Ап.паш 7
7
7 ГЛАВА
1-53 Стефанын Синедрионышто ойлымыжо. 54 – 8:1 Стефаным пуштмаш.
1Тунам архиерей йодын: «Тиде титаклымаш чын мо?» 2Но Стефан ойлаш тӱҥалын: «Иза-шольо ден ача-влак, колыштса. Кунам мемнан Авраам ачана але Месопотамийыште лийын да Харраныш эше куснен огыл улмаш, тудлан чапланыше Юмо кончен 3да каласен: ”Шке мландет гычат, шке тукымет гычат, [шке ачатын суртшо гычат] лек да Мыйын ончыктымо мландышке кай”.#7:3 Быт 12:1. 4Тунам Авраам Халдей мланде гыч лектын да Харраныште илаш тӱҥалын. Ачаже колымеке, тудым Юмо тушечын тендан кызыт илыме тиде мландышке кусарен. 5Авраамлан йолкопа лопкыт мландымат пуэн огыл, но тиде мландым тудлан да урлыкшылан пуаш сӧрен.#7:5 Быт 13:15. Тунам Авраамын йочаже але лийын огыл. 6Юмо каласен: ”Тыйын тукымет йот мландыште ӧрдыж еҥ семын илаш тӱҥалеш, тудым кулыш савырат, ныл шӱдӧ ий шыгыремдылыт. 7Но Мый, – манын Юмо, – тудым кул семын кучышо калыкым судитлем, тылеч вара тукымет тушеч кая да тиде верыште Мыланем служитлаш тӱҥалеш”.#7:6-7 Быт 15:13-14. 8Вара Юмо Авраамлан пӱчмӧ йӱлам шуктымо сугыньым пуэн. Тылеч вара Авраам деч Исаак шочын, да кандашымше кечын тудо Исаак дене пӱчмӧ йӱлам эртарен. Исаакат Иаков дене тыгак ыштен, а Иаков мемнан латкок тӱҥ кугезыланна#7:8 Тӱҥ кугезе – патриарх, тукымлан тӱҥалтышым пуышо кугу еҥ. тидымак ыштен.
9Тӱҥ кугезе-влак кӧранымышт дене Иосифым Египетыш ужаленыт, но Юмо тудын пелен лийын 10да Иосифым чыла орлык деч утарен, кугу ушым пуэн да фараонын, Египет кугыжан, кумылжым тудын деке савырен. Фараонжо Иосифым Египетым да шкенжын чыла озанлыкшым вуйлаташ шогалтен. 11Шужымаш да кугу орлык уло Египет ден Ханаан мланде мучко шарленытат, ачана-влак кочкышым муын кертын огытыл. 12Египетыште кинде улмо нерген колмеке, тушко Иаков ачана-влакым икымше гана колтен. 13А кокымшо ганалан Иосиф изаж-влаклан кӧ улмыж нерген каласен, да фараон Иосифын родо-тукымжо нерген пален налын. 14Иосиф шкеж деке Иаков ачажымат, уло тукымжымат, чылаже шымле вич еҥым, ӱжаш колтен. 15Иаков Египетыш куснен, тушан шкежат колен, мемнан ачана-влакат коленыт. 16Нуным Сихемыш наҥгаеныт да Сихем Емморын эргыж-влак деч Авраамын ший дене тӱлен налме шӱгарыш пыштеныт.
17Авраамлан Юмын товатлен сӧрымыжӧ шукталтшаш жап лишемме семын Израиль калык Египетыште кушкын да шукемын. 18А вара вес кугыжа шогалын, тудо Иосифым пален огыл.#7:18 Исх 1:7-8. 19Тудо мемнан тукым ваштареш чояланен, азашт илыше ынышт код манын, нуным шуэн кодаш ӧкымлен, ачана-влакым шыгыремдылын. 20Тиде жапыште Моисей шочын, тудо Юмылан келшыше лийын. Тудым кум тылзе ачажын пӧртыштыжӧ ашненыт. 21А вара, шуэн кодымеке, тудым фараонын ӱдыржӧ налын, шке эргыж семын ончен-куштен. 22Египет калыкын уло шинчымашыжым Моисейлан туныктеныт. Тудо мутыштат, пашаштат уста лийын.
23А кунам Моисейлан нылле ий темын, шке тукымжым, Израиль эрге-влакым, миен ончалаш шонен пыштен. 24Израиль тукым кокла гыч иктыжлан осалым ыштымым ужмеке, тудым пыдал налын, орландарыме еҥ верч ӱчым шуктен, египет пӧръеҥым пуштын. 25Нуным Юмо тудын кидше дене утара манын умылат шонен, но нуно умылен огытыл. 26Вес кечынже, нунын кокла гыч кок еҥ кредалме годым, Моисей миен да сӧрасаш ӱжын: ”Те родо-тукым улыда, молан икте-весылан осалым ыштеда?” 27Но лишылжылан осалым ыштыше еҥ Моисейым шӱкалын да каласен: ”Кӧ тыйым мемнан вуйлатышылан да судьялан шогалтен? 28Теҥгече египет пӧръеҥым пуштмет семын ала тый мыйымат пушташ шонет?”#7:26-28 Исх 2:13-14. 29Тыгай шомакым колмеке, Моисей тушечын куржын да Мадиам мландыште ӧрдыж еҥ семын илаш кодын, тушто тудын кок эргыже шочын.
30Нылле ий эртымеке, Синай курык воктенысе ир мландыште, йӱлышӧ иман вондерын тулыштыжо, тудлан Господьын Суксыжо кончен. 31Тыгай кончымашым ужын, Моисей пеш ӧрын, а кунам ончалаш лишемын, Господьын йӱкшым колын: 32”Мый тыйын ача-кочат-влакын Юмышт, Авраамын Юмыжо, Исаакын Юмыжо, Иаковын Юмыжо улам”. Моисей лӱдмыж дене чытыраш тӱҥалынат, ончаш тоштын огыл. 33А Господь тудлан каласен: ”Тыйын шогымо верет – святой мланде, йолчиеметым кудаш. 34Мый калыкемым Египетыште шыгыремдылмым ужынам, тудын шортмыжым колынам да тудым утараш воленам. А ынде тол, Мый тыйым Египетыш колтем”.
35”Кӧ тыйым вуйлатышылан да судьялан шогалтен?” манын, нуно Моисейым кораҥденыт. Но иман вондерыште кончышо Суксын полшымыж дене Юмо тудымак нуным вуйлаташ да эрыкыш лукташ колтен.#7:30-35 Исх 3:2-10. 36Египет мландыште, Йошкар теҥызыште да нылле ий ир мландыште ӧрыктарыше паша ден палдарыше палым ыштен, Моисей нуным тушеч луктын. 37Тиде Моисеяк Израиль эрге-влаклан каласен: ”Юмо тыланда мыйын гай пророкым шкендан кокла гыч шогалта. Тудым колыштса.”#7:37 Втор 18:15. 38Ир мландеш погынышо калык дене пырля Моисей лийын; Синай курыкышто тудлан ойлышо Суксо дене да мемнан ачана-влак дене тудо ир мландыште улмаш да, мемнан деке шукташ манын, илыше шомакым налын. 39Мемнан ачана-влак тудын мутшым ынешт колышт улмаш, тудым кораҥденыт да шӱмыштышт Египетыш пӧртылаш шонымашым кученыт. 40Нуно Ааронлан каласеныт: ”Мемнам вӱден кайыше юмо-влакым ыште. Мемнам Египет мланде гыч лукшо саде Моисей дене мо лийын, огына пале”.#7:40 Исх 32:1. 41Тунам самырык ӱшкыжла койшо шояк юмым ыштеныт да тудлан надырым пуэныт, шке кидышт дене ыштыме ӱзгар лӱмеш куан пайремым эртареныт. 42А Юмо нунын деч савырнен да кавасе шӱдыр-влаклан кумалаш коден. Пророк-влакын книгаштышт тыге возымо:
”Израиль тукым,
але те нылле ий ир мландыште лийме годым
шӱшкылмӧ вольыкым да моло надырым Мыланем конденда?
43Молохын скинийжым#7:43 Скиний: мутерым ончо.
да Ремфан юмыдан шӱдыржым те нумалында –
кумалаш шкендан ыштыме сӱретдам пеленда наҥгаенда,
сандене Мый тендам Вавилон вес могырыш кусарем”.#7:42-43 Ам 5:25-27. Молох – ханаан калыкын юмыжо, а Ремфан (южо грек кидвозышышто Райфан) – Сатурн планетым тыге лӱмдымӧ, очыни.
44Таныклымын скинийже ир мландыште мемнан ачана-влак пелен лийын. Тудыжо Моисейлан Ойлышын кӱштымыж почеш, Моисейын ужмо сын дене келшышын ыштыме улмаш. 45Тудым мемнан ачана-влак налыныт да, Юмын поктен колтымо калык-влак деч Навин Иисусын вуйлатымыж почеш тиде мландым сеҥен налмеке, скинийым тышке нумал конденыт. Давид годсо жап марте тыге лийын. 46Юмо Давид деке порын савырнен, да Иаков тукымын Юмыжлан илыме верым ямдылаш манын, Давид сӧрвален йодын. 47А Юмылан пӧртым Соломон ыштен. 48Но кид дене ыштыме пӧртлаште Кӱшнысӧ Юмо ок иле, пророк тыге ойлен:
49”Пылпомыш – Мыйын престолем,
мланде – Мыйын йол шындыме верем.
Мыланем могай пӧртым чоҥеда,
але могай верыште Мый канаш тӱҥалам? – ойла Господь. –
50Мыйын кидем огыл мо чыла тидым ыштен?”#7:49-50 Ис 66:1-2.
51Ойым колыштдымо-влак! Тендан дене пӱчмӧ йӱлам эртарыме, но шӱмда да пылышда Юмым палыдыме еҥ-влакын гаяк. Ачада-влак семынак теат Святой Шӱлышлан эре торешланеда. 52Пророк-влак кокла гыч кӧм гына тендан ачада-влак поктылын огытыл? Нуно Чын Ыштышын толшашыж нерген ончылгоч увертарыше-влакым пуштыныт, а ынде те Тудым ужалыше да пуштшо лийында. 53Тыланда Суксо-влак гоч законым пуымо, а те тудым шуктен огыдал».
54Тидым колыштын, Синедрионышто шинчыше-влак ажгыненыт да пӱйыштым пурыныт. 55А Святой Шӱлыш дене тич темше Стефан пылпомышко ончалын, Юмын чапшым да Юмын пурла могырыштыжо шогышо Иисусым ужын 56да ойлен: «Теве мый почылтшо пылпомышым да Айдеме Эргым ужам, Тудо Юмын пурла могырыштыжо шога». 57Тунам нуно чот кычкыраш тӱҥалыныт, пылышыштым петыреныт да Стефан ӱмбаке ик еҥ семын керылтыныт. 58Нуно тудым ола деч ӧрдыжкӧ шӱдырен луктыныт да, пушташ манын, ӱмбакыже кӱм кышкаш тӱҥалыныт. А таныклыше-влак ӱмбал вургемыштым Савл лӱман самырык пӧръеҥын йол воктекыже кудаш пыштеныт. 59Стефан ӱмбаке кӱм кышкеныт, а тудыжо кумалын: «Господь Иисус, мыйын чонем нал». 60Вара пулвуйыш сукалтен, виян йӱк дене кычкыралын: «Господь! Тиде языкыштлан нуным ит титакле». Тыге каласымеке, тудо колен.
Currently Selected:
Ап.паш 7: УС
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007
Ап.паш 7
7
7 ГЛАВА
1-53 Стефанын Синедрионышто ойлымыжо. 54 – 8:1 Стефаным пуштмаш.
1Тунам архиерей йодын: «Тиде титаклымаш чын мо?» 2Но Стефан ойлаш тӱҥалын: «Иза-шольо ден ача-влак, колыштса. Кунам мемнан Авраам ачана але Месопотамийыште лийын да Харраныш эше куснен огыл улмаш, тудлан чапланыше Юмо кончен 3да каласен: ”Шке мландет гычат, шке тукымет гычат, [шке ачатын суртшо гычат] лек да Мыйын ончыктымо мландышке кай”.#7:3 Быт 12:1. 4Тунам Авраам Халдей мланде гыч лектын да Харраныште илаш тӱҥалын. Ачаже колымеке, тудым Юмо тушечын тендан кызыт илыме тиде мландышке кусарен. 5Авраамлан йолкопа лопкыт мландымат пуэн огыл, но тиде мландым тудлан да урлыкшылан пуаш сӧрен.#7:5 Быт 13:15. Тунам Авраамын йочаже але лийын огыл. 6Юмо каласен: ”Тыйын тукымет йот мландыште ӧрдыж еҥ семын илаш тӱҥалеш, тудым кулыш савырат, ныл шӱдӧ ий шыгыремдылыт. 7Но Мый, – манын Юмо, – тудым кул семын кучышо калыкым судитлем, тылеч вара тукымет тушеч кая да тиде верыште Мыланем служитлаш тӱҥалеш”.#7:6-7 Быт 15:13-14. 8Вара Юмо Авраамлан пӱчмӧ йӱлам шуктымо сугыньым пуэн. Тылеч вара Авраам деч Исаак шочын, да кандашымше кечын тудо Исаак дене пӱчмӧ йӱлам эртарен. Исаакат Иаков дене тыгак ыштен, а Иаков мемнан латкок тӱҥ кугезыланна#7:8 Тӱҥ кугезе – патриарх, тукымлан тӱҥалтышым пуышо кугу еҥ. тидымак ыштен.
9Тӱҥ кугезе-влак кӧранымышт дене Иосифым Египетыш ужаленыт, но Юмо тудын пелен лийын 10да Иосифым чыла орлык деч утарен, кугу ушым пуэн да фараонын, Египет кугыжан, кумылжым тудын деке савырен. Фараонжо Иосифым Египетым да шкенжын чыла озанлыкшым вуйлаташ шогалтен. 11Шужымаш да кугу орлык уло Египет ден Ханаан мланде мучко шарленытат, ачана-влак кочкышым муын кертын огытыл. 12Египетыште кинде улмо нерген колмеке, тушко Иаков ачана-влакым икымше гана колтен. 13А кокымшо ганалан Иосиф изаж-влаклан кӧ улмыж нерген каласен, да фараон Иосифын родо-тукымжо нерген пален налын. 14Иосиф шкеж деке Иаков ачажымат, уло тукымжымат, чылаже шымле вич еҥым, ӱжаш колтен. 15Иаков Египетыш куснен, тушан шкежат колен, мемнан ачана-влакат коленыт. 16Нуным Сихемыш наҥгаеныт да Сихем Емморын эргыж-влак деч Авраамын ший дене тӱлен налме шӱгарыш пыштеныт.
17Авраамлан Юмын товатлен сӧрымыжӧ шукталтшаш жап лишемме семын Израиль калык Египетыште кушкын да шукемын. 18А вара вес кугыжа шогалын, тудо Иосифым пален огыл.#7:18 Исх 1:7-8. 19Тудо мемнан тукым ваштареш чояланен, азашт илыше ынышт код манын, нуным шуэн кодаш ӧкымлен, ачана-влакым шыгыремдылын. 20Тиде жапыште Моисей шочын, тудо Юмылан келшыше лийын. Тудым кум тылзе ачажын пӧртыштыжӧ ашненыт. 21А вара, шуэн кодымеке, тудым фараонын ӱдыржӧ налын, шке эргыж семын ончен-куштен. 22Египет калыкын уло шинчымашыжым Моисейлан туныктеныт. Тудо мутыштат, пашаштат уста лийын.
23А кунам Моисейлан нылле ий темын, шке тукымжым, Израиль эрге-влакым, миен ончалаш шонен пыштен. 24Израиль тукым кокла гыч иктыжлан осалым ыштымым ужмеке, тудым пыдал налын, орландарыме еҥ верч ӱчым шуктен, египет пӧръеҥым пуштын. 25Нуным Юмо тудын кидше дене утара манын умылат шонен, но нуно умылен огытыл. 26Вес кечынже, нунын кокла гыч кок еҥ кредалме годым, Моисей миен да сӧрасаш ӱжын: ”Те родо-тукым улыда, молан икте-весылан осалым ыштеда?” 27Но лишылжылан осалым ыштыше еҥ Моисейым шӱкалын да каласен: ”Кӧ тыйым мемнан вуйлатышылан да судьялан шогалтен? 28Теҥгече египет пӧръеҥым пуштмет семын ала тый мыйымат пушташ шонет?”#7:26-28 Исх 2:13-14. 29Тыгай шомакым колмеке, Моисей тушечын куржын да Мадиам мландыште ӧрдыж еҥ семын илаш кодын, тушто тудын кок эргыже шочын.
30Нылле ий эртымеке, Синай курык воктенысе ир мландыште, йӱлышӧ иман вондерын тулыштыжо, тудлан Господьын Суксыжо кончен. 31Тыгай кончымашым ужын, Моисей пеш ӧрын, а кунам ончалаш лишемын, Господьын йӱкшым колын: 32”Мый тыйын ача-кочат-влакын Юмышт, Авраамын Юмыжо, Исаакын Юмыжо, Иаковын Юмыжо улам”. Моисей лӱдмыж дене чытыраш тӱҥалынат, ончаш тоштын огыл. 33А Господь тудлан каласен: ”Тыйын шогымо верет – святой мланде, йолчиеметым кудаш. 34Мый калыкемым Египетыште шыгыремдылмым ужынам, тудын шортмыжым колынам да тудым утараш воленам. А ынде тол, Мый тыйым Египетыш колтем”.
35”Кӧ тыйым вуйлатышылан да судьялан шогалтен?” манын, нуно Моисейым кораҥденыт. Но иман вондерыште кончышо Суксын полшымыж дене Юмо тудымак нуным вуйлаташ да эрыкыш лукташ колтен.#7:30-35 Исх 3:2-10. 36Египет мландыште, Йошкар теҥызыште да нылле ий ир мландыште ӧрыктарыше паша ден палдарыше палым ыштен, Моисей нуным тушеч луктын. 37Тиде Моисеяк Израиль эрге-влаклан каласен: ”Юмо тыланда мыйын гай пророкым шкендан кокла гыч шогалта. Тудым колыштса.”#7:37 Втор 18:15. 38Ир мландеш погынышо калык дене пырля Моисей лийын; Синай курыкышто тудлан ойлышо Суксо дене да мемнан ачана-влак дене тудо ир мландыште улмаш да, мемнан деке шукташ манын, илыше шомакым налын. 39Мемнан ачана-влак тудын мутшым ынешт колышт улмаш, тудым кораҥденыт да шӱмыштышт Египетыш пӧртылаш шонымашым кученыт. 40Нуно Ааронлан каласеныт: ”Мемнам вӱден кайыше юмо-влакым ыште. Мемнам Египет мланде гыч лукшо саде Моисей дене мо лийын, огына пале”.#7:40 Исх 32:1. 41Тунам самырык ӱшкыжла койшо шояк юмым ыштеныт да тудлан надырым пуэныт, шке кидышт дене ыштыме ӱзгар лӱмеш куан пайремым эртареныт. 42А Юмо нунын деч савырнен да кавасе шӱдыр-влаклан кумалаш коден. Пророк-влакын книгаштышт тыге возымо:
”Израиль тукым,
але те нылле ий ир мландыште лийме годым
шӱшкылмӧ вольыкым да моло надырым Мыланем конденда?
43Молохын скинийжым#7:43 Скиний: мутерым ончо.
да Ремфан юмыдан шӱдыржым те нумалында –
кумалаш шкендан ыштыме сӱретдам пеленда наҥгаенда,
сандене Мый тендам Вавилон вес могырыш кусарем”.#7:42-43 Ам 5:25-27. Молох – ханаан калыкын юмыжо, а Ремфан (южо грек кидвозышышто Райфан) – Сатурн планетым тыге лӱмдымӧ, очыни.
44Таныклымын скинийже ир мландыште мемнан ачана-влак пелен лийын. Тудыжо Моисейлан Ойлышын кӱштымыж почеш, Моисейын ужмо сын дене келшышын ыштыме улмаш. 45Тудым мемнан ачана-влак налыныт да, Юмын поктен колтымо калык-влак деч Навин Иисусын вуйлатымыж почеш тиде мландым сеҥен налмеке, скинийым тышке нумал конденыт. Давид годсо жап марте тыге лийын. 46Юмо Давид деке порын савырнен, да Иаков тукымын Юмыжлан илыме верым ямдылаш манын, Давид сӧрвален йодын. 47А Юмылан пӧртым Соломон ыштен. 48Но кид дене ыштыме пӧртлаште Кӱшнысӧ Юмо ок иле, пророк тыге ойлен:
49”Пылпомыш – Мыйын престолем,
мланде – Мыйын йол шындыме верем.
Мыланем могай пӧртым чоҥеда,
але могай верыште Мый канаш тӱҥалам? – ойла Господь. –
50Мыйын кидем огыл мо чыла тидым ыштен?”#7:49-50 Ис 66:1-2.
51Ойым колыштдымо-влак! Тендан дене пӱчмӧ йӱлам эртарыме, но шӱмда да пылышда Юмым палыдыме еҥ-влакын гаяк. Ачада-влак семынак теат Святой Шӱлышлан эре торешланеда. 52Пророк-влак кокла гыч кӧм гына тендан ачада-влак поктылын огытыл? Нуно Чын Ыштышын толшашыж нерген ончылгоч увертарыше-влакым пуштыныт, а ынде те Тудым ужалыше да пуштшо лийында. 53Тыланда Суксо-влак гоч законым пуымо, а те тудым шуктен огыдал».
54Тидым колыштын, Синедрионышто шинчыше-влак ажгыненыт да пӱйыштым пурыныт. 55А Святой Шӱлыш дене тич темше Стефан пылпомышко ончалын, Юмын чапшым да Юмын пурла могырыштыжо шогышо Иисусым ужын 56да ойлен: «Теве мый почылтшо пылпомышым да Айдеме Эргым ужам, Тудо Юмын пурла могырыштыжо шога». 57Тунам нуно чот кычкыраш тӱҥалыныт, пылышыштым петыреныт да Стефан ӱмбаке ик еҥ семын керылтыныт. 58Нуно тудым ола деч ӧрдыжкӧ шӱдырен луктыныт да, пушташ манын, ӱмбакыже кӱм кышкаш тӱҥалыныт. А таныклыше-влак ӱмбал вургемыштым Савл лӱман самырык пӧръеҥын йол воктекыже кудаш пыштеныт. 59Стефан ӱмбаке кӱм кышкеныт, а тудыжо кумалын: «Господь Иисус, мыйын чонем нал». 60Вара пулвуйыш сукалтен, виян йӱк дене кычкыралын: «Господь! Тиде языкыштлан нуным ит титакле». Тыге каласымеке, тудо колен.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007