Jâ 14
14
Jésu na giyong go oré gusu Ba
1Jésu yégé wa: Ddo ddaindegeng solé kegero ’eno, ga begeng cindi ca Kumu bua, ga begeng cindi cang bu’. 2A ta Bang ni na, kiddin ga jomé wo kené combu, ’enung da ’yé ca nyanegeng kiddin, nia cindi ’eno na, ’enung go yogeng kain ’eno. 3Ama kiddin ga ’enunga ’yé ca nyanegeng kiddin na, ’enung da jiga ca nyimegeng ni gusung, cawa kiddin ga ’enunga jom kené na, keng kau da jom kené bu’. 4Kiddin ga ’enung da ’yé kené na, keng sol giyong go oré kené. 5Tomas yei wa: Bagulong, ni sela kiddin ga jia ’yé kené ’eno, nia sol giyonga mena ga? 6Jésu jogu yei wa: ’Enunga giyong go oré gusu Bang bua, ’enung gela kual go cindi bua, ’enunga go bogé kalang jomé goang cindegé bu’. Kema gono goni goa ’erang gusung ’eno na, ddi go oré gusu Bang ’eno bu’. 7Keng nia selang na, keng da sol Bang bu’, dang cakcak kua na keng soli bua, keng soliang cindegeng bu’.
8Pilip yei wa: Bagulong, ji nia gelni Bain lé na, gusuni da mouni. 9Jésu jogu yei wa: Pilip, ’enung jomang nageng kua din ma, ji selang ’eno dé ga? Kema goa solung na, ddi sola Bain bu’. Cawa ma ji yeng wa: Ji gelni Ba ga: 10Ji sela ca ’enung wa gusu Bain bua, Ba wa gusung bu’ ’eno ga? Kual go ’enung wa yogeng mam na, saga a gusung ’eno, na Ba go ba jom wo gusunga wa lo gié goi. 11Kiddin ga ’enung ba yein wa: ’Enung wo gusu Ba bua, Ba wo gusung bu’ na, ji bu cindi cang, nia kain ’eno na, bu cindi ca gié lé.
12’Enung wa yogenga cindi waldong wang: Kema goa bu cindi cang na, ddia lé gié go main ’enung wa loang kain bu’. Ddia lé gié go gumu go ddo go kua lé cong dé, cawa ’enung ’ya gusu Ba. 13Henga gani gani mam ga kenga olgang gusandang na, ’enunga légé ca Kurong waia hormo a gusu Ba. 14Keng nia ol henga gani gani dang gusandang na, ’enung da légé.
Kebu go doré ca gieang Habé ga Kumu kai
15Kederegeng nia ’yeng na, ga maga so guang. 16’Enung da ol Ba ca ddi begeng go pena go jégenegeng, na Habé ga cindi, ka jomang nageng waindo waindo. 17Na ké ga delinya bbalé ca ’yogé ’eno bua, ké bbala solégé ’eno bua, ké solegé dang cindegé ’eno bu’. Ama keng na, keng solgé cawa ké jom danga nageng bua, ké wo gusugeng bu’.
18’Enung go ddogeng kaindegeng ’eno, ’enunga jiga gusugeng. 19Kiddin jia ’yoab ca delinya go soalang ’eno ’enda, ama keng na, kenga da solung cawa ’enung danga cindeng, keng kau da jomang cindegeng bu’. 20A duro wolé lé na, keng da sol ca ’enung wo gusu Bang bua’, keng kau wo gusung bua, ’enung kau wo gusugeng bu’.
21Kema goni goni goa magu so guang bua, ddi kobi bu’ na, kua na kema go kederei ba ’yeng, Bang kederei da ’yé kema go kederei ba ’yeng lé bua, ’enung kau kederenga ’yei bu’, ’enung banga gel gusung gusi bu’. 22Judé (na Judas Iskariot ’eno) yei wa: Bagulong, ji dar ca jia gelé gusinya gusini mera, jia gelé gusin gusu go delinya ’enoa cawa ga? 23Jésu jogu yei wa: Kema go kederei ba ’yeng bua, ddi jé kual go ’enung ba yei bu’ na, Bang kederei da ’yei, niang Bang da ’erga jomang nai bu’. 24Kema go kederei ba ’yang ’eno na, ddi go jo kual guang ’eno. Kual go ’enung wa yoi go keng wa joi lé kua na, na kuang ’eno, ama ddi saga a gusu Bang go ba gigengang.
25Kiddin ga ’enung wo kenang nageng dé na, ’enung dar ca yegeng henga lé kua. 26Ba da gigengang Habé gai ga arin carara dang gusondang ca jégenegeng, ka gelgeng henga mam, ka henegeng ca henga mam ga ’enung ba yegeng dang nagé.
27’Enung ddegenga jalua juam, ’enung begenga jalua juam do toang, ’enung begeng mainya delinya ba buang kain ’eno. Ddo keng solé kegero ’eno bua, keng lo muro ’eno bu’. 28Keng jé kual go ’enung ba yegeng wa: ’Enunga ’yé, ama ’enunga jiga gusugeng com. Kederegeng nia ’yeng na, gusugeng da mowegeng, cawa keng sol ’enung ’ya gusu Ba, Ba ddung danga gemyai. 29’Enung yegeng henga la cakcak kua tumu jua, cawa kiddin ga henga la caga na, keng da bu cindi. 30’Enung go yo kualang nageng combu ddang ’eno, cawa kelma go delinya lé kua wa orang, ddiang dono do pena cang ’eno. 31Ama na gad delinya sol ca kedereng ’yé Ba bua, ’enung lé henga ga Ba ba seng ca lo bu’. Sageng dang, na oregeng ’enda.
Currently Selected:
Jâ 14: TNG1978
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.
Jâ 14
14
Jésu na giyong go oré gusu Ba
1Jésu yégé wa: Ddo ddaindegeng solé kegero ’eno, ga begeng cindi ca Kumu bua, ga begeng cindi cang bu’. 2A ta Bang ni na, kiddin ga jomé wo kené combu, ’enung da ’yé ca nyanegeng kiddin, nia cindi ’eno na, ’enung go yogeng kain ’eno. 3Ama kiddin ga ’enunga ’yé ca nyanegeng kiddin na, ’enung da jiga ca nyimegeng ni gusung, cawa kiddin ga ’enunga jom kené na, keng kau da jom kené bu’. 4Kiddin ga ’enung da ’yé kené na, keng sol giyong go oré kené. 5Tomas yei wa: Bagulong, ni sela kiddin ga jia ’yé kené ’eno, nia sol giyonga mena ga? 6Jésu jogu yei wa: ’Enunga giyong go oré gusu Bang bua, ’enung gela kual go cindi bua, ’enunga go bogé kalang jomé goang cindegé bu’. Kema gono goni goa ’erang gusung ’eno na, ddi go oré gusu Bang ’eno bu’. 7Keng nia selang na, keng da sol Bang bu’, dang cakcak kua na keng soli bua, keng soliang cindegeng bu’.
8Pilip yei wa: Bagulong, ji nia gelni Bain lé na, gusuni da mouni. 9Jésu jogu yei wa: Pilip, ’enung jomang nageng kua din ma, ji selang ’eno dé ga? Kema goa solung na, ddi sola Bain bu’. Cawa ma ji yeng wa: Ji gelni Ba ga: 10Ji sela ca ’enung wa gusu Bain bua, Ba wa gusung bu’ ’eno ga? Kual go ’enung wa yogeng mam na, saga a gusung ’eno, na Ba go ba jom wo gusunga wa lo gié goi. 11Kiddin ga ’enung ba yein wa: ’Enung wo gusu Ba bua, Ba wo gusung bu’ na, ji bu cindi cang, nia kain ’eno na, bu cindi ca gié lé.
12’Enung wa yogenga cindi waldong wang: Kema goa bu cindi cang na, ddia lé gié go main ’enung wa loang kain bu’. Ddia lé gié go gumu go ddo go kua lé cong dé, cawa ’enung ’ya gusu Ba. 13Henga gani gani mam ga kenga olgang gusandang na, ’enunga légé ca Kurong waia hormo a gusu Ba. 14Keng nia ol henga gani gani dang gusandang na, ’enung da légé.
Kebu go doré ca gieang Habé ga Kumu kai
15Kederegeng nia ’yeng na, ga maga so guang. 16’Enung da ol Ba ca ddi begeng go pena go jégenegeng, na Habé ga cindi, ka jomang nageng waindo waindo. 17Na ké ga delinya bbalé ca ’yogé ’eno bua, ké bbala solégé ’eno bua, ké solegé dang cindegé ’eno bu’. Ama keng na, keng solgé cawa ké jom danga nageng bua, ké wo gusugeng bu’.
18’Enung go ddogeng kaindegeng ’eno, ’enunga jiga gusugeng. 19Kiddin jia ’yoab ca delinya go soalang ’eno ’enda, ama keng na, kenga da solung cawa ’enung danga cindeng, keng kau da jomang cindegeng bu’. 20A duro wolé lé na, keng da sol ca ’enung wo gusu Bang bua’, keng kau wo gusung bua, ’enung kau wo gusugeng bu’.
21Kema goni goni goa magu so guang bua, ddi kobi bu’ na, kua na kema go kederei ba ’yeng, Bang kederei da ’yé kema go kederei ba ’yeng lé bua, ’enung kau kederenga ’yei bu’, ’enung banga gel gusung gusi bu’. 22Judé (na Judas Iskariot ’eno) yei wa: Bagulong, ji dar ca jia gelé gusinya gusini mera, jia gelé gusin gusu go delinya ’enoa cawa ga? 23Jésu jogu yei wa: Kema go kederei ba ’yeng bua, ddi jé kual go ’enung ba yei bu’ na, Bang kederei da ’yei, niang Bang da ’erga jomang nai bu’. 24Kema go kederei ba ’yang ’eno na, ddi go jo kual guang ’eno. Kual go ’enung wa yoi go keng wa joi lé kua na, na kuang ’eno, ama ddi saga a gusu Bang go ba gigengang.
25Kiddin ga ’enung wo kenang nageng dé na, ’enung dar ca yegeng henga lé kua. 26Ba da gigengang Habé gai ga arin carara dang gusondang ca jégenegeng, ka gelgeng henga mam, ka henegeng ca henga mam ga ’enung ba yegeng dang nagé.
27’Enung ddegenga jalua juam, ’enung begenga jalua juam do toang, ’enung begeng mainya delinya ba buang kain ’eno. Ddo keng solé kegero ’eno bua, keng lo muro ’eno bu’. 28Keng jé kual go ’enung ba yegeng wa: ’Enunga ’yé, ama ’enunga jiga gusugeng com. Kederegeng nia ’yeng na, gusugeng da mowegeng, cawa keng sol ’enung ’ya gusu Ba, Ba ddung danga gemyai. 29’Enung yegeng henga la cakcak kua tumu jua, cawa kiddin ga henga la caga na, keng da bu cindi. 30’Enung go yo kualang nageng combu ddang ’eno, cawa kelma go delinya lé kua wa orang, ddiang dono do pena cang ’eno. 31Ama na gad delinya sol ca kedereng ’yé Ba bua, ’enung lé henga ga Ba ba seng ca lo bu’. Sageng dang, na oregeng ’enda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Alliance biblique universelle (United Bible Societies) 1978.