Gimpuunan 17
17
Ti Pagturi Tanda Kasunduan
1Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung. 2Tupadun niku kang kasunduan sa kanmu; payamuun gid niku kanmu manga linahi.”
3Pagka nasaydan inda ni Abram, napayuk-ub siya bilang paggalang sa Diyus. Magkun ti Diyus sa kanya, 4“Inda kang kasunduan sa kanmu: Kawu bumaliw ama mayamu nasyun. 5Taynguna ginan, balaw yi Abram ti iingaran sa kanmu nu unman Abraham#17:5 Abraham: Kay ibug sabihun, ama kayamuan. yi, dahil buwatun niku kawu ama mayamu nasyun. 6Payamuun niku kanmu manga linahi ag mamatindug sida manga nasyun, bag-u ti iba sa kanda bumaliw hari. 7Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban. 8Kamu manga day-uhan lang taynguna sa daga Kanaan. Dapat ipakaun niku inda pag buu daga sa kanmu hanggan sa kanmu manga linahi. Kanyu yi inda hanggan aban, ag aku kanyu Diyus hanggan aban.”
9Magkun waya siya sa kan Abraham, “Ag kawu, dahani nimu inda kang kasunduan, katunda diman ti dapat buwatun nimu sunud pag manga sinulput tawu. 10Ag kaibahan sa inda pag kasunduan, kailangan niyu turiun ti tanan lalaki niyu. 11Inda ti tanda kasunduan niku sa kanyu. 12-13Taynguna ginan tugka sa sunud pag manga sinulput tawu, ti tanan ianak pag lalaki kailangan turiun sa ikawalu pag sirang ginan sa kay pagkalusad. Turia diman niyu ti manga suruguun lalaki ilinusad sa kanyu ulian hanggan ti manga suruguun kanyu binili sa manga taga iba rugar. Inda pag tanda sa kanyu bilug ti manpatutuu kuntay ti kasunduan niku sa kanyu pumarargu hanggan aban. 14Una si unu sa kanyu pag lalaki ti balaw tinuri danga niyu pag turingan linahi niyu dahil binul-an nida halaga ti kasunduan niku.”
15Magkun waya ti Diyus sa kan Abraham, “Tungkul waydi sa kanmu asawa sa kan Saray, balaw yi nimu siya ingarnan Saray, dahil kainda ginan Sara#17:15 Sara: Kay ibug sabihun, pirinsisa. yi kanmu ipaingaran sa kanya. 16Papaladan niku siya ag pakan-an niku kawu anak sa panab-anan niya. Siya ti ina mayamu nasyun, ag ti iba niya ka linahi bumaliw hari.”
17Pagka nadnugan inda ni Abraham nagyuk-ub siya bilang paggalang sa Diyus, dapat nasari siya sa kay nadnugan. Magkumun siya sa kay sadili, “Magkaanak aw waya aku sa inda pag idad niku 100 yi ka timpu? Ag si Sara, mamuduy aw waya nguna siya kay idad 90 yi ka timpu?” 18Magkun siya sa Diyus, “Mana papaladan nimu kang anak si Ismail.”
19Nagsagut ti Diyus, “Kay tutuu indaay di, kanmu asawa si Sara manganak lalaki ag paingarnan nimu siya Isaak.#17:19 Isaak: Kay ibug sabihun, masulung siya. Sa kanya niku pag iparargu kang kasunduan sa kanmu, ag pumarargu inda pag kasunduan sa manga linahi niya hanggan aban. 20Tungkul waydi sa kan Ismail, nasaydan niku kanmu paghagadun para sa kanya. Papaladan niku siya ag pakan-an mayamu linahi. Bumaliw siya ama 12 ka takinan, ag kay manga linahi bumaliw bantug pag tawu.#17:20 tawu: ngatay, nasyun. 21Dapat kang kasunduan sa kanmu sa kan Isaak lang niku pag tupadun hanggan sa kay manga linahi. Ianak ni Sara si Isaak sa ga kainda diman pag udas sa sunud timpu.” 22Nighit ti Diyus igu natapus niya nasabi sa kan Abraham inda tanan.
23Sa tunda diman pag sirang, tinupad ni Abraham ti isinugu Diyus sa kanya. Tinuri niya kay anak si Ismail hanggan ti tanan lalaki sa kay magtal-anakan: ti manga ainanak sa kay ulian pag manga panawuhun hanggan ti manga binili niya pag panawuhun. 24Si Abraham 99 yi ka timpu igu tinuri, 25ag si Ismail waydi 13 ka timpu. 26-27Sa tunda diman pag sirang sa pagsugu Diyus ti tanan lalaki kailangan turiun, napaturi ngani si Abraham ag si Ismail hanggan ti tanan panawuhun ni Abraham ainanak sa kay magtal-anakan kaibahan ti manga binili niya sa manga taga iba rugar pag panawuhun.
Currently Selected:
Gimpuunan 17: HNN
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
