Matta 20
20
Ji-lyentə a gaashe
1“Həmnə pwa nə ɓətɨ həmɨ gaashe dɨmi ka hawure kpit-kpit gə nda ɨla ɓwaaree ɓa ɗan lyentə a gaashe dan. 2Təna kɨləsə atɨ ndi ɓa mbwarən moonə lyentɨ darən taa nggɨrngɨme hiɗə a fəre, nda ɗɨkdərən a lyentə a vor gaashe dan.
3“Ite mbwayi fəre a tɨlə dombiɗətɨ hawure, nda mɨnaa dɨmə a naa imi nee kangə lumotə taa lyenti kaarən. 4Nda sarən, ‘Hwun mgban wudəm hwuna ɗa lyentə a vor gaashe de, na mbownə moona kana.’ 5Sə mgban təna muɗə.
“Nda mɨna dɨmə, itɨngɨn mbwayi fəre tɨlə bəw a mbiɗi-kpe ka mɨni mbwayi fəre mwaakɨn nda dɨmə a ɗa sə hiɗəti. 6Ka fərə kaade, itɨngɨn mbwayi fəre tɨlə tuftɨ kaade, nda dɨmə a naa imi nee kanyi ɓaa, nda ɗiyərən atɨ, ‘Mɨnə ɗa hwuna kangə fərə-fərə hwunaa ɗa lyenta?’
7“Təna luwa a san atɨ, ‘Ama aa venə lyentə.’
“Nda sarən atɨ, ‘Zə wudəm mgban, ɗam lyentə a vor gaashe de.’
8“Ite kaade a ɗa, həmɨ gaashingɨn a sa ma dɨ niyəndə lyentə atɨ, ‘Waga ji-lyentə, hye mbwarən moone darən kat. Tiya ka mi mbate mya waga, hye mbwarən moone darən, hye ɓə shea mbwa myee mya waga a kwamətə.’
9“Ji-lyentee mya poro ka kaade a shi a luu moone darən, taa nggɨrngɨme hiɗə. 10Ite mirə mya portɨrən a lyentə ka hawure a shi, təna kana atɨ mye ɓa mbwarən moone a pɨrgə mirə mbiɗi, shezə mya mbwa nagi ndo ma a vorsərən taa nggɨrngɨme hiɗə mgban. 11Ite təna luu moone darən təna tiya ta nggwonə həmɨ gaashe shee. 12Təna sa atɨ, ‘Minə mya pwara dɨ bee a ɗa lyentə awatə hiɗə, hye mɨndərən təna kənəsə kenə hin minə ɓwa ka lyentə fəre a mbəə nəngenə.’
13“Nda luwa a sa hiɗə dɨ vorsərən atɨ, ‘Ndewe hɨn taa bɨlu ɗongə diyale. Aa hyenə mwa ɓa lyenə nə taa nggɨrngɨme hiɗə ma? 14Luu moone dəw muɗi. Mwoshinə na və ma shi a mbatə moonə hiɗəti ka a na vu. 15Hɨn taa humwati ke na ɗa sa na dɨ mwo ka taa de ma? Naasə mgban hye dɨ ɗa jiwne gəkɨlə na dɨ həma?’
16“Myee tənə mi mbatə, ɓa sɨ gəə tənə mi kwamətə. Sə mgban myee tənə mi kwamətə ɓa mɨna asɨ gəə tənə mi mbatə.”
Yesu a mɨna bwe wule mbɨrte ndi ɓa mbɨrə
(Markus 10.32-34; Luka 18.31-34)
17Təne a nə tɨfe dɨ muɗə Urshelima, Yesu a waga lagbe dan bəw a mbiɗi-kpe a gyenge. Nda sarən atɨ, 18“Gəngnə hɨm nə dɨ muɗəmə Urshelima, mye ɓa dɨ vədi hɨn Nze da Ɓwaara a tɨfə kɨsehəmi kpan-kpanye kat ka ji-lee kəndə ɓashita Musa. Tən ɓa ɗe ɓashitɨ we. 19Tən ɓa vədi a tɨfə myee aa Yawude, tən ɓa sharti a byengri, təna ɓə shea gbalti. A mwaakɨnə bətə, hɨn ɓa maggə we ka myentə.”
Sa nuwotə a nyisə
(Markus 10.35-45)
20Də nuwogə je da Zabadi a shi haka Yesu ka jingrə dɨ kpeyə a gyerə humwasən ɓa nyisən.
21Nda ɗiyərə, “Mɨnə hye dɨ mwo?”
Ngga san atɨ, “Na hye mwa, zə gwadi, a ma hiɗə a wakaa jinə a nza tɨfə zɨməngu, ma hiɗə mgban a nza tɨfə lyekɗəngu a vor həmne dəw.”
22Yesu a sarən, “Hwunaa lee wule sa hwuna dɨ nyisə. Hwun ɓa mban a soɓwo ka kpaa tənəte hɨn ɓa soɓwo kan ma?”
Təna mwa atɨ, “Hin ɓa mba angɨn.”
23Yesu a sarən, “Mbak-mbak hwun ɓa sop wule kpaa tənətɨ de, kat ka angɨn, byelə nzatə a tɨfə zɨməngi ka tɨfə lyekɗəng gi aa hɨnggi nə ɓətɨ na vəwnə. Wule heengɨn mya ɗatɨrən gə le da myee Baagi a nggɨlə.”
24Ite mbiɗitɨ lagbee bəw a kɨl ləngɨn, yedingrən a kɨɗərən ka ji-moryingɨn. 25Yesu a wagatɨrən a paya dərən kat a sarən atɨ, “Hwun leyə atɨ myee mya watɨrən atɨ həmye da myee aa Yawude a vɨratə a dɨ bɨlərən mbamtə. Mi kpan-kpanye darən a dɨ ɗarən sɨmwarashe. 26Ganə a wakasəwnə, myaa dɨ ɗaasə. Ma kat dɨ mwi atɨ nda gəə makpanə a wakasəwnə, mangɨn nə ma ɓa hyata nəngɨn ɓətɨ kɨsa, 27ma mgban dɨ mwo kpanətə, mangɨn nə ɓa gəə kɨsa dəwnə kat. 28Gə hɨn Nze da Ɓwaara hɨn taa shi vor vɨratə gə mya ɗe kɨsawne, shezə na shi gə na gəə kɨsa da ɓwaare. Na shi mgban gə na vədə myenshi a luwa ɓwaare furi-furi.”
Welye kpe ɗɨm naa haa
(Markus 10.46-52; Luka 18.35-43)
29Ite Yesu ka lagbe dan woyo dɨ dɨmgə vor Jeriko, təkə-təkətɨ ɓwaare hananang a koɗən. 30I weli nə də kpe nza gyəngə tɨfe. Ite təna kɨlə atɨ Yesu nə dɨ pɨri, təna gəəshe atɨ, “Həmɨmiye, nze da Dawuda ɗa purusenə!”
31Ɓwaare furi-furi a gɨratɨrən a sarən atɨ, gbəmə kwaamɨngəwnə nzam ɗəng. Təna ɓə shea mɨna maddə kormingrən a pwa kaɓa kpan a waha, “Həmɨmiye, nze da Dawuda, ɗa purusenə!”
32Yesu a kangə a watɨrən, nda ɗiyərən, “Mɨnə hwuna dɨ mwo atɨ na ɗəwna?”
33Təna luwan, “Həmɨmiye, hine dɨ mwi atɨ hina ɗɨm naa haa.”
34Ləngrən a oo Yesu nda pa diingrən, tee gbyel təna ɗɨm naa haa a koɗən.
Currently Selected:
Matta 20: bcy
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Matta 20
20
Ji-lyentə a gaashe
1“Həmnə pwa nə ɓətɨ həmɨ gaashe dɨmi ka hawure kpit-kpit gə nda ɨla ɓwaaree ɓa ɗan lyentə a gaashe dan. 2Təna kɨləsə atɨ ndi ɓa mbwarən moonə lyentɨ darən taa nggɨrngɨme hiɗə a fəre, nda ɗɨkdərən a lyentə a vor gaashe dan.
3“Ite mbwayi fəre a tɨlə dombiɗətɨ hawure, nda mɨnaa dɨmə a naa imi nee kangə lumotə taa lyenti kaarən. 4Nda sarən, ‘Hwun mgban wudəm hwuna ɗa lyentə a vor gaashe de, na mbownə moona kana.’ 5Sə mgban təna muɗə.
“Nda mɨna dɨmə, itɨngɨn mbwayi fəre tɨlə bəw a mbiɗi-kpe ka mɨni mbwayi fəre mwaakɨn nda dɨmə a ɗa sə hiɗəti. 6Ka fərə kaade, itɨngɨn mbwayi fəre tɨlə tuftɨ kaade, nda dɨmə a naa imi nee kanyi ɓaa, nda ɗiyərən atɨ, ‘Mɨnə ɗa hwuna kangə fərə-fərə hwunaa ɗa lyenta?’
7“Təna luwa a san atɨ, ‘Ama aa venə lyentə.’
“Nda sarən atɨ, ‘Zə wudəm mgban, ɗam lyentə a vor gaashe de.’
8“Ite kaade a ɗa, həmɨ gaashingɨn a sa ma dɨ niyəndə lyentə atɨ, ‘Waga ji-lyentə, hye mbwarən moone darən kat. Tiya ka mi mbate mya waga, hye mbwarən moone darən, hye ɓə shea mbwa myee mya waga a kwamətə.’
9“Ji-lyentee mya poro ka kaade a shi a luu moone darən, taa nggɨrngɨme hiɗə. 10Ite mirə mya portɨrən a lyentə ka hawure a shi, təna kana atɨ mye ɓa mbwarən moone a pɨrgə mirə mbiɗi, shezə mya mbwa nagi ndo ma a vorsərən taa nggɨrngɨme hiɗə mgban. 11Ite təna luu moone darən təna tiya ta nggwonə həmɨ gaashe shee. 12Təna sa atɨ, ‘Minə mya pwara dɨ bee a ɗa lyentə awatə hiɗə, hye mɨndərən təna kənəsə kenə hin minə ɓwa ka lyentə fəre a mbəə nəngenə.’
13“Nda luwa a sa hiɗə dɨ vorsərən atɨ, ‘Ndewe hɨn taa bɨlu ɗongə diyale. Aa hyenə mwa ɓa lyenə nə taa nggɨrngɨme hiɗə ma? 14Luu moone dəw muɗi. Mwoshinə na və ma shi a mbatə moonə hiɗəti ka a na vu. 15Hɨn taa humwati ke na ɗa sa na dɨ mwo ka taa de ma? Naasə mgban hye dɨ ɗa jiwne gəkɨlə na dɨ həma?’
16“Myee tənə mi mbatə, ɓa sɨ gəə tənə mi kwamətə. Sə mgban myee tənə mi kwamətə ɓa mɨna asɨ gəə tənə mi mbatə.”
Yesu a mɨna bwe wule mbɨrte ndi ɓa mbɨrə
(Markus 10.32-34; Luka 18.31-34)
17Təne a nə tɨfe dɨ muɗə Urshelima, Yesu a waga lagbe dan bəw a mbiɗi-kpe a gyenge. Nda sarən atɨ, 18“Gəngnə hɨm nə dɨ muɗəmə Urshelima, mye ɓa dɨ vədi hɨn Nze da Ɓwaara a tɨfə kɨsehəmi kpan-kpanye kat ka ji-lee kəndə ɓashita Musa. Tən ɓa ɗe ɓashitɨ we. 19Tən ɓa vədi a tɨfə myee aa Yawude, tən ɓa sharti a byengri, təna ɓə shea gbalti. A mwaakɨnə bətə, hɨn ɓa maggə we ka myentə.”
Sa nuwotə a nyisə
(Markus 10.35-45)
20Də nuwogə je da Zabadi a shi haka Yesu ka jingrə dɨ kpeyə a gyerə humwasən ɓa nyisən.
21Nda ɗiyərə, “Mɨnə hye dɨ mwo?”
Ngga san atɨ, “Na hye mwa, zə gwadi, a ma hiɗə a wakaa jinə a nza tɨfə zɨməngu, ma hiɗə mgban a nza tɨfə lyekɗəngu a vor həmne dəw.”
22Yesu a sarən, “Hwunaa lee wule sa hwuna dɨ nyisə. Hwun ɓa mban a soɓwo ka kpaa tənəte hɨn ɓa soɓwo kan ma?”
Təna mwa atɨ, “Hin ɓa mba angɨn.”
23Yesu a sarən, “Mbak-mbak hwun ɓa sop wule kpaa tənətɨ de, kat ka angɨn, byelə nzatə a tɨfə zɨməngi ka tɨfə lyekɗəng gi aa hɨnggi nə ɓətɨ na vəwnə. Wule heengɨn mya ɗatɨrən gə le da myee Baagi a nggɨlə.”
24Ite mbiɗitɨ lagbee bəw a kɨl ləngɨn, yedingrən a kɨɗərən ka ji-moryingɨn. 25Yesu a wagatɨrən a paya dərən kat a sarən atɨ, “Hwun leyə atɨ myee mya watɨrən atɨ həmye da myee aa Yawude a vɨratə a dɨ bɨlərən mbamtə. Mi kpan-kpanye darən a dɨ ɗarən sɨmwarashe. 26Ganə a wakasəwnə, myaa dɨ ɗaasə. Ma kat dɨ mwi atɨ nda gəə makpanə a wakasəwnə, mangɨn nə ma ɓa hyata nəngɨn ɓətɨ kɨsa, 27ma mgban dɨ mwo kpanətə, mangɨn nə ɓa gəə kɨsa dəwnə kat. 28Gə hɨn Nze da Ɓwaara hɨn taa shi vor vɨratə gə mya ɗe kɨsawne, shezə na shi gə na gəə kɨsa da ɓwaare. Na shi mgban gə na vədə myenshi a luwa ɓwaare furi-furi.”
Welye kpe ɗɨm naa haa
(Markus 10.46-52; Luka 18.35-43)
29Ite Yesu ka lagbe dan woyo dɨ dɨmgə vor Jeriko, təkə-təkətɨ ɓwaare hananang a koɗən. 30I weli nə də kpe nza gyəngə tɨfe. Ite təna kɨlə atɨ Yesu nə dɨ pɨri, təna gəəshe atɨ, “Həmɨmiye, nze da Dawuda ɗa purusenə!”
31Ɓwaare furi-furi a gɨratɨrən a sarən atɨ, gbəmə kwaamɨngəwnə nzam ɗəng. Təna ɓə shea mɨna maddə kormingrən a pwa kaɓa kpan a waha, “Həmɨmiye, nze da Dawuda, ɗa purusenə!”
32Yesu a kangə a watɨrən, nda ɗiyərən, “Mɨnə hwuna dɨ mwo atɨ na ɗəwna?”
33Təna luwan, “Həmɨmiye, hine dɨ mwi atɨ hina ɗɨm naa haa.”
34Ləngrən a oo Yesu nda pa diingrən, tee gbyel təna ɗɨm naa haa a koɗən.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.