མར་ཀུས། 2
2
ཡི་ཤུ་གི་ ཟ་ན་ཚ་ཁེ་ཁཱན་སོ་ངོ་ དྲག་ཉི་གནང་མ༌ལ།
1ནོང་མང་པུ་ཐུར་ག་ཚི་ངེ་ ཡི་ཤུ་ལོག་ཉི་ ཀ་ཕར་ན་ཧུམ་ག་ཏཱན་ བྱོན་མ༌ལ། ཉི་རོག་ ཕའི་ག་ཕེབས་པ་ལ་དག་ཉི་ ཁྲོམ་ག་ཆོ་ཁཱན་ ཐམས་ཅན་གི་སེ་ཉི་ 2རེབ་ཀིན་ཐུར་ག་རང་ རོག་བཞུགས་ས་ག་ ཕའི་ཁེ་པ་ ཐམས་ཅན་རང་ཕུང་ཉི་ ཏོང་པུ་ཐུར་རང་ མ་ལུས་པཱན་ ཕིས་ཀ་ཀོ་བག་ཏང་ར་ག་བུ་ བི་ཏ་པེ་བཱརང་རང་ མ་ཝ་རི་ཝ༌ལ། ཉི་རོ་ཀི་ དཀོན་མཆོག་ག་ གསུང་བཤད་པ༌ལ། 3ཨོ་ཉེན་ཆོ་ལ་རང་ དང་མེ་མར་ཁཱན་ སོ་ངོ་ཐུར་ སོ་ངོ་ཕིཤི་གི་ཨ་ཉི་ ཅ་ཀེ་ཉི་ཕ་ཝ༌ལ། 4ཉི་སོ་ངོ་མང་པུ་ ཛོ་མ་ཨ་དེན་གེ་ རོག་ཏེ་བ་ཀ་ནཱད་པ་ ཡི་ཤུ་ག་སྐུན་མདུན་ག་ ཤེག་པེ་མར་བ༌ལ། ཉི་རོག་ཏེ་བ་ཀི་ ཐོ་ལ་ཕའི་ཐུང་ཀ་དི་ཉི་ ཡི་ཤུ་བཞུགས་ས་དོབ་ཏང་ག་ ཕའི་བུག་ནང་ཆོག་ཐཱན་ ཨོ་ཉ་དང་མེ་མར་ཁཱན་ སོ་ངོ་ཁེ་པ་ རོག་བང་ཉི་ཕ་ཁཱན་ ཅ་ཀབ་ཉི་རང་ ག་གེ་དོང་ཏ་རིང་མ༌ལ། 5རོག་ཏེ་བ་ཀ་དད་པ་ ཧབ་ཏུར་ཅ་གི་ལ་སྨོ་ ཡི་ཤུ་གི་མཁྱེན་ཉི་ ཨོ་ཉ་དང་མེ་མར་ཁཱན་སོ་ངོ་ག་ གསུངས་མ་ལ་ ཇ་ག་ཟ་ ན་ག་སྡིག་པ་བ་ བཀའ་དྲིན་བསྐྱང་མ་ན་དག༌ཉི།
6ཨོ་ཉ་ཆོ་ཁཱན་ བཀའ་ཁྲིམས་ག་ སློབ་དཔོན་བ་ཀི་ མི་ཝ་ལ་ 7དབའི་ ཧང་ཏེན་ཉི་ ཨུ་ཉུ་ད་བུ་ ཡེག་པེ་རེ་ཅ་གི་ས། ཨོ་ཐ་སོ་ངོ་གི་ དཀོན་མཆོག་ག་ སྐུར་པ་ཞུ་ན། ཧང་ཡ་དག་ནེ་ལ་ སྡིག་པ་བཀའ་དྲིན་བསྐྱང་མེ་རེ་ཁཱན་ དཀོན་མཆོག་ ཐུར་ཤ་གི་ལ་དག༌ཉི།
8རོག་ཏེ་བ་ཀི་ ཧང་མི་ཝ་གི་ལ་སྨོ་ ཡི་ཤུ་གི་མཁྱེན་ཉི་ རོག་ཏེ་བ་ཀ་ གསུངས་མ་ལ་ ན་ཧ་བ་ ཧང་ཨ་ཉི་ ཨུ་ཉུ་ད་བུ་ མིན་ཅ་ཡ། 9ཧང་ན་ཤི་ གོད་པ་ཀབ་ཉི་ ཇི་གི་ ཨོ་ཐ་དང་མེ་མར་ཁཱན་ སོ་ངོ་ཁེ་པ་དྲག་ཉི་ དང་མེ་རེ་བ་ཅོད་པ་གེ་ཏ་ སྡིག་པ་བཀའ་དྲིན་བསྐྱང་མ་དག་ཉི་ ཡེག་པེ་ག་ ཡ་ལུ་ད་བུ་ཐོང་ལ་སྨོ། 10སོ་ངོ་ག་ཟ་གི་ ཐ་འཛམ་གླིང་ག་ སྡིག་པ་བཀའ་དྲིན་བསྐྱང་མེ་ག་ དབང་ཚད་ཅ་དག་ཉི་ ཁུངས་ཀེ་བེ་དེན་གེ་ ཨོ་ཐ་དང་མེ་མར་ཁཱན་ སོ་ངོ་ཁེ་པ་ དྲག་ཉི་བི་ལེ་ན་དག་ཉི་ གསུངས་ཐཱན་ 11ཨོ་ཉ་དང་མེ་མར་ཁཱན་ སོ་ངོ་ག་གསུངས་མ་ལ་ ཨོམ་ནཱན་དྲག༌པ། ག་ཐིང་ཐཱན་ ན་ག་ཏཱན་བང་བུ་ཉི་ ཕའི་ག་ཇོང་ཤོ་དག༌ཉི།
12ཉི་རོག་ཏེ་བ་ གོད་ཉི་ཆོ་ལ་རང་ ཨོ་ཉ་དང་མེ་མར་ཁཱན་ སོ་ངོ་གི་ རོ་ཀ་ཏཱན་བང་བུ་ཉི་ ཕའི་ག་ཇོང་ཐ་ཝ༌ལ། ཉི་རོག་ཏེ་བ་ ཐམས་ཅན་རང་ ཡིད་ཆི་ཉི་ དཀོན་མཆོག་ག་ བསྟོད་པ་ཕུལ་ཉི་ ཞུ་ཝ་ལ་ ཨ་ཤི་ཨུ་ཐུ་ད་བུ་ ཧ་ལ་རང་ མ་མཇལ་ཤི་དག༌ཉི༎
ཡི་ཤུ་གི་ ལེ་ཝི་ར་ཝ༌ལ།
13ཉི་ཡི་ཤུ་ ལོག་ཉི་རང་མཚོ་ནབ་ཀ་ བྱོན་མ༌ལ། ཉི་སོ་ངོ་མང་པུ་ཐུར་ རོག་བཞུགས་ས་ག་ཤེག་ཉི་ རོ་ཀི་ དཀོན་མཆོག་ག་རྒྱལ་སྲིད་ཀོར་གེ་ ཡེན་གནང་མ༌ལ། 14ཉི་ཨོ་ཉ་ཚི་ངེ་ རོག་བྱོན་ཅ་ཨ་ཉི་ ཨལ་ཕ་ཡཱས་ག་ཟ་ ལེ་ཝི་དག་ཁཱན་ཁེ་པ་ ཁྲལ་དུས་ཁཱན་ ཡིག་ཚང་ནང་ཀ་ལང་ཉི་ ཆོ་ཝ་ག་གཟིགས་ཉི་ ཇ་ག་ཚིང་ཚིང་ཨོ་དོ་དག་ཉི་ གསུངས་མ༌ལ། ཉི་ལེ་ཝི་ ག་ཐིང་མ་ཐྲེ་ཀེ་རང་ ཡི་ཤུ་ག་ཕྱག་ཞུ་ཉི་ དི་ཝ༌ལ།
15ཨོ་ཉ་ངེ་རི་ ལེ་ཝི་ག་ཕའི་ག་ ཡི་ཤུ་ཚོགས་བཞེས་ཉི་ བཞུགས་པ་ཅ་གི་ཝ༌ལ། ཉི་ཁྲལ་པ་དང་ བཱརའ་སྡིག་ཅན་ མང་པུ་ཐུར་ ཡི་ཤུ་དང་ རོ་ཀ་སློ་མ་བ་ཀབ་ཉི་ ཏབ་ཐུར་ལང་ཉི་ ཟཱན་ཅ་གི་ཝ༌ལ། ཧང་ཡ་དག་ནེ་ལ་ རོ་ཀ་ཞབས་ཏོག་ཞུ་ཉི་ དི་ཁཱན་བ་ཀ་པོང་ཀེ་ ཨུ་ཉུ་ད་བུ་ སོ་ངོ་མང་པུ་ཐུར་ཅ་གི་ཝ༌ལ། 16ཡ་ཧུ་དི་པ་ག་ ཆོས་ལུགས་ ཕ་རི་སི་པ་པོང་ཀེ་ བཀའ་ཁྲིམས་ག་ སློབ་དཔོན་བ་ཀི་ ཡི་ཤུ་ སྡིག་ཅན་དང་ ཁྲལ་པ་བ་ཀབ་ཉི་ ཏབ་ཐུར་བཞུགས་ཉི་ ཚོགས་བཞེས་ཝ་ག་ མཇལ་བ་ཀབ་ཉི་ རོ་ཀ་སློ་མ་བ་ཀ་ ཇི་མ་ལ་ རོག་ཧང་ཨ་ཉི་ སྡིག་ཅན་དང་ ཁྲལ་པ་བ་ཀབ་ཉི་ ཏབ་ཐུར་བཞུགས་ཉི་ བཞེན་ཅ་ཡ་དག༌ཉི།
17རོག་ཏེ་བ་ཀི་ ཡེག་ཁཱན་ག་ སྙན་གསེང་ཉི་ ཡི་ཤུ་གི་གསུངས་མ་ལ་ ན་ཚ་ཆོ་ཁཱན་བ་ཀ་ཤ་ དྲུང་འཚོ་ཚཱས་ཅ་མ་ཏོག་པ་ ན་ཚ་མ་ཁཱན་བ་ཀབ་ཉི་ དྲུང་འཚོ་ག་ལའི་ ཧང་རང་མཱན༌ཅ། ཇང་ཤོ་ སོ་ངོ་དྲང་པུ་ཆོ་ཁཱན་བ་ ར་ལེ་དེན་གེ་མང་གི་ཝ་ སྡིག་ཅན་བ་ཀ་དེན་གེ་ ཨོ་ཕ་གི་ལ་ན་དག༌ཉི༎
སྨྱུང་གནས་ཀོར་གེ་ དྲི་ཝ་ཨ་ཝ༌ལ།
18ཨོམ་ཁྲུས་གསོར་པ་ ཡུ་ཧན་ན་ག་སློ་མ་བ་དང་ ཕ་རི་སི་པ་བ་ སྨྱུང་གནས་ཨ་ཉི་ ཆོན་ཅ་གི་ཝ༌ལ། ཉི་སོ་ངོ་ཚེ་བང་ཤེག་ཉི་ ཡི་ཤུ་ག་ཇི་མ་ལ་ ཡུ་ཧན་ན་ག་སློ་མ་བ་དང་ ཕ་རི་སི་པ་ག་སློ་མ་བ་ སྨྱུང་གནས་ཨ་ཉི་ཆོ་ན། ཉི་ན་ག་སློ་མ་བ་ཤོ་ ཧང་ཨ་ཉི་ སྨྱུང་གནས་མ་ཆོན་ཅ་ཡ་དག༌ཉི།
19ཡི་ཤུ་གི་ གསུངས་མ་ལ་ གཉེན་ཕི་ས་བཱརང་ཀ་ ཨུ་ཁཱན་ཤི་མིན་བ་ གཉེན་ཏག་པེ་ག་ཟ་ཀབ་ཉི་ ཆོན་ཐཱན་རང་ ཧང་ཏེ་ཉི་ སྨྱུང་གནས་ཨ་ཉི་ ཆོ་ལེ་ཡ། རོག་ཏེ་བ་ གཉེན་ཏག་པེ་ག་ཟ་ཀབ་ཉི་ ཆོ་ཝ་ཨ་དེན་གེ་ སྨྱུང་གནས་ཨ་ཉི་ཆོ་ལེ་ ཏི་ངེ་རང་མར༌བ། 20དག་པ་ཀབ་ཉི་ ནོང་ཐུར་ གཉེན་ཏག་པེ་ག་ཟ་ རོག་ཏེ་བ་ཀ་པོང་ཀེ་ དུང་བུ་ལེ་ག་ དུས་ཐུར་ཤར༌བེ། ཉི་ཨོ་ཉ་ནོང་ཀེ་ ག་ཏཱན་གི་ནེ་ལ་ རོག་ཏེ་བ་ཀི་ སྨྱུང་གནས་ཨ་ཉི་ཆོ༌ལེ།
21ཨི་བི་རང་གི་ནེ་བུ་ ཁ་མུང་མཱན་མ་རེད་ཁཱན་ཐུང་ཀ་ ཁ་ཤ་སིང་མ་གི་ཨ་ཉི་ བག་ཏང་ཆེ་ཕུ་མཱན༌ཅ། ཉི་ཆེ་ཕ་ད་བུ་ཨ་ནེ་ལ་ ཁ་ཤ་སིང་མ་ གུན་མ་ཀབ་ཉི་ ཁ་མུང་མཱན་མ་ཁེ་པ་ ཙ་མ་ཝ་ཨ་དེན་གེ་ ལག་ཏང་རེ༌པེ།
22ཉི་ཨི་བི་གི་རང་གི་ནེ་བུ་ ཨུར་ཀ་མཱན་མ་ནང་ཀ་ ཞུ་སིང་མ་ གོ་ལུ་མཱན༌ཅ། ཉི་གོ་ཝ་ད་བུ་ཨ་ནེ་ལ་ ཨུར་ཀ་རེད་ཉི་ ཞུ་མོ་ནང་ཨ་ལེ་ཏ་ཉ་རང་ཐའི་ ཨུར་ཀ་བུ་ མ་ན་ཝ་རི༌ལེ། ཨོ་ཉི་ཨ་དེན་གེ་ ཞུ་སིང་མ་ཤོ་ ཨུར་ཀ་སིང་མ་ནང་ཀ་རང་ གོན་ཅ་གི་ལ་ན་དག་ཉི་ ཡི་ཤུ་གི་གསུངས་མ༌ལ༎
དུས་བཟང་ཀོར་གེ་ དྲི་ཝ་ཨ་ཝ༌ལ།
23ནོང་ཐུར་ ཡ་ཧུ་དི་པ་ དུས་བཟང་ག་ནོང་ཀ་ ཡི་ཤུ་དང་ རོ་ཀ་སློ་མ་བ་ ཨུང་ནང་ཀེ་ཨ་ཉི་ ཤོན་བྱོན་མ་ཀབ་ཉི་ རོ་ཀ་སློ་མ་བ་ཀི་ བོང་ནམ་ནང་ཕུད་ང་མ༌ལ། 24ཕ་རི་སི་པ་བ་ཀི་ ཡི་ཤུ་ག་ཞུ་ཝ་ལ་ གཟིགས་ཅོ༌ལེ། ན་ག་སློ་མ་བ་ཀི་ དུས་བཟང་ག་ནོང་ཀ་ བོང་ནམ་ནང་ཕུད་ཉི་ ཨ་ལེ་མ་རུང་ཁཱན་ལའི་ ཧང་ཨ་ཉི་ ཨན་ཅ་ཡ་དག༌ཉི།
25ཡི་ཤུ་གི་ལན་གནང་མ་ལ་ དཔོན་ད་ཝུད་དང་ རོག་ཀབ་ཉི་ཆོ་ཁཱན་བ་ཀི་ཏ་ རོག་ཏེ་བ་ བི་ནང་ཁུ་ཉི་ ནང་དོག་ཉི་ ཨ་ལ་ཀབ་ཉི་ རོག་ཏེ་བ་ཀི་ ཧང་ཨ་ཝ་གི་ལ་སྨོ་ ན་ཤི་གསུང་རབ་ མ་ལྷག་ཅི་སྨོ། 26དཀོན་མཆོག་ག་ཕུལ་ཁཱན་ ཚོགས་ཁེ་པ་ བླ་མ་བ་ཀི་ཤ་ ཟ་ལེ་ཆོག་ཆོ༌ཝ། དག་པ་ཀབ་ཉི་ ཨ་བི་ཡ་ཐར་དག་ཁཱན་ བླ་མ་གོང་མ་ཨ་ཉི་ ཆོ་ལེ་གང་ཀ་ ད་ཝུད་གི་ དཀོན་མཆོག་ག་ ཕོ་བྲང་ནང་ཀ་ནུབ་ཐཱན་ ཨོ་ཉ་དམ་པའི་ཀེབ་ཏང་ཁེ་པ་ ཟཱན་ཐ༌ཝ། ཉི་ཨོམ་ཆང་རང་ རོག་ཀབ་ཉི་ཆོ་ཁཱན་ སོ་ངོ་བ་ཀ་བུ་ བོང་ཉི་བི་ཝ་དག༌ཉི།
27ཉི་རོ་ཀི་གསུངས་མ་ལ་ དུས་བཟང་ཤོ་ སོ་ངོ་ག་དེན་གེ་ ཅོད་པ་མ་ཏོག་པ་ སོ་ངོ་ཤོ་ དུས་བཟང་ག་དེན་གེ་ བཀོད་པ་མང་གི་ན་དག༌ཉི། 28ཧང་ཡ་དག་ནེ་ལ་ སོ་ངོ་ག་ཟ་ཤོ་ དུས་བཟང་ག་བུ་ གཙོ་བོ་གི༌ལ༎
Currently Selected:
མར་ཀུས། 2: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མར་ཀུས། 2
2
ཡི་ཤུ་གི་ ཟ་ན་ཚ་ཁེ་ཁཱན་སོ་ངོ་ དྲག་ཉི་གནང་མ༌ལ།
1ནོང་མང་པུ་ཐུར་ག་ཚི་ངེ་ ཡི་ཤུ་ལོག་ཉི་ ཀ་ཕར་ན་ཧུམ་ག་ཏཱན་ བྱོན་མ༌ལ། ཉི་རོག་ ཕའི་ག་ཕེབས་པ་ལ་དག་ཉི་ ཁྲོམ་ག་ཆོ་ཁཱན་ ཐམས་ཅན་གི་སེ་ཉི་ 2རེབ་ཀིན་ཐུར་ག་རང་ རོག་བཞུགས་ས་ག་ ཕའི་ཁེ་པ་ ཐམས་ཅན་རང་ཕུང་ཉི་ ཏོང་པུ་ཐུར་རང་ མ་ལུས་པཱན་ ཕིས་ཀ་ཀོ་བག་ཏང་ར་ག་བུ་ བི་ཏ་པེ་བཱརང་རང་ མ་ཝ་རི་ཝ༌ལ། ཉི་རོ་ཀི་ དཀོན་མཆོག་ག་ གསུང་བཤད་པ༌ལ། 3ཨོ་ཉེན་ཆོ་ལ་རང་ དང་མེ་མར་ཁཱན་ སོ་ངོ་ཐུར་ སོ་ངོ་ཕིཤི་གི་ཨ་ཉི་ ཅ་ཀེ་ཉི་ཕ་ཝ༌ལ། 4ཉི་སོ་ངོ་མང་པུ་ ཛོ་མ་ཨ་དེན་གེ་ རོག་ཏེ་བ་ཀ་ནཱད་པ་ ཡི་ཤུ་ག་སྐུན་མདུན་ག་ ཤེག་པེ་མར་བ༌ལ། ཉི་རོག་ཏེ་བ་ཀི་ ཐོ་ལ་ཕའི་ཐུང་ཀ་དི་ཉི་ ཡི་ཤུ་བཞུགས་ས་དོབ་ཏང་ག་ ཕའི་བུག་ནང་ཆོག་ཐཱན་ ཨོ་ཉ་དང་མེ་མར་ཁཱན་ སོ་ངོ་ཁེ་པ་ རོག་བང་ཉི་ཕ་ཁཱན་ ཅ་ཀབ་ཉི་རང་ ག་གེ་དོང་ཏ་རིང་མ༌ལ། 5རོག་ཏེ་བ་ཀ་དད་པ་ ཧབ་ཏུར་ཅ་གི་ལ་སྨོ་ ཡི་ཤུ་གི་མཁྱེན་ཉི་ ཨོ་ཉ་དང་མེ་མར་ཁཱན་སོ་ངོ་ག་ གསུངས་མ་ལ་ ཇ་ག་ཟ་ ན་ག་སྡིག་པ་བ་ བཀའ་དྲིན་བསྐྱང་མ་ན་དག༌ཉི།
6ཨོ་ཉ་ཆོ་ཁཱན་ བཀའ་ཁྲིམས་ག་ སློབ་དཔོན་བ་ཀི་ མི་ཝ་ལ་ 7དབའི་ ཧང་ཏེན་ཉི་ ཨུ་ཉུ་ད་བུ་ ཡེག་པེ་རེ་ཅ་གི་ས། ཨོ་ཐ་སོ་ངོ་གི་ དཀོན་མཆོག་ག་ སྐུར་པ་ཞུ་ན། ཧང་ཡ་དག་ནེ་ལ་ སྡིག་པ་བཀའ་དྲིན་བསྐྱང་མེ་རེ་ཁཱན་ དཀོན་མཆོག་ ཐུར་ཤ་གི་ལ་དག༌ཉི།
8རོག་ཏེ་བ་ཀི་ ཧང་མི་ཝ་གི་ལ་སྨོ་ ཡི་ཤུ་གི་མཁྱེན་ཉི་ རོག་ཏེ་བ་ཀ་ གསུངས་མ་ལ་ ན་ཧ་བ་ ཧང་ཨ་ཉི་ ཨུ་ཉུ་ད་བུ་ མིན་ཅ་ཡ། 9ཧང་ན་ཤི་ གོད་པ་ཀབ་ཉི་ ཇི་གི་ ཨོ་ཐ་དང་མེ་མར་ཁཱན་ སོ་ངོ་ཁེ་པ་དྲག་ཉི་ དང་མེ་རེ་བ་ཅོད་པ་གེ་ཏ་ སྡིག་པ་བཀའ་དྲིན་བསྐྱང་མ་དག་ཉི་ ཡེག་པེ་ག་ ཡ་ལུ་ད་བུ་ཐོང་ལ་སྨོ། 10སོ་ངོ་ག་ཟ་གི་ ཐ་འཛམ་གླིང་ག་ སྡིག་པ་བཀའ་དྲིན་བསྐྱང་མེ་ག་ དབང་ཚད་ཅ་དག་ཉི་ ཁུངས་ཀེ་བེ་དེན་གེ་ ཨོ་ཐ་དང་མེ་མར་ཁཱན་ སོ་ངོ་ཁེ་པ་ དྲག་ཉི་བི་ལེ་ན་དག་ཉི་ གསུངས་ཐཱན་ 11ཨོ་ཉ་དང་མེ་མར་ཁཱན་ སོ་ངོ་ག་གསུངས་མ་ལ་ ཨོམ་ནཱན་དྲག༌པ། ག་ཐིང་ཐཱན་ ན་ག་ཏཱན་བང་བུ་ཉི་ ཕའི་ག་ཇོང་ཤོ་དག༌ཉི།
12ཉི་རོག་ཏེ་བ་ གོད་ཉི་ཆོ་ལ་རང་ ཨོ་ཉ་དང་མེ་མར་ཁཱན་ སོ་ངོ་གི་ རོ་ཀ་ཏཱན་བང་བུ་ཉི་ ཕའི་ག་ཇོང་ཐ་ཝ༌ལ། ཉི་རོག་ཏེ་བ་ ཐམས་ཅན་རང་ ཡིད་ཆི་ཉི་ དཀོན་མཆོག་ག་ བསྟོད་པ་ཕུལ་ཉི་ ཞུ་ཝ་ལ་ ཨ་ཤི་ཨུ་ཐུ་ད་བུ་ ཧ་ལ་རང་ མ་མཇལ་ཤི་དག༌ཉི༎
ཡི་ཤུ་གི་ ལེ་ཝི་ར་ཝ༌ལ།
13ཉི་ཡི་ཤུ་ ལོག་ཉི་རང་མཚོ་ནབ་ཀ་ བྱོན་མ༌ལ། ཉི་སོ་ངོ་མང་པུ་ཐུར་ རོག་བཞུགས་ས་ག་ཤེག་ཉི་ རོ་ཀི་ དཀོན་མཆོག་ག་རྒྱལ་སྲིད་ཀོར་གེ་ ཡེན་གནང་མ༌ལ། 14ཉི་ཨོ་ཉ་ཚི་ངེ་ རོག་བྱོན་ཅ་ཨ་ཉི་ ཨལ་ཕ་ཡཱས་ག་ཟ་ ལེ་ཝི་དག་ཁཱན་ཁེ་པ་ ཁྲལ་དུས་ཁཱན་ ཡིག་ཚང་ནང་ཀ་ལང་ཉི་ ཆོ་ཝ་ག་གཟིགས་ཉི་ ཇ་ག་ཚིང་ཚིང་ཨོ་དོ་དག་ཉི་ གསུངས་མ༌ལ། ཉི་ལེ་ཝི་ ག་ཐིང་མ་ཐྲེ་ཀེ་རང་ ཡི་ཤུ་ག་ཕྱག་ཞུ་ཉི་ དི་ཝ༌ལ།
15ཨོ་ཉ་ངེ་རི་ ལེ་ཝི་ག་ཕའི་ག་ ཡི་ཤུ་ཚོགས་བཞེས་ཉི་ བཞུགས་པ་ཅ་གི་ཝ༌ལ། ཉི་ཁྲལ་པ་དང་ བཱརའ་སྡིག་ཅན་ མང་པུ་ཐུར་ ཡི་ཤུ་དང་ རོ་ཀ་སློ་མ་བ་ཀབ་ཉི་ ཏབ་ཐུར་ལང་ཉི་ ཟཱན་ཅ་གི་ཝ༌ལ། ཧང་ཡ་དག་ནེ་ལ་ རོ་ཀ་ཞབས་ཏོག་ཞུ་ཉི་ དི་ཁཱན་བ་ཀ་པོང་ཀེ་ ཨུ་ཉུ་ད་བུ་ སོ་ངོ་མང་པུ་ཐུར་ཅ་གི་ཝ༌ལ། 16ཡ་ཧུ་དི་པ་ག་ ཆོས་ལུགས་ ཕ་རི་སི་པ་པོང་ཀེ་ བཀའ་ཁྲིམས་ག་ སློབ་དཔོན་བ་ཀི་ ཡི་ཤུ་ སྡིག་ཅན་དང་ ཁྲལ་པ་བ་ཀབ་ཉི་ ཏབ་ཐུར་བཞུགས་ཉི་ ཚོགས་བཞེས་ཝ་ག་ མཇལ་བ་ཀབ་ཉི་ རོ་ཀ་སློ་མ་བ་ཀ་ ཇི་མ་ལ་ རོག་ཧང་ཨ་ཉི་ སྡིག་ཅན་དང་ ཁྲལ་པ་བ་ཀབ་ཉི་ ཏབ་ཐུར་བཞུགས་ཉི་ བཞེན་ཅ་ཡ་དག༌ཉི།
17རོག་ཏེ་བ་ཀི་ ཡེག་ཁཱན་ག་ སྙན་གསེང་ཉི་ ཡི་ཤུ་གི་གསུངས་མ་ལ་ ན་ཚ་ཆོ་ཁཱན་བ་ཀ་ཤ་ དྲུང་འཚོ་ཚཱས་ཅ་མ་ཏོག་པ་ ན་ཚ་མ་ཁཱན་བ་ཀབ་ཉི་ དྲུང་འཚོ་ག་ལའི་ ཧང་རང་མཱན༌ཅ། ཇང་ཤོ་ སོ་ངོ་དྲང་པུ་ཆོ་ཁཱན་བ་ ར་ལེ་དེན་གེ་མང་གི་ཝ་ སྡིག་ཅན་བ་ཀ་དེན་གེ་ ཨོ་ཕ་གི་ལ་ན་དག༌ཉི༎
སྨྱུང་གནས་ཀོར་གེ་ དྲི་ཝ་ཨ་ཝ༌ལ།
18ཨོམ་ཁྲུས་གསོར་པ་ ཡུ་ཧན་ན་ག་སློ་མ་བ་དང་ ཕ་རི་སི་པ་བ་ སྨྱུང་གནས་ཨ་ཉི་ ཆོན་ཅ་གི་ཝ༌ལ། ཉི་སོ་ངོ་ཚེ་བང་ཤེག་ཉི་ ཡི་ཤུ་ག་ཇི་མ་ལ་ ཡུ་ཧན་ན་ག་སློ་མ་བ་དང་ ཕ་རི་སི་པ་ག་སློ་མ་བ་ སྨྱུང་གནས་ཨ་ཉི་ཆོ་ན། ཉི་ན་ག་སློ་མ་བ་ཤོ་ ཧང་ཨ་ཉི་ སྨྱུང་གནས་མ་ཆོན་ཅ་ཡ་དག༌ཉི།
19ཡི་ཤུ་གི་ གསུངས་མ་ལ་ གཉེན་ཕི་ས་བཱརང་ཀ་ ཨུ་ཁཱན་ཤི་མིན་བ་ གཉེན་ཏག་པེ་ག་ཟ་ཀབ་ཉི་ ཆོན་ཐཱན་རང་ ཧང་ཏེ་ཉི་ སྨྱུང་གནས་ཨ་ཉི་ ཆོ་ལེ་ཡ། རོག་ཏེ་བ་ གཉེན་ཏག་པེ་ག་ཟ་ཀབ་ཉི་ ཆོ་ཝ་ཨ་དེན་གེ་ སྨྱུང་གནས་ཨ་ཉི་ཆོ་ལེ་ ཏི་ངེ་རང་མར༌བ། 20དག་པ་ཀབ་ཉི་ ནོང་ཐུར་ གཉེན་ཏག་པེ་ག་ཟ་ རོག་ཏེ་བ་ཀ་པོང་ཀེ་ དུང་བུ་ལེ་ག་ དུས་ཐུར་ཤར༌བེ། ཉི་ཨོ་ཉ་ནོང་ཀེ་ ག་ཏཱན་གི་ནེ་ལ་ རོག་ཏེ་བ་ཀི་ སྨྱུང་གནས་ཨ་ཉི་ཆོ༌ལེ།
21ཨི་བི་རང་གི་ནེ་བུ་ ཁ་མུང་མཱན་མ་རེད་ཁཱན་ཐུང་ཀ་ ཁ་ཤ་སིང་མ་གི་ཨ་ཉི་ བག་ཏང་ཆེ་ཕུ་མཱན༌ཅ། ཉི་ཆེ་ཕ་ད་བུ་ཨ་ནེ་ལ་ ཁ་ཤ་སིང་མ་ གུན་མ་ཀབ་ཉི་ ཁ་མུང་མཱན་མ་ཁེ་པ་ ཙ་མ་ཝ་ཨ་དེན་གེ་ ལག་ཏང་རེ༌པེ།
22ཉི་ཨི་བི་གི་རང་གི་ནེ་བུ་ ཨུར་ཀ་མཱན་མ་ནང་ཀ་ ཞུ་སིང་མ་ གོ་ལུ་མཱན༌ཅ། ཉི་གོ་ཝ་ད་བུ་ཨ་ནེ་ལ་ ཨུར་ཀ་རེད་ཉི་ ཞུ་མོ་ནང་ཨ་ལེ་ཏ་ཉ་རང་ཐའི་ ཨུར་ཀ་བུ་ མ་ན་ཝ་རི༌ལེ། ཨོ་ཉི་ཨ་དེན་གེ་ ཞུ་སིང་མ་ཤོ་ ཨུར་ཀ་སིང་མ་ནང་ཀ་རང་ གོན་ཅ་གི་ལ་ན་དག་ཉི་ ཡི་ཤུ་གི་གསུངས་མ༌ལ༎
དུས་བཟང་ཀོར་གེ་ དྲི་ཝ་ཨ་ཝ༌ལ།
23ནོང་ཐུར་ ཡ་ཧུ་དི་པ་ དུས་བཟང་ག་ནོང་ཀ་ ཡི་ཤུ་དང་ རོ་ཀ་སློ་མ་བ་ ཨུང་ནང་ཀེ་ཨ་ཉི་ ཤོན་བྱོན་མ་ཀབ་ཉི་ རོ་ཀ་སློ་མ་བ་ཀི་ བོང་ནམ་ནང་ཕུད་ང་མ༌ལ། 24ཕ་རི་སི་པ་བ་ཀི་ ཡི་ཤུ་ག་ཞུ་ཝ་ལ་ གཟིགས་ཅོ༌ལེ། ན་ག་སློ་མ་བ་ཀི་ དུས་བཟང་ག་ནོང་ཀ་ བོང་ནམ་ནང་ཕུད་ཉི་ ཨ་ལེ་མ་རུང་ཁཱན་ལའི་ ཧང་ཨ་ཉི་ ཨན་ཅ་ཡ་དག༌ཉི།
25ཡི་ཤུ་གི་ལན་གནང་མ་ལ་ དཔོན་ད་ཝུད་དང་ རོག་ཀབ་ཉི་ཆོ་ཁཱན་བ་ཀི་ཏ་ རོག་ཏེ་བ་ བི་ནང་ཁུ་ཉི་ ནང་དོག་ཉི་ ཨ་ལ་ཀབ་ཉི་ རོག་ཏེ་བ་ཀི་ ཧང་ཨ་ཝ་གི་ལ་སྨོ་ ན་ཤི་གསུང་རབ་ མ་ལྷག་ཅི་སྨོ། 26དཀོན་མཆོག་ག་ཕུལ་ཁཱན་ ཚོགས་ཁེ་པ་ བླ་མ་བ་ཀི་ཤ་ ཟ་ལེ་ཆོག་ཆོ༌ཝ། དག་པ་ཀབ་ཉི་ ཨ་བི་ཡ་ཐར་དག་ཁཱན་ བླ་མ་གོང་མ་ཨ་ཉི་ ཆོ་ལེ་གང་ཀ་ ད་ཝུད་གི་ དཀོན་མཆོག་ག་ ཕོ་བྲང་ནང་ཀ་ནུབ་ཐཱན་ ཨོ་ཉ་དམ་པའི་ཀེབ་ཏང་ཁེ་པ་ ཟཱན་ཐ༌ཝ། ཉི་ཨོམ་ཆང་རང་ རོག་ཀབ་ཉི་ཆོ་ཁཱན་ སོ་ངོ་བ་ཀ་བུ་ བོང་ཉི་བི་ཝ་དག༌ཉི།
27ཉི་རོ་ཀི་གསུངས་མ་ལ་ དུས་བཟང་ཤོ་ སོ་ངོ་ག་དེན་གེ་ ཅོད་པ་མ་ཏོག་པ་ སོ་ངོ་ཤོ་ དུས་བཟང་ག་དེན་གེ་ བཀོད་པ་མང་གི་ན་དག༌ཉི། 28ཧང་ཡ་དག་ནེ་ལ་ སོ་ངོ་ག་ཟ་ཤོ་ དུས་བཟང་ག་བུ་ གཙོ་བོ་གི༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved