མར་ཀུས། 6
6
ཡི་ཤུ་ནཱས་རཱད་ག་ མ་ཞུ་ཝ༌ལ།
1ཉི་ཨོ་ཉ་གེ་ ཡི་ཤུ་ རོ་ཀ་སློ་མ་བ་ཀབ་ཉི་བྱོན་ཉི་ རོག་ཏེན་ག་དུང་ག་ ཕེབས་པ༌ལ། 2ཡ་ཧུ་དི་པ་ དུས་བཟང་ག་ནོང་ཀ་ ཡི་ཤུ་ རོག་ཏེ་བ་ཀ་ ཆོས་འཛོམས་ནང་ཀ་བྱོན་ཐཱན་ ཡེན་གནང་མེ་ གོ་ཙུག་པ༌ལ། རོ་ཀི་ཡེ་ཝ་ག་གོད་ཉི་ སོ་ངོ་བ་ ཐམས་ཅན་རང་ ཡིད་ཆི་ཉི་ ཨོ་ཐ་སོ་ངོ་གི་ ཨོ་ཐ་བ་ ཨོ་གེ་ཉོང་པ་ཡ། ཨུ་ཐུ་ད་བུ་རིག་པ་ རོ་ཀ་ཧང་ཏེན་གནང་མ་གི་ས། ཉི་ཨོ་ཐ་སོ་ངོ་གི་ རྫུ་འཕྲུལ་ཧང་ཏེན་ གེན་མེ་རེ་ཅ་ཡ། 3ཧང་རོག་ མ་རི་ཡམ་ག་ཟ་ ཡ་ཀུབ་དང་ཡོ་སེཕ་ ཉི་ཡ་ཧུ་ད་དང་ སི་མོན་ག་ཨ་ཏ་ ཤིང་བཟོ་པ་མང་གི་སྨོ། རོ་ཀ་ཟི་ག་བ་ ཨོ་ཐ་ ཨ་ཧ་པོང་ཀ་ མཱན་ཅ་སྨོ་དག་ཉི་ཡེག་ཉི་ རོག་ཏེ་བ་ཀི་ ཡི་ཤུ་ག་ ཁ་ཏང་མ༌ལ།
4ཡི་ཤུ་གི་གསུངས་མ་ལ་ ལུང་བསྟན་པ་ཤོ་ རོག་ཏེན་ག་ དུང་ག་སོ་ངོ་བ་ཀི་དང་ ཉེ་ཝ་ཐུང་མ་བ་ཀི་ ཉི་རོག་ཏེན་ག་ ཡུང་ཟི་བ་ཀི་ མ་ཙི་ཝ་མ་ཏོག་པ་ བཱརའ་ཨོ་ག་རང་གི་ནེ་བུ་ ཙིན་ཅ་དག༌ཉི། 5ཉི་རོ་ཀ་ ཕྱག་ཀི་ཨ་ཉི་ཐོབ་ཉི་ ནཱད་པ་ཉུང་པུ་ཐུར་དྲག་ཉི་ གནང་མ་མ་ཏོག་པ་ རྫུ་འཕྲུལ་གནམ་མེད་ས་མེད་ ཆི་ལུ་གེན་ཉི་ ཕྱག་ལཱ་གནང་མེ་ མར་བ༌ལ། 6རོག་ཏེ་བ་ཀི་ དད་པ་མ་ཨ་ཝ་ཨ་དེན་གེ་ ཡི་ཤུ་གནམ་མེད་ས་མེད་ ཡིད་ཆི་ཝ༌ལ༎
ཡི་ཤུ་གི་ སློ་མ་སོང་ཉིག་ཙིང་ ཀུན་ཏི་ཝ༌ལ།
7ཉི་རོག་དུང་ཁོན་ སོ་ངོ་བ་ཀ་ ཡེ་ཉི་རང་བྱོན་མ༌ལ། ཉི་རོ་ཀི་ རོ་ཀ་སློ་མ་སོང་ཉིག་ཙིང་ ཏབ་ཐུར་རཱན་ཐཱན་ རྣམ་ཤེས་མ་ཙང་མ་བ་ ཁོན་མེ་ག་ དབང་ཚད་གནང་ཐཱན་ རོག་ཏེ་ཉིག་ཙིང་རེ་ ཉིག་ཙིང་རེ་ཨ་ཉི་ ཀུན་ཏི་ཝ༌ལ། 8ཉི་རོ་ཀི་ རོག་ཏེ་བ་ཀ་ གསུངས་མ་ལ་ ལམ་ཁོན་ཏོག་པེ་དེན་གེ་ ཏོ་ཀང་ཐུར་ཤ་ བུ་རིན་ཆོག༌པེ། ཡེ་ནང་དང་དོ་ཕ་ཙ་ ཉི་ན་ཧ་པ་ཀོ་ནང་ཀ་ ཏི་རུ་ཨོ་ཉ་བ་ ཧང་རང་བུ་རིན་མ་ཆོག༌པ། 9ཉི་བི་ག་བི་དར་ ཙུག་རིན་ཆོག༌པེ། དག་པ་ཀབ་ཉི་ བཱརའ་ཁ་མུང་སོར་ནང་ ཧང་རང་མ་བུའི་ན།
10ཉི་ན་ཧ་བ་ ཨི་བི་ག་ཕའི་ག་ ཤི་མིན་ཨ་ཉི་ ཆོན་ཅ་གི་ལ་སྨོ་ ཨུ་ཉུ་དུང་ཐུབ་ཐ་ཉི་ མ་དི་ཝ་སག་པུ་ ཨོ་ཉ་ག་རང་ཆོའི། 11ཉི་ས་ཆ་ཐུར་ཕང་ག་ ན་ཧ་བ་ མ་ཐོག་པཱན་ ན་ཤི་ཡེག་པ་ཀབ་ཉི་ མ་ཉཱན་ནེ་ལ་ རོག་ཏེ་བ་ཀི་ ན་ཧ་བ་ མ་ཐོག་ཅི་དག་ཉི་ འཛོམས་དཔང་ཨ་ལེ་དེན་གེ་ ན་ཧ་བི་ག་ཕརའ་ཁ་ ཕུར་ཙི་ཁཱན་ཐཱན་ཤ་ དི་ན་དག་ཉི་ ཡི་ཤུ་གི་གསུངས་མ༌ལ།
12ཉི་རོག་ཏེ་བ་ དིན་ཐཱན་ དཀོན་མཆོག་ག་ གསུང་བཤད་ཉི་ སོ་ངོ་བ་ སྡིག་པ་གེ་ལོག་པེ་ཁེ་ལེ་དག་ཉི་ གསུངས་མ༌ལ། 13ཉི་རོག་ཏེ་བ་ཀི་ དོན་མང་པུ་ཐུར་ ཤོན་གེ་མ་མ་ཚཱད་པ་ སི་སོག་ཉི་ནཱད་པ་བུ་ མང་པུ་ཐུར་ དྲག་ཉི་གནང་མ༌ལ༎
ཁྲུས་གསོར་པ་ཡུ་ཧན་ན་ གཤགས་པ༌ལ།
14ཉི་ཨོ་ཉ་ཀོར་གེ་ དཔོན་ཧེ་རོད་གི་ ན་ཐ་ཝ༌ལ། ཧང་ཡ་དག་ནེ་ལ་ ཡི་ཤུ་ག་མཚན་ ན་མ་ཐ་ཁཱན་ ཨི་བི་རང་མཱན་ཅ་གི་ཝ༌ལ། ཉི་ཚེ་བང་གི་ཨ་ནེ་ལ་ ཁྲུས་གསོར་པ་ཡུ་ཧན་ན་ བཤགས་པ་གེ་ལོག་ཉི་ བཞེངས་པ་གི་ཝ༌ལ། ཨོ་ཉི་ཨ་དེན་གེ་ རོ་ཀ་དབང་གི་ཨ་ཉི་ ཡི་ཤུ་གི་ ཡིད་ཆི་ཝ་ག་ཕྱག་ལཱ་བ་ གནང་ལ་དག་ཉི་ ཡེག་ཅ་གི་ཝ༌ལ། 15ཉི་ཚེ་བང་གི་ཨ་ནེ་ལ་ རོག་ཤོ་ ཨེ་ལི་ཡ་གི་ཝ་ལ་དག་ཉི་ ཡེག་ཅ་གི་ཝ༌ལ། ཚེ་བང་གི་ཨ་ནེ་ལ་ དང་པོ་ག་ལུང་བསྟན་པ་ པུརུས་ཀིན་ཨ་ཉི་ རོག་བུ་ ལུང་བསྟན་པ་ཐུར་ གི་ཝ་ལ་དག་ཉི་ ཡེག་ཅ་གི་ཝ༌ལ།
16ཉི་དཔོན་ཧེ་རོད་གི་ ཨོ་ཉ་ཀོར་གེ་ ན་ཐ་ལ་ཀབ་ཉི་ ཇི་གི་ཤ་རང་ཅཱད་ཉི་ བཀྲོངས་ཁཱན་ཡུ་ཧན་ན་ ལོག་ཉི་བཞེངས་པ་གི་ཝ་ལ་དག་ཉི་ གསུངས་མ༌ལ།
17ཧེ་རོ་དི་ཡཱས་ག་ཡོར་ཀེ་ ཧེ་རོད་གི་ ཡུ་ཧན་ན་ཙུང་ཤོ་དག་ཉི་ བཀའ་གནང་ཉི་ ཙུང་ཐཱན་བཙོན་ག་ ཙུག་པ་གི་ཝ༌ལ། ཧང་ཡ་དག་ནེ་ལ་ ཧེ་རོད་གི་ རོ་ཀ་བོ་ཉིང་ཕི་ལིབ་ག་ མེ་ཝག་ཙ་ ཧེ་རོ་དི་ཡཱས་ཀབ་ཉི་ གཉེན་ཕི་ཝ་ཆོ་ཝ་གི་ཝ༌ལ། 18ཡུ་ཧན་ན་གི་ ཧེ་རོད་ག་ གསུངས་མ་ཆོ་ཝ་ལ་ ན་ག་བོ་ཉིང་ག་ མེ་ཝག་ཙ་ཀབ་ཉི་ གཉེན་ཕི་རིན་ མ་ཆོག་པ་དག༌ཉི། 19ཨོ་ཉི་ཨ་དེན་གེ་ ཧེ་རོ་དི་ཡཱས་ རོ་ཙིག་ཉི་ ཧིང་འགྲམ་ཐ་ཉི་ ཡུ་ཧན་ན་བཀྲོངས་མེ་དག་ཉི་ མི་ཝ༌ལ། དག་པ་ཀབ་ཉི་ ཧེ་རོད་གི་ ཡུ་ཧན་ན་ག་ རྒྱབ་ཨ་ཝ་ཨ་དེན་གེ་ རོ་ཀི་ བཀྲོངས་མེ་མར་བ༌ལ། 20ཡུ་ཧན་ན་ཤོ་ སོ་ངོ་དྲང་པུ་དང་ དམ་པ་ཆོ་ཁཱན་གི་ཝ་ཨ་དེན་གེ་ ཧེ་རོད་ རོ་ཀེ་ཡོང་ཁེན་ཅ་གི་ཝ༌ལ། ཨོ་ཉི་ཨ་དེན་གེ་ ཡུ་ཧན་ན་ཤོ་ དཔོན་ཧེ་རོད་གི་ རྒྱབ་ཨ་ཉི་ ཅོན་མེ་མ་བི་ལཱན་ ཐ་ཝ༌ལ། ཡུ་ཧན་ན་གི་ གསུངས་མ་ག་ཉཱན་ཅ་ཨ་ཉི་ རོག་གནམ་མེད་ས་མེད་ ངང་པེ་ཨོ་ཕ༌ལ། ཨོ་ཉེ་རང་གི་ནེ་བུ་ ཉཱན་པེ་ལམ་ཅ་གི་ཝ༌ལ།
21ཉི་ནོང་ཐུར་ དཔོན་ཧེ་རོད་གི་ རོ་ཀ་འཁྲུངས་མ་ག་ནོང་ བརྩི་སྲུང་ཨ་ཉི་ རོ་ཀ་ཕརའ་ཁེ་ཆོ་ཁཱན་ བློན་པོ་དང་དམག་མི་ག་ འགོ་དཔོན་ཆི་ལུ་བ་ ཉི་ཨོམ་ཆང་རང་ ག་ལིལ་ག་ སོ་ངོ་ཆི་ལུ་བ་ཀ་ མཛར་ཅུམ་བི་ཉི་ སྤྲོ་བ་ཙི་ལེ་གང་ཀ་ ཧེ་རོ་དི་ཡཱས་གི་ ཡུ་ཧན་ན་ བཀྲོངས་མེ་ མིག་པ་ཉོང་པ༌ལ། 22ཨུ་ཉུ་གང་ཀ་ ཧེ་རོ་དི་ཡཱས་ག་ ཟ་མིན་ཤེག་ཉི་ ངང་བོརོ་ཇོང་མ་ཀབ་ཉི་ ཧེ་རོད་དང་ རོ་ཀ་ཤི་མིན་བ་བུ་ གནམ་མེད་ས་མེད་ ཤོ་ནང་ཕེ་ཝ་ཨ་དེན་གེ་ རོ་ཀི་ཟ་མིན་ག་ གསུངས་མ་ལ་ ནཱན་ཧང་ཚཱས་པ་ཐུར་ ཇ་ག་ཡེག་ཅོ་ ཉི་ཇི་གི་ ན་ག་བི༌ལེ། 23ཉི་ནཱན་གི་ ཇང་གེ་ ཧང་ཚཱས་པ་ཐུར་ཕུན༌ཤོ། ཇ་ག་རྒྱལ་སྲིད་ཆང་ ཚེ་བང་ཐུར་ བི་ལེ་རེ་བེ་དག་ཉི་ རོ་ཀི་ན་ཟ་ཝ༌ལ།
24ཉི་རོག་ཕིས་ཀ་དིན་ཐཱན་ ཇི་གི་ཧང་ཕུན་ཤོ་ཡ་དག་ཉི་ རོ་ཀ་ཨ་མ་ག་ ཇི་མ་ཀབ་ཉི་
རོ་ཀ་ཨ་མ་གི་ ཡེག་པ་ལ་ ཁྲུས་གསོར་པ་ ཡུ་ཧན་ན་ག་ཤ་རང་ ཕུན་ཤོ་དག༌ཉི།
25ཉི་རོག་ ཨོ་ཉ་ཐྲེ་ཀེ་རང་ ཇུག་ཉི་རང་ལོག་ཐཱན་ དཔོན་ག་ཞུ་ཝ་ལ་ ཁྲུས་གསོར་པ་ ཡུ་ཧན་ན་ག་ ཤ་རང་ཅཱད་ཐཱན་ དེར་མ་ཐུང་ཀ་ཀེ་ཉི་ ཨོ་མ་རང་ཚཱས་པེ་དག༌ཉི།
26ཉི་ཨུ་ཉུ་ད་བུ་ ན་ཐ་ལ་ཀབ་ཉི་ དཔོན་ གནམ་མེད་ས་མེད་ ཐུགས་དོག་པ༌ལ། དག་པ་ཀབ་ཉི་ རོ་ཀི་གསུངས་ཁཱན་ ཆཱས་ཁེ་པ་ ཤི་མིན་བ་ཀ་གུབ་ཀ་ ནཱན་གི་ ཧང་ཕུན་མ་ཐུར་ བི་ལེ་དག་ཉི་ ཁ་ཙི་ཐ་ཝ་ཨ་དེན་གེ་ རོ་ཀི་ མ་བི་ལ་དག་ཉི་ གསུངས་མེ་མར་བ༌ལ། 27དཔོན་གི་ ཨོ་ཉ་ཐྲེ་ཀེ་རང་ རོ་ཀ་སྐུ་སྲུང་དམག་མི་ག་ ཡུ་ཧན་ན་ག་ ཤ་རང་ཅཱད་ཉི་ཕའི་དག་ཉི་ བཀའ་གནང་ཐཱན་ ཀུན་ཏི་ཝ༌ལ། ཉི་རོ་ཀི་ བཙོན་ཁང་ག་དིན་ཐཱན་ ཡུ་ཧན་ན་ག་ ཤ་རང་ཅཱད་པ༌ལ། 28ཉི་ཡུ་ཧན་ན་ག་ཤ་རང་ དེར་མ་ཐུང་ཀ་ཀེ་ཉི་ཕཱན་ཐཱན་ ཨོ་ཉ་ཟ་མིན་ག་བི་ཉི་ ཉི་རོ་ཀི་ རོ་ཀ་ཨ་མ་ག་ བི་ཝ༌ལ། 29ཉི་ཡུ་ཧན་ན་ག་ སློ་མ་བ་ཀི་ ན་ཐ་ཝ་ཐུར་ག་རང་ དི་ཉི་ རོ་ཀ་སྐུ་ཕུང་ཕཱན་ཐཱན་ དུར་ནང་ཀ་ཙུག་པ༌ལ༎
ཡི་ཤུ་གི་ 5000 ག་ ལྟོ་གནང་མ༌ལ།
30ཉི་ཡི་ཤུ་ག་སྐུ་ཚབ་བ་ཀི་ ཡི་ཤུ་ག་སྐུན་མདུན་ག་ དིན་ཐཱན་ ཧང་ཧང་ཨ་ཝ་གི་ལ་སྨོ་ ཉི་ཧང་ཏེན་ཧང་ཏེན་ ཡེ་ཉི་བི་ཝ་གི་ལ་སྨོ་ ཨོ་ཉ་ཀོར་གེ་ ཞུ་ཝ༌ལ། 31ཉི་ཡི་ཤུ་གི་ གསུངས་མ་ལ་ ཨ་ཧ་བ་ ཟུར་ས་ཐུར་ག་ དིན་ཐཱན་ རེབ་ཀིན་ཐུར་ ཤོང་ལ་ཉི་ཆོ་ཁེ་དག༌ཉི། ཧང་ཡ་དག་ནེ་ལ་ སོ་ངོ་བ་ཆཱད་པེ་མ་ཝ་ ཚེ་བང་དི་ཝ་རང་ ཚེ་བང་ཨུ་ཉི་ ཉི་དི་ཉི་ཆུ་མ་རང་ བཱརའ་ཤེག་པ་ཨ་དེན་གེ་ རོག་ཏེ་བ་ ཟ་ལེ་བུ་ མ་ཆིན་མ༌ལ།
32ཉི་རོག་ཏེ་བ་ཏེན་ གྲུ་ག་ནུབ་ཉི་ ས་ཟུར་ས་ག་ཏཱན་ བྱོན་མ༌ལ། 33ཉི་རོག་ཏེ་བ་ བྱོན་མ་ཀབ་ཉི་ སོ་ངོ་མང་པུ་ཐུར་གི་ ཐོང་ཉི་ གུམ་ཡེ་ཝ་ཨ་དེན་གེ་ ཁྲོམ་ཐམས་ཅན་གེ་ སོ་ངོ་བ་ ཇུག་ཉི་རང་དི་ཉི་ རོག་ཏེ་བ་ཀེ་གུམ་གུམ་ ལེ་ལ་ཤེག་པ༌ལ། 34ཉི་ཡི་ཤུ་ གྲུ་གེ་ཕིས་ཀ་ ཤོ་ཝ་ཐུར་ག་རང་ རོ་ཀི་ སོ་ངོ་མང་པུ་ཐུར་ ཛོ་མ་ག་གཟིགས་ཉི་ རོག་ཏེ་བ་ཀ་གཟིགས་ཉི་ སྙིང་རྗེ་ཨ་ལེ་ཨོ་ཕ༌ལ། ཧང་ཡ་དག་ནེ་ལ་ རོག་ཏེ་བ་ཤོ་ དི་པ་མ་ཁཱན་ ཤི་ཤ་ད་བུ་ཐུར་ཅ་གི་ཝ༌ལ། ཉི་རོ་ཀི་ དཀོན་མཆོག་ག་རྒྱལ་སྲིད་ཀོར་གེ་ མང་པུ་ཐུར་ ཡེན་གནང་མ༌ལ།
35ཉི་ངམ་ཡོར་སེ་ ཨ་ལ་ཀབ་ཉི་ རོ་ཀ་སློ་མ་བ་ཀི་ ཡི་ཤུ་ག་ཞུ་ཝ་ལ་ ཨོ་ཐ་ས་ཆ་ག་ལ་ ཧང་རང་མ༌ལ། ཉི་ཨོམ་ ཕིད་པུ་བུ་ཕིད༌ལ། 36སོ་ངོ་བ་ཀུན་ཏི། ཨོ་ཐ་ཁོར་ཀ་ཆོ་ཁཱན་ དུང་ཁོན་དི་ཉི་ རང་རང་ས་དེན་གེ་ ལྟོ་ཏེ་ལམ་ཉི་ ཟཱན་ཆེན་དག༌ཉི།
37དག་པ་ཀབ་ཉི་ ཡི་ཤུ་གི་ རོག་ཏེ་བ་ཀ་ ལན་གནང་ཉི་ ཨོ་ཐ་སོ་ངོ་བ་ཀ་ ན་ཤི་ ཧང་ཐུར་ ཟ་ལེ་བི་དག་ཉི་ གསུངས་མ༌ལ།
རོག་ཏེ་བ་ཀི་ ཞུ་ཝ་ལ་ སོ་ངོ་ཐུར་ག་ ལ་ཉི་ཡེན་ག་ཏོ་ལོབ་གི་ཤ་ ལང༌པེ། ཧང་ཨ་ཧ་བ་ དིན་ཐཱན་ ཏི་རུ་ཨོམ་ཏུར་གི་ ལྟོ་ངོ་ཉི་ཕཱན་ཐཱན་ ཨོ་ཐ་སོ་ངོ་བ་ཀ་ བི་སྨོ་དག༌ཉི།
38རོ་ཀི་ རོག་ཏེ་བ་ཀ་ གསུངས་མ་ལ་ ན་ཧ་ཀེབ་ཏང་ ཧབ་ཏུར་ལ་སྨོ་ དིན་གོད་ཅོ་དག༌ཉི།
ཉི་རོག་ཏེ་བ་ཀི་ གོད་ཐཱན་ ཞུ་ཝ་ལ་ ཀེབ་ཏང་ལྔ་དང་ ང་ཤ་རང་ཉིག་ཙིང་ལ་དག༌ཉི།
39ཉི་ཡི་ཤུ་གི་ སོ་ངོ་བ་ ཐམས་ཅན་རང་ ས་ག་ངོན་ཡེང་ལུ་ཐུང་ཐུང་ སྡེ་ཚན་སྡེ་ཚན་ཨ་ཉི་ ལང་ཤོ་དག་ཉི་ བཀའ་གནང་མ༌ལ། 40ཉི་རོག་ཏེ་བ་ ཚེ་བང་ 50 ཕང་ ཉི་ཚེ་བང་ 100 ཕང་ཨ་ཉི་ ཏབ་ཐུར་ཆོ་ཉི་ སྡེ་ཚན་སྡེ་ཚན་ཨ་ཉི་ ལང་མ༌ལ།
41ཉི་ཨོ་ཉ་ ཀེབ་ཏང་ལྔ་དང་ ང་ཉིག་ཙིང་ ཡི་ཤུ་ག་ཕྱག་ཀ་བསྣམས་ཐཱན་ ཞིང་ཁམས་ག་གཟིགས་ཐཱན་ བཀའ་དྲིན་བསམ་ཉི་ ཉི་རོ་ཀི་ ཀེབ་ཏང་ག་བ་བིརིང་ཐཱན་ སོ་ངོ་བ་ཀ་བི་དག་ཉི་ རོ་ཀ་སློ་མ་བ་ཀ་ བཀའ་གནང་མ༌ལ། ཉི་ཨོ་ཉ་ ང་ཉིག་ཙིང་བུ་བོང་ཉི་ ཐམས་ཅན་རང་ ཆ་པ་ཨ་ཉི་གནང་མ༌ལ། 42ཉི་རོག་ཏེ་བ་ ཐམས་ཅན་རང་ ཁ་ཝ་ཨ་ཉི་རང་ ཟ་ཝ༌ལ། 43ཉི་ལཱན་ཇུ་ལུས་ཁཱན་བ་ དུས་ཉི་གོད་པ་ཀབ་ཉི་ བིརིང་ཁཱན་ཀེབ་ཏང་དང་ ང་གི་ ཤོ་མ་སོང་ཉིག་ཙིང་ ཕུང་མ་ཤོ་ཝ༌ལ། 44ཉི་ཨོ་ཉ་ཟ་ཁཱན་ ཕེ་ཝག་ཙ་ཙང་པུ་རང་ 5000 ཆོ་ཝ༌ལ༎
ཡི་ཤུ་ རི་ཐུང་ཐུང་དང་ཉི་ བྱོན་མ༌ལ།
45ཨོ་ཉ་ཐྲེ་ཀེ་རང་ སོ་ངོ་བ་ ཀུན་ཏིན་ཅ་ཨ་ཉི་ རོ་ཀ་སློ་མ་བ་བུ་ གྲུ་ནང་ཀ་ཙུག་ཉི་ རོ་ཀེ་གུམ་གུམ་ མཚོ་ཉ་ལོ་ཀ་ཆོ་ཁཱན་ བེད་སེ་ད་དག་ས་ག་ཏཱན་ ཀུན་ཏི་ཝ༌ལ། 46ཉི་རོ་ཀི་ རོག་ཏེ་བ་ ཐུབ་ཐཱན་ཐཱན་ ཐོ་ལ་ཕུ་ཐུང་ཀ་ སྨོན་ལམ་ཏ་པེ་དེན་གེ་ བྱོན་མ༌ལ།
47ཉི་མིང་མེར་བ་ཀབ་ཉི་བུ་ ཡི་ཤུ་ རོག་ཏེན་ མཚོ་ནབ་ཀ་ བཞུགས་པ་ཅ་གི་ཝ༌ལ། ཉི་རོ་ཀ་ སློ་མ་བ་ཤོ་ གྲུ་ནང་ཀ་ མཚོ་བར་ཀ་ཅ་གི་ཝ༌ལ། 48ཉི་རོ་ཀི་ གཟིགས་པ་ཀབ་ཉི་ རི་དི་གི་ཁག་པ་ཨ་དེན་གེ་ རོག་ཏེ་བ་ཀ་ གྲུ་གུབ་ཀ་ཏཱན་ ཇུག་པེ་མར་བཱན་ གནམ་མེད་ས་མེད་ དཀའ་ཝ་ཅཱད་པ་ཐོང་ཉི་ བི་ནང་ག་རང་ ཆུ་ཚོད་སམ་ཕང་ག་ མཚོ་ཐུང་ཐུང་དང་ཉི་ རོ་ཀ་སློ་མ་བ་ཆོ་ས་ག་ཏཱན་ བྱོན་མ༌ལ། 49ཉི་རོག་ཏེ་བ་ཀི་ རོག་མཚོ་ཐུང་ཀ་ བྱོན་མ་ཐོང་མ་ཀབ་ཉི་ དོན་ད་བུ་ཐོང་ཉི་ ཡོང་ཁེ་ཝ་ཨ་དེན་གེ་ ཤ་དར་ཐར་བ༌ལ། 50རོག་ཏེ་བ་ ཐམས་ཅན་གི་ རོག་མཇལ་ཉི་ གནམ་མེད་ས་མེད་ ཡོང་ཙུང་མ༌ལ།
ཉི་ཡི་ཤུ་གི་ ཨོ་ཉ་ཐྲེ་ཀེ་རང་ གསུངས་མ་ལ་ དྲཱན་མ་ཏག་ཅོ་ ཇང་གི༌ལ། ཡོང་མ་ཁེ་དག༌ཉི། 51ཉི་རོག་ རོག་ཏེ་བ་ཀ་ གྲུ་ནང་ཀ་ནུ་ཕ་ཀབ་ཉི་ རི་དི་ཨོ་ཕེ་ནོར་བ༌ལ། ཉི་རོག་ཏེ་བ་ ཐམས་ཅན་རང་ ཤུག་ཐེ་བ་ཨ་ཉི་རང་ ཡིད་ཆི་ཝ༌ལ། 52ཧང་ཡ་དག་ནེ་ལ་ རོག་ཏེ་བ་ཀ་ སེམས་ལུང་ཏོང་རི་ཝ་ ཆོ་ཝ་ཨ་དེན་གེ་ ཨོ་ཉ་གེ་གོ་མ་ ཀེབ་ཏང་ལྔ་གི་ སོ་ངོ་ 5000 ག་ ལང་པ་ཨ་ཉི་ཅོད་ཉི་ གནམ་མེད་ས་མེད་ ཡིད་ཆི་ཝ་ག་ཕྱག་ལཱ་ གནང་ཁཱན་ཀོར་གེ་ ཧང་རང་ ཧ་མ་གོ་ཝ་ཆོ་ཝ༌ལ༎
ཡི་ཤུ་གི་ ག་ནེ་ས་རེད་དག་ས་ག་ མར་ཁཱན་དྲག་ཉི་གནང་མ༌ལ།
53ཉི་རོག་ཏེ་བ་ ཨོ་ཉ་མཚོ་གོག་ཉི་ ས་ཆ་ག་ནེ་ས་རེད་དག་ས་ག་ ཕེབས་པ་ཀབ་ཉི་ རོག་ཏེ་བ་ཀི་ གྲུ་མཚོ་ནབ་ཀ་ཤོ་ཝ༌ལ། 54ཉི་རོག་ཏེ་བ་ ཕིས་ཀ་ཤོ་ལ་ཀབ་ཉི་ སོ་ངོ་བ་ཀི་ ཡི་ཤུ་མཇལ་བ་ཐུར་ག་རང་ གུམ་ཡེ་ཝ༌ལ། 55ཉི་ཇུག་ཉི་རང་ དིན་ཐཱན་ ནོག་མིན་བ་ཀ་ ཡི་ཤུ་ཕེབས་པ་ལ་དག་ཉི་ ཡེག་ཉི་ ས་ཆ་ཨོ་ག་རང་དི་ནེ་བུ་ ཡི་ཤུ་བཞུགས་ས་བཱརང་ཀ་ ནཱད་པ་མང་པུ་ཐུར་ རང་རང་ས་ ཏཱན་ཐུང་ཀ་ཀེ་ཉི་ ཕ་ཝ༌ལ། 56དུང་དང་ཁྲོམ་ ཉི་བཱརའ་ས་ཆ་ ཨོ་ག་རང་བྱོན་ནེ་བུ་ རོག་ ཨོ་ག་བྱོན་མ་ཐུར་ ནཱད་པ་ཕ་ཉི་ ཚོང་ཕི་ས་བཱརང་ཀ་ ཐ་ཝ༌ལ། ཉི་རོག་ཏེ་བ་ཀི་ ན་ག་ནམ་བཟའ་ ནབ་ཅི་ཐུར་ཏ་ ཨ་ཧ་ག་དང་བུརུ་མ་གི་ ད་སུར་ཐོ་ཕེ་ གནང་ཤོ་དག་ཉི་ ཞུ་ཝ༌ལ། ཉི་རོ་ཀ་ནམ་བཟའ་ག་ ཐོབ་ཁཱན་ནཱད་པ་ ཐམས་ཅན་རང་ ཁམས་སངས་ཀིན་ཨ་ཉི་རང་ དྲག་པ༌ལ༎
Currently Selected:
མར་ཀུས། 6: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མར་ཀུས། 6
6
ཡི་ཤུ་ནཱས་རཱད་ག་ མ་ཞུ་ཝ༌ལ།
1ཉི་ཨོ་ཉ་གེ་ ཡི་ཤུ་ རོ་ཀ་སློ་མ་བ་ཀབ་ཉི་བྱོན་ཉི་ རོག་ཏེན་ག་དུང་ག་ ཕེབས་པ༌ལ། 2ཡ་ཧུ་དི་པ་ དུས་བཟང་ག་ནོང་ཀ་ ཡི་ཤུ་ རོག་ཏེ་བ་ཀ་ ཆོས་འཛོམས་ནང་ཀ་བྱོན་ཐཱན་ ཡེན་གནང་མེ་ གོ་ཙུག་པ༌ལ། རོ་ཀི་ཡེ་ཝ་ག་གོད་ཉི་ སོ་ངོ་བ་ ཐམས་ཅན་རང་ ཡིད་ཆི་ཉི་ ཨོ་ཐ་སོ་ངོ་གི་ ཨོ་ཐ་བ་ ཨོ་གེ་ཉོང་པ་ཡ། ཨུ་ཐུ་ད་བུ་རིག་པ་ རོ་ཀ་ཧང་ཏེན་གནང་མ་གི་ས། ཉི་ཨོ་ཐ་སོ་ངོ་གི་ རྫུ་འཕྲུལ་ཧང་ཏེན་ གེན་མེ་རེ་ཅ་ཡ། 3ཧང་རོག་ མ་རི་ཡམ་ག་ཟ་ ཡ་ཀུབ་དང་ཡོ་སེཕ་ ཉི་ཡ་ཧུ་ད་དང་ སི་མོན་ག་ཨ་ཏ་ ཤིང་བཟོ་པ་མང་གི་སྨོ། རོ་ཀ་ཟི་ག་བ་ ཨོ་ཐ་ ཨ་ཧ་པོང་ཀ་ མཱན་ཅ་སྨོ་དག་ཉི་ཡེག་ཉི་ རོག་ཏེ་བ་ཀི་ ཡི་ཤུ་ག་ ཁ་ཏང་མ༌ལ།
4ཡི་ཤུ་གི་གསུངས་མ་ལ་ ལུང་བསྟན་པ་ཤོ་ རོག་ཏེན་ག་ དུང་ག་སོ་ངོ་བ་ཀི་དང་ ཉེ་ཝ་ཐུང་མ་བ་ཀི་ ཉི་རོག་ཏེན་ག་ ཡུང་ཟི་བ་ཀི་ མ་ཙི་ཝ་མ་ཏོག་པ་ བཱརའ་ཨོ་ག་རང་གི་ནེ་བུ་ ཙིན་ཅ་དག༌ཉི། 5ཉི་རོ་ཀ་ ཕྱག་ཀི་ཨ་ཉི་ཐོབ་ཉི་ ནཱད་པ་ཉུང་པུ་ཐུར་དྲག་ཉི་ གནང་མ་མ་ཏོག་པ་ རྫུ་འཕྲུལ་གནམ་མེད་ས་མེད་ ཆི་ལུ་གེན་ཉི་ ཕྱག་ལཱ་གནང་མེ་ མར་བ༌ལ། 6རོག་ཏེ་བ་ཀི་ དད་པ་མ་ཨ་ཝ་ཨ་དེན་གེ་ ཡི་ཤུ་གནམ་མེད་ས་མེད་ ཡིད་ཆི་ཝ༌ལ༎
ཡི་ཤུ་གི་ སློ་མ་སོང་ཉིག་ཙིང་ ཀུན་ཏི་ཝ༌ལ།
7ཉི་རོག་དུང་ཁོན་ སོ་ངོ་བ་ཀ་ ཡེ་ཉི་རང་བྱོན་མ༌ལ། ཉི་རོ་ཀི་ རོ་ཀ་སློ་མ་སོང་ཉིག་ཙིང་ ཏབ་ཐུར་རཱན་ཐཱན་ རྣམ་ཤེས་མ་ཙང་མ་བ་ ཁོན་མེ་ག་ དབང་ཚད་གནང་ཐཱན་ རོག་ཏེ་ཉིག་ཙིང་རེ་ ཉིག་ཙིང་རེ་ཨ་ཉི་ ཀུན་ཏི་ཝ༌ལ། 8ཉི་རོ་ཀི་ རོག་ཏེ་བ་ཀ་ གསུངས་མ་ལ་ ལམ་ཁོན་ཏོག་པེ་དེན་གེ་ ཏོ་ཀང་ཐུར་ཤ་ བུ་རིན་ཆོག༌པེ། ཡེ་ནང་དང་དོ་ཕ་ཙ་ ཉི་ན་ཧ་པ་ཀོ་ནང་ཀ་ ཏི་རུ་ཨོ་ཉ་བ་ ཧང་རང་བུ་རིན་མ་ཆོག༌པ། 9ཉི་བི་ག་བི་དར་ ཙུག་རིན་ཆོག༌པེ། དག་པ་ཀབ་ཉི་ བཱརའ་ཁ་མུང་སོར་ནང་ ཧང་རང་མ་བུའི་ན།
10ཉི་ན་ཧ་བ་ ཨི་བི་ག་ཕའི་ག་ ཤི་མིན་ཨ་ཉི་ ཆོན་ཅ་གི་ལ་སྨོ་ ཨུ་ཉུ་དུང་ཐུབ་ཐ་ཉི་ མ་དི་ཝ་སག་པུ་ ཨོ་ཉ་ག་རང་ཆོའི། 11ཉི་ས་ཆ་ཐུར་ཕང་ག་ ན་ཧ་བ་ མ་ཐོག་པཱན་ ན་ཤི་ཡེག་པ་ཀབ་ཉི་ མ་ཉཱན་ནེ་ལ་ རོག་ཏེ་བ་ཀི་ ན་ཧ་བ་ མ་ཐོག་ཅི་དག་ཉི་ འཛོམས་དཔང་ཨ་ལེ་དེན་གེ་ ན་ཧ་བི་ག་ཕརའ་ཁ་ ཕུར་ཙི་ཁཱན་ཐཱན་ཤ་ དི་ན་དག་ཉི་ ཡི་ཤུ་གི་གསུངས་མ༌ལ།
12ཉི་རོག་ཏེ་བ་ དིན་ཐཱན་ དཀོན་མཆོག་ག་ གསུང་བཤད་ཉི་ སོ་ངོ་བ་ སྡིག་པ་གེ་ལོག་པེ་ཁེ་ལེ་དག་ཉི་ གསུངས་མ༌ལ། 13ཉི་རོག་ཏེ་བ་ཀི་ དོན་མང་པུ་ཐུར་ ཤོན་གེ་མ་མ་ཚཱད་པ་ སི་སོག་ཉི་ནཱད་པ་བུ་ མང་པུ་ཐུར་ དྲག་ཉི་གནང་མ༌ལ༎
ཁྲུས་གསོར་པ་ཡུ་ཧན་ན་ གཤགས་པ༌ལ།
14ཉི་ཨོ་ཉ་ཀོར་གེ་ དཔོན་ཧེ་རོད་གི་ ན་ཐ་ཝ༌ལ། ཧང་ཡ་དག་ནེ་ལ་ ཡི་ཤུ་ག་མཚན་ ན་མ་ཐ་ཁཱན་ ཨི་བི་རང་མཱན་ཅ་གི་ཝ༌ལ། ཉི་ཚེ་བང་གི་ཨ་ནེ་ལ་ ཁྲུས་གསོར་པ་ཡུ་ཧན་ན་ བཤགས་པ་གེ་ལོག་ཉི་ བཞེངས་པ་གི་ཝ༌ལ། ཨོ་ཉི་ཨ་དེན་གེ་ རོ་ཀ་དབང་གི་ཨ་ཉི་ ཡི་ཤུ་གི་ ཡིད་ཆི་ཝ་ག་ཕྱག་ལཱ་བ་ གནང་ལ་དག་ཉི་ ཡེག་ཅ་གི་ཝ༌ལ། 15ཉི་ཚེ་བང་གི་ཨ་ནེ་ལ་ རོག་ཤོ་ ཨེ་ལི་ཡ་གི་ཝ་ལ་དག་ཉི་ ཡེག་ཅ་གི་ཝ༌ལ། ཚེ་བང་གི་ཨ་ནེ་ལ་ དང་པོ་ག་ལུང་བསྟན་པ་ པུརུས་ཀིན་ཨ་ཉི་ རོག་བུ་ ལུང་བསྟན་པ་ཐུར་ གི་ཝ་ལ་དག་ཉི་ ཡེག་ཅ་གི་ཝ༌ལ།
16ཉི་དཔོན་ཧེ་རོད་གི་ ཨོ་ཉ་ཀོར་གེ་ ན་ཐ་ལ་ཀབ་ཉི་ ཇི་གི་ཤ་རང་ཅཱད་ཉི་ བཀྲོངས་ཁཱན་ཡུ་ཧན་ན་ ལོག་ཉི་བཞེངས་པ་གི་ཝ་ལ་དག་ཉི་ གསུངས་མ༌ལ།
17ཧེ་རོ་དི་ཡཱས་ག་ཡོར་ཀེ་ ཧེ་རོད་གི་ ཡུ་ཧན་ན་ཙུང་ཤོ་དག་ཉི་ བཀའ་གནང་ཉི་ ཙུང་ཐཱན་བཙོན་ག་ ཙུག་པ་གི་ཝ༌ལ། ཧང་ཡ་དག་ནེ་ལ་ ཧེ་རོད་གི་ རོ་ཀ་བོ་ཉིང་ཕི་ལིབ་ག་ མེ་ཝག་ཙ་ ཧེ་རོ་དི་ཡཱས་ཀབ་ཉི་ གཉེན་ཕི་ཝ་ཆོ་ཝ་གི་ཝ༌ལ། 18ཡུ་ཧན་ན་གི་ ཧེ་རོད་ག་ གསུངས་མ་ཆོ་ཝ་ལ་ ན་ག་བོ་ཉིང་ག་ མེ་ཝག་ཙ་ཀབ་ཉི་ གཉེན་ཕི་རིན་ མ་ཆོག་པ་དག༌ཉི། 19ཨོ་ཉི་ཨ་དེན་གེ་ ཧེ་རོ་དི་ཡཱས་ རོ་ཙིག་ཉི་ ཧིང་འགྲམ་ཐ་ཉི་ ཡུ་ཧན་ན་བཀྲོངས་མེ་དག་ཉི་ མི་ཝ༌ལ། དག་པ་ཀབ་ཉི་ ཧེ་རོད་གི་ ཡུ་ཧན་ན་ག་ རྒྱབ་ཨ་ཝ་ཨ་དེན་གེ་ རོ་ཀི་ བཀྲོངས་མེ་མར་བ༌ལ། 20ཡུ་ཧན་ན་ཤོ་ སོ་ངོ་དྲང་པུ་དང་ དམ་པ་ཆོ་ཁཱན་གི་ཝ་ཨ་དེན་གེ་ ཧེ་རོད་ རོ་ཀེ་ཡོང་ཁེན་ཅ་གི་ཝ༌ལ། ཨོ་ཉི་ཨ་དེན་གེ་ ཡུ་ཧན་ན་ཤོ་ དཔོན་ཧེ་རོད་གི་ རྒྱབ་ཨ་ཉི་ ཅོན་མེ་མ་བི་ལཱན་ ཐ་ཝ༌ལ། ཡུ་ཧན་ན་གི་ གསུངས་མ་ག་ཉཱན་ཅ་ཨ་ཉི་ རོག་གནམ་མེད་ས་མེད་ ངང་པེ་ཨོ་ཕ༌ལ། ཨོ་ཉེ་རང་གི་ནེ་བུ་ ཉཱན་པེ་ལམ་ཅ་གི་ཝ༌ལ།
21ཉི་ནོང་ཐུར་ དཔོན་ཧེ་རོད་གི་ རོ་ཀ་འཁྲུངས་མ་ག་ནོང་ བརྩི་སྲུང་ཨ་ཉི་ རོ་ཀ་ཕརའ་ཁེ་ཆོ་ཁཱན་ བློན་པོ་དང་དམག་མི་ག་ འགོ་དཔོན་ཆི་ལུ་བ་ ཉི་ཨོམ་ཆང་རང་ ག་ལིལ་ག་ སོ་ངོ་ཆི་ལུ་བ་ཀ་ མཛར་ཅུམ་བི་ཉི་ སྤྲོ་བ་ཙི་ལེ་གང་ཀ་ ཧེ་རོ་དི་ཡཱས་གི་ ཡུ་ཧན་ན་ བཀྲོངས་མེ་ མིག་པ་ཉོང་པ༌ལ། 22ཨུ་ཉུ་གང་ཀ་ ཧེ་རོ་དི་ཡཱས་ག་ ཟ་མིན་ཤེག་ཉི་ ངང་བོརོ་ཇོང་མ་ཀབ་ཉི་ ཧེ་རོད་དང་ རོ་ཀ་ཤི་མིན་བ་བུ་ གནམ་མེད་ས་མེད་ ཤོ་ནང་ཕེ་ཝ་ཨ་དེན་གེ་ རོ་ཀི་ཟ་མིན་ག་ གསུངས་མ་ལ་ ནཱན་ཧང་ཚཱས་པ་ཐུར་ ཇ་ག་ཡེག་ཅོ་ ཉི་ཇི་གི་ ན་ག་བི༌ལེ། 23ཉི་ནཱན་གི་ ཇང་གེ་ ཧང་ཚཱས་པ་ཐུར་ཕུན༌ཤོ། ཇ་ག་རྒྱལ་སྲིད་ཆང་ ཚེ་བང་ཐུར་ བི་ལེ་རེ་བེ་དག་ཉི་ རོ་ཀི་ན་ཟ་ཝ༌ལ།
24ཉི་རོག་ཕིས་ཀ་དིན་ཐཱན་ ཇི་གི་ཧང་ཕུན་ཤོ་ཡ་དག་ཉི་ རོ་ཀ་ཨ་མ་ག་ ཇི་མ་ཀབ་ཉི་
རོ་ཀ་ཨ་མ་གི་ ཡེག་པ་ལ་ ཁྲུས་གསོར་པ་ ཡུ་ཧན་ན་ག་ཤ་རང་ ཕུན་ཤོ་དག༌ཉི།
25ཉི་རོག་ ཨོ་ཉ་ཐྲེ་ཀེ་རང་ ཇུག་ཉི་རང་ལོག་ཐཱན་ དཔོན་ག་ཞུ་ཝ་ལ་ ཁྲུས་གསོར་པ་ ཡུ་ཧན་ན་ག་ ཤ་རང་ཅཱད་ཐཱན་ དེར་མ་ཐུང་ཀ་ཀེ་ཉི་ ཨོ་མ་རང་ཚཱས་པེ་དག༌ཉི།
26ཉི་ཨུ་ཉུ་ད་བུ་ ན་ཐ་ལ་ཀབ་ཉི་ དཔོན་ གནམ་མེད་ས་མེད་ ཐུགས་དོག་པ༌ལ། དག་པ་ཀབ་ཉི་ རོ་ཀི་གསུངས་ཁཱན་ ཆཱས་ཁེ་པ་ ཤི་མིན་བ་ཀ་གུབ་ཀ་ ནཱན་གི་ ཧང་ཕུན་མ་ཐུར་ བི་ལེ་དག་ཉི་ ཁ་ཙི་ཐ་ཝ་ཨ་དེན་གེ་ རོ་ཀི་ མ་བི་ལ་དག་ཉི་ གསུངས་མེ་མར་བ༌ལ། 27དཔོན་གི་ ཨོ་ཉ་ཐྲེ་ཀེ་རང་ རོ་ཀ་སྐུ་སྲུང་དམག་མི་ག་ ཡུ་ཧན་ན་ག་ ཤ་རང་ཅཱད་ཉི་ཕའི་དག་ཉི་ བཀའ་གནང་ཐཱན་ ཀུན་ཏི་ཝ༌ལ། ཉི་རོ་ཀི་ བཙོན་ཁང་ག་དིན་ཐཱན་ ཡུ་ཧན་ན་ག་ ཤ་རང་ཅཱད་པ༌ལ། 28ཉི་ཡུ་ཧན་ན་ག་ཤ་རང་ དེར་མ་ཐུང་ཀ་ཀེ་ཉི་ཕཱན་ཐཱན་ ཨོ་ཉ་ཟ་མིན་ག་བི་ཉི་ ཉི་རོ་ཀི་ རོ་ཀ་ཨ་མ་ག་ བི་ཝ༌ལ། 29ཉི་ཡུ་ཧན་ན་ག་ སློ་མ་བ་ཀི་ ན་ཐ་ཝ་ཐུར་ག་རང་ དི་ཉི་ རོ་ཀ་སྐུ་ཕུང་ཕཱན་ཐཱན་ དུར་ནང་ཀ་ཙུག་པ༌ལ༎
ཡི་ཤུ་གི་ 5000 ག་ ལྟོ་གནང་མ༌ལ།
30ཉི་ཡི་ཤུ་ག་སྐུ་ཚབ་བ་ཀི་ ཡི་ཤུ་ག་སྐུན་མདུན་ག་ དིན་ཐཱན་ ཧང་ཧང་ཨ་ཝ་གི་ལ་སྨོ་ ཉི་ཧང་ཏེན་ཧང་ཏེན་ ཡེ་ཉི་བི་ཝ་གི་ལ་སྨོ་ ཨོ་ཉ་ཀོར་གེ་ ཞུ་ཝ༌ལ། 31ཉི་ཡི་ཤུ་གི་ གསུངས་མ་ལ་ ཨ་ཧ་བ་ ཟུར་ས་ཐུར་ག་ དིན་ཐཱན་ རེབ་ཀིན་ཐུར་ ཤོང་ལ་ཉི་ཆོ་ཁེ་དག༌ཉི། ཧང་ཡ་དག་ནེ་ལ་ སོ་ངོ་བ་ཆཱད་པེ་མ་ཝ་ ཚེ་བང་དི་ཝ་རང་ ཚེ་བང་ཨུ་ཉི་ ཉི་དི་ཉི་ཆུ་མ་རང་ བཱརའ་ཤེག་པ་ཨ་དེན་གེ་ རོག་ཏེ་བ་ ཟ་ལེ་བུ་ མ་ཆིན་མ༌ལ།
32ཉི་རོག་ཏེ་བ་ཏེན་ གྲུ་ག་ནུབ་ཉི་ ས་ཟུར་ས་ག་ཏཱན་ བྱོན་མ༌ལ། 33ཉི་རོག་ཏེ་བ་ བྱོན་མ་ཀབ་ཉི་ སོ་ངོ་མང་པུ་ཐུར་གི་ ཐོང་ཉི་ གུམ་ཡེ་ཝ་ཨ་དེན་གེ་ ཁྲོམ་ཐམས་ཅན་གེ་ སོ་ངོ་བ་ ཇུག་ཉི་རང་དི་ཉི་ རོག་ཏེ་བ་ཀེ་གུམ་གུམ་ ལེ་ལ་ཤེག་པ༌ལ། 34ཉི་ཡི་ཤུ་ གྲུ་གེ་ཕིས་ཀ་ ཤོ་ཝ་ཐུར་ག་རང་ རོ་ཀི་ སོ་ངོ་མང་པུ་ཐུར་ ཛོ་མ་ག་གཟིགས་ཉི་ རོག་ཏེ་བ་ཀ་གཟིགས་ཉི་ སྙིང་རྗེ་ཨ་ལེ་ཨོ་ཕ༌ལ། ཧང་ཡ་དག་ནེ་ལ་ རོག་ཏེ་བ་ཤོ་ དི་པ་མ་ཁཱན་ ཤི་ཤ་ད་བུ་ཐུར་ཅ་གི་ཝ༌ལ། ཉི་རོ་ཀི་ དཀོན་མཆོག་ག་རྒྱལ་སྲིད་ཀོར་གེ་ མང་པུ་ཐུར་ ཡེན་གནང་མ༌ལ།
35ཉི་ངམ་ཡོར་སེ་ ཨ་ལ་ཀབ་ཉི་ རོ་ཀ་སློ་མ་བ་ཀི་ ཡི་ཤུ་ག་ཞུ་ཝ་ལ་ ཨོ་ཐ་ས་ཆ་ག་ལ་ ཧང་རང་མ༌ལ། ཉི་ཨོམ་ ཕིད་པུ་བུ་ཕིད༌ལ། 36སོ་ངོ་བ་ཀུན་ཏི། ཨོ་ཐ་ཁོར་ཀ་ཆོ་ཁཱན་ དུང་ཁོན་དི་ཉི་ རང་རང་ས་དེན་གེ་ ལྟོ་ཏེ་ལམ་ཉི་ ཟཱན་ཆེན་དག༌ཉི།
37དག་པ་ཀབ་ཉི་ ཡི་ཤུ་གི་ རོག་ཏེ་བ་ཀ་ ལན་གནང་ཉི་ ཨོ་ཐ་སོ་ངོ་བ་ཀ་ ན་ཤི་ ཧང་ཐུར་ ཟ་ལེ་བི་དག་ཉི་ གསུངས་མ༌ལ།
རོག་ཏེ་བ་ཀི་ ཞུ་ཝ་ལ་ སོ་ངོ་ཐུར་ག་ ལ་ཉི་ཡེན་ག་ཏོ་ལོབ་གི་ཤ་ ལང༌པེ། ཧང་ཨ་ཧ་བ་ དིན་ཐཱན་ ཏི་རུ་ཨོམ་ཏུར་གི་ ལྟོ་ངོ་ཉི་ཕཱན་ཐཱན་ ཨོ་ཐ་སོ་ངོ་བ་ཀ་ བི་སྨོ་དག༌ཉི།
38རོ་ཀི་ རོག་ཏེ་བ་ཀ་ གསུངས་མ་ལ་ ན་ཧ་ཀེབ་ཏང་ ཧབ་ཏུར་ལ་སྨོ་ དིན་གོད་ཅོ་དག༌ཉི།
ཉི་རོག་ཏེ་བ་ཀི་ གོད་ཐཱན་ ཞུ་ཝ་ལ་ ཀེབ་ཏང་ལྔ་དང་ ང་ཤ་རང་ཉིག་ཙིང་ལ་དག༌ཉི།
39ཉི་ཡི་ཤུ་གི་ སོ་ངོ་བ་ ཐམས་ཅན་རང་ ས་ག་ངོན་ཡེང་ལུ་ཐུང་ཐུང་ སྡེ་ཚན་སྡེ་ཚན་ཨ་ཉི་ ལང་ཤོ་དག་ཉི་ བཀའ་གནང་མ༌ལ། 40ཉི་རོག་ཏེ་བ་ ཚེ་བང་ 50 ཕང་ ཉི་ཚེ་བང་ 100 ཕང་ཨ་ཉི་ ཏབ་ཐུར་ཆོ་ཉི་ སྡེ་ཚན་སྡེ་ཚན་ཨ་ཉི་ ལང་མ༌ལ།
41ཉི་ཨོ་ཉ་ ཀེབ་ཏང་ལྔ་དང་ ང་ཉིག་ཙིང་ ཡི་ཤུ་ག་ཕྱག་ཀ་བསྣམས་ཐཱན་ ཞིང་ཁམས་ག་གཟིགས་ཐཱན་ བཀའ་དྲིན་བསམ་ཉི་ ཉི་རོ་ཀི་ ཀེབ་ཏང་ག་བ་བིརིང་ཐཱན་ སོ་ངོ་བ་ཀ་བི་དག་ཉི་ རོ་ཀ་སློ་མ་བ་ཀ་ བཀའ་གནང་མ༌ལ། ཉི་ཨོ་ཉ་ ང་ཉིག་ཙིང་བུ་བོང་ཉི་ ཐམས་ཅན་རང་ ཆ་པ་ཨ་ཉི་གནང་མ༌ལ། 42ཉི་རོག་ཏེ་བ་ ཐམས་ཅན་རང་ ཁ་ཝ་ཨ་ཉི་རང་ ཟ་ཝ༌ལ། 43ཉི་ལཱན་ཇུ་ལུས་ཁཱན་བ་ དུས་ཉི་གོད་པ་ཀབ་ཉི་ བིརིང་ཁཱན་ཀེབ་ཏང་དང་ ང་གི་ ཤོ་མ་སོང་ཉིག་ཙིང་ ཕུང་མ་ཤོ་ཝ༌ལ། 44ཉི་ཨོ་ཉ་ཟ་ཁཱན་ ཕེ་ཝག་ཙ་ཙང་པུ་རང་ 5000 ཆོ་ཝ༌ལ༎
ཡི་ཤུ་ རི་ཐུང་ཐུང་དང་ཉི་ བྱོན་མ༌ལ།
45ཨོ་ཉ་ཐྲེ་ཀེ་རང་ སོ་ངོ་བ་ ཀུན་ཏིན་ཅ་ཨ་ཉི་ རོ་ཀ་སློ་མ་བ་བུ་ གྲུ་ནང་ཀ་ཙུག་ཉི་ རོ་ཀེ་གུམ་གུམ་ མཚོ་ཉ་ལོ་ཀ་ཆོ་ཁཱན་ བེད་སེ་ད་དག་ས་ག་ཏཱན་ ཀུན་ཏི་ཝ༌ལ། 46ཉི་རོ་ཀི་ རོག་ཏེ་བ་ ཐུབ་ཐཱན་ཐཱན་ ཐོ་ལ་ཕུ་ཐུང་ཀ་ སྨོན་ལམ་ཏ་པེ་དེན་གེ་ བྱོན་མ༌ལ།
47ཉི་མིང་མེར་བ་ཀབ་ཉི་བུ་ ཡི་ཤུ་ རོག་ཏེན་ མཚོ་ནབ་ཀ་ བཞུགས་པ་ཅ་གི་ཝ༌ལ། ཉི་རོ་ཀ་ སློ་མ་བ་ཤོ་ གྲུ་ནང་ཀ་ མཚོ་བར་ཀ་ཅ་གི་ཝ༌ལ། 48ཉི་རོ་ཀི་ གཟིགས་པ་ཀབ་ཉི་ རི་དི་གི་ཁག་པ་ཨ་དེན་གེ་ རོག་ཏེ་བ་ཀ་ གྲུ་གུབ་ཀ་ཏཱན་ ཇུག་པེ་མར་བཱན་ གནམ་མེད་ས་མེད་ དཀའ་ཝ་ཅཱད་པ་ཐོང་ཉི་ བི་ནང་ག་རང་ ཆུ་ཚོད་སམ་ཕང་ག་ མཚོ་ཐུང་ཐུང་དང་ཉི་ རོ་ཀ་སློ་མ་བ་ཆོ་ས་ག་ཏཱན་ བྱོན་མ༌ལ། 49ཉི་རོག་ཏེ་བ་ཀི་ རོག་མཚོ་ཐུང་ཀ་ བྱོན་མ་ཐོང་མ་ཀབ་ཉི་ དོན་ད་བུ་ཐོང་ཉི་ ཡོང་ཁེ་ཝ་ཨ་དེན་གེ་ ཤ་དར་ཐར་བ༌ལ། 50རོག་ཏེ་བ་ ཐམས་ཅན་གི་ རོག་མཇལ་ཉི་ གནམ་མེད་ས་མེད་ ཡོང་ཙུང་མ༌ལ།
ཉི་ཡི་ཤུ་གི་ ཨོ་ཉ་ཐྲེ་ཀེ་རང་ གསུངས་མ་ལ་ དྲཱན་མ་ཏག་ཅོ་ ཇང་གི༌ལ། ཡོང་མ་ཁེ་དག༌ཉི། 51ཉི་རོག་ རོག་ཏེ་བ་ཀ་ གྲུ་ནང་ཀ་ནུ་ཕ་ཀབ་ཉི་ རི་དི་ཨོ་ཕེ་ནོར་བ༌ལ། ཉི་རོག་ཏེ་བ་ ཐམས་ཅན་རང་ ཤུག་ཐེ་བ་ཨ་ཉི་རང་ ཡིད་ཆི་ཝ༌ལ། 52ཧང་ཡ་དག་ནེ་ལ་ རོག་ཏེ་བ་ཀ་ སེམས་ལུང་ཏོང་རི་ཝ་ ཆོ་ཝ་ཨ་དེན་གེ་ ཨོ་ཉ་གེ་གོ་མ་ ཀེབ་ཏང་ལྔ་གི་ སོ་ངོ་ 5000 ག་ ལང་པ་ཨ་ཉི་ཅོད་ཉི་ གནམ་མེད་ས་མེད་ ཡིད་ཆི་ཝ་ག་ཕྱག་ལཱ་ གནང་ཁཱན་ཀོར་གེ་ ཧང་རང་ ཧ་མ་གོ་ཝ་ཆོ་ཝ༌ལ༎
ཡི་ཤུ་གི་ ག་ནེ་ས་རེད་དག་ས་ག་ མར་ཁཱན་དྲག་ཉི་གནང་མ༌ལ།
53ཉི་རོག་ཏེ་བ་ ཨོ་ཉ་མཚོ་གོག་ཉི་ ས་ཆ་ག་ནེ་ས་རེད་དག་ས་ག་ ཕེབས་པ་ཀབ་ཉི་ རོག་ཏེ་བ་ཀི་ གྲུ་མཚོ་ནབ་ཀ་ཤོ་ཝ༌ལ། 54ཉི་རོག་ཏེ་བ་ ཕིས་ཀ་ཤོ་ལ་ཀབ་ཉི་ སོ་ངོ་བ་ཀི་ ཡི་ཤུ་མཇལ་བ་ཐུར་ག་རང་ གུམ་ཡེ་ཝ༌ལ། 55ཉི་ཇུག་ཉི་རང་ དིན་ཐཱན་ ནོག་མིན་བ་ཀ་ ཡི་ཤུ་ཕེབས་པ་ལ་དག་ཉི་ ཡེག་ཉི་ ས་ཆ་ཨོ་ག་རང་དི་ནེ་བུ་ ཡི་ཤུ་བཞུགས་ས་བཱརང་ཀ་ ནཱད་པ་མང་པུ་ཐུར་ རང་རང་ས་ ཏཱན་ཐུང་ཀ་ཀེ་ཉི་ ཕ་ཝ༌ལ། 56དུང་དང་ཁྲོམ་ ཉི་བཱརའ་ས་ཆ་ ཨོ་ག་རང་བྱོན་ནེ་བུ་ རོག་ ཨོ་ག་བྱོན་མ་ཐུར་ ནཱད་པ་ཕ་ཉི་ ཚོང་ཕི་ས་བཱརང་ཀ་ ཐ་ཝ༌ལ། ཉི་རོག་ཏེ་བ་ཀི་ ན་ག་ནམ་བཟའ་ ནབ་ཅི་ཐུར་ཏ་ ཨ་ཧ་ག་དང་བུརུ་མ་གི་ ད་སུར་ཐོ་ཕེ་ གནང་ཤོ་དག་ཉི་ ཞུ་ཝ༌ལ། ཉི་རོ་ཀ་ནམ་བཟའ་ག་ ཐོབ་ཁཱན་ནཱད་པ་ ཐམས་ཅན་རང་ ཁམས་སངས་ཀིན་ཨ་ཉི་རང་ དྲག་པ༌ལ༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved