Matta 23
23
Yesu a dɨka Farise
(Markus 12.38-40; Luka 11.37-52; 20.45-47)
1Yesu a boyə təkə-təkətɨ ɓwaare ka lagbe dan atɨ, 2“Ji-lee kəndə ɓashita Musa ka Farise nee nza raame da Musa dɨ kəndə ɓashitə. 3Gəkɨlə ləngɨn hwuna koddərən, a ɗa shee kat təna dɨ boyownə. Shezə ɓe hwuna ɗa wule shee təna dɨ ɗa, gəkɨlə tənaawa koddə ləməgyee təna dɨ boyə ɓwaare. 4Təna dɨ ɓwe sɨtɨre dɨksɨk təna shea mbolo ɓwaare, shezə tən ka nənəngrən tənaa dɨ mban a maɗadən nagi kəng-kəng.
5“Nagi ndo sə təna ɗa, gə dii ɓwaare təna ɗarən. Təna dɨ ɗa kaɓa vutə ləməgye da Həmɨnpwa kpan-kpan a ɓoyə sɨsərən, təna ɗa kwaami baaseshi hiwte təna dɨ kwapa kaɓe gɨrə-gɨrə. 6Təna dɨ mwo hee nzatɨ kpan-kpanye a hee sɨlangsətə ka hee nzate ka fukatə a vəni kəndəshe darən. 7Təna dɨ mwo atɨ mya kopo a wunakarən a vor lumotə, mye ta wagatɨrən atɨ, ‘Nzə-kəndəshe.’
8“Ɓe hwunaa mwa ama a warəwnə atɨ, ‘Nzə-kəndəshe,’ gəkɨlə hwunə ka Nzə-kəndəshe hiɗə kal-kal, hwun kat fukasəwnə nə hiɗə, ɓətɨ jee sɨnggərən hiɗə. 9Ɓe hwunaa wa ama ganə a vor vɨratə atɨ, ‘baatə,’ gəkɨlə Baagəwnə nə hiɗə, sɨnə arə a vor pwa. 10Ɓe hwunaa mwa ama a warəwnə atɨ, ‘makpane,’ gəkɨlə hwunə ka Makpane hiɗə, sɨnə Ma Həmɨnpwa a Yaɓwarən. 11Ma atɨ sɨnə makpane kat a wakasəwnə, sɨnə ɓa gəə nzə-kɨsa a wakasəwnə. 12Gəkɨlə ma nggur nəngɨn mya hyatan, ma hyata nəngɨn mgban, mya fukadən.
13“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ gbəə kwatɨfə həmnə pwa, a kərə ɓwaare pɨrtə. Hwunaa pɨrə, hwunaa mwa imi a pɨrə. 14Sə oti kəwnə, a hwun ji-lee kəndə ɓashita Musa, ka Farise, a hwun ji-kwakpeye! Hwuna dɨ tɨmbɨr nggamse mandye a lugərən shee. Hwuna dɨ ɗa hiwtə gɨrə-gɨrə gə ɓwaare a nəwnə. Həmɨnpwa ɓa ɗəwnə sə otə kɨr-kɨr.#23.14 Dorshi kwamətə tam ka Matta 23.14.
15“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ woyo a mbəgə hee kat a bətɨ njiya. Hwuna lyembərə a nggɨrgə gbɨnuwtɨ sɨkorən, gə hwuna nggala ɓwaara hiɗə nda mwaka kəndəshe dəwnə a pɨra a vorsəwnə a mbəə, hwuna shea mɨndən nda gəə nzə-wo ɗiyə a pɨrgəwnə a laka.
16“Sə oti kəwnə, hwun welyee dɨ kɨsə imi kada! Hwuna sa atɨ, ‘Ma kana gbə ka Shafe, gbətɨngɨn aa asə. Hwuna shea sa atɨ, ma kana gbə ka dyamsa a vor Shafe, gbətɨngɨn nza nəngɨn.’ 17Hwun dəɗye, welye! Nda mɨnə pɨri ka fukatə ya, dyamse nə ma, naasə mgban shafəngɨn nə ɗɨkdə dyamsəngɨn nda ɓə gə ɗəmɗəm ma? 18Hwuna mɨna sa atɨ, ‘Ma kana gbə ka kɨrite a Shafe, angɨn aa asə. Ma kana gbə ka həmte a nə kɨritə, gbətɨngɨn nza nəngɨn.’ 19Hwun welye! Nda mɨnə pɨri ka fukatə ya, həmtə nə ma, naasə mgban kɨritə na, a ite ɗɨkdə həmtɨngɨn nggagə ɗəmɗəm na? 20Ɓə kana hwuna leyə atɨ, ma gbi ka kɨritə, mangɨn gbə ka shee mya kangadərən a nə kɨritɨngɨn. 21Ma gbi ka Shafe, mangɨn gbə kat ka ma a vor Shafəngɨn. 22Ma gbi ka pwa, mangɨn gbə ka ruuta Həmɨnpwa, kat ka ma nza nə ruutɨngɨn.
23“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ nggur nagi ndo sə hiɗə dɨ vor bəw, hwuna və Həmɨnpwa, sə hwuna dɨ ɗa ka bajibe dəwnə, ɓətɨ yə ndaambe ka gɨrətə ka mbwale. Hwuna shea ɗaka shi kɨr-kɨrye ɓashita Həmɨnpwa a bwe le a nəngrən, ɓətɨ koddə ɓwaare a kwatɨfa kana ka purutə ka tikɨstə. Shingɨn kat ɓə wula hwuna ɗatɨrən ɓe hwunaa ɗaka asə dɨ vor 'ye hwuna ɗatɨrən a kwamətə. 24A hwun weli dɨ kɨsə imi kada! Hwuna dɨ kɨsuwa haɓye gə hwuna dɨmdə shi-myente də, hwuna shea miɗɨk lukwaptə aa ka lee səwnə.
25“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ suɓwagə beetɨ kpee ka beetɨ dwe, hwuna shea ɗaka vorsərən təna naa ka ryektɨ omshe ka mwo nənəngəwnə. 26Hwun Farise, hwunə ɓətɨ weli! Tiyam ka vor kpaa, ka vor dwatə, suɓwam mbəə, beesərən mgban ɓa mwa pepe.
27“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwunə ɓətɨ taanyee mya bəsərən sɨdə-sɨdətɨ kungtə pwat-pwat dɨ haa bwange təna wula pepe, shezə gaarə a voti tənə naa pas ka oolyi wogye, ka zərgi takɨmətə. 28Sə mgban hwuna gə a haa bwange, ɓwaare a dɨ nidəwnə ɓətɨ hwun mi pepeyi, shezə a hubosəwnə hwunə naa pas ka kwakpeye kat ka ɗashi hashe.
29“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ nwo taanyi kpalyee yə sɨnggəwnə a ɓələ, hwuna dɨ ɗa taanyi myee da Həmɨnpwa fawne. 30Hwuna sa atɨ, ‘Anda hine ka myentə a nzata yə sɨnggenə kaaɗəng, hinaa dɨ nda mwa a pedə nəngenə ka yə sɨnggenə a kəjidə zaambə kpalingɨn.’ 31Di hwun byelə kɨr nəngəwna, gəkɨlə hwun bɨlə bwang atɨ hwunə je da myee ɓəl kpalingɨn. 32Ndɨka hwuna kpawa səhasa yə sɨnggəwnə a tiya a ɗasən!
33“Hwun rokonyi hashe, a hwun je da səfwakshike! Nda ya hwun ɓa ɗa hwuna ɓə mbəgə ɓashitɨ wo ɗiya kaaru-kaaru? 34Gəkɨlə ləngɨn hɨnə dɨ lyenəwnəshe ka kpalye ka ndəkəshe ka ji-lee kəndəshe. Hwun ɓa ɓəl imi dɨ vorsərən, imi mgban hwun ɓa gbalə nə kada ɓɨdɨmtə, imi hwun ɓa byengə a vor vəni kəndəshe dəwnə, hwun ɓa omtɨrən a takadə vɨre som-som. 35Zaambə myee da Həmɨnpwa 'ye mya ɓələ vɨratɨnə ɓa gə nəngəwnə. Tiya ka zaambə ma pepeye Habila, baa a shi zaambə Zakariya nze da Berakiya a hwuna ɓɨlə Kwa-Shafe gbyel ka kɨritɨ vədə hamatə. 36Diyalə na dɨ boyownə, zaambərən ɓa gə nəngəwnə hwun ji-wanetɨnə.
37“Kək Urshelima! A Urshelima! Səɓo myee a vorsa nə koɗə kpalye kat ɓəli, kat ka myee mya lyanatɨrən a hakəw, hye kala ka fare a ɓələ. Hɨn ɓərə gə na payadə jinga a hake ɓətɨya ɗektə a dɨ pedə jingrə a kupərən ka bapengrə, kat ka angɨn tee mwi. 38Zə niyi, hwodəw mbiɗi tawa hiɗə yarang. 39Hɨnə dɨ səw atɨ, hye tee dɨ yə nee baa fəra hye ɓa sa atɨ, ‘Həmɨnpwa a fukadən ndi ma dɨ shi a vor kwakɨ Həmɨmiye.’#23.39 Naasə: Dyemshe 118.26. ”
Currently Selected:
Matta 23: bcy
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Matta 23
23
Yesu a dɨka Farise
(Markus 12.38-40; Luka 11.37-52; 20.45-47)
1Yesu a boyə təkə-təkətɨ ɓwaare ka lagbe dan atɨ, 2“Ji-lee kəndə ɓashita Musa ka Farise nee nza raame da Musa dɨ kəndə ɓashitə. 3Gəkɨlə ləngɨn hwuna koddərən, a ɗa shee kat təna dɨ boyownə. Shezə ɓe hwuna ɗa wule shee təna dɨ ɗa, gəkɨlə tənaawa koddə ləməgyee təna dɨ boyə ɓwaare. 4Təna dɨ ɓwe sɨtɨre dɨksɨk təna shea mbolo ɓwaare, shezə tən ka nənəngrən tənaa dɨ mban a maɗadən nagi kəng-kəng.
5“Nagi ndo sə təna ɗa, gə dii ɓwaare təna ɗarən. Təna dɨ ɗa kaɓa vutə ləməgye da Həmɨnpwa kpan-kpan a ɓoyə sɨsərən, təna ɗa kwaami baaseshi hiwte təna dɨ kwapa kaɓe gɨrə-gɨrə. 6Təna dɨ mwo hee nzatɨ kpan-kpanye a hee sɨlangsətə ka hee nzate ka fukatə a vəni kəndəshe darən. 7Təna dɨ mwo atɨ mya kopo a wunakarən a vor lumotə, mye ta wagatɨrən atɨ, ‘Nzə-kəndəshe.’
8“Ɓe hwunaa mwa ama a warəwnə atɨ, ‘Nzə-kəndəshe,’ gəkɨlə hwunə ka Nzə-kəndəshe hiɗə kal-kal, hwun kat fukasəwnə nə hiɗə, ɓətɨ jee sɨnggərən hiɗə. 9Ɓe hwunaa wa ama ganə a vor vɨratə atɨ, ‘baatə,’ gəkɨlə Baagəwnə nə hiɗə, sɨnə arə a vor pwa. 10Ɓe hwunaa mwa ama a warəwnə atɨ, ‘makpane,’ gəkɨlə hwunə ka Makpane hiɗə, sɨnə Ma Həmɨnpwa a Yaɓwarən. 11Ma atɨ sɨnə makpane kat a wakasəwnə, sɨnə ɓa gəə nzə-kɨsa a wakasəwnə. 12Gəkɨlə ma nggur nəngɨn mya hyatan, ma hyata nəngɨn mgban, mya fukadən.
13“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ gbəə kwatɨfə həmnə pwa, a kərə ɓwaare pɨrtə. Hwunaa pɨrə, hwunaa mwa imi a pɨrə. 14Sə oti kəwnə, a hwun ji-lee kəndə ɓashita Musa, ka Farise, a hwun ji-kwakpeye! Hwuna dɨ tɨmbɨr nggamse mandye a lugərən shee. Hwuna dɨ ɗa hiwtə gɨrə-gɨrə gə ɓwaare a nəwnə. Həmɨnpwa ɓa ɗəwnə sə otə kɨr-kɨr.#23.14 Dorshi kwamətə tam ka Matta 23.14.
15“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ woyo a mbəgə hee kat a bətɨ njiya. Hwuna lyembərə a nggɨrgə gbɨnuwtɨ sɨkorən, gə hwuna nggala ɓwaara hiɗə nda mwaka kəndəshe dəwnə a pɨra a vorsəwnə a mbəə, hwuna shea mɨndən nda gəə nzə-wo ɗiyə a pɨrgəwnə a laka.
16“Sə oti kəwnə, hwun welyee dɨ kɨsə imi kada! Hwuna sa atɨ, ‘Ma kana gbə ka Shafe, gbətɨngɨn aa asə. Hwuna shea sa atɨ, ma kana gbə ka dyamsa a vor Shafe, gbətɨngɨn nza nəngɨn.’ 17Hwun dəɗye, welye! Nda mɨnə pɨri ka fukatə ya, dyamse nə ma, naasə mgban shafəngɨn nə ɗɨkdə dyamsəngɨn nda ɓə gə ɗəmɗəm ma? 18Hwuna mɨna sa atɨ, ‘Ma kana gbə ka kɨrite a Shafe, angɨn aa asə. Ma kana gbə ka həmte a nə kɨritə, gbətɨngɨn nza nəngɨn.’ 19Hwun welye! Nda mɨnə pɨri ka fukatə ya, həmtə nə ma, naasə mgban kɨritə na, a ite ɗɨkdə həmtɨngɨn nggagə ɗəmɗəm na? 20Ɓə kana hwuna leyə atɨ, ma gbi ka kɨritə, mangɨn gbə ka shee mya kangadərən a nə kɨritɨngɨn. 21Ma gbi ka Shafe, mangɨn gbə kat ka ma a vor Shafəngɨn. 22Ma gbi ka pwa, mangɨn gbə ka ruuta Həmɨnpwa, kat ka ma nza nə ruutɨngɨn.
23“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ nggur nagi ndo sə hiɗə dɨ vor bəw, hwuna və Həmɨnpwa, sə hwuna dɨ ɗa ka bajibe dəwnə, ɓətɨ yə ndaambe ka gɨrətə ka mbwale. Hwuna shea ɗaka shi kɨr-kɨrye ɓashita Həmɨnpwa a bwe le a nəngrən, ɓətɨ koddə ɓwaare a kwatɨfa kana ka purutə ka tikɨstə. Shingɨn kat ɓə wula hwuna ɗatɨrən ɓe hwunaa ɗaka asə dɨ vor 'ye hwuna ɗatɨrən a kwamətə. 24A hwun weli dɨ kɨsə imi kada! Hwuna dɨ kɨsuwa haɓye gə hwuna dɨmdə shi-myente də, hwuna shea miɗɨk lukwaptə aa ka lee səwnə.
25“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ suɓwagə beetɨ kpee ka beetɨ dwe, hwuna shea ɗaka vorsərən təna naa ka ryektɨ omshe ka mwo nənəngəwnə. 26Hwun Farise, hwunə ɓətɨ weli! Tiyam ka vor kpaa, ka vor dwatə, suɓwam mbəə, beesərən mgban ɓa mwa pepe.
27“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwunə ɓətɨ taanyee mya bəsərən sɨdə-sɨdətɨ kungtə pwat-pwat dɨ haa bwange təna wula pepe, shezə gaarə a voti tənə naa pas ka oolyi wogye, ka zərgi takɨmətə. 28Sə mgban hwuna gə a haa bwange, ɓwaare a dɨ nidəwnə ɓətɨ hwun mi pepeyi, shezə a hubosəwnə hwunə naa pas ka kwakpeye kat ka ɗashi hashe.
29“Sə oti kəwnə, a hwun ji-lee kəndə ɓashita Musa ka Farise, a hwun ji-kwakpeye! Hwuna dɨ nwo taanyi kpalyee yə sɨnggəwnə a ɓələ, hwuna dɨ ɗa taanyi myee da Həmɨnpwa fawne. 30Hwuna sa atɨ, ‘Anda hine ka myentə a nzata yə sɨnggenə kaaɗəng, hinaa dɨ nda mwa a pedə nəngenə ka yə sɨnggenə a kəjidə zaambə kpalingɨn.’ 31Di hwun byelə kɨr nəngəwna, gəkɨlə hwun bɨlə bwang atɨ hwunə je da myee ɓəl kpalingɨn. 32Ndɨka hwuna kpawa səhasa yə sɨnggəwnə a tiya a ɗasən!
33“Hwun rokonyi hashe, a hwun je da səfwakshike! Nda ya hwun ɓa ɗa hwuna ɓə mbəgə ɓashitɨ wo ɗiya kaaru-kaaru? 34Gəkɨlə ləngɨn hɨnə dɨ lyenəwnəshe ka kpalye ka ndəkəshe ka ji-lee kəndəshe. Hwun ɓa ɓəl imi dɨ vorsərən, imi mgban hwun ɓa gbalə nə kada ɓɨdɨmtə, imi hwun ɓa byengə a vor vəni kəndəshe dəwnə, hwun ɓa omtɨrən a takadə vɨre som-som. 35Zaambə myee da Həmɨnpwa 'ye mya ɓələ vɨratɨnə ɓa gə nəngəwnə. Tiya ka zaambə ma pepeye Habila, baa a shi zaambə Zakariya nze da Berakiya a hwuna ɓɨlə Kwa-Shafe gbyel ka kɨritɨ vədə hamatə. 36Diyalə na dɨ boyownə, zaambərən ɓa gə nəngəwnə hwun ji-wanetɨnə.
37“Kək Urshelima! A Urshelima! Səɓo myee a vorsa nə koɗə kpalye kat ɓəli, kat ka myee mya lyanatɨrən a hakəw, hye kala ka fare a ɓələ. Hɨn ɓərə gə na payadə jinga a hake ɓətɨya ɗektə a dɨ pedə jingrə a kupərən ka bapengrə, kat ka angɨn tee mwi. 38Zə niyi, hwodəw mbiɗi tawa hiɗə yarang. 39Hɨnə dɨ səw atɨ, hye tee dɨ yə nee baa fəra hye ɓa sa atɨ, ‘Həmɨnpwa a fukadən ndi ma dɨ shi a vor kwakɨ Həmɨmiye.’#23.39 Naasə: Dyemshe 118.26. ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.