Matta 19
19
Kəndəshe da Yesu a nə taka nzaa hwoɗye
(Markus 10.1-12; Luka 16.18)
1Ite Yesu a bwe ləməgingɨn a mbəə kat, nda ɗaka Galili a muɗə vor njiya Yawudiya a nggɨrə ɓayatɨ gbɨnuwo Urdun. 2Təkə-təkətɨ ɓwaare a koɗən, nda gwadərən a dɨmərən də ootə.
3I Farise a shi hakan ta kanarən. Təna ɗiyən, “Ɓashita Musa və mure humwatə nda om mesən gəkɨlə nagi ndo mgbaalə ma?”
4Nda ɗiyərən atɨ, “Hwunaa bələ vor Malɨmtɨ Ɗəmɗəmtə ma? Atɨ a tiyatɨ kwak vɨratə, Həmɨnpwa ‘a zayatɨrən mure ka meta’#19.4 Naasə: Tiyatə 1.27.? 5Nda sarən atɨ, ‘Gəkɨlə ləngɨn mure ɓa ɗaka baagən ka nuwogən, a peyə ka mesən tən dɨ kpeyə təna gəə sɨtə hiɗə.’#19.5 Naasə: Tiyatə 2.24. 6Gə-angɨn tən yə tamdə kpe, tən gəə sɨtə hiɗə nə. Gə ləngɨn, sa Həmɨnpwa a pedən, ɓe ama aa takan.”
7Təna san, “Ɓə mɨnə ɗa Musa a boyo atɨ, a ma a və mesən malɨmtɨ taka nzaa hwoɗye a omtɨra?”
8Yesu a luwa a sarən atɨ, “Gəkɨlə wule nyerəta hubosəwnə nə ɗɨki Musa a vədə humwatə atɨ hwuna ɗaasə. Shezə a tiyatə aa sə gə ləngɨn. 9Hɨnə dɨ səwnə atɨ, ma kat om mesən dɨmdə, taka nzaa hwoɗye, anda aa gə bəə morye, mangɨn a mɨna ɗɨm itɨ meti a nza kaarə, sharawnə mangɨn a dɨ ɗa ka metɨngɨn.”
10Lagbe dan a san atɨ, “Anda shee le da mure ka metə a gə, ndɨka ɓe myaa nzaa hwoɗye.”
11Yesu a sarən atɨ, “Aa nagi ndo ma nə ɓa luu wule kənshingɨn, shezə myee Həmɨnpwa a vərən nə ɓəmbə ɓa luwo. 12Imi mya mwasatɨrən bədəryi, imi mgban ɓwaare ɗɨkdərən təna gəə bədəryi, imi mgban tənə ɗyanga kwo nzaa hwoɗye gəkɨlə həmnə pwa. Ma ɓa mba wule kəndəshingɨn a luwo a nda luwo.”
Yesu a ɗɨkə ji-kurkurye fukatə
(Markus 10.13-16; Luka 18.15-17)
13Mya shi ka Yesu ka ji-kurkurye gə nda pukərən tyefingɨn a nəngrən a ɗarən hiwtə. Shezə lagbe dan a gɨra myee shi ka jingɨn.
14Yesu a sarən, “Ɗakamə ji-kurkurye a təna shi hake, ɓe hwunaa kərərən shitə, gəkɨlə wule jee ɓətɨ 'ye hɨnggərən nə həmnə pwa.” 15Ite nda pukərən tyefingɨn a nəngrən, nda ɗaka hangɨn a muɗə a haa.
Lagba nzə-gɨnətə
(Markus 10.17-31; Luka 18.18-30)
16Ama a shi haka Yesu a ɗiyən, “Nzə-kəndəshe, səfemə mɨnə kana na ɗa na ɓə ɗɨm myente kaaru-kaaru?”
17Yesu a san atɨ, “Ɓə ya hye dɨ ɗiyi le a nə səfeme? Həmɨnpwa nə ma feme hiɗə kal-kal. Anda hyene mwi atɨ hye ɗɨm myentə, hye koddə ɓashita Musa.”
18Mangɨn a ɗiyə Yesu, “Ndo gɨraha na?”
Yesu a san, “Ɓe ɓɨl we, ɓe ɗa sharawne, ɓe hɨri, ɓe kər-jeronye a nə ama, 19hye ndukodə baagu ka nuwogu, hye mwo nzə-vɨnəgu ɓətɨ hye dɨ mwo nanga.”
20Lagbangɨn a sa Yesu atɨ, “Shee kat hɨn koddərən, mɨnə mbiɗi gi?”
21Yesu a luwa a san atɨ, “Anda hyene mwi atɨ hye gəə ma tikɨsə, muɗi, ɗərdə gɨnətɨ dəw, hye ɓyana ji-poritə taangɨn, hye ɓa ɗɨm itɨ gɨnəti gaarə a vor pwa. Hye shea mɨna a kwaɗe.”
22Ite nzə-lagbangɨn a kɨl ləngɨn, nda twaka kɨr-kɨr a virwo a muɗə gəkɨlə ndi nzə-gɨnəti kɨr-kɨr.
23Yesu a sa lagbe dan atɨ, “Diyalə na dɨ boyownə, ɓa gəə sə oti nzə-gɨnətə a pɨrə həmnə pwa. 24Hɨnə mɨni dɨ boyownə atɨ, ka ite atɨ nzə-gɨnətə a pɨrə həmne da Həmɨnpwa, ɓa gə lukwaptə pupuluk ngga gɨɗɨkə a dɨmə dɨ gwo lerɨme.”
25Lagbe dan ta kɨl ləngɨn, təna mɨna ɗa ndəle kɨr-kɨr, təna ɗiyə atɨ, “Ɓə wonə ɓa ɗɨm mbəta?”
26Yesu a nidərən a sa atɨ, “Sa ɓwaara aa dɨ mban a ɗa, angɨn a haka Həmɨnpwa sə ɗati, gəkɨlə taa asə də a ɓa saragə Həmɨnpwa ka ɗatə.”
27Bitrus a luwa a sa Yesu atɨ, “Zə niyi, hin ɗaka shee kat hinə dɨ koɗu! Mɨnə hin ɓa ɗɨma?”
28Yesu a sarən atɨ, “Diyalə na dɨ boyownə, a nzate shee ɓa nggəɗə a gə hwel-hwel də, hɨn Nze da Ɓwaara hɨn ɓa nza nə ruutɨ de ka fukatə. Hwun myee koɗi, hwun mgban hwun ɓa nza nə rəwye bəw a mbiɗi-kpe a ɓashiyə kworyi mi Israila tən bəw a mbiɗi-kpe kat. 29Ma kat ɗaka hwoɗye ka zəbərye ka mwafe i morye ka mandye ka nuwogən ka baagən ka jingɨn ka gaashe dan, gəkɨlə le de, mangɨn ɓa luu moone kaɓa kpan laka haru hananang. Mangɨn ɓa mɨna ɗɨm myente kaaru-kaaru. 30Shezə mi kwamətə hananang, ɓa sɨ gəə tənə mi mbatə. Sə mgban myee tənə mi mbatə hananang, ɓa mɨna asɨ gəə tənə mi kwamətə.
Currently Selected:
Matta 19: bcy
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Matta 19
19
Kəndəshe da Yesu a nə taka nzaa hwoɗye
(Markus 10.1-12; Luka 16.18)
1Ite Yesu a bwe ləməgingɨn a mbəə kat, nda ɗaka Galili a muɗə vor njiya Yawudiya a nggɨrə ɓayatɨ gbɨnuwo Urdun. 2Təkə-təkətɨ ɓwaare a koɗən, nda gwadərən a dɨmərən də ootə.
3I Farise a shi hakan ta kanarən. Təna ɗiyən, “Ɓashita Musa və mure humwatə nda om mesən gəkɨlə nagi ndo mgbaalə ma?”
4Nda ɗiyərən atɨ, “Hwunaa bələ vor Malɨmtɨ Ɗəmɗəmtə ma? Atɨ a tiyatɨ kwak vɨratə, Həmɨnpwa ‘a zayatɨrən mure ka meta’#19.4 Naasə: Tiyatə 1.27.? 5Nda sarən atɨ, ‘Gəkɨlə ləngɨn mure ɓa ɗaka baagən ka nuwogən, a peyə ka mesən tən dɨ kpeyə təna gəə sɨtə hiɗə.’#19.5 Naasə: Tiyatə 2.24. 6Gə-angɨn tən yə tamdə kpe, tən gəə sɨtə hiɗə nə. Gə ləngɨn, sa Həmɨnpwa a pedən, ɓe ama aa takan.”
7Təna san, “Ɓə mɨnə ɗa Musa a boyo atɨ, a ma a və mesən malɨmtɨ taka nzaa hwoɗye a omtɨra?”
8Yesu a luwa a sarən atɨ, “Gəkɨlə wule nyerəta hubosəwnə nə ɗɨki Musa a vədə humwatə atɨ hwuna ɗaasə. Shezə a tiyatə aa sə gə ləngɨn. 9Hɨnə dɨ səwnə atɨ, ma kat om mesən dɨmdə, taka nzaa hwoɗye, anda aa gə bəə morye, mangɨn a mɨna ɗɨm itɨ meti a nza kaarə, sharawnə mangɨn a dɨ ɗa ka metɨngɨn.”
10Lagbe dan a san atɨ, “Anda shee le da mure ka metə a gə, ndɨka ɓe myaa nzaa hwoɗye.”
11Yesu a sarən atɨ, “Aa nagi ndo ma nə ɓa luu wule kənshingɨn, shezə myee Həmɨnpwa a vərən nə ɓəmbə ɓa luwo. 12Imi mya mwasatɨrən bədəryi, imi mgban ɓwaare ɗɨkdərən təna gəə bədəryi, imi mgban tənə ɗyanga kwo nzaa hwoɗye gəkɨlə həmnə pwa. Ma ɓa mba wule kəndəshingɨn a luwo a nda luwo.”
Yesu a ɗɨkə ji-kurkurye fukatə
(Markus 10.13-16; Luka 18.15-17)
13Mya shi ka Yesu ka ji-kurkurye gə nda pukərən tyefingɨn a nəngrən a ɗarən hiwtə. Shezə lagbe dan a gɨra myee shi ka jingɨn.
14Yesu a sarən, “Ɗakamə ji-kurkurye a təna shi hake, ɓe hwunaa kərərən shitə, gəkɨlə wule jee ɓətɨ 'ye hɨnggərən nə həmnə pwa.” 15Ite nda pukərən tyefingɨn a nəngrən, nda ɗaka hangɨn a muɗə a haa.
Lagba nzə-gɨnətə
(Markus 10.17-31; Luka 18.18-30)
16Ama a shi haka Yesu a ɗiyən, “Nzə-kəndəshe, səfemə mɨnə kana na ɗa na ɓə ɗɨm myente kaaru-kaaru?”
17Yesu a san atɨ, “Ɓə ya hye dɨ ɗiyi le a nə səfeme? Həmɨnpwa nə ma feme hiɗə kal-kal. Anda hyene mwi atɨ hye ɗɨm myentə, hye koddə ɓashita Musa.”
18Mangɨn a ɗiyə Yesu, “Ndo gɨraha na?”
Yesu a san, “Ɓe ɓɨl we, ɓe ɗa sharawne, ɓe hɨri, ɓe kər-jeronye a nə ama, 19hye ndukodə baagu ka nuwogu, hye mwo nzə-vɨnəgu ɓətɨ hye dɨ mwo nanga.”
20Lagbangɨn a sa Yesu atɨ, “Shee kat hɨn koddərən, mɨnə mbiɗi gi?”
21Yesu a luwa a san atɨ, “Anda hyene mwi atɨ hye gəə ma tikɨsə, muɗi, ɗərdə gɨnətɨ dəw, hye ɓyana ji-poritə taangɨn, hye ɓa ɗɨm itɨ gɨnəti gaarə a vor pwa. Hye shea mɨna a kwaɗe.”
22Ite nzə-lagbangɨn a kɨl ləngɨn, nda twaka kɨr-kɨr a virwo a muɗə gəkɨlə ndi nzə-gɨnəti kɨr-kɨr.
23Yesu a sa lagbe dan atɨ, “Diyalə na dɨ boyownə, ɓa gəə sə oti nzə-gɨnətə a pɨrə həmnə pwa. 24Hɨnə mɨni dɨ boyownə atɨ, ka ite atɨ nzə-gɨnətə a pɨrə həmne da Həmɨnpwa, ɓa gə lukwaptə pupuluk ngga gɨɗɨkə a dɨmə dɨ gwo lerɨme.”
25Lagbe dan ta kɨl ləngɨn, təna mɨna ɗa ndəle kɨr-kɨr, təna ɗiyə atɨ, “Ɓə wonə ɓa ɗɨm mbəta?”
26Yesu a nidərən a sa atɨ, “Sa ɓwaara aa dɨ mban a ɗa, angɨn a haka Həmɨnpwa sə ɗati, gəkɨlə taa asə də a ɓa saragə Həmɨnpwa ka ɗatə.”
27Bitrus a luwa a sa Yesu atɨ, “Zə niyi, hin ɗaka shee kat hinə dɨ koɗu! Mɨnə hin ɓa ɗɨma?”
28Yesu a sarən atɨ, “Diyalə na dɨ boyownə, a nzate shee ɓa nggəɗə a gə hwel-hwel də, hɨn Nze da Ɓwaara hɨn ɓa nza nə ruutɨ de ka fukatə. Hwun myee koɗi, hwun mgban hwun ɓa nza nə rəwye bəw a mbiɗi-kpe a ɓashiyə kworyi mi Israila tən bəw a mbiɗi-kpe kat. 29Ma kat ɗaka hwoɗye ka zəbərye ka mwafe i morye ka mandye ka nuwogən ka baagən ka jingɨn ka gaashe dan, gəkɨlə le de, mangɨn ɓa luu moone kaɓa kpan laka haru hananang. Mangɨn ɓa mɨna ɗɨm myente kaaru-kaaru. 30Shezə mi kwamətə hananang, ɓa sɨ gəə tənə mi mbatə. Sə mgban myee tənə mi mbatə hananang, ɓa mɨna asɨ gəə tənə mi kwamətə.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.