མར་ཀུས། 12
12
ས་ཕང་ལ་ཁཱན་ག་ དཔེ་གཏམ།
1ཉི་ཡི་ཤུ་གི་ དཔེ་གཏམ་ག་ཐུང་ཀེ་ཨ་ཉི་ རོག་ཏེ་བ་ཀ་ ཡེན་གནང་མེ་ གོ་ཙུག་པ༌ལ། རོ་ཀི་གསུངས་མ་ལ་ སོ་ངོ་ཐུར་གི་ སེ་ཁ་ཤིང་ མང་པུ་ཐུར་ཆེན་ཐཱན་ ཨོ་ཉ་ཀོ་ལོ་ལོ་ ཙིག་པ་གབ་ཉི་ རེ་དང་ཕིན་ཐཱན་ སེ་ག་རི་དྲ་ཕེ་དེན་གེ་ སེ་དྲབ་ཁཱན་ཅོད་ཐཱན་ ཉི་ཤ་ ཁ་ཝེ་ད་བུ་ཐུར་ཨ་ཉི་ ཕའི་ཅེན་མུ་ཐུར་ཅོད་ཐཱན་ ཉི་ས་ཕང་ལ་ཁཱན་ཙུག་ཐཱན་ རོག་ཏེན་ཤོ་ ཐ་རིང་ས་ཐུར་ག་ དི་ཉི་ཆོ་ཝ༌ལ། 2ཉི་སེ་ཤེ་ལེ་ག་ དུས་ཙུན་རེན་པ་ཀབ་ཉི་ རོ་ཀི་ རོ་ཀ་གཡོག་པ་ཐུར་ རོ་ཀ་ཕང་དོག་པེ་དེན་གེ་ ས་ཕང་ལ་ཁཱན་ག་བཱརང་ཀ་ ཀུན་ཏི་ཝ༌ལ། 3ཉི་རོག་ཏེ་བ་ཀི་ ཨོ་ཉ་གཡོག་པ་ཙུང་ཉི་ ཏེ་ཐ་ཀི་ལབ་ཐཱན་ ཧང་རང་མ་བི་ལཱན་ ག་དང་ཏོང་པུ་ ལོག་ཉི་ཀུན་ཏི་ཝ༌ལ། 4ཉི་ཨོམ་ཆང་རང་ བཱརའ་གཡོག་པ་ཐུར་ ཀུན་ཏི་ཝ༌ལ། ཉི་ཨོ་ཉ་ས་ཕང་ལ་ཁཱན་བ་ཀི་ རོག་བུ་ཀོང་ཉི་ ཤ་རང་ག་མ་ཁ་ ཤོ་ཝ་ཅོད་པ་མ་ཚཱད་པ་ ངི་ནང་ཁུ་སི་སི་ཨ་ཝ་ཅོད་ཐཱན་ ལོག་ཉི་ཀུན་ཏི་ཝ༌ལ། 5ཉི་རོ་ཀི་ ཨོམ་ཆང་རང་ བཱརའ་ཐུར་ཀུན་ཏི་ཝ༌ལ། ཉི་ཨོ་ཉ་གཡོག་པ་ཏ་ ས་ཕང་ལ་ཁཱན་བ་ཀི་ ཤེན་ཐ་ཝ༌ལ། ཉི་ཚི་ངེ་ ཨོམ་ཆང་རང་ ཀུན་ཏི་ཁཱན་བ་བུ་ ཚེ་བང་ཀོང་མ་ལ་ ཉི་ཚེ་བང་ཤེ་ཝ༌ལ། 6ཉི་ཨོམ་ རོ་ཀི་ཕང་ཁཱན་ རོག་ཏེན་ག་ཟ་ཐུར་ཤ་ ལུས་པ་ཅ་གི་ཝ༌ལ། ཇ་ག་ས་ཕང་ལ་ཁཱན་བ་ཀི་ ཇ་ག་ཟ་ག་ཏ་ གུས་ཞབས་ཨ་ལེ་དག་ཉི་ མི་ཉི་ ཇུ་ཀ་རང་ རོག་ཏེན་ག་ཟ་ ཀུན་ཏི་ཝ༌ལ།
7ཉི་ཨོ་ཉ་ས་ཕང་ལ་ཁཱན་བ་ཀི་ རོག་ཨོ་ཕ་ཐོང་མ་ཐུར་ག་རང་ རོག་ཏེ་བ་ཀི་ ཐུར་གི་ཐུར་ག་ཡེག་པ་ལ་ ཨོ་དོ་ ཨ་ཤི་རོག་ཤེ་ཁེ། རོག་ཤོ་ ཡོན་ད་ག་ཟ་གི་ཝ་ཨ་དེན་གེ་ ཨ་ཤི་རོག་ཤེ་ནེ་ལ་ རོ་ཀ་ཐོབ་ཐང་ ཐམས་ཅན་རང་ ཨ་ཧ་རི་ལེ་དག༌ཉི། 8ཉི་རོག་ ས་ཕང་ལ་ཁཱན་བ་ཀི་ ཙུང་ཉི་ཤེན་ཐཱན་ ཨུང་གེ་ཕིས་ཀ་བུ་ཉི་ གེམ་ཉི་ཀུན་ཏི་ཝ༌ལ།
9ཉི་ཨོམ་ ཨོ་ཉ་ཨུང་ག་ཡོན་ད་གི་ ཧང་ཨ་ལེ་ཡ་དག་ནེ་ལ་ རོག་ཨུན་ཐཱན་ རོ་ཀི་ ཨོ་ཉ་ས་ཕང་ལ་ཁཱན་བ་ ཐམས་ཅན་རང་ ཤེན་ཐཱན་ ཉི་རོ་ཀ་ཨུང་ བཱརའ་སོ་ངོ་བ་ཀ་ཏཱན་ ས་ཕང་ལ་ལེ་བི༌ལེ། 10ན་ཤི་ ཨོ་ཐ་གསུང་རབ་ མ་ལྷག་ཅི་སྨོ།
ལུང་བཟོ་བ་ཀི་ མ་ལེག་པ་ལ་ཨ་ཉི་ མ་ཚཱས་ཁཱན་ལུང་ཁེ་པ་ ཟུར་ལུང་ཁག་ཆི་ལུ་ཁེན་རང་རི༌ཝ། 11ཨུ་ཐུ་ཤོ་ གཙོ་བོ་གི་ མཛད་པ་ཨ་དེན་གེ་ ཨ་ཤི་གོད་པ་ཀབ་ཉི་ ཡིད་ཆི་ཝ་ག་ཅ་#12:11 མགུར་མ་ག་དཔེ་ཆ་ 118:22–23 དག་ཉི་
ཡི་ཤུ་གི་གསུངས་མ༌ལ།
12ཉི་རོག་ཏེ་བ་ཀི་ ཡི་ཤུ་ཙུང་མེ་ག་ མིག་པ་ཕི་ཝ༌ལ། ཧང་ཡ་དག་ནེ་ལ་ ཨོ་ཉ་དཔེ་གཏམ་ཁེ་པ་ རོག་ཏེ་བ་ཀ་ དམའ་ཕ་ཕི་ཉི་ གསུངས་མ་གི་ལ་དག་ཉི་ རོག་ཏེ་བ་ཀི་ སེ་ཝ༌ལ། དག་པ་ཀབ་ཉི་ རོག་ཏེ་བ་ སོ་ངོ་མང་ཀེ་ ཡོང་ཁེ་ཝ་ཨ་དེན་གེ་ རོག་ཐུབ་ཐཱན་ཐཱན་ དི་ཝ༌ལ༎
ཁྲལ་ཏབ་རིན་ཆོག་པེ་སྨོ་ མ་ཆོག་པ་ཡ་དག་ཉི་ ཞུ་ཝ༌ལ།
13དག་པ་ཀབ་ཉི་ རོག་ཏེ་བ་ཀི་ ཕ་རི་སི་པ་ཚེ་བང་དང་ ཧེ་རོ་དི་པ་དག་ཁཱན་ སོ་ངོ་བ་ ཡི་ཤུ་གི་གསུངས་མ་ཀབ་ཉི་ ཅོན་ལ་མེ་དེན་གེ་ ཀུན་ཏི་ཝ༌ལ། 14ཉི་རོག་ཏེ་བ་ཤེག་ཉི་ ཞུ་ཝ་ལ་ སློབ་དཔོན་ ནཱན་ཁེ་པ་དྲང་པུ་ཅ་ཨ་ཉི་ ཨ་ཤི་སེན༌ཅ། ནཱན་གི་ སོ་ངོ་ག་པ་ཏོང་དང་ གོ་སར་ག་གཟིགས་ཉི་ ཧང་རང་མ་གནང་མཱན་ དཀོན་མཆོག་ག་ཐུགས་དང་ཏུ་ཉི་ དེན་པ་ཤ་ ཡེན་གནང༌ལ། ཉི་ཨོམ་ ཨ་ཤི་དཔོན་ ཀའི་སར་ག་ ཁྲལ་བི་རིན་ཆོག་པེ་སྨོ། 15ཨ་ཤི་བི་སྨོ་མ་བི་ཡ་དག་ཉི་ ཞུ་ལ་ཀབ་ཉི་ རོག་ཏེ་བ་ཀི་ ཇི་སྐོར་ཕི་ལེ་ག་མིག་པ་ཕི་ཉི་ ཞུ་ཝ་ག་ ཡི་ཤུ་གི་མཁྱེན་ཉི་
ན་ཤི་ ཧང་ཨ་ཉི་ ཇ་ག་ཚེ་གོད་ཅ་ཡ། ཐ་ལ་ཐུར་ཕའི། ཉི་ཇི་གི་ ཐ་ལ་ག་གོད་པེ་དག་ཉི་ གསུངས་མ༌ལ། 16ཉི་རོག་ཏེ་བ་ཀི་ ཐ་ལ་ཐུར་ཕ་ཝ༌ལ། ཉི་རོ་ཀི་ ཐ་ལ་ག་ ཨི་བི་ག་པར་དང་ མིང་ལ་ཡ་དག་ཉི་ ཇི་མ་ཀབ་ཉི་ རོག་ཏེ་བ་ཀི་ དཔོན་ཀའི་སར་ག་ པར་དང་མིང་ལ་དག་ཉི་ ཞུ་ཝ༌ལ།
17ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཀའི་སར་ག་གི་ནེ་ལ་ ཀའི་སར་ག་རང་བི། ཉི་དཀོན་མཆོག་ག་གི་ནེ་ལ་ དཀོན་མཆོག་ག་རང་ ཕུལ་ཤོ་དག༌ཉི།
ཉི་རོག་ཏེ་བ་ ཐམས་ཅན་རང་ ཡི་ཤུ་གི་གནང་མ་ག་ ལན་ག་གོད་ཉི་ ཡིད་ཆི་ཝ༌ལ༎
ཤི་ཝ་གེ་གསོན་པོ་ཨ་ཉི་ ཝུ་ཝ་ཀོར་གེ་ དྲི་ཝ་ཨ་ཝ༌ལ།
18ཉི་ཡ་ཧུ་དི་པ་ག་ ཆོས་ལུགས་ ས་དུ་ཀི་པ་དག་ཁཱན་བ་ཀི་ ཨ་ནེ་ལ་ ཤི་དེན་གེ་ གསོན་པོ་ཨ་ཉི་ ཝུ་ལེ་ག་མཱན་ཅ་དག་ཉི་ ཡེག་ཅ་གི་ཝ༌ལ། རོག་ཏེ་བ་ ཤེག་ཉི་ ཡི་ཤུ་ག་ཞུ་ཝ་ལ་ 19སློབ་དཔོན་ ཨ་ཏ་ག་ཝག་ཙ་མང་ཕེ་གོ་མ་ རོག་ཤི་ནེ་ལ་ རོ་ཀ་བོ་ཉིང་གི་ རོ་ཀ་མེ་ཝག་ཙ་ཀབ་ཉི་ གཉེན་ཕི་ཉི་ ཨ་ཏ་ག་མིང་ག་ ཝག་ཙ་སིང་མེ་ཁེ་ལེ་དག་ཉི་ མོ་ས་གི་ བཀའ་ཁྲིམས་ནང་ཀ་ འབྲི་བ༌ཅ། 20རོག་ཏེ་བོ་ཉིང་ཟུམ་ཆོ་ཝ༌ལ། ཉི་ཨ་ཏ་ཆི་ལུ་ཁེན་གི་ གཉེན་ཕི་ཉི་ ཝག་ཙ་མང་ཕེ་གོ་མ་ ཤི་ཝ༌ལ། 21ཉི་རོ་ཀ་ཕརའ་ཁེ་ཆོ་ཁཱན་གི་ ཨ་ཏ་ག་མེ་ཝག་ཙ་ཀབ་ཉི་ གཉེན་ཕི་ཉི་ ཉི་རོག་བུ་ ཝག་ཙ་མང་ཕེ་གོ་མ་ ཤི་ཝ༌ལ། ཉི་རོ་ཀ་ཕརའ་ཁེ་ཆོ་ཁཱན་བུ་ ཨུ་ཉུ་པུརུས་ཀིན་ཨ་ཉི་རང་ ཤི་ཝ༌ལ། 22ཉི་རོག་ཏེ་ བོ་ཉིང་ཟུམ་གི་རང་ གཉེན་ཕི་ཉི་ བོ་ཉིང་ཐུང་སི་ཁེན་ག་བུ་ ཝག་ཙ་མང་ཕ༌ལ། ཇུ་ཀ་དག་པ་ཀབ་ཉི་ ཨོ་ཉ་མེ་ཝག་ཙ་བུ་ཤི༌ཝ། 23རོག་ཏེ་ཟུམ་གི་རང་ གཉེན་ཕི་ཝ༌ལ། ཉི་ཨོམ་ གསོན་པོ་ཨ་ཉི་ ཝུ་ལེ་གང་ཀ་ཤོ་ ཨི་བི་ག་མེ་ཝག་ཙ་ཨ་ཉི་ ཆོ་ལེ་ཡ་དག་ཉི་ ཇི་མ་ཀབ༌ཉི་
24ཡི་ཤུ་གི་ ལན་གསུངས་མ་ལ་ ཨུ་ཐུ་ད་བུ་ཤོ་མང་གི། ན་ཧ་བ་ ངཱད༌ལ། ན་ཤི་གསུང་རབ་ཀོར་གེ་ མ་སེ་ཝ་ཐུང་ཀ་ དཀོན་མཆོག་ག་ ཤུགས་སྟོབས་ཀོར་གེ་བུ་ མ་སེ་ཝ༌ལ། 25ཧང་ཡ་དག་ནེ་ལ་ ཤི་ཝ་གེ་ལོག་ཉི་ ཝུ་ལེ་གང་ཀ་ གཉེན་ཕི་ལེ་ཨ་ཉི་མཱན༌ཅ། རོག་ཏེ་བ་ ཞིང་ཁམས་ག་འཐེན་པ་ད་བུ་ཐུར་རི་ཉི་ཆོ༌ལེ།
26ཤི་ཁཱན་བ་ཝུ་ཝ་ཀོར་གེ་ མོ་ས་ག་དཔེ་ཆ་ནང་ཀ་ བེན་ཀོང་གེ་ མི་དིར་ཁཱན་ཀོར་གེ་ མ་ལྷག་ཅི་སྨོ། ཨོ་ཉ་ནང་ཀ་ དཀོན་མཆོག་གི་ ཇང་ཤོ་ ཨ་བཱརའ་ཧམ་ག་ དཀོན་མཆོག། ཨི་སག་ག་ དཀོན་མཆོག། ཉི་ཡ་ཀུབ་ག་ དཀོན་མཆོག་གི་ལ་དག་ཉི་ གསུངས་མ༌ཅ། 27ཨོ་ཉེན་གསུངས་མེ་དེན་ཐ་ཤོ་ རོག་ཤོ་ ཤི་ཁཱན་བ་ཀ་ དཀོན་མཆོག་མང་གི་ཝ་ མ་ཤི་ཁཱན་བ་ཀ་ དཀོན་མཆོག་གི་ལ་ན། ན་ཧ་བ་ གནམ་མེད་ས་མེད་ ངཱད་ལ་དག་ཉི་ གསུངས་མ༌ལ༎
བཀའ་ཁྲིམས་ཁག་ཆི་ལུ་རང་།
28བཀའ་ཁྲིམས་ག་ སློབ་དཔོན་ཐུར་ཤེག་ཐཱན་ རོག་ཏེ་བ་ རྩོད་པ་ཕི་ཝ་ག་ ན་ཐ་ཝ༌ལ། ཉི་ཡི་ཤུ་གི་ རོག་ཏེ་བ་ཀ་ ལན་ལེག་པུ་གནང་མ་ཐོང་ཉི་ བཀའ་ཁྲིམས་ཁག་ཆི་ལུ་རང་ ཧང་གི་ལ་ཡ་དག་ཉི་ རོ་ཀི་ཞུ་ལ་ཀབ་ཉི་ 29ཡི་ཤུ་གི་ལན་གནང་མ་ལ་ ཐམས་ཅན་གེ་ ཁག་ཆི་ལུ་རང་ ཨུ་ཐུ་གི༌ལ། ཨིས་རེལ་ག་སོ་ངོ་བ་ ཉཱན༌ཅོ། གཙོ་བོ་ ཨ་ཧ་དཀོན་མཆོག་ཐུར་ཤ་ གཙོ་བོ་གི༌ལ། 30ཨོ་ཉི་ཨ་དེན་གེ་ ན་ཤི་དཀོན་མཆོག་ ཐིང་ལོམ་ནང་ཀེ་ཨ་ཉི་རང་ སྲོག་དང་སེམས་ ཉི་ཤུག་ཐམས་ཅན་གི་ཨ་ཉི་ ཕང་པེ་ཁེ༌ལེ། 31ཉི་ཨོམ་ཆང་རང་ ཨོ་ཐ་ཕརའ་ཁེ་བཀའ་ཁྲིམས་ ཁག་ཆི་ལུ་རང་ ཨུ་ཐུ་གི༌ལ། ནཱན་ནཱན་ཏེན་ ཧབ་ཏུར་ཕང་ཅ་གི་ལ་སྨོ་ བཱརའ་སོ་ངོ་བ་ཀ་བུ་ ཨོམ་ཏུར་རང་ ཕང་པེ་ཁེ༌ལེ། ཨུ་ཐུ་ཉིག་ཙིང་གེ་ལག་པ་ བཀའ་ཁྲིམས་ཁག་ཆི་ལུ་ ཧང་རང་མཱན་ཅ་དག་ཉི་ གསུངས་མ༌ལ།
32བཀའ་ཁྲིམས་ག་ སློབ་དཔོན་གི་ ཞུ་ཝ་ལ་ གསུང་དེན་ སློབ་དཔོན་ ནཱན་གི་ཕྲིག་ཀིན་ དཀོན་མཆོག་རོག་ཐུར་ཤ་གི༌ལ། བཱརའ་ཨི་བི་རང་མཱན་ཅ་དག་ཉི་ གསུངས༌མ། 33ཉི་དཀོན་མཆོག་ཁེ་པ་ ཐིང་ལོམ་ནང་ཀེ་ཤོ་ཉི་ ལེག་པ་ཨ་ཉི་ཧ་གོ་ཉི་ ཉི་རང་ག་ཁེ་ཀོ་ ཐམས་ཅན་གི་ཨ་ཉི་ ཕང་པེ་ཁེ༌ལེ། ཉི་ཨུ་ཉུ་མ་ཚཱད་པ་ ནོག་མིན་བ་ཀ་བུ་ རང་ཏེན་ཕང་པ་པུརུས་ཀིན་ཨ་ཉི་ ཕང་པེ་ཁེ༌ལེ། ཨུ་ཐུ་ཉིག་ཙིང་ཁེ་པ་ དམར་མཆོད་#12:33 དམར་མཆོད་དག་ཁཱན་ཤོ་ མི་ག་མཆོད་པ་གི༌ལ། དམར་མཆོད་ཕུལ་བ་ཀབ་ཉི་ སེམས་ཅན་རི་བུམ་ཨ་ཉི་ མི་ག་གོག༌ཅ། དག་པ་ཀབ་ཉི་ བཱརའ་མཆོད་པ་ཕུལ་བ་ཀབ་ཤོ་ སེམས་ཅན་རི་བུམ་ཨ་ཉི་ གོག་པེ་ཁེ་ལུ་མཱན༌ཅ།དང་ མཆོད་པ་ཕུལ་བ་གེ་ལག་པ་ ཁག་ཆི་ལུ་གི་ལ་ཨ་ཉི་ ཇི་གི་སེན་ཅ་དག་ཉི་ ཞུ་ཝ༌ལ།
34ཉི་རོ་ཀི་ ལན་ལེག་པུ་ཨ་ཉི་ཞུ་ཝ་ག་ ཡི་ཤུ་གི་མཁྱེན་ཉི་ ནཱན་དཀོན་མཆོག་ག་ རྒྱལ་སྲིད་གེ་ ལམ་རིང་མུ་མ་ལ་དག་ཉི་ རོ་ཀི་ རོ་ཀ་གསུངས་མ༌ལ། ཉི་ཨོ་ཉ་གེ་ག་ཏཱན་གི་ནེ་ལ་ ཨི་བི་གི་རང་ རོ་ཀ་དྲི་ཝ་ཨ་ལེ་ག་ ཕོ་མ་ཐོང་མ༌ལ༎
ཁིརིས་ཨི་བི་གི་ལ་ཡ།
35ཡི་ཤུ་གི་ མཆོད་ཁང་ནང་ཀ་ ཡེ་ཉི་གནང་མ་ཀབ་ཉི་ གསུངས་མ་ལ་ བཀའ་ཁྲིམས་ག་ སློབ་དཔོན་བ་ཀི་ ཁིརིས་ད་ཝུད་ག་རྒྱུད་པ་གི་ལ་དག་ཉི་ ཧང་ཏེ་ཉི་ ཡེག་པེ་རེ་ཅ་ཡ། 36ད་ཝུད་ རོག་ཏེན་གི་རང་ དམ་པའི་ཐུགས་ཉིད་ག་ཐུང་ཀེ་ཨ་ཉི་ ཡེག་པ༌ཅ་
གཙོ་བོ་གི་ ཇ་ག་གཙོ་བོ་ག་གསུངས་མ་ ཇི་གི་ ན་ག་དགྲ་བྱང་ཕིཤི་བ་ ན་ག་བི་ཕརའ་ཁ་ མ་ཙུག་པ་སག་པུ་ ནཱན་ཇ་ག་ལ་ཉོང་ལོ་ཀ་ ལང་ཤོ་#12:36 མགུར་མ་ག་དཔེ་ཆ་ 110:1 དག༌ཉི།
37ད་ཝུད་ རོག་ཏེན་གི་རང་ གཙོ་བོ་ཨ་ཉི་ཞུ་ལ་ཀབ་ཉི་ ཧང་ཏེན་ཉི་ རོག་ རོ་ཀ་རྒྱུད་པ་ ཨོ་ཕེ་རེ་བེ་ཡ་དག༌ཉི། ཉི་སོ་ངོ་མང་པུ་ཐུར་ རོ་ཀི་གསུངས་ཁཱན་ག་ ངལ་རངས་ཏོག་ཏོ་ཨ་ཉི་ ཉཱན་པ༌ལ༎
ཁམ་དང་ཁྲིམས།
38ཉི་ཨོམ་ཆང་རང་ རོ་ཀི་ཨོ་ཐེན་བུ་ གསུངས་མ་ལ་ མ་ཡོ་ཏེ་ཙི་ཡེ་ཉི་ ཁྲོམ་ག་དི་ལ་ཀབ་ཉི་ སོ་ངོ་བ་ཀི་ རོག་ཏེ་བ་ཀ་ཏཱན་ ཕྱག་ཏེ་འཚལ་དུ་ཨ་ཉི་ རེ་ཆ་ཨ་ཁཱན་ བཀའ་ཁྲིམས་ག་ སློབ་དཔོན་བ་ཀེ་ རིག་པ་སྒྲིམ༌ཅོ། 39རོག་ཏེ་བ་ཀི་ ཆོས་འཛོམས་ནང་ཀ་ཨ་ནེ་ལ་ རྐང་ཁྲི་ལེག་པུ་ཐུང་ཀ་ཤ་ ལང་མེ་གོད༌ཅ། ཉི་སྤྲོ་བ་ཙི་ཉི་ མཛར་ཅུམ་ཟ་ས་བཱརང་ཀ་ གུབ་ཀ་ཤ་ལང་མེ་གོད༌ཅ། 40ཉི་རོག་ཏེ་བ་ཀི་ ངི་ནང་ཁུ་ལེ་མ་ཝ་ ཇི་སྐོར་ཕི་ཉི་ མོ་རེན་མ་བ་ཀ་ ནོ་ཙང་བ་ཅོམ༌ཅ། ཉི་སོ་ངོ་བ་ཀ་གུབ་ཀ་ གེན་མེ་དེན་གེ་ སྨོན་ལམ་རིང་མུ་ཨ་ཉི་ ཏ་པ་ཅོད༌ཅ། རོག་ཏེ་བ་ཀི་ ཁྲིམས་གནམ་མེད་ས་མེད་ ཆི་ལུ་ཉོང་པེ་དག་ཉི་ གསུངས་མ༌ལ༎
མོ་རེན་མ་གི་ཕུལ་ཁཱན་སྙན་དར།
41ཉི་ཡི་ཤུ་མཆོད་ཁང་ག་ སྙན་དར་ཕུལ་ས་བཱརང་ཀ་བྱོན་ཉི་ སོ་ངོ་བ་ཀི་ ཏི་རུ་ཕུལ་བ་ག་ གཟིགས་པ༌ལ། བེ་དིང་སོ་ངོ་མང་པུ་ཐུར་གི་ ཏི་རུ་ཤ་མ་རེ་ཕུལ་བ༌ལ། 42ཉི་མོ་རེན་མ་ དུག་པུ་ཐུར་ཨུན་ཐཱན་ ཤི་ཀི་ཉིག་ཙིང་ཕུལ་བ༌ལ། དོམ་གེ་ཐ་ལ་ཐུར་རི་ཝ༌ལ།
43ཉི་ཡི་ཤུ་གི་ རོ་ཀ་སློ་མ་བ་རཱན་ཐཱན་ གསུངས་མ་ལ་ ཇི་གི་ ན་ཧ་ཐྲང་ཉི་ཡེག་པེ་ ཐ་སྙན་དར་ཕུལ་ཁཱན་བ་ཀ་པོང་ཀེ་ ཐམས་ཅན་གེ་མང་པུ་ ཨོ་ཐ་མོ་རེན་མ་ དུག་པུ་ཆོ་ཁཱན་གི་ཕུལ༌བ། 44ཧང་ཡ་དག་ནེ་ལ་ བཱརའ་ཐམས་ཅན་གི་ རོག་ཏེ་བ་ཀ་ཐེབ་ཆོ་ཁཱན་ ཏི་རུ་ཤ་ཕུལ༌བ། དག་པ་ཀབ་ཉི་ རོ་ཀི་ རོག་ཧབ་ཏུར་དུག་པུ་ ཆོན་ཐཱན་རང་གི་ནེ་བུ་ རོ་ཀ་ཚེ་ག་དེན་གེ་ ཧང་རང་མ་ཐ་ལཱན་ རོ་ཀ་ཤི་ཀི་ཉིག་ཙིང་ ཨ་ཝ་ཆོ་ཁཱན་བུ་ ཕུལ་བ་དག་ཉི་ གསུངས་མ༌ལ༎
Currently Selected:
མར་ཀུས། 12: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མར་ཀུས། 12
12
ས་ཕང་ལ་ཁཱན་ག་ དཔེ་གཏམ།
1ཉི་ཡི་ཤུ་གི་ དཔེ་གཏམ་ག་ཐུང་ཀེ་ཨ་ཉི་ རོག་ཏེ་བ་ཀ་ ཡེན་གནང་མེ་ གོ་ཙུག་པ༌ལ། རོ་ཀི་གསུངས་མ་ལ་ སོ་ངོ་ཐུར་གི་ སེ་ཁ་ཤིང་ མང་པུ་ཐུར་ཆེན་ཐཱན་ ཨོ་ཉ་ཀོ་ལོ་ལོ་ ཙིག་པ་གབ་ཉི་ རེ་དང་ཕིན་ཐཱན་ སེ་ག་རི་དྲ་ཕེ་དེན་གེ་ སེ་དྲབ་ཁཱན་ཅོད་ཐཱན་ ཉི་ཤ་ ཁ་ཝེ་ད་བུ་ཐུར་ཨ་ཉི་ ཕའི་ཅེན་མུ་ཐུར་ཅོད་ཐཱན་ ཉི་ས་ཕང་ལ་ཁཱན་ཙུག་ཐཱན་ རོག་ཏེན་ཤོ་ ཐ་རིང་ས་ཐུར་ག་ དི་ཉི་ཆོ་ཝ༌ལ། 2ཉི་སེ་ཤེ་ལེ་ག་ དུས་ཙུན་རེན་པ་ཀབ་ཉི་ རོ་ཀི་ རོ་ཀ་གཡོག་པ་ཐུར་ རོ་ཀ་ཕང་དོག་པེ་དེན་གེ་ ས་ཕང་ལ་ཁཱན་ག་བཱརང་ཀ་ ཀུན་ཏི་ཝ༌ལ། 3ཉི་རོག་ཏེ་བ་ཀི་ ཨོ་ཉ་གཡོག་པ་ཙུང་ཉི་ ཏེ་ཐ་ཀི་ལབ་ཐཱན་ ཧང་རང་མ་བི་ལཱན་ ག་དང་ཏོང་པུ་ ལོག་ཉི་ཀུན་ཏི་ཝ༌ལ། 4ཉི་ཨོམ་ཆང་རང་ བཱརའ་གཡོག་པ་ཐུར་ ཀུན་ཏི་ཝ༌ལ། ཉི་ཨོ་ཉ་ས་ཕང་ལ་ཁཱན་བ་ཀི་ རོག་བུ་ཀོང་ཉི་ ཤ་རང་ག་མ་ཁ་ ཤོ་ཝ་ཅོད་པ་མ་ཚཱད་པ་ ངི་ནང་ཁུ་སི་སི་ཨ་ཝ་ཅོད་ཐཱན་ ལོག་ཉི་ཀུན་ཏི་ཝ༌ལ། 5ཉི་རོ་ཀི་ ཨོམ་ཆང་རང་ བཱརའ་ཐུར་ཀུན་ཏི་ཝ༌ལ། ཉི་ཨོ་ཉ་གཡོག་པ་ཏ་ ས་ཕང་ལ་ཁཱན་བ་ཀི་ ཤེན་ཐ་ཝ༌ལ། ཉི་ཚི་ངེ་ ཨོམ་ཆང་རང་ ཀུན་ཏི་ཁཱན་བ་བུ་ ཚེ་བང་ཀོང་མ་ལ་ ཉི་ཚེ་བང་ཤེ་ཝ༌ལ། 6ཉི་ཨོམ་ རོ་ཀི་ཕང་ཁཱན་ རོག་ཏེན་ག་ཟ་ཐུར་ཤ་ ལུས་པ་ཅ་གི་ཝ༌ལ། ཇ་ག་ས་ཕང་ལ་ཁཱན་བ་ཀི་ ཇ་ག་ཟ་ག་ཏ་ གུས་ཞབས་ཨ་ལེ་དག་ཉི་ མི་ཉི་ ཇུ་ཀ་རང་ རོག་ཏེན་ག་ཟ་ ཀུན་ཏི་ཝ༌ལ།
7ཉི་ཨོ་ཉ་ས་ཕང་ལ་ཁཱན་བ་ཀི་ རོག་ཨོ་ཕ་ཐོང་མ་ཐུར་ག་རང་ རོག་ཏེ་བ་ཀི་ ཐུར་གི་ཐུར་ག་ཡེག་པ་ལ་ ཨོ་དོ་ ཨ་ཤི་རོག་ཤེ་ཁེ། རོག་ཤོ་ ཡོན་ད་ག་ཟ་གི་ཝ་ཨ་དེན་གེ་ ཨ་ཤི་རོག་ཤེ་ནེ་ལ་ རོ་ཀ་ཐོབ་ཐང་ ཐམས་ཅན་རང་ ཨ་ཧ་རི་ལེ་དག༌ཉི། 8ཉི་རོག་ ས་ཕང་ལ་ཁཱན་བ་ཀི་ ཙུང་ཉི་ཤེན་ཐཱན་ ཨུང་གེ་ཕིས་ཀ་བུ་ཉི་ གེམ་ཉི་ཀུན་ཏི་ཝ༌ལ།
9ཉི་ཨོམ་ ཨོ་ཉ་ཨུང་ག་ཡོན་ད་གི་ ཧང་ཨ་ལེ་ཡ་དག་ནེ་ལ་ རོག་ཨུན་ཐཱན་ རོ་ཀི་ ཨོ་ཉ་ས་ཕང་ལ་ཁཱན་བ་ ཐམས་ཅན་རང་ ཤེན་ཐཱན་ ཉི་རོ་ཀ་ཨུང་ བཱརའ་སོ་ངོ་བ་ཀ་ཏཱན་ ས་ཕང་ལ་ལེ་བི༌ལེ། 10ན་ཤི་ ཨོ་ཐ་གསུང་རབ་ མ་ལྷག་ཅི་སྨོ།
ལུང་བཟོ་བ་ཀི་ མ་ལེག་པ་ལ་ཨ་ཉི་ མ་ཚཱས་ཁཱན་ལུང་ཁེ་པ་ ཟུར་ལུང་ཁག་ཆི་ལུ་ཁེན་རང་རི༌ཝ། 11ཨུ་ཐུ་ཤོ་ གཙོ་བོ་གི་ མཛད་པ་ཨ་དེན་གེ་ ཨ་ཤི་གོད་པ་ཀབ་ཉི་ ཡིད་ཆི་ཝ་ག་ཅ་#12:11 མགུར་མ་ག་དཔེ་ཆ་ 118:22–23 དག་ཉི་
ཡི་ཤུ་གི་གསུངས་མ༌ལ།
12ཉི་རོག་ཏེ་བ་ཀི་ ཡི་ཤུ་ཙུང་མེ་ག་ མིག་པ་ཕི་ཝ༌ལ། ཧང་ཡ་དག་ནེ་ལ་ ཨོ་ཉ་དཔེ་གཏམ་ཁེ་པ་ རོག་ཏེ་བ་ཀ་ དམའ་ཕ་ཕི་ཉི་ གསུངས་མ་གི་ལ་དག་ཉི་ རོག་ཏེ་བ་ཀི་ སེ་ཝ༌ལ། དག་པ་ཀབ་ཉི་ རོག་ཏེ་བ་ སོ་ངོ་མང་ཀེ་ ཡོང་ཁེ་ཝ་ཨ་དེན་གེ་ རོག་ཐུབ་ཐཱན་ཐཱན་ དི་ཝ༌ལ༎
ཁྲལ་ཏབ་རིན་ཆོག་པེ་སྨོ་ མ་ཆོག་པ་ཡ་དག་ཉི་ ཞུ་ཝ༌ལ།
13དག་པ་ཀབ་ཉི་ རོག་ཏེ་བ་ཀི་ ཕ་རི་སི་པ་ཚེ་བང་དང་ ཧེ་རོ་དི་པ་དག་ཁཱན་ སོ་ངོ་བ་ ཡི་ཤུ་གི་གསུངས་མ་ཀབ་ཉི་ ཅོན་ལ་མེ་དེན་གེ་ ཀུན་ཏི་ཝ༌ལ། 14ཉི་རོག་ཏེ་བ་ཤེག་ཉི་ ཞུ་ཝ་ལ་ སློབ་དཔོན་ ནཱན་ཁེ་པ་དྲང་པུ་ཅ་ཨ་ཉི་ ཨ་ཤི་སེན༌ཅ། ནཱན་གི་ སོ་ངོ་ག་པ་ཏོང་དང་ གོ་སར་ག་གཟིགས་ཉི་ ཧང་རང་མ་གནང་མཱན་ དཀོན་མཆོག་ག་ཐུགས་དང་ཏུ་ཉི་ དེན་པ་ཤ་ ཡེན་གནང༌ལ། ཉི་ཨོམ་ ཨ་ཤི་དཔོན་ ཀའི་སར་ག་ ཁྲལ་བི་རིན་ཆོག་པེ་སྨོ། 15ཨ་ཤི་བི་སྨོ་མ་བི་ཡ་དག་ཉི་ ཞུ་ལ་ཀབ་ཉི་ རོག་ཏེ་བ་ཀི་ ཇི་སྐོར་ཕི་ལེ་ག་མིག་པ་ཕི་ཉི་ ཞུ་ཝ་ག་ ཡི་ཤུ་གི་མཁྱེན་ཉི་
ན་ཤི་ ཧང་ཨ་ཉི་ ཇ་ག་ཚེ་གོད་ཅ་ཡ། ཐ་ལ་ཐུར་ཕའི། ཉི་ཇི་གི་ ཐ་ལ་ག་གོད་པེ་དག་ཉི་ གསུངས་མ༌ལ། 16ཉི་རོག་ཏེ་བ་ཀི་ ཐ་ལ་ཐུར་ཕ་ཝ༌ལ། ཉི་རོ་ཀི་ ཐ་ལ་ག་ ཨི་བི་ག་པར་དང་ མིང་ལ་ཡ་དག་ཉི་ ཇི་མ་ཀབ་ཉི་ རོག་ཏེ་བ་ཀི་ དཔོན་ཀའི་སར་ག་ པར་དང་མིང་ལ་དག་ཉི་ ཞུ་ཝ༌ལ།
17ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ཀའི་སར་ག་གི་ནེ་ལ་ ཀའི་སར་ག་རང་བི། ཉི་དཀོན་མཆོག་ག་གི་ནེ་ལ་ དཀོན་མཆོག་ག་རང་ ཕུལ་ཤོ་དག༌ཉི།
ཉི་རོག་ཏེ་བ་ ཐམས་ཅན་རང་ ཡི་ཤུ་གི་གནང་མ་ག་ ལན་ག་གོད་ཉི་ ཡིད་ཆི་ཝ༌ལ༎
ཤི་ཝ་གེ་གསོན་པོ་ཨ་ཉི་ ཝུ་ཝ་ཀོར་གེ་ དྲི་ཝ་ཨ་ཝ༌ལ།
18ཉི་ཡ་ཧུ་དི་པ་ག་ ཆོས་ལུགས་ ས་དུ་ཀི་པ་དག་ཁཱན་བ་ཀི་ ཨ་ནེ་ལ་ ཤི་དེན་གེ་ གསོན་པོ་ཨ་ཉི་ ཝུ་ལེ་ག་མཱན་ཅ་དག་ཉི་ ཡེག་ཅ་གི་ཝ༌ལ། རོག་ཏེ་བ་ ཤེག་ཉི་ ཡི་ཤུ་ག་ཞུ་ཝ་ལ་ 19སློབ་དཔོན་ ཨ་ཏ་ག་ཝག་ཙ་མང་ཕེ་གོ་མ་ རོག་ཤི་ནེ་ལ་ རོ་ཀ་བོ་ཉིང་གི་ རོ་ཀ་མེ་ཝག་ཙ་ཀབ་ཉི་ གཉེན་ཕི་ཉི་ ཨ་ཏ་ག་མིང་ག་ ཝག་ཙ་སིང་མེ་ཁེ་ལེ་དག་ཉི་ མོ་ས་གི་ བཀའ་ཁྲིམས་ནང་ཀ་ འབྲི་བ༌ཅ། 20རོག་ཏེ་བོ་ཉིང་ཟུམ་ཆོ་ཝ༌ལ། ཉི་ཨ་ཏ་ཆི་ལུ་ཁེན་གི་ གཉེན་ཕི་ཉི་ ཝག་ཙ་མང་ཕེ་གོ་མ་ ཤི་ཝ༌ལ། 21ཉི་རོ་ཀ་ཕརའ་ཁེ་ཆོ་ཁཱན་གི་ ཨ་ཏ་ག་མེ་ཝག་ཙ་ཀབ་ཉི་ གཉེན་ཕི་ཉི་ ཉི་རོག་བུ་ ཝག་ཙ་མང་ཕེ་གོ་མ་ ཤི་ཝ༌ལ། ཉི་རོ་ཀ་ཕརའ་ཁེ་ཆོ་ཁཱན་བུ་ ཨུ་ཉུ་པུརུས་ཀིན་ཨ་ཉི་རང་ ཤི་ཝ༌ལ། 22ཉི་རོག་ཏེ་ བོ་ཉིང་ཟུམ་གི་རང་ གཉེན་ཕི་ཉི་ བོ་ཉིང་ཐུང་སི་ཁེན་ག་བུ་ ཝག་ཙ་མང་ཕ༌ལ། ཇུ་ཀ་དག་པ་ཀབ་ཉི་ ཨོ་ཉ་མེ་ཝག་ཙ་བུ་ཤི༌ཝ། 23རོག་ཏེ་ཟུམ་གི་རང་ གཉེན་ཕི་ཝ༌ལ། ཉི་ཨོམ་ གསོན་པོ་ཨ་ཉི་ ཝུ་ལེ་གང་ཀ་ཤོ་ ཨི་བི་ག་མེ་ཝག་ཙ་ཨ་ཉི་ ཆོ་ལེ་ཡ་དག་ཉི་ ཇི་མ་ཀབ༌ཉི་
24ཡི་ཤུ་གི་ ལན་གསུངས་མ་ལ་ ཨུ་ཐུ་ད་བུ་ཤོ་མང་གི། ན་ཧ་བ་ ངཱད༌ལ། ན་ཤི་གསུང་རབ་ཀོར་གེ་ མ་སེ་ཝ་ཐུང་ཀ་ དཀོན་མཆོག་ག་ ཤུགས་སྟོབས་ཀོར་གེ་བུ་ མ་སེ་ཝ༌ལ། 25ཧང་ཡ་དག་ནེ་ལ་ ཤི་ཝ་གེ་ལོག་ཉི་ ཝུ་ལེ་གང་ཀ་ གཉེན་ཕི་ལེ་ཨ་ཉི་མཱན༌ཅ། རོག་ཏེ་བ་ ཞིང་ཁམས་ག་འཐེན་པ་ད་བུ་ཐུར་རི་ཉི་ཆོ༌ལེ།
26ཤི་ཁཱན་བ་ཝུ་ཝ་ཀོར་གེ་ མོ་ས་ག་དཔེ་ཆ་ནང་ཀ་ བེན་ཀོང་གེ་ མི་དིར་ཁཱན་ཀོར་གེ་ མ་ལྷག་ཅི་སྨོ། ཨོ་ཉ་ནང་ཀ་ དཀོན་མཆོག་གི་ ཇང་ཤོ་ ཨ་བཱརའ་ཧམ་ག་ དཀོན་མཆོག། ཨི་སག་ག་ དཀོན་མཆོག། ཉི་ཡ་ཀུབ་ག་ དཀོན་མཆོག་གི་ལ་དག་ཉི་ གསུངས་མ༌ཅ། 27ཨོ་ཉེན་གསུངས་མེ་དེན་ཐ་ཤོ་ རོག་ཤོ་ ཤི་ཁཱན་བ་ཀ་ དཀོན་མཆོག་མང་གི་ཝ་ མ་ཤི་ཁཱན་བ་ཀ་ དཀོན་མཆོག་གི་ལ་ན། ན་ཧ་བ་ གནམ་མེད་ས་མེད་ ངཱད་ལ་དག་ཉི་ གསུངས་མ༌ལ༎
བཀའ་ཁྲིམས་ཁག་ཆི་ལུ་རང་།
28བཀའ་ཁྲིམས་ག་ སློབ་དཔོན་ཐུར་ཤེག་ཐཱན་ རོག་ཏེ་བ་ རྩོད་པ་ཕི་ཝ་ག་ ན་ཐ་ཝ༌ལ། ཉི་ཡི་ཤུ་གི་ རོག་ཏེ་བ་ཀ་ ལན་ལེག་པུ་གནང་མ་ཐོང་ཉི་ བཀའ་ཁྲིམས་ཁག་ཆི་ལུ་རང་ ཧང་གི་ལ་ཡ་དག་ཉི་ རོ་ཀི་ཞུ་ལ་ཀབ་ཉི་ 29ཡི་ཤུ་གི་ལན་གནང་མ་ལ་ ཐམས་ཅན་གེ་ ཁག་ཆི་ལུ་རང་ ཨུ་ཐུ་གི༌ལ། ཨིས་རེལ་ག་སོ་ངོ་བ་ ཉཱན༌ཅོ། གཙོ་བོ་ ཨ་ཧ་དཀོན་མཆོག་ཐུར་ཤ་ གཙོ་བོ་གི༌ལ། 30ཨོ་ཉི་ཨ་དེན་གེ་ ན་ཤི་དཀོན་མཆོག་ ཐིང་ལོམ་ནང་ཀེ་ཨ་ཉི་རང་ སྲོག་དང་སེམས་ ཉི་ཤུག་ཐམས་ཅན་གི་ཨ་ཉི་ ཕང་པེ་ཁེ༌ལེ། 31ཉི་ཨོམ་ཆང་རང་ ཨོ་ཐ་ཕརའ་ཁེ་བཀའ་ཁྲིམས་ ཁག་ཆི་ལུ་རང་ ཨུ་ཐུ་གི༌ལ། ནཱན་ནཱན་ཏེན་ ཧབ་ཏུར་ཕང་ཅ་གི་ལ་སྨོ་ བཱརའ་སོ་ངོ་བ་ཀ་བུ་ ཨོམ་ཏུར་རང་ ཕང་པེ་ཁེ༌ལེ། ཨུ་ཐུ་ཉིག་ཙིང་གེ་ལག་པ་ བཀའ་ཁྲིམས་ཁག་ཆི་ལུ་ ཧང་རང་མཱན་ཅ་དག་ཉི་ གསུངས་མ༌ལ།
32བཀའ་ཁྲིམས་ག་ སློབ་དཔོན་གི་ ཞུ་ཝ་ལ་ གསུང་དེན་ སློབ་དཔོན་ ནཱན་གི་ཕྲིག་ཀིན་ དཀོན་མཆོག་རོག་ཐུར་ཤ་གི༌ལ། བཱརའ་ཨི་བི་རང་མཱན་ཅ་དག་ཉི་ གསུངས༌མ། 33ཉི་དཀོན་མཆོག་ཁེ་པ་ ཐིང་ལོམ་ནང་ཀེ་ཤོ་ཉི་ ལེག་པ་ཨ་ཉི་ཧ་གོ་ཉི་ ཉི་རང་ག་ཁེ་ཀོ་ ཐམས་ཅན་གི་ཨ་ཉི་ ཕང་པེ་ཁེ༌ལེ། ཉི་ཨུ་ཉུ་མ་ཚཱད་པ་ ནོག་མིན་བ་ཀ་བུ་ རང་ཏེན་ཕང་པ་པུརུས་ཀིན་ཨ་ཉི་ ཕང་པེ་ཁེ༌ལེ། ཨུ་ཐུ་ཉིག་ཙིང་ཁེ་པ་ དམར་མཆོད་#12:33 དམར་མཆོད་དག་ཁཱན་ཤོ་ མི་ག་མཆོད་པ་གི༌ལ། དམར་མཆོད་ཕུལ་བ་ཀབ་ཉི་ སེམས་ཅན་རི་བུམ་ཨ་ཉི་ མི་ག་གོག༌ཅ། དག་པ་ཀབ་ཉི་ བཱརའ་མཆོད་པ་ཕུལ་བ་ཀབ་ཤོ་ སེམས་ཅན་རི་བུམ་ཨ་ཉི་ གོག་པེ་ཁེ་ལུ་མཱན༌ཅ།དང་ མཆོད་པ་ཕུལ་བ་གེ་ལག་པ་ ཁག་ཆི་ལུ་གི་ལ་ཨ་ཉི་ ཇི་གི་སེན་ཅ་དག་ཉི་ ཞུ་ཝ༌ལ།
34ཉི་རོ་ཀི་ ལན་ལེག་པུ་ཨ་ཉི་ཞུ་ཝ་ག་ ཡི་ཤུ་གི་མཁྱེན་ཉི་ ནཱན་དཀོན་མཆོག་ག་ རྒྱལ་སྲིད་གེ་ ལམ་རིང་མུ་མ་ལ་དག་ཉི་ རོ་ཀི་ རོ་ཀ་གསུངས་མ༌ལ། ཉི་ཨོ་ཉ་གེ་ག་ཏཱན་གི་ནེ་ལ་ ཨི་བི་གི་རང་ རོ་ཀ་དྲི་ཝ་ཨ་ལེ་ག་ ཕོ་མ་ཐོང་མ༌ལ༎
ཁིརིས་ཨི་བི་གི་ལ་ཡ།
35ཡི་ཤུ་གི་ མཆོད་ཁང་ནང་ཀ་ ཡེ་ཉི་གནང་མ་ཀབ་ཉི་ གསུངས་མ་ལ་ བཀའ་ཁྲིམས་ག་ སློབ་དཔོན་བ་ཀི་ ཁིརིས་ད་ཝུད་ག་རྒྱུད་པ་གི་ལ་དག་ཉི་ ཧང་ཏེ་ཉི་ ཡེག་པེ་རེ་ཅ་ཡ། 36ད་ཝུད་ རོག་ཏེན་གི་རང་ དམ་པའི་ཐུགས་ཉིད་ག་ཐུང་ཀེ་ཨ་ཉི་ ཡེག་པ༌ཅ་
གཙོ་བོ་གི་ ཇ་ག་གཙོ་བོ་ག་གསུངས་མ་ ཇི་གི་ ན་ག་དགྲ་བྱང་ཕིཤི་བ་ ན་ག་བི་ཕརའ་ཁ་ མ་ཙུག་པ་སག་པུ་ ནཱན་ཇ་ག་ལ་ཉོང་ལོ་ཀ་ ལང་ཤོ་#12:36 མགུར་མ་ག་དཔེ་ཆ་ 110:1 དག༌ཉི།
37ད་ཝུད་ རོག་ཏེན་གི་རང་ གཙོ་བོ་ཨ་ཉི་ཞུ་ལ་ཀབ་ཉི་ ཧང་ཏེན་ཉི་ རོག་ རོ་ཀ་རྒྱུད་པ་ ཨོ་ཕེ་རེ་བེ་ཡ་དག༌ཉི། ཉི་སོ་ངོ་མང་པུ་ཐུར་ རོ་ཀི་གསུངས་ཁཱན་ག་ ངལ་རངས་ཏོག་ཏོ་ཨ་ཉི་ ཉཱན་པ༌ལ༎
ཁམ་དང་ཁྲིམས།
38ཉི་ཨོམ་ཆང་རང་ རོ་ཀི་ཨོ་ཐེན་བུ་ གསུངས་མ་ལ་ མ་ཡོ་ཏེ་ཙི་ཡེ་ཉི་ ཁྲོམ་ག་དི་ལ་ཀབ་ཉི་ སོ་ངོ་བ་ཀི་ རོག་ཏེ་བ་ཀ་ཏཱན་ ཕྱག་ཏེ་འཚལ་དུ་ཨ་ཉི་ རེ་ཆ་ཨ་ཁཱན་ བཀའ་ཁྲིམས་ག་ སློབ་དཔོན་བ་ཀེ་ རིག་པ་སྒྲིམ༌ཅོ། 39རོག་ཏེ་བ་ཀི་ ཆོས་འཛོམས་ནང་ཀ་ཨ་ནེ་ལ་ རྐང་ཁྲི་ལེག་པུ་ཐུང་ཀ་ཤ་ ལང་མེ་གོད༌ཅ། ཉི་སྤྲོ་བ་ཙི་ཉི་ མཛར་ཅུམ་ཟ་ས་བཱརང་ཀ་ གུབ་ཀ་ཤ་ལང་མེ་གོད༌ཅ། 40ཉི་རོག་ཏེ་བ་ཀི་ ངི་ནང་ཁུ་ལེ་མ་ཝ་ ཇི་སྐོར་ཕི་ཉི་ མོ་རེན་མ་བ་ཀ་ ནོ་ཙང་བ་ཅོམ༌ཅ། ཉི་སོ་ངོ་བ་ཀ་གུབ་ཀ་ གེན་མེ་དེན་གེ་ སྨོན་ལམ་རིང་མུ་ཨ་ཉི་ ཏ་པ་ཅོད༌ཅ། རོག་ཏེ་བ་ཀི་ ཁྲིམས་གནམ་མེད་ས་མེད་ ཆི་ལུ་ཉོང་པེ་དག་ཉི་ གསུངས་མ༌ལ༎
མོ་རེན་མ་གི་ཕུལ་ཁཱན་སྙན་དར།
41ཉི་ཡི་ཤུ་མཆོད་ཁང་ག་ སྙན་དར་ཕུལ་ས་བཱརང་ཀ་བྱོན་ཉི་ སོ་ངོ་བ་ཀི་ ཏི་རུ་ཕུལ་བ་ག་ གཟིགས་པ༌ལ། བེ་དིང་སོ་ངོ་མང་པུ་ཐུར་གི་ ཏི་རུ་ཤ་མ་རེ་ཕུལ་བ༌ལ། 42ཉི་མོ་རེན་མ་ དུག་པུ་ཐུར་ཨུན་ཐཱན་ ཤི་ཀི་ཉིག་ཙིང་ཕུལ་བ༌ལ། དོམ་གེ་ཐ་ལ་ཐུར་རི་ཝ༌ལ།
43ཉི་ཡི་ཤུ་གི་ རོ་ཀ་སློ་མ་བ་རཱན་ཐཱན་ གསུངས་མ་ལ་ ཇི་གི་ ན་ཧ་ཐྲང་ཉི་ཡེག་པེ་ ཐ་སྙན་དར་ཕུལ་ཁཱན་བ་ཀ་པོང་ཀེ་ ཐམས་ཅན་གེ་མང་པུ་ ཨོ་ཐ་མོ་རེན་མ་ དུག་པུ་ཆོ་ཁཱན་གི་ཕུལ༌བ། 44ཧང་ཡ་དག་ནེ་ལ་ བཱརའ་ཐམས་ཅན་གི་ རོག་ཏེ་བ་ཀ་ཐེབ་ཆོ་ཁཱན་ ཏི་རུ་ཤ་ཕུལ༌བ། དག་པ་ཀབ་ཉི་ རོ་ཀི་ རོག་ཧབ་ཏུར་དུག་པུ་ ཆོན་ཐཱན་རང་གི་ནེ་བུ་ རོ་ཀ་ཚེ་ག་དེན་གེ་ ཧང་རང་མ་ཐ་ལཱན་ རོ་ཀ་ཤི་ཀི་ཉིག་ཙིང་ ཨ་ཝ་ཆོ་ཁཱན་བུ་ ཕུལ་བ་དག་ཉི་ གསུངས་མ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved