected:
ལུ་ཀ། 6: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
ལུ་ཀ། 6
6
ཡི་ཤུ་ཤོ་ དུས་བཟང་ག་ གཙོ་བོ་གི༌ལ།
1དུས་བཟང་ག་ནོང་ཀ་ རོག་ བོང་ག་ཨུང་ནང་ཀེ་ལེང་ བྱོན་མེ་གང་ཀ་ རོ་ཀ་སློ་མ་བ་ཀི་ བོང་ག་ནམ་ནང་ཕུད་ཐཱན་ ག་དང་གི་ཟོབ་ཉི་ ཁུ་ཤོན་ཐཱན་ ང་མ༌ལ། 2དག་པ་ཀབ་ཉི་ ཕ་རི་སི་པ་ཚེ་བང་གི་ ཡེག་པ་ལ་ དུས་བཟང་ག་ནོང་ཀ་ ཨ་ལེ་མ་རུང་ཁཱན་ལའི་ ཧང་ཨ་ཉི་ ཨན་ཅ་ཡ་དག༌ཉི།
3ཉི་ཡི་ཤུ་གི་ལན་གནང་ཉི་ ད་ཝུད་གི་ རོག་དང་ རོག་ཀབ་ཉི་ཆོ་ཁཱན་བ་ བི་ནང་ཁུ་ཉི་ ཆོ་ལེ་གང་ཀ་ ཧང་ཨ་ཝ་སྨོ་ ན་ཤི་མ་ལྷག་ཅི་སྨོ། 4དཀོན་མཆོག་ག་ཕུལ་ཁཱན་ ཚོགས་ཁེ་པ་ བླ་མ་ཐུར་གི་ མ་ཏོག་པ་ བཱརའ་ཨི་བི་གི་རང་ ཟ་ལེ་ཆོག་པུ་མཱན་ཆི། ཉི་རོ་ཀི་ཏ་ དཀོན་མཆོག་ག་ ཕོ་བྲང་ནང་ཀ་ནུབ་ཐཱན་ ཨོ་ཉ་ཚོགས་ཆང་ཟཱན་ཐ༌ཝ། ཉི་རོ་ཀ་སོ་ངོ་བ་ཀ་བུ་ བོང་ཉི་བི་ཝ་དག༌ཉི། 5ཉི་རོ་ཀི་ རོག་ཏེ་བ་ཀ་ གསུངས་མ་ལ་ སོ་ངོ་ག་ཟ་ཤོ་ དུས་བཟང་ག་ གཙོ་བོ་གི༌ལ།
6ཉི་ཨོམ་ཐུར་ དུས་བཟང་ག་ནོང་ཀ་ རོག་ ཡ་ཧུ་དི་པ་ ཆོས་འཛོམས་ནང་ཀ་བྱོན་ཉི་ ཆོས་གནང་མེ་གང་ཀ་ ག་དང་ལ་ཉོང་ སང་མ་ཨ་ཝ་ སོ་ངོ་ཐུར་ཅ་གི་ཝ༌ལ། 7ཉི་ཕ་རི་སི་པ་དང་ བཀའ་ཁྲིམས་ག་ སློབ་དཔོན་བ་ཀི་ ཡི་ཤུ་ཀབ་ཉི་ ཕུང་ཨ་ལེ་དེན་གེ་ དུས་བཟང་ག་ནོང་ཀ་ དྲག་ཉི་གནང་ལ་སྨོ་ གོད་ཉི་ཆོ་ཝ་ཅ་གི་ཝ༌ལ།
8དག་པ་ཀབ་ཉི་ རོག་ཏེ་བ་ཀི་ ཧང་མི་ཝ་གི་ལ་སྨོ་ ཡི་ཤུ་གི་མཁྱེན་ཉི་ ཨོ་ཉ་ག་དང་སང་ཁཱན་ སོ་ངོ་ག་ ཐེང་ཨུན་ཐཱན་ ཨོ་ཐ་ག་ཐིང་ཤོ་དག་ཉི་ གསུངས་ཉི་ ཉི་རོག་ ག་ཤེག་ཉི་ཐིང་མ༌ལ། 9ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཇི་གི་ ན་ཧ་ཇི་མེ་ དུས་བཟང་ག་ནོང་ཀ་ ལེག་པུ་ཨ་ལེ་ཆོག་ཅ་སྨོ་ ནོད་པ་ཀེ་བེ་ཆོག་ཅ་ཡ། སྲོག་རྒྱབ་ཨ་ལེ་ཁེ་ལེ་སྨོ་ སྲོག་ཅཱད་པེ་ཁེ་ལེ་ཡ་དག༌ཉི།
10ཉི་རོ་ཀི་ རོ་ཀ་ཀོ་ལོ་ལོ་ཆོ་ཁཱན་ ཐམས་ཅན་ག་ གཟིགས་ཐཱན་ ཨོ་ཉ་ག་དང་སང་ཁཱན་ག་ གསུངས་མ་ལ་ ན་ག་ ག་དང་ཏེང་ཅོ་དག༌ཉི། ཉི་རོ་ཀི་ རོ་ཀ་ག་དང་ ཏེང་པ་ཀབ་ཉི་ དྲག་པ༌ལ། 11ཉི་རོག་ཏེ་བ་ གནམ་མེད་ས་མེད་ རོ་ཙིག་ཉི་ ཡི་ཤུ་ག་ ཧང་ཨ་ལེ་ཡ་དག་ཉི་ རོག་ཏེ་བ་ནང་དོ་ ཏུན་ཆ་ཨ་ཝ༌ལ༎
ཡི་ཤུ་གི་ སྐུ་ཚབ་སོང་ཉིག་ཙིང་ སི་ཝ༌ལ།
12ཨུ་ཉུ་གང་ཀ་ རོག་ ཐོ་ལ་ཕུ་ཐུང་ཀ་ སྨོན་ལམ་ཏ་པེ་ག་བྱོན་ཉི་ ཉི་བི་ནང་ཐུར་རང་ དཀོན་མཆོག་ག་ སྨོན་ལམ་ཏ་པ་གི་ཝ༌ལ། 13ཉི་ནམ་ནིང་ཝུན་ དག་པ་ཀབ་ཉི་ རོ་ཀི་ རོ་ཀ་སློ་མ་བ་ རོ་ཀ་སྐུན་མདུན་ག་ རཱན་ཐཱན་ སློ་མ་སོང་ཉིག་ཙིང་སིན་ཐཱན་ སྐུ་ཚབ་ཨ་ཉི་ ཏག་གནང་མ༌ལ།
14རོ་ཀི་ པ་ཏྲུས་དག་ཉི་ར་ཁཱན་ སི་མོན་ རོ་ཀ་བོ་ཉིང་ ཨན་དྲི་ཡཱས་ ཡ་ཀུབ་དང་ ཡུ་ཧན་ན་ ཕི་ལིབ་དང་ བར་ཐོ་ལོ་མའི་ 15ཉི་མ་ཏི་ ཐོ་མ་ ཨལ་ཕ་ཡཱས་ག་ཟ་ ཡ་ཀུབ་ རང་ཏེན་ག་ རྒྱལ་ཁབ་ཕང་ཁཱན་དག་ཉི་ར་ཁཱན་ སི་མོན། 16ཡ་ཀུབ་ག་ཟ་ ཡ་ཧུ་ད་དང་ མགུ་སྐོར་པ་རི་ཁཱན་ ཡ་ཧུ་ད་ཨིས་ཀ་རི་ཡོད་དག་ཁཱན་ སྐུ་ཚབ་སོང་ཉིག་ཙིང་གི་ཝ༌ལ༎
ཤོ་ནང་དང་སྡུག་བསྔལ།
17ཉི་ཡི་ཤུ་ སྐུ་ཚབ་བ་ཀབ་ཉི་ ཐོ་ལ་ཕུ་ཐུང་ཀེ་དོང་ བྱོན་ཉི་ ས་ཐང་ཐུར་ག་ཕེབས་ཉི་ ཐིང་ཉི་བཞུགས་པ༌ལ། ཉི་རོ་ཀ་སློ་མ་ མང་པུ་ཐུར་དང་ བཱརའ་སོ་ངོ་མང་གེ་ཅཱད་ཉི་ མང་པུ་ཐུར་ཁྲ་པ༌ལ། ཡ་ཧུ་དི་ཡ་ག་ཆ་འོག་ ཐམས་ཅན་གེ་དང་ ཡ་རུ་ཤ་ལེམ་ ཉི་མཚོ་ར་ག་ཆོ་ཁཱན་ ཏྲུ་རོས་དང་ སི་དོན་དག་ཁཱན་གེ་བུ་ 18རོ་ཀ་གསུང་ ཉཱན་པེ་དེན་གེ་དང་ རོག་ཏེ་བ་ཀ་ ན་ཚ་དྲག་པེ་དེན་གེ་ ཨོ་ཕ་གི་ཝ༌ལ། ཉི་རྣམ་ཤེས་མ་ཙང་མ་གི་ ནོད་ཁཱན་བ་ དྲག་ཉི་གནང་མ༌ལ། 19ཉི་མར་ཁཱན་སོ་ངོ་ ཐམས་ཅན་གི་ ཡི་ཤུ་ ཐོ་ཕེ་མིག་པ་ཕི་ཝ༌ལ། ཧང་ཡ་དག་ནེ་ལ་ རོག་ཏེ་བ་ཀི་ ཐོ་ཕ་ཀབ་ཉི་ རོ་ཀ་ནང་ཀེ་ དྲག་པེ་ག་དབང་ཤོ་ཉི་ ན་ཚ་ཐམས་ཅན་རང་ དྲག་ཅ་གི་ཝ༌ལ། 20ཉི་རོ་ཀི་ རོ་ཀ་སློ་མ་བ་ཀ་ གཟིགས་ཐཱན་ གསུངས་མ༌ལ་
ནའི་དུག་པུ་ཆོ་ཁཱན་བ་ བྱིན་རླབས་ཅན་གི༌ལ། ཧང་ཡ་དག་ནེ་ལ་ དཀོན་མཆོག་ག་ རྒྱལ་སྲིད་ཤོ་ ན་ཧ་དེན་གེ་གི༌ལ།
21ནའི་ཨོ་མ་ བི་ནང་ཁུ་ཁཱན་བ་ བྱིན་རླབས་ཅན་གི༌ལ། ཧང་ཡ་དག་ནེ་ལ་ ན་ཧ་བ་ ཚིམ་པ་ཅོད་ཉི་གནང༌མེ། ནའི་ཨོ་མ་ གེབ་ཁཱན་བ་ བྱིན་རླབས་ཅན་གི༌ལ། ཧང་ཡ་དག་ནེ་ལ་ ན་ཧ་བ་ ཤོ་ནང་ཕེ་ཉི་ ངར་བེ་ག་ དུས་ཐུར་ཤར་བེ༌ཅ།
22ནའི་སོ་ངོ་ག་ཟ་ག་ཡོར་ཀེ་ མ་ཟེས་པཱན་ ཤོན་གེམ་ཉི་ ཁ་ཏང་ཉི་ ན་ཧ་མིང་གཏམ་ཙོང་ཉི་ ཨ་ལ་ཀབ་ཉི་ བྱིན་རླབས་ཅན་གི༌ལ། 23ཨུ་ཉུ་གང་ཀ་ ངལ་རངས་ཉི་ ཤོ་ནང་ཕེ་ཝ་ག་ བོརོ་ཇོང༌ཤོ། ཧང་ཡ་དག་ནེ་ལ་ ན་ཧ་དེན་གེ་ ཞིང་ཁམས་ག་སེ་རབ་ ཆི་ལུ་ཐ་ཝ༌ཅ། ཉི་རོག་ཏེ་བ་ཀ་ ཕ་མ་བ་ཀི་བུ་ ལུང་བསྟན་པ་བ་ཀ་ ཨུ་ཉུ་པུརུས་ཀིན་ཨ་ཉི་རང་ ཨ་ཝ་ཆོ༌ཝ།
24དག་པ་ཀབ་ཉི་ ནའི་བེ་དིང་ཆོ་ཁཱན་བ་ ཧབ་ཏུར་ཀ་ལུ་ཨོ་ཕེ་ཡ། ཧང་ཡ་དག་ནེ་ལ་ ན་ཧ་བ་ ཧང་གེ་རང་ མ་ཀོན་མ་ཨ་ཉི་ ཉོང་པ༌ཅ།
25ཉི་ཨོ་མ་ ཕོ་ལང་ཁ་ཁཱན་བ་ ཧབ་ཏུར་ཀ་ལུ་ཨོ་ཕེ་ཡ། ན་ཧ་བ་ བི་ནང་ཁུ་ཝ་རི༌ལེ།
ཉི་ཨོ་མ་ངར་ཁཱན་བ་ ཧབ་ཏུར་ཀ་ལུ་ཨོ་ཕེ་ཡ། ན་ཧ་བ་ མརང་ཉི་གེ་ཕེ་ཁེ༌ལེ།
26ནའི་སོ་ངོ་བ་ཀེ་ བསྟོད་པ་ཉོང་ཁཱན་བ་ ཧབ་ཏུར་ཀ་ལུ་ཨོ་ཕེ་ཡ། རོག་ཏེ་བ་ཀ་ ཕ་མ་བ་ཀི་བུ་ ལུང་བསྟན་པ་རྫུས་མ་བ་ཀ་ ཨུ་ཉུ་པུརུས་ཀིན་ ཨ་ཝ་ཆོ༌ཝ༎
དགྲ་བྱང་ཕིཤི་བ་ཕང༌ཅོ།
27དག་པ་ཀབ་ཉི་ ནའི་ཉཱན་ཁཱན་བ་ཀ་ ཇི་གི་ཡེག་ཅ་ ན་ཧ་དགྲ་བྱང་ཕིཤི་བ་ ཕང༌ཅོ། ན་ཧ་ཏཱན་ མ་ཟེས་ཁཱན་བ་ཀ་ ལེག་པུ་ཨའི། 28ཉི་ན་ཧ་ཏཱན་ ཁ་རབ་ཕི་ཁཱན་བ་ཀ་དེན་གེ་ བྱིན་རླབས་ཞུའི། ན་ཧ་ཏཱན་ མ་ལེག་པ་ཡེག་ཁཱན་བ་ཀ་དེན་གེ་ སྨོན་ལམ་ཏབ༌ཅོ། 29ཉི་སོ་ངོ་ཐུར་གི་ ན་ཧ་ནེ་ཟ་ལོག་ཐུར་ག་ དེན་ཇ་ཀི་ཕིན་ག་ནེ་ལ་ ཨོམ་ཐུར་ནེ་ཟ་བུ་ གིར་ཉི་དོག༌ཅོ། ཉི་སོ་ངོ་ཐུར་གི་ ན་ཧ་ཁ་མུང་ ཕེག་ཉི་བུ་ནེ་ལ་ ན་ཧ་ཁེན་ཇ་བུ་ ཕེག་ཉི་བུ་ལེ་བི། 30ན་ཧ་བ་ཀེ་ཕུན་ཁཱན་ ཐམས་ཅན་ག་བི། ཉི་ཉ་ཏ་བུ་ཁཱན་ ནོ་ཙང་ཁེ་པ་ ལོག་ཉི་གེ་ཨ་ཉི་ མ་ཡེག༌ཅོ། 31ཉི་ན་ཤི་ བཱརའ་གེ་ ཧང་ཏེན་རེ་ཆ་ཨན་ཅ་གི་ལ་སྨོ་ ཨུ་ཉུ་པུརུས་ཀིན་ཨ་ཉི་ ན་ཤི་བཱརའ་ག་དེན་གེ་ཨའི།
32ན་ཧ་ཏཱན་ཕང་ཁཱན་བ་ཀ་ཤ་ ཕང་ནེ་ལ་ ན་ཤི་ ཧང་ཨ་ཝ་ཆིན་མེ་ཡ། ཐེང་ཏ་ཕང་ཁཱན་བ་ཀ་ཏ་ སྡིག་ཅན་བ་ཀི་བུ་ཕང༌ཅ། 33ཉི་ན་ཧ་ཏཱན་ ལེག་པུ་ཨ་ཁཱན་བ་ཀ་ཤ་ ལེག་པུ་ཨ་ནེ་ལ་ ན་ཤི་ ཧང་ཨ་ཝ་ཆིན་མེ་ཡ། ཨུ་ཉུ་ད་བུ་ཏ་ སྡིག་ཅན་བ་ཀི་བུ་ཨན༌ཅ། 34ཉི་རམ་ལོག་ཉི་ ཏ་པེ་རེ་ཁཱན་བ་ཀ་ཤ་ ཏི་རུ་ཆི་ལེ་བི་ནེ་ལ་ ན་ཤི་ ཧང་ཨ་ཝ་ཆིན་མེ་ཡ། ཐེང་ཏ་ཉི་ ཐམས་ཅན་ཚང་པ་ཨ་ཉི་ ཉོང་པེ་གི་ནེ་ཏ་ སྡིག་ཅན་བ་ཀི་བུ་ སྡིག་ཅན་བ་ཀ་ ཆི་ལེ་བིན༌ཅ།
35ཉི་ཏ་ དགྲ་བྱང་ཕིཤི་བ་ཀ་ ཕང་ཉི་ལེག་པུ་ཨའི། ཉི་ལོག་ཉི་ཉོང་པེ་ག་ རེ་ཆ་མ་ཨ་ལཱན་ ཆི་ལེ་བི། ཉི་གེ་ཤ་ ན་ཧ་དེན་གེ་ ཞིང་ཁམས་ག་སེ་རབ་ གནམ་མེད་ས་མེད་ ཆི་ལུ་ཨོ་ཕེ། ཉི་ན་ཧ་བ་ ཞིང་ཁམས་ག་ དཀོན་མཆོག་ག་ སྲས་རི༌ལེ། ཧང་ཡ་དག་ནེ་ལ་ རོ་ཀི་ཤོ་ དགའ་ཚོར་མ་ཐ་ཁཱན་དང་ ཡཱན་མུ་བ་ཀ་བུ་ ཐུགས་རྗེ་གཟིགས༌ཅ། 36ན་ཧ་ཡབ་གི་ སྙིང་རྗེ་ཨ་ཉི་ གནང་མ་པུརུས་ཀིན་ཨ་ཉི་ ན་ཤི་བུ་ སྙིང་རྗེ་ཨའི༎
བཱརའ་ག་ཁྲིམས་ཅཱད་ནེ༌ལ།
37བཱརའ་ག་ ཁྲིམས་མ་ཅཱད༌ཅོ། ཉི་ན་ཧ་བ་བུ་ ཁྲིམས་མ་ཅཱད༌པ། ཉི་དམའ་ཕ་མ་ཕི་ དཀོན་མཆོག་གི་ ན་ཧ་བུ་ དམའ་ཕ་མ་ཕི༌ལ། ཉི་བཀའ་དྲིན་བསྐྱང་ཤོ་ དཀོན་མཆོག་གི་ ན་ཧ་བུ་ བཀའ་དྲིན་བསྐྱང༌མེ། 38བི་ དཀོན་མཆོག་གི་ ན་ཧ་བུ་གནང༌མེ། ལེག་པ་ཨ་ཉི་ཟེར་ཉི་ དོང་ཏ་ཏེང་ཉི་ ཏབ་ཐུར་ཁཱན་ཐཱན་ ཁཱད་ཀེ་ཤ་པ་ཨ་ཉི་ བི་ཁཱན་ཁེ་པ་ ན་ཧ་ བུ་དང་གོ་ས་ནང་ཀ་ཨོ་ཕེ། ཧང་ཡ་དག་ནེ་ལ་ ན་ཤི་ ཉ་ཏ་ཧང་ཏེན་ ཟེར་ཉི་བི་ཝ་ཐུར་ ཨུ་ཉུ་པུརུས་ཀིན་ཨ་ཉི་ དཀོན་མཆོག་གི་ ན་ཧ་ཏཱན་བུ་ ཟེར་བེ་གི་ལ་དག༌ཉི།
39ཉི་རོ་ཀི་ རོག་ཏེ་བ་ཀ་ དཔེ་གཏམ་ག་ཐུང་ཀེ་ཨ་ཉི་བུ་ གསུངས་མ་ལ་ མིང་ཀ་ན་གི་ མིང་ཀ་ན་ག་ ལམ་རིག་པེ་རེ་བེ་སྨོ། ཧང་ རོག་ཉིག་ཙིང་རང་ ཧོང་ཀང་ནང་ཀ་ མ་ནུ་ཕ་སྨོ། 40སློབ་ཕྲུག་ཤོ་ སློབ་དཔོན་གེ་ལག་ཉི་ ཨོ་ཕུ་མཱན༌ཅ། དག་པ་ཀབ་ཉི་ ཐམས་ཅན་ཡེ་དེན་གེ་ཤ་ ཨི་བི་རང་གི་ནེ་བུ་ རོ་ཀ་སློབ་དཔོན་ད་བུ་ རི་ལེ་རེ༌བེ།
41རང་ཏེན་ག་མིང་ག་ ཤིང་ཕར་བ་ནུ་ཕ་ག་ མ་སེ་ཝ་ག་ ཧང་ཏེན་ཉི་ ན་ཧ་ཡུང་ཟི་ག་ མིང་ག་ནུབ་ཁཱན་ཤུམ་ ཐོང་མེ་རེ་ཅ་ཡ། 42ཉི་ཨོམ་ཆང་རང་ རང་ཏེན་ག་མིང་ག་ ཤིང་ཕར་བ་ཐཱན་ཐཱན་ ཡུང་ཟི་ག་ དབའི་ ཇི་གི་ན་ག་མིང་ག་ཤུམ་ ཤོ་ཉི་བི་ལེ་དག་ཉི་ ཧང་ཏེན་ཉི་ ཡེག་པེ་རེ་བེ་ཡ། ནའི་འུ་དྲ་པ་ གོ་མ་རང་ ན་ཧ་མིང་ག་ཆོ་ཁཱན་ ཤིང་ཕར་བ་ ཤོ་ཉི་གེམ༌ཤོ། ཉི་ཤ་ ཡུང་ཟི་ག་མིང་ག་ཆོ་ཁཱན་ ཤུམ་ཁེ་པ་ལེག་པ་ཨ་ཉི་ ཐོང་མེ་རེ༌བེ༎
ཤིང་དང་སེ།
43ཤིང་ལེག་པུ་གི་ སེ་མ་ལེག་པ་མ་སེ༌ལ། ཉི་ཤིང་མ་ལེག་པ་གི་ སེ་ལེག་པུ་མ་སེ༌ལ། 44ཤིང་ཐམས་ཅན་རང་ སེ་ག་གོད་ཉི་ ཙ་ཆོད༌ཅ། ལྕོག་མ་སེ་ཤོ་ ཟུ་ཤིང་གེ་ དུས་ཅ་མང་གི། ཉི་ཨང་གུར་སེ་བུ་ ཟུ་ཙོང་གེ་ དུས་ཅ་མང་གི། 45ཨུ་ཉུ་པུརུས་ཀིན་ཨ་ཉི་ སོ་ངོ་ལེག་པུ་གེ་ རོ་ཀ་ཐིང་ལོམ་ནང་ཀ་ ལེག་པུ་ཆོ་ཝ་ཨ་དེན་གེ་ ལེག་པུ་ཤོན༌ཅ། ཉི་སོ་ངོ་ཡཱན་མུ་གེ་ རོ་ཀ་ཐིང་ལོམ་ནང་ཀ་ ཡཱན་མུ་ཆོ་ཝ་ཨ་དེན་གེ་ ཡཱན་མུ་ཤོན༌ཅ། ཐིང་ལོམ་ནང་ཀ་ ཧང་ཆོ་ཝ་ཐུར་ རོ་ཀ་ནོ་ཝང་གེ་བུ་ ཨུ་ཉུ་རང་ཤོན་ཅ་གི༌ལ༎
ཕའི་ཅོད་ཁཱན་བཟོ་པ་མཁས་པ་དང་ ཡོང༌བ།
46ཇི་གི་ཨའི་དག་ཉི་ ཡེག་ཁཱན་བ་ མ་ཨ་ལཱན་ ན་ཤི་ ཇ་ག་གཙོ་བོ་གཙོ་བོ་དག་ཉི་ ཧང་ཨ་ཉི་ཡེག་ཅ་ཡ། 47ཇ་ག་བཱརང་ཀ་ཨུན་ཐཱན་ ཇ་ག་ཆཱས་བ་ཉཱན་ཉི་ ཉི་ཨུ་ཉུ་དང་ཏུ་ཉི་ ཨ་ཁཱན་བ་ ཧང་ད་བུ་ ཨོ་ཕེ་གི་ལ་སྨོ་ ཇི་གི་ ན་ཧ་ཡེག༌པེ། 48རོག་ཤོ་ ལུང་གང་ཆི་ཉི་ ཨོ་ཉ་ཐུང་ཀ་ཕའི་ཅོད་ཁཱན་ སོ་ངོ་ད་བུ་ཐུར་གི༌ལ། རྨང་སྒྲིང་སྒྲིང་ཨ་ཉི་ ཆེ་ཝ་ཨ་དེན་གེ་ རོད་པ་རི་གི་ ཨོ་ཉ་ཕའི་ག་ཁེ་ལ་ཀབ་ཉི་ ཨོ་ཉ་ཕའི་ལེ་མེ་མར༌བ། 49དག་པ་ཀབ་ཉི་ ཇ་ག་གསུང་ཉཱན་ཐཱན་ ཨུ་ཉུ་དང་ཏུ་ཉི་ མ་ཨ་ཁཱན་བ་ཤོ་ རྨང་མ་ཆེ་ལཱན་ ཕའི་ཅོད་ཁཱན་ སོ་ངོ་ད་བུ་ཐུར་གི༌ལ། ཉི་རོད་པ་ཤོན་ཨུ་ཉི་ ཨོ་ཉ་ཕའི་ག་ཁེ་ལ་ཀབ་ཉི་ ཆེད་ཇོང་ཉི་ ཨོ་ཉ་ཕའི་རཝ་རི༌ལེ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved