མར་ཀུས། 5
5
ཡི་ཤུ་གི་ རྣམ་ཤེས་མ་ཙང་མ་གི་ ནོད་ཁཱན་སོ་ངོ་ དྲག་ཉི་གནང་མ༌ལ།
1རོག་ཏེ་བ་ ཨོ་ཉ་མཚོ་གོག་ཉི་ ས་ཆ་གེ་ར་སེ་ནཱས་དག་ས་ག་ ཕེབས་པ༌ལ། 2ཉི་ཡི་ཤུ་ གྲུ་གེ་ཕིས་ཀ་ བྱོན་མ་ཐུར་ག་རང་ རྣམ་ཤེས་མ་ཙང་མ་གི་ ཙུང་ཁཱན་སོ་ངོ་ཐུར་ དི་ཁྲོ་གེ་ཤོན་ཨོ་ཕ་ ཁྲ་པ༌ལ། 3ལྕགས་ཐག་གི་བུ་ དོས་པེ་མར་བ་ཨ་དེན་གེ་ ཨི་བི་གི་རང་ རོག་ཆེང་ཉི་ཐ་ལེ་ མར་བ༌ལ། ཨོ་ཉ་སོ་ངོ་ཁེ་པ་ ཆོ་ལེ་བུ་ ཝང་ཕི་ཉི་ཐ་ཝ་ག་ དུར་ག་པོང་ཀ་ ཆོན་ཅ་གི་ཝ༌ལ། 4ཤེབ་མང་པུ་ཐུར་ ལྕགས་ཐག་གི་ཨ་ཉི་ རོ་ཀ་བི་ག་དང་ཐིག་ཉི་ ཐ་ཝ་ཆོ་ཝ་གི་ཝ༌ལ། དག་པ་ཀབ་ཉི་ ལྕགས་ཐག་བུ་ བཱརའ་ཏ་བོརོ་ཏོ་ཕུད་གེམ་ཉི་ རོག་ཙུང་མེ་རེ་ཁཱན་ ཤུག་ཆོ་ཝ་ག་སོ་ངོ་ ཨི་བི་རང་ མཱན་ཅ་གི་ཝ༌ལ། 5ཉི་ཨོ་ཉ་ སོ་ངོ་ལ་ ངམ་བི་ནང་མ་ཝ་ ཤ་དར་ཕི་ཉི་རང་ ཐོ་ལ་ཕུ་ཐུང་ཐུང་དང་ དི་ཁྲོ་ཁོན་དི་ཉི་ ལུང་ཚེ་བུ་ཨ་ཝ་གི་ རོག་རོག་ཏེན་གི་ ཅཱད་ཅ་གི་ཝ༌ལ།
6ཉི་རོ་ཀི་ ཡི་ཤུ་ ཐ་རིང་ས་གེ་ བྱོན་མ་ཐོང་མ་ཐུར་ག་རང་ ཇུག་ཉི་རང་དིན་ཐཱན་ རོ་ཀ་ཞབས་ར་ག་ ཕྱག་འཚལ་བ༌ལ། 7ཉི་ཀཱན་ཤུག་ཨ་ཉི་ ཡི་ཤུ་ག་ཞུ་ཝ་ལ་ ཞིང་ཁམས་ག་ དཀོན་མཆོག་ག་སྲས་ཡི་ཤུ་ ནཱན་ཇང་གེ་ ཧང་ཚཱས་པེ་ཡ། ནཱན་གི་ ཇང་ཁྲིམས་མ་ཀེ་བ་ཨ་ཉི་ དཀོན་མཆོག་ག་མཚན་ག་ ན་ཟའི་དག༌ཉི། 8ཧང་ཡ་དག་ནེ་ལ་ ཡི་ཤུ་གི་ རོ་ཀ་ དབའི་ རྣམ་ཤེས་མ་ཙང་མ་ ནཱན་ཨོ་ཐ་སོ་ངོ་གེ་ ཕིས་ཀ་ཤོན་ཨོ་དོ་དག་ཉི་ བཀའ་གནང་མ་ཆོ་ཝ༌ལ།
9ཉི་ཡི་ཤུ་གི་ ན་ག་མིང་ ཧང་ཡ་དག་ཉི་ ཇི་མ་ཀབ་ཉི་ ཇ་ག་མིང་ ཤ་མ་གི༌ལ། ཧང་ཡ་དག་ནེ་ལ་ ཨའི་མང་པུ་ཐུར་ཅ་དག་ཉི་ ཞུ་ཝ༌ལ། 10རོ་ཀི་ལ་སོ་སྐུ་ཆེ་ཨ་ཉི་ ཞུ་ཝ་ལ་ ཨའི་ཨོ་ཐ་ས་ཆ་གེ་ ཕིས་ཀ་མ་ཁོན་ཤོ་དག༌ཉི།
11ཉི་ལེ་ལ་ཕུ་ར་ག་ ཕག་པ་མང་པུ་ཐུར་ ལྟོ་ལམ་ཉི་ ཆོ་ཝ་ཅ་གི་ཝ༌ལ། 12ཉི་རོག་ཏེ་བ་ཀི་ ཞུ་ཝ་ལ་ ཨ་ཧ་བ་ ཨོ་ཉ་ཕག་པ་བ་ཀ་ པོང་ཀ་ཏཱན་ཁོན་ཉི་ ཨའི་ཕག་པ་ག་ནང་ཀ་ ནུ་ཕེ་གནང་ཤོ་དག༌ཉི། 13ཡི་ཤུ་གི་ བཀའ་དྲེ་པ་ཐུར་ག་རང་ རྣམ་ཤེས་མ་ཙང་མ་བ་ ཨོ་ཉ་སོ་ངོ་གེ་ ཕིས་ཀ་ཤོན་ཐཱན་ ཕག་པ་བ་ཀ་ནང་ཀ་ནུ་ཕ༌ལ། ཉི་ཕག་པ་ 2000 ཕང་ཆོ་ཁཱན་ ཐམས་ཅན་རང་ བཱརག་ཀེ་དོང་ ཝུར་ཉི་དི་ལ་ཀབ་ཉི་ མཚོ་ནང་ཀ་ཐི་མ༌ལ།
14ཉི་ཨོ་ཉ་ཕག་པ་དི་པ་བ་ ཇུག་ཉི་རང་དིན་ཐཱན་ ཁྲོམ་དང་དུང་ ཐམས་ཅན་རང་ཀོར་ཉི་ ཡི་ཤུ་གི་ ཧང་ད་བུ་ མཛད་ཉི་གནང་མ་གི་ལ་སྨོ་ ཨོ་ཉ་ཀོར་གེ་ སོ་ངོ་བ་ཀ་ ཡེག་པ༌ལ། ཉི་ཧང་ཇུང་མ་གི་ལ་སྨོ་ གོད་པེ་དེན་གེ་ སོ་ངོ་བ་ ཐམས་ཅན་རང་ ཤེག་པ༌ལ། 15ཉི་སོ་ངོ་བ་ ཡི་ཤུ་བཞུགས་ས་ག་ཤེག་ཉི་ གོད་པ་ཀབ་ཉི་ དོན་མང་པུ་གི་ ནོད་ཁཱན་སོ་ངོ་ཁེ་པ་ དྲཱན་མ་ཏག་ཉི་ ཁ་མུང་ཏེ་བུ་ཡེ་ཉི་ ཡི་ཤུ་ག་སྐུན་མདུན་ག་ལང་ཉི་ ཆོ་ཝ་ཐོང་མ་ཀབ་ཉི་ རོག་ཏེ་བ་ ཡོང་ཁེ་ཝ༌ལ། 16ཉི་རང་ཏེན་ག་ མིང་གི་ཐོང་ཁཱན་ སོ་ངོ་བ་ཀི་ དོན་གི་ནོད་ཁཱན་ སོ་ངོ་དང་ ཕག་པ་བ་ཀ་ ཧང་ད་བུ་ཇུང་མ་གི་ལ་སྨོ་ ཨོ་ཉ་ཀོར་གེ་ ཐམས་ཅན་རང་ བཱརའ་སོ་ངོ་བ་ཀ་ ཡེག་པ༌ལ། 17ཨ་ཧ་ས་ཆ་ཐུབ་ཐ་ཉི་ བྱོན་ཤོ་དག་ཉི་ ཨོ་ཉ་སོ་ངོ་བ་ཀི་ ཡི་ཤུ་ག་ཞུ་ཝ༌ལ།
18ཉི་ཡི་ཤུ་ གྲུ་ནང་ཀ་བྱོན་མ་ཀབ་ཉི་ ཨོ་ཉ་དོན་གི་ནོད་ཁཱན་ སོ་ངོ་གི་ ཇང་བུ་ ན་ག་ཕྱག་ཞུ་ཉི་དི་ལེ་དག་ཉི་ ཞུ་ཝ༌ལ། 19དག་པ་ཀབ་ཉི་ ཡི་ཤུ་གི་ རོ་ཀ་ཕྱག་ཞུ་ཉི་ ཨོ་ཕེ་ག་མ་གནང་མཱན་ རོ་ཀ་གསུངས་མ་ལ་ ལོག་ཉི་ན་ག་ཕའི་ག་ དིན་ཐཱན་ ནཱན་ཏེན་ག་སོ་ངོ་བ་ཀ་ གཙོ་བོ་ དཀོན་མཆོག་གི་ ན་ག་དེན་གེ་ སྐྱིད་སྡུག་གཟིགས་ཉི་ ཧང་ད་བུ་ མཛད་ཉི་གནང་མ་སྨོ་ ཨོ་ཉ་ཀོར་གེ་ ཡེག་ཅོ་དག༌ཉི། 20ཨོ་ཉ་སོ་ངོ་གི་ དྲེ་ཀ་པོ་ལིས་#5:20 གིརིག་ག་ལོ་གེ་ དྲེ་ཀ་པོ་ལིས་དག་ཁཱན་ཤོ་ ཁྲོམ་སེ་ག་ཡེག་ཅ་གི༌ལ།དག་ཁཱན་ ས་ཆ་ག་དི་ཉི་ ཡི་ཤུ་གི་ རོ་ཀ་དེན་གེ་ ཧང་ད་བུ་མཛད་ཉི་ གནང་མ་གི་ལ་སྨོ་ ཨོ་ཉ་ཀོར་གེ་ ཡེག་པེ་གོ་ཙུག་པ༌ལ། ཉི་སོ་ངོ་ ཐམས་ཅན་རང་ རོ་ཀ་ཆཱས་ཉཱད་ཉི་ ཡིད་ཆི་ཝ༌ལ༎
ཤི་ཁཱན་ཟ་མིན་དང་ མར་ཁཱན་མེ་ཝག་ཙ།
21ཉི་ཡི་ཤུ་ གྲུ་ནང་ཀ་བྱོན་ཉི་ ལོག་ཉི་རང་མཚོ་གེ་ཉི་ ཉ་ལོ་ཀ་མཚོ་ནབ་ཀ་ ཕེབས་པ་ཐུར་ག་རང་ སོ་ངོ་མང་པུ་ཐུར་ ཛོམ་ཉི་ཨོ་ཕ༌ལ། 22ཡ་ཧུ་དི་པ་ག་ ཆོས་འཛོམས་ག་ འགོ་དཔོན་ཡའི་རཱས་དག་ཁཱན་ ཡི་ཤུ་ག་ སྐུན་མདུན་ག་ཤེག་ཉི་ ཉི་རོ་ཀི་ ཡི་ཤུ་ མཇལ་བ་ཐུར་ག་རང་ རོག་རོག་ཏེན་གི་ ཡི་ཤུ་ག་ཞབས་ར་ག་ ཕྱག་འཚལ་ཐཱན་ 23ཉི་རོ་ཀི་ ཡི་ཤུ་ག་ ལ་སོ་སྐུ་ཆེ་ཨ་ཉི་ ཞུ་ཝ་ལ་ ཇ་ག་ཟ་མིན་ཟེ་མུ་ཁེ་པ་ གནམ་མེད་ས་མེད་ ཀ་ལུ་ཨ་ཉི་རང་ མར་བ༌ཅ། ནཱན་ད་སུར་བྱོན་ཐཱན་ རོག་མ་ཤི་ལེ་དེན་གེ་ ན་ག་ཕྱག་ཀི་ཨ་ཉི་ཐོབ་ཉི་ དྲག་ཉི་གནང་ཤོ་དག༌ཉི།
24ཉི་ཡི་ཤུ་ རོག་ཀབ་ཉི་ བྱོན་མ༌ལ། ཉི་བཱརའ་སོ་ངོ་མང་པུ་ཐུར་ ཡི་ཤུ་ག་ཚིང་ཁོན་ཉི་ ཉ་གེ་ཐ་གེ་རང་ཛོམ་ཉི་ སོ་ངོ་བ་ཀི་ པེད་ཉི་རང་ཕ་ཝ༌ལ། 25ཉི་ཨོ་ཉ་པོང་ཀ་ ཞི་ཤོ་ལུ་ཤོ་ས་རང་ ཉིང་སོང་ཉིག་ཙིང་དི་ཁཱན་ མེ་ཝག་ཙ་ཐུར་ཅ་གི་ཝ༌ལ། 26ཉི་རོག་དྲུང་འཚོ་ མང་པུ་ཐུར་ག་བཱརང་ཀ་ སྨན་བཅོས་ཕི་ལེ་དི་ཉི་ རོ་ཀ་ཆོ་ཁཱན་ ཐམས་ཅན་རང་ ཆུ་མ༌ལ། ཨོ་ཉེ་རང་གི་ནེ་བུ་ དྲག་པེ་མང་གི་ཝ་ ལག་ཏང་མང་པུ་མང་པུ་ ཤོ་ཝ་རིན་ཅ་གི་ཝ༌ལ། 27ཉི་རོ་ཀི་ ཡི་ཤུ་ཀོར་གེ་ ན་ཐ་ཝ་ཨ་དེན་གེ་ ཡི་ཤུ་ག་ ཚིང་ལོ་ཀ་ཆོ་ཁཱན་ སོ་ངོ་མང་ཀ་པོང་ཀེ་ ཤོ་ཉི་དིན་ཐཱན་ རོ་ཀ་ནམ་བཟའ་ཐོ་ཕ༌ལ། 28ཧང་ཡ་དག་ནེ་ལ་ རོ་ཀི་མི་ཝ་གི་ཝ༌ལ། ཇི་གི་ རོ་ཀ་ནམ་བཟའ་ ཐོ་ཕེ་ཉོང་ནེ་བུ་ དྲག་པེ་གི་ལ་དག༌ཉི། 29ཨོ་ཉ་ཐྲེ་ཀེ་རང་ ཞི་ཤོ་ལེ་ག་ནོར་ཉི་ ཁམས་སངས་ཀིན་རང་དྲག་པ་ག་ རོ་ཀི་སེ་ཝ༌ལ།
30ཡི་ཤུ་གི་ རོ་ཀ་ནང་ཀེ་ དབང་ཕིས་ཀ་ཤོ་ཉི་དི་ཝ་ག་ རོ་ཀི་མཁྱེན་ཉི་ རོ་ཀ་ཀོ་ལོ་ལོ་ཆོ་ཁཱན་ སོ་ངོ་བ་ཀ་ཏཱན་གིར་ཉི་ གཟིགས་ཐཱན་ གསུངས་མ་ལ་ ཇ་ག་ཁ་མུང་ ཨི་བི་གི་ ཐོ་ཕ་ཡ་དག༌ཉི།
31རོ་ཀ་སློ་མ་བ་ཀི་ ཞུ་ཝ་ལ་ ནཱན་གི་ མཁྱེན་མ་གེ་ལག་ཏང་མ༌ལ། ཨོ་ཐ་སོ་ངོ་བ་ཀི་ ན་ག་ར་ག་ཏེབ་ཉི་རང་ཕ་ན། ཨོ་ཉེ་རང་གི་ནེ་བུ་ ནཱན་གི་ ཇང་ཨི་བི་གི་ ཐོ་ཕ་ཡ་ཨ་ཉི་ གསུངས་ལ་དག༌ཉི།
32རོག་ཨི་བི་གི་ ཐོ་ཕ་གི་ལ་སྨོ་ གཟིགས་པེ་དེན་གེ་ རོ་ཀི་ ཨོ་ཉ་ཀོ་ལོ་ལོ་ གཟིགས་ཉི་རང་བཞུགས་པ༌ལ། 33ཉི་ཨོ་ཉ་མེ་ཝག་ཙ་གི་ རོ་ཀ་ཧང་ཇུང་མ་གི་ལ་སྨོ་སེ་ཉི་ ཡོང་ཁེ་ཝ་ཤུག་ཀི་ ཁང་ནེང་ནེང་ཨ་ཝ་ ཡི་ཤུ་ག་སྐུན་མདུན་ག་ཤེག་ཉི་ རོ་ཀ་ཞབས་ར་ག་ ཕྱག་ཕུལ་ཐཱན་ དེན་པ་ཐམས་ཅན་རང་ དང་སང་ཀིན་ཨ་ཉི་ ཞུ་ཝ༌ལ། 34ཟ་མིན་ ན་ག་དད་པ་གི་ ནཱན་དྲག་པ་ན། སྐྱིད་པུ་ཨ་ཉི་དི། ནཱན་ཏེན་ཏེན་རང་ དྲག་པ་དག་ཉི་ ཡི་ཤུ་གི་གསུངས་མ༌ལ།
35ཉི་རོ་ཀི་ ཨུ་ཐུ་གསུངས་ཉི་ བཞུགས་པེ་གང་ཀ་ ཆོས་འཛོམས་ག་འགོ་དཔོན་ ཡའི་རཱས་ག་ ཟ་མིན་ཤི་ཝ་དག་ཉི་ ཡེག་པེ་དེན་གེ་ ཨུ་ཁཱན་ཀང་ཐུང་པ་བ་ ཁྲ་པ༌ལ། ཉི་རོག་ཏེ་བ་ཀི་ ཡེག་པ་ལ་ ན་ག་ཟ་མིན་ཤིན་ཆུམ་དེན་གེ་ སློབ་དཔོན་རིག་བུ་ཉི་ ཧང་ཨ་ལེ་ཡ་དག༌ཉི།
36དག་པ་ཀབ་ཉི་ ཡི་ཤུ་གི་ རོག་ཏེ་བ་ཀ་ ཆཱས་སྙན་མ་གསེང་པཱན་ ཆོས་འཛོམས་ག་འགོ་དཔོན་ ཡའི་རཱས་ག་ གསུངས་མ་ལ་ དད་པ་ཐུར་ཤ་ དོ་རི་རི་ཨ་ཉི་ཀེ༌ཤོ། ཡོང་མ་ཁེ་ན་དག༌ཉི།
37ཉི་ཡི་ཤུ་གི་ རོ་ཀ་སློ་མ་ པ་ཏྲུས་དང་ཡ་ཀུབ་ ཉི་རོ་ཀ་བོ་ཉིང་ཡུ་ཧན་ན་ རོག་ཏེ་སམ་ཤ་ རོག་ཀབ་ཉི་ བསྣམས་པ་མ་ཏོག་པ་ བཱརའ་སོ་ངོ་ཐུར་རང་ མ་ཐོག་པ༌ལ། 38ཉི་རོག་ཏེ་བ་ ཆོས་འཛོམས་ག་འགོ་དཔོན་ ཡའི་རཱས་ག་ཕའི་ག་ཕེབས་ཉི་ གོད་པ་ཀབ་ཉི་ སོ་ངོ་བ་ ཟིང་པ་རི་ཉི་ གནམ་མེད་ས་མེད་ ཤ་དར་ཕི་ཉི་གེབ་ཉི་ ཆོ་ཝ་ག་གཟིགས་པ༌ལ། 39ཉི་ཡི་ཤུ་ནང་ཀ་བྱོན་ཐཱན་ གསུངས་མ་ལ་ ན་ཧ་བ་ ཧང་ཨ་ཝ་གི་ ཟིང་པ་ཡ། ཧང་ཨ་ཉི་གེབ་ཅ་ཡ། ཝག་ཙ་ཤི་ཝ་མང་གི་ཝ་ ཡིབ་ཉི་ མི་ནང་དི་ཝ་གི་ལ་དག༌ཉི།
40ཨུ་ཉུ་ད་བུ་ ན་ཐ་ལ་ཀབ་ཉི་ སོ་ངོ་བ་ཀི་ རོ་ཀ་གོད་ཉི་ ངར་བ༌ལ། ཉི་ཡི་ཤུ་གི་ བཱརའ་སོ་ངོ་བ་ ཕིས་ཀ་ཤོ་ལེ་བིན་ཐཱན་ ཤི་ཁཱན་ཝག་ཙ་ག་ ཨ་པ་དང་ཨ་མ་ ཉི་རོ་ཀ་ སློ་མ་སམ་བསྣམས་ཉི་ ཤི་ཁཱན་ཝག་ཙ་ག་ ཕུང་པུ་ར་ག་བྱོན་མ༌ལ། 41ཡི་ཤུ་གི་ ཤི་ཁཱན་ཝག་ཙ་ག་ ག་དང་ག་ཙུང་ཐཱན་ གསུངས་མ་ལ་ ཏ་ལི་ཐ་ཀུམ་དག༌ཉི། དེན་ཐ་ཤོ་ ཟ་མིན་ད་ཟ་ ཇི་གི་ ན་ག་ ག་ཝུའི་དག་ཉི་ཡེག༌ཅ། 42ཨོ་ཉ་ཐྲེ་ཀེ་རང་ ཤི་ཁཱན་ཝག་ཙ་ཁེ་པ་ དངོས་སུ་ཨ་ཉི་ག་ཝུན་ཐཱན་ དང་མེ་གོ་ཙུག་པ༌ལ། (རོག་ལོ་སྐོར་ཐུར་ཤ་ དི་ཝ་ཆོ་ཝ་གི་ཝ༌ལ།) ཉི་ཤི་ཁཱན་ཟ་མིན་ཁེ་པ་ དངོས་སུ་ཨ་ཉི་ལོག་ཉི་ ཝུ་ཝ་ཐོང་མ་ཀབ་ཉི་ རོག་ཏེ་བ་ ཐམས་ཅན་རང་ ཡིད་ཆི་ཝ༌ལ། 43ཉི་ཨོ་ཐ་ཀོར་གེ་ ཨི་བི་ག་རང་ མ་ཡེག་ཅོ་ན་དག་ཉི་ བཀའ་ན་སྒྲིང་སྒྲིང་ཨ་ཉི་གནང་ཐཱན་ ཝག་ཙ་ག་ ཧང་ཐུར་ ཟ་ལེ་བི་དག་ཉི་ གསུངས་མ༌ལ༎
Currently Selected:
མར་ཀུས། 5: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མར་ཀུས། 5
5
ཡི་ཤུ་གི་ རྣམ་ཤེས་མ་ཙང་མ་གི་ ནོད་ཁཱན་སོ་ངོ་ དྲག་ཉི་གནང་མ༌ལ།
1རོག་ཏེ་བ་ ཨོ་ཉ་མཚོ་གོག་ཉི་ ས་ཆ་གེ་ར་སེ་ནཱས་དག་ས་ག་ ཕེབས་པ༌ལ། 2ཉི་ཡི་ཤུ་ གྲུ་གེ་ཕིས་ཀ་ བྱོན་མ་ཐུར་ག་རང་ རྣམ་ཤེས་མ་ཙང་མ་གི་ ཙུང་ཁཱན་སོ་ངོ་ཐུར་ དི་ཁྲོ་གེ་ཤོན་ཨོ་ཕ་ ཁྲ་པ༌ལ། 3ལྕགས་ཐག་གི་བུ་ དོས་པེ་མར་བ་ཨ་དེན་གེ་ ཨི་བི་གི་རང་ རོག་ཆེང་ཉི་ཐ་ལེ་ མར་བ༌ལ། ཨོ་ཉ་སོ་ངོ་ཁེ་པ་ ཆོ་ལེ་བུ་ ཝང་ཕི་ཉི་ཐ་ཝ་ག་ དུར་ག་པོང་ཀ་ ཆོན་ཅ་གི་ཝ༌ལ། 4ཤེབ་མང་པུ་ཐུར་ ལྕགས་ཐག་གི་ཨ་ཉི་ རོ་ཀ་བི་ག་དང་ཐིག་ཉི་ ཐ་ཝ་ཆོ་ཝ་གི་ཝ༌ལ། དག་པ་ཀབ་ཉི་ ལྕགས་ཐག་བུ་ བཱརའ་ཏ་བོརོ་ཏོ་ཕུད་གེམ་ཉི་ རོག་ཙུང་མེ་རེ་ཁཱན་ ཤུག་ཆོ་ཝ་ག་སོ་ངོ་ ཨི་བི་རང་ མཱན་ཅ་གི་ཝ༌ལ། 5ཉི་ཨོ་ཉ་ སོ་ངོ་ལ་ ངམ་བི་ནང་མ་ཝ་ ཤ་དར་ཕི་ཉི་རང་ ཐོ་ལ་ཕུ་ཐུང་ཐུང་དང་ དི་ཁྲོ་ཁོན་དི་ཉི་ ལུང་ཚེ་བུ་ཨ་ཝ་གི་ རོག་རོག་ཏེན་གི་ ཅཱད་ཅ་གི་ཝ༌ལ།
6ཉི་རོ་ཀི་ ཡི་ཤུ་ ཐ་རིང་ས་གེ་ བྱོན་མ་ཐོང་མ་ཐུར་ག་རང་ ཇུག་ཉི་རང་དིན་ཐཱན་ རོ་ཀ་ཞབས་ར་ག་ ཕྱག་འཚལ་བ༌ལ། 7ཉི་ཀཱན་ཤུག་ཨ་ཉི་ ཡི་ཤུ་ག་ཞུ་ཝ་ལ་ ཞིང་ཁམས་ག་ དཀོན་མཆོག་ག་སྲས་ཡི་ཤུ་ ནཱན་ཇང་གེ་ ཧང་ཚཱས་པེ་ཡ། ནཱན་གི་ ཇང་ཁྲིམས་མ་ཀེ་བ་ཨ་ཉི་ དཀོན་མཆོག་ག་མཚན་ག་ ན་ཟའི་དག༌ཉི། 8ཧང་ཡ་དག་ནེ་ལ་ ཡི་ཤུ་གི་ རོ་ཀ་ དབའི་ རྣམ་ཤེས་མ་ཙང་མ་ ནཱན་ཨོ་ཐ་སོ་ངོ་གེ་ ཕིས་ཀ་ཤོན་ཨོ་དོ་དག་ཉི་ བཀའ་གནང་མ་ཆོ་ཝ༌ལ།
9ཉི་ཡི་ཤུ་གི་ ན་ག་མིང་ ཧང་ཡ་དག་ཉི་ ཇི་མ་ཀབ་ཉི་ ཇ་ག་མིང་ ཤ་མ་གི༌ལ། ཧང་ཡ་དག་ནེ་ལ་ ཨའི་མང་པུ་ཐུར་ཅ་དག་ཉི་ ཞུ་ཝ༌ལ། 10རོ་ཀི་ལ་སོ་སྐུ་ཆེ་ཨ་ཉི་ ཞུ་ཝ་ལ་ ཨའི་ཨོ་ཐ་ས་ཆ་གེ་ ཕིས་ཀ་མ་ཁོན་ཤོ་དག༌ཉི།
11ཉི་ལེ་ལ་ཕུ་ར་ག་ ཕག་པ་མང་པུ་ཐུར་ ལྟོ་ལམ་ཉི་ ཆོ་ཝ་ཅ་གི་ཝ༌ལ། 12ཉི་རོག་ཏེ་བ་ཀི་ ཞུ་ཝ་ལ་ ཨ་ཧ་བ་ ཨོ་ཉ་ཕག་པ་བ་ཀ་ པོང་ཀ་ཏཱན་ཁོན་ཉི་ ཨའི་ཕག་པ་ག་ནང་ཀ་ ནུ་ཕེ་གནང་ཤོ་དག༌ཉི། 13ཡི་ཤུ་གི་ བཀའ་དྲེ་པ་ཐུར་ག་རང་ རྣམ་ཤེས་མ་ཙང་མ་བ་ ཨོ་ཉ་སོ་ངོ་གེ་ ཕིས་ཀ་ཤོན་ཐཱན་ ཕག་པ་བ་ཀ་ནང་ཀ་ནུ་ཕ༌ལ། ཉི་ཕག་པ་ 2000 ཕང་ཆོ་ཁཱན་ ཐམས་ཅན་རང་ བཱརག་ཀེ་དོང་ ཝུར་ཉི་དི་ལ་ཀབ་ཉི་ མཚོ་ནང་ཀ་ཐི་མ༌ལ།
14ཉི་ཨོ་ཉ་ཕག་པ་དི་པ་བ་ ཇུག་ཉི་རང་དིན་ཐཱན་ ཁྲོམ་དང་དུང་ ཐམས་ཅན་རང་ཀོར་ཉི་ ཡི་ཤུ་གི་ ཧང་ད་བུ་ མཛད་ཉི་གནང་མ་གི་ལ་སྨོ་ ཨོ་ཉ་ཀོར་གེ་ སོ་ངོ་བ་ཀ་ ཡེག་པ༌ལ། ཉི་ཧང་ཇུང་མ་གི་ལ་སྨོ་ གོད་པེ་དེན་གེ་ སོ་ངོ་བ་ ཐམས་ཅན་རང་ ཤེག་པ༌ལ། 15ཉི་སོ་ངོ་བ་ ཡི་ཤུ་བཞུགས་ས་ག་ཤེག་ཉི་ གོད་པ་ཀབ་ཉི་ དོན་མང་པུ་གི་ ནོད་ཁཱན་སོ་ངོ་ཁེ་པ་ དྲཱན་མ་ཏག་ཉི་ ཁ་མུང་ཏེ་བུ་ཡེ་ཉི་ ཡི་ཤུ་ག་སྐུན་མདུན་ག་ལང་ཉི་ ཆོ་ཝ་ཐོང་མ་ཀབ་ཉི་ རོག་ཏེ་བ་ ཡོང་ཁེ་ཝ༌ལ། 16ཉི་རང་ཏེན་ག་ མིང་གི་ཐོང་ཁཱན་ སོ་ངོ་བ་ཀི་ དོན་གི་ནོད་ཁཱན་ སོ་ངོ་དང་ ཕག་པ་བ་ཀ་ ཧང་ད་བུ་ཇུང་མ་གི་ལ་སྨོ་ ཨོ་ཉ་ཀོར་གེ་ ཐམས་ཅན་རང་ བཱརའ་སོ་ངོ་བ་ཀ་ ཡེག་པ༌ལ། 17ཨ་ཧ་ས་ཆ་ཐུབ་ཐ་ཉི་ བྱོན་ཤོ་དག་ཉི་ ཨོ་ཉ་སོ་ངོ་བ་ཀི་ ཡི་ཤུ་ག་ཞུ་ཝ༌ལ།
18ཉི་ཡི་ཤུ་ གྲུ་ནང་ཀ་བྱོན་མ་ཀབ་ཉི་ ཨོ་ཉ་དོན་གི་ནོད་ཁཱན་ སོ་ངོ་གི་ ཇང་བུ་ ན་ག་ཕྱག་ཞུ་ཉི་དི་ལེ་དག་ཉི་ ཞུ་ཝ༌ལ། 19དག་པ་ཀབ་ཉི་ ཡི་ཤུ་གི་ རོ་ཀ་ཕྱག་ཞུ་ཉི་ ཨོ་ཕེ་ག་མ་གནང་མཱན་ རོ་ཀ་གསུངས་མ་ལ་ ལོག་ཉི་ན་ག་ཕའི་ག་ དིན་ཐཱན་ ནཱན་ཏེན་ག་སོ་ངོ་བ་ཀ་ གཙོ་བོ་ དཀོན་མཆོག་གི་ ན་ག་དེན་གེ་ སྐྱིད་སྡུག་གཟིགས་ཉི་ ཧང་ད་བུ་ མཛད་ཉི་གནང་མ་སྨོ་ ཨོ་ཉ་ཀོར་གེ་ ཡེག་ཅོ་དག༌ཉི། 20ཨོ་ཉ་སོ་ངོ་གི་ དྲེ་ཀ་པོ་ལིས་#5:20 གིརིག་ག་ལོ་གེ་ དྲེ་ཀ་པོ་ལིས་དག་ཁཱན་ཤོ་ ཁྲོམ་སེ་ག་ཡེག་ཅ་གི༌ལ།དག་ཁཱན་ ས་ཆ་ག་དི་ཉི་ ཡི་ཤུ་གི་ རོ་ཀ་དེན་གེ་ ཧང་ད་བུ་མཛད་ཉི་ གནང་མ་གི་ལ་སྨོ་ ཨོ་ཉ་ཀོར་གེ་ ཡེག་པེ་གོ་ཙུག་པ༌ལ། ཉི་སོ་ངོ་ ཐམས་ཅན་རང་ རོ་ཀ་ཆཱས་ཉཱད་ཉི་ ཡིད་ཆི་ཝ༌ལ༎
ཤི་ཁཱན་ཟ་མིན་དང་ མར་ཁཱན་མེ་ཝག་ཙ།
21ཉི་ཡི་ཤུ་ གྲུ་ནང་ཀ་བྱོན་ཉི་ ལོག་ཉི་རང་མཚོ་གེ་ཉི་ ཉ་ལོ་ཀ་མཚོ་ནབ་ཀ་ ཕེབས་པ་ཐུར་ག་རང་ སོ་ངོ་མང་པུ་ཐུར་ ཛོམ་ཉི་ཨོ་ཕ༌ལ། 22ཡ་ཧུ་དི་པ་ག་ ཆོས་འཛོམས་ག་ འགོ་དཔོན་ཡའི་རཱས་དག་ཁཱན་ ཡི་ཤུ་ག་ སྐུན་མདུན་ག་ཤེག་ཉི་ ཉི་རོ་ཀི་ ཡི་ཤུ་ མཇལ་བ་ཐུར་ག་རང་ རོག་རོག་ཏེན་གི་ ཡི་ཤུ་ག་ཞབས་ར་ག་ ཕྱག་འཚལ་ཐཱན་ 23ཉི་རོ་ཀི་ ཡི་ཤུ་ག་ ལ་སོ་སྐུ་ཆེ་ཨ་ཉི་ ཞུ་ཝ་ལ་ ཇ་ག་ཟ་མིན་ཟེ་མུ་ཁེ་པ་ གནམ་མེད་ས་མེད་ ཀ་ལུ་ཨ་ཉི་རང་ མར་བ༌ཅ། ནཱན་ད་སུར་བྱོན་ཐཱན་ རོག་མ་ཤི་ལེ་དེན་གེ་ ན་ག་ཕྱག་ཀི་ཨ་ཉི་ཐོབ་ཉི་ དྲག་ཉི་གནང་ཤོ་དག༌ཉི།
24ཉི་ཡི་ཤུ་ རོག་ཀབ་ཉི་ བྱོན་མ༌ལ། ཉི་བཱརའ་སོ་ངོ་མང་པུ་ཐུར་ ཡི་ཤུ་ག་ཚིང་ཁོན་ཉི་ ཉ་གེ་ཐ་གེ་རང་ཛོམ་ཉི་ སོ་ངོ་བ་ཀི་ པེད་ཉི་རང་ཕ་ཝ༌ལ། 25ཉི་ཨོ་ཉ་པོང་ཀ་ ཞི་ཤོ་ལུ་ཤོ་ས་རང་ ཉིང་སོང་ཉིག་ཙིང་དི་ཁཱན་ མེ་ཝག་ཙ་ཐུར་ཅ་གི་ཝ༌ལ། 26ཉི་རོག་དྲུང་འཚོ་ མང་པུ་ཐུར་ག་བཱརང་ཀ་ སྨན་བཅོས་ཕི་ལེ་དི་ཉི་ རོ་ཀ་ཆོ་ཁཱན་ ཐམས་ཅན་རང་ ཆུ་མ༌ལ། ཨོ་ཉེ་རང་གི་ནེ་བུ་ དྲག་པེ་མང་གི་ཝ་ ལག་ཏང་མང་པུ་མང་པུ་ ཤོ་ཝ་རིན་ཅ་གི་ཝ༌ལ། 27ཉི་རོ་ཀི་ ཡི་ཤུ་ཀོར་གེ་ ན་ཐ་ཝ་ཨ་དེན་གེ་ ཡི་ཤུ་ག་ ཚིང་ལོ་ཀ་ཆོ་ཁཱན་ སོ་ངོ་མང་ཀ་པོང་ཀེ་ ཤོ་ཉི་དིན་ཐཱན་ རོ་ཀ་ནམ་བཟའ་ཐོ་ཕ༌ལ། 28ཧང་ཡ་དག་ནེ་ལ་ རོ་ཀི་མི་ཝ་གི་ཝ༌ལ། ཇི་གི་ རོ་ཀ་ནམ་བཟའ་ ཐོ་ཕེ་ཉོང་ནེ་བུ་ དྲག་པེ་གི་ལ་དག༌ཉི། 29ཨོ་ཉ་ཐྲེ་ཀེ་རང་ ཞི་ཤོ་ལེ་ག་ནོར་ཉི་ ཁམས་སངས་ཀིན་རང་དྲག་པ་ག་ རོ་ཀི་སེ་ཝ༌ལ།
30ཡི་ཤུ་གི་ རོ་ཀ་ནང་ཀེ་ དབང་ཕིས་ཀ་ཤོ་ཉི་དི་ཝ་ག་ རོ་ཀི་མཁྱེན་ཉི་ རོ་ཀ་ཀོ་ལོ་ལོ་ཆོ་ཁཱན་ སོ་ངོ་བ་ཀ་ཏཱན་གིར་ཉི་ གཟིགས་ཐཱན་ གསུངས་མ་ལ་ ཇ་ག་ཁ་མུང་ ཨི་བི་གི་ ཐོ་ཕ་ཡ་དག༌ཉི།
31རོ་ཀ་སློ་མ་བ་ཀི་ ཞུ་ཝ་ལ་ ནཱན་གི་ མཁྱེན་མ་གེ་ལག་ཏང་མ༌ལ། ཨོ་ཐ་སོ་ངོ་བ་ཀི་ ན་ག་ར་ག་ཏེབ་ཉི་རང་ཕ་ན། ཨོ་ཉེ་རང་གི་ནེ་བུ་ ནཱན་གི་ ཇང་ཨི་བི་གི་ ཐོ་ཕ་ཡ་ཨ་ཉི་ གསུངས་ལ་དག༌ཉི།
32རོག་ཨི་བི་གི་ ཐོ་ཕ་གི་ལ་སྨོ་ གཟིགས་པེ་དེན་གེ་ རོ་ཀི་ ཨོ་ཉ་ཀོ་ལོ་ལོ་ གཟིགས་ཉི་རང་བཞུགས་པ༌ལ། 33ཉི་ཨོ་ཉ་མེ་ཝག་ཙ་གི་ རོ་ཀ་ཧང་ཇུང་མ་གི་ལ་སྨོ་སེ་ཉི་ ཡོང་ཁེ་ཝ་ཤུག་ཀི་ ཁང་ནེང་ནེང་ཨ་ཝ་ ཡི་ཤུ་ག་སྐུན་མདུན་ག་ཤེག་ཉི་ རོ་ཀ་ཞབས་ར་ག་ ཕྱག་ཕུལ་ཐཱན་ དེན་པ་ཐམས་ཅན་རང་ དང་སང་ཀིན་ཨ་ཉི་ ཞུ་ཝ༌ལ། 34ཟ་མིན་ ན་ག་དད་པ་གི་ ནཱན་དྲག་པ་ན། སྐྱིད་པུ་ཨ་ཉི་དི། ནཱན་ཏེན་ཏེན་རང་ དྲག་པ་དག་ཉི་ ཡི་ཤུ་གི་གསུངས་མ༌ལ།
35ཉི་རོ་ཀི་ ཨུ་ཐུ་གསུངས་ཉི་ བཞུགས་པེ་གང་ཀ་ ཆོས་འཛོམས་ག་འགོ་དཔོན་ ཡའི་རཱས་ག་ ཟ་མིན་ཤི་ཝ་དག་ཉི་ ཡེག་པེ་དེན་གེ་ ཨུ་ཁཱན་ཀང་ཐུང་པ་བ་ ཁྲ་པ༌ལ། ཉི་རོག་ཏེ་བ་ཀི་ ཡེག་པ་ལ་ ན་ག་ཟ་མིན་ཤིན་ཆུམ་དེན་གེ་ སློབ་དཔོན་རིག་བུ་ཉི་ ཧང་ཨ་ལེ་ཡ་དག༌ཉི།
36དག་པ་ཀབ་ཉི་ ཡི་ཤུ་གི་ རོག་ཏེ་བ་ཀ་ ཆཱས་སྙན་མ་གསེང་པཱན་ ཆོས་འཛོམས་ག་འགོ་དཔོན་ ཡའི་རཱས་ག་ གསུངས་མ་ལ་ དད་པ་ཐུར་ཤ་ དོ་རི་རི་ཨ་ཉི་ཀེ༌ཤོ། ཡོང་མ་ཁེ་ན་དག༌ཉི།
37ཉི་ཡི་ཤུ་གི་ རོ་ཀ་སློ་མ་ པ་ཏྲུས་དང་ཡ་ཀུབ་ ཉི་རོ་ཀ་བོ་ཉིང་ཡུ་ཧན་ན་ རོག་ཏེ་སམ་ཤ་ རོག་ཀབ་ཉི་ བསྣམས་པ་མ་ཏོག་པ་ བཱརའ་སོ་ངོ་ཐུར་རང་ མ་ཐོག་པ༌ལ། 38ཉི་རོག་ཏེ་བ་ ཆོས་འཛོམས་ག་འགོ་དཔོན་ ཡའི་རཱས་ག་ཕའི་ག་ཕེབས་ཉི་ གོད་པ་ཀབ་ཉི་ སོ་ངོ་བ་ ཟིང་པ་རི་ཉི་ གནམ་མེད་ས་མེད་ ཤ་དར་ཕི་ཉི་གེབ་ཉི་ ཆོ་ཝ་ག་གཟིགས་པ༌ལ། 39ཉི་ཡི་ཤུ་ནང་ཀ་བྱོན་ཐཱན་ གསུངས་མ་ལ་ ན་ཧ་བ་ ཧང་ཨ་ཝ་གི་ ཟིང་པ་ཡ། ཧང་ཨ་ཉི་གེབ་ཅ་ཡ། ཝག་ཙ་ཤི་ཝ་མང་གི་ཝ་ ཡིབ་ཉི་ མི་ནང་དི་ཝ་གི་ལ་དག༌ཉི།
40ཨུ་ཉུ་ད་བུ་ ན་ཐ་ལ་ཀབ་ཉི་ སོ་ངོ་བ་ཀི་ རོ་ཀ་གོད་ཉི་ ངར་བ༌ལ། ཉི་ཡི་ཤུ་གི་ བཱརའ་སོ་ངོ་བ་ ཕིས་ཀ་ཤོ་ལེ་བིན་ཐཱན་ ཤི་ཁཱན་ཝག་ཙ་ག་ ཨ་པ་དང་ཨ་མ་ ཉི་རོ་ཀ་ སློ་མ་སམ་བསྣམས་ཉི་ ཤི་ཁཱན་ཝག་ཙ་ག་ ཕུང་པུ་ར་ག་བྱོན་མ༌ལ། 41ཡི་ཤུ་གི་ ཤི་ཁཱན་ཝག་ཙ་ག་ ག་དང་ག་ཙུང་ཐཱན་ གསུངས་མ་ལ་ ཏ་ལི་ཐ་ཀུམ་དག༌ཉི། དེན་ཐ་ཤོ་ ཟ་མིན་ད་ཟ་ ཇི་གི་ ན་ག་ ག་ཝུའི་དག་ཉི་ཡེག༌ཅ། 42ཨོ་ཉ་ཐྲེ་ཀེ་རང་ ཤི་ཁཱན་ཝག་ཙ་ཁེ་པ་ དངོས་སུ་ཨ་ཉི་ག་ཝུན་ཐཱན་ དང་མེ་གོ་ཙུག་པ༌ལ། (རོག་ལོ་སྐོར་ཐུར་ཤ་ དི་ཝ་ཆོ་ཝ་གི་ཝ༌ལ།) ཉི་ཤི་ཁཱན་ཟ་མིན་ཁེ་པ་ དངོས་སུ་ཨ་ཉི་ལོག་ཉི་ ཝུ་ཝ་ཐོང་མ་ཀབ་ཉི་ རོག་ཏེ་བ་ ཐམས་ཅན་རང་ ཡིད་ཆི་ཝ༌ལ། 43ཉི་ཨོ་ཐ་ཀོར་གེ་ ཨི་བི་ག་རང་ མ་ཡེག་ཅོ་ན་དག་ཉི་ བཀའ་ན་སྒྲིང་སྒྲིང་ཨ་ཉི་གནང་ཐཱན་ ཝག་ཙ་ག་ ཧང་ཐུར་ ཟ་ལེ་བི་དག་ཉི་ གསུངས་མ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved