Ап.паш 9
9
9 ГЛАВА
1-19 Савлын вашталтмыже. 20-25 Савл Дамаскыште Поро Уверым каласкала. 26-31 Савл Иерусалимыште. 32-35 Энейын пареммыже. 36-43 Тавифам ылыжтымаш.
1А Савлын шӱмжӧ Господьын тунемшыж-влакым эше лӱдыкташ да пушташ шонен йӱлен. Тудо архиерей деке миен да, 2Господьын корныж дене кайыше-влакым кӧм муэш – пӧръеҥымат, ӱдырамашымат – Иерусалимыш пидын кондаш манын, Дамаскысе синагог-влаклан тудын деч серышым йодын налын.
3Дамаск ола деке миен шушашыж годым корнышто Савл йыр кенета пылпомыш гыч волгыдо йолгалтын. 4Тудо мланде ӱмбаке йӧрлын да йӱкын ойлымым колын: «Савл, Савл! Молан тый Мыйым поктылат?» 5Савл йодын: «Господь, Тый кӧ улат?» Тудыжо вашештен: «Мый тыйын поктылмо Иисус улам. Куат ваштареш тылат каяш неле». 6Савл лӱдмыж дене чытырен каласен: «Господь, мыйым мом ыштыктынет?» Господь ойлен: «Кынел да олашке кае, тылат мом ышташ кӱлеш – каласалтеш». 7Савл дене пырля кайыше еҥ-влак тӱҥгылген шогеныт. Нуно йӱкым колыныт, а нигӧмат ужын огытыл. 8Савл мланде ӱмбачын кынелын, но шинчажым почмеке, нигӧм ужын огыл. Тудым Дамаск олашке кид гыч вӱден намиеныт. 9Кум кече тудо ужын огыл, кочкынат, йӱынат огыл.
10Дамаскыште Ананий лӱман ик тунемше лийын. Господь тудлан кончымаш гоч каласен: «Ананий!» Тудо вашештен: «Теве мый, Господь!» 11А Господь тудлан ойлен: «Тарване, Вияш лӱман изуремыш кай да Иудан пӧртыштыжӧ Тарс гыч Савлым йод. Тудо кызыт кумалеш. 12Савл кончымашым ужын, тушто тудын деке Ананий лӱман пӧръеҥ пурен, ужаш тӱҥалже манын, тудын ӱмбаке кидым пыштен». 13Ананий вашештен: «Господь, тиде айдеме нерген мый шуко еҥ деч колынам. Тыйын святой-влакетлан Иерусалимыште тудо шуко осалым ыштен, 14Тыйын лӱметлан кумалше-влакым тыштат эрык деч посна кодаш архиерей-влак тудлан властьым пуэныт». 15Но Господь тудлан каласен: «Кае, тиде айдеме – Мыйын ойырен налме ате.#9:15 Ате – «паша курал» манын умылаш лиеш. Тудо лӱмемым калык-влак, кугыжа-влак да Израиль эрге-влак ончылно увертарен шогаш тӱҥалеш. 16Мыйын лӱмем верч Савл кунар шуко орланышаш, Мый тудлан чыла ончыктем».
17Ананий каен, пӧртыш пурен, Савл ӱмбаке кидшым пыштен да каласен: «Савл изай, Господь – толмо корныштет тылат кончышо Иисус – мыйым колтен. Тыйын шинчат почылтшо да тый Святой Шӱлыш дене темалт манын, мый толынам». 18Тунамак Савлын шинча ӱмбачше колшӱм волен кайыме гай лийын, шинчаже почылтын. Тудо кынелын, тынеш пурен, 19кочкын да вийже пӧртылын.
Савл тунемше-влак дене икмыняр кече Дамаскыште лийын 20да, Иисусым Юмын Эрге манын, синагоглаште тунамак каласкалаш тӱҥалын. 21Колыштшо-влак чылан ӧрыныт да ойленыт: «Иисусын лӱмжылан кумалше-влакым Иерусалимыште тиде еҥ поктылын огыл мо? Тышкат тудо тыгай еҥ-влакым, пидын, архиерей-влак ончык наҥгаяш толын огыл мо?» 22А Савлын ойлымыжо утларак да утларак вийым налын, Иисус – Христос улеш манын ончыктымыжо Дамаск олаште илыше иудей-влакым моткоч ӧрыктарен.
23Икмыняр жап гыч иудей-влак Савлым пушташ кутырен келшеныт. 24Но Савл шолып шонымыштым пален налын. Нуно, тудым пушташ манын, йӱдшӧ-кечыже олан чыла капкаж воктене ороленыт. 25А тунемше-влак, Савлым кугу комдеш шынден, йӱдым ола пырдыж гыч волтеныт.
26Савл Иерусалимышке толын да тысе тунемше-влак деке ушнаш тыршен. Туге гынат чыланат тудын деч лӱдыныт, тунемше манын ӱшанен огытыл. 27Но Варнава тудым пеленже налын, Апостол-влак деке намиен. Савлын корнышто Господьым ужмыжо, Господьын тудлан ойлымыжо да Савлын Дамаск олаште Иисус лӱм дене лӱдде ойлымыжо нерген каласкален. 28Савл нунын дене кодын да Иерусалимыште эрыкан коштын, Господь Иисусын лӱмжӧ дене лӱдде ойлен. 29Тыгак грек йылме дене ойлышо иудей-влак дене мутланен да ӱчашен, а нунышт тудым пушташ тӧченыт. 30Тидым пален налмеке, иза-шольо-влак тудым Кесарийыш ужатеныт да Тарсыш колтеныт.
31А Иудей, Галилей да Самарий мучко черке-влак тынысан лийыныт, Господь деч лӱдын иленыт,#9:31 Господь деч лӱдмаш – Тошто Сугыньысо кумдан палыме ойсавыртыш. Мутлан, «Соломонын ойжым» («Книга Притчей Соломоновых») 9:10, 15:16, 19:23 ончо. кушкыныт да вияҥыныт, да Святой Шӱлыш кумылаҥдыме дене шукемыныт.
32Теве, чыла вере коштын савырнышыла, Петр Лиддаште илыше святой-влак декат толын. 33Тушто тудо Эней лӱман ик еҥым вашлийын, тудыжо ынде кандаш ий вакшышыште йыжыҥдыме киен. 34Петр тудлан каласен: «Эней, тыйым Иисус Христос паремда, кынел да вакшышетым тӧрлате». Эней тунамак кынелын. 35Лиддаште да Саронышто илыше-влак чылан тудым ужыныт, Господь велке савырненыт.
36Иоппийыште Тавифа лӱман ӱдырамаш тунемше лийын, лӱмжӧ серна#9:36 Серна – изи пӱчӧ. манмым ончыкта. Тудо порым ыштен шоген, йорло-влаклан эреак полшен. 37Тиде кечылаште Тавифа черланен да колен, тудым мушкыныт да кӱшыл пачашысе пӧлемыш пыштеныт. 38Лиддаже Иоппий деч мӱндырнак огыл улмаш. Петрын Лиддаште улмыж нерген колмеке, «Жапым шуйкалыде мемнан деке тол» манын йодаш, тунемше-влак тудын деке кок пӧръеҥым колтеныт. 39Петр тунамак нунын дене пырля толын. Толын шумекыже, тудым кӱшыл пачашысе пӧлемыш пуртеныт. Петр деке шортшо тулык ӱдырамаш-влак лишемыныт, илымыж годым Тавифан ыштыме тувыр-влакым да ӱмбал вургемым ончыктеныт. 40Петр чыланыштымат луктын колтен. Вара сукалтен шинчын, кумалын да кийыше кап велке савырнен каласен: «Тавифа, кынел!» Тавифа шинчажым почын, вара Петрым ужын да кынел шинчын. 41Кидым шуялтен, Петр тудлан кынелаш полшен, вара святой ден тулык вате-влакым ӱжын, нунын ончыко илыше Тавифам шогалтен. 42Тидын нерген уло Иоппий мучко увер шарлен, шукышт Господьлан ӱшанаш тӱҥалыныт. 43Петр эше икмыняр жап Иоппийыште коваштым ийлыше Симон лӱман еҥ дене илен.
Currently Selected:
Ап.паш 9: УС
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007
Ап.паш 9
9
9 ГЛАВА
1-19 Савлын вашталтмыже. 20-25 Савл Дамаскыште Поро Уверым каласкала. 26-31 Савл Иерусалимыште. 32-35 Энейын пареммыже. 36-43 Тавифам ылыжтымаш.
1А Савлын шӱмжӧ Господьын тунемшыж-влакым эше лӱдыкташ да пушташ шонен йӱлен. Тудо архиерей деке миен да, 2Господьын корныж дене кайыше-влакым кӧм муэш – пӧръеҥымат, ӱдырамашымат – Иерусалимыш пидын кондаш манын, Дамаскысе синагог-влаклан тудын деч серышым йодын налын.
3Дамаск ола деке миен шушашыж годым корнышто Савл йыр кенета пылпомыш гыч волгыдо йолгалтын. 4Тудо мланде ӱмбаке йӧрлын да йӱкын ойлымым колын: «Савл, Савл! Молан тый Мыйым поктылат?» 5Савл йодын: «Господь, Тый кӧ улат?» Тудыжо вашештен: «Мый тыйын поктылмо Иисус улам. Куат ваштареш тылат каяш неле». 6Савл лӱдмыж дене чытырен каласен: «Господь, мыйым мом ыштыктынет?» Господь ойлен: «Кынел да олашке кае, тылат мом ышташ кӱлеш – каласалтеш». 7Савл дене пырля кайыше еҥ-влак тӱҥгылген шогеныт. Нуно йӱкым колыныт, а нигӧмат ужын огытыл. 8Савл мланде ӱмбачын кынелын, но шинчажым почмеке, нигӧм ужын огыл. Тудым Дамаск олашке кид гыч вӱден намиеныт. 9Кум кече тудо ужын огыл, кочкынат, йӱынат огыл.
10Дамаскыште Ананий лӱман ик тунемше лийын. Господь тудлан кончымаш гоч каласен: «Ананий!» Тудо вашештен: «Теве мый, Господь!» 11А Господь тудлан ойлен: «Тарване, Вияш лӱман изуремыш кай да Иудан пӧртыштыжӧ Тарс гыч Савлым йод. Тудо кызыт кумалеш. 12Савл кончымашым ужын, тушто тудын деке Ананий лӱман пӧръеҥ пурен, ужаш тӱҥалже манын, тудын ӱмбаке кидым пыштен». 13Ананий вашештен: «Господь, тиде айдеме нерген мый шуко еҥ деч колынам. Тыйын святой-влакетлан Иерусалимыште тудо шуко осалым ыштен, 14Тыйын лӱметлан кумалше-влакым тыштат эрык деч посна кодаш архиерей-влак тудлан властьым пуэныт». 15Но Господь тудлан каласен: «Кае, тиде айдеме – Мыйын ойырен налме ате.#9:15 Ате – «паша курал» манын умылаш лиеш. Тудо лӱмемым калык-влак, кугыжа-влак да Израиль эрге-влак ончылно увертарен шогаш тӱҥалеш. 16Мыйын лӱмем верч Савл кунар шуко орланышаш, Мый тудлан чыла ончыктем».
17Ананий каен, пӧртыш пурен, Савл ӱмбаке кидшым пыштен да каласен: «Савл изай, Господь – толмо корныштет тылат кончышо Иисус – мыйым колтен. Тыйын шинчат почылтшо да тый Святой Шӱлыш дене темалт манын, мый толынам». 18Тунамак Савлын шинча ӱмбачше колшӱм волен кайыме гай лийын, шинчаже почылтын. Тудо кынелын, тынеш пурен, 19кочкын да вийже пӧртылын.
Савл тунемше-влак дене икмыняр кече Дамаскыште лийын 20да, Иисусым Юмын Эрге манын, синагоглаште тунамак каласкалаш тӱҥалын. 21Колыштшо-влак чылан ӧрыныт да ойленыт: «Иисусын лӱмжылан кумалше-влакым Иерусалимыште тиде еҥ поктылын огыл мо? Тышкат тудо тыгай еҥ-влакым, пидын, архиерей-влак ончык наҥгаяш толын огыл мо?» 22А Савлын ойлымыжо утларак да утларак вийым налын, Иисус – Христос улеш манын ончыктымыжо Дамаск олаште илыше иудей-влакым моткоч ӧрыктарен.
23Икмыняр жап гыч иудей-влак Савлым пушташ кутырен келшеныт. 24Но Савл шолып шонымыштым пален налын. Нуно, тудым пушташ манын, йӱдшӧ-кечыже олан чыла капкаж воктене ороленыт. 25А тунемше-влак, Савлым кугу комдеш шынден, йӱдым ола пырдыж гыч волтеныт.
26Савл Иерусалимышке толын да тысе тунемше-влак деке ушнаш тыршен. Туге гынат чыланат тудын деч лӱдыныт, тунемше манын ӱшанен огытыл. 27Но Варнава тудым пеленже налын, Апостол-влак деке намиен. Савлын корнышто Господьым ужмыжо, Господьын тудлан ойлымыжо да Савлын Дамаск олаште Иисус лӱм дене лӱдде ойлымыжо нерген каласкален. 28Савл нунын дене кодын да Иерусалимыште эрыкан коштын, Господь Иисусын лӱмжӧ дене лӱдде ойлен. 29Тыгак грек йылме дене ойлышо иудей-влак дене мутланен да ӱчашен, а нунышт тудым пушташ тӧченыт. 30Тидым пален налмеке, иза-шольо-влак тудым Кесарийыш ужатеныт да Тарсыш колтеныт.
31А Иудей, Галилей да Самарий мучко черке-влак тынысан лийыныт, Господь деч лӱдын иленыт,#9:31 Господь деч лӱдмаш – Тошто Сугыньысо кумдан палыме ойсавыртыш. Мутлан, «Соломонын ойжым» («Книга Притчей Соломоновых») 9:10, 15:16, 19:23 ончо. кушкыныт да вияҥыныт, да Святой Шӱлыш кумылаҥдыме дене шукемыныт.
32Теве, чыла вере коштын савырнышыла, Петр Лиддаште илыше святой-влак декат толын. 33Тушто тудо Эней лӱман ик еҥым вашлийын, тудыжо ынде кандаш ий вакшышыште йыжыҥдыме киен. 34Петр тудлан каласен: «Эней, тыйым Иисус Христос паремда, кынел да вакшышетым тӧрлате». Эней тунамак кынелын. 35Лиддаште да Саронышто илыше-влак чылан тудым ужыныт, Господь велке савырненыт.
36Иоппийыште Тавифа лӱман ӱдырамаш тунемше лийын, лӱмжӧ серна#9:36 Серна – изи пӱчӧ. манмым ончыкта. Тудо порым ыштен шоген, йорло-влаклан эреак полшен. 37Тиде кечылаште Тавифа черланен да колен, тудым мушкыныт да кӱшыл пачашысе пӧлемыш пыштеныт. 38Лиддаже Иоппий деч мӱндырнак огыл улмаш. Петрын Лиддаште улмыж нерген колмеке, «Жапым шуйкалыде мемнан деке тол» манын йодаш, тунемше-влак тудын деке кок пӧръеҥым колтеныт. 39Петр тунамак нунын дене пырля толын. Толын шумекыже, тудым кӱшыл пачашысе пӧлемыш пуртеныт. Петр деке шортшо тулык ӱдырамаш-влак лишемыныт, илымыж годым Тавифан ыштыме тувыр-влакым да ӱмбал вургемым ончыктеныт. 40Петр чыланыштымат луктын колтен. Вара сукалтен шинчын, кумалын да кийыше кап велке савырнен каласен: «Тавифа, кынел!» Тавифа шинчажым почын, вара Петрым ужын да кынел шинчын. 41Кидым шуялтен, Петр тудлан кынелаш полшен, вара святой ден тулык вате-влакым ӱжын, нунын ончыко илыше Тавифам шогалтен. 42Тидын нерген уло Иоппий мучко увер шарлен, шукышт Господьлан ӱшанаш тӱҥалыныт. 43Петр эше икмыняр жап Иоппийыште коваштым ийлыше Симон лӱман еҥ дене илен.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Библийым кусарыше институт, Хельсинки 2007