མར་ཀུས། 7
7
ཙང་མ་དང་མ་ཙང༌མ།
1ཉི་ནོང་ཐུར་ ཡ་རུ་ཤ་ལེམ་གེ་ ཕ་རི་སི་པ་བ་དང་ བཀའ་ཁྲིམས་ག་ སློབ་དཔོན་བ་ ཡི་ཤུ་ག་ཀོར་གེ་ ཞིབ་དཔྱད་ཕི་ལེ་དེན་གེ་ ཤེག་པ༌ལ། 2ཉི་རོ་ཀ་སློ་མ་ཚེ་བང་གི་ རོག་ཏེ་བ་ཀ་ ཆོས་ག་ལུགས་སྲོལ་དང་ཏུ་ཉི་ ག་དང་མ་ཟིག་པེ་གོ་མ་ ཟ་ཝ་ག་ ཐོང་མ༌ལ། 3ཧང་ཡ་དག་ནེ་ལ་ ཡ་ཧུ་དི་པ་བ་དང་ ཙོ་རང་ ཕ་རི་སི་པ་བ་ཀི་ གོ་མ་ རོག་ཏེ་བ་ཀ་ མེ་མི་པི་པི་བ་ཀི་ ཨ་ཝ་ག་ ལུགས་སྲོལ་དང་ཏུ་ཉི་ ཙང་མ་ཅོད་པེ་དེན་གེ་ ག་དང་མ་ཟིག་པེ་གོ་མ་ མ་པ་གེ་རང་ མ་ཟཱན་ཅ་གི་ཝ༌ལ། 4ཉི་ཚོང་ཕི་ས་བཱརང་ཀེ་ ཨུན་ཐཱན་ ག་དང་མ་ཟིག་པ་སག་པུ་ རོག་ཏེ་བ་ཀི་ མ་པ་གེ་རང་ མ་ཟཱན་ཅ་གི་ཝ༌ལ། ཉི་ཨོམ་ཆང་རང་ རོག་ཏེ་བ་ཀི་ ཨ་ལེ་ཁེ་ཝ་ག་ ལུགས་སྲོལ་བཱརའ་བུ་ མང་པུ་ཐུར་ཅ་གི་ཝ༌ལ། དཔེ་ཨ་ནེ་ལ་ གུར་བུ་བ་དང་ ཀ་ལ་ནོ་ཙང་བ་ ཉི་ཟངས་གི་ཅོད་པ་ག་དིག་ ཨོ་ཉ་བ་ ཟིག་པེ་ཁེན་ཅ་གི་ཝ༌ལ།
5ཉི་ཕ་རི་སི་པ་བ་དང་ བཀའ་ཁྲིམས་ག་ སློབ་དཔོན་བ་ཀི་ རོ་ཀ་ཞུ་ཝ་ལ་ ན་ག་སློ་མ་བ་ཀི་ ཧང་ཨ་ཉི་ མེ་མི་པི་པི་བ་ཀི་ ཨ་ཝ་ག་ ལུགས་སྲོལ་དང་ཏུ་ཉི་ ཨ་ལེ་མང་གི་ཝ་ མ་ཟིག་པཱན་ ཟཱན་ཅ་ཡ་དག༌ཉི།
6ཉི་རོ་ཀི་ རོག་ཏེ་བ་ཀ་ གསུངས་མ་ལ་ ལུང་བསྟན་པ་ ཡ་ཤའི་ཡ་གི་ཕྲིག་ཀིན་ ནའི་འུ་དྲ་པ་བ་ཀ་ཀོར་གེ་ འབྲི་བ༌ཅ།
ཨོ་ཐ་སོ་ངོ་བ་ཀི་ རོག་ཏེ་བ་ཀ་ ནོ་ཝང་ལེབ་ཅི་གི་ཨ་ཉི་ ཇ་ག་ཕྱག་ཞུན་ཅ་ མ་ཏོག་པ་ རོག་ཏེ་བ་ཀ་ ཐིང་ལོམ་གི་ནེ་ལ་ ཇང་གེ་ གནམ་མེད་ས་མེད་ ཐ་རིང་མུ༌ཅ། 7རོག་ཏེ་བ་ཀི་ ཇ་ག་གསོལ་ཝ་ དེ་ཝ་ཏོང་པ་ཏབ༌ཅ། ཉི་ཡེ་ལ་ཀབ་ཉི་བུ་ སོ་ངོ་བ་ཀི་ ཅོད་པ་ག་ ཁྲིམས་དང་ཏུ་ཉི་ ཡེ་ཉི་བི་ན་#7:7 ཡ་ཤའི་ཡ་ག་དཔེ་ཆ་ 29:13 དག༌ཉི།
8ཉི་ན་ཤི་ དཀོན་མཆོག་ག་ བཀའ་རྒྱ་མང་གི་ཝ་ སོ་ངོ་བ་ཀ་ལུགས་སྲོལ་ཤོ་ གནམ་མེད་ས་མེད་ཙི་ན།
9ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ན་ཧ་ལུགས་སྲོལ་དང་ཏུ་ཉི་ ཨ་ལེ་དེན་གེ་ དཀོན་མཆོག་ག་ བཀའ་རྒྱ་ག་ ཆ་གནས་ཐ་ལུ་མ༌ལ། 10དཔེ་ཨ་ནེ་ལ་ མོ་ས་གི་ཡེག་པ་ཆོ་ཝ་ ཨ་པ་དང་ཨ་མ་ག་ ཆ་གནས་ཐ་ལེ་ཁེ༌ལེ། ཉི་ཨི་བི་གི་ ཨ་པ་དང་ཨ་མ་ཀོར་གེ་ མ་ལེག་པ་ཡེག་ཉི་ སྐུར་པ་ཞུན་ཅ་གི་ལ་སྨོ་ ཨོ་ཉ་སོ་ངོ་ཁེ་པ་ ཤེ་ལེ་ཁེ་ལེ་དག༌ཉི། 11དག་པ་ཀབ་ཉི་ ན་ཤི་ སོ་ངོ་བ་ཀ་ ཨོ་ཐེན་ཡེ་ན་ ན་ག་ཨ་པ་དང་ཨ་མ་ ནང་དོག་ཉི་ཆོ་ལ་ཀབ་ཉི་ ཨིན་ཅི་མིན་ཅི་རང་ རུམ་པེ་མ་ཁེ༌ལ། ནཱན་གི་ ཨོ་ཐེན་ཡེག་ནེ་བུ་དྲིག༌པེ། ཁོ་དང་མ་ཆཱད་ཅོ་ན་ མ་པ་ཏ་ ཇི་གི་ ན་ཆིང་ག་ རུམ་པ་ཨོ་ཕེ། དག་པ་ཀབ་ཉི་ དཀོན་མཆོག་ག་ སྙན་དར་ཕུལ་བ་ཨ་དེན་གེ་ ཏི་རུ་ཐམས་ཅན་རང་ ཆུ་མ་དག༌ཉི། 12ན་ཤི་ རོ་ཀ་ཨ་པ་དང་ཨ་མ་ག་བུ་ ཧང་རང་རུམ་པེ་བི་ལུ་མ༌ལ། 13ཉི་ན་ཤི་ཉོང་ཁཱན་ ལུགས་སྲོལ་ཤོ་ཙུང་ཉི་ བཱརའ་སོ་ངོ་བ་ཀ་བུ་བཤད་ཉི་ དཀོན་མཆོག་ག་ བཀའ་ཁྲིམས་ཤོ་ མ་ཝ་རི་ལེ་བི་ན། ཨུ་ཐུ་ཏ་ དཔེ་ཐུར་ཤ་གེན༌ཅ། མ་པ་ཏ་ ཡེག་པེ་ཁེ་ཝ་ག་ཆཱས་ བཱརའ་བུ་མང་པུ་ཐུར་ཅ་དག་ཉི་ གསུངས་མ༌ལ༎
སོ་ངོ་མ་ཙང་མ་ཅོད་ཁཱན།
14ཉི་ཡི་ཤུ་གི་ སོ་ངོ་བ་ ཨོ་དོ་དག་ཉི་རཱན་ཐཱན་ ནའི་ཐམས་ཅན་རང་ ལེག་པ་ཨ་ཉི་ཉཱན༌ཅོ། ཉི་ལེག་པ་ཨ་ཉི་ ཧ་གོ་ལེ་མིག་པ་ ཕིན་གོད་ཅོ་དག་ཉི་ གསུངས་མ༌ལ། 15-16ཧང་རང་གི་ནེ་བུ་ ཕིས་ཀེ་སོ་ངོ་ག་ནང་ཀ་ དི་ཁཱན་གི་ རོག་མ་ཙང་མ་ ཅོད་པུ་མཱན༌ཅ། དག་པ་ཀབ་ཉི་ ནང་ཀེ་ཕིས་ཀ་ཤོ་ཁཱན་གི་ གི་ནེ་ལ་ རོག་མ་ཙང་མ་ཅོད་ཅ་གི༌ལ།
17ཉི་རོ་ཀི་ སོ་ངོ་བ་ ཐུབ་ཐཱན་ཐཱན་ ཕའི་ནང་ཀ་བྱོན་དེན་གེ་ རོ་ཀ་སློ་མ་བ་ཀི་ ཨོ་ཉ་དཔེ་གཏམ་ག་ དེན་ཐ་ཤོ་ ཧང་གི་ལ་ཡ་དག་ཉི་ ཡི་ཤུ་ག་ཞུ་ཝ༌ལ། 18ན་ཧ་བ་བུ་ ཡོང་བ་གི་ལ་སྨོ་དག་ཉི་ ཇིམ་ཐཱན་ གསུངས་མ་ལ་ ཧང་རང་གི་ནེ་བུ་ ཕིས་ཀེ་སོ་ངོ་ག་ནང་ཀ་ དི་ཁཱན་གི་ཤོ་ རོག་མ་ཙང་མ་ ཏི་ངེ་རང་ ཅོད་པུ་མཱན་ཅ་དག་ཉི་ ན་ཤི་སེ་ལུ་མ་ལ་སྨོ། 19ཧང་ཡ་དག་ནེ་ལ་ ཕིས་ཀེ་དི་ཁཱན་གི་ རོ་ཀ་ཐིང་ལོམ་ནང་ཀ་ དི་ལེ་མང་གི་ཝ་ ཕོ་ལང་ནང་ཀ་དི་ཉི་ ཉི་ལུས་པུ་གེ་ཕིས་ཀ་ཤོ་ཉི་ དིན་ཅ་གི་ལ་དག༌ཉི། (ཨོ་ཐེན་གསུངས་མེ་དེན་ཐ་ཤོ་ ཟ་ལེ་ཇ་མེ་ག་ཟེ་ ཧང་རང་གི་ནེ་བུ་ ཙང་མ་གི༌ལ། ཟ་ལེ་རུང་པེ་དག་པ་ག་ རྩིས་གི༌ལ།)
20ཡི་ཤུ་གི་གསུངས་ཉི་རང་ བཞུགས་པ་ལ་ སོ་ངོ་ནང་ཀེ་ ཕིས་ཀ་ཤོ་ཁཱན་གི་ཤོ་ རོག་མ་ཙང་མ་ཅོད་ཅ་གི༌ལ། 21ཧང་ཏེན་ཡ་དག་ནེ་ལ་ སོ་ངོ་ག་ ཐིང་ལོམ་ནང་ཀེ་ སེམས་མ་ལེག་པ་མི་ཉི་ ལུས་འབྲེལ་མ་ཙང་མ་ཨ་ཁཱན། དྲོ་ཝཱན་ཨ་ཁཱན། སོ་ངོ་ཤེ་ཁཱན། གཉེན་གྲོགས་གེ་ཕིས་ཀ་ ལུས་འབྲེལ་ཨ་ཁཱན། 22ཉི་འདོད་པུ་ཆི་ལུ་ཨ་ཁཱན་ ལའི་ཡཱན་མུ་ཨ་ཁཱན་ ཇི་སྐོར་ཕི་ཁཱན་ ཧ་ལ་རང་གི་ནེ་བུ་ བཀྲ་མ་ཤིག་པ་ཨ་ཁཱན་ སེར་སྣ་ཨ་ཉི་ མིང་ཤོག་ཁཱན་ བཱརའ་སོ་ངོ་ཀོར་གེ་ མ་ལེག་པ་ཡེག་ཉི་ ཏྲོག་ཁཱན་ ཇང་རང་ཆི་ལུ་གི་ལ་དག་ཉི་ ཁམ་ཙོང་ཁཱན་ ཆཱས་དེན་མུ་ག་ ཧ་མ་གོ་ཁཱན། 23ཨོ་ཉ་བ་ ཐམས་ཅན་རང་ སོ་ངོ་ག་ ཐིང་ལོམ་ནང་ཀེ་མི་ཉི་ ཨ་ལེ་རིག་ཅ་གི༌ལ། ཨོ་ཉི་ཨ་དེན་གེ་ རོག་མ་ཙང་མ་ ཅོད་ཅ་གི་ལ་དག་ཉི་ ཡི་ཤུ་གི་གསུངས་མ༌ལ༎
མེ་ཝག་ཙ་ཐུར་ག་དད༌པ།
24ཉི་ཡི་ཤུ་ ཨོ་ཉ་གེ་ ཏྲུ་རོས་དག་ས་ག་ དུང་གེ་ལེང་བྱོན་མ༌ལ། ཉི་རོ་ཀ་ཀོར་གེ་ ཨི་བི་གི་རང་ མ་སེན་ཆེན་དག་པ་གི་ ཕའི་ནང་ཀ་ནུབ་ཉི་ གོད་ནེ་བུ་ རོག་གུམ་ཉི་ བཞུགས་པེ་མར་བ༌ལ། 25ཉི་ཡི་ཤུ་ ཕེབས་པ་ཐུར་ག་རང་ ཨ་མ་ཐུར་ཤེག་ཉི་ རོ་ཀ་ཞབས་ར་ག་ ཕྱག་ཕུལ་བ༌ལ། ཧང་ཡ་དག་ནེ་ལ་ རོ་ཀ་ཟ་མིན་ཟེ་མུ་ཁེ་པ་ རྣམ་ཤེས་མ་ཙང་མ་གི་ ནོད་པ་ཅ་གི་ཝ༌ལ།
26ཨོ་ཉ་ཨ་མ་ཤོ་ ཡ་ཧུ་དི་པ་མང་གི་ཁཱན་ ཀེ་ས་བཱརང་ སི་རི་ཡ་ ཕོ་ནི་ཀེ་དག་ས་གེ་ གིརིག་ག་ སོ་ངོ་གི་ཝ་ཆོ་ཝ༌ལ། ཉི་རོ་ཀི་ ཇ་ག་ཟ་མིན་ག་ནང་ཀེ་ དོན་ཤོ་ཉི་གེམ་གནང་ཤོ་དག་ཉི་ ལ་སོ་སྐུ་ཆེ་ཨ་ཉི་ ཞུ་ཝ༌ལ། 27ཡི་ཤུ་གི་ རོ་ཀ་གསུངས་མ་ལ་ གོ་མ་རང་ ཇང་ཏེན་ག་སོ་ངོ་བ་ཀ་ རུམ་པེ་ཁེ༌ལེ། ཧང་ཡ་དག་ནེ་ལ་ ཝག་ཙ་ག་ལྟོ་ རུ་ཉི་བུན་ཐཱན་ ཁུ་ག་བི་ལ་ཀབ་ཉི་ ཏི་ངེ་རང་ མ་དྲིག་པ་དག༌ཉི།
28གསུང་དེན་གཙོ་བོ་ ཨོ་ཉེ་རང་གི་ནེ་བུ་ ཁུ་གི་ཤོ་ ཝག་ཙ་བ་ཀ་ དོང་ཏཱན་གེ་ ས་ག་ཞུད་ཁེ་ཁཱན་ ལྟོ་ཆང་ དུང་ཉི་ཟཱན་ཅ་དག་ཉི་ ཨོ་ཉ་ཨ་མ་གི་ ཡི་ཤུ་ག་ཞུ་ཝ༌ལ།
29ཉི་ཡི་ཤུ་གི་ གསུངས་མ་ལ་ དྲིག་པ་ཨོམ་ དོན་ཤོན་དི་ཉི་ ན་ག་ཟ་མིན་དྲག༌པ། ནཱན་ལོག་ཉི་ ཕའི་ག་དི་དག༌ཉི། 30ཉི་ཨོ་ཉ་ཨ་མ་ ཕའི་ག་དི་ཉི་ གོད་པ་ཀབ་ཉི་ དོན་ཤོན་ཇོང་ཉི་ རོ་ཀ་ཝག་ཙ་ དྲག་པ་ཨ་དེན་གེ་ རོ་ཀ་བཱརང་ཀ་ལང་ཉི་ ཆོ་ཝ་ག་ཐོང་མ༌ལ༎
ཡི་ཤུ་གི་ ན་ཏོ་ར་དང་ཡོང་བ་ཆོ་ཁཱན་ དྲག་ཉི་གནང་མ༌ལ།
31ཉི་ཡི་ཤུ་ ཏྲུ་རོས་གེ་ཨ་ཉི་ སི་དོན་ག་ཤོ་ཉི་ ཉི་དྲེ་ཀ་པོ་ལིས་གེ་ཨ་ཉི་ ག་ལིལ་ག་མཚོ་ག་ཏཱན་ བྱོན་མ༌ལ། 32ན་གི་ཏི་ངེ་རང་ མ་ཐ་ཝ་ཨ་ཝ་ ཉི་ལེ་མ་ཏེག་པ་ཨ་ཉི་ ཧང་རང་རུད་པཱན་ ཆཱས་ད་ཟེ་རེ་ཨ་ལེ་རེ་ཁཱན་ སོ་ངོ་ཐུར་ཅ་གི་ཝ༌ལ། སོ་ངོ་བ་ཀི་ ཨོ་ཉ་སོ་ངོ་ཕཱན་ཐཱན་ ཡི་ཤུ་ག་ཞུ་ཝ་ལ་ ན་ག་ཕྱག་ད་སུར་ རོ་ཀ་ཐུང་ཀ་ ཀེ་ཉི་གནང་ཤོ་དག༌ཉི།
33ཉི་ཡི་ཤུ་གི་ ཨོ་ཉ་སོ་ངོ་ སོ་ངོ་མང་ཀ་པོང་ཀེ་ ཟུར་ཐུར་ག་ཏཱན་ བསྣམས་ཐཱན་ རོ་ཀ་ཕྱག་བུརུ་མ་ ནཱད་པ་ག་ ན་ནང་ཀ་ཙུག་པ༌ལ། ཉི་རོ་ཀ་ལེ་ག་ ཐོབ་ཏང་སོག་ཉི་གནང་མ༌ལ། 34ཉི་རོ་ཀི་ ཞིང་ཁམས་ག་ཏཱན་གཟིགས་ཉི་ ཤོང་རིང་མུ་ཨ་ཉི་ཇང་ཐཱན་ ཨོ་ཉ་སོ་ངོ་ག་ ཨིབ་ཕ་ཐ་དག་ཉི་ གསུངས་མ༌ལ། དེན་ཐ་ཤོ་ ཆོག་ཅོ་དག་པ་ག་རྩིས་གི་ཝ༌ལ། 35ཉི་རོག་ ན་ཐ་ཝ་རི་ཝ༌ལ། ཉི་རོ་ཀ་ལེ་བུ་ཏེག་པ་རི་ཉི་ དང་སང་ཀིན་ཨ་ཉི་ ཆཱས་ཨ་ལེ་རེ་བ་ རི་ཝ༌ལ།
36ཉི་རོ་ཀི་ རོག་ཏེ་བ་ཀ་ བཀའ་གནང་ཉི་ གསུངས་མ་ལ་ ཨོ་ཐ་ཀོར་གེ་ ཨི་བི་ག་རང་ མ་ཡེག་ཅོ་ན་དག༌ཉི། དག་པ་ཀབ་ཉི་ རོ་ཀི་ ཧབ་ཏུར་མ་ཡེག་ཅོ་དག་ཉི་ གསུངས་མ་ཐུར་ ཨོམ་ཏུར་ རོག་ཏེ་བ་ཀི་ ཡེག་པ༌ལ། 37ཉི་རོག་ཏེ་བ་ གནམ་མེད་ས་མེད་ ཤོ་ནང་ཕེ་ཉི་ ལོག་ཉི་ལོག་ཉི་རང་ ཡེག་པ་ལ་ རོ་ཀི་ ཧང་མཛད་ཉི་གནང་མ་ཐུར་ ཡིད་ཆི་ཝ་ག་གི་ཝ༌ལ། ན་ཏོ་ར་བ་ཀི་ ན་ཐ་ན་ ཉི་ཡོང་བ་བ་ཀི་ ནོ་ཝང་ཆོག་ལ་དག༌ཉི༎
Currently Selected:
མར་ཀུས། 7: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
མར་ཀུས། 7
7
ཙང་མ་དང་མ་ཙང༌མ།
1ཉི་ནོང་ཐུར་ ཡ་རུ་ཤ་ལེམ་གེ་ ཕ་རི་སི་པ་བ་དང་ བཀའ་ཁྲིམས་ག་ སློབ་དཔོན་བ་ ཡི་ཤུ་ག་ཀོར་གེ་ ཞིབ་དཔྱད་ཕི་ལེ་དེན་གེ་ ཤེག་པ༌ལ། 2ཉི་རོ་ཀ་སློ་མ་ཚེ་བང་གི་ རོག་ཏེ་བ་ཀ་ ཆོས་ག་ལུགས་སྲོལ་དང་ཏུ་ཉི་ ག་དང་མ་ཟིག་པེ་གོ་མ་ ཟ་ཝ་ག་ ཐོང་མ༌ལ། 3ཧང་ཡ་དག་ནེ་ལ་ ཡ་ཧུ་དི་པ་བ་དང་ ཙོ་རང་ ཕ་རི་སི་པ་བ་ཀི་ གོ་མ་ རོག་ཏེ་བ་ཀ་ མེ་མི་པི་པི་བ་ཀི་ ཨ་ཝ་ག་ ལུགས་སྲོལ་དང་ཏུ་ཉི་ ཙང་མ་ཅོད་པེ་དེན་གེ་ ག་དང་མ་ཟིག་པེ་གོ་མ་ མ་པ་གེ་རང་ མ་ཟཱན་ཅ་གི་ཝ༌ལ། 4ཉི་ཚོང་ཕི་ས་བཱརང་ཀེ་ ཨུན་ཐཱན་ ག་དང་མ་ཟིག་པ་སག་པུ་ རོག་ཏེ་བ་ཀི་ མ་པ་གེ་རང་ མ་ཟཱན་ཅ་གི་ཝ༌ལ། ཉི་ཨོམ་ཆང་རང་ རོག་ཏེ་བ་ཀི་ ཨ་ལེ་ཁེ་ཝ་ག་ ལུགས་སྲོལ་བཱརའ་བུ་ མང་པུ་ཐུར་ཅ་གི་ཝ༌ལ། དཔེ་ཨ་ནེ་ལ་ གུར་བུ་བ་དང་ ཀ་ལ་ནོ་ཙང་བ་ ཉི་ཟངས་གི་ཅོད་པ་ག་དིག་ ཨོ་ཉ་བ་ ཟིག་པེ་ཁེན་ཅ་གི་ཝ༌ལ།
5ཉི་ཕ་རི་སི་པ་བ་དང་ བཀའ་ཁྲིམས་ག་ སློབ་དཔོན་བ་ཀི་ རོ་ཀ་ཞུ་ཝ་ལ་ ན་ག་སློ་མ་བ་ཀི་ ཧང་ཨ་ཉི་ མེ་མི་པི་པི་བ་ཀི་ ཨ་ཝ་ག་ ལུགས་སྲོལ་དང་ཏུ་ཉི་ ཨ་ལེ་མང་གི་ཝ་ མ་ཟིག་པཱན་ ཟཱན་ཅ་ཡ་དག༌ཉི།
6ཉི་རོ་ཀི་ རོག་ཏེ་བ་ཀ་ གསུངས་མ་ལ་ ལུང་བསྟན་པ་ ཡ་ཤའི་ཡ་གི་ཕྲིག་ཀིན་ ནའི་འུ་དྲ་པ་བ་ཀ་ཀོར་གེ་ འབྲི་བ༌ཅ།
ཨོ་ཐ་སོ་ངོ་བ་ཀི་ རོག་ཏེ་བ་ཀ་ ནོ་ཝང་ལེབ་ཅི་གི་ཨ་ཉི་ ཇ་ག་ཕྱག་ཞུན་ཅ་ མ་ཏོག་པ་ རོག་ཏེ་བ་ཀ་ ཐིང་ལོམ་གི་ནེ་ལ་ ཇང་གེ་ གནམ་མེད་ས་མེད་ ཐ་རིང་མུ༌ཅ། 7རོག་ཏེ་བ་ཀི་ ཇ་ག་གསོལ་ཝ་ དེ་ཝ་ཏོང་པ་ཏབ༌ཅ། ཉི་ཡེ་ལ་ཀབ་ཉི་བུ་ སོ་ངོ་བ་ཀི་ ཅོད་པ་ག་ ཁྲིམས་དང་ཏུ་ཉི་ ཡེ་ཉི་བི་ན་#7:7 ཡ་ཤའི་ཡ་ག་དཔེ་ཆ་ 29:13 དག༌ཉི།
8ཉི་ན་ཤི་ དཀོན་མཆོག་ག་ བཀའ་རྒྱ་མང་གི་ཝ་ སོ་ངོ་བ་ཀ་ལུགས་སྲོལ་ཤོ་ གནམ་མེད་ས་མེད་ཙི་ན།
9ཉི་ཡི་ཤུ་གི་ རོག་ཏེ་བ་ཀ་ གསུངས་མ་ལ་ ན་ཧ་ལུགས་སྲོལ་དང་ཏུ་ཉི་ ཨ་ལེ་དེན་གེ་ དཀོན་མཆོག་ག་ བཀའ་རྒྱ་ག་ ཆ་གནས་ཐ་ལུ་མ༌ལ། 10དཔེ་ཨ་ནེ་ལ་ མོ་ས་གི་ཡེག་པ་ཆོ་ཝ་ ཨ་པ་དང་ཨ་མ་ག་ ཆ་གནས་ཐ་ལེ་ཁེ༌ལེ། ཉི་ཨི་བི་གི་ ཨ་པ་དང་ཨ་མ་ཀོར་གེ་ མ་ལེག་པ་ཡེག་ཉི་ སྐུར་པ་ཞུན་ཅ་གི་ལ་སྨོ་ ཨོ་ཉ་སོ་ངོ་ཁེ་པ་ ཤེ་ལེ་ཁེ་ལེ་དག༌ཉི། 11དག་པ་ཀབ་ཉི་ ན་ཤི་ སོ་ངོ་བ་ཀ་ ཨོ་ཐེན་ཡེ་ན་ ན་ག་ཨ་པ་དང་ཨ་མ་ ནང་དོག་ཉི་ཆོ་ལ་ཀབ་ཉི་ ཨིན་ཅི་མིན་ཅི་རང་ རུམ་པེ་མ་ཁེ༌ལ། ནཱན་གི་ ཨོ་ཐེན་ཡེག་ནེ་བུ་དྲིག༌པེ། ཁོ་དང་མ་ཆཱད་ཅོ་ན་ མ་པ་ཏ་ ཇི་གི་ ན་ཆིང་ག་ རུམ་པ་ཨོ་ཕེ། དག་པ་ཀབ་ཉི་ དཀོན་མཆོག་ག་ སྙན་དར་ཕུལ་བ་ཨ་དེན་གེ་ ཏི་རུ་ཐམས་ཅན་རང་ ཆུ་མ་དག༌ཉི། 12ན་ཤི་ རོ་ཀ་ཨ་པ་དང་ཨ་མ་ག་བུ་ ཧང་རང་རུམ་པེ་བི་ལུ་མ༌ལ། 13ཉི་ན་ཤི་ཉོང་ཁཱན་ ལུགས་སྲོལ་ཤོ་ཙུང་ཉི་ བཱརའ་སོ་ངོ་བ་ཀ་བུ་བཤད་ཉི་ དཀོན་མཆོག་ག་ བཀའ་ཁྲིམས་ཤོ་ མ་ཝ་རི་ལེ་བི་ན། ཨུ་ཐུ་ཏ་ དཔེ་ཐུར་ཤ་གེན༌ཅ། མ་པ་ཏ་ ཡེག་པེ་ཁེ་ཝ་ག་ཆཱས་ བཱརའ་བུ་མང་པུ་ཐུར་ཅ་དག་ཉི་ གསུངས་མ༌ལ༎
སོ་ངོ་མ་ཙང་མ་ཅོད་ཁཱན།
14ཉི་ཡི་ཤུ་གི་ སོ་ངོ་བ་ ཨོ་དོ་དག་ཉི་རཱན་ཐཱན་ ནའི་ཐམས་ཅན་རང་ ལེག་པ་ཨ་ཉི་ཉཱན༌ཅོ། ཉི་ལེག་པ་ཨ་ཉི་ ཧ་གོ་ལེ་མིག་པ་ ཕིན་གོད་ཅོ་དག་ཉི་ གསུངས་མ༌ལ། 15-16ཧང་རང་གི་ནེ་བུ་ ཕིས་ཀེ་སོ་ངོ་ག་ནང་ཀ་ དི་ཁཱན་གི་ རོག་མ་ཙང་མ་ ཅོད་པུ་མཱན༌ཅ། དག་པ་ཀབ་ཉི་ ནང་ཀེ་ཕིས་ཀ་ཤོ་ཁཱན་གི་ གི་ནེ་ལ་ རོག་མ་ཙང་མ་ཅོད་ཅ་གི༌ལ།
17ཉི་རོ་ཀི་ སོ་ངོ་བ་ ཐུབ་ཐཱན་ཐཱན་ ཕའི་ནང་ཀ་བྱོན་དེན་གེ་ རོ་ཀ་སློ་མ་བ་ཀི་ ཨོ་ཉ་དཔེ་གཏམ་ག་ དེན་ཐ་ཤོ་ ཧང་གི་ལ་ཡ་དག་ཉི་ ཡི་ཤུ་ག་ཞུ་ཝ༌ལ། 18ན་ཧ་བ་བུ་ ཡོང་བ་གི་ལ་སྨོ་དག་ཉི་ ཇིམ་ཐཱན་ གསུངས་མ་ལ་ ཧང་རང་གི་ནེ་བུ་ ཕིས་ཀེ་སོ་ངོ་ག་ནང་ཀ་ དི་ཁཱན་གི་ཤོ་ རོག་མ་ཙང་མ་ ཏི་ངེ་རང་ ཅོད་པུ་མཱན་ཅ་དག་ཉི་ ན་ཤི་སེ་ལུ་མ་ལ་སྨོ། 19ཧང་ཡ་དག་ནེ་ལ་ ཕིས་ཀེ་དི་ཁཱན་གི་ རོ་ཀ་ཐིང་ལོམ་ནང་ཀ་ དི་ལེ་མང་གི་ཝ་ ཕོ་ལང་ནང་ཀ་དི་ཉི་ ཉི་ལུས་པུ་གེ་ཕིས་ཀ་ཤོ་ཉི་ དིན་ཅ་གི་ལ་དག༌ཉི། (ཨོ་ཐེན་གསུངས་མེ་དེན་ཐ་ཤོ་ ཟ་ལེ་ཇ་མེ་ག་ཟེ་ ཧང་རང་གི་ནེ་བུ་ ཙང་མ་གི༌ལ། ཟ་ལེ་རུང་པེ་དག་པ་ག་ རྩིས་གི༌ལ།)
20ཡི་ཤུ་གི་གསུངས་ཉི་རང་ བཞུགས་པ་ལ་ སོ་ངོ་ནང་ཀེ་ ཕིས་ཀ་ཤོ་ཁཱན་གི་ཤོ་ རོག་མ་ཙང་མ་ཅོད་ཅ་གི༌ལ། 21ཧང་ཏེན་ཡ་དག་ནེ་ལ་ སོ་ངོ་ག་ ཐིང་ལོམ་ནང་ཀེ་ སེམས་མ་ལེག་པ་མི་ཉི་ ལུས་འབྲེལ་མ་ཙང་མ་ཨ་ཁཱན། དྲོ་ཝཱན་ཨ་ཁཱན། སོ་ངོ་ཤེ་ཁཱན། གཉེན་གྲོགས་གེ་ཕིས་ཀ་ ལུས་འབྲེལ་ཨ་ཁཱན། 22ཉི་འདོད་པུ་ཆི་ལུ་ཨ་ཁཱན་ ལའི་ཡཱན་མུ་ཨ་ཁཱན་ ཇི་སྐོར་ཕི་ཁཱན་ ཧ་ལ་རང་གི་ནེ་བུ་ བཀྲ་མ་ཤིག་པ་ཨ་ཁཱན་ སེར་སྣ་ཨ་ཉི་ མིང་ཤོག་ཁཱན་ བཱརའ་སོ་ངོ་ཀོར་གེ་ མ་ལེག་པ་ཡེག་ཉི་ ཏྲོག་ཁཱན་ ཇང་རང་ཆི་ལུ་གི་ལ་དག་ཉི་ ཁམ་ཙོང་ཁཱན་ ཆཱས་དེན་མུ་ག་ ཧ་མ་གོ་ཁཱན། 23ཨོ་ཉ་བ་ ཐམས་ཅན་རང་ སོ་ངོ་ག་ ཐིང་ལོམ་ནང་ཀེ་མི་ཉི་ ཨ་ལེ་རིག་ཅ་གི༌ལ། ཨོ་ཉི་ཨ་དེན་གེ་ རོག་མ་ཙང་མ་ ཅོད་ཅ་གི་ལ་དག་ཉི་ ཡི་ཤུ་གི་གསུངས་མ༌ལ༎
མེ་ཝག་ཙ་ཐུར་ག་དད༌པ།
24ཉི་ཡི་ཤུ་ ཨོ་ཉ་གེ་ ཏྲུ་རོས་དག་ས་ག་ དུང་གེ་ལེང་བྱོན་མ༌ལ། ཉི་རོ་ཀ་ཀོར་གེ་ ཨི་བི་གི་རང་ མ་སེན་ཆེན་དག་པ་གི་ ཕའི་ནང་ཀ་ནུབ་ཉི་ གོད་ནེ་བུ་ རོག་གུམ་ཉི་ བཞུགས་པེ་མར་བ༌ལ། 25ཉི་ཡི་ཤུ་ ཕེབས་པ་ཐུར་ག་རང་ ཨ་མ་ཐུར་ཤེག་ཉི་ རོ་ཀ་ཞབས་ར་ག་ ཕྱག་ཕུལ་བ༌ལ། ཧང་ཡ་དག་ནེ་ལ་ རོ་ཀ་ཟ་མིན་ཟེ་མུ་ཁེ་པ་ རྣམ་ཤེས་མ་ཙང་མ་གི་ ནོད་པ་ཅ་གི་ཝ༌ལ།
26ཨོ་ཉ་ཨ་མ་ཤོ་ ཡ་ཧུ་དི་པ་མང་གི་ཁཱན་ ཀེ་ས་བཱརང་ སི་རི་ཡ་ ཕོ་ནི་ཀེ་དག་ས་གེ་ གིརིག་ག་ སོ་ངོ་གི་ཝ་ཆོ་ཝ༌ལ། ཉི་རོ་ཀི་ ཇ་ག་ཟ་མིན་ག་ནང་ཀེ་ དོན་ཤོ་ཉི་གེམ་གནང་ཤོ་དག་ཉི་ ལ་སོ་སྐུ་ཆེ་ཨ་ཉི་ ཞུ་ཝ༌ལ། 27ཡི་ཤུ་གི་ རོ་ཀ་གསུངས་མ་ལ་ གོ་མ་རང་ ཇང་ཏེན་ག་སོ་ངོ་བ་ཀ་ རུམ་པེ་ཁེ༌ལེ། ཧང་ཡ་དག་ནེ་ལ་ ཝག་ཙ་ག་ལྟོ་ རུ་ཉི་བུན་ཐཱན་ ཁུ་ག་བི་ལ་ཀབ་ཉི་ ཏི་ངེ་རང་ མ་དྲིག་པ་དག༌ཉི།
28གསུང་དེན་གཙོ་བོ་ ཨོ་ཉེ་རང་གི་ནེ་བུ་ ཁུ་གི་ཤོ་ ཝག་ཙ་བ་ཀ་ དོང་ཏཱན་གེ་ ས་ག་ཞུད་ཁེ་ཁཱན་ ལྟོ་ཆང་ དུང་ཉི་ཟཱན་ཅ་དག་ཉི་ ཨོ་ཉ་ཨ་མ་གི་ ཡི་ཤུ་ག་ཞུ་ཝ༌ལ།
29ཉི་ཡི་ཤུ་གི་ གསུངས་མ་ལ་ དྲིག་པ་ཨོམ་ དོན་ཤོན་དི་ཉི་ ན་ག་ཟ་མིན་དྲག༌པ། ནཱན་ལོག་ཉི་ ཕའི་ག་དི་དག༌ཉི། 30ཉི་ཨོ་ཉ་ཨ་མ་ ཕའི་ག་དི་ཉི་ གོད་པ་ཀབ་ཉི་ དོན་ཤོན་ཇོང་ཉི་ རོ་ཀ་ཝག་ཙ་ དྲག་པ་ཨ་དེན་གེ་ རོ་ཀ་བཱརང་ཀ་ལང་ཉི་ ཆོ་ཝ་ག་ཐོང་མ༌ལ༎
ཡི་ཤུ་གི་ ན་ཏོ་ར་དང་ཡོང་བ་ཆོ་ཁཱན་ དྲག་ཉི་གནང་མ༌ལ།
31ཉི་ཡི་ཤུ་ ཏྲུ་རོས་གེ་ཨ་ཉི་ སི་དོན་ག་ཤོ་ཉི་ ཉི་དྲེ་ཀ་པོ་ལིས་གེ་ཨ་ཉི་ ག་ལིལ་ག་མཚོ་ག་ཏཱན་ བྱོན་མ༌ལ། 32ན་གི་ཏི་ངེ་རང་ མ་ཐ་ཝ་ཨ་ཝ་ ཉི་ལེ་མ་ཏེག་པ་ཨ་ཉི་ ཧང་རང་རུད་པཱན་ ཆཱས་ད་ཟེ་རེ་ཨ་ལེ་རེ་ཁཱན་ སོ་ངོ་ཐུར་ཅ་གི་ཝ༌ལ། སོ་ངོ་བ་ཀི་ ཨོ་ཉ་སོ་ངོ་ཕཱན་ཐཱན་ ཡི་ཤུ་ག་ཞུ་ཝ་ལ་ ན་ག་ཕྱག་ད་སུར་ རོ་ཀ་ཐུང་ཀ་ ཀེ་ཉི་གནང་ཤོ་དག༌ཉི།
33ཉི་ཡི་ཤུ་གི་ ཨོ་ཉ་སོ་ངོ་ སོ་ངོ་མང་ཀ་པོང་ཀེ་ ཟུར་ཐུར་ག་ཏཱན་ བསྣམས་ཐཱན་ རོ་ཀ་ཕྱག་བུརུ་མ་ ནཱད་པ་ག་ ན་ནང་ཀ་ཙུག་པ༌ལ། ཉི་རོ་ཀ་ལེ་ག་ ཐོབ་ཏང་སོག་ཉི་གནང་མ༌ལ། 34ཉི་རོ་ཀི་ ཞིང་ཁམས་ག་ཏཱན་གཟིགས་ཉི་ ཤོང་རིང་མུ་ཨ་ཉི་ཇང་ཐཱན་ ཨོ་ཉ་སོ་ངོ་ག་ ཨིབ་ཕ་ཐ་དག་ཉི་ གསུངས་མ༌ལ། དེན་ཐ་ཤོ་ ཆོག་ཅོ་དག་པ་ག་རྩིས་གི་ཝ༌ལ། 35ཉི་རོག་ ན་ཐ་ཝ་རི་ཝ༌ལ། ཉི་རོ་ཀ་ལེ་བུ་ཏེག་པ་རི་ཉི་ དང་སང་ཀིན་ཨ་ཉི་ ཆཱས་ཨ་ལེ་རེ་བ་ རི་ཝ༌ལ།
36ཉི་རོ་ཀི་ རོག་ཏེ་བ་ཀ་ བཀའ་གནང་ཉི་ གསུངས་མ་ལ་ ཨོ་ཐ་ཀོར་གེ་ ཨི་བི་ག་རང་ མ་ཡེག་ཅོ་ན་དག༌ཉི། དག་པ་ཀབ་ཉི་ རོ་ཀི་ ཧབ་ཏུར་མ་ཡེག་ཅོ་དག་ཉི་ གསུངས་མ་ཐུར་ ཨོམ་ཏུར་ རོག་ཏེ་བ་ཀི་ ཡེག་པ༌ལ། 37ཉི་རོག་ཏེ་བ་ གནམ་མེད་ས་མེད་ ཤོ་ནང་ཕེ་ཉི་ ལོག་ཉི་ལོག་ཉི་རང་ ཡེག་པ་ལ་ རོ་ཀི་ ཧང་མཛད་ཉི་གནང་མ་ཐུར་ ཡིད་ཆི་ཝ་ག་གི་ཝ༌ལ། ན་ཏོ་ར་བ་ཀི་ ན་ཐ་ན་ ཉི་ཡོང་བ་བ་ཀི་ ནོ་ཝང་ཆོག་ལ་དག༌ཉི༎
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved