མར་ཀུས། 1
1
ཁྲུས་གསོར་པ་ཡུ་ཧན་ན་གི་ ལམ་ཟང་མ༌ལ།
1དཀོན་མཆོག་ག་སྲས་ ཡི་ཤུ་ཁིརིས་ འཛམ་གླིང་ག་བྱོན་མ་ཀོར་གེ་དང་ རོ་ཀི་གསུངས་ཁཱན་ག་ཀོར་གེ་ འཐེན་ལེག་པུ་ཤོ་ ཨོ་ཐ་གེ་ གོ་ཙུག་ཅ་གི༌ལ། 2ལུང་བསྟན་པ་ ཡ་ཤའི་ཡ་ག་དཔེ་ཆ་ནང་ཀ་ དཀོན་མཆོག་གི་ གསུངས་མ་ཅ་
ན་ག་ལམ་ཟང་མེ་དེན་གེ་ ཇི་གི་ ཇ་ག་འཐེན་པ་ ནཱན་གེ་གུམ་གུམ་ ཀུན་ཏི༌ལེ།#1:2 མ་ལ་ཀི་ག་དཔེ་ཆ་ 3:1 3ཉི་རོ་ཀི་ ས་ཏོང་པ་ནང་ཀ་ ཤ་དར་ཕི་ཉི་ཡེག་པེ་ གཙོ་བོ་ག་དེན་གེ་ ལམ་ཟང་ཉི་ ཐྲང་པུ་ཅོད་ཅོ་#1:3 ཡ་ཤའི་ཡ་ག་དཔེ་ཆ་ 40:3 དག༌ཉི།
4ཨུ་ཉུ་དང་ཏུ་ཉི་ ཁྲུས་གསོར་པ་ ཡུ་ཧན་ན་དག་ཁཱན་ཐུར་ ས་ཏོང་པ་ནང་ཀ་བྱོན་ཉི་ ན་ཧ་བ་ སྡིག་པ་གེ་ལོག་ཐཱན་ ཁྲུས་གསོར་ལ་ལེ་ཁེ༌ལེ། ཉི་ཤ་ དཀོན་མཆོག་གི་ ན་ཧ་སྡིག་པ་ བཀའ་དྲིན་བསྐྱང་མེ་གི་ལ་དག་ཉི་ སོ་ངོ་བ་ཀ་ གསུངས་མ༌ལ། 5ཉི་ཡ་ཧུ་དི་ཡ་ཆ་འོག་དང་ ཁྲོམ་ཆེན་ཡ་རུ་ཤ་ལེམ་ག་ཆོ་ཁཱན་ སོ་ངོ་ཐམས་ཅན་རང་ ཡུ་ཧན་ན་གི་ གསུངས་ཁཱན་ག་ ཉཱན་པེ་དེན་གེ་ དི་ཝ༌ལ། ཉི་རོག་ཏེ་བ་ཀ་ སྡིག་པ་ག་ ཁ་དོག་ཁཱན་བ་ཀ་ རོ་ཀི་ཡར་དཱན་རི་དྲང་ག་ ཁྲུས་གསོར་གནང་མ༌ལ། 6ཡུ་ཧན་ན་ག་ནམ་བཟའ་ཤོ་ ང་མོ་ག་པུ་གི་ཅོད་པ་ག་ ནམ་བཟའ་ཡེ་ཝ་ཆོ་ཝ༌ལ། ཉི་ཤ་ཅི་ནང་ག་ཤོ་ མོང་ནང་ག་ཐེ་མུ་ ཆུ་ཝ་ཆོ༌ཝ། ཉི་རོ་ཀ་གསོལཝ་ཤོ་ ང་མེ་ན་ཁཱན་ ཏེག་ཏེག་པ་དང་ བོ་རང་མི་ཟུ་མ་ག་ཞིང་ གི་ཝ་ཆོ་ཝ༌ལ།
7ཡུ་ཧན་ན་གི་ གསུངས་མ་ལ་ ཇང་གེ་ ཚིང་ཚིང་བྱོན་ཁཱན་ཁེ་པ་ ཇང་གེ་ཆི་ལུ་གི༌ལ། ཉི་ཇང་ཏ་ དོང་ཀུར་ཐཱན་ རོ་ཀ་ཞབས་ལྷམ་ཐུར་རང་ ཕེག་པེ་མ་རུང་ཁཱན་ སོ་ངོ་གི༌ལ། 8ཇི་གི་ ན་ཧ་བ་ རི་གི་ཨ་ཉི་ ཁྲུས་གསོར་ཕིན༌ཅ། དག་པ་ཀབ་ཉི་ རོ་ཀི་ ན་ཧ་བ་ དམ་པའི་ཐུགས་ཉིད་གི་ཨ་ཉི་ ཁྲུས་གསོར་གནང་མེ་དག༌ཉི༎
ཡི་ཤུ་གི་ ཁྲུས་གསོར་བཞེས་ཝ་ཀོར་གེ་དང་ བདུད་ཀི་ བར་ཆད་ཕ་ཝ་ཀོར་གེ།
9ཨུ་ཉུ་གང་ཀ་ ཡི་ཤུ་ ས་ཆ་ག་ལིལ་ག་ཁྲོམ་ ནཱས་རཱད་དག་ས་གེ་བྱོན་ཉི་ ཉི་རོག་ ཡུ་ཧན་ན་གི་ ཡར་དཱན་རི་ག་ ཁྲུས་གསོར་ཕུལ་བ༌ལ། 10ཉི་ཡི་ཤུ་ རི་གེ་ཕིས་ཀ་ཤོ་ཝ་ཐུར་ག་རང་ ཞིང་ཁམས་ཕེག་ཉི་ དམ་པའི་ཐུགས་ཉིད་ ཁ་ཏི་ཏ་ར་ད་བུ་ཨ་ཉི་ བྱོན་ཐཱན་ རོ་ཀ་ཐུང་ཀ་ཆག་པ་ག་ རོ་ཀི་གཟིགས་པ༌ལ། 11ནཱན་ཤོ་ ཇི་གི་ཕང་ཁཱན་ ཇ་ག་ཟ་གི༌ལ། ཉི་ཇང་ནཱན་ཀབ་ཉི་ གནམ་མེད་ས་མེད་ ངལ་རངས་པ་ཅ་དག་ཉི་ ཞིང་ཁམས་གེ་དོང་ དཀོན་མཆོག་གི་ གསུངས་མ༌ལ།
12ཨོ་ཉ་ཐྲེ་ཀེ་རང་ ཡི་ཤུ་ དམ་པའི་ཐུགས་ཉིད་གི་ཨ་ཉི་ ས་ཏོང་པ་ནང་ཀ་བསྣམས་ཉི་ བྱོན་མ༌ལ། 13ཉི་རོག་ ས་ཏོང་པ་ནང་ཀ་ ངམ་བི་ནང་ 40 སེ་ཏཱན་གི་བར་ཆད་ཕ་ཉི་ བོ་རང་སེམས་ཅན་བ་ཀ་པོང་ཀ་ བཞུགས་པ༌ལ། ཉི་ཞིང་ཁམས་ག་འཐེན་པ་བ་བྱོན་ཉི་ རོ་ཀ་ཕྱག་ཞུ་ཝ༌ལ༎
ཡི་ཤུ་གི་ ང་རོ་པ་ཕིཤི་ར་ཝ༌ལ།
14ཁྲུས་གསོར་པ་ ཡུ་ཧན་ན་ བཙོན་ག་ཙུག་ཏེན་གེ་ དཀོན་མཆོག་ག་ འཐེན་ལེག་པུ་ བཤད་པེ་དེན་གེ་ ཡི་ཤུ་ ག་ལིལ་ག་ཏཱན་ བྱོན་མ༌ལ། 15དུས་ཙུན་རེན༌པ། དཀོན་མཆོག་ག་རྒྱལ་སྲིད་ ན་ཧ་ར་ག་ཏེམ་པ༌ཅ། སྡིག་པ་གེ་ལོག་ཐཱན་ འཐེན་ལེག་པུ་ག་ དད་པ་ཨའི་དག་ཉི་ ཡི་ཤུ་གི་ གསུངས་མ༌ལ།
16ཉི་ནོང་ཐུར་ ཡི་ཤུ་ ག་ལིལ་ག་མཚོ་ནབ་ཁོན་ བྱོན་མ་ཀབ་ཉི་ སི་མོན་དང་ ཨན་དྲི་ཡཱས་དག་ཁཱན་ རོག་བོ་ཉིང་ཉིག་ཙིང་ ང་ཅོང་ཚབ་ཉི་ཆོ་ཝ་ག་ གཟིགས་པ༌ལ། ཧང་ཡ་དག་ནེ་ལ་ རོག་ཉིག་ཙིང་ཤོ་ ང་རོ་པ་གི་ཝ་ཆོ་ཝ༌ལ། 17ཡི་ཤུ་གི་གསུངས་མ་ལ་ ཇ་ག་ཚིང་ཚིང་ཨོ་དོ་ ཇི་གི་ ན་ཆིང་ ང་མང་གི་ཝ་ སོ་ངོ་ཙུང་ཁཱན་ཅོད་པེ་དག༌ཉི། 18ཉི་རོག་ཉིག་ཙིང་གི་ ཨོ་ཉ་ཐྲེ་ཀེ་རང་ ཅོང་ཐུབ་ཐཱན་ཐཱན་ ཡི་ཤུ་ག་ཕྱག་ཞུ་ཉི་ དི་ཝ༌ལ།
19ཉི་ཨོ་ཉ་གེ་ ད་སུར་ཉ་ལོ་ཀ་ ཕེབས་པ་ཐུར་ག་རང་ ཡ་ཀུབ་དང་ ཡུ་ཧན་ན་དག་ཁཱན་ རོག་བོ་ཉིང་ཉིག་ཙིང་བུ་ ཨ་པ་ཇབ་དི་ཡ་ཀབ་ཉི་ གྲུ་ནང་ཀ་ལང་ཉི་ ཅོང་རེད་ཁཱན་བ་ལོག་ཉི་ ཚོག་ཉི་ཆོ་ཝ་ག་ གཟིགས་པ༌ལ། 20ཉི་ཨོ་ཉ་ཐྲེ་ཀེ་རང་ ཡི་ཤུ་གི་ ཨོ་དོ་དག་ཉི་ གསུངས་མ་ཀབ་ཉི་ རོག་ཉིག་ཙིང་གི་ ཉི་པ་བ་ཀབ་ཉི་ ཨ་པ་ཇབ་དི་ཡ་ གྲུ་ནང་ཀ་ཐུབ་ཐ་ཉི་ ཡི་ཤུ་ག་ཕྱག་ཞུ་ཉི་ དི་ཝ༌ལ༎
རྣམ་ཤེས་མ་ལེག་པ་གི་ ནོད་ཁཱན་སོ་ངོ།
21ཉི་རོག་ཏེ་བ་ ཀ་ཕར་ན་ཧུམ་དག་ས་ག་ཕེབས་ཉི་ དུས་བཟང་ག་ནོང་ཀ་ ཡི་ཤུ་ ཆོས་འཛོམས་ནང་ཀ་བྱོན་ཉི་ ཡེན་གནང་མེ་ གོ་ཙུག་པ༌ལ། 22རོ་ཀ་ཡེན་གནང་ཐང་ག་གོད་ཉི་ སོ་ངོ་བ་ ཐམས་ཅན་རང་ ཡིད་ཆི་ཝ༌ལ། ཧང་ཡ་དག་ནེ་ལ་ རོ་ཀི་ བཱརའ་བཀའ་ཁྲིམས་ག་ སློབ་དཔོན་བ་ད་བུ་ མང་གི་ཝ་ རོག་ཏེན་ག་ དབང་ཚད་དང་ཏུ་ཉི་ ཡེན་གནང་ཅ་གི་ཝ༌ལ།
23ཡི་ཤུ་གི་གསུངས་ཉི་ ཆུ་མ་ཐུར་ག་རང་ རྣམ་ཤེས་མ་ཙང་མ་གི་ ནོད་ཁཱན་སོ་ངོ་ཐུར་ ཆོས་འཛོམས་ནང་ཀ་ཆོ་ཁཱན་གི་ ཤ་དར་ཕི་ཉི་ 24ནཱས་རི་པ་ཡི་ཤུ་ ནཱན་ཨ་ཧ་བ་ཀེ་ ཧང་ཚཱས་པེ་ཡ། ནཱན་ཐ་ག་ ཨ་ཧ་བ་ མེ་པ་ཕི་ལེ་ བྱོན་མ་གི་ལ་སྨོ། ཇི་གི་སེན་ཅ་ ནཱན་ཁེ་པ་ དཀོན་མཆོག་ག་ དམ་པའི་སོ་ངོ་གི་ལ་དག་ཉི་ ཞུ་ཝ༌ལ།
25ནཱན་ཙང་ཀེན་ཆོའི། ཉི་རོ་ཀེ་ ཕིས་ཀ་ཤོ་ཉི་དི་དག་ཉི་ ཡི་ཤུ་གི་ རྣམ་ཤེས་མ་ཙང་མ་ག་ བཀའ་གནང་མ༌ལ། 26ཉི་ཨོ་ཉ་ རྣམ་ཤེས་མ་ཙང་མ་གི་ རོག་ནུབ་ཁཱན་ སོ་ངོ་ཁེ་པ་ གནམ་མེད་ས་མེད་ ཁཱན་ཐཱན་ ཤ་དར་ཤུག་ཨན་ཕི་ཉི་ སོ་ངོ་ནང་ཀེ་ ཕིས་ཀ་ཨོ་ཕ༌ལ།
27ཉི་ཨོ་ཉ་ཆོ་ཁཱན་ སོ་ངོ་བ་ ཐམས་ཅན་རང་ ཡིད་ཆི་ཉི་ ཐུར་གི་ཐུར་ག་ ཡེག་པེ་གོ་ཙུག་པ་ལ་ དབའི་ ཨུ་ཐུ་ཧང་གི་ལ་ཡ། ཧང་ཐུར་སིང་མ་ དབང་ཚད་དང་ཏུ་ཉི་ ཡེན་གནང་ལ་མང་གི་སྨོ། ཨོ་ཐ་སོ་ངོ་གི་ རྣམ་ཤེས་མ་ཙང་མ་ག་བུ་ བཀའ་གནང་མེ་ག་ དབང་ཚད༌ལ། ཉི་རྣམ་ཤེས་མ་ཙང་མ་གི་བུ་ རོ་ཀི་གསུངས་མ་ཀབ་ཉི་ ཉཱད་ལ་དག༌ཉི། 28ཡི་ཤུ་གི་ ཧང་ད་བུ་མཛད་ཉི་ གནང་མ་གི་ལ་སྨོ་ ཨོ་ཉ་ཀོར་གེ་ རེབ་ཀིན་ཐུར་ག་རང་ ས་ཆ་ག་ལིལ་ཁོར་ཀ་ཆོ་ཁཱན་ སོ་ངོ་ཐམས་ཅན་གི་ སེ་ཝ༌ལ༎
ཡི་ཤུ་གི་ སོ་ངོ་མང་པུ་ཐུར་ དྲག་ཉི་གནང་མ༌ལ།
29ཉི་ཆོས་འཛོམས་ ཐུབ་ཐ་ཝ་ཐྲེ་ཀེ་རང་ རོ་ཀ་སློ་མ་ཡ་ཀུབ་དང་ ཡུ་ཧན་ན་ཀབ་ཉི་ སི་མོན་དང་ ཨན་དྲི་ཡཱས་ག་ཕའི་ག་ བྱོན་མ༌ལ། 30ཉི་སི་མོན་ག་མེ་ཝག་ཙ་ག་ཨ་མ་ ཁུར་ཆང་པུ་གི་མར་ཉི་ ཡི་ཕ་ཅ་གི་ཝ༌ལ། ཉི་ཕའི་ག་ཕེབས་པ་ཐུར་ག་རང་ རོག་ཉིག་ཙིང་གི་ ཨ་ཉི་ག་ཀོར་གེ་ ཡི་ཤུ་ག་ཞུ་ཝ༌ལ། 31ཡི་ཤུ་གི་ རོ་ཀ་ཕྱག་ཀི་ཨ་ཉི་ཙུང་ཐཱན་ ག་ཇང་པ་ཐུར་ག་རང་ ཁུར་ཆང་པུ་གི་ ཐུབ་ཐ་ཉི་ ཉི་རོ་ཀི་ ཕུལ་བེ་དྲང་མེ་ གོ་ཙུག་པ༌ལ།
32ཨོ་ཉ་ངེ་རི་ ངམ་ནུབ་ཉི་ མིང་མེར་དེན་གེ་ སོ་ངོ་བ་ཀི་ མར་ཁཱན་དང་ དོན་གི་ནོད་ཁཱན་ ཐམས་ཅན་རང་ ཕ་ཝ༌ལ། 33ཁྲོམ་ག་ཆོ་ཁཱན་ སོ་ངོ་བ་ ཐམས་ཅན་རང་ ཕིས་ཀ་ཀོ་ར་ག་ ཛོ་མ་ཅ་གི་ཝ༌ལ། 34ཉི་ཡི་ཤུ་གི་ ན་ཚ་མ་འདྲ་ཝ་ཁེ་ཉི་མར་ཁཱན་ ཐམས་ཅན་རང་ དྲག་ཉི་གནང་མ་ མ་ཚཱད་པ་ ཉི་ཨོམ་ཆང་རང་ དོན་བུ་མང་པུ་ཐུར་ ཤོ་ཉི་གེ་མ༌ལ། ཉི་དོན་བ་ཀི་ ཧང་རང་ཡེག་པེ་ མ་བི་ཝ༌ལ། ཧང་ཡ་དག་ནེ་ལ་ རོག་ཏེ་བ་ཀི་ རོག་ཨི་བི་གི་ལ་སྨོ་ སེ་ཝ་ཨ་དེན་གེ་ སོ་ངོ་བ་ཀ་ཡེག་ཏུ་དག་ཉི་ ཐུགས་བསམ་གནང་མ༌ལ༎
ཡི་ཤུ་གི་ ག་ལིལ་ག་ཡེན་གནང་མ༌ལ།
35ཉི་ནམ་ནིང་ད་བུ་ ཝུན་བེད་པེ་རང་ མིང་མ་ཏེག་པེ་གོ་མ་ ཡི་ཤུ་བཞེངས་ཐཱན་ བོ་རང་ནང་ཀ་ སྨོན་ལམ་ཏ་པེ་དེན་གེ་ བྱོན་མ༌ལ། 36ཉི་སི་མོན་དང་ རོག་ཀབ་ཉི་ཆོ་ཁཱན་བ་ཀི་ ཡི་ཤུ་ ཨོ་ག་བྱོན་མ་གི་ལ་སྨོ་ མ་སེ་ལཱན་ ལ་མ༌ལ། 37ཉི་ཡི་ཤུ་ མཇལ་བ་ཐུར་ག་རང་ སོ་ངོ་ཐམས་ཅན་གི་ ནཱན་ལམ་ལ་དག་ཉི་ ཞུ་ཝ༌ལ།
38ཉི་ཡི་ཤུ་གི་ ཨ་ཧ་བ་ བཱརའ་ཁྲོམ་ག་ཏཱན་དི་ཁེ། ཧང་ཡ་དག་ནེ་ལ་ རོག་ཏེ་བ་ཀ་བུ་ དཀོན་མཆོག་ག་ རྒྱལ་སྲིད་ཀོར་གེ་ ཡེན་བི་ལེ་ཁེ༌ལེ། ཇང་ཐ་ཨོ་ཕེ་དེན་ཐ་རང་ ཨུ་ཉུ་གི་ལ་ན་དག་ཉི་ གསུངས་མ༌ལ། 39ཉི་རོ་ཀི་ ཡ་ཧུ་དི་པ་ ཆོས་འཛོམས་ཁོན་ དཀོན་མཆོག་ག་ གསུང་བཤད་ཉི་ དོན་བ་བུ་ཁོན་ཉི་རང་ ག་ལིལ་ག་ས་ཆ་ ཐམས་ཅན་རང་ ཆ་པ་གི་ཝ༌ལ༎
ཡི་ཤུ་གི་ ཀླུ་ནད་ཟུན་ཁཱན་སོ༌ངོ་ དྲག་ཉི་གནང་མ༌ལ།
40ཤེབ་ཐུར་ ཀླུ་ནད་ཟུན་ཁཱན་ སོ་ངོ་ཐུར་ཨུ་ཉི་ ཡི་ཤུ་ག་ཕྱག་འཚལ་ཉི་ ཞུ་ཝ་ལ་ ན་ག་ཐུགས་ཆོན་ཐཱན་ཨ་ནེ་ལ་ ཇང་དྲག་ཉི་གནང་ཤོ་དག༌ཉི།
41ཉི་ཡི་ཤུ་གི་ སྙིང་རྗེ་ཨ་ཉི་ རོ་ཀ་ཕྱག་ཀི་ཨ་ཉི་ཐོབ་ཉི་ ཇ་ག་སེམས་ཅ་དག་ཉི་ གསུངས་ཐཱན་ ཧིང་སང་ཀིན་རི་དག་ཉི་ གསུངས་མ༌ལ། 42ཉི་ཨོ་ཉ་ཐྲེ་ཀེ་རང་ ཀླུ་ན་ཚ་དྲག་ཉི་ ཁམས་སངས་ཀིན་རི་ཝ༌ལ། 43ཡི་ཤུ་གི་ རོ་ཀ་ན་སྒྲིང་སྒྲིང་ཨ་ཉི་ གསུངས་ཐཱན་ ཀུན་ཏི་ཝ༌ལ། 44བཱརའ་ཨི་བི་ག་རང་ མ་ཡེག་པཱན་ བླ་མ་གི་ བརྟག་དཔྱད་ཕི་ལེ་དེན་གེ་ ཙང་ཀེན་ཨ་ཉི་ ཐྲང་ཐྲང་རང་ བླ་མ་བཱརང་ཀ་དི། ཉི་བཱརའ་སོ་ངོ་བ་ཀ་གུབ་ཀ་ ནཱན་དྲག་པ་གི་ལ་དག་ཉི་ འཛོམས་དཔང་ཨ་ལེ་དེན་གེ་ མོ་ས་ག་བཀའ་དང་ཏུ་ཉི་ སྙན་དར་ཕུལ་ཤོ་ན་དག༌ཉི།
45དག་པ་ཀབ་ཉི་ ཨོ་ཉ་སོ་ངོ་གི་ རོག་དྲག་པ་དག་ཉི་ སོ་ངོ་ཐམས་ཅན་ག་ཡེག་ཉི་ ཉི་སོ་ངོ་བ་ཀི་ ཡི་ཤུ་ག་ཚིང་ཁོན་ཉི་ སོ་ངོ་མང་པུ་ཐུར་ རོ་ཀ་ཀོ་ལོ་ལོ་ ཛོ་མ༌ལ། ཨོ་ཉི་ཨ་དེན་གེ་ རོག་སོ་ངོ་མང་ཀ་གུབ་ཀ་ ཁྲོམ་ག་བྱོན་མེ་མར་བཱན་ ཕིས་ཀ་སོ་ངོ་མ་ས་བཱརང་ཀ་ བཞུགས་པེ་ཁེ་ཝ༌ལ། ཨོ་ཉེ་རང་གི་ནེ་བུ་ སོ་ངོ་ཐམས་ཅན་རང་ རོག་བཞུགས་ས་བཱརང་ཀ་ ཤེག་པ༌ལ༎
Currently Selected:
མར་ཀུས། 1: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མར་ཀུས། 1
1
ཁྲུས་གསོར་པ་ཡུ་ཧན་ན་གི་ ལམ་ཟང་མ༌ལ།
1དཀོན་མཆོག་ག་སྲས་ ཡི་ཤུ་ཁིརིས་ འཛམ་གླིང་ག་བྱོན་མ་ཀོར་གེ་དང་ རོ་ཀི་གསུངས་ཁཱན་ག་ཀོར་གེ་ འཐེན་ལེག་པུ་ཤོ་ ཨོ་ཐ་གེ་ གོ་ཙུག་ཅ་གི༌ལ། 2ལུང་བསྟན་པ་ ཡ་ཤའི་ཡ་ག་དཔེ་ཆ་ནང་ཀ་ དཀོན་མཆོག་གི་ གསུངས་མ་ཅ་
ན་ག་ལམ་ཟང་མེ་དེན་གེ་ ཇི་གི་ ཇ་ག་འཐེན་པ་ ནཱན་གེ་གུམ་གུམ་ ཀུན་ཏི༌ལེ།#1:2 མ་ལ་ཀི་ག་དཔེ་ཆ་ 3:1 3ཉི་རོ་ཀི་ ས་ཏོང་པ་ནང་ཀ་ ཤ་དར་ཕི་ཉི་ཡེག་པེ་ གཙོ་བོ་ག་དེན་གེ་ ལམ་ཟང་ཉི་ ཐྲང་པུ་ཅོད་ཅོ་#1:3 ཡ་ཤའི་ཡ་ག་དཔེ་ཆ་ 40:3 དག༌ཉི།
4ཨུ་ཉུ་དང་ཏུ་ཉི་ ཁྲུས་གསོར་པ་ ཡུ་ཧན་ན་དག་ཁཱན་ཐུར་ ས་ཏོང་པ་ནང་ཀ་བྱོན་ཉི་ ན་ཧ་བ་ སྡིག་པ་གེ་ལོག་ཐཱན་ ཁྲུས་གསོར་ལ་ལེ་ཁེ༌ལེ། ཉི་ཤ་ དཀོན་མཆོག་གི་ ན་ཧ་སྡིག་པ་ བཀའ་དྲིན་བསྐྱང་མེ་གི་ལ་དག་ཉི་ སོ་ངོ་བ་ཀ་ གསུངས་མ༌ལ། 5ཉི་ཡ་ཧུ་དི་ཡ་ཆ་འོག་དང་ ཁྲོམ་ཆེན་ཡ་རུ་ཤ་ལེམ་ག་ཆོ་ཁཱན་ སོ་ངོ་ཐམས་ཅན་རང་ ཡུ་ཧན་ན་གི་ གསུངས་ཁཱན་ག་ ཉཱན་པེ་དེན་གེ་ དི་ཝ༌ལ། ཉི་རོག་ཏེ་བ་ཀ་ སྡིག་པ་ག་ ཁ་དོག་ཁཱན་བ་ཀ་ རོ་ཀི་ཡར་དཱན་རི་དྲང་ག་ ཁྲུས་གསོར་གནང་མ༌ལ། 6ཡུ་ཧན་ན་ག་ནམ་བཟའ་ཤོ་ ང་མོ་ག་པུ་གི་ཅོད་པ་ག་ ནམ་བཟའ་ཡེ་ཝ་ཆོ་ཝ༌ལ། ཉི་ཤ་ཅི་ནང་ག་ཤོ་ མོང་ནང་ག་ཐེ་མུ་ ཆུ་ཝ་ཆོ༌ཝ། ཉི་རོ་ཀ་གསོལཝ་ཤོ་ ང་མེ་ན་ཁཱན་ ཏེག་ཏེག་པ་དང་ བོ་རང་མི་ཟུ་མ་ག་ཞིང་ གི་ཝ་ཆོ་ཝ༌ལ།
7ཡུ་ཧན་ན་གི་ གསུངས་མ་ལ་ ཇང་གེ་ ཚིང་ཚིང་བྱོན་ཁཱན་ཁེ་པ་ ཇང་གེ་ཆི་ལུ་གི༌ལ། ཉི་ཇང་ཏ་ དོང་ཀུར་ཐཱན་ རོ་ཀ་ཞབས་ལྷམ་ཐུར་རང་ ཕེག་པེ་མ་རུང་ཁཱན་ སོ་ངོ་གི༌ལ། 8ཇི་གི་ ན་ཧ་བ་ རི་གི་ཨ་ཉི་ ཁྲུས་གསོར་ཕིན༌ཅ། དག་པ་ཀབ་ཉི་ རོ་ཀི་ ན་ཧ་བ་ དམ་པའི་ཐུགས་ཉིད་གི་ཨ་ཉི་ ཁྲུས་གསོར་གནང་མེ་དག༌ཉི༎
ཡི་ཤུ་གི་ ཁྲུས་གསོར་བཞེས་ཝ་ཀོར་གེ་དང་ བདུད་ཀི་ བར་ཆད་ཕ་ཝ་ཀོར་གེ།
9ཨུ་ཉུ་གང་ཀ་ ཡི་ཤུ་ ས་ཆ་ག་ལིལ་ག་ཁྲོམ་ ནཱས་རཱད་དག་ས་གེ་བྱོན་ཉི་ ཉི་རོག་ ཡུ་ཧན་ན་གི་ ཡར་དཱན་རི་ག་ ཁྲུས་གསོར་ཕུལ་བ༌ལ། 10ཉི་ཡི་ཤུ་ རི་གེ་ཕིས་ཀ་ཤོ་ཝ་ཐུར་ག་རང་ ཞིང་ཁམས་ཕེག་ཉི་ དམ་པའི་ཐུགས་ཉིད་ ཁ་ཏི་ཏ་ར་ད་བུ་ཨ་ཉི་ བྱོན་ཐཱན་ རོ་ཀ་ཐུང་ཀ་ཆག་པ་ག་ རོ་ཀི་གཟིགས་པ༌ལ། 11ནཱན་ཤོ་ ཇི་གི་ཕང་ཁཱན་ ཇ་ག་ཟ་གི༌ལ། ཉི་ཇང་ནཱན་ཀབ་ཉི་ གནམ་མེད་ས་མེད་ ངལ་རངས་པ་ཅ་དག་ཉི་ ཞིང་ཁམས་གེ་དོང་ དཀོན་མཆོག་གི་ གསུངས་མ༌ལ།
12ཨོ་ཉ་ཐྲེ་ཀེ་རང་ ཡི་ཤུ་ དམ་པའི་ཐུགས་ཉིད་གི་ཨ་ཉི་ ས་ཏོང་པ་ནང་ཀ་བསྣམས་ཉི་ བྱོན་མ༌ལ། 13ཉི་རོག་ ས་ཏོང་པ་ནང་ཀ་ ངམ་བི་ནང་ 40 སེ་ཏཱན་གི་བར་ཆད་ཕ་ཉི་ བོ་རང་སེམས་ཅན་བ་ཀ་པོང་ཀ་ བཞུགས་པ༌ལ། ཉི་ཞིང་ཁམས་ག་འཐེན་པ་བ་བྱོན་ཉི་ རོ་ཀ་ཕྱག་ཞུ་ཝ༌ལ༎
ཡི་ཤུ་གི་ ང་རོ་པ་ཕིཤི་ར་ཝ༌ལ།
14ཁྲུས་གསོར་པ་ ཡུ་ཧན་ན་ བཙོན་ག་ཙུག་ཏེན་གེ་ དཀོན་མཆོག་ག་ འཐེན་ལེག་པུ་ བཤད་པེ་དེན་གེ་ ཡི་ཤུ་ ག་ལིལ་ག་ཏཱན་ བྱོན་མ༌ལ། 15དུས་ཙུན་རེན༌པ། དཀོན་མཆོག་ག་རྒྱལ་སྲིད་ ན་ཧ་ར་ག་ཏེམ་པ༌ཅ། སྡིག་པ་གེ་ལོག་ཐཱན་ འཐེན་ལེག་པུ་ག་ དད་པ་ཨའི་དག་ཉི་ ཡི་ཤུ་གི་ གསུངས་མ༌ལ།
16ཉི་ནོང་ཐུར་ ཡི་ཤུ་ ག་ལིལ་ག་མཚོ་ནབ་ཁོན་ བྱོན་མ་ཀབ་ཉི་ སི་མོན་དང་ ཨན་དྲི་ཡཱས་དག་ཁཱན་ རོག་བོ་ཉིང་ཉིག་ཙིང་ ང་ཅོང་ཚབ་ཉི་ཆོ་ཝ་ག་ གཟིགས་པ༌ལ། ཧང་ཡ་དག་ནེ་ལ་ རོག་ཉིག་ཙིང་ཤོ་ ང་རོ་པ་གི་ཝ་ཆོ་ཝ༌ལ། 17ཡི་ཤུ་གི་གསུངས་མ་ལ་ ཇ་ག་ཚིང་ཚིང་ཨོ་དོ་ ཇི་གི་ ན་ཆིང་ ང་མང་གི་ཝ་ སོ་ངོ་ཙུང་ཁཱན་ཅོད་པེ་དག༌ཉི། 18ཉི་རོག་ཉིག་ཙིང་གི་ ཨོ་ཉ་ཐྲེ་ཀེ་རང་ ཅོང་ཐུབ་ཐཱན་ཐཱན་ ཡི་ཤུ་ག་ཕྱག་ཞུ་ཉི་ དི་ཝ༌ལ།
19ཉི་ཨོ་ཉ་གེ་ ད་སུར་ཉ་ལོ་ཀ་ ཕེབས་པ་ཐུར་ག་རང་ ཡ་ཀུབ་དང་ ཡུ་ཧན་ན་དག་ཁཱན་ རོག་བོ་ཉིང་ཉིག་ཙིང་བུ་ ཨ་པ་ཇབ་དི་ཡ་ཀབ་ཉི་ གྲུ་ནང་ཀ་ལང་ཉི་ ཅོང་རེད་ཁཱན་བ་ལོག་ཉི་ ཚོག་ཉི་ཆོ་ཝ་ག་ གཟིགས་པ༌ལ། 20ཉི་ཨོ་ཉ་ཐྲེ་ཀེ་རང་ ཡི་ཤུ་གི་ ཨོ་དོ་དག་ཉི་ གསུངས་མ་ཀབ་ཉི་ རོག་ཉིག་ཙིང་གི་ ཉི་པ་བ་ཀབ་ཉི་ ཨ་པ་ཇབ་དི་ཡ་ གྲུ་ནང་ཀ་ཐུབ་ཐ་ཉི་ ཡི་ཤུ་ག་ཕྱག་ཞུ་ཉི་ དི་ཝ༌ལ༎
རྣམ་ཤེས་མ་ལེག་པ་གི་ ནོད་ཁཱན་སོ་ངོ།
21ཉི་རོག་ཏེ་བ་ ཀ་ཕར་ན་ཧུམ་དག་ས་ག་ཕེབས་ཉི་ དུས་བཟང་ག་ནོང་ཀ་ ཡི་ཤུ་ ཆོས་འཛོམས་ནང་ཀ་བྱོན་ཉི་ ཡེན་གནང་མེ་ གོ་ཙུག་པ༌ལ། 22རོ་ཀ་ཡེན་གནང་ཐང་ག་གོད་ཉི་ སོ་ངོ་བ་ ཐམས་ཅན་རང་ ཡིད་ཆི་ཝ༌ལ། ཧང་ཡ་དག་ནེ་ལ་ རོ་ཀི་ བཱརའ་བཀའ་ཁྲིམས་ག་ སློབ་དཔོན་བ་ད་བུ་ མང་གི་ཝ་ རོག་ཏེན་ག་ དབང་ཚད་དང་ཏུ་ཉི་ ཡེན་གནང་ཅ་གི་ཝ༌ལ།
23ཡི་ཤུ་གི་གསུངས་ཉི་ ཆུ་མ་ཐུར་ག་རང་ རྣམ་ཤེས་མ་ཙང་མ་གི་ ནོད་ཁཱན་སོ་ངོ་ཐུར་ ཆོས་འཛོམས་ནང་ཀ་ཆོ་ཁཱན་གི་ ཤ་དར་ཕི་ཉི་ 24ནཱས་རི་པ་ཡི་ཤུ་ ནཱན་ཨ་ཧ་བ་ཀེ་ ཧང་ཚཱས་པེ་ཡ། ནཱན་ཐ་ག་ ཨ་ཧ་བ་ མེ་པ་ཕི་ལེ་ བྱོན་མ་གི་ལ་སྨོ། ཇི་གི་སེན་ཅ་ ནཱན་ཁེ་པ་ དཀོན་མཆོག་ག་ དམ་པའི་སོ་ངོ་གི་ལ་དག་ཉི་ ཞུ་ཝ༌ལ།
25ནཱན་ཙང་ཀེན་ཆོའི། ཉི་རོ་ཀེ་ ཕིས་ཀ་ཤོ་ཉི་དི་དག་ཉི་ ཡི་ཤུ་གི་ རྣམ་ཤེས་མ་ཙང་མ་ག་ བཀའ་གནང་མ༌ལ། 26ཉི་ཨོ་ཉ་ རྣམ་ཤེས་མ་ཙང་མ་གི་ རོག་ནུབ་ཁཱན་ སོ་ངོ་ཁེ་པ་ གནམ་མེད་ས་མེད་ ཁཱན་ཐཱན་ ཤ་དར་ཤུག་ཨན་ཕི་ཉི་ སོ་ངོ་ནང་ཀེ་ ཕིས་ཀ་ཨོ་ཕ༌ལ།
27ཉི་ཨོ་ཉ་ཆོ་ཁཱན་ སོ་ངོ་བ་ ཐམས་ཅན་རང་ ཡིད་ཆི་ཉི་ ཐུར་གི་ཐུར་ག་ ཡེག་པེ་གོ་ཙུག་པ་ལ་ དབའི་ ཨུ་ཐུ་ཧང་གི་ལ་ཡ། ཧང་ཐུར་སིང་མ་ དབང་ཚད་དང་ཏུ་ཉི་ ཡེན་གནང་ལ་མང་གི་སྨོ། ཨོ་ཐ་སོ་ངོ་གི་ རྣམ་ཤེས་མ་ཙང་མ་ག་བུ་ བཀའ་གནང་མེ་ག་ དབང་ཚད༌ལ། ཉི་རྣམ་ཤེས་མ་ཙང་མ་གི་བུ་ རོ་ཀི་གསུངས་མ་ཀབ་ཉི་ ཉཱད་ལ་དག༌ཉི། 28ཡི་ཤུ་གི་ ཧང་ད་བུ་མཛད་ཉི་ གནང་མ་གི་ལ་སྨོ་ ཨོ་ཉ་ཀོར་གེ་ རེབ་ཀིན་ཐུར་ག་རང་ ས་ཆ་ག་ལིལ་ཁོར་ཀ་ཆོ་ཁཱན་ སོ་ངོ་ཐམས་ཅན་གི་ སེ་ཝ༌ལ༎
ཡི་ཤུ་གི་ སོ་ངོ་མང་པུ་ཐུར་ དྲག་ཉི་གནང་མ༌ལ།
29ཉི་ཆོས་འཛོམས་ ཐུབ་ཐ་ཝ་ཐྲེ་ཀེ་རང་ རོ་ཀ་སློ་མ་ཡ་ཀུབ་དང་ ཡུ་ཧན་ན་ཀབ་ཉི་ སི་མོན་དང་ ཨན་དྲི་ཡཱས་ག་ཕའི་ག་ བྱོན་མ༌ལ། 30ཉི་སི་མོན་ག་མེ་ཝག་ཙ་ག་ཨ་མ་ ཁུར་ཆང་པུ་གི་མར་ཉི་ ཡི་ཕ་ཅ་གི་ཝ༌ལ། ཉི་ཕའི་ག་ཕེབས་པ་ཐུར་ག་རང་ རོག་ཉིག་ཙིང་གི་ ཨ་ཉི་ག་ཀོར་གེ་ ཡི་ཤུ་ག་ཞུ་ཝ༌ལ། 31ཡི་ཤུ་གི་ རོ་ཀ་ཕྱག་ཀི་ཨ་ཉི་ཙུང་ཐཱན་ ག་ཇང་པ་ཐུར་ག་རང་ ཁུར་ཆང་པུ་གི་ ཐུབ་ཐ་ཉི་ ཉི་རོ་ཀི་ ཕུལ་བེ་དྲང་མེ་ གོ་ཙུག་པ༌ལ།
32ཨོ་ཉ་ངེ་རི་ ངམ་ནུབ་ཉི་ མིང་མེར་དེན་གེ་ སོ་ངོ་བ་ཀི་ མར་ཁཱན་དང་ དོན་གི་ནོད་ཁཱན་ ཐམས་ཅན་རང་ ཕ་ཝ༌ལ། 33ཁྲོམ་ག་ཆོ་ཁཱན་ སོ་ངོ་བ་ ཐམས་ཅན་རང་ ཕིས་ཀ་ཀོ་ར་ག་ ཛོ་མ་ཅ་གི་ཝ༌ལ། 34ཉི་ཡི་ཤུ་གི་ ན་ཚ་མ་འདྲ་ཝ་ཁེ་ཉི་མར་ཁཱན་ ཐམས་ཅན་རང་ དྲག་ཉི་གནང་མ་ མ་ཚཱད་པ་ ཉི་ཨོམ་ཆང་རང་ དོན་བུ་མང་པུ་ཐུར་ ཤོ་ཉི་གེ་མ༌ལ། ཉི་དོན་བ་ཀི་ ཧང་རང་ཡེག་པེ་ མ་བི་ཝ༌ལ། ཧང་ཡ་དག་ནེ་ལ་ རོག་ཏེ་བ་ཀི་ རོག་ཨི་བི་གི་ལ་སྨོ་ སེ་ཝ་ཨ་དེན་གེ་ སོ་ངོ་བ་ཀ་ཡེག་ཏུ་དག་ཉི་ ཐུགས་བསམ་གནང་མ༌ལ༎
ཡི་ཤུ་གི་ ག་ལིལ་ག་ཡེན་གནང་མ༌ལ།
35ཉི་ནམ་ནིང་ད་བུ་ ཝུན་བེད་པེ་རང་ མིང་མ་ཏེག་པེ་གོ་མ་ ཡི་ཤུ་བཞེངས་ཐཱན་ བོ་རང་ནང་ཀ་ སྨོན་ལམ་ཏ་པེ་དེན་གེ་ བྱོན་མ༌ལ། 36ཉི་སི་མོན་དང་ རོག་ཀབ་ཉི་ཆོ་ཁཱན་བ་ཀི་ ཡི་ཤུ་ ཨོ་ག་བྱོན་མ་གི་ལ་སྨོ་ མ་སེ་ལཱན་ ལ་མ༌ལ། 37ཉི་ཡི་ཤུ་ མཇལ་བ་ཐུར་ག་རང་ སོ་ངོ་ཐམས་ཅན་གི་ ནཱན་ལམ་ལ་དག་ཉི་ ཞུ་ཝ༌ལ།
38ཉི་ཡི་ཤུ་གི་ ཨ་ཧ་བ་ བཱརའ་ཁྲོམ་ག་ཏཱན་དི་ཁེ། ཧང་ཡ་དག་ནེ་ལ་ རོག་ཏེ་བ་ཀ་བུ་ དཀོན་མཆོག་ག་ རྒྱལ་སྲིད་ཀོར་གེ་ ཡེན་བི་ལེ་ཁེ༌ལེ། ཇང་ཐ་ཨོ་ཕེ་དེན་ཐ་རང་ ཨུ་ཉུ་གི་ལ་ན་དག་ཉི་ གསུངས་མ༌ལ། 39ཉི་རོ་ཀི་ ཡ་ཧུ་དི་པ་ ཆོས་འཛོམས་ཁོན་ དཀོན་མཆོག་ག་ གསུང་བཤད་ཉི་ དོན་བ་བུ་ཁོན་ཉི་རང་ ག་ལིལ་ག་ས་ཆ་ ཐམས་ཅན་རང་ ཆ་པ་གི་ཝ༌ལ༎
ཡི་ཤུ་གི་ ཀླུ་ནད་ཟུན་ཁཱན་སོ༌ངོ་ དྲག་ཉི་གནང་མ༌ལ།
40ཤེབ་ཐུར་ ཀླུ་ནད་ཟུན་ཁཱན་ སོ་ངོ་ཐུར་ཨུ་ཉི་ ཡི་ཤུ་ག་ཕྱག་འཚལ་ཉི་ ཞུ་ཝ་ལ་ ན་ག་ཐུགས་ཆོན་ཐཱན་ཨ་ནེ་ལ་ ཇང་དྲག་ཉི་གནང་ཤོ་དག༌ཉི།
41ཉི་ཡི་ཤུ་གི་ སྙིང་རྗེ་ཨ་ཉི་ རོ་ཀ་ཕྱག་ཀི་ཨ་ཉི་ཐོབ་ཉི་ ཇ་ག་སེམས་ཅ་དག་ཉི་ གསུངས་ཐཱན་ ཧིང་སང་ཀིན་རི་དག་ཉི་ གསུངས་མ༌ལ། 42ཉི་ཨོ་ཉ་ཐྲེ་ཀེ་རང་ ཀླུ་ན་ཚ་དྲག་ཉི་ ཁམས་སངས་ཀིན་རི་ཝ༌ལ། 43ཡི་ཤུ་གི་ རོ་ཀ་ན་སྒྲིང་སྒྲིང་ཨ་ཉི་ གསུངས་ཐཱན་ ཀུན་ཏི་ཝ༌ལ། 44བཱརའ་ཨི་བི་ག་རང་ མ་ཡེག་པཱན་ བླ་མ་གི་ བརྟག་དཔྱད་ཕི་ལེ་དེན་གེ་ ཙང་ཀེན་ཨ་ཉི་ ཐྲང་ཐྲང་རང་ བླ་མ་བཱརང་ཀ་དི། ཉི་བཱརའ་སོ་ངོ་བ་ཀ་གུབ་ཀ་ ནཱན་དྲག་པ་གི་ལ་དག་ཉི་ འཛོམས་དཔང་ཨ་ལེ་དེན་གེ་ མོ་ས་ག་བཀའ་དང་ཏུ་ཉི་ སྙན་དར་ཕུལ་ཤོ་ན་དག༌ཉི།
45དག་པ་ཀབ་ཉི་ ཨོ་ཉ་སོ་ངོ་གི་ རོག་དྲག་པ་དག་ཉི་ སོ་ངོ་ཐམས་ཅན་ག་ཡེག་ཉི་ ཉི་སོ་ངོ་བ་ཀི་ ཡི་ཤུ་ག་ཚིང་ཁོན་ཉི་ སོ་ངོ་མང་པུ་ཐུར་ རོ་ཀ་ཀོ་ལོ་ལོ་ ཛོ་མ༌ལ། ཨོ་ཉི་ཨ་དེན་གེ་ རོག་སོ་ངོ་མང་ཀ་གུབ་ཀ་ ཁྲོམ་ག་བྱོན་མེ་མར་བཱན་ ཕིས་ཀ་སོ་ངོ་མ་ས་བཱརང་ཀ་ བཞུགས་པེ་ཁེ་ཝ༌ལ། ཨོ་ཉེ་རང་གི་ནེ་བུ་ སོ་ངོ་ཐམས་ཅན་རང་ རོག་བཞུགས་ས་བཱརང་ཀ་ ཤེག་པ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved