Markus 16

Kinoluli'an ni Yisus

(Mat 28:1-8; Luk 24:1-12; Yns 20:1-10)

1Nokotalib Runat Pongintoronan-i, momoli-molio yo si Maria Magdalina, om sangai niyo iri ino ni Yakubus, om si Salumi nu kolonung-lonungan ponuntug nu bangkai ni Yisus. 2Susuab nu runat minggu iiri, miano yo nosiro so lobong ni Yisus. 3Laid nosiro manou-panou-i, mududuato yo nosiro nu, “Isai gaam pokitobangan toko mongoluid nu watu pinonutub nu lobong-i?” koo. 4Nga nokologa' nosiro dii, siowi nosiro su noluid-o watu pinonutub-i. 5Mosuwo yo nosiro so lobong-i, nokotigog-a nosiro nu nokosiou nu lobuw kisabung nu olanggau oputi' umpak so wanan nosiro ri.

6Nga mutongaro yo lobuw iiri so nosiro nu, “Adang lumaa'! Oilaan ku nu modium kou so si Yisus, lobuw Najarit nisalib-i. Ado yo Iyo tuui, noluli'an-o. Siowi muyu ya pinopolakan so Iyo tu ri. 7Panou kou yo, om tuturani muyu yo itu no so mompomaid Niyo ri, om so si Pitrus pona. Minogulu yo Iyo so kou so Galilia om dii yo kosombatan muyu soko notangar-o Niyo laid so kou ri,” koo.#Mat 26:32; Mrk 14:28

8Lumobuso yo nosiro kiat so lobong-i om mulaiwo yo so' nokotigog om nokolaa'. D'ado yo binongutan nosiro, nu koolaa'.

Minokisiou si Yisus so si Maria Magdalina

(Mat 28:9-10; Yns 20:11-18)

9Noluli'an-o#16:9-20: Tinu-tinu solinan laid d'ado noporuang nu pongoopodan iitu (Mrk 16:9-20). Wokon solinan noporuang nu pongoopodan iitu: 9 Miano yo sono kowoinoyan iiri dii si Pitrus om kouna'an niyo ri, potuturan nu olantas nu kiawi' tinangar nu omulok iiri so nosiro ri. 10 Nopupus iri, suuo yo sono ni Yisus mompomaid Niyo ri potuturan nu abar obana om suat so kowiawan musingkolaid maid so Kinoringan kiat so pusitan sampai so lidopan. po si Yisus, susuab nu Runat Minggu ri, mokisiowo yo sono Iyo gulu po so si Maria Magdalina, iri baya' sinusuban Niyo turu moinat-i. 10Indadi momponowo yo sono si Maria Magdalina paabar nu iri so kouna'an niyo, iri mosaan moupus om mutotangi' ri. 11Nga norongou-o po nosiro nu miniau si Yisus, om si Maria su nokosiou, dai nosiro nopoimaid.

Minokisiou si Yisus so duo mompomaid Niyo ri

(Luk 24:13-35)

12Nopupus iri, mokisiowo yo si Yisus so duo mompomaid Niyo ri nu laid nosiro manou-panou so umo. 13Indadi, mululio yo sono nosiro potuturan nu iri so kouna'an nosiro wokon-i, nga dai ya nopoimaid nosiro.

Minokisiou si Yisus so ongo mompomaid Niyo ri

(Mat 28:16-20; Luk 24:36-49; Yns 20:19-23; P'rapan 1:6-8)

14Mokisiowo yo sono si Yisus so opulu om ido mompomaid Niyo ri nu laid nosiro mongokan-i. Insolaa yo Niyo nosiro, so' orumbut koimaidan nosiro om okosog sobana sampai dai poimaid nu lobuw nokosiou-o so Iyo ri. 15Mutongaro yo Iyo so nosiro nu, “Panou kou yo so pilolongkop nu wonuo tu, paabar nu Abar Owarong kiat so Kinoringan oono so kiawi' lobuw.#P'rapan 1:8 16Lobuw poimaid osopulan om diu'on, nga lobuw dai poimaid ukumon. 17Om itu yo ponondu'an nu poimaid nosiro, ono yo koponusub nosiro nu moinat mongorait nu ngaran Ku, om koputangar nosiro nu totongaran dai insan orongou. 18Koingkag nosiro nu topirik intawa koinum nu kowowanit, dai ya nosiro oinsokitan. Bang potopop nosiro nu palad nosiro so ulu nu lobuw sumakit, lobuw oono opoli'an,” koo si Yisus.

Kinakat si Yisus mian so Surga

(Luk 24:50-53; P'rapan 1:9-11)

19Noopod si Tuhan Yisus mutangar so nosiro, kinakat-o sono Iyo so surga, om dii mogkuasa Iyo maid nu Kinoringan.#P'rapan 1:9-11 20Indadi momponowo yo sono nosiro paabar nu abar kiat so Kinoringan siombo-ombo ya, om Tuhan nga monabang-a so nosiro maid nu gogoma'on koiran-iran ponondu'an nu bana ya nituturan nosiro ri.

Currently Selected:

Markus 16: TomPWPgLgPn

Highlight

Copy