མར་ཀུས། 11
11
ཡི་ཤུ་ཡ་རུ་ཤ་ལེམ་ག་ཕེབས་པ༌ལ།
1ཉི་རོག་ཏེ་བ་ ཡ་རུ་ཤ་ལེམ་ག་ ཕེབས་པེ་ཅམ་པ་ཀབ་ཉི་ ཨོ་ལིབ་ཤིང་ག་ ཕུ་ར་ག་ཆོ་ཁཱན་ དུང་བེད་ཕ་གེ་དང་ བེ་ཐ་ནི་ཡ་དག་ས་ག་ ཕེབས་པ་ཀབ་ཉི་ རོ་ཀི་ རོ་ཀ་སློ་མ་ཉིག་ཙིང་ གུམ་གུམ་ཀུན་ཏི་ཝ༌ལ། 2ཡི་ཤུ་གི་ རོག་ཉིག་ཙིང་ག་ གསུངས་མ་ལ་ ན་ཆིང་ཨོ་ཉ་དུང་ག་དི། ཉི་དུང་ནང་ཀ་ནུ་ཕ་ཐུར་ག་རང་ ཨི་བི་གི་རང་ ཕྱི་པ་མ་ཨ་ཁཱན་ བོང་བ་ཐུར་ ཆེང་ཉི་ཐ་ཝ་ཐོང༌མེ། ཉི་ཨོ་ཉ་བོང་བ་ག་ ལཱན་ཕེག་ཐཱན་ ཇག་ཉི་ཇང་ཆོ་ས་ཕའི། 3ཉི་ཨི་བི་གི་རང་གི་ནེ་བུ་ ན་ཆིང་ཨུ་ཉུ་ད་བུ་ ཧང་ཨ་ཉི་ཨན་ཅ་ཡ་དག་ཉི་ ཇིམ་ནེ་ལ་ གཙོ་བོ་ག་དེན་གེ་ ཨོ་ཐ་བོང་བ་ཚཱས་པ༌ཅ། ཨོ་ཉ་ཐྲེ་ཀེ་རང་ ལོག་ཉི་ཀུན་ཏི་ལེ་ཨ་ཉི་ ཡེག་ཅོ་ན་དག༌ཉི།
4ཉི་རོག་ཉིག་ཙིང་དི་ཝ༌ལ། ཉི་ཕའི་ཐུར་ག་མ་ཀོ་ཕིས་ཀ་ བོང་བ་ལམ་ཟུར་ཀ་ ཆེང་ཉི་ཐ་ཝ་ཐོང་ཉི་ རོག་ཉིག་ཙིང་གི་ བོང་བ་ག་ལཱན་ཕེག་པ༌ལ། 5ཉི་ཨོ་ཉ་ཆོ་ཁཱན་བ་ཀི་ རོག་ཉིག་ཙིང་ག་ ཇི་མ་ལ་ ཨོ་ཐ་ག་ ན་ཆིང་ཉིག་ཙིང་ ཧང་ཨན་ཅ་ཡ། བོང་བ་ག་ལཱན་ ཧང་ཨ་ལེ་ཕེག་ཅ་ཡ་དག༌ཉི། 6ཉི་རོག་ཉིག་ཙིང་གི་ ཡི་ཤུ་གི་གསུངས་མ་ པུརུས་ཀིན་ཨ་ཉི་ ཡེག་པ་ཀབ་ཉི་ རོག་ཏེ་བ་ཀི་ རོག་ཉིག་ཙིང་ བོང་བ་བུ་ཉི་ དི་ལེ་བི་ཝ༌ལ། 7ཉི་རོག་ཉིག་ཙིང་གི་ ཨོ་ཉ་བོང་བ་ ཡི་ཤུ་ག་ སྐུན་མདུན་ག་བུན་ཐཱན་ རོག་ཏེ་བ་ཀ་ ཁ་མུང་ག་བ་ ཨོ་ཉ་བོང་བ་ཐུང་ཀ་ཁེམ་ཉི་ ཉི་ཡི་ཤུ་ བོང་བ་ཐུང་ཀ་བཞུགས་པ༌ལ།
8ཉི་སོ་ངོ་མང་པུ་ཐུར་གི་ རོག་ཏེ་བ་ཀ་ ཁ་མུང་ས་རི་བ་ ལབ་ཀ་ཁེམ་ཉི་ ཉི་ཨུང་ནང་ཀེ་ཅཱད་ཕ་ཉི་ ཤ་བ་བ་ཁེ་མ༌ལ། 9ཉི་གུམ་གུམ་དི་ཁཱན་དང་ ཚིང་ཚིང་ཆོ་ཁཱན་ ཐམས་ཅན་གི་ ཀཱན་ཤུག་ཨ་ཉི་
དཀོན་མཆོག་ག་ བསྟོད་པ་ཕུལ༌ཤོ། གཙོ་བོ་ག་མཚན་ག་ བྱོན་ཁཱན་ཁེ་པ་ གནམ་མེད་ས་མེད་ བྱིན་རླབས་ཅན་གི༌ལ། 10ཨ་ཧ་ཡབ་ ད་ཝུད་ག་རྒྱལ་སྲིད་ བྱོན་ཁཱན་ཁེ་པ་ གནམ་མེད་ས་མེད་ བྱིན་རླབས་ཅན་གི༌ལ། ཞིང་ཁམས་ག་བཞུགས་ཁཱན་ དཀོན་མཆོག་ག་ བསྟོད་པ་ཕུལ་ཤོ་#11:10 མགུར་མ 118:25–26, 148:1 དག༌ཉི་
ཞུ་ཝ༌ལ།
11ཉི་རོག་ ཡ་རུ་ཤ་ལེམ་ནང་ཀ་ཕེབས་ཉི་ ཉི་ཡ་ཧུ་དི་པ་ག་ མཆོད་ཁང་ནང་ཀ་ བྱོན་མ༌ལ། གི་ཚེ་གེ་ཤ་ ཕིད་པ་ཨ་དེན་གེ་ ཨོ་ཉ་ཀོ་ལོ་ལོ་གཟིགས་ཐཱན་ ཨོ་ཉ་གེ་ལོག་ཉི་བྱོན་ཉི་ རོ་ཀ་སློ་མ་སོང་ཉིག་ཙིང་བསྣམས་ཉི་ བེ་ཐ་ནི་ཡ་ག་ཏཱན་ བྱོན་མ༌ལ༎
ཡི་ཤུ་དང་ལྕོག་མ་ཤིང་།
12ཉི་ནམ་ནིང་ད་བུ་ རོག་ཏེ་བ་ བེ་ཐ་ནི་ཡ་གེ་ལོག་པེ་གང་ཀ་ ཡི་ཤུ་གསོལཝ་ཀིད་པ་ཅ་གི་ཝ༌ལ། 13ཉི་ཐ་རིང་ས་ག་ ལྕོག་མ་ཤིང་ཤ་བ་ མོག་མོག་ཨ་ཝ་ཐོང་ཉི་ སེ་སེ་ཝ་ཅ་གི་ས་ཨ་ཉི་ གཟིགས་པེ་བྱོན་མ༌ལ། ཉི་རོག་ ར་ག་ཕེབས་ཉི་ གཟིགས་པ་ཀབ་ཉི་ བཱརའ་ཧང་རང་མ་ཝ་ ཤ་བ་ཙང་པུ་ཅ་གི་ཝ༌ལ། ཧང་ཡ་དག་ནེ་ལ་ སེ་སེ་ལེ་ག་དུས་ཙུན་ མ་རེན་པ་ཆོ་ཝ༌ལ། 14ཉི་རོ་ཀི་ ཤིང་ག་གསུངས་མ་ལ་ ནཱན་གེ་ ཐུར་གི་བུ་ སེ་ཧ་ལ་རང་ ལོག་ཉི་མ་ཟ་ལ་ན་དག༌ཉི། རོ་ཀ་སློ་མ་བ་ཀི་ ན་ཐ་ཝ༌ལ༎
ཡི་ཤུ་མཆོད་ཁང་ག་བྱོན་མ༌ལ།
15ཉི་རོག་ཏེ་བ་ ཡ་རུ་ཤ་ལེམ་ག་ ཕེབས་པ༌ལ། ཡི་ཤུ་མཆོད་ཁང་ནང་ཀ་བྱོན་ཉི་ མཆོད་ཁང་ནང་ཀ་ཚོང་ཕི་ཉི་ ཙོང་ཁཱན་དང་ ངོ་ཁཱན་ག་བ་ཁོན་ཉི་ ཉི་ཏི་རུ་སོར་ཁཱན་བ་ཀ་ དོང་ཏཱན་དང་ ཏི་ཏ་ར་ཙོང་ཁཱན་བ་ཀ་རྐང་ཁྲི་བ་ གིར་ཉི་གེ་མ་མ་ཚཱད་པ་ 16ཐུར་ག་རང་ མཆོད་ཁང་ནང་ཀ་ ཝུང་གེ་ཨ་ཉི་ཤོ་ཉི་ ནོ་ཙང་བུ་ཉི་དི་ལེ་ག་ མ་གནང་མ༌ལ། 17རོ་ཀི་ཨོ་ཐེན་གསུངས་ཉི་ རོག་ཏེ་བ་ཀ་ ཡེན་གནང་མ༌ལ། ཧང་ཇ་ག་ཕའི་ཁེ་པ་ རྒྱལ་ཁབ་ཐམས་ཅན་ག་དེན་གེ་ སྨོན་ལམ་ག་ཕའི་ཨ་ཉི་ ར་ལེ་གི་ལ་དག་ཉི་ གསུང་རབ་ག་ མ་འབྲི་བ་ཅ་སྨོ། དག་པ་ཀབ་ཉི་ ན་ཤི་ཅོམ་ཁཱན་བ་ཀ་བཱརང་ ཅོད་པ་ལ་དག༌ཉི།
18ཉི་བླ་མ་ཆི་ལུ་བ་དང་ བཀའ་ཁྲིམས་ག་ སློབ་དཔོན་བ་ཀི་ ན་ཐ་ཉི་ རོག་བཀྲོངས་མེ་ག་ ཧང་ཏེན་ཨ་ལ་ཤ་ རེ་བེ་གི་ས་དག་ཉི་ མི་ཝ༌ལ། ཧང་ཡ་དག་ནེ་ལ་ སོ་ངོ་ཐམས་ཅན་རང་ རོ་ཀི་ཡེ་ཁཱན་བ་ ཤོ་ནང་ཕེ་ཝ་ཨ་དེན་གེ་ རོག་ཏེ་བ་ རོ་ཀེ་ཡོང་ཁེན་ཅ་གི་ཝ༌ལ།
19ཉི་ངེ་རི་ ངམ་ནུ་ཕེ་ཅམ་པ་ཀབ་ཉི་ ཡི་ཤུ་དང་ རོ་ཀ་སློ་མ་བ་ ཁྲོམ་གེ་ཕིས་ཀ་ བྱོན་མ༌ལ༎
ལྕོག་མ་ཤིང་སང་མ༌ལ།
20ཉི་ཝུན་བེད་པེ་ རོག་ཏེ་བ་ ཨོ་ཉ་ལམ་གེ་ བྱོན་མ་ཀབ་ཉི་ ལྕོག་མ་ཤིང་ཁེ་པ་ ཐུང་ཀེ་དོང་ ར་ཅི་ག་སག་པུ་ སང་མ་ཐོང་མ༌ལ། 21པ་ཏྲུས་གི་ ཡིད་ཀ་ཨ་ཉི་ ཡི་ཤུ་ག་ སློབ་དཔོན་ གཟིགས་ཅོ༌ལེ། ནཱན་གི་ སྨོན་ལམ་ཕོག་ཁཱན་ ལྕོག་མ་ཤིང་ ཤི་ཝ་ལ་དག་ཉི་ ཞུ་ལ་ཀབ་ཉི་ 22ཡི་ཤུ་གི་ལན་གནང་མ་ལ་ དཀོན་མཆོག་ག་ དད་པ་ཀེ༌ཤོ། 23ཇི་གི་ ན་ཧ་ཐྲང་ཉི་ཡེག་པེ་ སེམས་ཀ་དོགས་པ་ ད་སུ་རང་མ་ཆག་པཱན་ ཇི་གི་ཡེག་ཁཱན་ཁེ་པ་ ཇུང་མེ་གི་ལ་དག་ཉི་ དད་པ་དོ་རི་རི་ཀེ་ཉི་ ཨི་བི་གི་ ཨོ་ཐ་ཕུ་ག་ཏཱན་ ཨོ་ཐ་གེ་དི་ཉི་ རྒྱམ་མཚོ་ནང་ཀ་ ཐིམ་ཤོ་དག་ཉི་ ཡེག་པ་ཐུར་ རོ་ཀི་ཡེག་ཁཱན་ཁེ་པ་ ཐེ་རི་བ་རི་རང་ ཇུང༌མེ། 24ཨོ་ཉི་ཨ་དེན་གེ་ ཇི་གི་ ན་ཧ་ཡེག་ཅ་ ན་ཤི་སྨོན་ལམ་ཞུ་ཁཱན་ཁེ་པ་ ཉོང་པ་ཨ་ཉི་ དད་པ་ཀེ་ཤོ་ ཉི་ཤ་ཉོང༌པེ། 25ཉི་ཧ་ལ་རང་གི་ནེ་བུ་ ན་ཧ་བ་ སྨོན་ལམ་ཏ་པེ་དེན་གེ་ ཐིང་མ་ཀབ་ཉི་ ན་ཧ་བ་ བཱརའ་གི་མ་ལེག་པ་ཏེ་ ཨ་ཝ་ཆོ་ནེ་ལ་ བཀའ་དྲིན་བསྐྱང༌ཤོ། ཉི་ཤ་ ཞིང་ཁམས་ག་བཞུགས་ཁཱན་ ན་ཧ་ཡབ་གི་ ན་ཤི་ཨ་ཁཱན་སྡིག་པ་བ་ བཀའ་དྲིན་བསྐྱང༌མེ། 26ཉི་ན་ཤི་ བཀའ་དྲིན་མ་བསྐྱང་ནེ་ལ་ ཞིང་ཁམས་ག་བཞུགས་ཁཱན་ ན་ཧ་ཡབ་གི་བུ་ ན་ཤི་ཨ་ཁཱན་སྡིག་པ་བ་ བཤགས་པ་མ་གནང་མ་དག༌ཉི༎
ཡི་ཤུ་ག་དབང་ཚད་ཀོར་གེ་ དྲི་ཝ་ཨ་ཝ༌ལ།
27ཉི་རོག་ཏེ་བ་ ཨོམ་ཆང་རང་ ཡ་རུ་ཤ་ལེམ་ག་ ཕེབས་པ༌ལ། ཉི་ཡི་ཤུ་ མཆོད་ཁང་ནང་ཀ་ དང་ཉི་བཞུགས་པ་ཀབ་ཉི་ བླ་མ་ཆི་ལུ་བ་དང་ བཀའ་ཁྲིམས་ག་ སློབ་དཔོན་བ་ ཉི་སོ་ངོ་ཆི་ལུ་བ་ རོ་ཀ་སྐུན་མདུན་ག་ཤེག་པ༌ལ། 28རོག་ཏེ་བ་ཀི་ དྲི་ཝ་ཨ་ཉི་ ཧང་ག་དབང་ཚད་གི་ཨ་ཉི་ ནཱན་གི་ ཨོ་ཐ་བ་ ཨན་ཅ་ཡ། ནཱན་གི་ ཨོ་ཐ་བ་ ཨ་ལེ་ག་དབང་ཚད་ ཨི་བི་གི་གནང་མ་ཡ་དག་ཉི་ ཞུ་ལ་ཀབ་ཉི་
29ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཇི་གི་བུ་ཆཱས་ཐུར་ཇི་མེ་ ཉི་ན་ཤི་ ཇ་ག་ཆཱས་ག་ལན་གའི། ཉི་ཤ་ ཇི་གི་ ཨོ་ཐ་བ་ ཧང་ད་བུ་དབང་ཚད་གི་ཨ་ཉི་ ཨན་ཅ་གི་ལ་སྨོ་ ཨོ་ཉ་ཀོར་གེ་ ཡེག་པེ་ན་དག་ཉི་ གསུངས་ཐཱན་ 30ཡུ་ཧན་ན་གི་ ཁྲུས་གསོར་ཕི་ལེ་ག་དབང་ཚད་ ཞིང་ཁམས་གེ་ཉོང་པ་སྨོ་ སོ་ངོ་གེ་ཡ། ཇ་ག་ཡེག་ཅོ་དག་ཉི་ གསུངས་མ༌ལ།
31ཉི་རོག་ཏེ་བ་ནང་དོ་ ཆཱས་ཨ་ཉི་ཡེག་པ་ལ་ ཨ་ཤི་ ཞིང་ཁམས་གེ་གི་ལ་དག་ཉི་ ཡེག་ནེ་ལ་ རོ་ཀི་གསུངས་མེ་ ན་ཤི་ ཧང་ཨ་ཉི་ དད་པ་མ་ཨན་ཤི་ཡ་དག༌ཉི། 32ཉི་ཨོམ་ སོ་ངོ་གེ་གི་ལ་ཨ་ཉི་ ཡེག་པེ་དག་ནེ་ལ་ རོག་ཏེ་བ་ སོ་ངོ་བ་ཀེ་ ཡོང་ཁེ་ཝ༌ལ། ཧང་ཡ་དག་ནེ་ལ་ སོ་ངོ་བ་ཀི་ ཡུ་ཧན་ན་ཤོ་ ཏེན་ཏེན་རང་ ལུང་བསྟན་པ་གི་ལ་དག་ཉི་ ཡེག་ཅ་གི་ཝ༌ལ། 33ཨོ་ཉི་ཨ་དེན་གེ་ རོག་ཏེ་བ་ཀི་ ཡི་ཤུ་ག་ཞུ་ཝ་ལ་ ཨ་ཤི་མ་སེ་ལ་དག༌ཉི།
ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཇི་གི་བུ་ ཇང་ཧང་ག་དབང་ཚད་གི་ཨ་ཉི་ ཨོ་ཐ་བ་ཨན་ཅ་གི་ལ་སྨོ་ ཨོ་ཉ་ཀོར་གེ་ ན་ཧ་མ་ཡེག་པ་དག༌ཉི༎
Currently Selected:
མར་ཀུས། 11: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མར་ཀུས། 11
11
ཡི་ཤུ་ཡ་རུ་ཤ་ལེམ་ག་ཕེབས་པ༌ལ།
1ཉི་རོག་ཏེ་བ་ ཡ་རུ་ཤ་ལེམ་ག་ ཕེབས་པེ་ཅམ་པ་ཀབ་ཉི་ ཨོ་ལིབ་ཤིང་ག་ ཕུ་ར་ག་ཆོ་ཁཱན་ དུང་བེད་ཕ་གེ་དང་ བེ་ཐ་ནི་ཡ་དག་ས་ག་ ཕེབས་པ་ཀབ་ཉི་ རོ་ཀི་ རོ་ཀ་སློ་མ་ཉིག་ཙིང་ གུམ་གུམ་ཀུན་ཏི་ཝ༌ལ། 2ཡི་ཤུ་གི་ རོག་ཉིག་ཙིང་ག་ གསུངས་མ་ལ་ ན་ཆིང་ཨོ་ཉ་དུང་ག་དི། ཉི་དུང་ནང་ཀ་ནུ་ཕ་ཐུར་ག་རང་ ཨི་བི་གི་རང་ ཕྱི་པ་མ་ཨ་ཁཱན་ བོང་བ་ཐུར་ ཆེང་ཉི་ཐ་ཝ་ཐོང༌མེ། ཉི་ཨོ་ཉ་བོང་བ་ག་ ལཱན་ཕེག་ཐཱན་ ཇག་ཉི་ཇང་ཆོ་ས་ཕའི། 3ཉི་ཨི་བི་གི་རང་གི་ནེ་བུ་ ན་ཆིང་ཨུ་ཉུ་ད་བུ་ ཧང་ཨ་ཉི་ཨན་ཅ་ཡ་དག་ཉི་ ཇིམ་ནེ་ལ་ གཙོ་བོ་ག་དེན་གེ་ ཨོ་ཐ་བོང་བ་ཚཱས་པ༌ཅ། ཨོ་ཉ་ཐྲེ་ཀེ་རང་ ལོག་ཉི་ཀུན་ཏི་ལེ་ཨ་ཉི་ ཡེག་ཅོ་ན་དག༌ཉི།
4ཉི་རོག་ཉིག་ཙིང་དི་ཝ༌ལ། ཉི་ཕའི་ཐུར་ག་མ་ཀོ་ཕིས་ཀ་ བོང་བ་ལམ་ཟུར་ཀ་ ཆེང་ཉི་ཐ་ཝ་ཐོང་ཉི་ རོག་ཉིག་ཙིང་གི་ བོང་བ་ག་ལཱན་ཕེག་པ༌ལ། 5ཉི་ཨོ་ཉ་ཆོ་ཁཱན་བ་ཀི་ རོག་ཉིག་ཙིང་ག་ ཇི་མ་ལ་ ཨོ་ཐ་ག་ ན་ཆིང་ཉིག་ཙིང་ ཧང་ཨན་ཅ་ཡ། བོང་བ་ག་ལཱན་ ཧང་ཨ་ལེ་ཕེག་ཅ་ཡ་དག༌ཉི། 6ཉི་རོག་ཉིག་ཙིང་གི་ ཡི་ཤུ་གི་གསུངས་མ་ པུརུས་ཀིན་ཨ་ཉི་ ཡེག་པ་ཀབ་ཉི་ རོག་ཏེ་བ་ཀི་ རོག་ཉིག་ཙིང་ བོང་བ་བུ་ཉི་ དི་ལེ་བི་ཝ༌ལ། 7ཉི་རོག་ཉིག་ཙིང་གི་ ཨོ་ཉ་བོང་བ་ ཡི་ཤུ་ག་ སྐུན་མདུན་ག་བུན་ཐཱན་ རོག་ཏེ་བ་ཀ་ ཁ་མུང་ག་བ་ ཨོ་ཉ་བོང་བ་ཐུང་ཀ་ཁེམ་ཉི་ ཉི་ཡི་ཤུ་ བོང་བ་ཐུང་ཀ་བཞུགས་པ༌ལ།
8ཉི་སོ་ངོ་མང་པུ་ཐུར་གི་ རོག་ཏེ་བ་ཀ་ ཁ་མུང་ས་རི་བ་ ལབ་ཀ་ཁེམ་ཉི་ ཉི་ཨུང་ནང་ཀེ་ཅཱད་ཕ་ཉི་ ཤ་བ་བ་ཁེ་མ༌ལ། 9ཉི་གུམ་གུམ་དི་ཁཱན་དང་ ཚིང་ཚིང་ཆོ་ཁཱན་ ཐམས་ཅན་གི་ ཀཱན་ཤུག་ཨ་ཉི་
དཀོན་མཆོག་ག་ བསྟོད་པ་ཕུལ༌ཤོ། གཙོ་བོ་ག་མཚན་ག་ བྱོན་ཁཱན་ཁེ་པ་ གནམ་མེད་ས་མེད་ བྱིན་རླབས་ཅན་གི༌ལ། 10ཨ་ཧ་ཡབ་ ད་ཝུད་ག་རྒྱལ་སྲིད་ བྱོན་ཁཱན་ཁེ་པ་ གནམ་མེད་ས་མེད་ བྱིན་རླབས་ཅན་གི༌ལ། ཞིང་ཁམས་ག་བཞུགས་ཁཱན་ དཀོན་མཆོག་ག་ བསྟོད་པ་ཕུལ་ཤོ་#11:10 མགུར་མ 118:25–26, 148:1 དག༌ཉི་
ཞུ་ཝ༌ལ།
11ཉི་རོག་ ཡ་རུ་ཤ་ལེམ་ནང་ཀ་ཕེབས་ཉི་ ཉི་ཡ་ཧུ་དི་པ་ག་ མཆོད་ཁང་ནང་ཀ་ བྱོན་མ༌ལ། གི་ཚེ་གེ་ཤ་ ཕིད་པ་ཨ་དེན་གེ་ ཨོ་ཉ་ཀོ་ལོ་ལོ་གཟིགས་ཐཱན་ ཨོ་ཉ་གེ་ལོག་ཉི་བྱོན་ཉི་ རོ་ཀ་སློ་མ་སོང་ཉིག་ཙིང་བསྣམས་ཉི་ བེ་ཐ་ནི་ཡ་ག་ཏཱན་ བྱོན་མ༌ལ༎
ཡི་ཤུ་དང་ལྕོག་མ་ཤིང་།
12ཉི་ནམ་ནིང་ད་བུ་ རོག་ཏེ་བ་ བེ་ཐ་ནི་ཡ་གེ་ལོག་པེ་གང་ཀ་ ཡི་ཤུ་གསོལཝ་ཀིད་པ་ཅ་གི་ཝ༌ལ། 13ཉི་ཐ་རིང་ས་ག་ ལྕོག་མ་ཤིང་ཤ་བ་ མོག་མོག་ཨ་ཝ་ཐོང་ཉི་ སེ་སེ་ཝ་ཅ་གི་ས་ཨ་ཉི་ གཟིགས་པེ་བྱོན་མ༌ལ། ཉི་རོག་ ར་ག་ཕེབས་ཉི་ གཟིགས་པ་ཀབ་ཉི་ བཱརའ་ཧང་རང་མ་ཝ་ ཤ་བ་ཙང་པུ་ཅ་གི་ཝ༌ལ། ཧང་ཡ་དག་ནེ་ལ་ སེ་སེ་ལེ་ག་དུས་ཙུན་ མ་རེན་པ་ཆོ་ཝ༌ལ། 14ཉི་རོ་ཀི་ ཤིང་ག་གསུངས་མ་ལ་ ནཱན་གེ་ ཐུར་གི་བུ་ སེ་ཧ་ལ་རང་ ལོག་ཉི་མ་ཟ་ལ་ན་དག༌ཉི། རོ་ཀ་སློ་མ་བ་ཀི་ ན་ཐ་ཝ༌ལ༎
ཡི་ཤུ་མཆོད་ཁང་ག་བྱོན་མ༌ལ།
15ཉི་རོག་ཏེ་བ་ ཡ་རུ་ཤ་ལེམ་ག་ ཕེབས་པ༌ལ། ཡི་ཤུ་མཆོད་ཁང་ནང་ཀ་བྱོན་ཉི་ མཆོད་ཁང་ནང་ཀ་ཚོང་ཕི་ཉི་ ཙོང་ཁཱན་དང་ ངོ་ཁཱན་ག་བ་ཁོན་ཉི་ ཉི་ཏི་རུ་སོར་ཁཱན་བ་ཀ་ དོང་ཏཱན་དང་ ཏི་ཏ་ར་ཙོང་ཁཱན་བ་ཀ་རྐང་ཁྲི་བ་ གིར་ཉི་གེ་མ་མ་ཚཱད་པ་ 16ཐུར་ག་རང་ མཆོད་ཁང་ནང་ཀ་ ཝུང་གེ་ཨ་ཉི་ཤོ་ཉི་ ནོ་ཙང་བུ་ཉི་དི་ལེ་ག་ མ་གནང་མ༌ལ། 17རོ་ཀི་ཨོ་ཐེན་གསུངས་ཉི་ རོག་ཏེ་བ་ཀ་ ཡེན་གནང་མ༌ལ། ཧང་ཇ་ག་ཕའི་ཁེ་པ་ རྒྱལ་ཁབ་ཐམས་ཅན་ག་དེན་གེ་ སྨོན་ལམ་ག་ཕའི་ཨ་ཉི་ ར་ལེ་གི་ལ་དག་ཉི་ གསུང་རབ་ག་ མ་འབྲི་བ་ཅ་སྨོ། དག་པ་ཀབ་ཉི་ ན་ཤི་ཅོམ་ཁཱན་བ་ཀ་བཱརང་ ཅོད་པ་ལ་དག༌ཉི།
18ཉི་བླ་མ་ཆི་ལུ་བ་དང་ བཀའ་ཁྲིམས་ག་ སློབ་དཔོན་བ་ཀི་ ན་ཐ་ཉི་ རོག་བཀྲོངས་མེ་ག་ ཧང་ཏེན་ཨ་ལ་ཤ་ རེ་བེ་གི་ས་དག་ཉི་ མི་ཝ༌ལ། ཧང་ཡ་དག་ནེ་ལ་ སོ་ངོ་ཐམས་ཅན་རང་ རོ་ཀི་ཡེ་ཁཱན་བ་ ཤོ་ནང་ཕེ་ཝ་ཨ་དེན་གེ་ རོག་ཏེ་བ་ རོ་ཀེ་ཡོང་ཁེན་ཅ་གི་ཝ༌ལ།
19ཉི་ངེ་རི་ ངམ་ནུ་ཕེ་ཅམ་པ་ཀབ་ཉི་ ཡི་ཤུ་དང་ རོ་ཀ་སློ་མ་བ་ ཁྲོམ་གེ་ཕིས་ཀ་ བྱོན་མ༌ལ༎
ལྕོག་མ་ཤིང་སང་མ༌ལ།
20ཉི་ཝུན་བེད་པེ་ རོག་ཏེ་བ་ ཨོ་ཉ་ལམ་གེ་ བྱོན་མ་ཀབ་ཉི་ ལྕོག་མ་ཤིང་ཁེ་པ་ ཐུང་ཀེ་དོང་ ར་ཅི་ག་སག་པུ་ སང་མ་ཐོང་མ༌ལ། 21པ་ཏྲུས་གི་ ཡིད་ཀ་ཨ་ཉི་ ཡི་ཤུ་ག་ སློབ་དཔོན་ གཟིགས་ཅོ༌ལེ། ནཱན་གི་ སྨོན་ལམ་ཕོག་ཁཱན་ ལྕོག་མ་ཤིང་ ཤི་ཝ་ལ་དག་ཉི་ ཞུ་ལ་ཀབ་ཉི་ 22ཡི་ཤུ་གི་ལན་གནང་མ་ལ་ དཀོན་མཆོག་ག་ དད་པ་ཀེ༌ཤོ། 23ཇི་གི་ ན་ཧ་ཐྲང་ཉི་ཡེག་པེ་ སེམས་ཀ་དོགས་པ་ ད་སུ་རང་མ་ཆག་པཱན་ ཇི་གི་ཡེག་ཁཱན་ཁེ་པ་ ཇུང་མེ་གི་ལ་དག་ཉི་ དད་པ་དོ་རི་རི་ཀེ་ཉི་ ཨི་བི་གི་ ཨོ་ཐ་ཕུ་ག་ཏཱན་ ཨོ་ཐ་གེ་དི་ཉི་ རྒྱམ་མཚོ་ནང་ཀ་ ཐིམ་ཤོ་དག་ཉི་ ཡེག་པ་ཐུར་ རོ་ཀི་ཡེག་ཁཱན་ཁེ་པ་ ཐེ་རི་བ་རི་རང་ ཇུང༌མེ། 24ཨོ་ཉི་ཨ་དེན་གེ་ ཇི་གི་ ན་ཧ་ཡེག་ཅ་ ན་ཤི་སྨོན་ལམ་ཞུ་ཁཱན་ཁེ་པ་ ཉོང་པ་ཨ་ཉི་ དད་པ་ཀེ་ཤོ་ ཉི་ཤ་ཉོང༌པེ། 25ཉི་ཧ་ལ་རང་གི་ནེ་བུ་ ན་ཧ་བ་ སྨོན་ལམ་ཏ་པེ་དེན་གེ་ ཐིང་མ་ཀབ་ཉི་ ན་ཧ་བ་ བཱརའ་གི་མ་ལེག་པ་ཏེ་ ཨ་ཝ་ཆོ་ནེ་ལ་ བཀའ་དྲིན་བསྐྱང༌ཤོ། ཉི་ཤ་ ཞིང་ཁམས་ག་བཞུགས་ཁཱན་ ན་ཧ་ཡབ་གི་ ན་ཤི་ཨ་ཁཱན་སྡིག་པ་བ་ བཀའ་དྲིན་བསྐྱང༌མེ། 26ཉི་ན་ཤི་ བཀའ་དྲིན་མ་བསྐྱང་ནེ་ལ་ ཞིང་ཁམས་ག་བཞུགས་ཁཱན་ ན་ཧ་ཡབ་གི་བུ་ ན་ཤི་ཨ་ཁཱན་སྡིག་པ་བ་ བཤགས་པ་མ་གནང་མ་དག༌ཉི༎
ཡི་ཤུ་ག་དབང་ཚད་ཀོར་གེ་ དྲི་ཝ་ཨ་ཝ༌ལ།
27ཉི་རོག་ཏེ་བ་ ཨོམ་ཆང་རང་ ཡ་རུ་ཤ་ལེམ་ག་ ཕེབས་པ༌ལ། ཉི་ཡི་ཤུ་ མཆོད་ཁང་ནང་ཀ་ དང་ཉི་བཞུགས་པ་ཀབ་ཉི་ བླ་མ་ཆི་ལུ་བ་དང་ བཀའ་ཁྲིམས་ག་ སློབ་དཔོན་བ་ ཉི་སོ་ངོ་ཆི་ལུ་བ་ རོ་ཀ་སྐུན་མདུན་ག་ཤེག་པ༌ལ། 28རོག་ཏེ་བ་ཀི་ དྲི་ཝ་ཨ་ཉི་ ཧང་ག་དབང་ཚད་གི་ཨ་ཉི་ ནཱན་གི་ ཨོ་ཐ་བ་ ཨན་ཅ་ཡ། ནཱན་གི་ ཨོ་ཐ་བ་ ཨ་ལེ་ག་དབང་ཚད་ ཨི་བི་གི་གནང་མ་ཡ་དག་ཉི་ ཞུ་ལ་ཀབ་ཉི་
29ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཇི་གི་བུ་ཆཱས་ཐུར་ཇི་མེ་ ཉི་ན་ཤི་ ཇ་ག་ཆཱས་ག་ལན་གའི། ཉི་ཤ་ ཇི་གི་ ཨོ་ཐ་བ་ ཧང་ད་བུ་དབང་ཚད་གི་ཨ་ཉི་ ཨན་ཅ་གི་ལ་སྨོ་ ཨོ་ཉ་ཀོར་གེ་ ཡེག་པེ་ན་དག་ཉི་ གསུངས་ཐཱན་ 30ཡུ་ཧན་ན་གི་ ཁྲུས་གསོར་ཕི་ལེ་ག་དབང་ཚད་ ཞིང་ཁམས་གེ་ཉོང་པ་སྨོ་ སོ་ངོ་གེ་ཡ། ཇ་ག་ཡེག་ཅོ་དག་ཉི་ གསུངས་མ༌ལ།
31ཉི་རོག་ཏེ་བ་ནང་དོ་ ཆཱས་ཨ་ཉི་ཡེག་པ་ལ་ ཨ་ཤི་ ཞིང་ཁམས་གེ་གི་ལ་དག་ཉི་ ཡེག་ནེ་ལ་ རོ་ཀི་གསུངས་མེ་ ན་ཤི་ ཧང་ཨ་ཉི་ དད་པ་མ་ཨན་ཤི་ཡ་དག༌ཉི། 32ཉི་ཨོམ་ སོ་ངོ་གེ་གི་ལ་ཨ་ཉི་ ཡེག་པེ་དག་ནེ་ལ་ རོག་ཏེ་བ་ སོ་ངོ་བ་ཀེ་ ཡོང་ཁེ་ཝ༌ལ། ཧང་ཡ་དག་ནེ་ལ་ སོ་ངོ་བ་ཀི་ ཡུ་ཧན་ན་ཤོ་ ཏེན་ཏེན་རང་ ལུང་བསྟན་པ་གི་ལ་དག་ཉི་ ཡེག་ཅ་གི་ཝ༌ལ། 33ཨོ་ཉི་ཨ་དེན་གེ་ རོག་ཏེ་བ་ཀི་ ཡི་ཤུ་ག་ཞུ་ཝ་ལ་ ཨ་ཤི་མ་སེ་ལ་དག༌ཉི།
ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཇི་གི་བུ་ ཇང་ཧང་ག་དབང་ཚད་གི་ཨ་ཉི་ ཨོ་ཐ་བ་ཨན་ཅ་གི་ལ་སྨོ་ ཨོ་ཉ་ཀོར་གེ་ ན་ཧ་མ་ཡེག་པ་དག༌ཉི༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved