ኡመመ 6
6
ብሻን በዲሳ
1ዬሮ ነሞትን ብየ ለፋረት ባይአቹ ጀልቀበኒ እንተለን ዸለተኒፍት፣ 2እልማን ዋቃ አከ እንተለን ነሞታ በበሬዶ ተአን አርገን፤ እሳን ኬሳስ አቡመ ፍለተን ፉዸን። 3ዮሙስ ዋቀዮ፣ “ነምን ዋን ፎን ተኤፍ ሀፉርኮ በረ በራን እሰ ኬሰ ህንጅራቱ፤ በር ጅሬኘሳስ ወጋ ዽበ ቶኮፊ ድግደመ ተአ” ጄዼ።
4በረ ሰናፊ ኤርገሲስ ኔፊሊሞትን ለፈረ ቱረን፤ እልማን ዋቃስ ዮሙ ገረ እንተለን ነማ ዸቀንት እጆሌ ዸልቸን። እሳንስ ጎቶተ ዱሪ ወረ ቤከሞ ቱረን።
5 ዋቀዮስ አከ ጀልእን ነማ ለፈረት ባይአቴ፣ ወን ነምን ዬሮ ሁንደ ገራሳት ያዱ ሁንድኑስ ጀልኣ ቆፈ ተኤ አርጌ። 6ዋቀዮስ ዋን ለፈረት ነመ ኡሜፍ ንጋቤ፤ ገራንሳስ ንገዴ። 7ከናፉ ዋቀዮ፣ “አን ሰኚ ነማ ከን ኦፊኮቲን ኡሜ ለፈራ ነንበሌሰ። ነማፊ ሆሪ፣ ኡመመ ለፈረ ሙኙቁ፣ ስምብሮተ ሰሚ ነንበሌሰ፤ አን እሳን ኡሙኮት ጋቤራቲ” ጄዼ። 8ኖህ ገሩ ፉለ ዋቀዮ ዱረት ሱራ አርገቴ።
9ሴናን ኖሂፊ ማቲሳ ከናዸ።
ኖህ ነሞተ በረሳ ቱረን ግዱት ነመ ቀጄላ፣ ነመ ህርእነ ህንቀብኔ ከን ዋቀ ወጅን ዴዴብኡ ቱሬ። 10ኖህ እልማን ሰዲ ዸልቼ፤ እሳንስ፦ ሴም፣ ሃሚፊ ያፌት።
11ለፍት ፉለ ዋቃ ዱረት ፋለምቴ ጄቁምሳን ጉተምቴ ቱርቴ። 12ሰበቢ ነሞትን ለፈራ ሁንድኑ ከራሳኒ ፋለኒፍ፣ ዋቅን አከ ለፍት ፋለምቴ አርጌ። 13ከናፉ ዋቅን ኖሂን አከነ ጄዼ፤ “ዋን ለፍት ሰበቢሳኒቲን ጄቁምሳን ጉተምቴፍ፣ አን ነመ ሁንደ ነንበሌሰ፤ ኩኖ አን ዹጉማን ለፋፊ እሳን ነንበርበዴሰ። 14አት ሙከ ጎፈርራ ዶኒ ቶልፈዹ፤ ኬሰ እሳትስ ኩታ ገራ ገራ ቆጴስ፤ ኬሳፊ ዱበሳስ ሀጴዻን ዱች። 15ሃል አት እቲን ዶንቸ ቶልችቱ ከናዸ፤ ዼርነሳ ዹንዹመ ዽባ ሰዲ፣ በልእነሳ ዹንዹመ ሸንተመ፣ ኦል ዼርነሳ ዹንዹመ ሶዶመ ጎዽ። 16ዶንቻፍ በንቲ ዹንዹመ ቶኮ ኦል ከኡ ሆጄዹ፤ ጭናቸሳረትስ በልበለ ባስ፤ ከነስ አባ ደርቢ ሰዲ ጄቹንስ ከን ገዲ፣ ከን ግዱቲፊ ከን ጉባ ጎዺ ሆጄዹ። 17ኩኖ፣ አን ኡመመወን ሉቡ ቀቤዪ ሁንደ ሰሚ ጀላ በሌሱፍ ብሻን በዲሳ ለፈት ነንፍደ፤ ወን ለፈረ ጅራቱ ሁንድኑስ ንበደ። 18ስ ወጅን ገሩ ከኩ ነንገለ፤ አትስ ዶኒ ሴንተ፤ አቲፊ እልማንኬ፣ ኒቲንኬቲፊ ኒቶትን እልማንኬቲስ ንሴንቱ። 19ኡመመወን ሉቡ ቀቤዪ ሁንዱማ ኬሳ አከ እሳን ስ ወጅን ጅራተኒፍ ለመ ለመ፣ ኮርማፊ ዸላ ዶንቸት ገልች። 20ስምብሮተ ኬሳ አኩመ ጎሰ ጎሰሳኒት፣ ሆሪ ኬሳ አኩመ ጎሰ ጎሰሳኒት፣ ኡመመወን ለፈረ ሙኙቀን ኬሳስ አኩመ ጎሰ ጎሰሳኒት፣ ለመ ለመ ተአኒ ጅራቹፍ ገረኬ ዹፉ። 21ዋን ኛተሙ ሁንደ ኬሳ ዋ ፉዺ ኦፍ ብረት ወልት ቀብ! ኩንስ ኛተኬቲፊ ኛተሳኒ ንተአ።”
22ኖህ አኩመ ዋቅን እሰ አጀጄት ዋን ሁንደ ሆጄቴ።
Currently Selected:
ኡመመ 6: NOCV
Highlight
Share
Copy
Want to have your highlights saved across all your devices? Sign up or sign in
ክታበ ቁልቁሉ፣ ሂካ አመያ ሃራ™፣
ምርግ ሴራን ኤገመ © 2009፣ 2020፣ 2022 Biblica, Inc.
ኤየማን እት ፈየደሙ።
ምርግ ሁንድ አዱኛ ጉቱረት ከን ኤገሜዸ።
Holy Bible, New Oromo Contemporary Version™
Copyright © 2009, 2020, 2022 by Biblica, Inc.
Used with permission. All rights Reserved worldwide.
