Matta 22
22
Byelə səɗe a nə sɨlangsətɨ nzaa hwoɗye
(Luka 14.15-24)
1Yesu a mɨna boyə ɓwaare le ka byelə səɗe, nda sarən atɨ, 2“Həmnə pwa nə ɓətɨ həmə a ɗa sɨzɨmtɨ ləke gəkɨlə nzəngɨn a nzaa hwoɗye. 3Nda lyen kɨse dan təna boyə myee mya wagatɨrən a haa ləke gə təna shi, shezə mingɨn a kwo shitə.
4“Nda mɨna lyen i kɨse dan atɨ, ‘Boyəmə myee mya wagatɨrən atɨ, “Mye ɗa sɨzɨmtə mbəə, mye təf naake kat ka gbinda naakə pepeya mya gɨrə. Sɨzɨmtə nə kanyi dɨ kula, wam a haa ləke.” ’
5“Mingɨn 'ye mya waga a ushi ləngɨn. Ma hiɗə a kɨt tɨfe a muɗə gaashe dan sɨnggən, ama a muɗə haa nggalatɨ dan. 6Myee mbiɗi a kər kɨsee mya lyanatɨrən a lyebə a ɓələ. 7Yedi həməngɨn a kɨɗən kɨr-kɨr. Nda lyen ji-pakawatɨ dan təna ɓəl ji-ɓəl wogingɨn kat a hina vɨratɨ darən.
8“Həməngɨn a sa mbiɗitɨ kɨse dan atɨ, ‘Mye ɗa sɨzɨmtɨ ləke tənə kanyi, shezə myee mya wagatɨrən gə zɨmshe, ɓwaarengɨn taa twaiti kaarən. 9Dɨməmə nə təfəgye, hwuna waga myee hwuna parən kat, təna shi haa ləke.’ 10Kɨse dan a dɨmə a muɗə nə təfəgye a payadə ɓwaaree təna parən kat, mi fyemye kat ka mi hashe. Hwoɗi ləke a naa pas ka omye.
11“Ite həməngɨn a pɨra ɓa naa omi ləke, nda niyə a naa ama ndaa kala sɨɓwetɨ ləke. 12Nda ɗiyən, ‘Ndewe, hye ɗa ya hye ɓə pɨra ganə tee kala sɨɓwetɨ ləke?’ Mangɨn a kangə ɗəng taa byelə də.
13“Həmɨn a boyə ji-lyentɨ dan atɨ, ‘Ɓoyom tyefingɨn ka mbwayingɨn, hwuna dɨmə kan a ɗongə vor kulitə, gaarə a hangɨn mye ɓa təwo ka tuula lintə.’
14“Myee mya wagatɨrən nə hananang, shezə myee mya nggɨlə nə ɓyeləng.”
Ɗi le a nə mbwa Kaisar taa shemtə
(Markus 12.13-17; Luka 20.20-26)
15Də a hangɨn Farise a dɨmə a shalasə ləməgye a nə ɗate tən ɓa ɗa təna ngga Yesu salakye a kɨttən a vor ləməgyee nda dɨ boyo. 16Təna lyen lagbe darən ka imi dɨ vor myee da həmɨn Hiridus a haka Yesu. Təna san, “Nzə-kəndəshe, hin leyə atɨ hye ma tikɨsə, hye dɨ kəndə tɨfe da Həmɨnpwa ka diyale se aa pɨrda də, teewa koɗə hɨnggə ɓwaara. 17Zə boyenə pee, ɓə wula hina mbwa taa shemtə a haka Kaisar həmə kpanə Roma ma, naasə mgban ɓe hinaa mbwa?”
18Yesu liya lee kuta hasa a yedingrən, nda sarən atɨ, “Hwun ji-kwakpeye, nda gəkɨlə mɨnə hwuna dɨ ngaari ka byele ya? 19Bɨlimi taa hwuna dɨ shemə kan pee.” Təna shikan ka taa nggɨrngɨməngɨn. 20Nda ɗiyərən atɨ, “Fyemi wonə a nə taangɨn? Kwakɨ wonə mya doro də mgban?”
21Təna luwa a san atɨ, “Kaisar nə.”
Nda sarən atɨ, “Vəmə Kaisar sa hɨnggə Kaisar nə. Sa hɨnggə Həmɨnpwa nə mgban hwuna və Həmɨnpwa.”
22Ite təna kɨlə she, təna ɗa ndəle. Təna ɗakan a muɗə.
Ɗi le a nə mattə gə we
(Markus 12.18-27; Luka 20.27-40)
23A fərəngɨn Saduke 'ye sa atɨ, ma kana mbɨrə, ndaa diyə maggə we ka myentə, a shi haka Yesu a ɗiyən le. 24Təna sa, “Nzə-kəndəshe, Musa a doro atɨ, ‘Ma kana mbɨrə ndaa mwasa, mufə mangɨn a ɗɨm mesən a mwasa mangɨn je a tɨfəngrə.’ 25Imi nə də tukolukpe, jibiye ka mwafengɨn ga a wakasenə. Jibiye a ɗɨm metə, nda mbɨrə, gələ taa ji də, mufəngɨn a mɨnərə. 26Sə hiɗəti nə bəng kpeyə mufe ka mwaakɨnətə baa a zə nə a tukolukpetə. 27A kpawtə kat, metɨngɨn a mbɨrə. 28A fəra myee mbəri ɓa maggə we ka myentə də, a vorsərən tən tukolukpe, wonə metɨngɨn ɓa nza kan, aɓə tən tukolukpe kat tən nza kaarə meti?”
29Yesu a luwa a sarən atɨ, “Aa sa ɗa hwuna ɓə ɗwangashe nee? Hwunaa lee kpəshi ləməgyee mya boyə vor Malɨmtɨ Ɗəmɗəmta, hwunaa lee gəta Həmɨnpwa mgban. 30A fərə mattə gə we ka myentə, ɓwaare aa dɨ ɗɨmsə, taa nzaa hwoɗi də mgban, tən ɓa gə ɓətɨ malyeni a vor pwa. 31Byelə mattə gə we ka myentə, hwunaa bələ vor Malɨmtɨ Ɗəmɗəmtə la Həmɨnpwa a boyownə ma? 32‘Hɨnə Həmɨnpwata Ibɨraim, Həmɨnpwata Ishaku, Həmɨnpwata Yakubu.’#22.32 Naasə: Dɨmatə 3.6. Həmɨnpwatɨngɨn, aa hɨnggə wogi, hɨnggə myee ka myentə nə.”
33Ite təkə-təkətɨ ɓwaare a kɨl ləngɨn, təna ɗa ndəle kɨr-kɨr ka wule kəndəshe dan.
Gɨraha kpane
(Markus 12.28-34; Luka 10.25-28)
34Ite Farise a kɨlə atɨ ɓə mba Saduke ka byele mgbaltɨrən, təna paya. 35Hiɗə dɨ vorsərən, nzə-lee kəndə ɓashita Musati, nda kanarən ka ɗi le. 36Nda ɗiyən atɨ, “Nzə-kəndəshe, ndo gɨraha nə a kpane, a pɨri kat?”
37Yesu a luwa a san atɨ, “ ‘Hye mwo Həmɨmiye Həmɨnpwatɨ dəw ka hubosa kat, ka myensa kat, ka ɗyangale dəw kat.’#22.37 Naasə: Gɨraha 6.5. 38Sɨnə gɨraha kwamətə, sɨnə mgban pɨrgə 'ye mbiɗi kat. 39Kpeyə gɨraha nə ɓətɨ a kwamətə atɨ, ‘Hye mwo nzə-vɨnəgu ɓətɨ hye dɨ mwo nanga.’#22.39 Naasə: Livitikus 19.18. 40A nə gɨraha nə dɨ kpeyə ɓashita Musa kat ka shee kpalye da Həmɨnpwa a doro a galingə.”
Ɗi le a nə Ma Həmɨnpwa a Yaɓwarən
(Markus 12.35-37; Luka 20.41-44)
41Ite Farise a paya, Yesu a ɗiyərən le atɨ, 42“Mɨnə ɗyangale dəwnə a nə Ma Həmɨnpwa a Yaɓwarən? Sɨnə nze da wonə ya?”
Təna san atɨ, “Nze da Dawuda nə.”
43Nda ɗiyərən atɨ, “Ɓə mɨnə ɗa ite Dawuda a dɨ bwe le ka gəta Pitə, nda mɨna wa nzəngɨn atɨ, ‘Həmɨmiye’? Gəkɨlə Dawuda a sa atɨ,
44“ ‘Həmɨmiye Baatə a sa Həmɨmiye de atɨ,
“Zə nza tɨfə zɨməngi,
baa na ɗɨkdə ji-nyaagu
təna fokə njiya
hye mwagərən ka mbwayinga.” ’#22.44 Naasə: Dyemshe 110.1.
45Anda Dawuda a dɨ warən atɨ, ‘Həmɨmiye,’ ɓə ya ndi ɓa mɨna gəə sɨnə nze da Dawuda?” 46Ama aa yə mba wunatə luwan le. Dɨ fərəngɨn ama aa yə mwamdiya a ɗiyən alə.
Currently Selected:
Matta 22: bcy
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Matta 22
22
Byelə səɗe a nə sɨlangsətɨ nzaa hwoɗye
(Luka 14.15-24)
1Yesu a mɨna boyə ɓwaare le ka byelə səɗe, nda sarən atɨ, 2“Həmnə pwa nə ɓətɨ həmə a ɗa sɨzɨmtɨ ləke gəkɨlə nzəngɨn a nzaa hwoɗye. 3Nda lyen kɨse dan təna boyə myee mya wagatɨrən a haa ləke gə təna shi, shezə mingɨn a kwo shitə.
4“Nda mɨna lyen i kɨse dan atɨ, ‘Boyəmə myee mya wagatɨrən atɨ, “Mye ɗa sɨzɨmtə mbəə, mye təf naake kat ka gbinda naakə pepeya mya gɨrə. Sɨzɨmtə nə kanyi dɨ kula, wam a haa ləke.” ’
5“Mingɨn 'ye mya waga a ushi ləngɨn. Ma hiɗə a kɨt tɨfe a muɗə gaashe dan sɨnggən, ama a muɗə haa nggalatɨ dan. 6Myee mbiɗi a kər kɨsee mya lyanatɨrən a lyebə a ɓələ. 7Yedi həməngɨn a kɨɗən kɨr-kɨr. Nda lyen ji-pakawatɨ dan təna ɓəl ji-ɓəl wogingɨn kat a hina vɨratɨ darən.
8“Həməngɨn a sa mbiɗitɨ kɨse dan atɨ, ‘Mye ɗa sɨzɨmtɨ ləke tənə kanyi, shezə myee mya wagatɨrən gə zɨmshe, ɓwaarengɨn taa twaiti kaarən. 9Dɨməmə nə təfəgye, hwuna waga myee hwuna parən kat, təna shi haa ləke.’ 10Kɨse dan a dɨmə a muɗə nə təfəgye a payadə ɓwaaree təna parən kat, mi fyemye kat ka mi hashe. Hwoɗi ləke a naa pas ka omye.
11“Ite həməngɨn a pɨra ɓa naa omi ləke, nda niyə a naa ama ndaa kala sɨɓwetɨ ləke. 12Nda ɗiyən, ‘Ndewe, hye ɗa ya hye ɓə pɨra ganə tee kala sɨɓwetɨ ləke?’ Mangɨn a kangə ɗəng taa byelə də.
13“Həmɨn a boyə ji-lyentɨ dan atɨ, ‘Ɓoyom tyefingɨn ka mbwayingɨn, hwuna dɨmə kan a ɗongə vor kulitə, gaarə a hangɨn mye ɓa təwo ka tuula lintə.’
14“Myee mya wagatɨrən nə hananang, shezə myee mya nggɨlə nə ɓyeləng.”
Ɗi le a nə mbwa Kaisar taa shemtə
(Markus 12.13-17; Luka 20.20-26)
15Də a hangɨn Farise a dɨmə a shalasə ləməgye a nə ɗate tən ɓa ɗa təna ngga Yesu salakye a kɨttən a vor ləməgyee nda dɨ boyo. 16Təna lyen lagbe darən ka imi dɨ vor myee da həmɨn Hiridus a haka Yesu. Təna san, “Nzə-kəndəshe, hin leyə atɨ hye ma tikɨsə, hye dɨ kəndə tɨfe da Həmɨnpwa ka diyale se aa pɨrda də, teewa koɗə hɨnggə ɓwaara. 17Zə boyenə pee, ɓə wula hina mbwa taa shemtə a haka Kaisar həmə kpanə Roma ma, naasə mgban ɓe hinaa mbwa?”
18Yesu liya lee kuta hasa a yedingrən, nda sarən atɨ, “Hwun ji-kwakpeye, nda gəkɨlə mɨnə hwuna dɨ ngaari ka byele ya? 19Bɨlimi taa hwuna dɨ shemə kan pee.” Təna shikan ka taa nggɨrngɨməngɨn. 20Nda ɗiyərən atɨ, “Fyemi wonə a nə taangɨn? Kwakɨ wonə mya doro də mgban?”
21Təna luwa a san atɨ, “Kaisar nə.”
Nda sarən atɨ, “Vəmə Kaisar sa hɨnggə Kaisar nə. Sa hɨnggə Həmɨnpwa nə mgban hwuna və Həmɨnpwa.”
22Ite təna kɨlə she, təna ɗa ndəle. Təna ɗakan a muɗə.
Ɗi le a nə mattə gə we
(Markus 12.18-27; Luka 20.27-40)
23A fərəngɨn Saduke 'ye sa atɨ, ma kana mbɨrə, ndaa diyə maggə we ka myentə, a shi haka Yesu a ɗiyən le. 24Təna sa, “Nzə-kəndəshe, Musa a doro atɨ, ‘Ma kana mbɨrə ndaa mwasa, mufə mangɨn a ɗɨm mesən a mwasa mangɨn je a tɨfəngrə.’ 25Imi nə də tukolukpe, jibiye ka mwafengɨn ga a wakasenə. Jibiye a ɗɨm metə, nda mbɨrə, gələ taa ji də, mufəngɨn a mɨnərə. 26Sə hiɗəti nə bəng kpeyə mufe ka mwaakɨnətə baa a zə nə a tukolukpetə. 27A kpawtə kat, metɨngɨn a mbɨrə. 28A fəra myee mbəri ɓa maggə we ka myentə də, a vorsərən tən tukolukpe, wonə metɨngɨn ɓa nza kan, aɓə tən tukolukpe kat tən nza kaarə meti?”
29Yesu a luwa a sarən atɨ, “Aa sa ɗa hwuna ɓə ɗwangashe nee? Hwunaa lee kpəshi ləməgyee mya boyə vor Malɨmtɨ Ɗəmɗəmta, hwunaa lee gəta Həmɨnpwa mgban. 30A fərə mattə gə we ka myentə, ɓwaare aa dɨ ɗɨmsə, taa nzaa hwoɗi də mgban, tən ɓa gə ɓətɨ malyeni a vor pwa. 31Byelə mattə gə we ka myentə, hwunaa bələ vor Malɨmtɨ Ɗəmɗəmtə la Həmɨnpwa a boyownə ma? 32‘Hɨnə Həmɨnpwata Ibɨraim, Həmɨnpwata Ishaku, Həmɨnpwata Yakubu.’#22.32 Naasə: Dɨmatə 3.6. Həmɨnpwatɨngɨn, aa hɨnggə wogi, hɨnggə myee ka myentə nə.”
33Ite təkə-təkətɨ ɓwaare a kɨl ləngɨn, təna ɗa ndəle kɨr-kɨr ka wule kəndəshe dan.
Gɨraha kpane
(Markus 12.28-34; Luka 10.25-28)
34Ite Farise a kɨlə atɨ ɓə mba Saduke ka byele mgbaltɨrən, təna paya. 35Hiɗə dɨ vorsərən, nzə-lee kəndə ɓashita Musati, nda kanarən ka ɗi le. 36Nda ɗiyən atɨ, “Nzə-kəndəshe, ndo gɨraha nə a kpane, a pɨri kat?”
37Yesu a luwa a san atɨ, “ ‘Hye mwo Həmɨmiye Həmɨnpwatɨ dəw ka hubosa kat, ka myensa kat, ka ɗyangale dəw kat.’#22.37 Naasə: Gɨraha 6.5. 38Sɨnə gɨraha kwamətə, sɨnə mgban pɨrgə 'ye mbiɗi kat. 39Kpeyə gɨraha nə ɓətɨ a kwamətə atɨ, ‘Hye mwo nzə-vɨnəgu ɓətɨ hye dɨ mwo nanga.’#22.39 Naasə: Livitikus 19.18. 40A nə gɨraha nə dɨ kpeyə ɓashita Musa kat ka shee kpalye da Həmɨnpwa a doro a galingə.”
Ɗi le a nə Ma Həmɨnpwa a Yaɓwarən
(Markus 12.35-37; Luka 20.41-44)
41Ite Farise a paya, Yesu a ɗiyərən le atɨ, 42“Mɨnə ɗyangale dəwnə a nə Ma Həmɨnpwa a Yaɓwarən? Sɨnə nze da wonə ya?”
Təna san atɨ, “Nze da Dawuda nə.”
43Nda ɗiyərən atɨ, “Ɓə mɨnə ɗa ite Dawuda a dɨ bwe le ka gəta Pitə, nda mɨna wa nzəngɨn atɨ, ‘Həmɨmiye’? Gəkɨlə Dawuda a sa atɨ,
44“ ‘Həmɨmiye Baatə a sa Həmɨmiye de atɨ,
“Zə nza tɨfə zɨməngi,
baa na ɗɨkdə ji-nyaagu
təna fokə njiya
hye mwagərən ka mbwayinga.” ’#22.44 Naasə: Dyemshe 110.1.
45Anda Dawuda a dɨ warən atɨ, ‘Həmɨmiye,’ ɓə ya ndi ɓa mɨna gəə sɨnə nze da Dawuda?” 46Ama aa yə mba wunatə luwan le. Dɨ fərəngɨn ama aa yə mwamdiya a ɗiyən alə.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.