Atos 1
1
Ca xirao' mi' con Teófilo Lucas
1Wara xirao' mi' inem con Jeju pain cara pane Teófilo. Xirao' mi' inem pain oro carawa ca ara ca pane, pain ca xo' taramaja ten qui' ca pain ca ca' na cocon pain capijacon Iri' Jam oro wari' pane quem. 2Ca taramaja nucun pane, taramaja taramaja maqui' pa' ac con na xec nein ca an piri' mao con pain pawin Iri' Jam. Xirao' mi' inem pain i ma' con quem. Om om wet iri na ca an piri' mao con pain pawin Iri' Jam ne, tomi' xo' ac tococwa na oro apóstolo co wara tora' ca pane, wiricoco co taxipa' ca ma', co an xin tiquin' mi' jujun pain capija oro wari' ta ca ma'. Je Tamataracon Iri' Jam ca mi' non pain ca tomi' nucun pain ca tomi' xo' tococwa pane. 3Mi' pin iri na ne, e' mami' iri na ne, hwet pa' ac cocon na oro apóstolo nucun. Ma' 40 na xec pain ca hwet pa' ho' hwet pa' ho' cocon pane. Ma' ta querec pin' mahu' pain ca e' mami' ne ca' tata. Wata' ta wata' ta tata. Xin ne, wum ma' ira ac cocon na. Om ca tara pum camain' cocon. Querec pin' nonon pain ca e' mami' nucun pane. Tomi' xo' ac tococwa na con Iri' Jam quem, pain ca taramaxicon pe ho' toton cocon pane.
4Maqui' ac ne na xec nein ca cao' pe ho' tococwa pane. Tomi' xo' ac tococwa na: Ta paca' hwein Jerusalém ca' me. Winim' cain' jein Tamataracon Te ca wara tomi' pe mi' cuhu' pane, ca wara tomi' hwet xuhu' pain pane. 5João cara pane, ja' nonon pain com oro wari'. Wahu' iri tara ne, om ta pain homa ne, mi' ac xihwe tara pain Tamataracon Te. Ac i ma' na ca tomi' tococwa.
Ca in mao cain pawin Jeju
6Aram aram maqui' ac ne na xec nein ca cut in mami' xucucun quem. Tomi' querec ac cocon na Jeju co taxipa' ca ma': Taramaxicon nuxut. Je i ca' tara oro xec ca to' quiji' pin toton momon oro romano co taramaxicon to ho' nanaparut pain xocori ca' ra? Om ta mi' maparut pain ca taramaxicon pan ta' ca win ma' nuxut pain ca wari' nein Israel urut ca' ra? Ac i ma' na ca tomi' querec cocon ma'.
7Om na ta ac tococwa na. Wirico pan na Te co taxi' nain oro xec pain ca ara tain cain oro ca coromicat an pe xo' nucun. Om ca na ne pain ca taxi' pan hwein quem ac tococwa na. 8Na e' na pain ca taxi' hwein i ca' ta ac tococwa na. Maqui' pa' iri turuhu' Tamataracon Te ne, mi' ac cuhu' tara pain ca hwara' opa wa. Tomi' hwet ac mahu' tara cocon oro wari' ma', co to nanain Jerusalém ca', co to nanain oro xijein cidade pain Judeia ma', co to nanain oro xijein cidade pain Samaria ma', co to nanain oro xijein macan' pain pira ma' quem, tomi' hwet ac mahu' tara cocon ta. Ac i ma' na ca tomi' tococwa ma'.
9Tomi' pin iri nain i ma' ne, an piri' mao ac tocwa na. Querec nana co taxipa' ca pain ca an piri' mao tocwa ma'. Piri' piri' tatep pa' ac con na tajain nanawin. Querec querec om pin ac cocon na. 10Ca noro pawin caca ma', ca piri' piri' ca ma', ca noro pawin caca ma', ca piri' piri' ca ma', ane ane hwerehwet qui' ac caca na wari' co ma' 2 nana ma'. Towo' na womicocon. 11Tomi' ac cocon na: Para noro pawin hwe ma' quem wari' nein Galileia? Jeju ma', co an piri' mao wa pain pawin ma', main in qui' tarain macan' ta. Querec hun pain ca piri' mao nucun. Ac i ma' tara ca in qui' nucun quem ta nonon.
Ca tora' tocwa Matias ma', pain ca pe rain maxicon Judas Iscariotes tocwa ma'
12Quiji' ca' ac cacain na Pacun Nein Oliveira ma'. In mama' xin Jerusalém ta ac caca na, xuruxut mama' ac caca na. Om ca pira ne Jerusalém ma'. Ac ca xica' pe ne na quilômetro nein. 13Tan' mama' iri nana ne, corom mama' ac cacain na xirim ca to pan caca ma'. Piri' mama' xi' e', wara ca' na manain xirim pain pawin ma', corom mama' ac caca na. Mo nana: Pedro, João, Tiago, André ma'. Filipe con Tomé ma'. Bartolomeu con Mateus ma'. Tiago panxica Alfeu ma'. Simão co jain jain tamana nonon oro win ma' ca pain ca witan ca' xun cocon oro romano ma'. Judas panxica Tiago ma' quem. 14Tama' cut in taxipa' xucucun. Tomi' tomi' nonon Iri' Jam quem. Ac ca xica' pe ne na ximicocon pain ca tomi' cocon Iri' Jam. Om ca an to camain' cacain. Cut in wi xucucun cacam oro narima' ma', wiricam Maria jicon Jeju ma', wiricoco xurucun ma' quem.
15Maqui' ac ne na xec nein ca cut in mami' xucucun ma'. Ac ca ma' 120 caca na co cut in nana ma'. Tequi' pe xat ac cain ximijacocon na Pedro ma'. 16-17Tomi' ac tococwa na: Tomi' xim inuhu' ta xere. Wara xirao' pe nain capijacon Iri' Jam taramaxicon Davi cara pane. Je Tamataracon Iri' Jam ca mi' non pain ca xirao' pe cain carawa ca ara ta' ca Judas cara pane. Na e' na pain ca hwet pin ne ca xirao' pe nucun con quem. Taxipa' paxi' naparut Judas pain ca taramaja wi caparut pane. Ane o mi' cocon con Jeju oro taramaxicon co quep xun nonon pane ne. Ac i ma' na ca tomi' tococwa ma'.
18(Caracat iri na Judas pain ca o mi' cocon con Jeju oro taramaxicon ne, cut mi' ac tocwa na pain dinheiro. Wara ca' na xitot ma', mi' ne pain ac con na waximain, cut mi' ac xucucun na pain dinheiro nein#1.18 Om paxi' na ca mi' pan con pain dinheiro waximain xitot Judas pane. Wiricoco oro taramaxicon nucucun oro sacerdote co mi' nonon pain. Ane mi' cocon pain dinheiro nucun Judas ne. Je ca mi' non pain Judas ta pan ca Lucas pain ca xirao' nucun ca'. Xi dinheiro nucun ara ne ta. . Je ca mi' pin pe ca quem. Pan' wina quiji' mao na, top ta mao ac ne na curucun, top ta mao ac ne na monocon pain tarawanacon ma' quem. 19Taxi' taxi' pi' pin ac cocon na oro wari' co to nanain Jerusalém quem. Je ca o' ma' cacain xitot ca mi' pin pe ca ma'. Aceldama nanain pain capijacocon. Totain Wic na ca tomi' mao nein.)
20Tomi' tomi' tiquin' ac na Pedro ma': Je i ca' ca xirao' pe ca taramaxicon Davi cara pane, pain ca xirao' pe cain Oro Tamara' pain capijacon Iri' Jam pane. Ca' na con:
Mahwerin' tara xiricon ta.
Om om tatara wari' co to nanain ta.
Ac i ma' na ca xirao' pe ca pane. Ma' na wirain con quem. Ca' na con:
Ma' tara xucun wari' co pe tain nain maxicon pain ca taramaja nucun ma' quem.
Ac i ma' na ca xirao' pe nucun pane.
21-22Je ca na e' ne pain ca tora' urut con win ma' nuxut co pe tain nain maxicon Judas cara pane, ma' ta taramaja wi caparut pain ca tomi' hwet urut cocon pain ca e' mami' nucun Jeju oro wari' ta ac tococwa na. Na e' na pain ca tora' e' urut con wari' co wara pe ho' naparut pain cara pane, pain oro xec nein ca pe ho' pe ho' wet caparut Taramaxicon nexi' Jeju pane, je pain ca xo' ja' ten qui' cocon pain com oro wari' João cara pane, je pain ca aram aram maqui' pa' con xec nein ca paca' caparut pane, pain ca an piri' mao tocwa pain pawin pane quem. Ac i ma' na ca tomi' cocon caram ma' Pedro ma'.
23Xin ne ac cocon na, tomi' ac tococwa na wari' ma'. Ma' 2 nana co tomi' caca ma'. José na wixicon xucun. Ma' 2 na wixicon José ma'. Barsabás, je Justo na xijein wixicon José ma'. Matias na wixicon xucun ma' quem. 24-25Tomi' ac cocon na Iri' Jam: Taramaxicon nuxut ac cocon na. Taramaja wi naparut Judas cara pane, pain ca apóstolo urut ca', pain ca an xin tiquin' mi' jujun pain capija oro wari' maparut pane. Mi' pin iri na ne, mao ac cain na maxicon ca wara coromicat an pe xo' ma con. Je ca tomi' urut pum ca' quem Taramaxicon nuxut ac cocon na. Querec pin' querec pin' xam' main ximicocon oro wari'. Querec momon win ma' nuxut cwa', José con Matias cwa'. An hwet mi' xut con co wara tora' pan ma ma'. Ma' ta taramaja wi caparut pain ca apóstolo urut ca', pain ca an xin tiquin' mi' urut pain capijam ta. Ac i ma' na ca tomi' cocon ma'. 26Ma' xi taramaja wi capari' cwa' ne ac caca na, ara ac cacain na ca ara taxipa' caca ma', mam' ac cacain na wixicon Matias ma' quem. Wum ta ac cocon na, jao jao ma' pan ac cocon na oro xucucun apóstolo co 11 nana ira#1.26 Ara taxipa' ac i ca' nana pane: Xirao' xirao' xam' nanain wixicocon pain oro wijimain pacun ma', xin xin ac cacain na. Ma' ta taxi' xun win ma' nexi' co taramaja wi xim napari' ta nana. Xin iri nanain ne, noro ac cacain na, mam' ac cacain na wixicon Matias ma'. Wum tara ta ac cocon na, apóstolo pin ac ca na Matias pane. .
Currently Selected:
Atos 1: TBPN
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil
Atos 1
1
Ca xirao' mi' con Teófilo Lucas
1Wara xirao' mi' inem con Jeju pain cara pane Teófilo. Xirao' mi' inem pain oro carawa ca ara ca pane, pain ca xo' taramaja ten qui' ca pain ca ca' na cocon pain capijacon Iri' Jam oro wari' pane quem. 2Ca taramaja nucun pane, taramaja taramaja maqui' pa' ac con na xec nein ca an piri' mao con pain pawin Iri' Jam. Xirao' mi' inem pain i ma' con quem. Om om wet iri na ca an piri' mao con pain pawin Iri' Jam ne, tomi' xo' ac tococwa na oro apóstolo co wara tora' ca pane, wiricoco co taxipa' ca ma', co an xin tiquin' mi' jujun pain capija oro wari' ta ca ma'. Je Tamataracon Iri' Jam ca mi' non pain ca tomi' nucun pain ca tomi' xo' tococwa pane. 3Mi' pin iri na ne, e' mami' iri na ne, hwet pa' ac cocon na oro apóstolo nucun. Ma' 40 na xec pain ca hwet pa' ho' hwet pa' ho' cocon pane. Ma' ta querec pin' mahu' pain ca e' mami' ne ca' tata. Wata' ta wata' ta tata. Xin ne, wum ma' ira ac cocon na. Om ca tara pum camain' cocon. Querec pin' nonon pain ca e' mami' nucun pane. Tomi' xo' ac tococwa na con Iri' Jam quem, pain ca taramaxicon pe ho' toton cocon pane.
4Maqui' ac ne na xec nein ca cao' pe ho' tococwa pane. Tomi' xo' ac tococwa na: Ta paca' hwein Jerusalém ca' me. Winim' cain' jein Tamataracon Te ca wara tomi' pe mi' cuhu' pane, ca wara tomi' hwet xuhu' pain pane. 5João cara pane, ja' nonon pain com oro wari'. Wahu' iri tara ne, om ta pain homa ne, mi' ac xihwe tara pain Tamataracon Te. Ac i ma' na ca tomi' tococwa.
Ca in mao cain pawin Jeju
6Aram aram maqui' ac ne na xec nein ca cut in mami' xucucun quem. Tomi' querec ac cocon na Jeju co taxipa' ca ma': Taramaxicon nuxut. Je i ca' tara oro xec ca to' quiji' pin toton momon oro romano co taramaxicon to ho' nanaparut pain xocori ca' ra? Om ta mi' maparut pain ca taramaxicon pan ta' ca win ma' nuxut pain ca wari' nein Israel urut ca' ra? Ac i ma' na ca tomi' querec cocon ma'.
7Om na ta ac tococwa na. Wirico pan na Te co taxi' nain oro xec pain ca ara tain cain oro ca coromicat an pe xo' nucun. Om ca na ne pain ca taxi' pan hwein quem ac tococwa na. 8Na e' na pain ca taxi' hwein i ca' ta ac tococwa na. Maqui' pa' iri turuhu' Tamataracon Te ne, mi' ac cuhu' tara pain ca hwara' opa wa. Tomi' hwet ac mahu' tara cocon oro wari' ma', co to nanain Jerusalém ca', co to nanain oro xijein cidade pain Judeia ma', co to nanain oro xijein cidade pain Samaria ma', co to nanain oro xijein macan' pain pira ma' quem, tomi' hwet ac mahu' tara cocon ta. Ac i ma' na ca tomi' tococwa ma'.
9Tomi' pin iri nain i ma' ne, an piri' mao ac tocwa na. Querec nana co taxipa' ca pain ca an piri' mao tocwa ma'. Piri' piri' tatep pa' ac con na tajain nanawin. Querec querec om pin ac cocon na. 10Ca noro pawin caca ma', ca piri' piri' ca ma', ca noro pawin caca ma', ca piri' piri' ca ma', ane ane hwerehwet qui' ac caca na wari' co ma' 2 nana ma'. Towo' na womicocon. 11Tomi' ac cocon na: Para noro pawin hwe ma' quem wari' nein Galileia? Jeju ma', co an piri' mao wa pain pawin ma', main in qui' tarain macan' ta. Querec hun pain ca piri' mao nucun. Ac i ma' tara ca in qui' nucun quem ta nonon.
Ca tora' tocwa Matias ma', pain ca pe rain maxicon Judas Iscariotes tocwa ma'
12Quiji' ca' ac cacain na Pacun Nein Oliveira ma'. In mama' xin Jerusalém ta ac caca na, xuruxut mama' ac caca na. Om ca pira ne Jerusalém ma'. Ac ca xica' pe ne na quilômetro nein. 13Tan' mama' iri nana ne, corom mama' ac cacain na xirim ca to pan caca ma'. Piri' mama' xi' e', wara ca' na manain xirim pain pawin ma', corom mama' ac caca na. Mo nana: Pedro, João, Tiago, André ma'. Filipe con Tomé ma'. Bartolomeu con Mateus ma'. Tiago panxica Alfeu ma'. Simão co jain jain tamana nonon oro win ma' ca pain ca witan ca' xun cocon oro romano ma'. Judas panxica Tiago ma' quem. 14Tama' cut in taxipa' xucucun. Tomi' tomi' nonon Iri' Jam quem. Ac ca xica' pe ne na ximicocon pain ca tomi' cocon Iri' Jam. Om ca an to camain' cacain. Cut in wi xucucun cacam oro narima' ma', wiricam Maria jicon Jeju ma', wiricoco xurucun ma' quem.
15Maqui' ac ne na xec nein ca cut in mami' xucucun ma'. Ac ca ma' 120 caca na co cut in nana ma'. Tequi' pe xat ac cain ximijacocon na Pedro ma'. 16-17Tomi' ac tococwa na: Tomi' xim inuhu' ta xere. Wara xirao' pe nain capijacon Iri' Jam taramaxicon Davi cara pane. Je Tamataracon Iri' Jam ca mi' non pain ca xirao' pe cain carawa ca ara ta' ca Judas cara pane. Na e' na pain ca hwet pin ne ca xirao' pe nucun con quem. Taxipa' paxi' naparut Judas pain ca taramaja wi caparut pane. Ane o mi' cocon con Jeju oro taramaxicon co quep xun nonon pane ne. Ac i ma' na ca tomi' tococwa ma'.
18(Caracat iri na Judas pain ca o mi' cocon con Jeju oro taramaxicon ne, cut mi' ac tocwa na pain dinheiro. Wara ca' na xitot ma', mi' ne pain ac con na waximain, cut mi' ac xucucun na pain dinheiro nein#1.18 Om paxi' na ca mi' pan con pain dinheiro waximain xitot Judas pane. Wiricoco oro taramaxicon nucucun oro sacerdote co mi' nonon pain. Ane mi' cocon pain dinheiro nucun Judas ne. Je ca mi' non pain Judas ta pan ca Lucas pain ca xirao' nucun ca'. Xi dinheiro nucun ara ne ta. . Je ca mi' pin pe ca quem. Pan' wina quiji' mao na, top ta mao ac ne na curucun, top ta mao ac ne na monocon pain tarawanacon ma' quem. 19Taxi' taxi' pi' pin ac cocon na oro wari' co to nanain Jerusalém quem. Je ca o' ma' cacain xitot ca mi' pin pe ca ma'. Aceldama nanain pain capijacocon. Totain Wic na ca tomi' mao nein.)
20Tomi' tomi' tiquin' ac na Pedro ma': Je i ca' ca xirao' pe ca taramaxicon Davi cara pane, pain ca xirao' pe cain Oro Tamara' pain capijacon Iri' Jam pane. Ca' na con:
Mahwerin' tara xiricon ta.
Om om tatara wari' co to nanain ta.
Ac i ma' na ca xirao' pe ca pane. Ma' na wirain con quem. Ca' na con:
Ma' tara xucun wari' co pe tain nain maxicon pain ca taramaja nucun ma' quem.
Ac i ma' na ca xirao' pe nucun pane.
21-22Je ca na e' ne pain ca tora' urut con win ma' nuxut co pe tain nain maxicon Judas cara pane, ma' ta taramaja wi caparut pain ca tomi' hwet urut cocon pain ca e' mami' nucun Jeju oro wari' ta ac tococwa na. Na e' na pain ca tora' e' urut con wari' co wara pe ho' naparut pain cara pane, pain oro xec nein ca pe ho' pe ho' wet caparut Taramaxicon nexi' Jeju pane, je pain ca xo' ja' ten qui' cocon pain com oro wari' João cara pane, je pain ca aram aram maqui' pa' con xec nein ca paca' caparut pane, pain ca an piri' mao tocwa pain pawin pane quem. Ac i ma' na ca tomi' cocon caram ma' Pedro ma'.
23Xin ne ac cocon na, tomi' ac tococwa na wari' ma'. Ma' 2 nana co tomi' caca ma'. José na wixicon xucun. Ma' 2 na wixicon José ma'. Barsabás, je Justo na xijein wixicon José ma'. Matias na wixicon xucun ma' quem. 24-25Tomi' ac cocon na Iri' Jam: Taramaxicon nuxut ac cocon na. Taramaja wi naparut Judas cara pane, pain ca apóstolo urut ca', pain ca an xin tiquin' mi' jujun pain capija oro wari' maparut pane. Mi' pin iri na ne, mao ac cain na maxicon ca wara coromicat an pe xo' ma con. Je ca tomi' urut pum ca' quem Taramaxicon nuxut ac cocon na. Querec pin' querec pin' xam' main ximicocon oro wari'. Querec momon win ma' nuxut cwa', José con Matias cwa'. An hwet mi' xut con co wara tora' pan ma ma'. Ma' ta taramaja wi caparut pain ca apóstolo urut ca', pain ca an xin tiquin' mi' urut pain capijam ta. Ac i ma' na ca tomi' cocon ma'. 26Ma' xi taramaja wi capari' cwa' ne ac caca na, ara ac cacain na ca ara taxipa' caca ma', mam' ac cacain na wixicon Matias ma' quem. Wum ta ac cocon na, jao jao ma' pan ac cocon na oro xucucun apóstolo co 11 nana ira#1.26 Ara taxipa' ac i ca' nana pane: Xirao' xirao' xam' nanain wixicocon pain oro wijimain pacun ma', xin xin ac cacain na. Ma' ta taxi' xun win ma' nexi' co taramaja wi xim napari' ta nana. Xin iri nanain ne, noro ac cacain na, mam' ac cacain na wixicon Matias ma'. Wum tara ta ac cocon na, apóstolo pin ac ca na Matias pane. .
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2023 Missão Novos Tribos do Brasil