Ап.паш 8
8
8 ГЛАВА
2-3 Христослан ӱшаныше-влакым Савл шыгыремдылеш. 4-25 Самарийыште Поро Уверым каласкалымаш. 26-40 Филипп ден Эфиопий гыч толшо тӧра.
1А Савл Стефаным пуштмым сайлан шотлен.
Тудо кечын Иерусалимысе черкым пеш чот шыгыремдылаш тӱҥалыныт, да Апостол-влак деч молышт чылан Иудейысе да Самарийысе тӱрлӧ верлашке шаланен каеныт. 2Юмым пагалыше пӧръеҥ-влак Стефаным тоеныт да тудын верч чот ойгырен шортыныт. 3А Савл черкым индырен, пӧрт гыч пӧртыш коштын, пӧръеҥ ден ӱдырамаш-влакым шӱдырен наҥгаен да казаматыш петырыктен.
4Тыгеракын, шаланен кайыше-влак Поро Уверым каласкален коштыныт. 5Филипп Самарийысе олаш толын да тысе-влаклан Христос нерген увертарен. 6Филиппын ойлымыжым колын да палдарыше палым ыштымыжым ужын, чылан тудым ик еҥ семын тӱткын колыштыныт. 7Вет осал шӱлыш кучыман-влак кокла гыч шукыштын кӧргышт гыч, чот варгыжын, осал шӱлыш-влак лектыныт, а йыжыҥдыме да окшак-влак шукышт паремыныт. 8Тудо олаште моткоч куаненыт.
9Тыште Симон лӱман ик пӧръеҥ кужу жап юзыланен, кугу еҥ улам манын ӱшандарен да Самарийысе калыкым ӧрыктарен. 10Изижат-кугужат тудым кумылын колыштыныт да «Тиде айдеме – Юмын кугу куатше» манын ойленыт. 11Тудо шуко жап нуным юзыланымыж дене ӧрыктарен, садлан нуно тудым колыштыныт. 12Но Юмын Кугыжаныш да Иисус Христосын лӱмжӧ нерген Поро Уверым каласкалыше Филиппын ойлымыжлан ӱшанаш тӱҥалмеке, пӧръеҥат, ӱдырамашат тынеш пуреныт. 13Симон шкежат ӱшанен да, тынеш пурымеке, Филипп деч кораҥын огыл, палдарыше кугу пале ден чудым ужынат, чот ӧрын.
14Юмын шомакым самарий калыкын шӱмыш пыштен вашлиймыштым колмеке, Иерусалимыште улшо Апостол-влак нунын дек Петр ден Иоанным колтеныт. 15Ӱшаныше-влак Святой Шӱлышым налышт манын, Петр ден Иоанн, толмекышт, нунын верч кумалыныт, 16вет Святой Шӱлыш нунын кокла гыч нигӧн ӱмбакат але волен огыл улмаш, нуно Господь Иисус лӱм дене тынеш пуртымо гына лийыныт. 17Вара ӱмбакышт Петр ден Иоанн кидым пыштеныт, да нуно Святой Шӱлышым налыныт.
18Апостол-влакын кидым пыштымышт гоч Святой Шӱлыш пуымым ужынат, Симон нунылан оксам конден 19да ойлен: «Мыламат тыгай властьым пуыза: мыят кӧн ӱмбаке кидым пыштем, тудо Святой Шӱлышым налже». 20Но Петр тудлан каласен: «Тек тыйын оксат тый денет пырля пыта: тый Юмын пӧлекшым оксала налаш шоненат! 21Тиде пашаште нимогай ужашетат уке. Юмын ончылно тыйын шӱмет чын огыл. 22Тыгеже, тыгай осалет деч кораҥ да Юмым сӧрвале, ала Тудо шӱм шонымо титакетым кудалта. 23Тыйым кочо шекш дене темалтшым да чын огылын кепшылже дене пидмым ужам». 24Симонжо вашештен: «Тендан каласыме гыч нимоат мылам ынже логал манын, те мыйын верч Господьым сӧрвалыза».
25Господь нерген таныклымеке да Тудын шомакшым ойлымеке, Апостол-влак мӧҥгеш Иерусалимыш каеныт да корнышто Самарийысе шуко илемлаште Поро Уверым каласкаленыт.
26Икана Господьын Суксыжо Филипплан каласен: «Кынел да кечывалвелыш,#8:26 «Кечывалвелыш» – тидым «тура кечывалым» манынат кусараш лиеш. Иерусалим гыч Газашке кайыме тымык корнышко, лек». 27Тудыжо каяш тарванен. Тиде жапыште корно дене Эфиопийысе ик евнух каен. Тудо Кандакиян – Эфиопийысе ӱдырамаш кугыжан – полатыштыже кугу еҥ лийын, ӱдырамаш кугыжан чыла погыжлан вуйын шоген. Иерусалимыш кумалаш толын улмаш, 28а кызыт мӧҥгеш каен, орваште шинчен да пророк Исаиян книгажым лудын. 29Филипплан Шӱлыш каласен: «Тиде орва деке лишем да воктеныже кай». 30Филипп куржын миен да орваште шинчыше еҥын пророк Исаиян книгажым лудмо йӱкым колын. Филипп йодын: «Лудметым умылет мо?» 31Тудо вашештен: «Иктаж-кӧ мылам ок умылтаре гын, кузе умылен кертам?» Вара тудо Филиппым пеленже орвашке шинчаш йодын. 32А Возымашым лудмо шомакше тиде улмаш:
«Тудым шорык семын шӱшкылаш наҥгаеныт,
межым тӱредше-влак ончылно кузе пача йӱкым ок лук,
Тудат тугак шке умшажым почын огыл.
33Тудым ӱлыкӧ шындымаште
Тудын чын судшо налалтын.
Тукымжо нерген кӧ каласа?
Вет илышыже мланде ӱмбач налалтеш».#8:32-33 Ис 53:7-8.
34Филипплан евнух ойлен: «Поро лий, мыланем каласе: кӧн нерген пророк тыге ойла? Шкеж нерген але иктаж-кӧ весе нерген?» 35Возымашын тиде шомакше гыч тӱҥалын, Филипп тудлан Иисус нерген Поро Уверым ойлен. 36Корно дене эртымышт годым нуно вӱд воктеке миен шуыныт. Евнух ойлен: «Теве вӱд. Мыйым тынеш пурташ чарак уло мо?» 37А Филипп тудлан вашештен: «Уло шӱмет дене ӱшанет гын, тынеш пурташ лиеш». Евнух каласен: «Иисус Христос – Юмын Эрге манын ӱшанем». 38Вара орвам чараш кӱштен. Филиппат, евнухат орва гыч воленыт, коктынат вӱдыш пуреныт, да Филипп тудым тынеш пуртен.
39Вӱд гыч лекмекышт, Святой Шӱлыш евнух ӱмбаке волен, а Господьын Суксыжо Филиппым тушеч наҥгаен. Евнух тудым ынде ужын огыл, куанен, шке корныж дене каен. 40А Филипп Азотышто улмыжым ужын да, Кесарийыш миен шумешкыже, эртышыжла, чыла олалаште Поро Уверым каласкален.
Currently Selected:
Ап.паш 8: УС
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007
Ап.паш 8
8
8 ГЛАВА
2-3 Христослан ӱшаныше-влакым Савл шыгыремдылеш. 4-25 Самарийыште Поро Уверым каласкалымаш. 26-40 Филипп ден Эфиопий гыч толшо тӧра.
1А Савл Стефаным пуштмым сайлан шотлен.
Тудо кечын Иерусалимысе черкым пеш чот шыгыремдылаш тӱҥалыныт, да Апостол-влак деч молышт чылан Иудейысе да Самарийысе тӱрлӧ верлашке шаланен каеныт. 2Юмым пагалыше пӧръеҥ-влак Стефаным тоеныт да тудын верч чот ойгырен шортыныт. 3А Савл черкым индырен, пӧрт гыч пӧртыш коштын, пӧръеҥ ден ӱдырамаш-влакым шӱдырен наҥгаен да казаматыш петырыктен.
4Тыгеракын, шаланен кайыше-влак Поро Уверым каласкален коштыныт. 5Филипп Самарийысе олаш толын да тысе-влаклан Христос нерген увертарен. 6Филиппын ойлымыжым колын да палдарыше палым ыштымыжым ужын, чылан тудым ик еҥ семын тӱткын колыштыныт. 7Вет осал шӱлыш кучыман-влак кокла гыч шукыштын кӧргышт гыч, чот варгыжын, осал шӱлыш-влак лектыныт, а йыжыҥдыме да окшак-влак шукышт паремыныт. 8Тудо олаште моткоч куаненыт.
9Тыште Симон лӱман ик пӧръеҥ кужу жап юзыланен, кугу еҥ улам манын ӱшандарен да Самарийысе калыкым ӧрыктарен. 10Изижат-кугужат тудым кумылын колыштыныт да «Тиде айдеме – Юмын кугу куатше» манын ойленыт. 11Тудо шуко жап нуным юзыланымыж дене ӧрыктарен, садлан нуно тудым колыштыныт. 12Но Юмын Кугыжаныш да Иисус Христосын лӱмжӧ нерген Поро Уверым каласкалыше Филиппын ойлымыжлан ӱшанаш тӱҥалмеке, пӧръеҥат, ӱдырамашат тынеш пуреныт. 13Симон шкежат ӱшанен да, тынеш пурымеке, Филипп деч кораҥын огыл, палдарыше кугу пале ден чудым ужынат, чот ӧрын.
14Юмын шомакым самарий калыкын шӱмыш пыштен вашлиймыштым колмеке, Иерусалимыште улшо Апостол-влак нунын дек Петр ден Иоанным колтеныт. 15Ӱшаныше-влак Святой Шӱлышым налышт манын, Петр ден Иоанн, толмекышт, нунын верч кумалыныт, 16вет Святой Шӱлыш нунын кокла гыч нигӧн ӱмбакат але волен огыл улмаш, нуно Господь Иисус лӱм дене тынеш пуртымо гына лийыныт. 17Вара ӱмбакышт Петр ден Иоанн кидым пыштеныт, да нуно Святой Шӱлышым налыныт.
18Апостол-влакын кидым пыштымышт гоч Святой Шӱлыш пуымым ужынат, Симон нунылан оксам конден 19да ойлен: «Мыламат тыгай властьым пуыза: мыят кӧн ӱмбаке кидым пыштем, тудо Святой Шӱлышым налже». 20Но Петр тудлан каласен: «Тек тыйын оксат тый денет пырля пыта: тый Юмын пӧлекшым оксала налаш шоненат! 21Тиде пашаште нимогай ужашетат уке. Юмын ончылно тыйын шӱмет чын огыл. 22Тыгеже, тыгай осалет деч кораҥ да Юмым сӧрвале, ала Тудо шӱм шонымо титакетым кудалта. 23Тыйым кочо шекш дене темалтшым да чын огылын кепшылже дене пидмым ужам». 24Симонжо вашештен: «Тендан каласыме гыч нимоат мылам ынже логал манын, те мыйын верч Господьым сӧрвалыза».
25Господь нерген таныклымеке да Тудын шомакшым ойлымеке, Апостол-влак мӧҥгеш Иерусалимыш каеныт да корнышто Самарийысе шуко илемлаште Поро Уверым каласкаленыт.
26Икана Господьын Суксыжо Филипплан каласен: «Кынел да кечывалвелыш,#8:26 «Кечывалвелыш» – тидым «тура кечывалым» манынат кусараш лиеш. Иерусалим гыч Газашке кайыме тымык корнышко, лек». 27Тудыжо каяш тарванен. Тиде жапыште корно дене Эфиопийысе ик евнух каен. Тудо Кандакиян – Эфиопийысе ӱдырамаш кугыжан – полатыштыже кугу еҥ лийын, ӱдырамаш кугыжан чыла погыжлан вуйын шоген. Иерусалимыш кумалаш толын улмаш, 28а кызыт мӧҥгеш каен, орваште шинчен да пророк Исаиян книгажым лудын. 29Филипплан Шӱлыш каласен: «Тиде орва деке лишем да воктеныже кай». 30Филипп куржын миен да орваште шинчыше еҥын пророк Исаиян книгажым лудмо йӱкым колын. Филипп йодын: «Лудметым умылет мо?» 31Тудо вашештен: «Иктаж-кӧ мылам ок умылтаре гын, кузе умылен кертам?» Вара тудо Филиппым пеленже орвашке шинчаш йодын. 32А Возымашым лудмо шомакше тиде улмаш:
«Тудым шорык семын шӱшкылаш наҥгаеныт,
межым тӱредше-влак ончылно кузе пача йӱкым ок лук,
Тудат тугак шке умшажым почын огыл.
33Тудым ӱлыкӧ шындымаште
Тудын чын судшо налалтын.
Тукымжо нерген кӧ каласа?
Вет илышыже мланде ӱмбач налалтеш».#8:32-33 Ис 53:7-8.
34Филипплан евнух ойлен: «Поро лий, мыланем каласе: кӧн нерген пророк тыге ойла? Шкеж нерген але иктаж-кӧ весе нерген?» 35Возымашын тиде шомакше гыч тӱҥалын, Филипп тудлан Иисус нерген Поро Уверым ойлен. 36Корно дене эртымышт годым нуно вӱд воктеке миен шуыныт. Евнух ойлен: «Теве вӱд. Мыйым тынеш пурташ чарак уло мо?» 37А Филипп тудлан вашештен: «Уло шӱмет дене ӱшанет гын, тынеш пурташ лиеш». Евнух каласен: «Иисус Христос – Юмын Эрге манын ӱшанем». 38Вара орвам чараш кӱштен. Филиппат, евнухат орва гыч воленыт, коктынат вӱдыш пуреныт, да Филипп тудым тынеш пуртен.
39Вӱд гыч лекмекышт, Святой Шӱлыш евнух ӱмбаке волен, а Господьын Суксыжо Филиппым тушеч наҥгаен. Евнух тудым ынде ужын огыл, куанен, шке корныж дене каен. 40А Филипп Азотышто улмыжым ужын да, Кесарийыш миен шумешкыже, эртышыжла, чыла олалаште Поро Уверым каласкален.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007